SHBA

mmmmm.jpg
in a13:48 | 22/01/2020

Në një intervistë për Euronews, presidenti i Serbisë Aleksandër Vuçiç u shpreh se ishte i ngopur nga morali që liderët europianë i bëjnë atij për lidhjet që vendi ka me Rusinë dhe Kinën.

Aleksandër Vuçiç, politikan i djathtë në pushtet që nga 2017, tha se Serbia ishte ende në rrugën për anëtarësimin në Bashkimin Europian pavarësisht zhgënjimeve të njëpasnjëshme.

Në qendër të kritikave të tij janë ata që thonë se Serbia është shumë pranë Moskës dhe Pekinit, duke bërë që anëtarësimi i vendit të bllokohet për gjeopolitikat.

“Serbia nuk është shumë entuziaste, por ne jemi ende të përkushtuar ndaj Bashkimit Europian sepse nuk shohim një alternativë reale. Ne kemi 20 vjet që ndodhemi në këtë rrugëtim. Unë mendoj se përveç Turqisë, asnjë vend tjetër nuk ka pritur kaq shumë”, tha ai.

Ai mohosi se procesi i ngadaltë për normalizimin e marrëdhënieve me Kosovën, ishte arsyeja kryesore që vendi i tij nuk po anëtarësohet, por kritikoi vullnetin e BE-së dhe aleatëve perëndimorë.

“Ishte kryesisht për shkak të marërdhënies mes Beogradit dhe Prishtinës. Por në të njëjtën kohë, madje dhe sot, e diskutova këtë çështje jo vetëm me zyrtarë europianë por dhe me sekraterin amerikan të shtetit, Pompeo. E pyeta se nëse rregullohemi me Prishtinën, nëse gjejmë një zgjidhje, a do të ishte e mjaftueshme për të qenë pjesë e Bashkimit Europian?  Dhe askush nga BE apo nga Shtetet e Bashkuara të Amerikës nuk mund të konfirmonte se Serbia atëherë do të ishte anëtare e BE-së. Kjo do të thotë se ne duhet të presim për një vendim dhe përfundim nga BE, nëse duan ta shohin Serbinë si pjesë e Bashkimit Europian apo jo”, u shpreh Vuçiç.

Lideri serb u shpreh se nuk mund të thuhej se marrëdhënia me BE-në ishte nga më të mirat por gjithsesi ai ishte shumë mirënjohës ndaj Brukselit për ndihmën e dhënë gjatë përmbytjeve që goditën vendin në 2014-ën.

Por ai u shpreh i zemëruar ndaj pyetjes nëse do të duhej të zgjidhte mes Moskës dhe BE-së, duke thënë se mediat perëndimore e kanë shumë problem të kuptojnë se lidhjet e Beogradit me Moskën janë për të mirën e popullit serb dhe në interes të vendit.

“Gjithnjë i them Putin, dhe nuk e mohoj këtë, si bëjnë shumë politikanë të tjerë të Bashkimit Europian, sepse kur ata takohen me Putin harrojnë se nga vijnë. I them gjithnjë se vendi im është në rrugën e anëtarësimit në BE dhe se ky është objektivi ynë strategjik. Por kjo nuk do të thotë se kur të bëhemi një vend anëtar ne do të ndërpresim lidhjet me Kinën, Rusinë dhe të tjerët. Për të thënë të vërtetën jam i ngopur nga morali që na bëjnë për bashkëpunimin tonë me Kinën dhe Rusinë, dhe më pas të shoh ata që takohen me XI Jinping dhe Putin më shpesh se unë. Bëni punën tuaj. Ju jeni shtete sovrane. Serbia është shtet sovran. Ne bëjmë çdo gjë që është në të mirë të popullit dhe vendit tonë”, tha Vuçiç.

Vuçiç theksoi se Serbia nuk do të marrë vendime false për të kënaqur BE-në apo Moskën, dhe pse nuk dihet se kur vendi do të mund të jetë anëtar. Ai tha gjithashtu se ekonomia serbe është më e forta në Ballkanin Perëndimor me një rritje prej 4.5% vitin e kaluar, gjë që tregon se po ecim në drejtimin duhur./abcnews.al

fcd8fa6f3105d32bb47f853fcb5fd83ee13346ed-16x9-x358y189w642h361.jpg
So Nila10:18 | 22/01/2020

Një ngjarje e rëndë ka ndodhur në SHBA ku tre fëmijë kanë humbur jetën si pasojë e vrasjes nga nëna e tyre. Mediat amerikane bëjnë me dije se ngjarja e rëndë ka ndodhur në Phoenix të Amerikës, ku një nënë për shkaqe të panjohura ka vrarë fëmijët e saj.

Sipas mediave dyshohet se nëna ka vrarë vajzën e saj të mitur, vajzën e saj 2-vjeçare dhe djalin e saj 3-vjeçar.

Policia gjeti fëmijët e vdekur në shtëpinë e tyre në Phoenix. Banorët njoftuan 911, duke thënë se kishin parë tre kufonma brenda banesës. Nëna është një 22 vjeçare, mbi të cilën bien një sërë akuzash, deri tek vrasja e shkallës së parë.

Ndërkohë deri më tani nuk ka asnjë informacion në lidhje me identitetin e fëmiëve dhe nënës që dyshohet se ka kryer këtë akt të rëndë. /abcnews.al

Kun-Aguero.jpg
Igli Nikolli08:04 | 22/01/2020

Sergio Aguero është golashënuesi më i mirë në historinë e Manchester City. Sulmuesi argjentinas ka një kontratë deri në vitin 2021 me ekipin anglez, teksa mosha 31-vjeçare nuk i premton shumë sezone në nivele të larta.

“Cityzens” janë gati të plotësojnë dëshirën e “El Kun” për t’u larguar dhe nuk kanë ndërmend ta pengojnë. The Sun raporton se bomberi mund t’i japë fund aventurës me ekipin e Guardiolës në verë, teksa mund të vijojë karrierën në SHBA.

Inter Miami është gati t’i dhurojë një kontratë afatgjatë dhe shumë të mirë në aspektin financiar, opsion që e tundon shumë Sergio Agueron, edhe pse ndonjë ofertë e ndonjë klubi të madh europian mund të merret në konsideratë. /abcnews.al

13981028000162_PhotoI.jpg
So Nila10:24 | 18/01/2020

Të paktën katër persona kanë humbur jetën dhe një tjetër është plagosur si pasojë e të shtënave me armë zjarri në SHBA.

Ngjarja ka ndodhur në mbrëmjen e së premtes në një banesë në provincën e Grantsville, në perëndim të Salt Lake City.

Sipas mediave amerikane deri më tani nuk ka asnjë informacion nëse viktimat kishin apo jo lidhje me njëri-tjetrin. Gjithashtu nuk ka snjë detaj për identitetin dhe shkaqet e kësaj ngjarje të rëndë. /abcnews.al

9DDCC8BC-50BD-490C-B491-40FAE46F2F87_w1200_r1_s.jpg
So Nila13:04 | 17/01/2020

Në Katar vijojnë bisedimet për marrëveshje midis grupit militant taliban dhe një ekipi negociues amerikan të udhëhequr nga Zalmay Khalilzad.

Zëdhënësi i talibanëve, Suhail Shaheen, përmes nnjë postimi në Tëitter shkruan se bisedimet do të vazhdojnë për disa ditë dhe ne do të ndajmë informacione në intervale të ndryshme. Ndër të tjera ai ka shtuar se bisedimet ishin “të dobishme” dhe se palët po diskutojnë nënshkrimin e një marrëveshjeje.

Ndërkohë nga ana e zyrtarëve amerikanë nuk ka akoma asnjë koment në lidhje me zhvillimin e këtyre takimeve. Më parë ato kanë theksuar se nëse arrihet marrëveshja, atëherë talibanët do të zbatojnë një armëpushim 10-ditor me trupat amerikane, një ulje të dhunës dhe diskutim me qeverinë afgane.

Forcat amerikane janë të vendosura në Afganistan që nga viti 2001. Pushtimi i tyre kishte për qëllim dëbimin e talibanëve, pas sulmeve terroriste të 11 shtatorit në Shtetet e Bashkuara.

Në atë kohë talibanët kontrollonin Afganistanin dhe strehuan Osama bin Ladenin, ideatorin e sulmeve./abcnews.al

palmerin.jpg
in a16:46 | 16/01/2020

Zv.Ndihmës Sekretari i Shtetit dhe i Dërguari i Veçantë për Ballkanin Perëndimor Matthew Palmer takohet me Yuri Kim.

Ambasada e SHBA e ka vlerësuar pozitivisht marrëveshjen për zgjedhoren. “Qëndrim i guximshëm i Shqipërisë ndaj Iranit, marrëveshja për Zgjedhoren lajm pozitiv”, shkruan në statusin e saj Ambasada e SHBA.

Gjithashtu Ambasada amerikane thotë se  se dy ishin çështjet më të rëndësishme, konflikti SHBA- Iran si dhe marrëveshjen mes palëve politike në Shqipëri për Reformën Zgjedhore.

 Statusi i Ambasadës së SHBA

🇦🇱️ | Zv.Ndihmës Sekretari i Shtetit dhe i Dërguari i Veçantë për Balkanin Perëndimor Matthew Palmer u takua me Ambasadoren Yuri Kim për të diskutuar qëndrimin e guximshëm dhe parimor të Shqipërisë mbi Iranin, si dhe lajmin pozitiv lidhur me përkushtimin ndërpartiak për të realizuar reformën zgjedhore në përputhje me rekomandimet e OSBE/ODIHR. #SHBAQendronKrahShqiperise./abcnews.al

shba-kine.jpg
So Nila09:30 | 16/01/2020

Shtetet e Bashkuara të Amerikës dhe Kinës kanë nënshkruar fazen e parë të marrëveshjes që synon lehtësimin e një lufte tregtare që ka tronditur tregjet dhe ka goditur ekonominë globale.

Presidenti amerikan Donald Trump ka deklaruar se pakti do të ishte “transformues” për ekonominë e SHBA-së. Nga ana tjetër zyrtarët e lartë kinezë e quajtën atë një marrëveshje të “fitores” që do të ndihmonte në forcimin e marrëdhënieve më të mira midis dy vendeve.

Kina është zotuar të rrisë importet e SHBA-së me 200 miliardë dollarë, mbi nivelet e vitit 2017, dhe të forcojë rregullat e pronësisë intelektuale. Në këtë marrëveshje SHBA ka rënë dakord të përgjysmojë disa nga tarifat e reja që ka vendosur për produktet kineze.

Presidenti Trump ka thënë në fund të vitit të kaluar, se ai pas nënshkrimit të marrëvëshjes së quajtur “Faza e Parë”, do të udhëtojë në Pekin për të filluar bisedimet për fazën tjetër të marrëveshjes.

oerdi-1280x616.jpg
in a19:47 | 13/01/2020

Ish- deputeti i PD, Oerd Bylykbashi i ftuar në “Mbrëmje në ABC” ka folur për pushimin e akuzës për dosjen e lobimit të PD në SHBA. Bylykbashi e cilësoi si një kapitull të turpshëm, sipas tij kryeministri po përdor Vettingun për të bërë presion mbi gjyqtarët.

“Për pjesën më të madhe të akuzës Prokuroria tha se nuk ka prova. Vërtetoi se sa herë bënte një deklaratë Taulant Balla, Prokuroria vihej në lëvizje. Edi Rama bën presion me Vettingun mbi gjyqtarët. Kjo është mbyllja e një kapitulli të turpshëm që PS i ka bërë Partisë Demokratike”, tha Bylykbashi.

I pyetur për Reformën Zgjedhore ai theksoi se është një reformë e domosdoshme për vendin.

“Është një garanci shtesë për procesin zgjedhor.Ajo që kërkohet me ngulm nga Bundestagu është Reforma Zgjedhore e testuar. E vetmja zgjidhje e krizës politike janë zgjedhjet e parakohshme. Edi Rama është “kçd”, kap çfarë don ai”, theksoi ai.

Më tej ai u shpreh se brutalizimi i zgjedhjeve nëpërmjet përdorimit të policisë, sistemi zgjedhor është një çështje shumë e rëndësishme, duhet garantuar standardi zgjedhor. “Ne duhet të garantojmë që zgjedhësit të votojnë, dhe se vota e tyre nuk vidhet”, tha Bylykbashi.

“Duhen forcuar mekanizmat që luftojnë presionin mbi zgjedhësit dhe administratën politike, sot shqiptarët në mënyrë selektive nuk pajisen me karta identitetit. Janë një seri hapash që qeveria i ka me ligj, por nuk ka dashur ti realizojë. Sot qytetarët kërkojnë zgjedhjet”, tha Bylykbashi.

Ish deputeti i PD thekson se procesi politik dhe kriza është e tillë që vetëm me zgjedhje të parakohshme mund të zhbllokohet.

Sa i përket denoncimeve për kryebashkiakët, Bylykbashi u shpreh se po punohet dhe se çdo gjë do të bëhet transparente ashtu siç ka ndodhur deri më tani.

“Rama ka nëvojë që ta brutalizojë median, ti mbyllë gojën, por ndërhyrja e OSBE nuk mund të dalë jashtë asaj çfarë ka thënë./abcnews.al

trump-kim.png
nev ila11:46 | 13/01/2020

Shtetet e Bahskuara të Amerikës kanë kontaktuar me Korenë e Veriut, duke e informuar se synojnë rifillimin e negociatave për programin bërthamor në Stokholm.

Lajmi është konfirmuar nga këshilltari për sigurinë kombëtare, Robert O’Brajan, në një intervistë për mediat amerikane.

Ai shtoi se është një shenjë e mirë që lideri koreanoverior Kim Jong Un nuk ka rifreskuar premtimin për një dhuratë krishtlindjeje që sipas analistëve mund të ishte një test i ri raketash me rreze të gjatë./abcnews.al

11861166-3x2-700x467-1.jpg
ger ta08:46 | 12/01/2020

Të paktën 11 persona kanë humbur jetën si pasojë e stuhisë me erëra të mëdha, tornado dhe shi në jug dhe në perëndim të Shteteve të Bashkuara të Amerikës.

Vdekjet u raportuan në Teksas, në Alabama nga një tornado vdekjeprurëse dhe në Luiziana, ku erërat ishin aq të forta sa që një shtëpi rimorkio u ngrit nga themelete saj.

Qindra mijëra njerëz mbetën pa energji në Texas në Ohio, pjesë të autostradave u mbyllën në Oklahoma dhe Arkansas për shkak të përmbytjeve dhe qindra fluturime u anuluan në aeroportet ndërkombëtare të Çikagos.

Guvernatori i Arkansas, Asa Hutchinson deklaroi gjendje të jashtëzakonshme për të ndihmuar ekuipazhet që punojnë.

Dy punonjës të shërbimeve të urgjencës u vranë dhe një tjetër u plagosën në Lubbock, Texas, pasi u goditën nga një automjet ndërsa punonin në vendin e një aksidenti në kushte të akullta.

Shefi i policisë së Lubbock, Floyd Mitchell e quajti atë një “ditë jashtëzakonisht tragjike” për qytetin.

Një tjetër person humbi jetën në Dallas, Teksas, të Ppremten në mbrëmje kur një makinë u aksidentua.

Në Alabama, pa energji kanë mbetur më shumë se 85 mijë banorë, në Louisiana 36 mijë, ndërsa në Mississippi më shumë se 61 mijë persona nuk patën rrymë.

Alarmi për vërshime është aktivizuar në Arkansas, Tennessee, Mississippi, Missouri ,Illinois dhe Indiana./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono