shembje

Screenshot_2-1.png
in a09:17 | 09/01/2020

Ka filluar që në orët e para të mëngjesit aksioni i IKMT-së për prishjen e banesave dhe bizneseve në Unazën e Re. Objektet që po shemben janë pranë sheshit Shqiponja që njihet dhe si “dogana”.

FNSH dhe Forcat Shqiponja janë të pranishme në aksionin e IKMT-së , ndërsa qarkullimi nga ‘Ura e Astirit’ deri tek sheshi ‘Shqiponja’ është bllokuar, duke krijuar trafik në zonë. Gazetari Andi Qosja raporton në abcnews.al se banorët nuk kanë bërë rezistencë. Objektet janë në pronësi të Flamur Dajcit, Skënder Dodës dhe Artur Mujës.

Ndërkohë nesër do të shembet me ekskloziv pallati 5-katësh, ku janë strehuar të dëmtuarit nga termeti.

Me banorët është negociuar dhe u është dhënë bonusi i qirasë. Ata pritet që të largohen vullnetarisht nga pallati.

Shembja e këtyre objekteve bëhet për ti hapur rrugë projektit të Unazës së Madhe.

/abcnews.al

shkollaa.jpg
R D16:40 | 28/12/2019

Partia Demokratike i kërkoi Prokurorisë të hetojë abuzimin me fondet për dy shkolla në Thumanë, të cilat u rrëzuan pas tërmetit të 26 nëntorit. Ish-deputetja Albana Vokshi dhe Sekretari ligjor, Çlirim Gjata, thonë se të dyja godinat e shkollave ishin rikonstruktuar 1 muaj më parë me fonde që prekin shifrën e 1 milionë eurove.

Një muaj pas tërmetit të 26 nëntorit që i mori jetën 51 personave, Partia Demokratike ka sjellë fakte të reja të pasojave katastrofike që lëkundjet do të kishin sjellë nëse do të kishin ardhur dia orë më vonë. Ky është Dashamir Hidraliu, në pallatet e rrëzuara në Thumanë ai nxorri nga rrënojat motrën dhe nipin e tij dhe sot është vendosur krahë ish-deputetes Albana Vokshi dhe Sekretarit Ligjor të demokratëve, Çlirim Gjata për të rrëfyer atë që ndodhi me shkollën “Ramazan Jangozi” në Thumanë.

“Shkolla ka qenë dy katëshe dhe rikonstruksioni para 1 muaji e gjyshëm ka mbaruar. Sa janë fondet e dinë ata… U shemb pjesërisht nga termeti dhe 1 ditë më pas më 27 Nentor, nga dreka s’ka pas asnjë tullë. E kanë pastruar dhe mbuluar me çakull”, shprehet Dashamir Hidraliu, banor i Thumanës.

 

Për Vokshin, tërmeti i 26 nëntorit në Thumanë nxorri në pah abuzimin me fondet publike, ndërkohë që i kërkoi prokurorisë të hetojë për një ngjarje që mund të rriste përmasat e tragjedisë. “Ky është akt i pastër kriminal… kjo shkollë nuk ekziston edhe gjithë dokumentacioni i tendetrit është zhdukur nga sistemi”, deklaroi Vokshi.

I njëjti fat me të njëjtat përmasa abuzimi është edhe ai i shkollës së mesme të bashkuar në Fshatin Borizanë, e cila sipas ekspertëve duhet të shmebet. “Shkolla e Borizanës ka të njëjtën specifike si ajo e Thumanës. U rikonstruktua me 615 milionë lekë dhe tani është jashtë funksionit”, tha Gjata.

Demokratët kërkojnë që për prishjen e provave por edhe për çdo abuzim me punimet të hetohen përgjegjësit.

Përmes një vendimi të kreut të demokratëve Basha, ish-deputetë dhe kryetarë të degëve lokale të Partisë Demokratike janë në terren për të konstatuar dëmet dhe mënyrën se si po menaxhohet situate pas tërmetit nga qeveria. /abcnews.al

vodaaa.png
R D09:53 | 26/12/2019

Zv/ministrja e Brendshme, Rovena Voda e ftuar në studion e Enkel Demit, “Abc-ja e mëngjesit”, foli për sfidat e qeverisë në qarkun e Durrësit, 1 muaj pas termetit tragjik të 26 Nëntorit. Aktualisht janë 6 mijë banorë të fshatrave që jetojnë në çadra, ndërsa 4 mijë banorë të pastrehë që do duhet të dalin nga hotelet në fund të janarit. Kjo kategori, tha Voda, duhet të aplikojnë për bonus qiraje.

Enkel Demi solli dëshmitë e banorëve të Durrësit, të cilët shprehen se amullia vazhdon, pasi askush nuk i orienton nëse duhet të hyjnë në banesa apo jo.

Rovena Voda u përgjigj: Jam dakord, sepse njerëzit do të duhet të orientohen drejt. Fokusi ynë i parë ka qenë kërkim-shpëtimi që fatkeqësisht u mbyll me 51 të vdekur por edhe 49 të shpëtuar. Faza e dytë është akomodimi i njerëzve. Aktualisht kemi mbi 4 mijë qytetarë të akomuduar në hotele, 6 mijë banorë nëpër fshatra që jetojnë nëpër çadra. Furnizimi me çadra dimërore është mbyllur në Bubq, jemi duke punuar në zonën e Ishmit, që është zona rurale më e largët, për ti pajisur të gjithë banorët me çadra dimërore. Një pjesë e vogël banorësh na ka mbetur ende, por besojmë se brenda kësaj jave do u çojmë cadrat dimërore. Në Manzë vendosëm konteniere,  janë aktualisht, 103 në konteniere, por ka edhe shumë banorë në çadra. Ne po shpërndajmë çadra dimërore, por kemi ende sfidë atje për të plotësuar gjithë nevojat e banorëve për çadra dimërore, termike.

Shembjet

Rovena Voda: Sa i përket inspektime; Janë aktualisht 59 inxhinerë shqiptarë në terren vetëm në Durrës, po kështu dy ekipe të huaja, çeke dhe franceze që ndodhen në terren. Vlerësimi i objekteve është bërë sipas një modeli (formulari) standard të BE dhe BB. Pjesa më e madhe e godinave të dëmtuara rëndë dhe shumë rëndë janë inspektuar në Durrës. Janë kryer 24 mijë inspektime në Durrës, prej 42 mijë banesash që janë në total. Për këto inspektime jemi bazuar në kërkesat e vetë qytetareve dhe të njësive administrative.
Sa i përket shembjeve deri më tani janë shembur 30 objekte vetem në Durrës dhe janë në listë për tu shembur 90 objekte të tjera, kryesisht 1-3 kate.

Në formularin e ri, objektet e kategorizuara DS4 do të thotë se ka dëme mesatare dhe tepër të rënda, por objekti mund të ruhet. Pra objektet DS$ do të rikonstruktohen në bazë të një projekti të mirëfilltë dhe nga inxhinierë të licensuar. Klasifikimi DS5 do të thotë se objekti është për shembje.

Sa i përket, rimbursimit, zv/ministrja  tha se “kjo fazë do kërkojë kohë, sepse është pjesë e planit të rindërtimit dhe për këtë do të presim edhe konferecen e donatorëve”.

Demi: Ka shumë banorë që ankohen sepse nuk kanë një akt-konstatimi?

Voda: Banorët mund të marrin një kopje të akt-konstatimit pranë Bashkisë së Durrësit dhe më pas pranë zyrës së urbanistikës për të marrë leje. Banorët që i kanë banesat e kategorizuara si DS4 dhe DS5 do të marrin bonusin e qirasë.

Bonusi i Qirasë

Demi: Por situata është emergjente sepse në fund të janarit do të dalin banorët e strehuar në hotele?

Voda: Unë mendoj se këtu po flas si zyrtare e shtetit por edhe si juriste. Shteti ka për detyrë tu gjendet pranë, duke iu ofruar standardin minimum, sepse akomodimi në hotel ka qenë një standard maksimal. Ata që dalin nga hotlet duket të shkojnë në bashki të aplikojnë për bonusin e qirasë.

Bonusi është 200 mijë (të vjetra), pjesën tjeter mund ta plotësojnë duke vendosur para vetë nga xhepi.

Demi: Po ata që nuk kanë mundësi të shtojnë para nga xhepi, sepse kjo situatë mund t’iu kthehet në bombë sociale?

Voda: Njerëzve u kemi thënë se është hequr kontrata e qirasë si kriter, në mënyrë që të akomodohen edhe te të afërmit. Pra nëse më parë një nga dokumentat që duhet të dorëzonin në bashki ishte kontrata e qirasë, ka 5 ditë që ky kriter është hequr. Njerëzit mund të marrim shtëpi me qira ku të kenë dëshirë dhe mund të akomodohen ku të kenë dëshirë dhe do u kërkohet vetëm akt-konstatimi se banesa është e dëmtuar rëndë, karta e identitetit dhe gjendja familajre. Çdo muaj u hidhen paratë në bankë për bonusin e qirasë.

Demi: Në të gjitha intervistat që kemi marrë banorët janë shprehur se nuk kemi mundësi të plotësojmë lekët e qirasë sepse çmimet janë rritur pas termetit?

Voda: Ne do ta kuptojmë nëse do kthehet në bombë sociale do të kuptohet nga dyndja para bashkise, njësivë bashkiake, etj. Këshilli bashkiak ka vendosur këtë shumë por mund të shihet edhe mundësia për ta ndryshuar. Janë dhënë 50 milionë lek (të reja) për bonus qiraje në qytetin e Durrësit. Ky fond është deri më datën 31 janar. Më pas do të jepen fonde të tjera për bonus qiraje. /abcnews.al

21608742-7737895-image-a-4_1575015819736.jpg
R D21:57 | 16/12/2019

Prokurorët e dosjes “Termeti” kanë gjetur shkelje të rënda të zyrtarëve të shtetit, kryesisht të ALUIZNI-t dhe të Bashkisë së Durrësit për të gjitha objektet që u shemben duke marrë jetën e 23 personave, vetëm në qytetin bregdetar. Abcnews.al publikon dosjen e prokurorisë që është paraqitur në gjykatë për masat e sigurisë, ndaj personave që dyshohet se kanë kryer shkeljet ligjore. Prokuroria ka prerë 18 fletë-arreste, 9 prej të cilave janë ekzektuar nga policia. Pra 9 persona janë në pranga dhe 9 janë në arrati. Prokuroria ka ngritur akuza të rënda ndaj tyre që nga vrasje me dashje në rrethana cilësuese, ndërtim pa leje dhe shpërdorim detyre.

Abc News publikon më poshtë gjetjet e prokurorisë për shembjen e hotel Tropikal në Durrës, ku humbën jetën dy vëllezër nga Kosova dhe janë ende në spital pronari Avdulla Osmani dhe bashkëshortja e tij.

Nga hetimet ka rezultuar se Osmani kishte ndërtuar hotelin dhe më pas kishte falsifikuar gjithçka për të marrë lejen e ndërtimit në bashki, lejen e legalizimit, etj.

Më poshtë paligjshmëritë e konstatuara në ish-objektin Hotel Tropikal, lagjia nr.13,Durrës.

1-Avdulla Osmani ka ndërtuar një Objekti Hotel “Tropikal”, ndodhet në lagjen 13 Plazh, Bashkia Durrës, objekt i cili është ndërtuar dhe ka shërbyer si banesë, shërbime hotelerie si dhe aktivitete tregtare kati i pare, te regjistruar ne emrin e subjektit “DuleShpk”.

Si pasojë e tërmetit të datës 26.11.2019, nga shembja e kësaj godine kanë gjetur vdekjen dy shtetas kosovar (dy vëllezër, vëllezërit Shemsedin Abazi dhe Isan Abazi), si dhe kane pesuar dëmtime te renda pronari Avdulla Osmani dhe bashkëshortja se tij, te cilët aktualisht janë në Spitalin e Traumës Tirane.

Ndërtimi është realizuar pa studim gjeologjiko-sizmik, pa projekt konstruksioni dhe objekti ne tërësi, pa mbikëqyrje punimesh, pa zbatim te ndonjë projekti konkret te punimeve dhe me materiale ndërtimi te pa njohura lidhur me cilësinë e tyre, por per efekte te marrjes se lejes se ndërtimit dhe legalizimit, projekti është bere mbas realizimit te ndërtimit sipas nenit 77 te ligjit nr 8405 date 17.09.1998 dhe per te përfituar nga kjo hapësire ligjore është siguruar ne dosje nje vërtetim sikur ndërtimi është bere ne vitin 1994 ndërsa per efekt te legalizimit jane mbajtur akte ne vitin 2005 dhe 2006.

Si subjekte për ndërtimin e objektit shtetasi Avdulla Osmani ka bere nje akt marrëveshje me Subjektin “ED-GEST” por ndërtimi, por objekti nuk është ndërtuar nga ky subjekt, megjithëse pranohet nënshkrimi i marrëveshjen me investitorin per te ndërtuar objektin.

Akti i kolaudimit është i vetëm nga ana sipërfaqësore, akt i cili është i domosdoshëm per aplikimin e investitorit per te marre lejen dhe jo per kolaudimin e objektit me imtësi lidhur me qendrueshmërinë.

Nga ana e ndërtuesit njëkohësisht edhe investitori i cili ka ndërtuar pa leje objektin, duke shfrytëzuar hapësirën ligjore e ka legalizuar objektin dhe pas saj sërish ka kryer ndërtim shtese për te cilin ka aplikuar për leje legalizim por nje kat shtese por i cili nuk është legalizuar.

Veprimet e mësipërme te kryera prej shtetasit Avdulla Osmani lidhur me mosrespektimin e normave ligjore ne fushën e ndërtimit, të kryer me dashjen e tij atë te ndërtimit, krijimit te një pasurie e cila nuk i plotësonte kushtet teknike te qëndrueshmërisë. Më dashje indirekte ai ka sjellë pasojën e ardhur pasi ai i ka parashikuar pasojat qe mund te vijnë pasi po ndërtonte një objekt me lartësi me 5 kate dhe me pas edhe nje kat shtese per banimin e njerëzve dhe pikërisht per Hotel, ndërkohe qe me ndërgjegje e lejon ardhjen e pasojës përderisa nuk merre masa ne respektimin e legjislacionit dhe rregullave te fushës se ndërtimit.

Për këto arsye me veprimet dhe mos veprimet e tij shtetasi Avdulla Osmani dyshohet se ka kryer elementët e veprës penale“Vrasja në rrethana të tjera cilësuese” parashikuar nga neni 79 germa “dh” të Kodit Penal.

abcnews.al

baronsi.jpg
R D21:32 | 16/12/2019

Dy gra humbën jetën tek pallati 6-katësh në Durrës, i cili u shemb pjesërisht në termetin e 26 nëntorit. Prokuroria ka dalë në konkluzionin se pallati është shembur si pasojë e ndërhyrjes në katin e parë të objektit. Shtetasit, Artur dhe Anisa Terziu kishin hapur bar Barons, në katin e parë, duke dëmtuar kolonat dhe muret e pallatit. Në dosjen e prokurorisë që abcnews.al e ka siguruar të plotë, fajtorë dalin edhe zyrtarë ALUIZNI-t që legalizuan lokalin dhe të INUV.

Abcnews.al mëson se prokuroria do të kërkojë arrest me burg në gjykatë për personat përgjegjës,konkretisht  Klajdi Lame, në cilësinë e Inspektorit të Inspektoratit Ndërtimor Urbanistik Durrës, Albrend Qetka, në cilësinë e specialistit të verifikimit në terren pranë ALUIZNI-it, Durrës dhe Defrim Celami, në cilësinë e specialistit që ka kryer aktin e ekspertimit teknik,

Më poshtë pjesë nga dosja për shembjen e pallatit, ku humbën Hatije Rexhepi dhe Xhulieta Gjana.

Paligjshmëritë e konstatuara ne pallatin nr.1032 rr. “Bashkimi” Durrës.

Në lagjen nr.6 është shembur njepallat 6 katesh i cili mbante numrin 1032 ne Rrugen “Bashkimi” Durrës, ku kanë humbur jetë shtetaset Hatije Rexhepi dhe Xhulieta Gjana. Nga dëshmitë e para të personave që kane dijeni për veprën penale, nga administrimi i dokumenteve prove materiale, nga këqyrja e vendit te ngjarjes, nga këqyrja e pamjeve filmike te transmetuara nga mediat vizive rezulton se pallati me nr 1032 ka qene pallat 6 katesh i cili është shembur në dy katet e pare dhe vazhdonte te qëndronte si bllok nga kati i trete (rrafsh me sipërfaqen e tokës) dhe lart, si dhe ky pallat ka komplet pjesën e shkallës të shembura.

Nga deklarimet e pare rezulton se në katin e pare ka qene nje lokal i ndërtuar vitet e fundit dhe qe quhet Baron’s bar me pronar shtetasi Artur Terziu.

Nga ana e policisë gjyqësore janë administruar pranë A.SH.K Durrës praktika te Aluizni-t qe ka shërbyer per legalizim te shtetas anesore 26m2 te këtij lokali ne emër te shtetasit Artur dhe Anisa Terziu, dhe sekuestrimi i praktikes se ZVRPP Durrës ne lidhje me pronën (apartament) te shtetasve Artur Terziu. (gjithashtu jane sekuestruar dhe praktika te banoreve te tjerë te këtij pallati 1032).

Duke analizuar dokumentacionin, faktet dhe provat e administruar rezulton se :

Pallati nr 1032 i ndërtuar ne vitin 1988-1989 dhe para 4 vitesh struktura e katit te pare te ketij pallatit ka pësuar ndryshime si pasoje e ndërtimit te lokal Barons te përshkruar me siper. Pasi shtetasi Artur Terziu ja ka blere apartamentin e katit te pare te pallatit nga shtetasi Naum Bregu me date 25.06.2014 (sipas kontrates).

Nga dokumentacioni qe ndodhet ne dosjen e ALUIZNIT rezulton se deklaratën per përfshirjen ne procedurat e legalizimit të ndërtimit pa leje dhe ose shtesës ose ndërtimit me leje shtetasi Artur Bajram Tereziu ka deklaruar, se ndërtimi është ngritur ne vitin 2009. Me date 26.09.2019 shtetasi Artur Terziu është proceduar ne gjendje te lire per ndërtim pa ligjshëm pikërisht ne katin e pare te këtij pallati (njëkohësishtjanëdërguar edhe autorizimi nr 4928 prot date 18.08.2014 qe bashkia Durrës e autorizon shtetasin Artur Terziu per te bere punime përmirëmbajtje e apartamentit Brenda afatit 3 mujor si dhe njëkohësisht me shkrese nr 4929 date 18.08.2014 i drejtohet Kryeinspektor Artur Cela ne insperktoriatin Ndërtimore Urbanistik te Bashkisë Durrës qe te shihet me rigorozitet zbatimi i afateve kohore te punimeve qe po behet nga ana e shtetasit Artur dhe Anisa Terziu dhe mos dalja jashtëpërcaktimeve te ligjit 110/2013 pika 2 nenit 70/33 per punime permirembajtje). Nga kqyrja e marrja te dhënave ne internet ka rezultuar se Baron’s bar ka qene funksionale dhe ne gjendje pune qe ne vitin 2015 (te publikuara nga Barons Bar ne aplikacionin instagram).

Nga sa me sipër dhe bazuar ne faktet dhe provat e administruara ne funksion te këtij procedimi penal, rezulton se: Duke analizuar te dhënat e mësipërme rezulton se objekti pallati 1032 eshte rrezuar si pasoje e punimet ne katin e pare pasi dhe vete shtetasi Artur Terziu pranon te ketë hequr mure kryesore mbajtëse dhe duke i zëvendësuar ato me vetrata xhami. Ai ka marre leje per rregullimin e shtëpisë dhe njëkohësisht e ka kthyer ambientin e apartamentit ne njësi shërbimi ( lokali) duke shtuar dhe future si shtese edhe 26m2te ambienteve publike. Ky arsyetim bazohet ne faktin se pallati është shembur vertikalisht ne dy katet e pare ne te cilat është cenuar qëndrueshmëria si pasoje e heqjeve te mureve mbajtëseper rregullimin e këtij lokali, ku nga tërmetiidatës 26.11.2019 është shembur dy katet e para dhe pjesa e shkalleve për pasoje ka sjelle vdekjen e shtetasve Hatije Rexhepi dhe Xhulieta Gjana.

Midis personave qe kane përgjegjësi penale lidhur me veprimet dhe mos veprimet e kryera gjate kryerjes se ndërtimit te lokalit Barons dhe legalizimit te ndërtimit te tij,(veç personave te tjerë) rezulton se janë shtetasit:

1-Klajdi Lame, në cilësinë e Inspektorit të Inspektoratit Ndërtimor Urbanistik Durrës nuk ka ndjekur dhe konstatuar punimet për ndërtimin e paligjshëm të kryera nga shtetasi Artur Terziu, i cili më parë kishte marrë një autorizim të datës 18.08.2014, për të kryer punime mirëmbajtje të apartamentit. Për këto veprime dyshohet se shtetasi Klajdi Lame, me detyrë Inspektor i Inspektoratit Ndërtimor Urbanistik Durrës, ka kryer elementët e veprës penale “Shpërdorimi i detyrës” parashikuar nga neni 248 të Kodit Penal për te cilën është urdhëruar ndalimi i tij ne datën 14.12.2019.

2- Albrend Qetka si njeri prej personave që kryen funksione publike, ka kryer veprime në kundërshtim me ligjin nr.9482 date 03.04.2016 i ndryshuar “Për legalizimin, urbanizimin dhe integrimin e ndërtimeve pa leje” duke kryer legalizimin dhe regjistrimin e objekteve pa i plotësuar kushtet tekniko ligjore të tij, duke sjellë pasoja në jetët e njerëzve. Ekzistojnë dyshime të bazuara se nga ana e shtetasit Albrend Qetka, në cilësinë e specialistit të verifikimit në terren pranë ALUIZNI-it, Durrës, ka kryer veprime për të legalizuar më datë 17.05.2016 objektin në kundërshtim me ligjin, i cili dyshohet se ka kryer elementët e veprës penale “Shpërdorimi i detyrës” parashikuar nga neni 248 të Kodit Penal.

Ne deklarimin e tij ky shtetas ka sqaruar se:Në vitin 2016 ka qene specialist matje ne terren dega Aluiznit Shijak dhe sqaron se pasi printohet planimetria dixhitale është e detyrueshme qe te nënshkruhet nga njeri nga dy specialisti qe ka bere matjet ne terren ne vendin përkatës “përditësoi”. Duke pare praktiken e ZRVPP pikërisht planimetrinedixhitale të katit përdhe te shtesës 26m2 ai sqaron se ka qen ai për te bere matjet ne atë vend përderisa është nënshkruar nga vete ai ne këtë planimetri por nuk mban mend se me ke ka qene për te bere matjet te ky objekt. Ndërkohë qe skica e matjeve ne terren siç përmendet me sipër është ne emer te dy personave te tjerë!

3- Defrim Celami, në cilësinë e specialistit që ka kryer aktin e ekspertimit teknik, dyshohet se ka kryer elementët e veprës penale “Shpërdorimi i detyrës” parashikuar nga neni 248 të Kodit Penal. Ai ka sqaruar se, nuk ka dijeni se si eshte lidhur me shtetasin Artur Terziu por mban mend se kishte bere diçka te vogël, pikërisht nje akt ekspertimi por ai vete nuk i thoshte dot akt ekspertimi por nje vete deklarim për punimet te bere nga ana e tyre dhe e nënshkruar nga ana e tij si ekspert teknik. Për ketë ai mban mend se ka ardhur ne Durrës pasi e kan sjelle po te lokali ku ishte dhe ka marr disa te dhëna me shkrim dhe me pas është larguar nga aty dhe ka bere ketë akt ekspertimi dhe pas disa ditësh ka takuar dike ne Tirane (nuk mban mend) dhe ja ka dhëne aktin. Për ketë shërbim ai sqaron se nuk ka marre asnjë lek.

/abcnews.al

bujqosri.jpg
ger ta15:30 | 13/12/2019

Ekspertët xhenierë kanë nisur shembjen e një godine 3-katëshe te Universiteti Bujësor i Tiranës.

Gazetari Maksi Rama nga vendngjarja bën me dije për abcnews.al se godina pritet të shpërthehet në këto momente.

Godina tre katëshe ka shërbyer si godinë banimi. Mirëpo, që prej vitit 2016 të gjitha banorët ishin zhvendosur prej aty për shkak se godina ishte e amortizuar dhe përbënte rrezik.

Ndërkaq, tërmeti i 26 nëntorit e dëmtoi edhe më shumë atë, ndërsa është marrë vendimi për ta shembur.

Sakaq, janë edhe tetë godina të tjera pranë universitetit Bujqësor po ashtu të dëmtuara që pritet të shemben në vijim./abcnews.al

shembje.jpg
R D10:44 | 13/12/2019

Dy godina në Universitetin Bujqësor të Tiranës do të shemben sot me tritol. Ekspertët e Inspektoriatit Kombëtar të Mbrojtjes së Territorit aktualisht po punojnë për vendosjen e sasisë së lëndës plasëse.

Dy ditë më parë, Këshilli Bashkiak i Tiranës miratoi vendimet për shembjen e godinave në Universitetin Bujqësor të Kamzës, të cilat për shkak të amortizimit dhe tërmetit janë kthyer në një rrezik për jetën e familjeve dhe studentëve që strehohen to.

Bëhet fjalë për 8 godina që janë zënë nga familjarë gjatë viteve të tranzicionit, duke pësuar edhe ndërhyrje që e kanë dëmtuar në strukturë, si dhe 2 konvikte ku qendronin studentë.

Veliaj nënvizoi se familjet do të marrin bonus qiraje nga Bashkia e Tiranës për 1 vit.

Ndërkohë, për dy konviktet studentore ai bëri të ditur do të bëhet rimbursimi plotë, duke qenë se as ato nuk ofrojnë garanci dhe siguri në godinat ekzistuese.“Për dy konviktet studentore kam dhënë porosi që të bëhet i plotë rimbursimi, duke qenë se nuk ofrojmë këtë garanci dhe këtë siguri në godinat ekzistuese”, deklaroi Veliaj./abcnews.al

darezeze-2.png
R D16:11 | 10/12/2019

Shkolla e Darzezës në Fier po bëhet gati të shembet, por mësuesit, prindërit dhe nxënësit janë kundër këtij vendimi. Madje shkolla e një fshati fqinj ku do transferohen nxënësit është më e vjetër se shkolla që po shembet. Ata dyshojnë se këtu fshihen afera korruptive.

Shkolla me 120 nxënës në Darzezë të Fierit tashmë po boshatiset. Çdo punim i nxënësve po shkatërrohet. janë hequr dyer e dritare. Sipas autoriteteve vendore, shkolla u dëmtua rëndë nga termeti ndaj do të shembet. Por prindërit dhe mësuesit, thonë se shkolla është thjesht e amortizuar dhe s’ka pësuar asnjë dëmtim nga termeti.

Një prej ish-mësuesve sot në pension tregon se dhe dëmet që duken në pamje janë bërë pas përpjekjeve për të hequr dyert dhe dritaret para se shkolla të shembet.

Në mungesë të një shkolle në Darzezë fëmijë do të transferohen në shkollën e fshatit fqinj në Hoxharë. Fëmjët të mbështetur nga prindërit nuk duan të mësojnë në fshatin tjetër sepse e kanë larg dhe rruga vështirësohet gjatë dimrit.

Teksa nxënësit e Darzezës po qëndrojnë rrugëve të fshatit, zyra arsimore dhe bashkia e Fierit nuk po i japin zgjidhje ankesave të banorëve.

Mësohet se shkolla e Darzezës i është nënshtruar disa herë rikonstruksionit por punimet janë bërë pa cilësi. Banorëve iu premtua një vit më parë rikonstruksion i plotë i godinës por pas tërmet Bashkia e Fierit ndryshoi planet, ndërsa mbetet e paqartë se çfarë do të ndërtohet në këtë vend pas shembjes së shkollës. Pasi nuk ka një projet të afishuar. I vetmi argument zyrtar është se vendimi nga vendorët për shembjen e saj u morr në kuadër të masave parandaluese pas tërmetit të 26 nëntorit. /abcnews.al

shembje-1.jpg
R D19:38 | 08/12/2019

Është shembur mesditen e sotme, godina me nr 15 në Qytetin Studenti. Ajo u shpall e pabanueshme pas termetit të 26 nëntorit. Por kjo godinë ka një simbolikë të veçantë. Studentët e dhjetorit ’90 e kujtojnë si selinë ku mblidheshin protagonistët e Lëvizjes Studentore, që solli pluralizmin politik në Shqipëri. Që prej 8 dhjetorit, kur nisi Lëvizja Studentore me kërkesa për drita e ujë, godina 15 u identifikua si qendër e rezistencës studentore. Për ironi të fatit, Qeveria vendos ta shembe goditën e dëmtuar nga termeti pikërisht në Ditën e Rinisë, 8 Dhjetor.

Ekspontentë të PD-së janë të pritur ta quajnë këtë si hakmarrje të PS-së dhe të Edi Ramës. Ish-deputeti Bardh Spahia shkruan se pas 29 vitesh vendi po përballet sërish me modelin diktatorial.

Statusi i plotë i Spahisë në facebook

A po hakmerret Rama 29 vjet më vonë?

Prishet per shkak te demtimeve nga termeti godina 15 e Qytetit Studenti? Pikepyetje te medha lindin pikerisht pas dites se zgjedhur 8 Dhjetor, dita qe identifikohet me nderimin e Levizjes studentore 90. Eshte godina historike ku levizja studentore e nisur per drita e uje u kthye ne levizje politike. Gezuar te gjitheve 8 Dhjetorin! 29 vjet me vone vendi perballet me modelin diktatorial, qe njelloj duhet shembur, njelloj si atehere, per te ardhmen e per vendin. #KurreMeKthimPas

Lexo edhe:VIDEO/ Godina 15, shembet “selia” e protagonistëve të dhjetorit ‘90

/abcnews.al

godinaaa-1280x960.jpg
ger ta10:26 | 04/12/2019

Ministria e Mbrojtjes njofton se efektivët e Batalionit të Xhenios të Forcave të Armatosura po punojnë për shembjen e kontrolluar të 2 objekteve 5-katësh në Shkozet, të klasifikuar si të pabanueshëm nga ekspertët dhe të caktuar për t’u shembur.

Ditën e sotme 4 dhjetor 2019, efektivët e Batalionit të Xhenios të Forcave të Armatosura po punojnë për shembjen e kontrolluar të 2 objekteve 5-katësh në Shkozet, të klasifikuar si të pabanueshëm nga ekspertët dhe të caktuar për t’u shembur.

Shembja e kontrolluar e objektit të parë është parashikuar të ekzekutohet sot rreth orës 15.00.

Për kohën e shembjes së objektit të dytë, do të njoftoheni më vonë gjate dites”, njofton ministria./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono