sezoni turistik

sezoni-turistik-1.jpg
G. P.15:07 | 24/05/2019

Vendorët në Gjirokastër deklaruan se për këtë sezon turistik pritet dyfishimi i turistëve në parkun antik të Antigonëse, por rruga është e gjitha e dëmtuar. Shkarjet masive nisën në vitin 2016 dhe aktualisht gjendja nuk ka ndryshuar.

Në Antigone u bë festë për çeljen e sezonit turistik. Por rruga që të çon tek parku ka këtë pamje. Mbrojtëset anësore janë shkatërruar nga aksidentet në tërë gjatësinë e saj.

Shkarjet janë aq të shpeshta për shkak të përbërjes së saj shtuf saqë papritur mund të përfundosh poshtë. Në vitin 2016 për shkak të rrëshqitjeve, katër fshatra u izoluan. Dhe prej asaj kohe asgjë nuk ka ndryshuar. Vendorët thonë se nuk kanë fonde dhe nuk dinë se si do t’i joshin turistët për të vizituar dhe shijuar vendin antik.

“Ky segment nuk mundëson ardhjen me ritmin e duhur të turistëve. Jo vetëm ai segment, por edhe linja që tashmë nuk janë miratuar dhe të përcaktuara që duhet të kishte një linjë për agjencinë turistike për Antigonenë, për Labovën e Zhapës, për Urën e Kordhocës, për Picarin, për Kardhiqin. Pra një agjenci turistike që do të mundësonte lëvizjen e vizitorëve vendas dhe të huaj nëpërmjet transportit”.

Zona e Lunxhërisë dhe Antigonesë nxisin turizmin gjithëvjetor duke u mbështetur tek resurset natyrore dhe arkeologjike dhe promocionin e haneve. Në Antigone jetojnë aktualisht rreth 7000 banorë. Vitin e kaluar komuna priti rreth 2000 vizitorë, por për këtë sezon autoritetet lokale shpresojnë ta dyfishojnë këtë shifër.

Por në këtë gjendje në të cilën ndodhet rruga, vështirë të lëvizin banorët se vizitorët do alarmohen./ABC News Albania 24/7

parku-antigone.jpg
G. P.14:15 | 21/05/2019

Antigoneja antike në Gjirokastër çeli zyrtarisht këtë 21 Maj sezonin turistik. Aty u organizua një paradë  tradite e konceptuar me këngë, valle, por pa harruar gatimet tradicionale të amvisave të zonës, punimet të dorës, objekte të traditës dhe suvenireve të prodhuara nga artizanët e zonës.

Sipas drejtorit të Parkut Antigone Shkëlqim Guçe, parku është vendosur prej vitesh në axhendën e turistëve të huaj. Ne vitin 2018 u regjistruan rreth 1500 vizitorë dhe ky numër këtë vit pritet të jetë disa herë edhe më i lartë për arsye se lugina e Drinos në Gjirokastër ka gjithmonë çfarë të ofrojë për kureshtarët e historisë./ABC News Albania 24/7

vloraa.jpg
G. P.18:27 | 12/05/2019

Vlora ka çelur jo zyrtarisht sezonin turistik për vitin 2019. Me këtë rast ka nisur edhe edicioni i 11-te i “Aulona Fol Festival”. Rreth tetë grupe nga SHBA, Anglia, e vende të tjera janë pjesëmarrëse në këtë edicion.

Bëhet fjalë për më shumë se 85 grupe folklorike nga 25 shtete të ndryshme të botës. Ky koncert dhe aktivitete të tjera festive dhe sportive kanë për qëllim të joshin turistët për të frekuentuar bregdetin e Vlorës.

Pavarësisht se këtë muaj ka patur mot të paqëndrueshëm, vendorët megjithatë kanë nisur të marrin masa për një seson turistik të suksesshëm. Hapja zyrtare e sezonit turistik do të bëhet javën e ardhshme./ABC News Albania 24/7

plazhi-darezeza.jpg
G. P.13:00 | 29/04/2019

Në prag të sezonit turistik plazhi i Darëzezës në Fier ka nisur të pastrohet. Aksioni i institucioneve shtetërore është mbështetur edhe nga subjekte private dhe të rinj vullnetarë.

Vijojnë aksionet e pastrimit në zonat bregdetare të vendit. Aksioni i radhës i pastrimit ishte përgjatë bregdetit të Darëzezës në Fier, i cili u mbështet nga ministria e Turizmit dhe Mjedisit, ABI Bank dhe Bashkia e Fierit.

“Jemi duke kryer aksion pastrimi, pavarësisht motit të keq, në bashkëpunim me organizimin që ka bërë ministria e Turizmit dhe Mjedisit, po ashtu edhe bashkia e Fierit dhe ABI Bank, me të cilët jemi duke pastruar bregdetin e Darëzezës”, tha Hader Cako, kryeinspektor i Mjedisit, Fier.

Kjo nismë për pastrimin e plazhit është një sfidë edhe për vetë Prefekturën e Fierit. Aksionit të pastrimit të bregdetit të Darzezës në Fier iu bashkuan dhjetëra të rinj vullnetarë, përfaqësues të OKB-së, Ambasadës Amerikane dhe ABI Bank, si mbështetës kryesorë të aksionit.

kaos-durres.jpg
G. P.14:50 | 28/04/2019

Në Durrës dhe pse është prag sezoni turistik numri i mjeteve është i madh dhe qarkullimi është në kaos. Në kulmin e sezonit pritet që numri i mjeteve të jetë shumë më i madh dhe për pasojë situata do jetë më në kaos.

Ngrohja e motit në fundjavë që përkon me shtimin e qarkullimit të automjeteve nxorri në pah problematikën me rrugët e Durrësit. Pas zgjerimit të trotuareve, ngushtimit te akseve kryesore dhe për më tepër vështirësitë për të gjetur një vend parkimi të skalit durimit. Rrugët brenda qytetit por edhe ato me destinacion plazhet mbeten më të ngarkuara.

E njëjta gjendje paraqitet edhe në segmentin rrugor që lidh Urën e Dajlanit me Plepat. Lëvizja e madhe e automjeteve krijon kaos në qarkullim dhe trafik të rënduar. Kjo gjendje pritet të jetë më e rënduar me ardhjen e verës. Për shkak të trefishimit të numrit të automjeteve që përkojnë me ardhjen e emigrantëve dhe turistëve të shumtë që zgjeshin Durrësin për të kaluar pushimet verore./abcnews.al

klosi-2.jpg
G. P.15:10 | 17/04/2019

Ministri i Turizmit dhe Mjedisit, Blendi Klosi, iu la detyra të qarta me afate të përcaktuara kryetarëve të bashkive të zonave bregdetare, e kjo për të garantuar një sezon të mbarë turistik.

“Vendimmarrja për bashkitë tani në muajin Prill të ndahet se kush janë operatorët që do të administrojnë plazhin. Brenda muajit Prill, maksimalisht në fillim të muajit Maj do duhet të administrojmë siç duhet hartat e vendosjes së zhurmave”, tha ai.

Siguria e jetës së pushuesve, pastërtia e mjedisit dhe cilësia e shërbimit duhet të jenë në fokus të institucioneve, porositi ministri Klosi.

“Instituti i Higjienës, AKU dhe Inspektoriati i Mjedisit të bëjnë që sot një verifikim në terren të gjithë këtyre subjekteve që ne kemi evidentuar nga tr operatorët që të jenë subjekte që do presin sërish turistë të huaj. Të paktën për gjëra që ne i kemi në dorë, të jemi korrekt dhe të kontrolluar. Edhe eliminimi i gropave septike, apo mekanizmave që iu ka ikur koha për të kryer këtë funksion janë evidentuar nga Inspektoriati i Mjedisit dhe të gjitha këto, Inspektoriati do të ketë një forcë më të madhe për të kontrolluar dhe vendosur deporatorët e standardeve të lejuara për deporimin e ujërave të zeza gjatë sezonit turistik”, tha Klosi.

Synimi i Ministrisë së Turizmit dhe Mjedisit u shpreh ministri Klosi është kthimi i Shqipërisë në një destinacion të qëndrueshëm turistik dhe zgjatja e sezonit turistik përtej periudhës klasike nga Qershori në Shtator. /abcnews.al

ujesjelles.jpg
G. P.16:03 | 15/04/2019

Në Durrës, Ujësjellës Kanalizimet kanë nisur zhbllokimet e kolektorit të ujërave, pasi me reshjet e fundit, ato u bllokuan në disa vende. Ndërkohë drejtori i Ujësjellës-Kanalizimeve ka njoftuar se ujësjellësi i ri për qytetin e Durrësin do të vihet në funksion brenda muajit.

Ky kolektor i ujërave të shiut prej më shumë se tre dekadash nuk është pastruar. Ujësjellës Kanalizime Durrës po punon për zhbllokimin e tyre. Mjetet e ndërmarrjes janë përqendruar në rrugën “Mujo Ulqinaku” dhe rrugën “Kristo Sotiri”.

“Do vazhdojmë të pastrojmë kolektorin e ujërave të shiut dhe ujërave të zeza. Momentalisht po shfrytëzojmë rastin që këto rrugë janë bllokuar nga Bashkia e Durrësit për t’u rikonstruktuar. Ne do vazhdojmë punën tonë me mjetet tona teknologjike, me stafin tonë dhe ndihmën e bashkisë që të pastrojmë këto kanale dhe të minimizojmë sa më shumë fenomenin e përmbytjes”, tha Spartak Kovaçi drejtor i Ujësjellës Kanalizime Durrës.

Brenda një muaji do te vihet në funksion ujësjellësi i ri për qytetin e Durrësit. Ai do të sjellë tre herë më shumë ujë sesa aktualisht.

“Brenda një muaji mbaron investimi i ujësjellësit të ri për qytetin e Durrësit. Fillon nga Fushë Miloti dhe vjen deri në Durrës dhe ky investim do të bëjë që të trefishohet sasia e ujit dhe brenda një kohe të shkurtër do të kemi furnizim 24 orë ujë”, tha Kovaçi.

Në prag të sezonit turistik, Kovaçi jep garanci se nuk do të ketë më gropa septike apo ujëra të ndotura që të derdhen në det.

“Falë investimeve të qeverisë shqiptare, bashkisë dhe Ujësjellës Kanalizime Durrës,  nga Ura e Dajlanit deri te Përroi i Agait, të gjithë qytetarët dhe bizneset janë të lidhur me rrjetin e kanalizimeve. Këto kanalizime shkojnë në impiantin e trajtimit në Shënavlash dhe pas trajtimit, dalin të pastra duke u derdhur në det. E gjithë kjo zonë nuk ka më gropa septike dhe nuk ka më derdhje në det”, tha ai.

Gjendja e kolektorëve të ujërave të shiut paraqitet problematike, pasi pjesa më e madhe e tyre kanë më shumë se 30 vjet pa u pastruar. Ato përmbyten sa herë ka reshje./abcnews.al

mbreteresha-e-adriatikut.jpg
G. P.13:24 | 19/02/2019

Ka mbërritur në portin e Durrësit, kroçera e parë për këtë vit duke hapur në këtë mënyrë sezonin turistik për vitin 2019. Kroçera “La belle de L’Adriatique” ishte nisur nga ishulli i Korfuzit në Greqi. Ajo solli  134 turistë francezë, ndërsa një javë më parë ka prekur edhe portet e Sarandës dhe Vlorës në kuadër të një turi që po zhvillon duke ndaluar në disa prej porteve të Mesdheut.

Një pjesë e turistëve të huaj kanë planifikuar që përveç qendrave arkeologjike dhe historike të Durrësit, të vizitojnë edhe qytetin e Tiranës. Kroçera me gjatësi 111 metra dhe me flamur belg do të ankorohet në Durrës edhe 7 të shtuna të tjera radhazi.

Ky është viti i tretë i lundrimit të kroçerës “E bukura e Adriatikut” drejt Durrësit. Burime nga autoriteti portual Durrës bëjnë të ditur se këtë vit sezoni turistik do të zgjasë mbi 9 muaj. Deri tani autoriteti portual ka marrë njoftim për mbërritjen e 25 kroçerave dhe velierave turistike, të cilat do ta vizitojnë portin e Durrësit deri në Nëntor të këtij viti./abcnews.al

KLOSI-PER-SEZONIN-TURISTIK-1280x720.jpg
G. P.12:23 | 29/08/2018

Ka dalë t’i urojë mirëseardhjen vetë ministri i Turizmit dhe Mjedisit, Blendi Klosi…

Ministri i Turizmit dhe Mjedisit Blendi Klosi i është bashkuar të rinjve të “Smile Albania” në pikën kufitare të Morinës për të mirëpritur së bashku me ta pushuesit që kalojnë në këtë pikë.

Në takimin me policët kosovarë, ministri Klosi u informua për rritjen e numrit të pushuesve gjatë këtij muaji dhe pritshmëritë më të mëdha të shtatorit.

Ministri Klosi siguroi se të gjitha strukturat do të jenë në gatishmëri edhe gjatë muajit Shtator për të siguruar një sezon të suksesshëm turistik.

“Ajo çfarë kemi kontaktuar me të gjthë turistët gjatë ditës së sotme është një dëshirë e tyre  për të kaluar deri në mesin apo fundin e shtatorit pushimet në Velipojë Shëngjin, Durrës dhe më tej në zonën e jugut dhe për të gjitha këto ne do të vazhdojmë të mbajmë strukturat tona në gatishmëri që sezoni turistik edhe gjatë muajit shtator të jetë me të njëjtat parametra me sigurinë maksimale, pastërtinë maksimale dhe po ashtu me shërbime sa më të kontrolluara dhe cilësore për turistët kosovarë”, tha Klosi.

Ministri Blendi Klosi i garantoi pushuesit se projekti “SmileAlbania” është në gatishmëri për të mirëpritur me buzëqeshje të gjithë pushuesit./abcnews.al

 

blendi-klossss.jpg
G. P.20:47 | 06/07/2018

Ministri i Mjedisit dhe Turizmit, Blendi Klosi, ishte i ftuar në “Byro Politike” ku foli rreth sezonit turistik dhe situatës së mjedisit.

Sipas ministrit Klosi, plazhet shqiptare janë më të pastra se një vit më parë.

“Plazhet shqiptare dhe brigjet e lumenjve janë shumë më të pastra se një vit më parë. Patjetër që nuk është aty ku duhet, por është më pastër se më parë. Kur bie shumë shi unë shpesh ndihem keq se po të jetë një moment përmbytje prapë shtratet e lumenjve mund të shtohen në një ndotës të madh të mjedisit, pasi kemi zyrtarisht qendra banimi që e konsiderojnë lumin si vend depozitimi mbetjesh”, tha Blendi Klosi.

Gjithashtu ministri i Mjedisit dhe Turizmit shtoi se ka besim se nëse do të ketë bashkëpunim, Shqipëria do të jetë vendi më i pastër në rajon në vitin 2020.

“Ndihem besimplotë që nëse do kemi bashkëpunim me të gjitha bashkitë dhe komunitetin ne mund t’ia dalim që Shqipëria në 2020 mund të jetë më i pastri në rajon. Strategjia është shumë e qartë. Nëse ne ndërhyjmë në këto ndotës, si qeset plastike, gurore, miniera, etj që të mos jenë të vendosura pranë qendrave të populluara kjo mund të arrihet”, tha ai.

Blendi Klosi tha gjatë emisionit se janë shtuar turistët pasi sezoni turistik këtë vit ka nisur më herët. Ai gjithashtu renditi disa problematike në lidhje me plazhet si siguria dhe pastërtia./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono