sezoni

malii_zi_veliu2-933x445.jpeg
Sej rie19:00 | 03/07/2019

Drejtori i Përgjithshëm i Policisë së Shtetit Ardi Veliu sëbashku me Drejtorin e Përgjithshëm të Policisë së Malit të Zi, Veselin Veljovic firmosën sot në Mal të Zi Protokollin “Mbi bashkëpunimin gjatë sezonit turistik për vitin 2019”.

Në zbatim të këtij protokolli, Policia e Shtetit do të dërgojë në Malin e Zi 4 oficerë policie, dy prej të cilëve nga shërbimet e Policisë Kriminale dhe Strukturave për Hetimin dhe Parandalimin e krimeve dhe dy të tjerë nga shërbimet e Rendit dhe Sigurisë Publike, për periudhën kohore  deri më 31.08.2019.

Ata do të kryejnë shërbimet e tyre në Stacionet Policore të Ulqinit dhe Budvës.

Përfaqësuesit e Policisë së Shtetit, së bashku me përfaqësuesit e Policisë së Malit të Zi, do të marrin pjesë në aktivitete të ndryshme me qëllim forcimin e bashkëpunimit policor dhe parandalimin e veprave kriminale si: trafikimin e qenieve njerëzore dhe migracionin e paligjshëm, prostitucionin, trafikun e lëndëve narkotike, mashtrimet me policat e sigurimit për mjetet motorike, mashtrimet me kartat e kreditit dhe me shkëmbimin e parasë, falsifikimin e parave dhe dokumenteve personale, prishjen e qetësisë publike, parandalimin e aksidenteve rrugore, forcimin  e sigurisë në rrugë, etj.

Veliu dhe Veljovic kanë vlerësuar si të shkëlqyer bashkëpunimin, që strukturat policore të Malit të Zi, kanë pasur me strukturat e tyre homologe në Shqipëri, gjatë sezoneve turistike dhe jo vetëm, si dhe rezultatet e arritura që prej vitit 2011, vit në të cilin është firmosur për herë të parë “Protokolli i bashkëpunimit gjatë sezonit turistik” midis Policisë Shqiptare dhe asaj të Malit të Zi, që konsiderohet si një ndër shembujt dhe praktikat më të mira për tu ndjekur.

Të dy Drejtorët e Përgjithshëm kanë rënë dakord që modele të tilla bashkëpunimi të aplikohen edhe në fusha të tjera, në shërbim dhe në të mirë të komunitetit./abcnews.al

inter-1.jpg
G. P.22:49 | 27/06/2019

Plot 40 mijë tifozë janë abonuar për të ndjekur Interin nga shkallët e “San Siro” në sezonin e ardhshëm. Klubi italian njofton se ka nxjerrë në shitje edhe biletat për sezonin pasardhës.

Zyrtarizimi i trajnerit Antonio Conte me skuadrën e Interit ka entuziazmuar tifozët zikaltër. Pritshmëritë janë të mëdha për Interin e sezonin të ardhshëm ku skuadra pritet të konkurrojë me Juventusin për titullin kampion.

Skuadra zikaltër njofton se janë shitur plot 40 mijë abonime për sezonin 2019-2020. Një shifër rekord në futbollin italian, por ajo që e bën akoma më interesante është se për herë të parë, skuadra e Interit ka nxjerrë në shitje edhe abonimet për sezonin 2020-2021.

Një tregues i qartë se fansat zikaltër janë të bindur se epoka e re nën drejtimin e trajnerit Konte do të jetë e suksesshme. Sezonin e kaluar skuadrën e Interit e ndoqën nga shkallët e stadiumit San Siro rreth 1.1 milionë tifozë, ndërkohë që në sezonin e ardhshëm ky numër do të kalohet lehtësisht.

Drejtuesit e skuadrës zikaltër po përpiqen të rikthejnë skuadrën në majat më të larta të futbollit italian, por jo vetëm. E natyrisht që entuziazmi është i madh ne radhët e fansave të cilët nuk shijojnë një trofe që prej vitit 2011./ABC News Albania 24/7

AcropolisGTP.jpg
nev ila17:49 | 25/06/2019

Greqia synon të arrijë një rekord të ri turistësh këtë sezon veror. Sektori i turizmit vazhdon të jetë lokomotiva e rritjes ekonomike të shtetit helen, duke përbërë 12 për qind të prodhimit të brendshëm dhe më shumë se gjysmën e vendeve të punës.

Greqia pret këtë vit të shënojë rekord të rri në numrin e turistëve të huaj. Optimizmi bazohet në statistikat e vitit të kaluar, kur 33 milionë turistë shpenzuan në Greqi 16,4 miliardë euro. Një pjesë e këtyre turistëve vijnë nga Shqipëria, thotë Antonis Seretis, pronar i një zyre turistike në Athinë.

“Kemi një numër të vogël turistësh që preferojnë t’i kalojnë pushimet në ishujt grekë. Janë të shumtë ata që vijnë me makinat e tyre dhe pastaj marrin tragetin për në ishullin e destinacionit. Ka të tjerë që prenotojnë nëpërmjet zyrave turistike në Shqipëri, ashtu sikurse ka një pjesë që prenotojnë direkt nga interneti”, tha Antonis Seretis.

Edhe pse u godit mjaft rëndë në fillimet e krizës së thellë dhjetëvjeçare të Greqisë, turizmi arriti të mbijetonte. Dhe jo vetëm kaq, por është bërë lokomotiva e vetme që e mban në lëvizje ekonominë greke. Të ardhurat nga turizmi përfaqësojnë rreth 12 % të prodhimit të përgjithshëm të brendshëm. Më shumë se gjysma e vendeve të punës në Greqi kanë lidhje direkte apo indirekte me sektorin e turizmit.

Elementët kryesorë të ofertës turistike të Greqisë janë deti dhe dielli. Por vitet e fundit janë bërë dhe mjaft investime, kryesisht në ndërtimin e hoteleve superluksozë. Vetëm për 2018-n investimet në fushën e turizmit e kaluan vlerën 5 miliardë euro. Megjithatë, në disa ishuj si Mykonos apo Santorini, mbipopullimi ka arritur nivele kritike, thotë biznesmeni Seretis. Kjo ka sjellë si rezultat që një numër i konsiderueshëm grekësh t’i kalojnë jashtë Greqisë pushimet e tyre. Por a mundet që kjo situatë të shfrytëzohet, me qëllim që një pjesë e turistëve të destinuar për Greqinë, të shkojë në vendet fqinje?

“Kam përshtypjen që po të bëhen fushatat e nevojshme publicitare edhe nga vendet fqinje, ka shumë mundësi që turistë të cilët vijnë nga larg, të vizitojnë edhe vendet fqinje. Sepse edhe vendet fqinje kanë zona interesante, ku turisti do të dëshironte të shkonte…” tha Seretis./ABC News Albania 24/7

auto_policia_kufitare1500991141.jpg
Sej rie15:20 | 10/06/2019

Policia e Shtetit pritet të dislokojë efektivë shtesë në zonat bregdetare nga 15 qershori për të garantuar sigurinë gjatë sezonit turistik. Efektivë të policisë rrugore, Forcat e Ndërhyrjes së Shpejtë por, edhe, mjete e pajisje logjistike, do t’i bashkohen drejtorisë së policisë së qarkut Vlorë gjatë muajve të verës.

Prej datës 15 Qershor në qytetin bregdetar pritet të mbërrijnë forca policie shtesë për të garantuar sigurinë gjatë sezonit veror. Patrullimit aktualisht vijnë të behët nga policia aktuale si edhe postat policore të vendosura pranë zonave bregdetare, ku siguria dhe qetësia mbetet prioritet për forcat e rendit.

Më shumë se 100 efektivë të njësisë shqiponja inspektore të krimeve, por edhe agjentë kundër vjedhjeve do të stacionohen në policitë e qyteteve bregdetare te vendit. Fokusi i tyre do te jete parandalimi i ngjarjeve të renda kriminale si edhe orientimi i pushuesve të huaj gjatë sezonin turistik veror në të gjithë vendin.

Elton Nika gazetar, ABC News

ardian-mema.jpg
ent ela16:59 | 31/05/2019

Trajneri i Tiranës Ardian Mema e cilëson sezonin si pozitiv edhe pse skuadra rrezikoi rënien. Tekniku i bardhebluve zbulon se do të drejtojë Tiranën të paktën edhe për një sezon.

Skuadra e Tiranës ia doli të sigurojë mbijetesën pas fitoresn 3-0 ndaj Flamurtarit në “Selman Stermasi”. Fitorja ka sjellë qetësi në radhët e Tiranës, ndërkohë që trajneri i bardhebluve, Ardian Mema e cilëson sezonin si pozitiv dhe premton se do të qëndrojë së paku edhe një vit tek kryeqytetasit.

Në lidhje me duelin ndaj Kukësit  në finalen e Kupës së Shqipërisë, Mema tha se skuadra ka shumë pak kohë për t’u përgatitur si dhe vlerëson maksimalisht kundërshtarin./ABC News Albania 24/7

lleshaj-dhe-balluku-morine-1280x733.jpg
Sej rie14:30 | 27/04/2019

Strukturat shtetërore do të jenë të angazhuara për të përballuar fluksin e turistëve që do të vizitojnë vendin tonë gjatë sezonit veror. Ministri i Brendshëm Lleshaj dhe Ministrja e Infrastrukturës dhe Energjisë Balluku, e dhanë këtë garanci nga pika kufitare e Morinës.

Pika kufitare e Morinës ka fluksin më të lartë të lëvizjes gjatë sezonit veror.  Në prag të tij ministri i Brendshëm Sandër Lleshaj dhe ministrja e Infrastrukturës dhe Energjisë Belinda Balluku kërkuan nga autoritetet të shtohen masat në drejtim të pritjes dhe menaxhimit më të mirë të numrit të turistëve.

“Do të marrim masa në bashkëpunim edhe me autoritetet e Kosovës që ta kompensojmë me masa të shtuara sigurie këtë liri të lëvizjes, që po rritet përditë e më shumë. Duke qenë se jemi edhe në prag të sezonit turistik, unë gjej rastin të kërkoj nga autoritetet dhe t’i inkurajoj ato, për të shtuar masat në drejtim të pritjes dhe menaxhimit sa më të mirë të fluksit të turistëve, me qëllim që ai të rrjedhë i lirshëm por edhe i sigurt. Të shtohet ato masa që tradicionalisht janë ndërmarrë për patrullimin e përbashkët, për kontrollin e përbashkët e çështje të tjera”.

Për të ulur kohën e pritjes së qytetarëve që duan të kalojnë kufirin ministrja Balluku bëri të ditur se do te aplikohen shërbimet e integruara.

Ndërkohë për të lehtësuar lëvizjen e automjeteve në fund të Qershorit pritet të përfundojnë dhe punimet përgjatë rrugës Kukës –Morinë.

 “Fokusi kryesor në zonën e Kukësit është infrastruktura. Ministria e Infrastrukturës dhe Energjisë po investon në aksin Kukës-Morinë dhe shpresojmë që shumë shpejt, brenda fundit të muajit qershor, të gjitha punimet e nisura të përfundojnë për të qenë gati dhe për sezonin dhe për ngarkesën e trafikut që kjo rrugë ka”. 

Ministrja e Infrastrukturës dhe Energjisë u ndal edhe punimet në aeroportin e Kukësit ndërsa u shpreh se investimi do jetë gati brenda afateve të parashikuara. Aktualisht po punohet për zgjerimin e pistës./abcnews.al

shengjin-sezoni.jpg
nev ila16:24 | 20/04/2019

Në Shëngjin shumë punë janë bërë që ky bregdet të presë pushuesit e sezonit. Por temperaturat e ulta dhe uji i ftohtë i detit ka zmbrapsur vizitorët dhe pushuesit.

Shëngjini është gati për të pritur pushuesit e sezonit, por jo moti. Temperaturat janë ende të ulta në bregdet, uji është i ftohtë.

Vendorët pretendojnë se kanë realizuar një sërë ndërhyrjesh në Shëngjin. Edhe biznesi ka vepruar më herët se sezonet e kaluara.

Administratori Gjok Deda tregon çfarë është bërë deri tani për të pritur pushuesit në zonën turistike të Shëngjinit.

Megjithatë  pastrimi i rërës nuk ka përfunduar në të gjithë zonën. Hapsirat private e kanë edhe më të dukshëm këtë problem.

Në zonën e Kunës nuk janë larguar trungjet e pishave të thara nga deti pas erozionit të dimrit.  Dhe muaji maj është periudha më e përshtatshme për të nisur zyrtarisht sezonin turistik veror./abcnews.al

duka-1-1280x714.jpg
ent ela19:14 | 11/03/2019

Presidenti i Federatës Shqiptare të Futbollit, Armand Duka, beson se sezoni i ardhshëm do të nisë me kuadrin e ri ligjor, të premtuar nga qeveria. Presidentët e klubeve u shprehën me besim se ky sport do të ketë të ardhme shumë të mire.

Dukeshin vërtet të lehtësuar, madje edhe kishin besim. Krerët e futbollit, që nga presidenti i Federatës, Duka, e deri tek ata të klubeve, ishin të bindur se pas tryezës me kryeministrin Rama do të hapej një faqe e re për këtë sport.

Duka vlerësoi bashkëpunimin e kryeministrit dhe dha një afat se kur gjithçka do të jetë gati. Më i vjetri në këtë biznes është presidenti i Teutës, Edmond Hasanbelliu.

Ai ka në plan t’i shfrytëzojë ndryshimet ligjore. Numri 1 i Kukësit, Gjici, ishte nga ata që pohoi hapur se punon me dy bordero, i detyruar nga ligjet e tanishme. Ai nuk e pati aspak me frikë heqjen dorë nga paligjshmëria./abcnews.al

klosi-3-1280x711.jpg
ent ela13:49 | 26/02/2019

Ministri i Mjedisit dhe Turizmit Blendi Klosi i bëri thirrje kryetareve të bashkive që gara elektorale të mos ndikojë në përgatitjet për sezonin turistik. Klosi deklaroi se u luftua shumë që zgjedhjet vendore të mos mbahen më 30 Qershor, por tashmë kjo është fakt dhe ndasitë partiake nuk duhet të shfaqin efekte mbi turizmin.

Përcaktimi i datës së zgjedhjeve lokale në kulmin e sezonit turistik ishte një betejë e humbur për mazhorancën socialiste. Në këto kushte ministri i Mjedisit dhe Turizmit Blendi Klosi ka vetëm një thirrje.

Situata e tensionuar politike që ka përfshirë vendin ka detyruar ministrin e Mjedisit dhe Turizmit që disa herë në fjalën e tij gjatë  mbledhjes së këshillit konsultativ të qeverisjes qëndore dhe asaj vendore t’i drejtohet kryetarëve të bashkive, pa dallim ngjyrash partiake.

Brenda 31 Marsit bashkitë duhet të vendosin përfundimisht se kujt do t’ia japin në administrim stacionet e plazheve.

Vendimi që shumë shpejt pritet të kalojë në qeveri parashikon që 20% e plazheve të jenë publike dhe 80% private. Pushteti vendor do të lidhë kontratë me subjektin privat për një periudhë pesë vjeçare dhe jo më për një vit. Ndërkohë që administratori privat do të mbajë përgjegjësi për kushtet higjeno- sanitare dhe ato të sigurisë. Gjithashtu ka detyrimin që në 80 metra vijë lineare bregdetare të ngre një kullë vrojtimi./abcnews.al

NBA-NIKOLA-JOKIC-1280x720.jpg
ent ela12:26 | 14/02/2019

Nikola Jokiç po sfidon kampionët më të mëdhenj të basketbollit amerikan. Lojtari europian ndihmoi përsëri në fitoren e Denverit.

Një yll i ri kërkon të jetë më i miri i “tripëll dabëllit”. Ndër lojtarët aktivë, më të mirët në këtë statistikë janë Rasëll Uestbruk me 127 dhe Lebron Xhejms me 78, në distancë në vend të tretë është Xhejms Harden me 41 të tillë, Nikola Jokiç po afrohet me shpejtësi.

Serbi 23-vjeçar realizoi tripëll dabëllin e radhës në fitoren ndaj Sakramentos, në një tjetër paraqitje të nivelit tepër të lartë teknik.

Jokiç ka tani 28 tripëll dabëlla, ndërsa luan në NBA me Denverin, një nga skuadrat më të mira të sezonit.

Me këtë ritëm, ai pritet që të kalojë jo vetëm Hardenin dhe Lebronin, por pse jo, të pretendojë për treshen e parë, ku ndodhen Oskar Robertsoni, Mexhik Xhonsoni dhe Uestbruku.

Ylli i Denverit po luan sezonin e tij të katërt, dhe më të mirin deri tani, me 11 tripëll dabëlla.

Thuajse askush nuk priste që ai të arrinte deri këtu, ndërsa dyshimet ishin të mëdha për shkak të asaj që quhej ngadalësi në veprime, në kontrast me shpejtësinë e lojës në NBA.

Ndaj Sakramentos, lojtari qendër shënoi 20 pikë, kapi 18 topa në tabela dhe shërbeu 11 asistë, përfshi edhe koshin vendimtar të sekondës së fundit.

Denveri fitoi 120-118 dhe mbetet në vend të dytë në Perëndim, me 39 fitore e 18 humbje, jo larg kampiones Golden Stejt. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono