shembja

oher-1280x714.jpg
nev ila19:44 | 06/10/2019

Raportet e deritanishme të UNESCO-s tregojnë se zhvillimi urban i paplanifikuar, keqmenaxhimi i ujërave dhe i mbetjeve të ngurta, prishja e habitateve, shkatërrimi dhe shterimi i burimeve natyrore, zhvillimi i infrastrukturës dhe turizmit masiv, janë një kërcënim i vazhdueshëm për trashëgiminë e zonës së Liqenit të Ohrit që ndodhet nën mbrojtjen e  kësaj organizate të Kombeve të Bashkuara.

Koleget Xhumadije Ibrahimi e Biljana Georgievska ishin në Strugë e Ohër nga na sjellin një panoramë të realitetit të pikërishëm kur spikasin ndërtimet e jashtëligjshme:

Në Ohër edhe hotelierë të tjerë veprojnë vetëm, konform rekomandimeve të UNESCO-s për të përmirësuar gabimet që mund ta zhvendosin zonën nga lista e mbrojtur në atë të cenuar të trashëgimisë botërore.

Pronari i lokalit Objektiv ka mënjanuar pjesën shtesë montuese të vendosur në trotuar përgjatë bregut të Liqenit.

Por, përtej kësaj mbeten dhe më tej dhjetëra objekte tjera të ngjashme si markete, restorante e lokale që, ndër të tjera, pengojnë edhe lëvizjen e këmbësorëve.

Në Strugën fqinje, sipas planin qeveritar gjithashtu të ndarë në tre zona, ndërtimet e reja do t’ju nënshtrohen kontrolleve të rrepta, kurse rekomandohet që bërthama e vjetër e qytetit t`i kthehet stilit të njohur arkitektonik.

Në terren punët janë ndryshe.

UNESCO, tashmë katër dekada në listën e vlerave botërore ka vendosur edhe pjesën e Maqedonisë së Ohrit, kurse para disa muajve nën mbrojtje e vendosi edhe pjesën shqiptare në fshatin Lin.

Por, kjo organizatë botërore kishte vërtetuar se urbanizimi i përshpejtuar në Ohër dhe rrethinë, cenojnë natyrën, arkitekturën autentike, kishat e vjetra dhe trashëgiminë tjetër, deri në atë shkallë sa që ekspertët nuk përjashtuan mundësinë që ky rajon të gjendet në listën e “trashëgimisë së cenuar botërore”.

Autoritetet lokale dhe shtetërore kanë afat deri në shkurt që ta bindin UNESCO-n se kanë një qasje serioze, plane dhe vendosmëri që t`i mënjanojnë ndërtimet e egra përgjatë liqenit dhe në brendi të qyteteve Ohër dhe Strugë, si dhe burimet e ndotjes së ujit dhe pyjet, që të mbrohen llojet autentike të peshqve, zogjve dhe bimëve./ABC News Albania 24/7

shtylla.jpg
G. P.20:38 | 19/09/2019

Ministria e Infrastrukturës dhe Energjisë thotë se rrëzimi i dy shtyllave të tensionit të lartë në Korçë është një akt terrorist.

“Strukturat e Operatorit të Sistemit të Transmetimit në terren kanë konstatuar sot në orët e pasdites në afërsi të rrugës së Voskopojës në Korçë, një akt terrorist për rrëzimin e një shtylle të tensionit të lartë, si pasojë e të cilës ka mbetur pa energji rajoni i Ersekës”, thuhej në deklaratën e ministrisë.

Mësohet se pas verifikimit të bërë nga brigada e njësisë operative u konstatua që rrëzimi i shtyllave ka ardhur si pasojë e veprimeve të qëllimshme, duke dëmtuar konstruksionet metalike të tyre. Kjo linjë furnizon me energji rajonin e Ersekës, i cili për momentin është pa energji elektrike.

Menjëherë është njoftuar Policia e Shtetit, e cila në bashkëpunim me prokurorinë kanë nisur punën për zbardhjen e kësaj ngjarjeje të rëndë dhe zbulimin e autorëve të saj.

Nga ana e grupeve të punës të OST janë marrë masa për rikthimin e furnizimit normal me energji të këtij qyteti përmes linjave të tjera.

“Gjithashtu,grupet e punës ndodhen në terren ku po punohet, në kushte jo të favorshme atmosferike, për të evidentuar dëmet e shkaktuara dhe marrjen e masave të nevojshme për riparimin e tyre me qëllim kthimin në normaliteti të situatës”, thuhej në njoftimin e ministrisë.

Nga ngjarja që ndodhi nuk ka pasur të lënduar, por vetëm dëme materiale. Raportohet se kabllot e shtyllave që ndodheshin buzë rrugës kanë rënë mbi një automjet, që ishte duke lëvizur në drejtim te Voskopojës./abcnews.al

SHEMBET-LOKALI-I-MIHAL-KOKDHIMES-MBULIM.mpg_snapshot_01.04-1280x720.jpg
ent ela12:42 | 21/08/2019

Sulmi që iu bë turistëve i ka kushtuar shtrenjtë Mihal Kokëdhimës. Ndërkohë që rrezikon lirinë, lokali i tij iu bë rrafsh me tokën nga Inspektoriati Kombëtar i Mbrojtjes së Territorit.

Tri orë iu deshëm fadromave të rrëzonin “Panorman”.

Objekti dy katësh me një verandë sipër tij, rreth 2 mijë metër katrorë, që shërbente si bar- restorant, ishte ndërtuar në një nga zonat më të bukura bregdetare të jugut të Shqipërisë, në gjirin e Porto Palermos. Por ai rezulton të ketë qenë pa leje. Ndërkohë që Mihal Kokëdhima shfrytëzonte kundrejt pagesës edhe pjesën e plazhit.

Në këtë operacion, IKMT nuk ka hasur në kundërshtime të qytetarëve. Çdo veprim i saj ka qenë i koordinuar ngushtësisht me policinë e shtetit.

51 vjeçari Mihal Kokëdhima u vu arrestua nga policia, pas denoncimit të turistëve spanjollë. Pakënaqësia e tyre e shprehur ndaj shërbimit të Bar Restorant Panormas përfudnoi me skena të ngjashme me ato të filmave.

Prej 6 ditësh, që kur Mihal Kokëdhima u vu në pranga pas aktit barbar ndaj turistëve spanjollë, vetë familjarët e tij e më pas policia bllokuan aktivitetin e bar- restorantit dhe plazhit pranë tij.

Ndërsa të dielën ai doli para gjykatës së Vlorës, e cila caktoi masën e sigurisë “arrest në burg” për Mihal Kokëdhimën.

Që pas publikimit të këtij rasti dhune, në rrjetet sociale nuk kanë rreshtur denoncimet nga qytetarë të ndryshëm vendas dhe të huaj, kundër Mihal Kokëdhimës.

Denoncuesit shprehen për dhunë dhe agresivitet nga ana e tij, çmime shumë të larta në lokal dhe shërbim jo etik ndaj klientëve. /ABC News Albania 24/7

 

skela-1-1280x741.jpg
Sej rie08:30 | 17/08/2019

Policia ka arrestuar drejtuesin teknik të punimeve në firmën “Xhimi”, Xhimi Tarusha dhe drejtuesin teknik të sigurisë së punimeve të firmën skela “Syla”, Ilir Bendo.

Ndërkohë në kërkim ka shpallur administratorin e skelës ‘Syla’, Petrit Syla. Shembja e skelës ditën e djeshme nga një pallat në rrugën Faik Konica shkaktoi dy viktima dhe 3 të plagosur.

Dy drejtuesit teknik janë arrestuar pas rrëzimit të skelës së një pallati 13 katësh në Tiranë, ngjarje nga e cila humbën jetën dy punëtorë e u plagosën 3 të tjerë.

Sipas policisë në pranga ka rënë drejtuesi teknik i punimeve në firmën “Xhimi”, Xhimi Tarusha dhe drejtuesi teknik i sigurisë së punimeve të firmën skela “Syla”, Ilir Bendo.

Të dy akuzohen për veprën penale “Shkelja e rregullave të mbrojtjes në punë”. Në kërkim nga polica është shpallur dhe Petrit Syla administratori i firmës së skelave që po bënte termoizolimin e pallatit ku ndodhi ngjarja e rëndë.

Punëtorët po punonin për çmontimin e skelës pas përfundimit të rikonstruksionit të fasadës së pallatit në Rrugën Faik Konica.

Viktimat janë Ergys Brahimaj, 31 vjeç punëtor i firmës së ndërtimit “Xhimi” dhe Orjan Kodra, 36 vjeç punëtor i skelës “Syla” të cilët  mbetën nën rrënojat e hekurta pas shkëputjes së skelës. 3 të plagosurit Genti Bardhi, 44 – vjeç,  Euglidios Lika 34 – vjeç dhe Altin Marku, që kanë marrë plagë të rënda në trup e kokë,  janë jashtë rrezikut për jetën.

Polica bën të ditur se ka nisur procedim penal edhe për punonjësit e Inspektoratit të Punës Tiranë, me akuzën e “Shpërdorimi i detyrës”, pasi nuk kanë ushtruar detyrën për kontrollin e masave të sigurisë në punë në pallatin ku ndodhi ngjarja e rëndë.

5 punëtorët kanë qenë duke punuar në kate të ndryshme të skelës, në pjesën e prapme të pallatit 13 katësh.

Pas shembjes është rrëzuar pjesa e skelës nga kati i dytë deri në të dhjetin. Ndërsa një pjesë e skelës prej 3 katësh në pjesën e sipërme të pallatit ka mbetur e varur./ABC News Albania 24/7

VENDET-E-ULETA-SHTEPITE-ABC-M5-T1.mpg_snapshot_00.10-1280x720.jpg
ent ela14:40 | 27/07/2019

Rreth një milion shtëpi në vendet e ulëta janë në rrezik shëmbjeje si pasojë e ndryshimeve klimatike. Kjo pasi shtëpitë janë ndërtuar mbi ujë. Thatësira dhe ndryshimet drastike të temperaturës rrezikojnë themelet e banesave.

Një betejë mes tokës dhe ujit ajo në Vendet e Ulëta si pasojë e ndryshimeve klimatike. Situata është më serioze në Holandë ku rreth një milion shtëpi të ndërtuara mbi ujë rrezikojnë të shemben pasi thatësira dhe ndryshimet drastike të temperaturës kanë dëmtuar themelet.

Shtëpitë tipike holandeze  të ndërtuara përgjatë kanaleve janë ato që rrezikojnë të zhduken Brenda një kohe shumë të shkurtër. Themelet e shumë shtëpive të ndërtuara me dru janë gati të shkatërruara dhe brenda pak vitesh kjo pamje mund të mos jetë më.

Në Zandam një qytezë disa kilometra në veri të Amsterdamit në zonat më të vjetra të qytetit, pasojat janë të dukshme. Fasadat janë në rënie dhe mbahen me proteza druri të improvizuara, si dhe të çara nëpër mure. Inxhinierët shpjegojnë se disa nga banorët përdorin tuba plastikë për të hedhur ujë në themele. Ata thonë se këto banesa nuk do të rezistojnë gjatë dhe maksimumi pas dhjetë vitesh, nëse problemet nuk do të zgjidhen, ato do të shemben.

Rikonstruksioni i shtëpive ka kosto shumë të lartë pasi shtyllat e vjetra të drurit zëvendësohen me ato të hekurit dhe më pas mbushen me çimento, në atë që me të drejtë cilësohet si një garë me kohën. /ABC News Albania 24/7

meta-1-1280x713.jpg
Sej rie13:40 | 24/07/2019

Presidenti i Republikës Ilir Meta ka dorëzuar në Gjykatën Kushtetuese kërkesën për shpalljen antikushtetues të ligjit për shembjen e Teatit Kombëtar. Në një prononcim për mediat, kreu i shtetit është shprehur i bindur se drejtësia kombëtare dhe ndërkombëtare do të ndëshkojë ata që sipas tij janë përfshirë në këtë krim që është simbol i kapjes së shtetit.

“Ky veprim është në koherencë të plotë me përpjekjet e mia në raport me Kuvendin, qeverinë, institucionet vendore të përfshira në këtë proces kriminal të kapjes më flagrante të shtetit, në dhunim të rendit kushtetues, të akteve dhe marrëveshjeve ndërkombëtare dhe njëkohësisht në kundërshti të plotë me interesat kombëtare të vendit, pasi ligji për shkatërrimin e Teatrit Kombëtar është një simbol kryevepër ku si asnjëherë tjetër më parë kryhet në harmoni të plotë krim kushtetues, kombëtar, kulturor dhe e gjitha kjo në interes të asaj që mund të quaj me shumë të drejtë,  jo “rule of law”, por “rule of oligarchs”.

I siguroj se kam ardhur këtu për të garantuar që Republika e vendit do të jetë një vend i sundimit të ligjit dhe popullit, boll me sundimin e oligarkëve dhe i siguroj të gjithë se duhet të ndërpritet akti kriminal që nisi në mëngjes dhe më solli mua këtu, do të veproj drejtësia shqiptare dhe drejtësia ndërkombëtare ndaj rilindësve lokale dhe ndërkombëtare që e kanë lënë vendi pa gjykatë kushtetuese deri tani”.

Nuk kemi Gjykatë Kushtuese, kush do ta gjykojë?

“Nuk jemi rastësisht pa gjykatë kushtetuese dhe fajin nuk e ka reforma, jo, reforma e votuar me 140 vota në kuvend nuk e linte vendin pa Kushtetuese, pa gjykatë e la “Ramaforma”, që përpiqet me të gjitha format e veta për të kapur këtë institucion. Një ditë drejtësia do të veprojë për të gjithë atë që janë përfshirë në këtë krim”.

Kryeministri ka deklaruar se do të ndërtohet Teatri, si do ta ndaloni?

“Nuk ka forcë në botë që më ndalon mua si President për t’i vënë para drejtësisë lokale dhe ndërkombëtare “rilindësit lokale” dhe “ndërkombëtarë” që kanë goditur reforma për tu dhënë drejtësi shqiptarë në mënyrë që t’i japin drejtësinë oligarkëve”.

Do të gjykojë edhe shkarkimin tuaj zoti Meta…

“Jam i lumtur për procesin e dekorimit që ka nisur ndaj meje, sot kam bërë dy vjet që jam betuar në Kushtetutën e Republikës, asnjë President më parë nuk ka ardhur këtu se nuk ka qenë e nevojshme, por unë kam bindjen se drejtësia shqiptare dhe ndërkombëtare janë e do të jenë në veprim pavarësisht mafiozllëqeve”.

Këto deklarata kreu i shtetit i bëri pas depozitimit në Gjykatën Kushtetuese të kërkesës për shpalljen antikushtetues të ligjit për shembjen e godinës së Teatrit Kombëtar. /abcnews.al

rama-pergigja-1280x684.jpg
ent ela18:25 | 12/03/2019

Në një reagim sot për këtë konflikt, kryeministri Rama tha se e njeh shqetësimin e këtyre banorëve, por qeveria, sipas tij, nuk mund të zhbëjë vendimet e gjykatave. Rama u shpreh se sjellja e uniformave përballe banorëve të kësaj shtëpie nuk ishte dinjitoze. Policia, sipas tij, duhet të jetë me mendje dhe zemër.

Edhe kryeministri e pranoi se Policia e Shtetit nuk ishte dinjitoze në reagimin përballë disa familjarëve gjatë ekzekutimit të një vendimi gjyqësor për lirimin e banesës së tyre përballë shkollës Petro Nini.

Me ligj vendimet ekzekutohen nga përmbarimi, kur kërkon mbështetjen e policisë, policia është e detyruar që ta mbështesë. Duke shkuar në mbështetje të përmbarimit policia zbatoi ligjin, por edhe pse prania ishte kërkesë e ligjit, sjellja e saj nuk ishte dinjitoze, trupa ishte nisur pa përgatitje, ku u krijuan vetëm skena të panevojshme, me njerëzit që shtriheshin në rrugë dhe policia nuk dinte se cfarë bënte.

Lidhur me ngjarjen e djeshme te Petro Nini, u provokua qëllimisht irritimi i njerëzve pa u dhënë informacion faktik. unë do të them cfarë di unë, pasi jam informuar në detaje, që edhe për mua dje ishte irrituese”.

 Në rubrikën “Përgjigja ime”, përveç kritikës pati edhe një mesazh për policët.

Policia duhet të jetë me mendje dhe zemër. Lirimi i drejtuesit të Tiranës ishte mesazh se të jesh në rregull me ligjin nuk mjafton, pasi duhet dicka më shumë. Por ana e errët që ka të bëjë me kanalet dhe portalet e kthyen përmbys të vërtetën. Aty nuk është dhënë leje për pallat dhe IKMT nuk ishte aty”.

Kreu i qeverisë thotë se e njeh rastin konkret për shkak të ankesës së familjarëve. Por është i bindur se ekzekutivi nuk mund të zhbëjë vendimet e gjykatave.

Jam kontaktuar nga banorët kohë më parë dhe e kam marrë informacionin se janë në konflikt me palën tjetër që ka fituar me gjyq. Të zotët aktuale e kanë humbur me vendim gjykate të formës së prerë, ndërsa trashëgimtarët kanë fituar.

A është i drejtë vendimi i gjykatës? Na pëlqejnë nuk na pëlqejnë, në sistemin që kemi zgjedhur nuk ka qeveri që i zhbën. Reforma mund ta reformojë sistemin dhe ta clirojë nga korrupsioni dhe ta bëjë të denjë. Ky clirim nuk është fjalë goje, kërkon mund, durim, kohë, por ajo që qeveria nuk mund të bëjë, është që të bëjë gjykatësin. I drejtë apo i padrejtë këtë nuk e dimë dhe vendosim në diskutim”.

 Kryeministri garanton  se në atë vend  nuk është dhënë leje ndërtimi për pallat dhe nuk ka asnjë plan rregullues. Ndërsa për banorët që preken nga ky vendim gjyqësor përsërit zgjidhjen e ofruar nga Bashkia.

Bashkia u ka ofruar banesë sociale familjes, e cila ka ndërtuar një shtesë pa leje, që kërkon legalizim. Kjo për të kujtuar se cfarë kanë bërë me pronat ata që na kanë qeverisur. Qeveria nuk është e përsosur, por ka një virtyt, ka sytë dhe veshët katër për të parë dhe dëgjuar”.

 I bindur se po bën jo vetëm gjënë e duhur, por edhe ndryshe nga tjerët në atë post, e mbyll përgjigjen e tij me një batutë pikante.

“Kur të mos më keni do më kujtoni, por deri atëherë ka kohë. Rëndësi ka të na bashkojë qëllimi i mirë”. /abcnews.al

Turkey_Building_Collapse_89855_71918669_ver1.0_640_360.jpg
ent ela18:31 | 10/02/2019

Është ngjitur në 21 bilanci i viktimave të ndërtesës 8-katëshe që u shemb pak ditë më parë në Stamboll të Turqisë. Ka qenë ministri i Brendshëm Sulejman Sojlu që ka bërë të ditur të dhënat, duke shtuar se 14 persona llogariten ndërkohë të plagosurit. Godina e banuar në lagjen Kartal, në pjesën aziatike të qytetit, u shemb ditën e mërkurë për shkaqe ende të panjohura. Në ndërtesë numëroheshin 14 apartamente të banuara, por tre katet e fundit të saj sipas autoriteteve ishin ndërtuar pa leje. Gjithashtu, pa leje funksiononin edhe disa subjekte private të hapura në katet e para të saj. Ministri i Brendshëm Sojlu ka shtuar se operacionet e kërkim shpëtimit do të vazhdojnë./abcnews.al

 

house_ar2-933x445.jpg
ent ela10:26 | 10/02/2019

Një ndërtesë e braktisur dhe e rrënuar është shembur duke zënë poshtë dy makina. Ngjarja ka ndodhur mëngjesin e sotëm në një lagje të Athinës në Greqi.

Nga shembja e ndërtesës nuk ka persona të lënduar, por të paktën dy makina janë shkatërruar. Qytetarët thonë se fillimisht u frikësuan pasi menduan se kishte ndodhur ndonjë shpërthim.

“Ishte zhurmë e madhe. U larguam për të shpëtuar sepse menduam se ishte bombë”, tha një dëshmitar.

Në vendngjarje shkuan forcat e policisë dhe zjarrfikësja. /tvklan.al

GXAAD6RB6II6TJ2ZFOCUDO56EA-1280x853.jpg
ent ela10:32 | 28/01/2019

58 viktima dhe 305 të zhdukur është bilanci i viktimave të shkaktuara nga shembja e digës disa ditë më parë në Brazil. Koordinatori i mbrojtjes civile locale, tha për mediat se ekipet e sh[ëtimit kanë arritur të nxjerrin të gjallë nga balta 192 persona. Tashmë përpjekjet janë përqendruar në nxjerrjen e një autobusi të mbetur nën ujë dhe nën baltë, ndërsa nuk dihet saktësishtt se sa persona mund të ketë në bord./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono