shërbimet

77-1-1280x700.jpg
ad min14:46 | 08/08/2019

Qendrat shëndetësore në kryeqytet brenda këtij viti do të ofrojnë dhe shërbime sociale për personat në aftësi të kufizuar. 6 ekipe me mjeke dhe punonjës social do të shpërndahen në qarkun e Tiranës në shërbim të komuniteteve.

Aktualisht sipas zëvendësministres për Mbrojtjen Sociale Bardhylka Kospiri po përgatitën stafet që fillimisht do të merren me vlerësimin e ri sipas sistemit biopsikosocial të personave me aftësi të kufizuar.

Pas vlerësimit për këtë kategori sociale qendrat shëndetësore do të ofrojnë dhe shërbime rehabilitimi, si fizioterapi apo terapi për shëndetin mendor. Gradualisht kjo iniciative e Ministrisë së Shëndetësisë dhe Mbrojtjes Sociale  do të shpërndahet dhe në qytete të tjera. Synimi është që deri në  vitin 2024 të jetë shtrire në të gjithë vendin./ABC News Albania 24/7

sherbimet-dhe-bujqesia.jpg
ad min16:05 | 06/07/2019

Shifrat e punësimit janë një ndër temat kryesore të diskutimeve publike. Po cilët janë sektorët që mbajnë peshën kryesore të punësimit në vend dhe japin kontribut kryesor në ekonomi. Instituti i Statistikave ka analizuar të dhënat e vitit të shkuar.

Shërbimet dhe bujqësia vijojnë të mbajnë peshën kryesore të punësimit në vend. Rreth 80% e shqiptarëve punojnë në këto dy sektorë. 42,9 % në të parin dhe  37,4 % në të dytin, sipas Institutit të Statistikave që ka analizuar të dhënat e vitit të shkuar.

Ndërkohë që jo të gjithë ata që kanë një punë marrin dhe një pagë. 21.6% e të punësuarve janë punëtorë pa pagesë. Më shumë gra, gati 28.7% se burra 15.9% thotë Instituti i Statistikave që ndërkaq sqaron se punojnë në biznesin e familjes.

44,5 % e punonjësve paguhen për punën që bëjnë ndërsa  34 % janë të vetëpunësuar. Ndërkohë që po sipas INSTAT, burrat e kanë pasur më të lehtë se gratë të gjejnë një punë.

Hendeku gjinor në punësim për grupmoshën nga 15 deri në 64 vjeç ishte 14.3%. Vitin që lamë pas 52,4 % e grave dhe 66,7 % e burrave të kësaj moshe arritën të siguronin një punë./ABC News Albania 24/7

 

62647147_353296262036937_5648655638109093888_n.jpg
ent ela11:00 | 14/06/2019

Nga dje karta e studentit është jo vetëm fizike, por edhe elektronike, ku çdo student mund ta përdorë atë përmes celularit. Gjatë bashkëbisedimit me kryeministrin Edi Rama dhe banorë të njësisë nr 11 në kryeqytet, kandidati i “Aleancës për Shqipërinë Europiane”, Erion  Veliaj, theksoi se deri më tani janë shpërndarë 14 mijë karta, ndërsa sqaroi edhe çështjen e aboneve të studentit.

“Dje është shpërndarë karta e 14 mijë, me këtë ritëm në javë ne do të jemi tek 70 mijë. Abonetë printohen si letrat me vlerë që nga koha juaj në Bashki, nga Ministria e Financave. Porositë bëhen në maj për qershorin, në qershor bëhen ato për korrikun, pasi abonoja në thelb është valutë, dhe duke qenë se përdoren vetëm nga konviktet, ne bëmë një sistem që shpërndahet vetëm për konviktet. Tani që u shtua kërkesa do të shohim sa është dhe porosinë për korrikun do ta bëjmë më të madhe, në korrik fillon sezoni”, tha Veliaj.

Kryebashkiaku Veliaj theksoi se falë aplikacionit të ri, studentët do të mund të marrin shërbimet nga institucionet publike apo dhe kompanitë private më shpejt dhe më lehtë. Teksa theksoi se numri i tyre ka shkuar brenda një kohe të shkurtër në mbi 100, ai tha se të rinjtë që do të kenë Kartën e Studentit, do të njoftohen me email ose me sms për të gjitha shërbimet që entet publike apo ato private ofrojnë.

“Nga dje karta është edhe elektronike, do të thotë që nëse shtohet një dyqan i ri, një kancelari, floktorja, të vjen menjëherë oferta që është shtuar dhe një produkt, por kemi mbi 100 tani. Nga dje është edhe aplikacioni për Iphone dhe android. Ti fut emrin tënd dhe numrin e kartës te e-maili që ke dorëzuar, të vjen vetëm kodi, që mund ta përdorësh vetëm ti dhe këtu ke njoftime për aktivitete, nëse duam të shohim një koncert, shërbime publike, shërbime private. Te aplikacioni klikon Karta e Studentit, pastaj Karta Ime, shfaqet Barcodi dhe e përdor kush ka scanner e përdor me barcod, kush s’ka, e përdor me kartë fizike. Karta nuk ka mundësi falsifikimi, pasi karta është me fotografi dhe barcod, si karta e identitetit”, nënvizoi Veliaj.

Banorët e kësaj njësie vlerësuan punët e bëra në gjithë këtë zonë në këto 4 vite, ndërsa theksuan se për këtë meritë ka dhe kryetari i Bashkisë së Tiranës, Erion Veliaj dhe ekipi i tij. “Meritë të madhe ka dhe ky. Edhe ky ka meritë, ka bërë punë të shkëlqyera për këtë njësi”, tha një prej banorëve të pranishëm në këtë kafe me kryeministrin.

Një tjetër banor theksoi se e gjithë zona që sot është transformuar më parë ishte nën mbretërinë e ujërave të zeza që veç erës së keqe ishin edhe një vatër infeksionesh dhe sëmundjesh të ndryshme për banorët e zonës. “Më fal për shprehjen por fekalet këtu për disa vite nuk ndërhynte njeri. Tani ka lezet, shiko si është bërë”, tha një tjetër banor.

Ndërkohë që deputeti Ulsi Manja bëri të ditur se në këto 4 vite e gjithë zona e Laprakës ka përfituar mbi 7 milionë euro investime, çka kanë rritur ndjeshëm gjendjen e infrastrukturës si dhe ka krijuar hapësira të mëdha për fëmijët dhe qytetarët e tjerë. “Lapraka ka mbi 7 milionë euro investime”, tha Ulsi Manja.

MANASTIRLIU-PER-SHEFAT-E-SHERBIMEVE-QSUT.mpg_snapshot_01.46-1280x720.jpg
ent ela16:09 | 13/02/2019

Shërbimet spitalore në QSUT vijojnë të drejtohen nga shefa të paligjshëm. Ministrja e Shëndetësisë Ogerta Manastirliu thotë se e ka firmosur listën e fituesve, ndërkohë zyrtarizimi i emrave ka mbetur në tryezën e ministres së Arsimit Besa Shahini.

Ministrja e Arsimit Besa Shahini po mban peng 41 drejtuesit e shërbimeve në spitalin më të madh në vend. Shefat e rinj të shërbimeve në Qendrën Spitalore “Nënë Tereza” në Tiranë janë përzgjedhur që në muajin nëntor të vitit të shkuar, por duhet të zyrtarizohen nga ministrja e Arsimit Besa Shahini dhe ministrja e Shëndetësisë Ogerta Mansatirliu.

Manastirliut thotë se ajo e ka firmosur listën e fituesve e tashmë ajo është mbi tryezën e koleges së Arsimit.

Ministrja e Shëndetësisë sqaroi këtë çështje pasi inauguroi urgjencën e re të shërbimit infektiv në Qendrën Spitalore Universitare “Nënë Tereza” ku  bëri të ditur gjithashtu praktikën e re që do të ndiqet në këto shërbime.

 “Nuk do të lejohen familjarët në urgjenca, përvec rasteve kur kërkohet nga mjeku. Gjej rastin të bëj një apel, një lutje për qytetarët, të mirëkuptojnë personelin mjekësor”.

Kjo masë e Ministrisë së Shëndetësisë vjen pak ditë pasi një mjek infeksionist u godit nga i afërmi i një pacienti, ndërsa po i shërbente një tjetër të sëmuri. Kolegët e tij kërkuan përmirësim të kushteve të punës dhe shtim të stafit për t’ju përgjigjur fluksit të shtuar të pacienteve. Sa i përket kësaj çështjeje ministrja Manastirliu deklaroi:

 “Mungesa për katër vite e specializimeve patjetër që ka sjellë probleme sa i takon mjekëve të specializuar, por pas më pak se 1 muaji, diplomohen 300 mjekët e parë specialistë, ku mes tyre ka edhe infeksionistë që kanë kontratë me Ministrinë dhe do të shërbejnë në disa spitale rajonale, si dhe janë 4 mjekë që mund të rekrutohen, sipas procedurave, menjëherë nga drejtoria e QSUT-së. Sa i takon personelit infermieror, fituesit e shpallur nga konkursi transparent, po ashtu mund të punësohen sipas pikëve, edhe në këtë shërbim”.

Ndërkohë urgjenca e re e shërbimit infektiv është planifikuar për t’i shërbyer 40 mijë pacientëve ne vit.

Numri i shtretërve nga 6 ka shkuar në 15, janë krijuar dy bokëse izolimi për sëmundjet ngjitëse ndërsa qendra e imazherisë për ekzaminimet e skanerit, grafisë  apo ekove është përfshirë brenda godinës. /abcnews.al

stomatolog-1280x654.jpg
ent ela18:46 | 24/01/2019

Një vendim i Urdhrit të Stomatologëve që rritçmimet e shërbimeve bazë të dentistëve ka shkaktuar debat. PD e denoncoi si të paligjshëm, e Ministria e Shëndetësisë iu kundërvu vendimit.

Urdhri i Stomatologut në një mbledhje të Asamblese Kombëtare ka miratuar listën e re të çmimeve dysheme të shërbimit në klinikat dentale. Kjo listë çmimesh sipas urdhërit të stomatologut ka hyrë në fuqi në fillim të  2019 dhe të gjithë mjekët stomatologë, pjesë  e këtij  urdhëri, janë të detyruar ta zbatojnë.

Në listën që i është bërë e ditur Ministrisë së Financave dhe Ekonomisë për t’u implementuar në kasat fiskale, shihet se  çmimet për shërbimet  të dentisti rriten nga 60 deri në100%.

Ministria e Shëndetësisë reagon kundër këtij vendim duke sqaruar se nuk është në tagrin e Urdhrit të Stomatologut caktimi i çmimeve dysheme. Ndaj ky vendim, sipas  Ministrisë së Shëndetësisë, është i paaplikueshëm.

Edhe Partia Demokratike e ka konsideruar një vendim të paprecedentë, të paligjshëm dhe abuziv nga ana e Urdhrit të Stomatologut.

Bardh Spahia, nënkryetar i Komisionit të Shëndetësisë tha: “Me një vendim të paprecedentë të paligjshëm dhe abuziv precedenti i Urdhërit të Stomatologut Nikoll Deda, kandidati për deputet i Edi Ramas në Pukë urdhëron dentistët të rrisin gati dyfish çmimet për gati 13 shërbime. Është në shkelje të plotë të ligjit për Urdhërin e Stomatologut i cili nuk i jep asnjë të drejtë urdhërit të vendosë çmime për shërbimin që dentistët u japin qytetarëve”./abcnews.al

DIXHITALIZIMI-I-SHERBIMEVE-ABC-M5-T1.mpg_snapshot_00.19-1280x720.jpg
ad min14:20 | 22/12/2018

Drejtoria e Përgjithshme e Tatimeve ka bërë bilancin një vjeçar të shërbimeve që ofrohen nga platforma online e-Albania. Përmes këtij sistemi janë gjeneruar rreth 620 mijë vërtetime.

Një vit më parë nisi shërbimi on line pa asnjë kosto për bizneset, individët dhe institucionet publike.

Arben Ahmetaj: “Funksionon në dy mënyra kryesore pikë se pari, që këtu operatorët dhe specialistët informojnë sipërmarrjen për të gjitha problematikat që mund të dalin gjatë punës se përditshme. në të njëjtën kohë sipërmarrja ka mundësi që të pyesi specialistët online.”

Një vit më pas Drejtoria e Përgjithshme e Tatimeve deklaron se përmes platformës e-Albania janë gjeneruar rreth 620 mijë vërtetime.
Pjesa më e madhe janë vërtetime për pagesat e kontributeve të sigurimeve shoqërore dhe shëndetësore, të marra nga individë apo subjekte, por edhe për pagim detyrimesh. Janë rreth 10 shërbime që mund të merren në rrugë elektronike. Tatimpaguesit, individët dhe nënpunësit e Administratës Publike duhet të logohen në portalin e-Albania me anë të kredencialeve të tyre dhe më pas vërtetimet shkarkohen on line.

Dixhitalizimi i shërbimeve publike nisi në vitin 2015 me firmosjen e marrëveshjes së qeverisë me Bankën Botërore e cila financoi 32 milionë dollarë për programin “Inovacioni kundër korrupsionit – Ngritja e një modeli shërbimesh me në qendër qytetarin”. Prej tre vjetësh kryeministri Edi Rama ka premtuar ta sjellë shtetin në telefon, ndërsa sportelet të mbeten vetëm si një alternativë e dytë./abcnews.al

41313792_258010968376559_6634848947531677696_n-1280x720.jpg
ad min13:53 | 07/09/2018

“Vëmendja jonë është tek njerëzit, që nga dita e parë e jetës deri në ditën e fundit, me gjitha shërbimet që ofrojnë bashkitë tona”. Kështu, u shpreh kreu i Bashkisë së Tiranës, Erion Veliaj, në mbledhjen e Asamblesë Kombëtare të Partisë Socialiste, ku prezantoi disa nga arritjet dhe projektet e pushtetit vendor.

Teksa vlerësoi projektin e rilindjes urbane, Veliaj nënvizoi se parimi i PS për vëmendjen tek njerëzit, ishte një zgjedhje e shkëlqyer. “Nuk besoj se ka pasur një projekt tjetër më të rëndësishëm që i ka shenjuar qytetet se projekti i Rilindjes Urbane. Nëse ka diçka që do të ngelet pas 100 viteve, besoj se do të jenë dy gjëra: Partia Socialiste dhe qendrat e qyteteve. Sheshi “Skënderbej” do të jetë aty tërë jetën, Lungomarja e Vlorës po ashtu, Pazari i Korçës do të jetë aty tërë jetën. E falenderoj kryeministrin dhe qeverinë që vendosën të vendosnin qytetet si prioritet dhe tek vëmendja për njerëzit, fillimisht nga qytetet. Sot kur shikojmë sesi kjo po ndodh në Francë dhe se si Presidenti Macron po bën diçka të ngjashme, ne si ballkanas tipikë, ose atipikë, nuk jemi ksenofob, jemi ksenofil, i duam kur i bëjnë të huajt gjërat; por, vizion të tillë dhe punë të tilla kemi bërë edhe këtu në vendin tonë”, tha ai, teksa shtoi se falë këtyre investimeve nëpër qytete, jo vetëm është përmirësuar cilësia e jetës, por kanë gjeneruar edhe ekonominë e qyteteve.

“Fakti që bumi turistik u fokusua në qendrat e qyteteve tregoi se parimi i PS për vëmendjen tek njerëzit, aty ku ata gravitojnë, ku është jeta e tyre publike, që janë qytetet tona, ishte një zgjedhje e shkëlqyer”, nënvizoi Kreu i Bashkisë.

Veliaj theksoi se sfidë është programi i dytë i qeverisë, projekti “100 fshatrat”, për t’u siguruar që vëmendja për njerëzit të përfshijë edhe ata që jetojnë në fshat.

“Një punë e madhe është bërë nga bashkitë, për t’i lidhur qendrat e fshatrave me qytetin, por jo dhe aq për të krijuar një hapësirë publike brenda fshatrave ku me agroturizmin dhe iniciativat e tjera e kemi potencialin ta bëjmë me projektin e “100 fshatrave”. A mos ka ardhur momenti që të vendosim disa kritere, ku në vend të mbushim dhe t’i kthejmë në parkingje njerëzish zyrat tona të bashkisë, ndoshta një pjesë të madhe të financimeve mund t’i çojmë në investime dhe më pak njerëz? Më shumë dixhitalizim, më shumë kompjuterizim, mund të na ofrojë shërbime që pastaj na lirojnë fonde për të bërë investime publike. Ajo që unë kam vënë re si kryetar bashkie dhe si kryetar i Shoqatës, është që njerëzit nuk kanë problem të paguajnë taksat, nëse ato i paguajnë të gjithë, dhe nëse dikush nuk përjashtohet. Dhe e dyta, nuk kanë problem të paguajnë taksat tona modeste nëse marrin shërbime mbrapsht”, tha Veliaj, ndërsa kërkoi që të gjitha bashkitë në bashkëpunim edhe me Ministrinë e Bujqësisë të rrisin sipërfaqet e mbjella duke futur edhe një mentalitet të ri.

Prioritet për bashkitë do të jetë edhe çështja e furnizimit me ujë të pijshëm, në mënyrë që të gjithë qytetet të përmirësojnë cilësinë e shërbimit ndaj qytetarëve.

“Një nga shembujt më inkurajues dhe besoj se do të sfida edhe e këtyre zgjedhjeve, por edhe e mandatit tjetër, do të jetë çështja e furnizimit me ujë. Në bashkitë që drejtohen nga PS, kemi rritje me 22 për qind të furnizimit me ujë të pijshëm. Disa janë kampionë, Librazhdi, Pogradeci, Korça, Puka, me 24 orë furnizim, të tjerët kanë bërë progres, por unë besoj se me një bashkëpunim me qeverinë dhe me investime inteligjente të gjithë mund të jemi në rangun e këtyre kampionëve kur vjen puna në furnizimin me ujë të pijshëm”, deklaroi Veliaj./abcnews.al

Edi-Rama-crop.jpg
ent ela12:38 | 13/04/2018

13 shërbime të reja elektronike të Drejtorisë së Përgjithshme të Tatimeve mund të paguhen online në portalin qeveritar e-Albania.Pagesa e këtyre detyrimeve që u paralajmërua më herët, u njoftua sot nga kryeministri Edi Rama se ka nisur të zbatohet.Sipas kreut të qeverisë me shtimin e këtyre shërbimeve reduktohen mundësitë për korrupsion, radhët e gjata si dhe humbjet e kohës. Ndërkohë, ka shtuar më tej se vijon puna dhe rezultatet do të ndjehen në të gjitha shërbimet e administratës për qytetarin dhe biznesin. Shërbimet tatimore përfshijnë pagesat nga Tatim mbi të Ardhurat Personale të Biznesit të Vogël e deri në detyrimet për shlyerjen e penaliteteve.

Statusi i plotë:
Çdo ditë një hap në rrugën për SHQIPERINE QE DUAM
Vazhdojmë lehtësimin e shërbimeve dhe uljen sistematike të ndërveprimeve direkte me administratën, duke reduktuar vijimësisht mundësitë për korrupsion, radhat e kota dhe humbjet e kohës ?
Sapo u publikuan në portalin e-Albania 13 shërbime të reja elektronike me pagesë, të Drejtorisë së Përgjithshme të Tatimeve. Nëpërmjet këtyre shërbimeve, bizneset mund të paguajnë direkt nga vendi i punës, shtëpia apo celulari, një sërë detyrimesh tatimore:
1. Tatim mbi të Ardhurat Personale të Biznesit të Vogël
2. Tatim i Lojërave të Fatit
3. Tatim mbi të Ardhurat nga Punësimi
4. Tatim i Mbajtur në Burim
5. Tatim mbi Vlerën e Shtuar
6. Tatim i Thjeshtuar mbi Fitimin
7. Tatim Fitimi
8. Tatim mbi të Ardhurat Personale
9. Taksat Kombëtare
10. Tarifat Kombëtare
11. Renta minerare
12. Kontributet e sigurimeve shoqërore dhe shëndetësore
13. Detyrime globale/Penalitetet
Puna vazhdon, përditë dhe rezultatet do të ndjehen hap pas hapi në të gjitha shërbimet e administratës për qytetarin dhe biznesin ? /abcnews.al

vlcsnap-error654-1280x720.jpg
ent ela12:55 | 02/02/2018

Kalimi në sistemin online të shërbimeve favorizon biznesin në shumë aspekte. Jo vetëm ka më pak kosto, por i kursen edhe kohën sipërmarrësve. Kështu deklaroi ministri i Financave dhe Ekonomisë Arben Ahmetaj në një takim me përfaqësues të biznesit në vend.

 

Shërbimi online për bizneset jo vetëm ul korrupsionin, heq dhimbjen e kokës nga sorrollatjet dhe radhët e gjata, por kursen edhe kohë që sipas përllogaritjeve të ministrit të Financave dhe ekonomisë nuk është pak.

Ahmetaj: “ Gjatë vitit 2017 deri në fund të janarit të 2018, e-albania ka lëshuar 144 mijë vërtetime të Tatimeve. Në QKB, mbi 14 mijë ekstrakte janë lëshuar online. Lidhur me vendimin e vitit të kaluar, që 13 dokumentat për sipërmarrjen do të gjenerohen totalisht nga institucionet publike, kemi përllogaritur që janë lëshuar mbi 600 mijë herë, në kohë të kursyer thuajse 56 vite”.

Duke qëndruar tek statistikat ministry Ahmetaj tha se shërbimi i vulës elektronike është përdorur 800 herë brenda dy muajve. Të gjitha këto janë një arsye e fortë sipas tij që bizneset që  e rethojnë në këtë tryezë por edhe të tjerët, të përdorin shërbimin online.

 

Ministri i Financave dhe Ekonomisë njoftoi ata që duhet të kryejnë procedura me doganat se në mes të muajit prill nis shërbimi online i eksportit për 24 orë.

Ndërsa në periudhën gusht shtator do të fillojë gjurmimi i plotë i trafikut komercial gjë që sipas ministrit do t’i japë më tepër besueshmëri biznesit, si dhe do të ulë pikëpyetjet mes tyre dhe doganës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono