sherri

kujtimi-edi-sherri.jpeg
nev ila13:29 | 12/02/2020

Kryeministri Edi Rama tha sot në Kuvend se Paketa Anti-KÇK është një e mirë e përbashkët për të gjithë shqiptarët, pa parti. Rama foli edhe për kontrollin e politikës, dhe tha se për politikanët është Inspektoriati i Lartë i Deklarimit, që verifikon të dhënat, teksa shkoi edhe tek gjyqtarët e prokurorët.

Rama tha se të gjithë gjyqtarët dhe prokurorët që nuk justifikojnë dot pasurinë, do të shkojnë në burg.

Më tej Rama foli për Operacionin Forca e Ligjit ku sipas tij ky operacion do të bëjë ndarjen e botës së krimit. Gjatë kohës që mbante këtë fjalë deputeti Kujtim Gjuzi ka filluar të flasë nga vendi duke iu “hakërryer” Ramës.

Rama: Nëse do të jetë i suksesshëm ky operacion do të bëhet ndarja e madhe e botës së krimit. Italia është në raport tjetër me mafian. Erdhi nga e njëjta gjë që po bëjmë ne sot: marrja e pasurisë. Jo më për krimin por për pasurinë e vënë nga krimi. Shyqyr zotit nuk jemi në vitit ’45 sepse njeriu është krijuar për t’ju përshtatur sistemit. Sistemi e merr njeriun dhe e bën ndryshe. I kam parë heronjtë e pas-pilafit. Flasin për Enver Hoxhën se nuk i ka dalë frika….

….Deputeti Kujtim Gjuzi flet nga vendi…

Rama: Kur e shoh natlmadhninë (i referohet Gjuzit) unë që vjen dhe del këtu, e flet, harron që ne Tironsit njiheshim edhe para ’90. E harron naltmadhënia këtë që na e tregon Tiranën e vet sikur ishte vatra e heroizmit antikomunist me atë vetë në krye. E harron naltmadhënia që unë e kam njoft edhe atëherë.

Gjuzi: Shyqyr që e pranove…

Rama: E kam njoft edhe në atë kohë. Je i mirëkuptuar, jo të gjithë e nxjerrin menjëherë lepurin, ke kohë.

Gjuzi: S’kam lepur unë… ca ke ti me babanë tënd… kriminel…

Rama: Edhe foltorja e parlamentit të shërben …

Rama: E vetmja gjë për të cilën ti edhe ju mund të garantoni, janë që Mustaqet tuaja nuk preken, asgjë tjetër.

Gjuzi: Degjo mos fol per mustaqet e mia se…./abcnews.al

turi3.jpg
Klejdi Kaimi13:33 | 06/02/2020

Nuk kanë të sosur problemet tek Barcelona. Pas zënkes mes kapitenit Leo Messi dhe drejtorit sportiv Eric Abidal tashmë mësohet se ka pasur dhe një debat tjetër në kampin katalanas.

LEXO EDHE: “Jepni emrat, ose…”, Messi fut në kolaps Barcelonën me këtë postim

Bëhet fjalë për një përplasje mes Messit dhe portierit Ter Stegen. Dyshja është përplasur me njëri tjetrin në stërvitje, fill pas humbjes me Valencian në kampionat. I gjithë sherri ndodhi për një top, siç raporton “El Pais”.

Orët e fundit situata nuk ka qenë aspak e qetë për shkak të deklaratës së Abidal. Messi nuk ka mbetur aspak i kënaqur dhe sipas mediave ai ka shkuar deri aty sa ka kërkuar largimin. Madje në Angli e quajnë të kryer kalimin e argjentinasit te Manchester City, ku ai do të ribashkohej me Pep Guardiolën. /abcnews.al

Barcelona-4.jpg
Igli Nikolli14:19 | 25/01/2020

Valencia-Barcelona ka nisur me probleme mes tifozëve. Kampionët e Spanjës do të përballen sot në 16:00 në “Mestalla” dhe ultrasit e kanë nisur betejën e tyre para kohe. Mediet spanjolle kanë publikuar imazhe rreth përplasjes së dy tifozerive jashtë stadiumit.

Shkopinj, flakadanë dhe karrige janë përdorur në sherr, teksa është krijuar një kaos i madh në rrugët e qytetit të Valencias. Policia nuk ka vonuar të mbërrijë dhe ardhja e saj ka trembur tifozët që janë shpërndarë dhe larguar. /abcnews.al

bert-budina-sherri.jpg
nev ila16:58 | 23/12/2019

Regjisori Edmond Budina merret në pyetje në polici pas denoncimit të Laert Vasilit për ushtrim dhune ndaj tij. Budina i tha ABC News se nuk ka pasur dhunë ndaj aktorit, është pse ai për herë të dytë gris posterat para teatrit.

Laert Vasili është shprehur në rrjetet sociale se është sulmuar me thonj në grykë dhe ka kërkuar ndihmë në spital.

Laert Vasili  siç shihet edhe nga video ka grisur posterin dhe simboliken e  protestës , mbishkrimin në hyrje të teatrit “ Mbro Teatrin”  në orën 2 të mëngjesit të së dielës.

Ndërkohë që aktori dhe regjisori Laert Vasili, publikoi më herët një video,  dhe një status  ku akuzon  Robert Budinën për ushtrim dhune.

Robert  Budina  është thirrur  në komisariatin nr 1 në Tiranë  për  të dëshmuar  pas kallëzimit penal të Laert Vasilit me pretendimin se  Budina  ka ushtruar dhunë ndaj tij.

Regjisori thotë se ky nuk është provokimi i parë  i Laert Vasilit ndaj aleancës, pasi edhe me date 20  dhjetor në orët e para të mëngjesit, ka grisur posterat.

Ndaj sipas Budinës, Aleanca e ka shpërfillur, pasi kauza e teatrit është kauza e mijëra qytetarëve dhe intelektualëve dhe nuk mund të sfumohet nga një individ si Laert Vasili, apo rasteve sporadike të provokimit.

Nga ana tjetër Budina, kur flet për  Laert Vasilin i drejtohet me ai, për disa arsye.

Me grisjen e posterave para teatrit ai është rreshtuar në krahun e gabuar të një artisti, thekson Budina, duke perifrazuar etiketimet e Vasilit, për alencën.

Prej 18 muajsh aleanca për mbrojtjen e teatrit  jo vetëm e mbron godinën nga projekti i shembjes, por  prej muajit shtator, kanë realizuar mbi 50 projekte artistike./abcnews.al

 

 

Sherri.jpg
Veronik Istrefaj23:22 | 10/12/2019

Lyon arriti të kualifikohej në fazën me eliminim direkt të UEFA Champions League, pasi ai barazim 2-2 kundër Leipzig ishte i mjaftueshëm.

Kur pritej të shpërthente festa në stadium “Parc OL”, gjithçka ka marrë për mbrapsht, kur një tifoz francez ka nxjerrë një banderolë ofenduese për mbrojtësin Marcelo.

Ky i fundit nuk ka bërë një sezon të mirë deri më tani në prapavijën e Lyon dhe tifozi në fjalë i shpalosi një baner me figurën e një gomari dhe me mbishkrimin: “Ke kurajon e një gomari!”

BAnderola e tifozit

Ky veprim i tifozit nuk i ka pëlqyer aspak kapitenit Memphis Depay, i cili është konfrontuar me tifozin.

Tifozë të tjerë vërshuan në fushë dhe u përplasën fizikisht me lojtarë e Lyon. U desh ndërhyrja e forcave të sigurisë që kaosi në të gjithë stadiumit të evitohej, por në atë segment të tribunave, vazhdon ende të ketë përplasje. Pamje jo të mira në “Parc OL”./abcnews.al

vlore-shkolla-1280x694.jpg
nev ila18:00 | 25/11/2019

Disa të rinj janë përfshirë në një përleshje fizike pasditen e sotme në qytetin e Vlorës. Dyshohet se shkak i sherrit mes të rinjve ka qenë një vajzë.

Sipas të dhënave paraprake, mësohet se disa të rinj kanë dhunuar fizikisht një bashkëmoshatarin e tyre, pranë Pallatit të Kulturës të qytetit bregdetar.

Një nga vajzat e cila ka qenë prezente në përleshjen mes të rinjve, ka humbur ndjenjat. Ende nuk ka një reagim zyrtar nga Policia e Vlorës, lidhur me këtë ngjarje./abcnews.al

pd.jpg
in a22:33 | 20/11/2019

Anëtari i Kryesisë së PD-së, Bardh Kadilli i ftuar në “Byro Politike”, është shprehur se vendi shkon në zgjedhje të parakohshme me presion institucional.

“Kjo zhurmë politike po prodhon një krizë të madhe si papunësia, varfëria e shqiptarëve. Nuk mund të vazhdojë kjo krizë, në zgjedhje të parakohshsme shkohet me presion institucional. Por do të ketë edhe përplasje më qytetarët. Qytetarët nuk do ta lënë me kaq, nuk mund të vazhdojë Rama të kalojë përtej çdo limiti”, tha Kadilli.

Sipas tij kryeministri Rama qëndron në pushtet me kriminelët.

“Edi Rama nuk bën të lumtur as socialistët as demokratët, mjafton të largojë kriminelët nga loja dhe mund ta shohim se si do të dali rezultati i zgjedhjeve”, u shpreh Kadilli.

Në debat me Gjergj Bojaxhi, ai tha se nuk mund të prodhojmë një forcë të re politike sa herë kemi zgjedhje.

PD është aty dhe është alternativë shqiptarët, jami një forcë politike që matemi me votë. Nëse shqiptarët nuk kanë mundësi të votojnë nuk ka garë. Duke përdorur krimin, paratë e drogës, duke mbjellë kanabis Edi Rama ka penguar zgjedhjet, tha Kadilli.

Ndërkohë Bojaxhi thotë se në kohën e PD ka pasur element kriminal që kanë mbështetur. Unë si qytetar po vidhem, dua nga partitë politike të mos ketë kriminelë, thekson Bojaxhi. /abcnews.al

MASAT-E-SIGURISE-TEK-EKONOMIKIU.mpg_snapshot_00.32-1280x720.jpg
ent ela16:29 | 08/11/2019

Pas konfliktit të ndodhur pak ditë më parë, drejtuesit e Fakultetit Ekonomik në Tiranë kanë shtuar masat e sigurisë për hyrjen e studentëve në auditore.

Pas konfliktit, shtohen masat e sigurisë për studentët në Fakultetin e Ekonomisë në Tiranë.  Studentët që janë transferuar  në ambientet e përkohshme tek ish-mensa e Qytetit Studenti dhe auditorët e godinës “Liria” do futen në mësim vetëm me Kartën e Studentit. Administratori i Fakultetit Ekonomik, Ermal Haxhiaj shpjegon vendimin e marrë për rritjen e masave të sigurisë.

Së shpejti në këtë fakultet parashikohet të implementohet edhe sistemi i check-init për rreth 5 mijë student.

Pasditen e së hënës në ambientet e Fakultetit Ekonomik u konfliktuan një grup studentësh me dy të rinj nga jashtë. Por, edhe pse policia i ka identifikuar autorët e konfliktit, nuk ka bërë ende arrestimin e tyre. /abcnews.al

 

 

KULE-PER-SHERRIN-TE-EKONOMIKU.mpg_snapshot_00.27-1280x720.jpg
ent ela15:07 | 05/11/2019

Një grup studentësh të Ekonomikut në Tiranë janë konfliktuar me dy të rinj nga jashtë fakultetit. Dekani Dhori Kule thotë se ngjarja nuk ka ndodhur brenda ambienteve të fakultetit dhe se për këtë duhej të përgjigjej Policia e Shtetit që ruan edhe zonën e Qytetit Studenti.

Një grup studentësh janë konfliktuar me dy të rinj pasditen e së hënës në ambientet e Fakultetit Ekonomik në Tiranë. Si pasojë e konfliktit, një student ka përfunduar në Spitalin e Traumës. Dekani i Fakultetit, Dhori Kule thotë se konflikti ka ndodhur jashtë godinës ku zhvillohej mësimi.

Dekani shprehet se në ambientet e Fakultetit ka roje sigurie private, hapësirën e jashtme ku ndodhi edhe konflikti e kontrollon Policia e Shtetit që siguron rendin në Qytetin Studenti.

Partia Demokratike e ka konderuar ngjarjen në Fakultetin Ekonomik si dhunim të institucioneve të arsimit të lartë. Ish-deputeti Luciano Boçi thotë se hyrja në auditore në mes të procesit mësimor e personave të paidentifikuar është një ngjarje e rëndë.

Për pedagogun e Fakultetit Ekonomik, kjo ngjarje është e paprecedentë dhe tregon se strukturat e shtetit nuk funksionojnë siç duhet.

Duke marr shkas nga sherre të tilla në ambientet e universitetit, studentët shprehen se shpesh ndihen të pambrojtur. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono