shehi

shehi-1280x733.jpg
Sej rie20:40 | 29/04/2019

Sot Kryeministri Rama ka takuar në Berlin Kancelaren Merkel.  Zyra e shtypit të kreut të qeverisë bëri të ditur se Kancelaria e Gjermanisë ka thënë se do mbështesë Shqipërinë në hapjen e negociatave me BE. Për Dashamir Shehin, nëse Merkel na mbështet për në BE, do jetë kënaqësi, sepse nuk mbështet Ramën por Shqipërinë.

Mirela Milori: Në samitin e Berlinit ka pasur një takim Kryeministri me Merkel. Zyra e tij bën me dije se ka qenë një takim shumë i frytshëm dhe zonja Merkel ka deklaruar mbështetje e Gjermanisë, ku jeni edhe ne pragun e çeljes së negociatave. Mendoni se është një sinjal pozitiv për qeverinë dhe mund të kthehet në një sinjal negativ për rrugën që zgjodhi opozita?

Dashamir Shehi: “Kjo që thatë ju është se ta njoftojmë popullin. Zyra e shtypit të Kryeministrit edhe sikur ai të jetë i zi fare do të thotë se ky është fare i bardhë madje ka edhe disa argjend tek veshët. Kjo punë them që nuk vlen. Them se nuk vlen pasi ka bërë kaq shumë propagandë duke gënjyer.  E dyta sikur kjo të jetë e vërtetë unë do e uroja me gjithë shpirt që në fund të fundit të marrë fund një herë dhe përgjithmonë kjo histori ky kalvar i gjatë i letrave dhe burokracisë shqiptare tek dera e Evropës. Mirë apo keq edhe ne që jemi opozitare kemi nevojë për Evropën. Me një Evropë këtu e cila do të vëzhgojë pushtetin, Ramën. Kam frikë që ajo zonja Mergel nuk e di fare se çfarë kemi bërë ne, që jëmi në Parlament dhe që kemi dalë jashtë Parlamentit. Ajo i drejtohet shqiptarëve dhe nëse ka ndodnjë shanc në këto kushte që jemi ne që të hyjmë në Evropë do të jetë një gjë shumë e madhe. Unë do të kapërdija edhe atletet e Ramës, i cili do të vijë këtu dhe do na çajë dërrast për lavdinë evropiane. Do e kapërdija sinqerisht që vetëm e vetëm nesër të paktën të jemi nën vëzhgimin e syrit evropian”./abcnews.al

panariti-dhe-dule.jpg
ent ela21:14 | 27/02/2019

Seancën e djeshme në Parlament, ku u miratuan dy vendime të rëndësishme që kanë të bëjnë me strukturën e dy institucioneve të reja të drejtësisë, Këshilli i Lartë i Gjyqësorit dhe Këshilli i Lartë i Prokurorisë, kreu i PBDNJ-së Vangjel Dule e cilësoi provokative, në një kohë kur opozita protestonte jashtë parlamentit. I ftuar në studion e Byro Politike, Dule theksoi se Rama i përdori deputetët e tij mish për top, ndërkohë që bëri krahasime me protestat e jelekverdhëve në Francë.

“Seanca e djeshme ishte e konceptuar si provokim. Mënyra si u sollën disa deputetë. A do kalonte një përfaqësues i Macron krah jelekverdhëve. A do ishin të përmbajtshëm ata jelekverdhë. Ata duhet të respektonin ata që protestonin. Pse nuk ishte dje Kryeministri në seancë se i përdori deputetët e vet në mish për top. Dje e donte atë seancë me qëllim që të justifikonte apostioreri. Asnjë drejtues nuk lë ata që drejton vetëm”.

Sipas Dules, Rama ka përdorur kancelaritë në Tiranë dhe mediat se opozita është e dhunshme, në një kohë kur vetë Rama donte një seancë të dhunshme, ndërsa opozita dha leksion demokracie.

“Nuk lanë vend duke filluar nga kanceralitë në Tiranë  dhe media që ka opozitë të dhunshme. Opozita dha leksion demokracie, lëshoi mandatet dhe pasi dështoi, Rama donte seancë dhunshme, por që sërish dështoi”.

Ndërsa deklaratës së Ballës se opozita ka frikë nga ngritja e SPAK dhe BKH që dogji mandatet, Dule iu përgjigj: “Kushdo që ngre ketë arsyetim, kam një pyetje. Kur është i mbrojtur një gjyqtar kur ka imunitet apo kur nuk e ka atë dhe këtu rrëzohet ai që ka frikë nga drejtësia mbrohet pas mandatit të deputetit”.

Nga ana e tij përfaqësuesi i LSI Edmond Panariti tha se parlamenti është ilegjitim, sepse kushtetuta e përcakton 140 deputetë.

“Ata flasin me veten e tyre se është një parlament gjysmagjel. Ne jemi qytetarë të thjeshtë, është  e thjeshtë t’i thërrasësh në prokurori, përkundrazi mazhoranca e ka vështirësuar çështjen e marrjes së lejes për hetim për deputetët e saj, duke kërkuar prova e hetim. Ai parlament është ilegjitim se Kushtetuta e përcakton 140 deputetë. Ai parlament do jetë gjëja më qesharake të mbushet me deputetë të PS. Ne do kthehemi pastaj në Kuvendin Popullor të kohës së enverit. Jemi në të njëjtat ujëra”.

Zgjidhjen e kësaj situate politike Panariti e sheh te propozimi i opozitës për qeveri tranzitore.

“Nëse duhet zhbllokuar kriza duhet të kalojmë në një propozim të opozitës. Vendi të qeveriset nga një qeveri tranzitore me mandat të qartë me konsensus që të bëjë ndryshime në kod dhe vota të jetë  mbrojtur”. /abcnews.al

 

byro1.jpg
ent ela20:40 | 04/02/2019

Opozita ka paralajmëruar për protestë masive më 16 Shkurt, e cila do të mbahet përpara Kryeministrisë. Aleatët e Bashës sonte në studion e emisionit “Byro Politike”, kanë komentuar se ç’ kërkon opozita me zgjedhje tranzitore. Nga radhët e LSI-së ishte deputetja Klajda Gjosha e cila u shpreh se protestat opozitare do të arrijnë kulmin më 16 Shkurt.

Gjosha: “Besoj që nuk protestat nuk kanë nisur në 4 Shkurt, por është një valë protestash që ka filluar prej muajsh dhe do donim që të kulmonte në 16 Shkurt. Protesta ka nisur me Unazën e Re dhe ka qënë një nga skandalet më të mëdha. Qëndresa e qytetarëve atje është për t’u lavdëruar.

E dyta është protesta e studentëve dhe ka qenë një protestë pozitive. Opozita është aty për të mbështetur kur ata qëndrojnë fort. Qytetarët nuk kanë frikë ndaj një lideri autokrat, që ka në kontroll të gjitha llojet e pushteteve. Qytetarët qëndrojnë fort dhe ky është makthi më i madhe që ka Kryeministri. Opozita është në rrugën e duhur dhe vendi ka nevojë për një alternativë. Kjo bëhet vetëm nëpërmjet një qeveria trazitore për t’i dhënë vendit alternativë dhe shpresë”.

Ndërsa Dashamir Shehi u shpreh se nuk po kërkojnë protesta për të sjellë në pushtet Bashën.

Shehi: “Nuk po bëjmë fjalë për të larguar drejtorin e ambulancës, por po largojmë Kryeministrin. Një lloj pregatitje duhet për këtë punë dhe jo vetëm për organizimin e njerëve por ne duhet t’u themi njerëzve se ku pos shkojnë dhe çfarë iu ofrojmë. Ne duam t’i sqarojmë njerëzit. Kjo protestë shërben për njerëzit dhe duhet t’u themi çfarë bëhet pas kësaj dite. Ne nuk po rrëzojmë zotin Rama për të venë zotin Basha. Kjo është shumë e rëndësishme dhe duhet t’ua bëjmë të qartë. Ne nuk do e rrëzojmë Ramën për një qeveri tranzitore. Ne duam që të ofrojmë zgjedhje të lira, të largojmë bandat kriminalë, oligarëktë që zgjedhjet të mos bëhen më me pistoletë tek koka. Të krijohet një klimë e re dhe zgjedhet të bëhen të lira dhe shqiptarët të votojnë dhe të zgjedhin këtë të duan. Mund të zgjedhin sërish zotin Rama, ose Dukën, ose Shehin ose Bashën”.

Duka: “Ne gjithmonë në takime me Bashën kemi këmbëngulur për rregullimin e Kodit Zgjedhor. Basha në këtë rast nuk e mbajti fjalën, sepse gjithë kohën po artikulon do shkojmë pa Ramën në qeversije ndërkohë që nuk po fol për Kodin Zgjedhor.

Protestat janë të kuptueshme se populli po zien dhe është një kazan që po vlon dhe jo kazan mediatik sikur thotë Rama. Nuk po mendojmë shumë për alternativën, por në radhë të parë duhet të ikë Rama”.

Ndoka: “E para se duhet të jemi të qartë që opozita ka pasur përballje të vazhdueshme me mazhorancën. Beteja e parë është se Basha e ka rraf Ramën në mënyrë të barabartë si kryetar bashkie. Basha e pastroi politikën shqiptare si në Parlament, ashtu edhe në bashki. I bëri një shërbim të jashtëzakonshëm vendit. U fut në një marrëveshje me një fushë të minuar, sepse Rama e kishte pregatitur vendin për t’i fituar zgjedhjet. Ne dolëm të traumatizuar nga ato zgjedhje. Kjo u vërtetua edhe pse Basha e tha, por asnjë nuk e besoi”./abcnews.al

shehi-1280x796.jpg
ent ela17:43 | 24/01/2019

Skënderbeu do të ketë shumë mungesa në ndeshjen e rëndësishme ndaj Partizanit. Gjithsesi, trajneri Orges Shehi, kërkon nga skuadra e tij që të marrë maksimumin.

Do të donin shumë që ta përsërisnin.

Futbollistët e Skënderbeut, trajnerët, drejtuesit e klubit dhe tifozët, çfarë nuk do të jepnin për të fituar edhe një herë kështu ndaj Partizanit, si 17 gushtin e kaluar në Korçë.

Gjithsesi, ajo kohë duket larg, edhe pse diferenca në renditjen e Superligës ende nuk është e pakapshme.

Skuadra kampione u stërvit në mes të dëborës në qytetin e saj, pas fitores në Kupë, dhe trajneri Shehi bëri kërkesën e tij ndaj lojtarëve.

Shehi: “Është momenti që ne të marrim maksimumin. Në ndeshjet e fundit të Kampionatit që të jemi koshientë kemi prodhuar dhe kemi marrë atë ç’ka meritonim. Duke ditur se luajmë kundër një kundërshtari direkt dhe duke parë renditjen dhe duke parë pozicionin që kanë dy skuadrat, mendoj që është ndeshja e duhur për t’u kthyer tek fitorja.

Përveç kundërshtarit të fortë, problem i madh janë mungesat.

Shehi: “Sigurisht që lojtarët që mungojnë kanë qenë pjesë e formacionit tonë gjatë gjithë kësaj periudhe, por ne duhet të mësohemi me këto mungesa dhe futbolli i tillë është”.

Gjendja duket e vështirë në Korçë, edhe për shkak të vendimit të pritshëm të KAS-it për dënimin e UEFA-s, por Shehi ende ka besim për sezonin.

Shehi: “Është ndeshje që na shërben shumë për vazhdimësi, për të ardhmen dhe për aspektin psikologjik. Nuk do ta quaja ndeshje vendimtare, por ndeshje që na shërben shumë për vazhdimin e sezonit”.

SHEHI-PER-ZGJEDHJET-E-PARAKOHSHME-DHE-PROTESTEN-1280x720.jpg
ent ela15:34 | 25/10/2018

Aleati parlamentar i demokratëve në krye të Lëvizjes për Zhvillim Kombëtar, Dashamir Shehi në një intervistë për ABC News ka deklaruar se mbajtja e zgjedhjeve të përgjithshme të parakohshme, njëkohësisht me ato vendore vitin e ardhshëm është një skenar që realizohet vetëm përmes vullnetit të opozitës dhe rezistencës bashkë me qytetarët.

Deklaratën e kreut të opozitës Lulzim Basha në takimin e parë me qytetarët në bashkinë e Vaut të Dejës, lidhur me mundësinë e mbajtjes së zgjedhjeve të përgjithshme të parakohshme në një kohë me ato vendore të qershorit të ardhshëm, aleati politik Dashamir Shehi e konsideron të duhurën dhe në linjë me dëshirën e opozitës. Për kreun e Lëvizjes për Zhvillim Kombëtar dy janë mënyrat e arritjes së saj.

“Kjo varet nga vullneti ynë dhe i shqiptarëve, nëqoftë se do dalim të rezistojmë në piacë se kjo është formula e vetme. Ose nën presionin e të huajve të bëhët një marrëveshje e madhe që të bëhen zgjedhjet njëkohësisht. Dhe ka bërë mirë që e ka zgjeruar, sepse zgjedhjet administrative janë pak për të zgjidhur sot hallet që ka Shqipëria”.

Halle të cilat për Shehin i ilustrohen edhe nga arrestimet më të fundit.

“Realiteti është ky, këtu po arrestohen njerëz periferik po të gjithë janë socialistë. Dhe ata që u përzunë vjet nga dekriminalizimi socialistë ishin. Realiteti u bë që 5 vjet ajo pjesë atje është akuzuar po denoncohet po del e lidhur me krimin. Grupi i Ramës e ka bërë pjesë të lojës politike krimin”.

Dhe kjo sepse vetë shefi i ekzekutivit, kryetari i partisë më të madhe në vend, sot 5 vjet kryeministër, e ka ushqyer këtë model, sipas tij.

“Nëse ka akoma shqiptar që mendon se ky është ëngjëlli të cilit i futen nën rrogoz këta, është budallik i madh. Këto janë vegla qorre që sigurisht i pëlqen të fitojnë qyl dhe e kanë kuptuar se mënyra e vetme nuk qenka të punosh, të jesh i majtë, mënyra e vetme qënka afrohu, vidh vota, merr tender, paratë e fitimit ndaji me shefat”.

Për ata që nisjen e protestave e prisnin me nisjen e sezonit dy muaj më parë.

“Protestat janë fenomen që kanë brenda edhe shpirtin e vet, një motiv, një moment vlimi”.

Prandaj e kemi menduar do e mendojmë mirë, protesta do vijë në momentin e duhur.

Koha i ka dhënë të drejtë denoncimeve të ngritura nga opozita, e cila sot ka propozuar edhe alternativën dhe zgjidhjen politike të saj, thekson Dashamir Shehi, e do të jetë sërish koha sipas tij, ajo që do të caktojë ditët për të qëndruar në shesh e për t’u rebeluar në mënyrë definitive. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono