shkarkimi

avioni-los-anxhelos.jpg
nev ila12:32 | 15/01/2020

Të paktën 60 persona mes të cilëve 20 fëmijë, kanë mbetur të plagosur pasi një avion me probleme mekanike, është detyruar të shkarkojë një pjesë të karburantit, mbi një zonë në periferi të Los Anxheles.

Të gjithë të plagosurit nuk janë në gjendje të rëndë. Ata janë duke u mjekuar kryesisht për irritime të forta të syve.

Pjesa më e madhe e fëmijëve mbetën të plagosur kur një pjesë e karburantit përfundoi në zonën e lojës së shkollës fillore.

Fluturimi i avionit kishte nisur nga aeroporti ndërkombëtar i metropolit kalifornian dhe drejtohej për në Shangai.

Por për shkak të problemeve të hasura në fluturim është detyruar të rikthehet në aeroport./abcnews.al

 

shkarkimi-trump-1280x634.jpg
nev ila12:27 | 15/01/2020

Akti i dytë , dhe ndoshta goditja më e fortë për shkarkimin e Donald Trump, pritet të kryhet gjatë ditës në senatin amerikan. Votimi i pritur në dhomën e deputetëve për transferimin e akteve të procedurave në degën tjetër të kongresit amerikan, do të ndodhë sot.

Lajmi u konfirmua nga kryetarja e kongresit, demokratja Nensi Pelozi.

Ky kalim u vonua si pasojë e përplasjeve politike për pranimin e dëshmitarëve në këtë fazë të procesit, që sheh Trump të mbështetet në një mazhorancë të qëndrueshme në senat.

Pelozi u shpreh se amerikanët meritojnë të vërtetën dhe se kushtetuta e vendit parashikon një proces. Presidenti dhe senatorët duhet të mbajnë përgjegjësitë e tyre, theksoi ajo.

Kreu i mazhorancës në senat, republikani Miç Mekonell caktoi datën 21 janar për debatin duke paralajmëruar se kërkesa për të pasur dëshmitarët aty mund të rezultojë si një boomerang.

Tre republikanë kanë deklaruar se janë pro pranimit të dëshmitarëve, por që kërkesa të miratohet duhet të jenë katër.

Republikanët mund të kërkojnë që të dëshmojnë dhe informatori që nisi gjithë cështjen, një analist i CIA-s, identiteti i të cilit është i mbrojtur. Ky i fundit sinjalizoi presionet e kreut të shtëpisë së bardhë ndaj qeverisë ukrainase.

Një çështje e sigurisë kombëtare sipas tij, e cila u vu në rrezik nga përpjekjet e Trump për të dëmtuar rivalin e tij kryesor politik Joe Biden.

Trump akuzohet për abuzim me pushtetin dhe pengim të Kongresit./abcnews.al

dritan-dajti-bllok-logo.jpeg
nev ila15:34 | 14/01/2020

Përpara 4 ditësh nën masa të rrepta sigurie Dritan Dajti u shoqërua jashtë qelisë së tij me shkakun se duhet të shkonte te dentisti në zonën e ish-Bllokut.

Zona e ish-Bllokut u ‘blindua’ e gjitha, nga efektivët e shumtë të policisë kjo u pa edhe nga disa pamje të publikuara gjatë shoqërimit të Dajtit.

Por ministrja e drejtësisë Etilda Gjonaj përmes një njoftimi për shtyp, ditën e sotme, njoftoi se pas marrjes njoftim nga mediat, se Dritan Dajti kishte lënë qelinë, për tu trajtuar në një nga klinikat e kryeqytetit, strukturat kishin filluar hetimin.

Hetimi kishte filluar për të parë nëse ishin respektuar të gjithë procedurat nga ana e autoriteteve përgjegjëse.

Pas hetimit nga ana e SHKB dhe strukturave të posaçme të Drejtorisë së Përgjithshme të Burgjeve, rezultoi se strukturat e përgjegjëse për këtë rast,  nuk kishin ndjekur procedurat ligjore.

Procedurat ligjore diktojnë se të dënuarit, mund të kryejnë vizitat e tyre mjekësore, në institucionet publike.

Ndërkohë strukturat përgjegjëse kanë dhënë aprovimin për kryerjen e vizitave mjekësore në një klinikë private pa vlerësuar faktin se Dajti mund të kryente vizitat e tij në institucionet publike të shëndetësisë.

Për këto shkelje procedurale ministrja Etilda Gjonaj ka vendosur shkarkimin e drejtuesve të burgut të Peqinit.

  1. Lirimin nga detyra të Drejtorit të IEVP-së Peqin, z. Emin Shpata për shkelje të rëndë.
  2. Lirimin nga detyra të Drejtorit të Policisë së Burgjeve, z. Bardhyl Kaçorri për shkelje të rëndë.
  3. Largim nga puna të mjekut të IEVP Peqin, z. Andi Andoni.
  4. Lirim nga detyra të shefit të Forcave Operacionale në Drejtorinë e Përgjithshme të Burgjeve, z. Ferit Mici.
  5. Vërejtje me paralajmërim për mjeken e DPB znj. Ermira Qirinxhi.
  6. Vërejtje me paralajmërim për inspektorin e IEVP Peqin, z. Mefat Shehu.

Njoftimi i Ministrisë së Drejtësisë:

Ministria e Drejtësisë, pasi është vënë në dijeni të ngjarjes së bërë mediatike, se më datë 10.01.2020, i dënuari D.Dajti. ishte shoqëruar nga efektivët e Policisë së Burgjeve për të kryer disa vizita mjekësore në poliklinikën e specialiteteve Nr.2 në Tiranë si dhe në një klinikë private në zonën e ish bllokut, ka ngritur dy grupe pune të pavarura për fillimin e hetimit për zbardhjen e ngjarjes.

Shërbimi i Kontrollit të Brendshëm në Burgje dhe Drejtoria e Përgjithshme e Burgjeve me strukturat e saj të posaçme, kanë hetuar dhe verifikuar të gjitha veprimet e kryera nga zinxhiri i të gjithë strukturave përgjegjëse.

Nga hetimi dhe analizat e pavarura të tërësisë së fakteve dhe provave të kryera nga grupet e hetimit, kanë arritur në të njëjtat rezultate duke konstatuar se strukturat drejtuese dhe të kujdesit shëndetësor në IEVP-në Peqin si dhe strukturat shëndetësore e policore në Drejtorinë e Përgjithshme të Burgjeve, të përfshira në trajtimin e rastit konkret, nuk kanë ndjekur procedurat ligjore dhe rregulloret e brendshme për vlerësimin e kërkesës së të dënuarit për kontrolle mjekësore jashtë institucionit të burgjeve.

Sipas të gjitha të dhënave, është konkluduar qartazi se në shkelje flagrante me ligjin, stafi mjekësor e drejtues në IEVP-në Peqin nuk kanë  kryer asnjë proces vlerësimi të kërkesës – në profilin mjekësor dhe operacional të riskut – dhe nuk ka marrë në konsideratë asnjë mundësi për kryerjen e vizitave mjekësore pranë strukturave shëndetësore publike të afërta me institucionin e vuajtjes së dënimit.

Nga hetimi është konkluduar se është shkelur neni 33 i ligjit “Për të drejtat dhe trajtimin e të dënuarve me burgim dhe të paraburgosurve”, dhe i nenit 106 të rregullores së përgjithshme të burgjeve parashikohet se të paraburgosurit dhe të dënuarit mund të kërkojnë që të vizitohen, me shpenzimet e tyre, nga një mjek i zgjedhur nga ata. Por kjo kërkesë vlerësohet nga strukturat  përkatëse duke vlerësuar mundësitë për marrjen e trajtimit të specializuar të të dënuarit nga spitali i burgjeve dhe organet shtetërore përkatëse të shëndetësisë.

Pavarësisht mundësisë së marrjes së këtij shërbimi në organet shtetërore përkatëse të shëndetësisë duke përfshirë spitalet publike, asnjë nga strukturat përgjegjëse nuk e ka vlerësuar dhe konsideruar kontrollin mjekësor në strukturat publike shëndetësore, por është dhënë aprovimi për kontrollin mjekësor në një klinikë private okulistike.

Drejtori i IEVP Peqin dhe strukturat shëndetësore të këtij burgu, si dhe strukturat shëndetësore në Drejtorinë e përgjithshme të burgjeve, në shkelje flagrante të dispozitave ligjore dhe të Urdhrit nr 7830 datë 31.7.2018 të Drejtorit të Përgjithshëm ‘Mbi Miratimin e Procedurës së sigurisë gjatë shoqërimit dhe transportit të të burgosurve’, nuk kanë kryer procesin e vlerësimit të riskut dhe mundësine e kryerjes së vizitave mjekësore pranë strukturave shëndetësore publike.

Nga strukturat e Policisë së Burgjeve të përfshira në këtë rast, rezulton se nuk është kryer një vlerësim i situatës dhe të riskut, në shkelje flagrante të neni 11 pika 4 të Ligjit për Policinë e Burgjeve, duke mos vlerësuar dhe ndërmarrë masa të përshtatshme (as në procedurë dhe as në përmbajtje) për shoqërimin e të dënuarit jashtë institucionit, e duke sjellë një rrezik potencial për rendin dhe sigurinë, siç parashikohet edhe në urdhrin për shoqërimin e të dënuarve dhe paraburgosurve jashtë institucionit.

Gjithashtu, konstatohet se nga ana policisë së burgjeve dhe drejtuesit e saj nuk është zbatuar Urdhri nr 8925 datë 28.9.2017 “Mbi zbatimin e procedurave gjatë shoqërimit të të dënuarve dhe të paraburgosurve”, në pikën 8 të të cilit përcaktohet se plani i masave për sigurinë gjatë shoqërimit të tyre hartohet nga shefi i sektorit të forcave operacionale në DPB dhe miratohet nga Drejtori i Policisë”.

Nga hetimi është konstatuar se strukturat e Policisë së Burgjeve dhe drejtuesit e saj nuk kanë marrë miratimin e drejtorit të përgjithshëm të Burgjeve duke shkelur rëndë parashikimet e urdhrit Nr. 7830 datë 31.07.2018 “Përgatitja dhe planifikimi i udhëtimit” si dhe “Rregullat dhe masat e sigurisë gjatë shoqërimit në gjykatë dhe qendra spitalore”, në të cilët parashikohet se përveç rasteve të urgjencës, të burgosurit që kanë nevojë për masa të larta sigurie nuk duhet të nxirren jashtë, pa autorizim paraprak të Drejtorit të Përgjithshëm.

Nga strukturat përkatëse të Policisë së Burgjeve dhe drejtuesit e saj, nuk janë zbatuar parashikimet urdhëruese të po këtij urdhri ku parashikohet se “në rastet e shoqërimit të disa të burgosurve të cilët mund të kenë profil të lartë mediatik apo për grupet e presionit, duhet marrë masa të veçanta. Në raste të tilla mund të jetë e nevojshme të reduktohet ekspozimi i tyre në publik dhe mohimi i aksesit të personelit të paautorizuar”.

Në rastin e planifikimit për vizitë të të dënuarit D.Dajti, nga hetimi rezultoi gjithashtu se në planin e masave nuk janë parashikuar masa lidhur me sigurinë e klinikës private dhe nuk është bërë një vlerësim paraprak i lëvizjeve të trupave shoqëruese.

Lëvizja e të dënuarit të sigurisë së lartë nga burgu i Peqinit në qendër të Tiranës (zonën e ish-bllokut), në shkelje të parashikimeve ligjore dhe të gjitha rregullave të mësipërme, përbën cenim të rendit dhe sigurisë publike.

Pas kryerjes së hetimit dhe analizave të kryera nga grupet e hetimit, evidentimit të përgjegjësive të të gjithë strukturave dhe punonjësve të përfshirë, janë marrë këto masa:

  1. Lirimin nga detyra të Drejtorit të IEVP-së Peqin, z. Emin Shpata për shkelje të rëndë.
  2. Lirimin nga detyra të Drejtorit të Policisë së Burgjeve, z. Bardhyl Kaçorri për shkelje të rëndë.
  3. Largim nga puna të mjekut të IEVP Peqin, z. Andi Andoni.
  4. Lirim nga detyra të shefit të Forcave Operacionale në Drejtorinë e Përgjithshme të Burgjeve, z. Ferit Mici.
  5. Vërejtje me paralajmërim për mjeken e DPB znj. Ermira Qirinxhi.
  6. Vërejtje me paralajmërim për inspektorin e IEVP Peqin, z. Mefat Shehu.

Gjithashtu, Ministria e Drejtësisë bën me dije se nga vlerësimi i kryer edhe i kuadrit ligjor dhe protokollove të zbatimit për rregullimin e të drejtave të personave për shërbim shëndetësor privat dhe në krahasim me aktet ndërkombëtare dhe të drejtat e personave të dënuar, janë konstatuar disa mangësi në normimin e proceseve të tilla.

Për këtë arsye, në përputhje dhe me të drejtat e personave të paraburgosur dhe të dënuar dhe rregullat evropiane për të dënuarit, me qëllim përshtatjen me masat që janë ndërmarrë për forcimin e sigurisë, Ministria e Drejtësisë shpreh vullnetin institucional dhe po ndërmerr të gjitha masat ligjore për rishikimin e procedurave ligjore dhe administrative për forcimin e protokollove të zbatimit dhe vlerësimit të kërkesave që cenojnë sigurinë publike./abcnews.al

seranaj-1.jpg
in a12:10 | 23/12/2019

Shkarkimi nga detyra e Zevendësdekanit të Inxhinierisë së Ndërtimit i erdhi në mënyrë të befasishme inxhinierit Agim Seranaj.

Profesori i inxhinierisë i cili denoncoi në media problemet e konstatuar në terren pas tërmetit të 26 nëntorit tregon  në ABC-n e mëngjesit ku flet për herë të parë pas shkarkimit nga detyra si e mori vesh lajmin.

“Më ktheu nga rruga, mbërrita në zyrën etij dhe më komunikoi shqetësimin e tij për të mos bashkëpunuar dot me zëvendës dekanin”, tregon Seranaj.

Seranaj nuk di të thotë saktësisht se çfarë e ka shtyre Dekanin Neritan Shkodrani ta shkarkojë pa motiv, megjithkëtë nuk përjashton mundësinë se mund ti ketë shkelur dikujt në kallo.

“Ka mënyrë të punuar pasiv dhe aktiv. Ka nga akta që mirpëresin ti përfshish, por ka nga ata si un që nuk durojnë të presin jam aktiv, dhe ktu ndoshta ka ndonjë element që të jetë trubulluar ndonjëri”, u shpreh ai.

Ndërkohë profesori i inxhinierisë i tregon Enkel Demit se me vendimin e shkarkimit shefi i tij nuk ka ndjekur proceduren.

“Shpresoj ta anulojë dhe të bindet që është një gabim”, tha ai.

Një ditë para shkarkimit nga detyra e zevendës dekanit të Inxhinierisë, Seranaj me një grup kolegesh i dërguan Kryeministrit dhe Presidentit sugjerimet e tyre për menaxhimin e situatës pas tërmetit, por ende nuk kanë marrë një përgjigje.

Ndërsa presin reagimin institucional inxhinieri ka një këshillë për qytetaret që iu janë dëmtuar banesat nga lëkundjet e tokës.

“Të mos lejojnë ndëryrje në objekt nëse nuk ka nj ëleje të aprovua rnga shteti”, theksoi Seranaj./abcnews.al

Capture-39.jpg
in a08:18 | 23/12/2019

Profesori Agim Seranaj është shkarkuar nga detyra e tij si zv/dekan i fakultetit të Inxhinierisë së Ndërtimit. I ftuar në “ABC e mëngjesit”, Seranaj shprehet se ende nuk është e shkruar arsyeja.

Ai thotë se të drejtën për të emëruar dhe shkarkuar sipas ligjit e ka dekani, për të cilën ka edhe procedura që sipas tij nuk janë zbatuar. “Shpresoj që gabimi do të korrigjohet”, u shpreh Seranaj.

Më tëj ai u ndal te situata pas tërmetit.

“Një profesionist duhet të japë kontribut personal. Jemi paralelisht për të ndihmuar qeverinë dhe shoqërinë. Të bëjmë detyrën ndaj qytetarit dhe shtetit tonë. Pjesa profesionale teknike duhet të drejtohet në mënyrë shkencore, profesionale teknike. Kemi propozuar të krijohet një autoritet rindërtimi. Në treg ka konkurencë të çdo aktiviteti. Në një tërmet të ardhshëm jemi më të përgatitur. Prej ngarkesavë në kohën kur kemi dorëzuar propozimimin qeveria ka qënë e angazhuar, shpresojmë që kjo javë të fillojë me dritën jeshile. Kërkojmë të bëhemi sa më ndihmues. Krijimi i këtij autoriteti të rindërtimit prodhon standardin me të cilin duhet të punohet. Standardi që kemi propozuar është përmirësimi i parametrave sizmikë”, tha Seranaj.

Më tej ai theksoi se një pjesë e ndërtesave të prishura nga tërmeti ishin për tu prishur për shkak të dëmtimeve. Por ai u shpreh se e rëndësishmë është të zbulohet kush është shkaku i dëmtitmit të këtyre godinave./abcnews.al

inxhinieria-e-ndertimit-kerkesa.jpg
nev ila20:23 | 21/12/2019

Një ditë para shkarkimit nga detyra të zv.dekanit të Fakultetit të Inxhinierisë së Ndërtimit Agim Seranaj pjesë e Shoqatës Shqiptare të Inxhinierëve Konsulent i dërgoi Kryeministrit dhe Presidentit disa sugjerime për menaxhimin e situatës pas tërmetit të 26 nëntorit.

Ashtu si me herët në media dhe në këtë kërkesë evidentoheshin një sërë problemesh të konstatuara në terren.

I tillë duhet të jetë akti i konstatimit që duhet të plotësojnë grupet e punës të cilat  po verifikojnë ndërtesat e dëmtuara nga tërmeti i 26 nëntorit.

Kjo sipas Shoqatës Shqiptare të Inxhinierëve Konsulent e cila ja ka dërguar dhe kryeministrit Edi Rama dhe Presidentit të Republikës Ilir Meta.

Akti i konstatimit u hartua  pasi një grup specialistësh me përgjegjës ish zëvendësdekanin e Inxhinierisë së Ndërtimit Agim Seranaj inspektuan situatën në qytetet e goditura nga lëkundjet sizmike.

Profesori i Inxhinierisë së Ndërtimit dha detaje nga puna në terren dhe kërkesa drejtuar shefit të qeverisë e kreut të shtetit një ditë para shkarkimit nga detyra e zëvendësdekanit.

Ashtu si Seranaj pati denoncuar dhe më herët në media dhe në këtë kërkesë  pasqyrohen disa prej problemeve të konstatuara pas  tërmetit të  26 nëntorit.

Ndër to renditet mungesa e një formulari të unifikuar, të dhënat kontradiktore për objektet e dëmtuara nga lëkundjet sizmike,  vakumi që ekziston sa i përket  aktivitetit të  institucioneve shkencore inxhinierike, mungesën e standardeve e normave të projektimit e zbatimit.

Ndërsa sugjerohet ngritja e një Autoriteti Teknik për Rindërtimin.

Ndërkohë Shoqata Shqiptare e Inxhinierëve Konsulentë në emër të të cilës i është dërguar dhe kërkesa e kryeminsitrit ka reaguar pas vendimit për shkarkimin e zëvendës dekanit të Fakultetit të Inxhinierisë së Ndërtimit Agim Seranaj.

Ajo i kërkon Fakultetit të shprehet publikisht për arsyet e vendimit të marrë pa motiv./abcnews.al

 

trump-putin.jpg
ger ta13:12 | 20/12/2019

Shkarkimi i presidentit të Shteteve të Bashkuara të Amerikës, Donald Tramp, nuk do të ndodhë. Deklarata u bë nga presidenti rus Vladimir Putin në konferencën e tij të përvitshme ku ishin të pranishëm mbi 1300 gazetarë nga vende të ndryshme të botës

Putin ishte i pari, dhe i vetmi lider deri tani, i cili ka dalë në mbrojtje të kolegut të tij amerikan. Gjatë konferencës maratonë të drejtpërdrejtë, kreu i Kremlinit u përqendrua sidomos tek Ukraina.

“Jam i shqetësuar për fjalët e presidentit ukrainas Zelenski për sa i përket rishikimit të marrëveshjeve të Minsk. Nëse një gjë e tillë ndodh atëherë situata mund të përfundojë në një rrugë pa krye.”

Sipas tij nëse Shtetet e Bashkuara të Amerikës duan të ndihmojnë Ukrainën duhet t’i japin furnizime dhe jo të përpiqen të përmbajnë Rusinë.

Presidenti rus lavdëroi kryeministrin britanik Boris Johnson, i cili sipas tij diti të kuptojë më mirë se sa rivalët politikë humorin e shoqërisë për sa i përket Brexit. Për liderin e Kremlinit, kreu i Dauning Strit do të arrijë të nxjerrë vendin nga Bashkimi Europian.

Putin theksoiu se Rusia nuk ka nevojë për një kushtetutë të re por disa amendamente janë të mundshëm. Ai iu referua sidomos mandateve presidenciale të cilët mund të ndryshojnë duke u kufizuar në numër nëse është I njëjti fitues. Aktualisht mandate presidencial i Putin përfundonnë vitin 2024.

Kreu i Kremlinit, i cili në të kaluarën e ka konsideriat shpërbërjen e Bashkimit Sovjetik si katastrofën më të madhe gjeopolitike të shekullit 20, kritikoi liderin Bolshevik Lenin se e kishte ndërtuar Bashkimin Sovjetik si një konfederatë republikash në baza etnike të cilat jo gjithnjë korrespondonin me vendosjen gjeografike të komunitetit, duke krijuar në këtë mënyrë pika presioni. Ndër të tjera sipas Putin, shteti sovjetik ishte shumë i lidhur me partinë komuniste sovjetike, për këtë arsye sapo partia nisi të shpërbëhej dhe vendi pati të njëjtin fat./abcnews.al

trump-1.jpg
nev ila13:06 | 20/12/2019

Kandidatët demokratë për Shtëpinë e Bardhë zhvilluan debatin e gjashtë dhe të fundit në Los Anxhelos. Ata mbajtën një qëndrim të përbashkët për sa i përket shkarkimit të presidentit amerikan Trump, por nuk kursyen akuzat as për njëri tjetrin

“Dua një process të menjëhershëm në Senat”. Është ky mesazhi i shkruar në Twitter nga presidenti amerikan Donald Trump duke iu referuar këmbënguljes së demokatëve për shkarkimin e tij.

Mbrëmjen e të enjtes ishte dhe debati i fundit mes kandidatëve demokratë për në Shtëpinë e Bardhë. Ish zëvendës presidenti amerikan Xho Bajden u shpreh se votimi për shkarkimin e Trump ishte një domosdoshmëri e kërkuar nga kushtetuta e cila do të risjellë integritetin në zyrën e presidencës.

Kreu i shtëpisë së bardhë nga ana e tij u shpreh se çështja e prezantuar nga demokratët është aq e sajuar sa ata vetë nuk duan një proces. Ndërsa kandidatët demokratë ishin të gjithë dakord për sa i përket shkarkimit të Trump.

Shtatë kandidatët demokratë për në shtëpinë e Bardhë, debatin e gjashtë dhe të fundit të vitit, u shprehën të bindur se vënia nën akuzë e presidentit ishte dicka e domosdoshme dhe një detyrë kushtetuese.

Por menjëherë pas shprehjes së këtij qëndrimi, të gjithë ishin kundër njeri tjetrit duke braktisur atë korrektësi politike që kishin në fillim.

Pas një pjese të parë të ngadaltë për sa i përket debateve, rivalët nisën sulmin. Në objektiv ishte sidomos Pete Butigieg, kryebashkiaku i Sauth Bend i cili po ecën përpara në sondazhe në Ajoua, shteti i parë që do të votojë në 3 shkurt.

Sulmi i parë erdhi nga Elizabet Uaren, e cila e kritikoi për mbledhjen e fondeve në një kantinë në pronësi të disa milarderëve duke pirë verë 900 dollarëshe.

Butigieg u mbrojt duke thënë se ishte i vetmi aty që nuk ishte as milioner dhe as miliarder, por ishte njeriu me më pak të ardhura në atë skenë.

Emi Klobukare, me një ton të vendosur i dha fund debatit duke thënë se nuk ndodhej aty për t’u marrë me këto gjëra. Por nga ana e saj ajo e akuzoi Butigieg për mungesë experience.

Ndërsa replika e tij ishte: Fitova si homoseksual në shtetin e Indianas të Majk Pens, që konsiderohet bastion i republikanëve.

Pa ndonjë gafë të vecantë apo tundime edhe Xho Bajden e kaloi testin e debatit duke u sjellë si rivali kryesor ashtu si dhe e nxjerrin sondazhet. Ai foli për bashkëpunim me republikanët pavarësish asaj që i kanë bërë familjes së tij së bashku me Trump.

Për Berni Sanders Tramp është një gënjeshtar patologjik. Senatori i Vermont nuk u shfaq në formë si herët e tjera.

Waren ishte më agresive se më parë, dhe atyre që i thanë se do të ishte presidentja e zgjedhur më e moshuar nëse do të fitonte, ajo u përgjigj se do të ishte dhe gruaja më e re që do të ishte zgjedhur ndonjëherë./abcnews.al

arben-malaj.jpg
R D17:43 | 18/12/2019

Arben Malaj, ish-deputet, ish-ministër i PS-së për disa vite, sot përballet me kolegët socialistë në Parlament, pasi Edi Rama ka propozuar shkarkimin e tij nga Këshilli Mbikëqyrës i Bankës Shqiptare.

Përpara se të bëhet votimi, Arben Malaj ka mbajtur një fjalim “himn”, duke deklaruar se deputetët po vendosen në rresht, gjë që s’ka ndodhur as në 1992. Ai deklaroi se po shkarkohet vetem se ka guxuar të thotë fjalën e lirë. Fjalën e lirë për keqqeverisjen e vendit nga Kryeministri Rama.

Ai e quajti “goditje pas shpine”, atë që po bën Rama. Ndërsa për kreun e Parlamentit, Gramoz Ruçi u shpreh se “me votimin për shkarkimin e tij në parlament po e mbyll karrieren politike me turp”.

“Korrupsioni dhe kapja e shtetit vret më shumë se termeti. Kostot financiare ndihen në jetën e shqiptarëve, në pasigurinë e tyre për të ardhmen. Një aksiomë thotë “pushteti absolut korrupton në mënyrë aboslute”. Asnjë bankë qendrore nuk ia del të mirëmbajë financat kur atmosfera politike është acid.

Nëse institucionet kushtetuese nuk funksionojnë, nëse vendi keqqeveriset atëhere pushtetarët kanë vetëm një qëllim: Pasurimin personal.

Kërkesa për heqje imuniteti kanë ardhur edhe dy herë të tjera në këtë parlament por kanë dështuar. Heqja e imunitetit dështoi në vitin ’92 kur deputetët me integritet refuzuan ti heqin imunitetin Rulit dhe Rukës. Në vitin 2004, PS-ja shpëtoi nga njolla kur vendosi të mos i heqë mandatin e deputetit Nikoll Lesit.

Sot Rilindja po më bën një gjyq politik. Ky është një turp në historinë e parlamentarizmit. Në vitin 2019 deputëtët e PS ndjehen të frikësauar nga Rama i cili po mbjell frikë kudo dhe po rrezikon ta kthejë vendin në neodiktaturë.

Duke shfrytëzuar gjithçka negative ju Shoku Rama arritët të bëheshit kryetari i rilindjes në PS dhe kryeministër i Shqipërisë. Por siç thotë Ezopi krushqia me njerëzit e ligj përfundon gjithmonë keq siç është duke përfunduar në mënyrë dështuese epoka juaj e drejtimit të Rilindjes dhe Shqipërisë.

E majta ka shumë personalitete që mund ta qeverisin Shqipërinë shumë më mirë sesa ju por dehja nga pushteti abuziv ju mban të lidhur siç mban droga të droguarit. Në jetë janë disa gjëra që nuk janë për shitje, integritetin tim nuk e kam ofruar për shitje.

Unë e kam kryer me korrektesë detyrën si anëtar i Këshillit Mbikëqyrës së BSH-së. Shkarkimi im është vetëm një hakmarrje personale e Edi Ramës”, u shpreh ndër të tjera Arben Malaj.

/abcnews.al

 

trump-1.jpg
ger ta14:10 | 18/12/2019

Demokratët amerikanë bënë publike axhendën e sotme për votimin për vënien nën akuzë të Donald Trump. Para votimit për shkarkimin e presidentit amerikan, fillimisht do të ketë gjashtë orë debat dhe të dy artikujt do të votohen ndarazi. Pasi deputetët amerikanë të kenë thënë fjalën e tyre për vënien nën akuzë të Tramp, kongresi do të votojë për shkarkimin ose jo të kreut të shtëpisë së bardhë.

Ndërkohë me mijëra persona kanë zbritur në shesh në qytete të ndryshme të Shteteve të Bashkuara të Amerikës, nga Boston në Nju Jork, poor dhe në Sharlot e Filadelfia për të protestuar kundër presidentit të tyre. në parula të ndryshme lexohet se regjimi Trump/Pence duhet hequr dhe se Tramp duhet të akuzohet dhe të shkarkohet.

Punimet në kongresin amerikan pritet të fillojnë pasditen e sotme, dhe për rreth një orë do të shpjegohen rregullat për votimin. Më pas do të jetë rradha e debatit. Dhe në fund votimi.

Në pritje të votimit presidenti amerikan Donald Tramp i ka dërguar një letër shumë të ashpër kryetares së kongresit, demokrates Nensi Pelozi: “Asnjë person inteligjent nuk beson atë që po thoni ju. Dhe nëse vazhdoni me këtë historinë e shkarkimit, historia do ju gjykojë pa mëshirë,” shkruan Tramp ndër të tjera./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono