sherr

lo.jpg
in a19:53 | 18/11/2019

Mbrëmjen e sotme në Shkodër ka mbetur i plagosur 30-vjeçari, Driton Leka për shkak të dëmtimeve të marra në këmbë me mjete prerëse. Burime për abcnews.al raportojnë se policia po punon për kapjen e autorit, i cili mendohet se është një 20-vjeçar. Policia ndodhet në vendin e ngjarjes dhe po punon për sqarimin e rrethanave të kësaj ngjarjeje.

Informacion Paraprak:

Më datë 18.11.2019, ora 17:30, është paraqitur në Spitalin Rajonal Shkodër, shtetasi D. L. 30 vjeç, me dëmtime në këmbë me mjete prerëse. Nga verifikimet e para të bëra nga policia, dyshohet të jetë autor, shtetasi D. L. 20 vjeç dhe po punohet për kapjen e tij. Në vendngjarje ndodhen shërbimet e policisë dhe grupi hetimor dhe po punon për sqarimin e rrethanave të kësaj ngjarje./abcnews.al

policiaa-kosove.jpg
ger ta18:35 | 11/11/2019

Një përleshje fizike ka ndodhur sot në ministrinë e Tregtisë dhe Industrisë në Kosovë.

Lajmi është konfirmuar nga zëdhënësja e Policisë së Kosovës për Prishtinën, Flora Ahmeti, e cila ka thënë se ngjarja ka ndodhur rreth orës 14:00. Nga përleshja ka mbetur i plagosur një person.

Sot rreth orës 14:00 kemi pranuar një informatë për një përleshje fizike në MTI, ku një person ka pësuar lëndime trupore. Njësitet e nevojshme policore janë në vendin e ngjarjes dhe po merren me rastin”, ka thënë Ahmeti duke mos përmendur iniciale apo emra të personave./abcnews.al

sherri.jpg
Vladimir Prenga10:34 | 03/11/2019

Tensioni nuk mungon në futbollin e moshave. Një ditë më parë u luajt sfida Butrinti-Oriku për 19-vjeçarë, që përfundoi me shifrat 3-3. Vendasit nuk e kanë pritur mirë rezultatin dhe në fund të takimit kanë vërshuar drejt arbitrit të ndeshjes.

Shumë tension, ndërkohë që më pas shënjestra janë lojtarët miq që shkojnë drejt dhomave të zhveshjes. Ka përplasje aty, ndërkohë që ofendimet janë të shumta.

Futbollistët e rinj të Orikut më pas futen në dhomat e zhveshjes, sikurse shikohet në videon e publikuar nga “Kategoriaeparë_official” në Instagram. /abcnews.al

sherri-ne-itali.jpg
Vladimir Prenga10:42 | 22/10/2019

Sherr në ligat e ulëta në Itali dhe protagonistë janë shqiptarë, të cilët luajnë për ekipin e Arbërisë. Takimi Postal-Arbëria përfundoi në barazim 1-1 dhe sikurse raportohet nga “RTTR ALTO ADIGE”, gjithçka nisi për shkak të kontestimeve ndaj arbitrit.

Minutat shtesë, plot 13, nuk janë pranuar nga lojtarët e Arbërisë, ndërkohë që më pas kanë nisur grushtet dhe shkelmat mes futbollistëve të të dy ekipeve. Pamjet janë të qarta, ndërkohë që presidenti i Arbërisë, Issuf Camemam ka kërkuar falje për situatën e krijuar.

Për të ndërprerë sherrin është dashur ndërhyrja e karabinierëve, të cilët do të shohin pamjet e sherrit dhe do të nisin identifikimin e shkaktarëve të gjithë asaj rrëmuje pas ndeshjes. Normalisht do të merren edhe masa mbi gjithçka ka ndodhur. /abcnews.al

makina-e-policise.jpg
ad min18:54 | 05/10/2019

Disa protestues shqiptarë në Nju Jork janë përplasur fizikisht me stafin e regjisorit serb Boris Maguarski pas shfaqjes së dokumentarit serb “Pesha e Zinxhirëve 3”. Dokumentari përmban propagandë serbe dhe mbështetet dhe financiarisht nga presidenti Vuçiç dhe ministri i Jashtëm Daçiç.

Shfaqja e filmit dokumentar “The Weight of Chains 3”- “Pesha e zinxhirëve 3”, që sipas regjisorit serb Boris Maguarski, paraqet mënyra aktuale me të cilat se si serbët mund të rebelohen kundër padrejtësive të sistemit në të cilin jetojnë, nuk është pritur aspak mirë nga shqiptarët e Amerikës, të cilët për rreth dy orë protestuan para kinemasë SVA, në qendër të Nju Jorkut.

Dokumentari në fjalë zgjatë 54 minuta dhe është realizuar në Shtator të vitit të kaluar. Për filmin dokumentar reaguan edhe autoritet e Kosovës duke dënuar faktin se në këtë dokumentar Kosova paraqitet me një imazh të keq.

Nga ana tjetër Presidenti i Serbisë, Aleksandër Vuçiç, shefi i dilomacisë Ivica Daçiç, Marko Gjuriç, drejtori i të ashtuquajturës Zyre për Kosovën, e kanë mbështetur këtë dokumentar dhe financiarisht.

Dhjetëra forca të policisë njujorkeze, rrethuan dy anët e rrugës përballë kinemasë duke vendosur barrikada dhe bënë thirrje me megafonë për qetësi.

Por dhe nga stafi i regjisorit serb pati provokime pasi ata iu afruan protestuesve shqiptarë duke shpalosur një flamur serb, ku në qendër të flamurit, ishte vizatuar harta e Kosovës, me mbishkrimin ne gjuhën serbe, me germa të mëdha “Nuk e japim (Kosovën)”.

Në një moment tensioni njëri prej protestuesve arriti të çajë kordonin e policisë, dhe u përplas fizikisht me një pjesëtar të komunitetit serb.

Marko Kepi, presidenti i organizatës “Rrënjët Shqiptare”, i cili nëpërmjet rrjeteve sociale organizoi këtë protestë, komunikoi vazhdimisht me policinë, dhe dha deklarata për mediat njujorkeze duke sqaruar qytetarët për arsyet e protestës

ultras-dinamo.jpg
Vladimir Prenga11:51 | 25/09/2019

Plas në Rumani mes tifozëve. Tifozët e Poli Timisoara dhe ata të Dinamo Bucuresti janë përplasur mes tyre një ditë më parë. Gjithçka ndodhi para ndeshjes së Kupës së Rumanisë, mes UTA Arad-Dinamo Bucurest (përfundoi 1-3).

Timisoara është rreth 60 kilometra larg Arad dhe tifozët e Dinamos menduan të ndalojnë aty në një lokal, ku më pas u sulmuan dhe pati një sherr ku u përdorën sende të forta nga më të ndryshmet. Më pas mjaftuan dy policë për të shpërndarë turmën. /abcnews.al

poo-1280x606.jpg
ad min18:00 | 15/08/2019

Reagimi në kohë i policisë parandalon përshkallëzimin e mëtejshëm të një konflikiti mes tre adoleshentëve.

Policia e Lushnjës mori informacion se në fshatin Dushk kishte ndodhur një konflikt fizik mes tre adoleshentëve.

Pas marrjes së njoftimit policia ka shkuar në vendngjarje dhe ka konstatuar se midis shtetasit A.M., 16 vjeç dhe shtetasve E.N., 14 vjeç dhe F.R., 14 vjeç, kishte ndodhur një konflikt për motive të dobëta.

Gjatë konfliktit shtetasit E.N dhe F.R në bashkëpunim me njëri-tjetrin, kishin qëlluar me mjete të forta shtetasin A.M.

Me qëllim parandalimin e përshkallëzimit të konfliktit dhe të ndonjë ngjarjeje të mundshme kriminale, policia shoqëroi në ambientet e Komisariatit të Policisë Lushnjë për veprime të mëtejshme adoleshentët, si dhe ushtroi kontroll në banesat e tyre.

Si rezultat i kontrollit, në banesën e shtetasit A.M u gjet dhe u sekuestrua një armë zjarri automatik me një krëhër dhe 9 fishekë.

Në përfundim të veprimeve, Specialistët për Hetimin e Krimeve në Komisariatin e Policisë Lushnjë, arrestuan në flagrancë shtetasin A.M., 16 vjeç, banues në Lushnjë.

Materialet do t’i kalojnë Prokurorisë pranë Gjykatës së Shkallës Parë Vlorë për veprën penale “Prodhimi dhe mbajtja pa leje e armëve dhe municionit luftarak” në ngarkim të shtetasit A.M dhe “Plagosja e lehtë me dashje” në ngarkim të shtetasve E.N dhe F.R.

policia-tirane_1_3_14_03.jpg
ad min20:40 | 18/07/2019

Një 50 vjeçar ka mbetur i plagosur me armë zjarri pasditen e sotme në fshatin Qafëzez të Korçës. Policia lokale bën me dije se ngjarja ka ndodhur në ambientet e një lokali, pas një grindjeje për motive të dobëta. Po punohet për arrestimin e autorit të dyshuar të ngjarjes.

“Më datë 18.07.2019, në fshatin Qafëzez, në ambjentet e një lokali, gjatë një konflikti të çastit për motive të dobëta, shtetasi F.M, banues në Bekovë, dyshohet të ketë goditur me mjet të mprehtë shtetasin F.Ç, 50 vjeç, banues në Qafëzez, i cili aktualisht ndodhet në Spitalin e Korçës, nën kujdesin intensiv të  mjekëve. Shërbimet e Policisë, janë duke krehur zonën dhe po punojnë për kapjen e shtetasit F.M dhe sqarimin e mëtejshëm të rrethanave të ngjarjes”, thuhet në njoftimin e policisë./abcnews.al

thike-vrasje.jpg
nev ila20:50 | 09/07/2019

Një konflikt mes dy personave ka  përfunduar me një të plagosur me thikë. Ngjarja ka ndodhur mbrëmjen e së martës në një plazh privat në lagjen nr.1  të Sarandës.

Autori ende i paidentifikuar pas një debati me 40 vjeçarin Berti Tahiraj e ka qëlluar me thikë. I plagosuri është transportuar për të marrë ndihmën në spitalin e Sarandës. Dyshohet se dy pushuesit janë konfliktuar për motive të dobëta./ABC News Albania 24/7

maxresdefault-1-1280x720.jpg
nev ila10:52 | 07/07/2019

Punonjësit e Policisë rrugore ndërhyjnë për të parandaluar një konflikt në një autobus të linjës Kinostudio-Kombinat.

Gjatë ndërhyrjes , punonjësit e policisë rrugore janë kundërshtuar me dhunë nga dy shtetasit që po dhunonin fatorinon e autobusit, por neutralizohen dhe vihen në pranga.

Mbrëmjen e djeshme, në rrugën e “Dibrës” në Tiranë, në autobusin e linjës-Kinostudio- Kombinat, dy shtetas që ishin pasagjerë në këtë autobus, si pasojë e një konflikti të çastit po dhunonin fatorinon e autobusit.

Drejtuesi i autobusit kur ka parë dy punonjës të policisë rrugore që ishin me shërbim në afërsi të Spitalit “Nënë Tereza”, ka ndaluar autobusin dhe ka kërkuar ndihmën e tyre.

Punonjësit e Policisë rrugore kanë ndërhyrë menjëherë për të neutralizuar konfliktin, por dy shtetasit A.T., 24 vjeç, dhe F. K., 20 vjeç, banues të dy në Tiranë, kundërshtuan me dhunë edhe punonjësit e Policisë Rrugore, por nuk kanë mundur dot të largohen pasi janë neutralizuar dhe prangosur nga punonjësit e Policisë.

Në përfundim të veprimeve u bë arrestimi në flagrancë i shtetasve A.T dhe F.K, për veprat penale “Kundërshtimi i punonjësit të policisë së rendit publik” dhe “Goditja për shkak të detyrës”.

Materialet në ngarkim të tyre i kaluan Prokurorisë të Rrethit Gjyqësor Tiranë për veprime të mëtejshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono