shkaterrim

sezoni-turistik-1.jpg
G. P.15:07 | 24/05/2019

Vendorët në Gjirokastër deklaruan se për këtë sezon turistik pritet dyfishimi i turistëve në parkun antik të Antigonëse, por rruga është e gjitha e dëmtuar. Shkarjet masive nisën në vitin 2016 dhe aktualisht gjendja nuk ka ndryshuar.

Në Antigone u bë festë për çeljen e sezonit turistik. Por rruga që të çon tek parku ka këtë pamje. Mbrojtëset anësore janë shkatërruar nga aksidentet në tërë gjatësinë e saj.

Shkarjet janë aq të shpeshta për shkak të përbërjes së saj shtuf saqë papritur mund të përfundosh poshtë. Në vitin 2016 për shkak të rrëshqitjeve, katër fshatra u izoluan. Dhe prej asaj kohe asgjë nuk ka ndryshuar. Vendorët thonë se nuk kanë fonde dhe nuk dinë se si do t’i joshin turistët për të vizituar dhe shijuar vendin antik.

“Ky segment nuk mundëson ardhjen me ritmin e duhur të turistëve. Jo vetëm ai segment, por edhe linja që tashmë nuk janë miratuar dhe të përcaktuara që duhet të kishte një linjë për agjencinë turistike për Antigonenë, për Labovën e Zhapës, për Urën e Kordhocës, për Picarin, për Kardhiqin. Pra një agjenci turistike që do të mundësonte lëvizjen e vizitorëve vendas dhe të huaj nëpërmjet transportit”.

Zona e Lunxhërisë dhe Antigonesë nxisin turizmin gjithëvjetor duke u mbështetur tek resurset natyrore dhe arkeologjike dhe promocionin e haneve. Në Antigone jetojnë aktualisht rreth 7000 banorë. Vitin e kaluar komuna priti rreth 2000 vizitorë, por për këtë sezon autoritetet lokale shpresojnë ta dyfishojnë këtë shifër.

Por në këtë gjendje në të cilën ndodhet rruga, vështirë të lëvizin banorët se vizitorët do alarmohen./ABC News Albania 24/7

toka-1.png
G. P.23:11 | 15/05/2019

Një video simulim ka zbuluar momentin shokues se çfarë do të ndodhte nëse një asteroid i madh do të godiste Tokën. Mësohet se pamjet janë krijuar nga “Discovery Channel” në vitin 2008, por po riqarkullojnë sërish në Twitter kohët e fundit.

Aty imagjinohet sikur një asteroid 500 kilometra i gjerë do të godiste oqeanin Paqësor. Vetëm pak pas impaktit, krijohet një valë gjigande me mbetje që ngjitet me shpejtësi në orbitën e poshtme të planetit.

Më pas rikthehen sërish duke shkatërruar në këtë mënyrë Tokën. Gjatë impaktit të dytë, krijohet një stuhi zjarri që rrethon tokën dhe avullon çdo gjë që jeton.

Nëse kjo ndodh, besohet se duhet vetëm një ditë që sipërfaqja e Tokës të bëhet e pabanueshme. Por mos u dëshpëroni! Fatmirësisht, gjasat që simulimi të bëhet realitet një ditë janë shumë të vogla.

NASA ka deklaruar se nuk ndodhet asnjë asteroid apo kometë në një kurs përplasjeje me Tokën për të paktën 100 vitet e ardhshme./abcnews.al

kepudha.jpg
G. P.13:45 | 16/02/2019

Kërkesës së protestuesve dhe opozitës për t’u larguar nga qeveria, kryeministri Edi Rama i është përgjigjur me dy postime në Tëitter. Në të parin publikon një foto me dixhiturën “Bashkëqeverisja me njerëzit në Vlorë dhe Politika e dalë boje në Tiranë”, duke treguar një foto në gjysmën e së cilës është takimi i tij në qytetin bregdetar dhe në gjysmën tjetër drejtuesit e opozitës me mbishkrimin “Boja”.

Në reagimin e dytë, shefi ekzekutivit ka shprehur keqardhjen për dëmtimin e veprës Kërpudha në hyrje të godinës së kryeministrisë duke i kërkuar ndjesë autorit bashkëkohor Karsten Holer.

“Kjo nuk është Shqipëria e ata nuk janë shqiptarët”, shkruan kryetari i qeverisë në statusin e tij në rrjetet sociale./abcnews.al

lulzim-bashaa.jpg
G. P.09:56 | 27/11/2018

Gjatë një interviste me gazetarin Adi Krasta, kreu i Partisë Demokratike Lulzim Basha deklaroi se opozita nuk po e përdor protestën e banorëve të zonës së Astirit për të përfituar politikisht. Basha tha se është detyra e opozitës të jetë pranë banorëve të 317 shtëpive që do të prishen, sipas tij, në shkelje të ligjit. Ai përsëriti akuzat se projekti i Unazës ë Re është një megavjedhje 40 milionë euro e taksave.

Basha tha se prej kohësh Partia Demokratike është e detyruar të jetë në një betejë misionare, jo në një betejë elektorale, pasi sipas tij gjithë koha e opozitës konsumohet nga trauma që i është shkaktuar shtetit, popullit, nga kriminelët në politikë dhe nga kapja e ekonomisë nga oligarkët. “Pa fituar këtë betejë misionare, për të rikthyer demokracinë, ndarjen e pushteteve, nuk mund të bëhet fjalë për një debat normal politik, prandaj edhe beteja e PD-së nuk është një betejë normale politike,”- tha kryedemokrati.

Këtë betejë ai e krahasoi me atë të zhvilluar para 3 dekadave, për të rikthyer besimin se Shqipëria mund dhe do të bëhet. Sipas Bashës tre prioritetet e opozitës mbeten pastrimi i institucioneve nga krimi, dekriminalizimi i zgjedhjeve dhe çlirimi i ekonomisë nga oligarkët që kontrollojnë fondet e pasuritë e shqiptarëve./abcnews.al

ura-e-zogut-1280x704.png
G. P.18:25 | 02/11/2018

 Një nga urat më të vjetra në vend, ajo e Zogut mbi lumin Mat në Milot po shkatërrohet e gjitha. Megjithëse është monument kulture për shkak të vlerave arkitekturore dhe historike, ura nuk mbrohet nga askush.

Mbajtëset anësore nuk ekzistojnë më. Hajdutët po kërkojnë për çdo copë hekuri. Ura e Zogut mbi lumin Mat në Milot ka vite që po shkatërrohet. E ndërtuar në vitin 1927, ajo ka vlera arkitekturore dhe është shpallur  monument kulture. Por pavarësisht kësaj, ura tani nuk ka asnjë mbrojtje. Dëmtimi i saj është i dukshëm dhe vazhdon në mënyrë permanente. Mbledhësit e skrapit ndodhen aty në çdo kohë.

Por nuk janë vetëm hajdutët e hekurave shkak i këtij rrënimi. Agjentët atmosferikë janë një tjetër kërcënim. Lumi i trajtuar brutalisht nga firmat e inerteve godet vazhdimisht këmbët e urës duke ia dobësuar ato. Betoni rreth tyre nuk ekziston. Ato mbahen vetëm me shufrat metalike. Nuk është e largët koha që kjo urë, e cila dikur lidhte veriun me qendrën e Shqipërisë të mos ekzistojë më./abcnews.al

MBULIM-BASHA-MANEZ.mpg_snapshot_00.13-1280x720.jpg
G. P.11:15 | 28/10/2018

Çfarëdo të thuhet nga kabineti qeveritar apo përkrahësit e qeverisë mbi arsyet që bindën ministrin e Brendshëm, Fatmir Xhafaj, të dorëhiqet nga detyra, e vërteta është ndryshe deklaron kryetari i Partisë Demokratike, Lulzim Basha.

“Fatmir Xhafaj u largua nga frika e përballjes me përgjegjësitë e tij ligjore dhe politike për manipulimin e hetimit ndaj vartësve të tij, drejtorit të Përgjithshëm Ardi Veliut dhe njerëzve të tjerë të përfshirë në manipulimin e dosjes hetimore për vëllain e tij”, tha Basha.

Kjo është e vërteta e vetme sipas Lulzim Bashës që i përgjigjet edhe atyre që dyshojnë se dorëheqja lidhet me njoftimin e një deklarate për shtyp të ish-ministrit Saimir Tahiri.

“Nuk ka meritë as ministri tjetër i Habilajve dhe askush tjetër për largimin e Fatmir Xhafës. Largimi i Fatmir Xhafës është dëshmi e forcës së pathyeshme të opozitës dhe Partisë Demokratike bashkë me qytetarët shqiptarë në luftën kundër krimit”, theksoi Basha.

Jo vetëm ia jep të gjitha meritat opozitës për dorëheqjen e Fatmir Xhafajt, por përfshin edhe faktorin ndërkombëtar, të cilit i janë janë hapur sytë sipas Lulzim Bashës.

“Operacioni policor i nisur me insistimin e faktorit ndërkombëtar nxorri në pah dhe vërtetoi atë që ne si opozitë e kemi thënë prej ditës së parë. Ky ishte momenti kur faktori ndërkombëtar e kuptoi se Fatmir Xhafaj nuk është gjë tjetër veçse një ushtar i bindur i Edi Ramës. Fatmir Xhafaj iku me turp. Iku i demaskuar para faktorit ndërkombëtar si njeriu i cili në fund të fundit është i detyruar të zbatojë urdhërat e bosit të tij si një vasal i Edi Ramës”, nënvizoi kreu i demokratëve.

Këto deklarata, kryetari i Partisë Demokratike i bëri nga Manza, një ndër zonat që qeverisen nga kryebashkiaku Vangjush Dako. Këtij të fundit i tregon se akrepat e orës së tij politike do të ndalen shumë shpejt.

“Vangjush Dako e ka vendin në burg, dhe në burg do të shkojë një orë e më parë, për korrupsionin, për vjedhjen, për bashkëpunimin me kriminelët”, u shpreh Basha.

E ka edhe një thirrje të fundit Lulzim Basha e kjo i drejtohet të gjithë qytetarëve. Për kryetarin demokrat duhet të largohet Edi Rama që beteja të quhet e fituar./abcnews.al

uragani-majkell.png
G. P.13:00 | 13/10/2018

Të paktën 18 viktima, me qindra persona të zhdukur dhe dëme materiale prej miliarda dollarësh, është ky bilanci tragjik por ende i përkohshëm i pasojave të uraganit “Majkëll” në Florida dhe Xhorxhia të Shteteve te Bashkuara të Amerikës.

Rëndohet bilanci i viktimave pas kalimit të uraganit “Majkëll” në Shtetet e Bashkuara të Amerikës. Sipas CNN, viktimat janë të paktën 18, tetë prej tyre në Florida dhe pesë në Virxhinia. Por bilanci tragjik mund të rëndohet në orët në vijim sipas autoriteteve.

Më shumë se një million persona janë ende pa energji elektrike dhe ndërhyrja e shpejtë nuk ka mundur të shkojë në disa qytete të shteteve të prekura. Në Florida lagje të tëra janë përmbytur, ndërsa banorët kanë nisur të kërkojnë vetë të afërmit që rezultojnë të zhdukur.

Skuadrat e shpëtimit që pengohen nga ndërprerjet e energjisë elektrike por dhe mungesa e sinjalit telefonik, po përdorin qenë dhe dronë në kërkim të qindra personave që rezultojnë të zhdukur. Në plazhin e “Meksiko Beach” në Florida askush nuk mund të japë numrin e saktë të personave që janë larguar.

Sipas autoriteteve amerikane uragani Majkëll është më i ashpri i 25 viteve të fundit. Në Panama Siti janë evakuar dy spitale, ndërkohë që guvernatori i Floridas u shpreh se shtëpi, biznese dhe rrugë të tëra janë shkatërruar. Presidenti amerikan Donald Tramp ka miratuar fondin e emergjencës për zonat e prekura./abcnews.al

drone.jpg
G. P.22:43 | 21/08/2018

Qeveria kolumbiane ka filluar një strategji të re për të shkatërruar plantacionet, të cilat përdoren për të prodhuar kokainë.

Tashmë në vendin amerikano-latin do të përdoren dronë, të cilët do të gjurmojnë fushat e paligjshme me drogë.

Mirëpo kritikët kanë paralajmëruar se afrimi drejt kësaj teknologjie në të ardhmen mund të ketë nevojën e një zgjidhjeje politike.

Drejtori i kompanisë së dronëve, German Huertas tha se pajisjet kanë eleminuar rreth 90 përqind të fushave me kokainë gjatë testimeve në provincën Narino.

Gjatë provave u përdorën 10 dronë, secili peshonte 23 kilogramë dhe mbante pesticide për helmimin e bimëve.

Këto masa janë pjesë e planit të presidentit Ivan Duque për të çrrënjosur prodhimin e kokainës në Kolumbi. /abcnews.al

lendimm..jpg
G. P.11:30 | 26/07/2018

Zjarret masive që përfshinë Greqinë kanë lënë pas shkatërrim dhe hi. Qyteza e Matit, ndër më të prekurat nga flakët, i ngjan një qyteti fantazmë. Ndërkohë, reduktimi i fondeve për shërbimet e emergjencës është kthyer në objekt debatesh në Athinë.

Dëmet materiale të shkaktuara nga flakët e zjarrit të tmerrshëm në Greqi janë të pallogaritshme. Tashmë, zona e prekur i ngjan më shumë një qyteti fantazmë ku çdo gjë është shkrumbuar.

Në qytezën e Matit, në rajonin e Atikës, nuk ka mbetur thuajse asgjë, pasi zjarri shkrumboi gjithçka që i doli para.

Flakët përpinë të gjitha banesat, makinat dhe ata që nuk u larguan dot në kohë nga zona e ferrit. Ngjarja ka shkaktuar vuajtje dhe dëshpërim tek personat që humbën njerëzit më të afërt të tyre. Në një hotel turistik të Matit u gjetën 26 persona të vdekur, të gjithë të përqafuar me njëri-tjetrin.

Ndërkohë, politikat e kursimit të shtetit grek janë një tjetër aspekt i tragjedisë për faktin se ato kanë prekur edhe repartet e zjarrfikësve. Ky sektor pa t’i shkurtohej buxheti me 34 milionë euro në 9 vjet, lëvizje kjo që ka kufizuar gatishmërinë e reparteve për të reaguar ndaj zjarreve.

Dhe në fakt, disa dëshmitarë të tragjedisë së fundit thanë për mediat greke se nga momenti i rënies së zjarreve deri tek ndërhyrja e zjarrfikësve kaloi shumë kohë. Situata emergjentë detyroi shtetin helen t’u kërkonte ndihmë fqinjëve.

Ndërkohë, komisioneri i BE për Ndihmat Humanitare, Kristos Stilianides ka deklaruar se vendet anëtare do të ndërmarrin masa të reja për të reaguar ndaj tragjedive natyrore.

Duke shprehur solidaritetin me popullin grek në këto momente të vështira, Komisioni Europian të mërkurën uli flamujt e vendeve anëtare në gjysmë shtizë./abcnews.al

cnn-1280x720.jpeg
G. P.17:04 | 24/07/2018

Sa vjen e rëndohet bilanci i viktimave të zjarreve masive që kanë rrethuar Athinën. Të dhënat zyrtare flasin për 74 të vdekur në veri-lindje të kryeqytetit grek dhe 556 të plagosur, nga të cilët 16 në gjendje të rëndë.

Por kryebashkiaku i lokalitetit të Rafinës, Evangelos Bournos ka paralajmëruar se viktimat mund të jenë mbi 100. Sipas zyrtarit, shtëpitë e shkatërruara nga flakët janë rreth 1.500 dhe çuditërisht, ka nënvizuar ai, nuk ka ardhur asnjë urdhër evakuimi. Ndërkohë, mijëra persona të tjerë janë evakuuar.

Qyteza e Matit, më e prekura nga zjarret, është mbuluar nga hiri që ka arritur deri në kryeqytet. Trupat e viktimave janë gjetur në vende të ndryshme. Në një shtëpi, anëtarët e familjes, prindërit dhe dy fëmijët u gjetën me trupat të shkrumbuar, por të përqafuar.

Ndërkohë, një grup prej 26 personash janë gjetur të përvëluar në majë të një shkëmbi, në përpjekje për t’u shpëtuar flakëve. Shumë prej banorëve të lokalitetit turistik kanë vërshuar drejt detit, por as atje nuk kanë gjetur shpëtim. Të paktën 5 trupa të pajetë janë rekuperuar në brigjet e Rafinës, ndërkohë që Roja Bregdetare u ka ardhur në ndihmë të paktën 700 personave të tjerë.

“Kjo që po ndodh nuk do të kalojë pa marrë përgjigje”, ka deklaruar ndërkohë kryeministri Alexis Tsipras, i cili ka hedhur dyshime se zjarret kanë qenë të qëllimshme, nisur nga fakti se në 24 orë janë regjistruar 47 vatra.

Disa media greke spekulojnë se zjarrvënësit kanë hyrë në veprim për të plaçkitur shtëpitë e braktisura nga turistët, ndërsa të tjera flasin për zjarrvënie të qëllimshme me qëllim nxitjen e ndërtimeve abuzive./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono