Seria A
Këngëtarja Anitta gjatë një performance

Immobile-Lazio.jpg
Klejdi Kaimi12:29 | 19/02/2020

Lazio po përjeton një sezon të mrekullueshëm. Aktualisht, lacialët renditen në vendin e dytë me një pikë më pak se Juventusi kryesues. Por, meritën më të madhe e ka kapiteni i bardhekaltërve, Ciro Immobile, me 26 golat e tij të shënuar në këtë kampionat. Sulmuesi ka vendosur të bëjë një bashkëbisedim me fansat në Instagram, ku ka zbuluar disa gjëra pikante.

“Të gjithë në skuadër i kam shokë, atmosfera është shumë e mirë. Të luash për Lazion në “Olimpico” është një ndjesi e mrekullueshme. Kaloj shumë mirë me Milinkovic si dhe Strakosha është një lojtar i fortë gjithashtu. Lucas Leiva është kampion brenda dhe jashtë fushe”, janë disa nga përgjigjet e Immobiles.

“Luis Alberto më njeh më mirë se gruaja ime. Correan dhe Caicedon i kam shumë shokë dhe janë lojtarë të shkëlqyer. Nuk dal më xhiro në qytet me Lazzarin, e “pushova” atë pasi ai nuk i njeh shumë mirë rrugët e qytetit”, janë përgjigjet e tjera të sulmuesit në Instagram. /abcnews.al

Chiellini.jpg
Klejdi Kaimi12:58 | 18/02/2020

Kapiteni i Juventusit, Giorgio Chiellini, është shumë pranë rinovimit me bardhezinjtë. 35-vjeçari pritet të rinovojë kontratën e tij dhe për një vit tjetër, ndërkohë që aktualja përfundon në këtë verë.

Sipas gazetarit të klubit, Romeo Agresti, firma është thjesht një formalitet, pasi është arritur marrëveshja mes mbrojtësit dhe drejtuesve të klubit. Në ditët në vijim pritet që Giorgio të nënshkruajë kontratën e re, që do të përfundojë në verën e vitit 2021.

Chiellini u transferua te “Zonja e Vjetër” në vitin 2005 dhe që nga ai moment ai numëron 385 ndeshje me bardhezinjtë. Në ndeshjen e kaluar kundër Brescias, italiani u rikthye për herë të parë pas dëmtimit që e la jashtë fushave për një kohë të gjatë. /abcnews.al

Ibra-Rebic-Milan.jpg
Klejdi Kaimi12:59 | 17/02/2020

Milan pritet të luajë sonte në darkë në “San Siro” kundër Torinos. Kuqezinjtë vijnë pas atij barazimi 1-1 me Juventusin në gjysmën finalen e Kupës së Italisë dhe mbrëmjen e sotme do të tentojnë fitoren. Trajneri i Milanit publikoi ditën e djeshme listën e lojtarëve të grumbulluar, por sot paradite ai ka humbur një lojtar.

Bëhet fjalë për mesfushorin turk, Hakan Calhanoglu. 26-vjeçari ka një dëmtim muskular dhe ka mbetur jashtë sfidës së sotme. Sipas mediave italiane, pas disa testeve Hakan do t’i duhet të qëndrojë pushim. Një humbje e madhe kjo për trajnerin Pioli përpara një sfidë, ku duhen vetëm tri pikët.

Giacomo Bonaventura dhe Lucas Paqueta mund të luftojnë për vendin e lënë bosh nga turku, i cili do të luante si trekuartist. Në sulm do të luajë Ibrahimovic në qendër dhe nga krahët Ante Rebic dhe Samu Castillejo. Nga mungesa e Calhanoglu mund të kemi dhe një ndryshim në formacion, por është Pioli ai që vendos. /abcnews.al

 

barrow2.jpg
Klejdi Kaimi13:43 | 14/02/2020

Ndihmës trajneri i Bolognës, Emilio De Leo, ka deklaruar se Musa Barrow i ka suprizuar ata. Sulmuesi anësor i cili ka ardhur nga Atalanta është përshtatur shumë shpejt me ekipin e ri. Barrow është në huazim nga bergamaskët për 1 një vit e gjysmë dhe më pas mund të blihet për shumën e 13 milionë eurove.

“Jemi habitur nga qetësia e tij. Nëse e shikojmë nga ana taktike, ai është gjithmonë gati dhe ka punuar shumë mirë në sezonet e fundit. Të gjithë lojtarët tanë e kanë pritur shumë mirë ardhjen e tij dhe Barrow përshtat shumë shpejt me ekipin,” deklaron De Leo.

Bologna po kalon një moment shumë të mirë dhe në tre ndeshjet e fundit ka grumbulluar 9 pikë. Ndeshja e radhës është kundër Genoas dhe sipas zëvendës trajnerit, nisja e lojë si favorit nuk do të jetë një problem për ta. “Ne jemi të fokusuar te ndeshja. Po i marrim ndeshjet një nga një dhe në çdo ndeshje do të japim maksimumin tonë. Duhet të qëndrojmë me këmbë në tokë dhe të vazhdojmë përpara,” mbyll ndihmës trajneri. /abcnews.al

 

lotito.jpg
Klejdi Kaimi16:55 | 11/02/2020

Lazio po përjeton një sezon të mrekullueshëm. Vetëm një pikë e ndan ekipin kryeqytetas nga vendi i parë, që mbahet nga Juventusi dhe Interi. Presidenti i lacialëve, Claudio Lotito, në një intervistë për mediat italiane, tregon momentin e mirë që po kalon ekipi dhe se nuk beson se Juventus po kalon një krizë.

“Lazio e meriton vendin ku ndodhet sot në renditje. Nuk dua të merrem fare me arbitrat apo me rastet që ndodhën në ndeshjen me Parmën. Ne duhet të vazhdojmë me këtë ritëm dhe mendoj se gara për titullin kampion do të jetë e hapur deri në fund të kampionatin,” tregon numri 1 i Lacios.

“Nuk e besoj se ekipe si Juvja kanë kriza. Mund të jetë një ndeshje e keqe, kur ti nuk merr rezultatin që kërkon, vetëm kaq. Ata janë ekipi më i mirë në Itali, janë më të kompletuar, por vetëm 1 pikë larg janë. Në ndeshjen e radhës duhet të hyjmë në “San Siro” me besimin se do të kthehemi në shtëpi me 3 pikët. Do të jetë një ndeshje e fortë kundër Interit, por duhet të luajmë pa frikë,” mbyll Lotito. /abcnews.al

 

Ibra-8.jpg
Klejdi Kaimi16:17 | 10/02/2020

Sulmuesi i Milanit, Zlatan Ibrahimovic, arriti të shënonte mbrëmjen e djeshme por goli i tij ishte pa vlerë, pasi Interi arriti ta përmbysë sfidën. Në deklaratën pas ndeshjes, suedezi u shpreh se është i mërzitur nga humbja, por duhet patjetër një reflektim në ndeshjen me Juventusin.

“Kur ti je në avantazh 2-0 thjesht duhet të administrosh rezultatin. Në pjesën e parë ishim perfekt. Sapo filloi pjesa e dytë gjërat morën për keq. Pas barazimit ekipi pësoi një shok psikologjik. Humbëm besimin dhe kjo vjen nga mungesa e eksperiencës. Duhet të reagonim më mirë, por besoj se do reflektojmë ditën e enjte,” tregon Ibra për televizion suedez “STV”.

“Unë u riktheva te Milani për ti ndihmuar. Më vjen mirë që unë ende mund të bëj diferencën, edhe pse jam 38-vjeç. Një statujë e imja në Milano? Mendoj se mund të jetë diçka e bukur. Statuja ime do të dukej bukur në çdo vend të botës” mbyll sulmuesi suedez duke qeshur. /abcnews.al

biagio.png
Klejdi Kaimi13:27 | 10/02/2020

Klubi i SPAL ka zyrtarizuar trajneri e ri që do të marrë drejtimin e skuadrës. Është Luigi Di Biagio i përzgjedhuri i klubit për të zëvendësuar të shkarkuarin, Leonardo Semplicin. SPAL aktualisht pozicionohet në vendin e fundit në renditje me vetëm 4 ndeshje të fituara.

Ishte pikërisht ky i fundit që e drejtonte ekipin që nga viti 2014, kur SPAL luante në Seria C. Falë tij klubi i vogël siguroi ngjitjen historike në Seria A, por pas shumë rezultatesh negative bordi drejtues vendosi ta shkarkojë Semplicin.

Di Biagio do të vendos një rekord sepse ai ka drejtuar më parë vetëm ekipin e moshave të Italisë. Ish-mesfushori nuk ka asnjë eksperiencë me ndonjë klub dhe drejtimi i një klubi në Seria A do ta fusë në histori italianin. Ai do të firmosë një kontratë 6 mujore, me opsionin për ta rinovuar atë dhe për një vit tjetër, nëse ia del ta mbajë Berishën me shokë në elitë. /abcnews.al

Eriksen-Inter.jpg
Klejdi Kaimi12:28 | 10/02/2020

Mesfushori i Interit, Christian Eriksen, nga mbetur i mahnitur nga atmosfera në “San Siro”. Zikaltrit mbrëmjen e djeshme arritën një fitore të madhe dhe të rëndësishme, duke fituar me përmbysje. Pjesa e parë foli vetëm për kuqezinjtë, por në pjesën e dytë në fushë ishte një Inter tjetër dhe arriti që nga 0-2 të fitojë 4-2.

“Ishte një eksperiencë e mrekullueshme. Në pjesën e parë ishim dobët, por fitoret me përmbysje janë gjithmonë speciale. Më erdhi keq për atë gjuajtjen time. Ishte një goditje e bukur, por që u ndal nga shtylla. Nëse ajo do të shkonte në rrjetë, atëherë do të ishte qershia mbi tortë,” tregon Eriksen për “La Gazzetta dello Sport”.

“Tifozët ishin fantastikë. Na mbështetën që nga fillimi takimit deri në fund. Koreografia më la pa fjalë, nuk mund ta jetosh këtë atmosferë në Premier League pasi atje dhe nuk lejohet kjo gjë. Që në momentin që autobusi mbërriti në stadium, tifozët ishin aty për në duke kënduar. Aty ti e kupton rëndësinë që kjo ndeshje ka,” deklaron mesfushori danez. /abcnews.al

Lukaku.jpg
Klejdi Kaimi08:42 | 09/02/2020

Sulmuesi i Interit, Romelu Lukaku, ka rilindur në Milano. Gjiganti i kombëtares belge po kalonte një krizë te Manchester United dhe vendimi për të kaluar në Serie A ishte i duhuri. Interi është rikthyer kompetitiv dhe për momentin pozicionohet i dyti dhe falë golave të Lukakut.

26-vjeçari nën drejtimin e Antonio Contes ka rifituar dhe një herë formën e tij më të mirë, duke u kthyer në një nga lojtarët kyç të këtij Interi. Madje ai ka thyer dhe një rekord për sa i përket golave të shënuar.

Lukaku arriti në kuotën e 20 golave në vetëm 29 ndeshje me fanellën zikaltër. Ai renditet i pari në këtë listë, duke lënë pas dhe brazilianin Ronaldo, të cilit iu deshën 31 ndeshje për të kapur 20 golat. Në fundin e kësaj liste renditet ish-kapiteni, Mauro Icardi, i cili i shënoi pas ndeshjes së tij të 39. /abcnews.al

 

rom1.jpg
Klejdi Kaimi10:36 | 08/02/2020

Roma regjistroi mbrëmjen e djeshme humbjen e dytë radhazi në Seria A, ku u mposht 2-3 në shtëpi nga Bologna. Një rezultat aspak pozitiv për ekipin romak, pasi vendi i katërt që të dërgon në Champions mund të largohet me 3 pikë në rast të fitores së Atalantës këtë javë.

Tifozët në “Olimpico” nuk ishin aspak të kënaqur me lojën e skuadrës së tyre të zemrës si dhe me rezultatin final. Gati gjatë gjithë sfidës, por sidomos në pjesën e dytë ultrasit romak e vërshëllyen ekipin e tyre. Në qendër të kritikave ishte mbrojtësi Kolarov, i cili sa herë që prekte topin vërshëllehej.

“Bologna e meritoi fitoren. Nuk e kemi filluar mirë vitin 2020, por duhet ta kalojmë këtë situatë. Duhet të jemi të qetë dhe të vazhdojmë punën, nuk kemi pse ta kthejmë në dramë. Duhet të tregojmë që jemi profesionistë, burra të vërtetë. Është e vërtetë që kemi presion mbi supe, por kjo nuk na pengon,” deklaron mbrojtësi serb pas sfidës, ku ai kaloi një natë për tu harruar. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono