sezoni turistik

blendi-klossss.jpg
G. P.20:47 | 06/07/2018

Ministri i Mjedisit dhe Turizmit, Blendi Klosi, ishte i ftuar në “Byro Politike” ku foli rreth sezonit turistik dhe situatës së mjedisit.

Sipas ministrit Klosi, plazhet shqiptare janë më të pastra se një vit më parë.

“Plazhet shqiptare dhe brigjet e lumenjve janë shumë më të pastra se një vit më parë. Patjetër që nuk është aty ku duhet, por është më pastër se më parë. Kur bie shumë shi unë shpesh ndihem keq se po të jetë një moment përmbytje prapë shtratet e lumenjve mund të shtohen në një ndotës të madh të mjedisit, pasi kemi zyrtarisht qendra banimi që e konsiderojnë lumin si vend depozitimi mbetjesh”, tha Blendi Klosi.

Gjithashtu ministri i Mjedisit dhe Turizmit shtoi se ka besim se nëse do të ketë bashkëpunim, Shqipëria do të jetë vendi më i pastër në rajon në vitin 2020.

“Ndihem besimplotë që nëse do kemi bashkëpunim me të gjitha bashkitë dhe komunitetin ne mund t’ia dalim që Shqipëria në 2020 mund të jetë më i pastri në rajon. Strategjia është shumë e qartë. Nëse ne ndërhyjmë në këto ndotës, si qeset plastike, gurore, miniera, etj që të mos jenë të vendosura pranë qendrave të populluara kjo mund të arrihet”, tha ai.

Blendi Klosi tha gjatë emisionit se janë shtuar turistët pasi sezoni turistik këtë vit ka nisur më herët. Ai gjithashtu renditi disa problematike në lidhje me plazhet si siguria dhe pastërtia./abcnews.al

QENRAT-SHENDETESORE-PLAZH-1280x720.jpg
ent ela13:49 | 03/07/2018

Në të gjithë vijën bregdetare do të jenë në funksion 26 qendra shëndetësore. Lajmin e bëri të ditur nga Vlora, Skënder Brataj Drejtori i Qendrave Shëndetësore. Brataj tha se numri më i madh i urgjencave, do të jetë në vijen bregdetare të Vlorës, për shkak se edhe numri i pushuesve është i lartë. Këtu madje shërbimi ka nisur.

Gjatë sezonit të kaluar turistik në Qendrat Shëndetësore që u ngritën në plazh, morën shërbim rreth 44 mijë pushues.

Risia e këtij sezoni është rritja e numrit të punonjësve dhe e medikamenteve. /abcnews.al

DIBRA-FESTA-E-DRINIT-1280x720.jpg
ent ela12:38 | 01/07/2018

Megjithëse është ende ftohtë në Dibër, vendorët çelën sezonin turistik. Festa e përvitshme u organizua në luginën e lumit Drin, i cili ka nisur të frekuentohet nga shumë të rinj.

Është ftohtë në breg të Drinit, por festa tradicionale nuk ndal. Dibra çeli sezonin turistik. Nisi me një guidë nga Maqellara në daljen e Drinit nga kufiri Maqedonas.

Më pas ata përshkuan luginën e Drinit të Zi deri në afërsi të Kukësit. Brigjet e lumit  kane nisur te frekuentohen nga shumë të rinj. Nga liqeni i  Ohrit e deri në Kukës lumi Drin mbledh pushues të shumë. Është uji i pastër ai që sfidon detin.

“Ne kërkojmë të nxisim dhe promovojmë zhvillimin e turizmit në bashkinë e Dibrës, që përmes këtyre aktiviteteve të afrojmë sa më shumë njerëz e të nxisim zhvillimin ekonomik të familjeve dibrane dhe bizneseve”

Lugina është e mahnitshme. Ajo përshkohet nga të apasionuarit e sporteve të ujit. Megjithatë infrastruktura mungon.

Kalendari i festave dhe promovimit të bukurive natyrore të Dibrës do të vazhdojë festën e bjeshkëve më 7 korrik në Radomirë. /abcnews.al

TAKSE-FORCE-VLORE-SEZON-1280x720.jpg
ent ela13:20 | 19/06/2018

Sezoni turistik në Vlorë do të monitorohet për herë të parë nga një Taske Force. Kjo u vendos gjatë një takimi midis 13 institucioneve që do të marrin përgjegjësitë përkatëse. Zv/drejtori i Përgjithshëm i Policisë së Shtetit Xhovalin Loka tha se prioritetet në sezonin turistik do të jetë mbrojtja e jetës së pushuesit. Duke iu referuar ngjarjeve të rënda viteve të kaluara, Loka tha që për mjetet e ujit do kenë një vend të posaçëm dhe do të jenë të gjitha nën vëzhgimin e policisë. Në këtë takim u fol edhe për ndotjen akustike nga lokalet e natës si dhe për ndotjen në plazh. Për të gjitha çfarë u diskutua është hartuar një plan masash me detyrat për çdo institucion shtetëror. /abcnews.al

BIE-EURO-_ABC-1280x720.jpg
ent ela16:16 | 13/06/2018

Monedha e përbashkët Euro ka shënuar sërish rënie në tregun e brendshëm gjatë ditës së sotme, duke arritur në 126.15 lekë, pra 0.83 lekë më pak, se një ditë më parë. Vetëm dy ditët e fundit euro ka humbur 2.2 lekë, duke u larguar nga niveli më i lartë i prillit prej 128.34 lekë, që arriti në 11 qershor.

Në rënie ishin dhe të gjitha valutat e tjera. Dollari ra me 0.3 lekë, duke kapur vlerën 107.33 lekë, Paundi me 1.15 lekë, në 143.05 lekë.

Sezoni turistik ka filluar të japë efektet e veta dhe pritet që hyrjet e valutës, të rriten më shumë javën e ardhme, teksa mbarimi i muajit të Ramazanit do të shtojë fluksin e turistëve që vijnë nga Kosova. /abcnews.al

policaaa.jpg
G. P.14:15 | 10/06/2018

Duket se edhe në këtë sezon turistik veror, problemet e vitet të kaluar vijojnë të jenë të njëjta, si mospërfundimi akseve rrugore pranë zonave bregdetare apo edhe mungesat e sinjalistikës rrugore.

Në këtë sezon veror pushuesit që kanë zgjedhur zonat bregdetare, por edhe qytetet historike, problem kryesor për turistët do të jetë mospajisja me sinjalistikë të rrugëve, si ato vertikale apo holizontale.

Mitat Tola: “Problematik është të themi mos kompletimi me sinjalistikë. Vendosja e sinjalistikës nga ARRSH dhe entet-pronarë  të rrugëve e lehtëson trafikun. Eleminon dhe prezencën e punonjësit të policisë”.

Në një intervistë për ABC News, drejtori i Policisë Rrugore, Mitat Tola, shpjegon se kausi në trafik dhe radhët kilometrike krijohet edhe nga mospërfundimi i akseve kryesore në vend.

Mitat Tola: “Ne vazhdojmë të vuajmë një mosmbarim rrugësh, në mombarimin e unazës, aksit, të By-passit të Fierit, i cili na angazhon shumë forca policore pasi i gjithë jugu i Shqipërisë kanalizohet në atë rrugë”.

Sipas numrit një të Policisë Rrugore, në të gjitha akset rrugore pranë zonave bregdetare do të angazohen mbi 100 efektiv shtesënë, të cilët do të ndihmojnë në orientimin e pushuesve vendas e të huaj.

Mitat Tola: “Në të gjithë zonën bregdetare duke filluar nga Shkodra në drejtim të Sarandës por pa harruar dhe qytete si Berati, Gjirokastra dhe Pogradeci, ku fluksi i turistëve është i madh”.

Nga 15 Qershori deri me 15 Shtator, Policia e Rrugore ka hartuar planin e masave për mbarëvajtjen e sezonit turistik./abcnews.al

tirane-durres.jpg
ent ela11:36 | 09/06/2018

Një udhëzim i ministrit të Brendshëm Fatmir Xhafaj dhe atij të infrastrukturës Damian Gjiknuri për cakton kufizimin e qarkullimit të mjeteve të rënda gjatë fundjavave të sezonit turistik. Për mjete të tonazhit të rëndë mbi 7.5 ton, me gjatësi mbi 12 metra, për makinat bujqësore, teknologjike apo traktorët me rrota me shpejtësi nën 40 km në orë si dhe kursantët e autoshkollave, nga data 15 qershor deri në 15 shtator, kufizimet e qarkullimit vendosen edhe për ditët e festive apo ato që paraprijnë apo pasojnë ato.

Ditën e premte kufizimi i qarkullimit parashikohet nga ora 15:00 deri ne 22:00. Të shtunën nga ora 8:00 deri ne 12:00 dhe më pas nga ora 16:00 deri në 22:00, ndërsa të dielave nga ora 7 e mëngjesit deri në 22:00. Të përjashtuar nga ky kufizim do të jenë automjetet e shoqërimit, ato të forcave të armatosura, automjetet për mirëmbajtjen e shërbimeve publike, mjetet e radiove dhe televizioneve, por edhe mjete që transportojnë ushqime që prishen, material apo pajisje për gjendje emergjence sidhe kamionë që transportojnë gjënë e gjallë. /abcnews.al

SEZONI-TURISTIK-VELIPOJE-1280x720.jpg
ent ela13:33 | 20/05/2018

Në plazhin e Velipojës kanë mbërritur shumë pushues të huaj dhe vendas. Bashkia e Shkodrës ka bërë çeljen zyrtare të sezonit turistik.

Rruga është në ndërtim e sipër, por pjesa më e madhe e saj ka përfunduar. Lokalet janë hapur, gati  për sezonin turistik në Velipojë.

Kanë ardhur edhe turistët e parë. Moti i mirë, pastërtia e plazhit dhe e ujit është kënaqësia kryesore që u ofrohet atyre.

” Jam nga Italia nga rajoni i Toskanës, kam një javë në Velipojë dhe do rri edhe një javë tjetër. Më pëlqen shumë. Në Itali plazhet janë më të organizuara, por këtu më pëlqen shumë”.

Uji i ngrohtë dhe i pastër të cilit është vështirë t’i rezistosh shprehet kështu turistja nga Tajlanda e largët.

“Është hera e parë që vij në Shqipëri, këtu me pëlqen, uji është shumë i ngrohtë dhe rëra është e mrrekullueshme”.

Ata më të moshuarit kujdesen për nipërit dhe mbesat. Ndërsa ata më të rinjtë shijojnë lojëra të ndryshme.

Nga ana tjetër shezllonet po vendosen. Por Bashkia e Shkodrës akoma nuk ka lidhur  kontratat me bizneset përfituese.

“Bashkia e Shkodrës hap zyrtarisht sezonin, kanë filluar pushuesit e parë me bë plazh”.

Velipoja është nga zonat turistike më të frekuentuara sidomos për turizmin familjar. /abcnews.al

Gazetar i ABC News: Simon Shkreli

 

ANTIGONEA-1280x720.jpg
ent ela20:02 | 18/05/2018

Antigoneja antike çeli zyrtarisht sezonin turistik ku u promovuan veshjet karakteristike të zonës, gatimet, këngët dhe vallet. Në këtë aktivitet ishte e pranishme edhe ministrja e Kulturës Mirela Kumbaro. Sipas drejtorit të këtij parku Shkëlqim Guçe parku i Antigonesë është gati për të pritur turistët dhe është pajisur me sinjalistikën e duhur. Deri tani për këtë vit 200 vizitorët e parë kanë mbërritur në qytetin antik. Parku Arkeologjik i Antigonesë në Gjirokastër mbetet një nga destinacionet kryesore turistike në Shqipëri. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono