shkelje

SHBA-ARRESTIMET-SHQIPTARET.mpg_snapshot_00.55.jpg
G. P.10:42 | 28/09/2018

105 persona, mes të cilëve dhe shqiptarë janë arrestuar nga autoritetet amerikane. Ata akuzohen për shkelje të ndryshme duke filluar nga qëndrimi i paligjshëm në territorin e Shteteve të Bashkuara e deri tek shitja dhe transportimi i drogës.

Autoritetet amerikane ka zhvilluar një operacion të gjerë 10-ditor, me synim kapjen e personave te inkriminuar dhe shkelësve të tjerë të emigracionit. Mësohet se në këto operacione 105 persona perfunduan në pranga të agjentëve. Të arrestuarit (96 meshkuj dhe nëntë femra) përfshinin shtetas nga 21 vende si: Shqipëria, Kina, Republika Çeke, Maqedonia, Meksika, Vietnami dhe shumë shtete të tjera.

Operacioni është kryer nga Zyra e Shteteve të Bashkuara për Emigracionin dhe Doganat dhe agjentët e deportimit. Shumica e të huajve të shënjestruar nga oficerët gjatë këtij operacioni, që përfshinte Michigan dhe Ohajon, kishin histori paraprake kriminale që përfshinin dënime për krimet e mëposhtme: dhunën në familje, sulmin, vjedhjen, kanë ngarë makinën nën ndikimin e drogës, sjellja kriminale seksuale e shkallës së dytë, hyrja e paligjshme në SHBA, shitja ose transportimi i kokainës dhe shumë të tjerë.

Arrestimet që nuk po gjykohen federalisht do të përgatiten për largim nga Shtetet e Bashkuara, shkruan agjencia federale amerikane. Dhjetë prej individëve të arrestuar gjatë veprimit të zbatimit janë pranuar për ndjekje penale për ri-hyrje pas dëbimit, një krim që dënohet deri në 20 vjet burg. Ata që kanë urdhra të jashtëzakonshëm të largimit, ose që u kthyen në Shtetet e Bashkuara në mënyrë të paligjshme pasi u dëbuan, i nënshtrohen largimit të menjëhershëm nga vendi./abcnew.al

POLICIA-PER-TRAFIKUN-1280x720.jpg
G. P.18:58 | 13/08/2018

Më pak shkelje të rregullave të qarkullimit rrugor nga ana e drejtuesve të automjeteve konstaton Policia përgjatë 72 orëve. Megjithatë, Drejtori i Policisë Rrugore në të dhënat që publikoi, tha se pavarësisht Apelit për respektim të ligjit sërish janë ndëshkuar 73 drejtues mjetesh.

Në një deklaratë për media drejtori i Policisë Rrugore Mithat Tola në një  analizë paraprake të situatës në akset dhe segmentet rrugore të vendit ka konstatuar se drejtuesit e automjeteve në fundjavë kanë qarkulluar në mënyrë korrekte në kolonë për shkak të mbingarkesës si dhe rrugëve të ngushta dytësore, ndërsa pë rata që kanë kryer parakalim përmes korsisë në sens të kundërt, Policia Rrugore ka vendosur gjobat sips parashikimit ligjor.

“Dua të informoj se mjete të uniformuara me simbolet e policisë dhe mjete jo të uniformuara të Policisë së Shtetit kanë qarkulluar “në kolonë me mjetet e tjera” në segmentet turistike me ngarkesë të madhe trafiku dhe kanë evidentuar këtë kategori drejtuesish mjeti në shkelje të hapur të normave të sjelljes, duke i transmetuar targat e mjeteve “kundravajtëse” shërbimeve të tjera të policise, të cilat kanë bërë ndalimin dhe ndëshkimin e kundravajtësve sipas dispozitës sipërpërmendur”.

73 drejtues mjetesh në 72 orë janë ndështuar për këtë shkelje, theksoi ai.

Aksioni i Policisë Rrugore këtë javë do të jetë kontrolli ndaj drejtuesve të mjeteve me dy rrota për mospërdorim të kaskove mbrojtëse; kontroll i drejtuesve të mjeteve që përdorin aparatet celularë gjatë drejtimit, tejkalimet e shpejtësisë, dhe respektimi i këmbësorëve nga drejtuesit e mjeteve në qendrat urbane. /abcnews.al

 

rural-services-livestock-cattle-cows-brown-edit.jpg
G. P.09:27 | 12/08/2018

Sipas policisë, një fermer i cili humbi jetën teksa po ushqente bagëtitë e tij, dyshohet të jetë marrë nëpër këmbë nga vetë kafshët. Ngjarja ndodhi në Groombridge të Anglisë ku trupi u gjet në fushë bashkë më lopët dhe viçat nga një ortak i tij. 64 vjeçari Stephen Sandys, u shpall i vdekur mbrëmjen e së premtes.

Autoritetet shprehen se nuk kanë dyshime të tjera për ngjarjen, përveç faktit se i moshuari mund të jetë shkeluar nga gjëja e gjallë.

Në fushën e kullotës, gjitashtu ndodhej dhe një dem 9 vjeçar shumë agresiv, i cili mendohet të jetë shkaktari i ngjarjes. Unioni i Fermerëve u shpreh se: “Rrethanat e vdekjes së të moshuarit janë të rralla për një fermer. Bagëtitë mund të kenë sjellje të paparashikueshme, por kjo racë zakonisht është e urtë dhe e lehtë për tu kontrolluar.”/abcnews.al

eria-skendaj.jpg
G. P.15:54 | 28/07/2018

Komiteti Shqiptar i Helsinkit ka kryer një monitorim në pikat kufitare të jugut për klandestinët që hyjnë në vendin tonë dhe kushtet që u ofrohen. Drejtoresha ekzekutive, Eria Skendaj, thotë se nga konkluzionet paraprake rezulton se në pikat kufitare nuk ka infrastrukturë për të pritur emigrantët e paligjshëm dhe në disa raste janë konstatuar edhe shkelje të të drejtave të tyre. 

Pas një monitorimi në pikat kufitare në jug të vendit nga Komiteti Shqiptar i Helsinkit rezulton se ka një rritje të numrit të emigrantëve të paligjshëm që hyjnë në vendin tonë.

Sipas drejtoreshës Eria Skendaj, pikat kufitare kanë mungesa në logjistikë dhe nuk kanë kapacitetet e duhura për të ushtruar kontrolle në të gjithë kufirin e gjelbër.

“Ku do të akomodohen këta persona për sa kohë institucionet e azilkërkuesve janë me kapacitet tepër të limituar. Kanë mungesa në personel për të bërë një kontroll efektiv në të gjithë kufirin e gjelbër”, tha Skendaj.

Në dogana janë konstatuar shkelje në respektimin e të drejtave të emigrantëve të paligjshëm dhe shtetasve shqiptarë e të huaj që hyjnë ose dalin nga vendi ynë.

“Ai mund të jetë i sëmurë me sëmundje infektive, ose për shkak se vjen nga vendet e luftës duhet të ketë një kujdes të menjëhershëm mjekësor. Për t’u kontrolluar nga një mjek dhe për të parë qoftë edhe sigurinë e personit, por edhe të personelit që e interviston atë. Pritej ardhja e mjekëve nga spitalet rajonale në raste se kishte probleme urgjence. Pra për pjesën tjetër që nuk i paraqiste këto probleme vazhdohej përpra pa një kontroll paraprak të mjekut, gjë që është një shkelje ligjore”, tha Skendaj.

Megjithëse flitet për një fluks të klandestinëve drejtoresha ekzekutive e Komitetit Shqiptar të Helsinkit pohon se policitë kufitare nuk kanë dhënë informacion për shifren e saktë të emigrantëve të paligjshëm që kanë hyrë në vendin tonë dhe kanë si destinacion përfundimtar vendet e BE-së./abcnews.al

sulme.jpg
G. P.11:38 | 25/02/2018

Vetëm një ditë pas miratimit në OKB është shkelur armëpushimi në Siri nga ushtria e presidentit Assad. Avionët e regjimit kanë rifilluar përsëri bombardimet në Gutën Lindore. Ndërkohë, rebelët që kontrollojnë zonën janë zotuar të respektojnë armëpushimin.

Regjimi sirian ka rifilluar bombardimin e pjesës lindore të Gutës, një kështjellë rebele, pavarësisht armëpushimit tridhjetë-ditor të miratuar nga Këshilli i Sigurimit i OKB. Alarmi është dhënë nga Observatori Sirian për të Drejtat e Njeriut, sipas të cilit rrethinat e Doumës, qyteti kryesor në zonë, janë bombarduar të paktën dy herë. OJQ-ja gjithashtu raporton përplasjen mes grupimit rebel “Jaik al-Islam” dhe forcave të regjimit të presidentit Bashar Al-Assad.

Sekretari i Përgjithshëm i OKB-së, Antonio Guterres, u bëri thirrje të gjitha palëve të lejojnë “dorëzimin e menjëhershëm të rezervave humanitare”. Të mërkurën e kaluar, duke folur në Këshillin e Sigurisë, shefi i OKB-së kishte përcaktuar gjendjen në Gutën Lindore si “një ferr në tokë”.

Dy grupet kryesore të rebelëve që kontrollojnë Gutën Lindore kanë njoftuar se do të respektojnë armëpushimin. Në një deklaratë grupi islamik “Jaich al-Islam” është angazhuar “për mbrojtjen e autokolonave humanitare për të hyrë në zonë dhe rezervon të drejtën për t’iu përgjigjur menjëherë të gjitha shkeljeve të kryera nga forcat e regjimit”. Një grup rebel, “al-Rahmane Faylaq”, tha se ishte gati të “respektojë armëpushimin” dhe “të lehtësojë hyrjen e të gjitha ndihmave të OKB-së në Gutën lindore”. Gjithashtu nënvizon se ka të drejtë legjitime për mborjtje dhe paralajmëroi se do t’i përgjigjet çdo agresioni.

Ndërkohë, armëpushimi u votua në mënyrë unanime në Këshillin e Sigurisë së OKB-së. Vendimi erdhi pasi në Gutën Lindore humbën jetën mbi 400 civilë për shkak të sulmeve ajrore të regjimit të Assad. Mes viktimave ishin mbi 100 fëmijë./abcnews.al

vlcsnap-error318-1280x720.jpg
ent ela15:51 | 12/01/2018

Inspektorati Shtetëror Teknik dhe Industrial ka bërë një bilanc të ndëshkimeve që ka vendosur gjatë vitit 2017. Rreth 180 subjekte janë gjobitur pasi është konstatuar se kanë kryer shkelje në shitjen e me pakicë dhe shumicë të gazit.

183 është numri i subjekteve të gjobitura nga Inspektorati Shtetëror Teknik dhe Industrial për vitin 2017. Shkeljet janë konstatuar në tregëtimin me shumicë dhe pakicë të karburanteve dhe të lëndëve djegëse, pajisjeve nën presion dhe instalimeve elektrike.

50 mijë  deri në 500 mijë lekë është masa e gjobave të vendosura. Vetëm për 6-mujorin e dytë të vitit 2017 shuma totale e tyre arrin në rreth 41 milion lekë.

Numri më i madh i shkeljeve ka ndodhur gjatë muajvë të verës, Në korrik 50 gjoba dhe në gusht 62 gjoba.

Largimi i temperaturave të larta ka pakësuar numrin e penalizimeve. Në muajt shtator, tetor dhe nëntor u penalizuan mesatarisht nga 15 subjekte në muaj. Në dhjetor akoma pë pak, vetëm 5 subjekte.

Mungesa e dokumentacionit, mungesa e Projektit Teknologjik të rezervuarit të gazit apo edhe mbushje bombolash për përdorim familjar në kundërshtim me ligjin janë disa nga shkeljet për të cilat janë gjobitur subjektet nga Inspektorati Shtetëror Teknik dhe Industrial./abcnews.al

vlcsnap-error941-1280x720.jpg
us er16:18 | 06/01/2018

Autoriteti Kombëtar i Ushqimit si pasoje e evidentimit të shkeljeve të vazhdueshme në zhvillimin e funksioneve të tyre dhe mospërmbushjen e objektivave për garantimin e sigurisë ushqimorë, ka marrë masën largim nga detyra për drejtorët rajonalë të AKU në Qarkun Korcë, Dibër dhe Lezhë.

Autoriteti Kombëtar i Ushqimit njoftoi se procesi i auditimit të aktivitetit të cdo punonjësi duke nisur nga pozicionet drejues e deri tek roli bazë në AKU, do të vazhdojë në mënyrë të pandërprerë duke mos toleruar asnje rast në mos përmbuyshjen e objektivit kryesor të këtij institucioni, garantimin e sigurisë ushqimorë në vend./abcnews.al

auto_Lulzim_Basha_oki1500810787.jpg
us er13:28 | 19/12/2017

Insiston të lexojë Kushtetutën, por gjykatën që e interpreton atë nuk do ta përdorë si uji që shuan zjarrin. Kështu u shpreh kryetari i opozitës Lulzim Basha një ditë pas zgjedhjes së kryeprokurores së përkohshme Arta Marku.

Destabiliteti dhe kërcënimi i demokracisë janë përgjegjësi që i kalojnë ato politike, ndaj edhe reagimi duhet të jetë i tillë tha Lulzim Basha duke kujtuar se kushtetuta është burimi i më të voglës liri qytetare, që sot e marrim për të mirëqënë.

Sa i përket lëvizjeve politike të opozitës dhe një djegie të mundshme të mandateve, kryetari demokrat tha se opsionet janë vlerësuar dhe mbeten të gjitha të hapura, kjo pasi opozita zgjidhet për të bashkëjetuar me pushtetin në një balancë të mundësuar vetëm nga standarti perëndimor.

Javët e para të janarit parashikojnë nisjen e valës së protestave të opozitës e cila falenderoi qytetarët që protestuan dhe mbështetje ndaj atyre që sot janë përballë gjykatës për këtë shkak./abcnews.al

 

 

 

 

vlcsnap-error406-1280x721.jpg
us er16:29 | 06/12/2017

Opozita akuzon Kuvendin se po shkel kushtetutën me shortin për Këshillin e Emërimeve në Drejtësi, i planifikuar për tu hedhur nesër. Kreu i grupit demokrat, Edmond Spaho, dorëzoi një letër në Kuvend, ku argumenton këtë paligjshmëri, sipas selisë blu.

Ndërprerje të menjëhershme të procedurës së shortit për KED deri në plotësimin e boshllëkut me krijimin e KLP dhe KLGJ dhe kërkimi i një opinion nga Këshilli i Legjislacionit të Kuvendit për zgjidhjen e këtij boshllëku.
Kjo është kërkesa, nga sot zyrtare e grupit të deputetëve demokrat.
Reagimi erdhi pas parashikimit nga Kuvendi të hedhjes së shortit për anëtarët e Këshillit të Lartë të Drejtësisë, organ i ri i krijuar pas ndryshimeve kushtetuese të korrikut 2016. Pas refuzimit nga presidenti i Republikës Ilir Meta, për hedhjen e shortit në kushte ekstra-ligjore, pasi institucionet nga duhet të burojnë kandidaturat, KLP e KLGJ, nuk janë ngritur ende, timonin e morën socialistët duke vendosur hedhjen e shortit më datë 7 në kryesinë e Kuvendit.
Këtu fillon edhe shkelja ligjore për demokratët, të cilët depozituan një letër përmes kreut të grupit parlamentar Edmond Spaho, ku pretendohet antikushtetutshmëri në veprimin e kreut të kuvendit Ruçi për nisjen e kësaj procedure përzgjedhëse.
Sipas kësaj letre, lista e kandidatëve mes të cilëve do të hidhet shorti për Këshilin e Emërimeve në Drejtësi, është kërkuar nga kreu i Kuvendit Gramoz Ruçi në një kohë kur kushti i parashikaur në Kushtetutë nuk ishte plotësuar ende, kjo pasi kreu i Kuvendit i kërkoi organeve ekszistuese të përpilonin lista të kandidatëve, pa kaluar hapsira kushtetuese që ja ngarkon presidentit këtë detyrë, data 5 dhjetor.
Njoftimi për hedhjen e shortit është bërë publik nga kryesia e Kuvendit më 22 nëntor duke mos zbatuar limitin kohor të paracaktuar për Presidentin e Republikës.
Konkluzioni i dytë i parashtruar nga demokratët në argument të antikushtetutshmërisë së këtij procesi është fakti se institucionet të cilat duhet të depozitojnë listat e kandidatëve nuk janë krijuar ende. Në mungesë të insitucionit KLP dhe atij KLGJ sot qeveria po bazohet në një dispozitë tranzitore e cila e ka humbur fuqinë e saj, sipas demokratëve të cilët kujtojnë se KED e përkohshme është zgjedhur më janar të 2017-s kur edhe u krijua institucioni për herë të parë.
Demokratët theksojnë gjithashtu se veprimtaria e KED është bllokuar qëllimisht në mënyrë që ky institucion të mos kryente procesin e parashikuar në kushtetutë të vlerësimit të kandidatëve për institucionet si Inspektori i Lartë i Drejtësisë apo Gjykatën Kushtetuese, sot të mbetur me tre vende vakante.
Në mbështetje të argumentave të demokratëve ishte edhe letra e kreut të grupit parlamentar LSI sa i përket shortit për KED./abcnews.al

 

 

 

vlcsnap-error081-1-1280x720.jpg
us er14:04 | 17/11/2017

Në një muaj e gjysëm kontroll në terren, tatimet kanë zbuluar se 22% e bizneseve kryejnë shkelje përkundrejt administratës tatimore.

Kontrollet e ushtruara në gati 17 mijë sipërmarrje në të gjithë vendin, kaneë vënë në lëvizje sipërmarrjen. Tatimet bëjnë të ditur se nga fillimi i muajit tetor janë janë mbyllur mbi 420 biznese informale, dhe u regjistruan rishtazi mbi 3700 biznese.

Ekipet tatimore në terren kanë nxitur lehtësisht edhe formalizimin e tregut të punës. Reth 760 punonjës në të gjithë vendin janë gjetur në punë të pasiguruar.

Nga kontrollet rezulton se edhe kompani të regjistruara dhe që paguajnë detyrimet rregullisht, kanë kryer shmangie tatimore e madje edhe evazion. Mbi 1400 biznese kanë kaluar si biznese që duhet të paguajnë tatimin mbi vlerën e  shtuar, pasi xhiro e tyre rezulton mbi kufirin tatimor.

Kjo është ndërhyrja e dytë e qeverisë tek bizneset, për të ulur informalitetin. Vlerësimet e përafërta flasin për një informalitet ende të lartë në vendin tonë, që mund të shkojë deri në 35% të prodhimit të brendshmëm bruto./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono