serie a

Cavani.jpg
Igli Nikolli20:49 | 21/01/2020

Largimi i Edinson Cavanit nga PSG është çështje kohe. Sulmuesi i njohur është në vitin e fundit të kontratës dhe po insiston për t’u larguar menjëherë. Atletico Madrid dhe disa klube të Premier League janë gati të paguajnë për shërbimet e “El Matador”, teksa francezët duhet të heqin dorë nga pretendimi 30 milion eurosh.

PSG po kërkon një zëvendësues të 32-vjeçarit dhe ka hedhur sytë nga Serie A. L’Equipe raporton se objektiv i kampionëve të Francës është Gonzalo Higuain. 32-vjeçari argjentinas po paraqitet mirë me ekipin e Sarrit dhe këtë sezon ka shënuar 7 gola.

Pipitës i duhet të luftojë për një post titullari, teksa PSG do të paraqesë në ditët e ardhshme një ofertë në drejtim të tij. Vështirë që “Zonja e Vjetër” të heqë dorë nga shërbimet e tij në mes të sezonit, por PSG do provojë ta transferojë në kryeqytetin francez. /abcnews.al

 

Higuain dhe Dybala, duke festuar një gol të Juventusit
Ronaldo-Dybala.jpg
Igli Nikolli18:44 | 21/01/2020

Zdenek Zeman ka analizuar problemin e madh të Juventusit. Çeku i famshëm sheh ndryshim të madh midis stilit të Sarrit dhe karakteristikave e lojtarëve bardhezi. Në një prononcim për TMW, Zeman e sheh problemin te sulmi, sidomos te dyshja Dybala-CR7.

Karakteristikat e lojtarëve të Juventusit nuk janë të përshtatshme me lojën që tenton të zhvillojë Sarri, sidomos ato të sulmuesve. Dybala dhe Ronaldo e kanë në gjak mbajtjen e topit dhe kanë probleme për ta qarkulluar atë.

Skuadrat angleze janë mësuar të bëjnë presing në çdo cep të fushës, nuk mund të presim nga Dybala dhe Ronaldo të bëjnë të njëjtën gjë. E dini se çfarë i mungon Juventusit? Ekipi duhet të sulmojë që në fillim kundërshtarët“, thekson Zdenek Zeman. /abcnews.al

 

Zdenek Zeman
Rrahmani-1.jpg
Igli Nikolli16:54 | 21/01/2020

Amir Rrahmani do të luajë me Napolin sezonin e ardhshëm dhe ky është një lajm i mirë për të dhe agjentin e tij. Adrian Aliaj tregohet i sinqertë në prononcimin e dhënë për Radio Punto Nuovo, flet me superlativa për Cristiano Giuntolin, drejtorin sportiv të Napolit, dhe tregon se cila skemë është më e mira për 25-vjeçarin.

Mbrojtësi i Hellas Verona është paraqitur shumë mirë në aventurën e tij të parë në Serie A dhe Napoli nxitoi për të siguruar shërbimet e tij për shumën e 14 milion eurove.

Nuk e prisja kaq shpejt një interesim të ndonjë klubi të madh për Amirin. Ekzistonte një plan për t’u rritur e përmirësuar te Verona, por nuk hezituam aspak kur erdhi oferta e Napolit. Nuk mund të refuzohet një klub i tillë.

Është një privilegj për lojtarin dhe ne si agjentë transferimi te ky ekip. Rrahmanin e donin edhe skuadra të tjera, por komplimente Giuntolit (drejtori sportiv i Napolit) që u tregua korrekt dhe i respektueshëm.

Është një person i mirë dhe me cilësi, e respektoj shumë, sepse e mbajti fjalën dhe bëri atë që na kishte premtuar. Roli? Rrahmani nuk ka problem për të luajtur në mbrojtjen me katër. E bën edhe te Kosova, aty ku është kapiten i skuadrës. E shoh më mirë në mbrojtjen me katër sesa në atë me tre. Ai është gati për këtë aventurë“, përfundon Adrian Aliaj. /abcnews.al

 

Adrian Aliaj
Milan-1-e1576937893762.png
Igli Nikolli15:38 | 21/01/2020

Në fillim u përfol për një interesim të Romës, por në garë për shërbimet e Adnan Januzajt është futur edhe Milani. Agjenti i 24-vjeçarit shqiptar konfirmon lajmin e zbuluar nga mediet belge dhe pranon faktin që kuqezinjtë e pëlqejnë.

Dirk De Vriese shkon edhe më tej dhe i shkel syrin klubit të madh italian. Në një prononcim për Calciomercato, agjenti i anësorit të djathtë ofensiv të Real Sociedad tregon se Januzaj do të pranonte menjëherë transferimin në Milanon kuqezi.

Ka shumë mundësi që Januzaj të kalojë në Serie A. Nesër do të takohem me drejtuesit e Sociedad për të folur mbi të ardhmen e lojtarit. Konfirmoj interesimin e Romës, por Adnanin e pëlqen edhe Milani. Absolutisht që Januzaj do të pranonte ofertën e kuqezinjve, por transferimi në Milano varet edhe nga Suso“, përfundon De Vriese. /abcnews.al

 

Adnan Januzaj
Piero-Ausilio.jpg
Veronik Istrefaj21:18 | 20/01/2020

Drejtori sportiv i Interit, Piero Ausilio, ka konfirmuar gjithçka për Sky Sport: Inter ka bërë ofertë zyrtare për Eriksen dhe është në pritje.

“Po, kemi bërë një ofertë zyrtare për Christian Eriksen. Ai është një lojtar i madh dhe Tottenham ka shumë oferta për të, por ne kemi besim se do ta mbyllim me sukses këtë operiacion.

Giroud? Kemi bisedime dhe do të firmosim me të në rast se një nga sulmuesit tanë, largohet. Deri më tani, bisedimet kanë ndaluar, por kemi bërë progres gjatë ditëve të shkuara. Me Victor Moses, kemi arritur akord dhe ditët e ardhshme, do të bisedojmë edhe për detajet e fundit”./abcnews.al

Ibra-8.jpg
Veronik Istrefaj19:38 | 20/01/2020

Sulmuesi i Milanit, Zlatan Ibrahimovic, është një ndër futbollistët më të dashur në botë. Suedezi është tashmë 38 vjeç, por mosha për të duket thjesht një numër. Në stërvitjen e sotme të Milanit, gjiganti i sulmit ka bërë një veprim që është bërë menjëherë viral.

Pasi kontrollon topin në mënyrë të shkëlqyer me gjoks, suedezi përkulet thuajse në tokë, duke treguar fleksibilitet të shkëlqyer dhe një formë fizike të jashtëzakonshme.

Ky moment, i ka impresionuar dhe kameramanët e Milanit, që e kanë filmuar këtë moment dhe e kanë shpërndarë në faqen zyrtare të klubit në Twitter. Kjo video, është bërë menjëherë virale dhe ka marrë më shumë se 2 milion shikime. Ibrahimovic është thjesht spektakolar./abcnews.al

Rrahmani-1.jpg
Igli Nikolli14:43 | 20/01/2020

Akordi ishte arritur prej ditësh, madje Amir Rrahmani kreu vizitat mjekësore, teksa pak çaste më parë ka ardhur edhe zyrtarizimi. Mbrojtësi dardan do të mbyllë sezonin me Hellas Veronën dhe në verë do të vijojë aventurën e re me ekipin e Gattusos.

Napoli dhe Verona ka publikuar në faqet e tyre zyrtare marrëveshjen mes palëve. “Napoli lajmëron se ka siguruar shërbimet e Amir Rrahmanit dhe në të njëjtën kohë e ka huazuar atë te Hellas Verona deri në 30 qershor të vitit 2020“, lexohet në komunikatën e nënkampionëve të Italisë.

Hellas Verona komunikon se ka shitur Amir Rrahmanin te Napoli. 25-vjeçari kosovar do të qëndrojë përkohësisht me ekipin tonë deri në fund të sezonit“, shkruhet në deklaratën zyrtare të klubit italian. /abcnews.al

Eriksen-Brozovic.jpg
Igli Nikolli14:14 | 20/01/2020

Inter la dy pikë në transfertën kundër Lecces, por ai që shqetëson Antonio Conten është Marcelo Brozovic. Mesfushori dëmtoi kaviljen dhe u largua para kohe nga loja. Fakti që në fund iu desh të dilte me paterica nga stadiumi “Via del Mare” tremb zikaltrit. Kroati mund të mungojë disa ndeshje dhe diçka e tillë e shtyn Interin të nxitojë për Christian Eriksen.

Akordi me Tottenham është shumë afër. Spurs kërkojnë 20 milion euro për ta lënë të lirë organizatorin dhe klubi italian ka rritur ofertën në 18 milion euro. Diferenca mes kërkesës dhe ofertës është shumë e vogël dhe marrëveshja finale është çështje kohe.

Agjenti i lojtarit ndodhet në Londër për t’i paraqitur presidencës së klubit londinez ofertën e Interi dhe Daniel Levy do e pranojë atë. Conte ka nevojë edhe për lojtarë anësor, teksa nuk mjafton afrimi i Young. Asamoah dhe D’Ambrosio janë të dëmtuar, teksa në ndeshjen e ardhshme ndaj Cagliarit do të mungojë edhe Candreva.

Drejtuesit italianë po punojnë për të arritur akordin me Chelsea për shërbimet e Victor Moses. Trajneri ka punuar me nigerianin te “Blutë e Londrës” dhe beson shumë te kualiteti i tij. 29-vjeçari luan në rolin e anësorit të djathtë dhe po diskutohen detajet e fundit për ta transferuar në Serie A. /abcnews.al

Genoa.jpg
Igli Nikolli11:52 | 20/01/2020

Genoa po kalon një moment shumë të keq dhe rrezikon seriozisht rrëzimin në Serie B. Ekipi më i vjetër në Itali renditet në vend të parafundit, ndërsa tifozët kanë nisur një fushatë kundër presidentit.

Enrico Preziosi shihet si e keqja e kësaj situate dhe ultrasit e Genoas kanë nisur “luftën” ndaj tij. Në këtë situatë të vështirë ka ardhur një mbështetje nga Gjermania.

Hertha Berlin priti Bayern Munchen dje (0-4 u mbyll ndeshja) dhe tifozët nga kryeqyteti hapën dy pankarta befasuese në fillim të ndeshjes. “Mos u dorëzoni ultras Genoa” shkruhej në të parën, ndërsa e dyta ishte edhe më e qartë: Preziosi, zhduku!.

Një mbështetje surprizuese dhe kjo gjë bëhet më e bukur nga fakti që dy tifozeritë nuk njihen për ndonjë binjakëzim mes tyre. Ultrasit e Herthës kanë një afeksion për homologët italianë, pasi edhe më parë kanë nxjerrë pankarta mbështetje për tifozët e Napolit.

 

Dy pankartat e tifozëve të Hertha Berlin
De-Ligt-1.jpg
Igli Nikolli11:34 | 20/01/2020

Matthijs De Ligt po përshtatet me Juventusin, po luan dhe po rritet. 20-vjeçari holandez ka dhënë një prononcim për Sky Sports, aty ku flet për aventurën e re dhe Cristiano Ronaldon. Portugezin po e studion për t’i mësuar sekretet, teksa zbulon edhe pozicionin e preferuar në fushën e blertë.

Jam i kënaqur me muajt e parë te Juventusi. Besoj se jam rritur shumë që prej momentit që erdha këtu. Dua të luaj dhe të përmirësohem edhe më shumë. Jam i lumtur që fituam me Parmën.

CR7? Është fantastike të luash me të. Përgatitet gjithmonë mirë për t’u gjendur në vendin e duhur. Cristiano është më i forti në botë dhe tentoj t’i rrëmbej ndonjë sekret për t’u përmirësuar.

Pozicioni i preferuar? Ndihem më mirë si qendërmbrojtës i djathtë, është roli im natyral. Gjithsesi, mund ta bëj pa problem edhe qendërmbrojtësin e majtë“, deklaron Matthijs De Ligt. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono