SHBA

hillary-clinton-1280x709.jpg
nev ila23:46 | 13/11/2019

Hillari Klinton mund të rikandidojë për presidente e SHBA përballë Donald Trump. Ish kandidatja për presidente e pranoi gjatë një intervsite radiofonike për BBC, pasi siç tha ka marrë kërkesa të shumta për të kandiduar në 2020-ën.

Hillari Klinton duket se po i rikthehet ëndrrës së parealizuar: të bëhet presidente e SHBA. Ndërsa në Kongres ka nisur një hetim i ri ndaj Donald Trump për çështjen e Ukrainës, ish kandidatja për presidente që humbi në zgjedhjet e kaluara përballë Trump nuk duket totalisht e bindur nëse nuk do rikandidojë kundër Trump në zgjedhjet e 2020-ës.

Gjatë një interviste radiofonike për BBC, Hilari Klinton tha se ka kërkesa të shumta që ajo të kandidojë përsëri në emër të demokratëve përballë Trump.

 “Siç them unë, kurrë, kurrë, kurrë mos thuaj kurrë. Jam në trysni të madhe nga shumë shumë njerëz për t’a shqyrtuar këtë ide, por në këtë moment që jam ulur këtu në këtë studio, kjo nuk është absolutisht pjesë e planeve të mia”, u shpreh ish-kandidatja për presidente e SHBA.

72-vjeçarja, ish-Sekretare e Shtetit, të cilën Tramp e mundi me një diferencë të ngushtë në zgjedhjet e 2016-ës, thotë se kushdo që të fitojë në zgjedhjet vitit të ardhshëm, ka një detyrë të rëndësishme, të zhbëjë gabimet e rënda të bëra nga administrata aktuale.

Gara për kandidaturën e demokratëve ka nisur dhe po zhvillohet mes 17 kandidatëve kryesorë, në krye të të cilëve është Joe Biden. Edhe nëse vendos të kandidojë tani, Clinton do ta ketë të vështirë fitoren, pasi disa prej shteteve federale e kanë mbyllur regjistrimin për zgjedhjet paraprake, ku garojnë mes njëri-tjetrit kandidatët e partive të mëdha./abcnews.al

 

spiunet-e-twiter.jpg
nev ila13:42 | 07/11/2019

Departamenti amerikan i drejtësisë akuzoi zyrtarisht dy ish nënpunës të rrjetit social Twitter për spiunazh për llogari të Riadit. Njëri prej tyre me shtetësi amerikane, u arrestua.

Dy ish nënpunës të Twitter janë akuzuar nga departamenti amerikan i drejtësisë se janë spiunë në shërbim të Arabisë Saudite. Sipas akuzave, të dy kishin për detyrë që të mblidhnin informacione në llogaritë e disa disidentëve apo kritikëve të Riad. Një nga të dy, me nënshtetësi amerikane, u arrestua.

Kjo është hera e parë që autoritetet federale amerikane akuzojnë publikisht Riadin, një nga aleatët kryesorë në Lindjen e Mesme, për spiunazh.

Ish nënpunësi i dytë i Twitter, që akuzohet për spiunazh, është saudit, dhe sipas departamentit amerikan të drejtësisë , në vitin 2015 ai ka arritur të marrë informacione personale nga 6 mijë llogari, për t’ia dorëzuar më pas Riadit.

Njëri nga këto profile i përkiste Omar Abdulaziz, nëj nga personat më të afërt me Jamal Khashoggi, disidenti saudit dhe gazetarit të Uashington Post që u vra një vit më parë nga agjentë sauditë në Stamboll./abcnews.al

B3062327-910C-4B25-9EA2-74DF65BB71B1_cx0_cy10_cw0_w1023_r1_s.jpg
ent ela22:55 | 04/11/2019

Shtetet e Bashkuara kanë vendosur sanksione ndaj nëntë personave të lidhur me Udhëheqësin suprem të Iranit, Ayatollah Ali Khamenei, midis tyre shefi i shtabit, një nga djemtë e tij dhe kreu i gjyqësorit të Iranit.

Departamenti i Thesarit i SHBA-së tha përmes një deklarate të 4 nëntorit se Uashingtoni gjithashtu sanksionoi Shtabin e Përgjithshëm të Forcave të Armatosura të Iranit.

“Sot Departamenti i Thesarit po shënjestron zyrtarët që rrethojnë Liderin suprem të Iranit, Ayatollah Khamenei dhe zbatojnë politikat e tij destabilizuese”, tha pëmes një deklarate, sekretari amerikan i Thesarit, Steven Mnuchin.

“Këta individë janë të lidhur me një gamë të gjerë sjelljesh malinje, duke përfshirë edhe bombardimet e kazermave detare të SHBA-së në Beirut më 1983, pastaj sulmin ndaj Shoqatës së përbashkët izraelito-argjentinase më 1994. Ata janë të lidhur edhe me disa raste të torturave, vrasjeve jashtëgjyqësore dhe shtypjen e civilëve”, tha Mnuchin.

Njoftimi u bë në ditën kur shënohet dyzet vjetori i sulmit në ambasadën amerikane në Teheran. Më 4 nëntor, 1979, disa studentë iranianë – ndjekës të Ajatollah Ruhollah Khomeinit – kanë sulmuar ambasadën amerikane në Teheran dhe kanë marrë pengje dhjetëra amerikanë.

Pesëdhjetedy amerikanët janë mbajtur peng për 444 ditë.

Më 4 nëntor, Irani tha se ishte duke dyfishuar numrin e centrifugave të përparuara për pasurimin e uraniumit, duke zvogëluar më tej kohën, kur ekspertët vlerësojnë se Teherani mund të posedojë materiale të mjaftueshme për të ndërtuar një armë bërthamore. /REL

Vettel.png
Igli Nikolli12:19 | 03/11/2019

Një episod interesant ka ndodhur mes Sebastian Vettel dhe një gazetari. Piloti i Ferrarit do të niset i dyti sonte në çmimin e madh të Teksasit në SHBA. Gjermanin e ka shqetësuar diçka në provat e kësaj gare.

Marijuana nuk është ilegale në këtë shtet, por ndonjë tifoz ka preferuar të ndjekë provat me cigare hashashi ndezur. Era e ka shqetësuar Vettel, i cili nuk i ka kursyer batutat me gazetarët.

A është marijuana legale këtu në Teksas?“, ka pyetur piloti gazetarin e befasuar. “Ndjeja erën gjatë xhirove të kryera. Një çmenduri e vërtetë, sidomos në kthesën e parë dhe të 11-të. Gjithsesi, është gjithmonë kënaqësi të garosh këtu“, është shprehur Vettel duke buzëqeshur. /abcnews.al

maxresdefault-1280x720.jpg
ent ela14:21 | 01/11/2019

Shqiptarja Buta Biberaj është kandidate për prokurore në qarkun Loudon, Virginia, të Shteteve të Bashkuara të Amerikës.

Lajmi është konfirmuar nga gazeta prestigjioze amerikane “The Washington Post”, e cila  i ka dedikuar një artikull të veçantë shqiptares së suksesshme në SHBA.

Gazeta e vlerëson shqiptaren si një prokurore të  aftë që u ka shërbyer qytetarëve. Biberaj ka më shumë se 25 vite përvojë në fushën juridike, ka punuar si avokate dhe për 11 vjet radhazi ishte angazhuar edhe si zëvendësgjykatëse në këtë qark.

“Avokati i Commonwealth Loudoun, Jim Plowman është duke u larguar nga detyra që ka mbajtur që nga viti 2003. Në vend të tij emërohet avokatja Buta Biberaj. Zonja Biberaj, e cila është marrë me praktikimin e ligjit në Loudoun për më shumë se 25 vite dhe ka shërbyer si gjyqtare zëvendësuese në gjykatën e qarkut, e njeh mirë Virxhinian.

Axhenda e saj e fuqishme përfshin përfundimin e lirimit me kusht, sigurimin e më shumë mbështjeje për viktimat dhe kontributin që ka dhënë për shkollimin në burgje përmes partneriteteve me shkollat, zyrtarët e komunitete dhe drejtuesit e bizneseve”– shkruan gazeta.

Gjatë vitit 2014-2015, ajo u zgjodh presidente e Shoqatës së Avokatëve të qarkut Loudoun “LCBA”, ku së bashku me një grup avokatësh vendas dhe nxënës të shkollës “Douglas” përpiloi programin “Ligji rrugës” (Street Laë) që synonte këshillimin e nxënësve për të drejtat e tyre për sa i përket punësimit, si dhe për t’i njohur ata me ligjin penal dhe civil të Amerikës.

Zgjedhjet për këtë post do të zhvillohen javën e ardhshme më 5 nëntor.

Buta Biberaj ka lindur në Mal të Zi dhe është me prindër shqiptarë. Ajo u rrit në Bronx të New  York City që nga moshat 2-vjeçare deri në 20 vjeç, kohë kur u transferua në Fairfax County, Virginia. Buta u transferua nga Fairfax në Qarkun Loudoun në 1996 dhe aktualisht banon në rrethin Blue Ridge. Ajo është një nga tetë fëmijët në një familje të madhe që ka 19 nipër dhe mbesa.

Shumica e familjes Biberaj banojnë në Qarqet Loudoun dhe Fairfax. /abcnews.al

 

shba-1280x827.jpg
ent ela17:36 | 31/10/2019

Dhoma e Përfaqësuesve e Kongresit amerikan miratoi të enjten një rezolutë që vë në lëvizje zyrtarisht procesin përmes së cilit komisionet do të vazhdojnë hetimin për të përcaktuar nëse Presidenti Trump duhet të përballet me një procedurë shkarkimi.

Votimi i së enjtes në Dhomën e Përfaqësuesve të Kongresit amerikan tregoi përçarjen mes demokratëve të shumicës, udhëheqësit e së cilëve kishin argumentuar se nuk ishte e nevojshme një rezolutë e tillë për ta bërë procesin legjitim, dhe pakicës republikane që deri tani e ka kundërshtuar hetimin duke thënë se është një proces shumë hermetik dhe se atyre nuk u është dhënë një rol i barabartë.

Kryetarja e Dhomës së Përfaqësuesve, Nancy Pelosi tha në një letër për ligjvënësit demokratë se ky hap po ndërmerrej për të eliminuar çdo dyshim nëse administrata e Presidentit Trump mund të bllokojë dokumenta, të pengojë dëshmitarët, të shpërfillë thirrjet e autorizuara për detyrim paraqitjeje, apo të vazhdojë të pengojë Dhomën e Përfaqësuesve.

Kryetari i shumicës republikane në Senat, Mitch McConnell tha se rezoluta nuk sjell drejtësi dhe nuk siguron procesin e duhur për hetimin. Ai tha se e kupton që shumë demokratë të Dhomës së Përfaqësuesve e kishin marrë vendimin për shkarkim, vite më parë. Por normat tona bazë të drejtësisë nuk zhduken, thjesht sepse demokratët e Uashingtonit kanë vendosur kështu, tha ai.

Rezoluta bën thirrje për mbajtjen e seancave publike dhe më pas Komisioni i Zbulimit t’i dorëzojë një raport me përfundime dhe rekomandime Komisionit Juridik të Dhomës së Përfaqësuesve, që do t’i rekomandojë gjithë Dhomës së Përfaqësuesve nëse duhet mbajtur votimi për shkarkim apo jo.

Zoti Trump e ka quajtur hetimin për procesin e shkarkimit një gjueti shtrigash dhe një sajesë. Ai e ka përshkruar telefonatën me Presidentin ukrainas Volodymyr Zelenskiy, në qendër të hetimit si “të përkryer”. /ABC News Albania 24/7

 

B3BC0324-370E-434A-A4FC-BDB4D2AB22C1_w1023_r1_s.jpg
ent ela10:00 | 30/10/2019

Kongresi amerikan ka njohur zyrtarisht genocidin ndaj armenëve, me një votim bipartizan, që u mbështet nga 405 nder 435 ligjvënës gjithsej. Rezoluta jo detyruese bën thirrje për të refuzuar tentativat që lidhin qeverinë amerikane me mohimin e këtij genocidi.

Nuk ka vonuar reagimi i Turqisë, që e quan këtë iniciative  si një vendim për përdorim të brendshëm, pa asnjë bazë juridike dhe historike.

Kjo nismë mund të vërë në siklet presidentin turk Erdogan, i cili në 13 nëntor ka parashikuar një vizitë në Shtëpinë e Bardhë.

Genocidi ndaj armenëve është njohur nga rreth 30 vende. Sipas të dhënave, 1,2 – 1,5 milionë armenë u vranë gjatë luftës së parë botërore nga ushtria e perandorisë osmane, asokohe aleate e Gjermanisë dhe mbretërise austro-hungareze.

Por Ankaraja kundërshton termin genocid duke pretenduar se kishte masakra të ndërsjella në sfondin e një lufte civile dhe një zie të urisë që shkaktoi mijëra viktima nga të dy palët. /abcnews.al

 

rama-reforma.jpg
ent ela12:18 | 28/10/2019

“Reformat nuk i bëjmë për SHBA dhe BE, por për ndërtimin e shtetit modern evropian me stabnndarde demokratike”. Këtë deklaroi kryeministri Edi Rama gjatë fjalës së tij në konferencën “Politika amerikane në Ballkanin Perëndimor”.

Sipas tij shqiptarët nuk kanë asnjë rrugë tjetër përveç integrimit në BE.

“Shqiptarët dhe Shqipëria nuk kanë asnjë rrugë tjetër përveç se të ecin në rrugën e vetme që ka piketuar historia jonë dhe që është e trashëguar si amanet në gjithë vetëdijen e kombit tonë, pavarësisht brengave të kombit tonë, që është rruga drejt Perëndimit e BE në aleancë strategjike me SHBA. Në fund të ditës ajo që duhet të kuptojmë është se nuk i bëjmë reformat as për SHBA e BE. Nuk i kërkojmë nga vetja të gjithë këto ndryshime të domosdoshme dhe nuk jemi të angazhuar me aleatët tanë në këto procese të ndërlikuara se na kërkohet nga ata, por se na i kërkon destinacioni ynë historik që është krijimi i një hapësire shqiptare si një shtet modern evropian me standarde demokratike e funksionale”.

Rama vlerësoi rolin e Shteteve të Bashkuara të Amërikës dhe për reformën në drejtësi, pa të cilën shtoi ai reforma do të ishte një iluzion.

“Është e pamundur që të flasësh për marrëdhënien e SHBA në kushtet aktuale dhe mos prekësh reformën në drejtësi, e cila pa SHBA do ishte një iluzion siç ka qenë për shume vite me radhë në të shkuarën”. /abcnews.al

MBULIM-SHBA-TE-SHTENAT.mpg_snapshot_00.03-1280x720.jpg
ent ela13:49 | 27/10/2019

Të paktën dy persona mbetën të vrarë dhe 12 të tjerë u plagosën kur një person nisi të qëllonte me armë zjarri në një sallë në Grinvill, në Dallas. Të shtënat ndodhën gjatë një feste për fillimin e vitit shkollor në Texas.

Fotografitë dhe pamjet tregojnë vendin me shumë persona të plagosur në tokë ndërkohë që të tjerët mundohen të japin ndihmën e parë. Në festë merrnin pjesë me qindra adoleshentë.

Dhe pse mediat raportojnë për viktimat, autoritetet ende nuk konfirmojnë shifrën. Po sipas raportimeve të mediave amerikane, autori i sulmit është në arrati. /ABC News Albania 24/7

fb.jpg
ent ela16:23 | 25/10/2019

Facebook lançon në Shtetet e Bashkuara një seksion të ri të rrjetit të tij social kushtuar lajmeve. Quhet “news” dhe tani për tani, kompania shpjegon në një postim, se është duke u testuar në një grup përdoruesish, të cilëve do të sigurojë lajme kombëtare dhe lokale në disa zona metropolitane si Nju Jorku dhe Los Angeles. Një ekip gazetarësh do të zgjedhin lajmet e ditës që duhen nxjerrë në pah. Facebook ka muaj që po punon për këtë projekt. Risia vjen pikërisht në një fazë në të cilën shoqëria po lufton me përhapjen e lajmeve të rreme.

Facebook News është i ndarë në “seksione tematike për të eksploruar biznesin, argëtimin, shëndetësinë, sportin, shkencën dhe teknologjinë”. Ai gjithashtu mirëpret historitë e ditës së përzgjedhur nga një grup gazetarësh, ofron një personalizim bazuar në atë që përdoruesi lexon dhe ndan, dhe ju lejon të fshihni artikuj, tema ose editorë të padëshiruar.

Ekziston gjithashtu një seksion për ata që lidhin abonimet në gazeta me llogarinë e tyre në Facebook. “Gazetaria luan një rol themelor në demokracinë tonë. Kur lajmet raportohen në mënyre të thellë me burime të mira, ato u sigurojnë njerëzve informacione ku mund të mbështeten. Përndryshe, ne humbasim një mjet thelbësor për të marrë vendime të mira,” shkruan Facebook në Post.

Seksioni “news” u jep përdoruesve “më shumë kontroll mbi lajmet që ata shohin, dhe mundësinë e eksplorimit të një game më të gjerë temash me interes për ta, direkt nga aplikacioni Facebook”, thuhet. Krahas kësaj, do të theksohen “historitë më të rëndësishme kombëtare të ditës”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono