shengjini

pastrimi-shengjin-1280x680.jpg
nev ila13:24 | 18/11/2019

Nuk duhet të kujtohemi për pastrimin e plazheve vetëm kur nis sezoni turistik. Por ai duhet kryer në vazhdimësi. Këtë mesazh kanë përcjellë banorët e Shëngjinit të cilët në bashkëpunimin me njësinë administrative kanë ndërmarrë një aksion pastrimi.

Shqipëria njihet si një ndër shtete me plazhet më të ndotura në Europë. Ndaj pastrimi i tyre duhet të kryhet sistematikisht dhe jo vetëm kur nis sezoni turistik. Një nisëm të tillë ka ndërmarrë këtë fund vjeshte njësia administrative e Shëngjinit.

Administratori Gentian Malotaj ka sqaruar se ndërhyrjet për pastrimin e plazhit në periudhën në maj qershor janë të vonuara ndaj thotë se duhet të angazhohen që tani por kërkon edhe mbështetjen e komunitetit siç ishte dhe rasti i fundit.

Pasi larguan mbetje të shumta të mbetura në Shëngjin që nga vera, përfaqësuesja e kompanisë që mbështeti njësinë administrative të Shëngjinit dha një mesazh sensibilizues.

Shirat e këtyre ditëve u shoqëruan me pasoja dhe bregu u mbush me mbetje të shumta. Falë këtij aksioni pastrimi u bë e mundur mbledhja e tyre./abcnews.al

 

 

shengjin-inertet-1280x683.jpg
nev ila18:30 | 11/11/2019

Në bregdetin e Shëngjinit kanë mbërritur tonelata mbeturinash nga prurjet e reshjeve. Një situatë kjo që rëndohet çdo ditë, ndërsa Bashkia e Lezhës ka deklaruar se do të ndërmarrë një aksion për pastrimin e bregdetit.

Në bregdetin e Shëngjinit kanë mbërritur tonelata mbeturinash nga prurjet e reshjeve. Kjo ndotje sa vjen e rëndohet pasi mbetje të tjera vijnë e përfundojnë aty çdo ditë. Për këtë arsye edhe bashkia e Lezhës do nisë punën për largimin e tyre megjithëse kjo e zgjidh problemin për pak kohë.

Tonelata inerte kanë mbuluar bregdetin e Shëngjinit në zonën e Vainit. Rrjedha e lumit Drin depozitoi drejt detit Adriatik çdo mbetje që gjeti rrugës, pas prurjeve të shumta si pasojë e reshjeve intensive.

Furnizimi i bregdetit me mbeturina vazhdon. Edhe për bashkinë e Lezhës  është një situatë që duhet zgjidhur. Largimi i mbetjeve është vetëm një mënyrë për të zgjidhur problemin për pak kohë.

Por eliminimi  kërkon më shumë se kaq dhe nënkryetari i bashkisë Ermal Pacaj tregon hapat që do ndërmerren.

“Për sa i përket planeve afatgjata, nga Bashkia Lezhë po shihet mundësia për të shtuar infrastrukturën në shërbim të qytetarëve, për mbetjet urbane. Normalisht që edhe ndërgjegjësimi i qytetarëve duhet të bëj pjesën e saj. Bashkia Lezhë është përzgjedhur nga GIZ për të bërë studimin e fizibilitetit të një mundësie që në të ardhmen të ndalojmë volumin e mbetjeve urbane, që nëpërmet shtratit të lumit Drin, derdhen në det”, tha Ermal Pacaj nënkryetari i bashkisë Lezhë.

Vërshimet në bregdetin e Lezhës janë fenomen që zgjatet deri në muajin prill kur edhe ulet intensiteti i shirave.

Nëse bëjmë përllogaritje, atëherë duhet të merret me mend sasia e mbeturinave që përfundon në këtë plazh deri në pranverë./abcnews.al

plazhi-shengjin.jpg
ad min16:59 | 18/08/2019

Plazhi i Shëngjini nuk është nga ato plazhe që afron atraksione apo aventura të ndryshme, por pushuesit e duan atë sepse vendasit janë mikëpritës. Kryesisht pushuesit nga Kosova e gjejnë veten mjaft mirë në këtë plazh. 

Plazhi i Shëngjinit ka qenë zgjedhja e duhur e kësaj vere. Kështu mendojnë pushuesit që planifikuan dhe tani po qëndrojnë në këtë zonë bregdetare.

Pritshmëritë e tyre janë përmbushur dhe sigurisht këtë e tregon edhe fluksi i lartë i pushuesve gjatë kësaj periudhe.

Krahas një ambienti shumë të përshtatshëm për ta dhe pastërtisë, mikëpritja vazhdon të konsiderohet si një element i fortë dhe që ka bërë për vete shumë prej pushuesve, kryesisht atyre që vijnë nga Kosova.

I nxehti i këtyre ditëve ka dërguar drejt Shëngjinit mijëra vizitorë e turistë. Ky fluks vazhdon të jetë i lartë dhe pushuesit nga Kosova vazhdojnë ta konsiderojnë Shëngjinin si zgjedhjen e tyre të parë edhe këtë sezon veror.

Sërish Rana e Hedhun është në top listën e pushuesve, e kjo bën që zona të këtë rritje shumë të madhe të pushuesve duke krijuar edhe trafik për shkak se infrastruktura rrugore nuk e përballon fluksin e lartë të mjeteve që i drejtohen këtij plazhi të kërkuar. /ABC News Albania 24/7

KUKES-KOSOVARET-MBULIM_ABC-M2-T1.mpg_snapshot_00.06-1280x720.jpg
ent ela13:15 | 29/06/2019

Mijëra qytetarë të Kosovës kanë kaluar në Morinë mëngjesin e sotëm. Destinacionet e tyre janë Shëngjini dhe Velipoja, ndërsa policia kufitare po punon me procedurë të përshpejtuar. 

Ende pa zbardhur dita në rrugën e Kombit kishte fluks mjetesh. Fundi i qershorit solli mijëra qytetarë të Kosovës në Shqipëri.

Destinacioni i tyre në këto temperatura të larta është bregdeti. Preferencat e qytetarëve të Kosovës janë Shëngjini e Velipoja.

“Shkojmë në bregdet për pushime në fundjavë”.

“Po shkoj në Velipojë, do rri nja dy ditë”.

“Shëngjini na pëlqen se është më afër”.

Policia kufitare e Morinës po punon me procedurë të përshpejtuar duke lehtësuar qarkullimin dhe shmangur vonesat në kufi.

Gazetar i ABC News: Bujar Muçmata

LEZHA-NDRICOHET-abcm2t1.mpg_snapshot_00.25-1280x720.jpg
ent ela14:36 | 06/03/2019

Bashkia e Lezhës gjeti zgjidhje për të ndriçuar qendrën e qytetit e cila natën ishte në errësirë të plotë. Në mungesë të llampave koreane në treg, u vendos ndërhyrja për ndryshimin e gjithë sistemit. Tani vendorët kërkojnë një zgjidhje për të ndriçuar rrugën e Shëngjinit.

Tri javë më parë Lezha kishte këto pamje, përcjellë përmes kamerës së ABC News. Natën qendra e qytetit ishte e gjitha në errësirë.

Preteksi ishin llambat e djegura të ndriçuesve të cilat ishin koreane dhe mungonin në treg. Kështu ishte investuar dhe zgjidhja më e shpejtë dhe e vetme mbetej ndryshimi i sistemit.

Nuk dihet ende sa është humbja prej atij projekti të prezantuar me shumë bujë, por qendra është ndriçuar.

Ndërhyrja erdhi për shkak të përgatitjeve për kremtimet e 2 marsit dhe Samitit të Diasporës që u mbajt në këtë qytet.

Enver Hafizi, Nënkryetar i Bashkisë Lezhë: “Sistemi i ndriçimit ka përmirësim të dukshëm kështu do vazhdojmë me sistemin e lagjeve dhe rrugëve në Lezhë”.

Për nënkryetarin e Bashkisë problem mbetet ndriçimi i rrugës së Shëngjinit. Ai thotë se prej dy vitesh i janë adresuar Autoritetit Rrugor, por nuk kanë marrë zgjidhje.

 Enver Hafizi, Nënkryetar i Bashkisë Lezhë: “Rruga e Shëngjinit është problematike, por është në varësi të Autoritetit Rrugor. Kemi kërkuar ndërhyrjen e tyre dhe nuk po bëhet i mundur, jemi në tratativa që para sezonit të mbarojë”.

Pas ndriçimit të rrugëve dhe qendrës së qytetit të Lezhës, vendorët duket se po tregohen të angazhuar për të përmirësuar kushtet e qytetit të Shëngjinit.

Sezoni turistik është shumë afër dhe ky bregdet duhet të jetë gati për të pritur mijëra pushues. /abcnews.al

shengjini.jpg
ad min13:28 | 22/02/2019

Në prag të sezonit turistik, autoritetet vendore të Shëngjinit kanë nisur ndërhyrjet, në mënyrë që bregdeti të jetë gati për vizitorët.

Vizitorët nuk mungojnë në ditët me diell. Në Shëngjin numri i tyre ka ardhur në rritje. Për këtë arsye, krijimi i kushteve në zonën bregdetare ka sjellë domosdoshmërinë e ndërhyrjeve. Administratori i Shëngjinit, Gjok Deda, thotë se ky është fillimi. Më pas do të ketë ndërhyrje të tjera.

Gjok Deda: Po bëjmë largimin e rërës nga deti. Po pastrojmë lulishten anësore. Do të vazhdojmë me mbjelljen e pemëve dekorative dhe sivjet do ta fillojmë plazhin më herët se vitet e tjera.

Në Bashkinë e Lezhës, Bregdeti nuk shihet vetëm si turizëm veror. Drejtori i Turizmit në këtë bashki, Ardian Laçi, është i bindur se zgjedhja e Shëngjinit edhe gjatë stinës së pranverës do të jetë e madhe.

Ardian Laçi: Bregdeti i Shëngjinit nuk është një turizëm vetëm 3 mujor. Bregdeti i Shëngjinit është 12 mujor. Në përshtatje kjo me 300 ditët me diell që ka kjo zonë që mundësojnë dhe vizita ditore, familjare të organizuar a dhe ne si bashki po bëjmë që të gjitha që këto resurse që ka Lezha në përgjithësis dhe Shëngjini në veçanti të promozvimin që meritojnë.

Bashkia e Lezhës kërkon një përfshirje më të madhe të të gjithë aktorëve në përmirsimin e kushteve kryesisht në bregdet që ka edhe përqendrimin më të madh të vizitorëve e turistëve./abcnews.al

shengjini.jpg
ad min15:30 | 22/07/2018

Pushuesit në Shëngjin kanë shijuar një natë ndryshe. Një aktivitet foklorik i quajtur “Alb Fest” i ka mbajtur të mbërthyer për rreth dy orë. Pushuesit thonë për ABC News këto aktivitete ndihmojnë shumë në ruajtjen e traditës dhe folklorit tonë.

Folklori zbriti në Shëngjin. Elemente burimore nga treva të ndryshme të vendit janë përcjellë për pushuesit dhe turistët në këtë zonë bregdetare. Dy orë festë të organizuara nga qendra e veprimtarive folklorike në bashkëpunim me Bashkinë e Lezhës.

Synimi është që nëpërmjet turizmit të promovohet dhe mbahet gjallë kultura. Ndjekësit e vlerësuan shumë aktivitetin si një mënyrë për të ruajtur traditën tek të rinjtë.

“Është shumë e  domosdoshme për ta prezantuar folklorin tonë burimor, për t’i njohur gjeneratat e reja që rrënjat dhe zanafillat e popullit tonë fillon këtu”, tha një pushuese.

“Po shoh të rinj që po e shohin me interes. Duhet të promovohet sepse është një prej pasurive tona kombëtare”, u shpreh një pushues

“Unë personalisht që jetoj jashtë më mungon shumë, për këtë arsye edhe e shijoj këtu”, tha një pushues tjetër.

Për drejtoreshën e qendrës së veprimtarive folklorike, Rezearta Kokonozi, thotë se folklori dhe tradita, turizmi kulturor në terezi, do të shtrihet në të gjitha zonat turistike.

“Ne startuam në Shëngjin. Më tej do të vazhdojmë që folklori dhe tradita jonë të shtrihet në bregdetin e Adriatikut, në qytetin e golemit ndërsa më pas në jug të Shqipërisë”, tha Kokonozi.

Lahuta, polifonia, çiftelia dhe vallja tradicionale mbajtën të mbërthyer publikun në Shëngjin./abcnews.al

 

SHENGJIN-PLAZHI-1280x720.jpg
ent ela15:29 | 02/06/2018

Pushues të shumtë, pjesa më e madhe e tyre nga Kosova, kanë zgjedhur plazhin e Shëngjinit për të pushuar. Ata thonë për ABC News se janë të kënaqur me kushtet, por duhet të ishte bërë akoma më shumë punë për pastërtinë përgjatë vijës bregdetare.

Shëngjini ka nisur të frekuentohet masivisht nga pushuesit.

Fluksi i lartë i qytetarëve që i drejtohen kësaj zone turistike vihet re që në rrugen hyrëse.

Nuk janë vetëm pushues ditor, por ka edhe nga ata të cilët janë akomoduar për të kaluar pushimet verore. Per ta  Shëngjini i ka përmbushur pritshmeritë.

“Është shumë mirë, që nga pastërtia, ambjenti”.

“Mua më pëlqen shumë Shëngjini”

Problem mbetet vetëm pastërtia e cila nuk është në nivelin e duhur.

“Pastërtia të jetë në nivel më të madh”

Shëngjini është më i preferuari për shtetasit nga Kosova. Ndërsa bashkia Lezhë premton se do të ketë më tepër vëmendje ndaj kësaj zone turistike për të ofruar shërbime gjate sezonit të verës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono