sezoni

KLOSI-SHENGJIN-1280x720.jpg
ent ela19:50 | 27/09/2019

Siguria e krijuar gjatë këtij sezoni veror  për të gjithë vizitorët dhe turistët është meritë e shërbimit që bënë forcat e policisë dhe vrojtuesit e plazhit. Për këtë arsye, Ministri i Turizmit Blendi Klosi u rezervoi atyre një takim falenderimi në zonën turistike të Shëngjinit.

Klosi tha se vera që kaloi ishte një sezon më i sigurtë falë punës së strukturave të rendit të cilat këtë vit përballuan një numër prej  1 550 000 turistësh vetëm gjatë muajit gusht, ndërsa në 8 muaj kjo shifër ishte 10.8% më e lartë se 1 vit më parë.

Duke qëndruar në sigurinë e jetës në plazh, ministri Klosi solli në shifra kontributin e vrojtuesve të plazhit, të cilët kanë shpëtuar 84 jetë njerëzish. Ai foli edhe për problematikat e sezonit duke theksuar se ka ardhur koha që të vendosen rregulla më të forta në menaxhimin e zonës së plazhit. /ABC News Albania 24/7

 

 

sanchez.jpg
ad min21:24 | 03/09/2019

Sulmuesi i Interit Aleksis Sanchez beson tek një sezon të suksesshëm me zikaltërit. Kiliani kërcënon ish-ekipin e tij Barcelonën për duelin e dyfishtë në Champions League.              

Aleksis Sanchez do të formojë sulmin e Interit sëbashku me Lukakun, dy futbollistë të cilët kanë luajtur më parë tek Manchester United. Pritshmëritë janë të larta për numrin 7 të Interit, i cili ka luajtur më parë në Itali me skuadrën e Udinese-s.

Kiliani ka folur për kanalin zyrtar të skuadrës së Interit duke treguar arsyen që zgjodhi zikaltërit si dhe kërcënon ish-skuadrën e tij Barcelonën për duelin në Champions League.

“Jam këtu për të fituar. Njoh disa prej futbollistëve dhe besoj tek një sezon pozitiv. Nuk më ka munguar asnjëherë dëshira për të fituar. Këtu në Itali është një stil tjetër i të luajturit nga kampionatet e tjera. Duhet të luajmë si skuadër dhe të jemi të bashkuar për të arritur tek suksesi. Ndeshja ndaj Barcelonës do të jetë e vështirë, por edhe e veçantë për mua pasi kam kaluar një eksperiencë unike në atë klub. I kemi të gjitha mundësitë për të fituar dhe objektivi është të marrim një rezultat pozitiv”, tha ai.

Aleksis Sanchez nuk luajti në ndeshjen e fundit me zikaltërit në transfertën e Kaljarit ndërkohë që do të jetë gati për sfidën e radhës ndaj Udinese-s në “San Siro”./ABC News Albania 24/7

KOSOVARET-SEZONI-FUND_ABC-M2-T1.mpg_snapshot_00.26-1280x720.jpg
ent ela13:04 | 02/09/2019

Për pushuesit kosovarë pushimet në Shqipëri përfunduan dhe ata janë kthyer në Kosovë apo në vende ku jetojnë e punojnë nëpër Evropë. Po si ishte ky sezon për këtë pjesë pushuesish? Gazetari Bujar Muçmata bisedoi me disa prej tyre në pikën e kalimit kufitar të Morinës.

Pamja në orët e mbrëmjes së dielë në Morinë është e fundit e sezonit veror. Mijëra automjete kalojnë kufirin drejt Kosovës e po aq gjarpërojnë në rrugën e Kombit.

Mbyllën pushimet e vitit e do ti’ kthehen përditshmërisë në punë e shkollë. Një pjesë tjetër, rrugëtimit në vendet e Perëndimit ku jetojnë.

Për ta Shqipëria ka ndryshuar  shumë. Nga sezoni në sezon gjetën atmosferë dhe kushte më pozitive. Por pritshmëritë janë akoma për higjienën e çmimet.

Ky sezon do të jetë i fundit edhe për problemet që pati Rruga e Kombit. Dublimi i urave përfundon e qarkullimi do të jetë më i normalizuar.

Kolonat e gjata të pritjes në autostradë ishin shqetësimi kryesor. Më shumë se 1,2 milion qytetare kaluan kufirin në tre muajt e verës, por pa mundur t’i afrohen rekordit të 2011 me rreth 2 milion kalime në sezon.

Ndryshime cilësore pati performanca e policisë kufitare dhe vënia në punë e pikës së përbashkët kufitare mes Shqipërisë e Kosovës në Morinë.

Zyrtarisht për këtë sezon përfundoi marrëveshja e patrullimit të përbashkët e policisë rrugore të dy shteteve në rrugën e Kombit dhe segmenteve të tjera problematike.

Gazetar i ABC News: Bujar Muçmata

JAVA-E-PARE-E-SUPERLIGES-ABCM1T1.mpg_snapshot_00.06-1280x720.jpg
ent ela15:55 | 23/08/2019

Superliga shqiptare nis sezonin e saj të 81-të në histori. Përballjet e javës së parë janë të forta, por problemet janë të shumta, me mjaft skuadra ende të papërgatitura.

Futbolli është festë dhe kjo në Shqipëri do të fillojë sot.

Zë fill edicioni i 81-të me ndeshjen mes Kukësit e Partizanit në “Elbasan Arena”, veçse spektakli duket tepër i zbehtë që në fillim.

Të paktën katër skuadra janë thuajse plotësisht të papërgatitura, pasi e kanë nisur stërvitjen shumë vonë.

Skënderbeu, Flamurtari, Luftëtari e Vllaznia besohet se i fillojnë ndeshjet jashtë formës normale, përveçse kanë pasur edhe të papritura të tjera.

Në Vlorë, kanë ndryshime mbi 95 për qind tek lojtarët, por u ndryshuan edhe dy trajnerë ditët e fundit.

Në Gjirokastër njoftojnë se trajneri Klevis Dalipi u largua një ditë para ndeshjes, për mosdakordësi financiare, ndërsa në stol do të ulet drejtori teknik, Klodian Duro.

Në disa prej klubeve, si në Vlorë, Korçë apo Gjirokastër ka detyrime të prapambetura financiare, ndërsa mbahet mend mirë sesa telashe dolën gjatë edicionit të kaluar.

Më të përgatitur, Partizani, Kukësi, Laçi, Teuta, Tirana apo Bylisi, që I kanë nisur seancat prej kohësh, e disa prej tyre kanë qenë edhe në kupat e Europës.

Në javën e parë të kampionatit është ky kalendar.

Sot, Kukësi-Partizani në19:00, ndërsa nesër Vllaznia-Laçi në16:00, e Teuta-Bylis, Skënderbeu-Flamurtari e Tirana-Luftëtari në19:00. /ABC News Albania 24/7

indi-viktimat-1280x698.jpg
nev ila14:16 | 12/08/2019

Sezoni i shirave në Indi u ka marrë jetën mbi 150 personave në shtete të ndryshme të vendit. Shkak për humbjen e jetëve janë bërë rrëshqitjet e tokës dhe përmbytjet, që kanë shkatërruar qindra shtëpi.

Sezoni i shirave në Indi ka shkaktuar rrëshqitje toke dhe përmbytje që u kanë marrë jetën rreth 150 personave. Të dhënat janë bërë publike nga autoritetet lokale, sipas të cilave persona të tjerë të shumtë konsiderohen të humbur në 4 shtete të vendit.

Ndërkohë, mbi 165 mijë persona të tjerë janë detyruar të braktisin shtëpitë dhe janë strehuar në rreth 1.300 kampe të ngritura në shtetin jugor të Keralasë, ku janë regjistruar 60 viktima.

Në shtetin në fjalë, sipas të dhënave të autoriteteve, janë shkatërruar rreth 200 shtëpi. N

dërkohë, në shtetin fqinj Karnatak 30 persona humbën jetën dhe 14 të tjerë konsiderohen të humbur për shkak të përmbytjeve.

Këtu, administrata shtetërore ka evakuuar mbi 30 mijë persona, të cilët i ka vendosur në rreth 920 kampe shpëtimi. Në shtetin perëndimor Maharashtra, 40 persona humbën jetën; ndërsa në Gujarat, 22, pa llogaritur personat e humbur.

Në total, 44 ekipe nga emergjencat civile, ushtria, roja bregdetare, marina dhe forcat ajrore po marrin pjesë në operacionet e shpëtimit.

Ndërkohë, sezoni i shirave vijon edhe në Mianmar, ku llogariten të paktën 53 të vdekur dhe disa mijëra të evakuuar për shkak të rrëshqitjeve të tokës.

Në disa pjesë të vendit niveli i shirave ka arritur në 500 milimetra, nivel që sipas meteorologëve do të rritet me 250 milimetra të tjerë në 5 ditët e ardhshme.

Muajin e kaluar sezoni i shirave la të paktën 227 të vdekur në Indi, Nepal, Pakistan dhe Bangladesh./ABC News Albania 24/7

neymar-1.jpg
nev ila18:07 | 10/08/2019

 

Presidenti i Real Madrid nuk dorëzohet për të transferuar në Spanjë sulmuesin brazilian Nejmar. Madrilenët i ofrojnë yllit të Psg 40 mln euro në sezon

Presidenti i Real Madrid, Florentino Perez dëshiron ti bëjë një tjetër dhuratë trajnerit Zinedin Zidane në merkaton e transferimeve. Ëndrra e madrilenëve është Neymar. Perez po mendon për një ofertë prej 130 mln euro plus shërbimet e mesfushorit Luka Modriç. Paris Saint Germain preferojnë ta dërgojnë brazilianin tek reali edhe pse lojtari kërkon rikthimin në Barcelona. Raportet mes katalanasve dhe parisienëve janë në pikën më kritike. Mediat spanjolle raportojnë se Perez i ka ofruar Neymarit një page prej 40 mln euro në sezon.

Skuadra e Interit ka arritur marrëveshjen me Bayern Mynih për huazimin me të drejtë blerje për sulmuesin Ivan Perisiç. Kroati do të bëhet pjesë e bavarezëve për 5 mln euro ndërkohë që Bayerni ka të drejtën e blerjes përfundimtare sezonin e ardhshëm. Konte nuk e ka grumbulluar futbollistin ballkanas për ndeshjen miqësore ndaj Valencias pasi futbollisti është shumë pranë rikthimit në kampionatin gjerman.

Largimi i Manolas nga skuadra e Romës ka lënë pas një boshllëk dhe drejtuesit e klubit verdhë e kuq kanë piketuar mbrojtësin e Liverpool Lovren. The reds pretendojnë 20 mln euro për shërbimet e mbrojtësit kroat, shifër e përballueshme për arkat e skuadrës italiane. Për mbrojtësin në fjalë interesohej edhe skuadra e Milanit por kuqezinjtë e konsideruan të lartë shifrën e kërkuar nga skuadra angleze./ABC News Albania 24/7

LIVERPULI-NUK-BEN-BLERJE.mpg_snapshot_00.11-1280x720.jpg
ent ela14:40 | 28/07/2019

Tifozët e Liverpulit janë të shqetësuar për shkak se klubi i tyre nuk ka bërë blerje të mëdha këtë verë. Trajneri Klop thotë se nuk ka financa të mjaftueshme, por thekson se skuadra është e aftë të luftojë për trofe.

Vera e kaluar nuk dukej aspak stina e duhur, por ishte vërtet e shkëlqyer.

Yje të mëdhenj mbërritën tek Liverpuli, dhe skuadra e lavdishme angleze krijoi më në fund një skuadër të denjë për të konkurruar për gjithçka dhe me këdo.

Virgin Van Dajk, Alison, Nabi Keita, Fabinjo e Xherdan Shaqiri iu bashkuan të kuqtve dhe trajneri Jurgen Klop krijoi një formacion që “pushtoi” Europën dhe luftoi për titull deri javën e fundit duke grumbulluar 97 pikë në Premier Ligë.

Tashmë, gjithçka është ndryshe.

Liverpuli nuk ia doli të kishte sukses në përgatitoret ndaj Dortmundit, Seviljes apo Sportingut të Lisbonës, duke mos pasur as ritmin dhe as frymëzimin e vjetshëm.

Me kampionatin anglez në prag të derës, me nisje në 9 gusht, shqetësimi I tifozëve është I madh se çfarë paraqitjeje do të bëjnë idhujt e tyre.

Trajneri Klop nuk duket shumë i shqetësuar, ndërsa jep një mesazh, pa ngurruar shumë.

“Nuk e di sesi ia dalin skuadrat e tjera, por ne kemi detyrim për të paguar faturat, – tha ai, – Më vjen keq, por duhen para. Vjet investuam shumë, ndërsa këtë vit duket se nuk po e bëjmë, por ne nuk jemi në botën e çudirave, ku mund të bësh ç’të duash. Ndoshta vetëm Reali, Barcelona, Mançester Siti e Paris SG mund ta bëjnë këtë. Përveç kësaj, skuadra jonë është shumë e mirë dhe ajo do të përmirësohet. Askush nuk ka garanci për suksesin, as kur bën 5 blerje”.

E vërteta është se lajmet për përforcime kanë qenë të rreme, edhe për Filip Kutinjon, apo për sulmuesin e Lilës, Nikolas Pepe.

Më shumë punë duket se prish sezoni i gjatë i yjeve që janë në skuadër, pasi Salah, Mane, Firmino, Alison, Van Dajk e Vajnaldum kanë qenë të angazhuar deri në qershor e korrik.

Nga dëmtimet pritet të kthehen shpejt Keita, Shaqiri dhe Okslejd-Çembërlen, edhe pse jo mbrojtësi Nataniel Klajn.

Prova e parë do të jetë finalja e Superkupës së Anglisë ndaj Mançester Sitit të dielën e ardhshme. /ABC News Albania 24/7

mendi.jpg
ad min21:12 | 26/07/2019

Nuk kanë fund problemet për Real Madrid. Edhe pse sezoni i ri nuk ka filluar ende madrilenët po përballen me dëmtime. Pas Asensios i cili aludohet se ka mbyllur sezonin, një tjetër dëmtim është regjistruar tek spanjollët.

Bëhet fjalë për blerjen e verës, mbrojtësi francez Ferland Mendi i cili do të humbasë startin e La Ligas. Futbollisti pësoi një dëmtim në këmbën e djathtë gjatë seancës stervitore që Real Madrid po zhvillon në Amerikë. Lajmi është konfirmuar nga vetë skuadra e Real Madrid ndërkohë që nuk bëhet e ditur sa ditë do të mungojë futbollisti.

Mendi kaloi tek Real Madrid për shifren e 48 mln eurove nga skuadra franceze e Lion. Deri ne rikthimin e 24-vjeçarit në fushat e lojës, Marcelo do të jetë një titullar i padiskutueshëm në korsinë e majtë të mbrojtjes. Kujtojmë që si Mendi ashtu edhe Marcelo do të garojnë një vend në formacionin e Zidane pasi luajnë në të njëjtin pozicion./ABC News Albania 24/7

malii_zi_veliu2-933x445.jpeg
ad min19:00 | 03/07/2019

Drejtori i Përgjithshëm i Policisë së Shtetit Ardi Veliu sëbashku me Drejtorin e Përgjithshëm të Policisë së Malit të Zi, Veselin Veljovic firmosën sot në Mal të Zi Protokollin “Mbi bashkëpunimin gjatë sezonit turistik për vitin 2019”.

Në zbatim të këtij protokolli, Policia e Shtetit do të dërgojë në Malin e Zi 4 oficerë policie, dy prej të cilëve nga shërbimet e Policisë Kriminale dhe Strukturave për Hetimin dhe Parandalimin e krimeve dhe dy të tjerë nga shërbimet e Rendit dhe Sigurisë Publike, për periudhën kohore  deri më 31.08.2019.

Ata do të kryejnë shërbimet e tyre në Stacionet Policore të Ulqinit dhe Budvës.

Përfaqësuesit e Policisë së Shtetit, së bashku me përfaqësuesit e Policisë së Malit të Zi, do të marrin pjesë në aktivitete të ndryshme me qëllim forcimin e bashkëpunimit policor dhe parandalimin e veprave kriminale si: trafikimin e qenieve njerëzore dhe migracionin e paligjshëm, prostitucionin, trafikun e lëndëve narkotike, mashtrimet me policat e sigurimit për mjetet motorike, mashtrimet me kartat e kreditit dhe me shkëmbimin e parasë, falsifikimin e parave dhe dokumenteve personale, prishjen e qetësisë publike, parandalimin e aksidenteve rrugore, forcimin  e sigurisë në rrugë, etj.

Veliu dhe Veljovic kanë vlerësuar si të shkëlqyer bashkëpunimin, që strukturat policore të Malit të Zi, kanë pasur me strukturat e tyre homologe në Shqipëri, gjatë sezoneve turistike dhe jo vetëm, si dhe rezultatet e arritura që prej vitit 2011, vit në të cilin është firmosur për herë të parë “Protokolli i bashkëpunimit gjatë sezonit turistik” midis Policisë Shqiptare dhe asaj të Malit të Zi, që konsiderohet si një ndër shembujt dhe praktikat më të mira për tu ndjekur.

Të dy Drejtorët e Përgjithshëm kanë rënë dakord që modele të tilla bashkëpunimi të aplikohen edhe në fusha të tjera, në shërbim dhe në të mirë të komunitetit./abcnews.al

inter-1.jpg
ad min22:49 | 27/06/2019

Plot 40 mijë tifozë janë abonuar për të ndjekur Interin nga shkallët e “San Siro” në sezonin e ardhshëm. Klubi italian njofton se ka nxjerrë në shitje edhe biletat për sezonin pasardhës.

Zyrtarizimi i trajnerit Antonio Conte me skuadrën e Interit ka entuziazmuar tifozët zikaltër. Pritshmëritë janë të mëdha për Interin e sezonin të ardhshëm ku skuadra pritet të konkurrojë me Juventusin për titullin kampion.

Skuadra zikaltër njofton se janë shitur plot 40 mijë abonime për sezonin 2019-2020. Një shifër rekord në futbollin italian, por ajo që e bën akoma më interesante është se për herë të parë, skuadra e Interit ka nxjerrë në shitje edhe abonimet për sezonin 2020-2021.

Një tregues i qartë se fansat zikaltër janë të bindur se epoka e re nën drejtimin e trajnerit Konte do të jetë e suksesshme. Sezonin e kaluar skuadrën e Interit e ndoqën nga shkallët e stadiumit San Siro rreth 1.1 milionë tifozë, ndërkohë që në sezonin e ardhshëm ky numër do të kalohet lehtësisht.

Drejtuesit e skuadrës zikaltër po përpiqen të rikthejnë skuadrën në majat më të larta të futbollit italian, por jo vetëm. E natyrisht që entuziazmi është i madh ne radhët e fansave të cilët nuk shijojnë një trofe që prej vitit 2011./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono