Sergei Lavrov

do.jpg
in a21:34 | 13/01/2020

Bisedimet mes udhëheqësve të dy palëve ndërluftuese të Libisë përfunduan një takim në Moskë, me Ministrin e Jashtëm rus që vuri në dukje njëfarë përparimi, një ditë pasi hyri në fuqi një armëpushim i brishtë i ndërmjetësuar nga Rusia dhe Turqia.

Këto dy vende po shfaqen si arbitra kryesorë në vendin e shkatërruar nga lufta. Presidenti Rexhep Taip Erdogan ka thënë gjatë një konference për shtyp këtë të hënë se Turqia kërkon një armëpushim të përhershëm.

“Shpresoj që ky armëpushim të nënshkruhet sa më shpejt që të jetë e mundur”, tha Erdogan gjatë një konference për shtyp me kryeministrin Italian Antonio Konte.

Ndërsa ky i fundit tha se Italia punon për një Libi të bashkuar, autonome dhe sovrane, por kjo do të marrë kohë për të arritur në zgjedhje demokratike.

Faza e fundit e trazirave të dhunshme afatgjata që pasuan rrëzimin e diktatorit të atëhershëm Moammar Gadhafi në vitin 2011 kanë hyrë në një ngërç për muaj me radhë.

Fraksionet ndërluftuese nuk arritën të nënshkruajnë armëpushimin të hënën siç ishte planifikuar, dhe marrëveshja u shty për diskutime të mëtejshme të martën. Por Ministri i Jashtëm rus, Sergei Lavrov u tha gazetarëve në kryeqytetin rus se ai ishte i sigurt se ata do të nënshkruanin dokumentin.

Sipas grupeve të monitorimit, më shumë se 280 civilë dhe rreth 2,000 luftëtarë janë vrarë ndërsa 146,000 libianë janë shpërngulur që kur Haftar nisi një sulm vitin e kaluar për të marrë nën kontroll Tripolin. Dikur një nga togerët më të besuar të kolonel Gadafit, Haftar, që nga viti 2014, po zhvillon një fushatë kundër qeverisë së al-Sarraj, e cila njihet nga Shtetet e Bashkuara dhe shumica e shteteve perëndimore si qeveria legjitime e Libisë./abcnews.al

rusi-1.jpg
in a21:12 | 22/12/2019

Një ditë pas reagimit gjerman ndaj sanksioneve të paralajmëruara nga SHBA për shkak të gazsjellësit Verior 2, Rusia konfirmon se ai projekt do zbatohet. Ka qenë Ministri i Jashtëm rus, Sergei Lavrov, që citohet nga agjensia Interfaks të jetë shprehur se projektet e Gazsjellësit Verior 2 dhe Gazjellësit Turk do të fillojnë, pavarësisht nga sanksionet amerikane.

Të shtunën presidenti amerikan Donald Trump nënshkroi një paketë sanksionesh ndaj firmave që do të ndërtojnë Gazjellësin Verior 2, që ka si synim  dyfishimin e kapacitetin e gazit në Gazsjellësin Verior përmes Detit Baltik drejt Gjermanisë.

Ndërkohë një komision i Senatit amerikan ka miratuar sanksione të tjera ndaj Rusisë për ndërhyrje në proceset demokratike në disa vende, veprimet në Siri, si dhe agresionin ndaj Ukrainës, por ato ende nuk kanë kaluar për votim në Kongres.

Në qëndrimin e tij të së dielës për televizionin publik, Ministri i Jashtëm Sergej Lavrov tha se Rusia do merrte masa ndaj sanksioneve, ndërsa paralajmëroi se Moska është e gatshme të bëjë një demonstrim të raketës Sarmat për Shtetet e Bashkuara, nëse i zgjatet afati traktatit të ri START për reduktimin e armëve me Shtetet e Bashkuara.

Më herët qeveria gjermane, përmes zëdhënëses Ulrike Demmer kishte deklaruar se Gjermania i refuzon sanksionet amerikane që i quan jashtë territorial, ndaj kompanive ose personave të huaj të përfshirë në ndërtimin e gazsjellësit “Nord Stream 2”, që transporton gaz rus nën detin Balltik drejt Gjermanisë. “Ato prekin kompanitë gjermane dhe europiane si dhe ndërhyjnë në punët tona të brendshme”, tha zëdhënësja./abcnews.al

policia-3.jpg
ad min17:15 | 31/05/2019

Kosova e ka shpallur person non grata rusin e arrestuar ditë më parë gjatë aksionit të policisë në veri. Ndërsa Gjykata Themelore pritet të marrë vendim për vazhdimin ose jo të paraburgimit ndaj 19 zyrtarëve policore që dyshohen për kontrabande.

Kosova e ka shpallur person non grata zyrtarin rus të UNMIK-ut të cilin policia e arrestoi dhe më pas e liroi të martën gjatë një aksioni kundër kontrabandës në veri. Zyrtari rus i UNMIK-ut sipas kryeministrit ka shkelur rendin kushtetues të Kosovës kur ka tentuar të ndalojë zyrtarët policor të Kosovës të heqin barrikadat.

Kryeministri Ramush Haradinaj nëpërmjet rrjetit social Facebook ka bërë të ditur se të njëjtit i urdhërohet që ta lëshojë territorin e Kosovës ndërsa i ka bërë thirrje Përfaqësuesit të Posaçëm të Sekretarit të OKB-së të respektojë vendimin.

OKB-ja deri më tash nuk ka reaguar por në një deklaratë të mëhershme sekretari i Kombeve të Bashkuara, Antonio Guterres, pati njoftuar se non grata nuk zbatohet për personelin e Kombeve të Bashkuara.

Ndërkohë Ministri i Jashtëm i Rusisë Sergei Lavrov ka reaguar duke thënë se përpjekjet e Prishtinës që ta privojnë zyrtarin rus nga statusi janë çështje serioze ndaj të cilës duhet të reagojnë përfaqësuesit e OKB-së.

Derisa Shtetet e Bashkuara të Amerikës thonë se janë në dijeni se policia arrestoi dhe liroi një zyrtar rus të UNMIK-ut por sipas tyre policia e Kosovës po heton incidentin. Në reagimin e zyrtarit të SHBA-së në OSBE potencohet fakti se aksioni i policisë të martën kundër kontrabandës nuk ishte për pjesën veriore por për gjithë Kosovën.

“Policia ka arrestuar të dyshuarit që u përkasin grupeve të ndryshme etnike. Operacioni u realizua në disa vende në Kosovë, jo vetëm në veri”,thuhet në reagim.

Zyrtari rus i UNMIK-ut aktualisht ndodhet në Beograd siç është thënë për shërim./ABC News Albania 24/7

lavrov.jpg
ad min13:14 | 08/12/2018

Shtetet e Bashkuara të Amerikës po ushtrojnë presion për finalizimin e marrëveshjes së Prespës në Maqedoni, në mënyrë që Shkupi të anëtarësohet sa më shpejt në NATO. Deklarata është bërë nga ministri i Jashtëm rus Sergei Lavrov për mediat greke.

Moska vijon të shprehë hapur kundërshtimin e saj për marrëveshjen e Prespës të arritur mes Shkupit dhe Athinës për çështjen e emrit. Pas takimit të kryeministrit grek Aleksis Tsipras dhe presidentit rus Putin në Kremlin, ministri i Jashtëm rus, Sergei Lavrov, u shpreh se Shtetet e Bashkuara të Amerikës po ushtrojnë presion për finalizimin e procesit të marrëveshjes në fjalë. Sipas Lavrov, kjo po bëhet që Maqedonia të marrë sa më parë anëtarësimin në NATO.

Pas dështimit të referendumit, ndryshimet kushtetuese të domosdoshme për hyrjen në fuqi të marrëveshjes në Maqedoni, u vendosën në parlamentin e vendit. Lavrov theksoi se në 19 Tetor, deputetët maqedonas u shantazhuan dhe u korruptuan, përmes ndërhyrjeve të drejtpërdrejta nga diplomatët e huaj, përfshirë ambasadorin amerikan në Shkup. Ministri i Jashtëm rus këmbënguli se po bëhen përpjekje intensive për të finalizuar procesin deri në fillim të vitit 2019. Ky nxitim i shërben vetëm qëllimit të Uashingtonit, për të pranuar urgjentisht Shkupin në NATO, pohoi Sergei Lavrov, Ministër i Jashtëm i Rusisë.

Deklaratat Lavrov i bëri në një intervistë për të përditshmen greke, “Iefimerida”. Ndërkohë reagime të ashpra janë shkaktuar pas deklaratës së kryeministrit të Maqedonisë Zaev, se gjuha maqedonase duhet të mësohet edhe në Greqi. Pretendimet e papërgjegjshme dhe provokuese të Zaevit, sipas ministrit grek të Mbrojtjes, Panos Kamenos, dëshmojnë se Shkupi nuk është gati të bëhet pjesë e organizatave ndërkombëtare. Për të, Marrëveshja e Prespës është praktikisht e vdekur. Sipas mediave greke, deklarata e Zaev e ka vënë në pikëpyetje mbështetjen e partive tjera opozitare si Potami, ndaj nuk dihet nëse ato do ta votojnë marrëveshjen kur ajo të vendoset para deputetëve grekë. Analistët politikë vlerësojnë se ratifikimi i marrëveshjes në Kuvendin e Athinës, mund t’i përshpejtojë zgjedhjet, madje para muajit Maj./abcnews.al

lavrov.png
ad min18:07 | 09/11/2018

Ministri i Jashtëm rus Sergei Lavrov deklaroi se përpjekjet e Bashkimi Europian për të ndërmjetësuar një marrëveshje mes Prishtinës dhe Beogradit, kanë dështuar. Lavrov theksoi se janë Shtetet e Bashkuara të Amerikës që po përpiqen të krijojnë ushtrinë e Kosovës.

Përpjekjet e Bashkimit Europian për të ndërmjetësuar një marrëveshje përfundimtare mes Kosovës dhe Serbisë, kanë dështuar. Është kjo deklarata e ministrit të Jashtëm rus Sergei Lavrov, i cili theksoi se Shtetet e Bashkuara të Amerikës po bëjnë presion për krijimin e ushtrisë së Kosovës. Shefi i diplomacisë ruse u shpreh se është e qartë se përpjekjet kanë dështuar pasi Prishtina refuzon të implementojë të gjitha marrëveshjet që janë arritur deri tani. Ministri i Jashtëm rus i referohet vecanërisht marrëveshjes për krijimin e asocaconit të komunave serbe në veri të Kosovës.

Lavrov tha se përpjekjet e Prishtinës për krijimin e ushtrisë përbën shkeljen më të rëndë të rezolutës 1244 të këshillit të sigurisë së OKB-së. Ministri i Jashtëm rus deklaroi se Rusia ka mirëpritur vendimet e disa vendeve të cilat kohët e fundit kanë tërhequr njohjen e pavarësisë së Kosovës. Sipas tij Rusia do të vazhdojë të mbështesë vendimet që do të merren nga këshilli i sigurisë së OKB-së në të ardhmen, duke iu referuar sidomos respektimit të Rezolutës 1244, sipas së cilës Kosova është pjesë e Serbisë: Të gjitha hapat duhet të hidhen në përputhje me këtë rezolutë, përfundoi Lavrov./abcnews.al

vlcsnap-2018-09-21-17h55m40s419-1280x844.png
ad min22:59 | 21/09/2018

Ministri i Jashtëm rus, Sergei Lavrov ka ftuar Beogradin dhe Prishtinën që të zbatojnë marrëveshjet e arritura në dialogun e ndërmjetësuar nga Brukseli. “Ne e përshëndesim dialogun e drejtpërdrejtë mes Prishtinës dhe Beogradit, por më e rëndësishme është që ajo që arrihet përmes dialogut të realizohet vërtet”, ka thënë Lavrov gjatë një vizite në Bosnje e Hercegovinë.

Krahas dialogut, shefi i diplomacisë ruse ka theksuar se duhet të respektohen edhe parimet e rezolutës “12-44” të OKB-së, që e konsideron Kosovën ende nën qeverisjen ndërkombëtare. Më tej Lavrov ka theksuar se faktorët e jashtëm nuk duhet të krijojnë situatë konflikti në Ballkan dhe ka shtuar se askush nuk duhet të mendojë se vetëm disa kanë të drejtë të merren me situatën në rajon dhe të tjerët jo. Pas takimeve me autoritetet vendase, ministri i Jashtëm rus ka thënë se Moska mbështet integritetin territorial dhe sovranitetin e Bosnje Hercegovinës./abcnews.al

trump-kina.jpg
ad min22:23 | 09/04/2018

Një ditë pas sulmit me armë kimike në Duma, presidenti amerikan Donald Trump ka paralajmëruar marrjen e një vendimi të rëndësishëm për Sirinë në orët e ardhshme. Ndërkohë, Moska ka hedhur poshtë akuzat.

Presidenti amerikan, Donald Trump, ka deklaruar të hënën se në 24 ose 48 orët e ardhshme administrata e tij do të marrë një vendim të rëndësishëm në lidhje me Sirinë.

Teksa ka drejtuar një mbledhje të kabinetit të tij në Shtëpinë e Bardhë, Trump ka bërë me dije se pas “sulmit të urryer” ndaj civilëve të pafajshëm në Siri po konsultohet me krerët ushtarake dhe se nuk përjashton asnjë opsion.

Pak më herët, sekretari i Mbrojtjes, Jammes Mattis deklaroi se Shtetet e Bashkuara nuk e përjashtojnë ndërmarrjen e një aksioni ushtarak në Siri.

“Gjëja e parë që duhet të analizojmë është përse përdoren ende armët kimike, në një kohë kur Rusia doli garant se i kishte hequr ato”, deklaroi Mattis gjatë një takimi të zhvilluar në Pentagon me sheikun e Katarit.

Ai shtoi se Uashingtoni po konsultohet me aleatët dhe partnerët e tij në NATO për t’i dhënë një zgjidhje kësaj çështjeje. Ndërkohë, Rusia ka mohuar që në Duma të Sirisë të jetë përdorur një ditë më parë armë kimike.

Ministri i Jashtëm, Sergei Lavrov ka deklaruar se ekspertët ushtarakë rusë nuk kanë gjetur gjurmë klorini apo të substancave të tjera kimike në vendin e ngjarjes. Gjithashtu, Moska dhe Damasku zyrtar u janë përgjigjur akuzave duke ia atribuuar përgjegjësinë Izraelit, vend që kryen rregullisht aksione ushtarake në Siri./abcnews.al

lavrov-1280x720.jpg
ad min13:46 | 05/04/2018

Ministri i Jashtëm rus, Sergei Lavrov, kërkon nga Britania e Madhe të mos injorojë kërkesat e ligjshme të Rusisë për rastin Skripal. Deklarata është bërë në konferencën e Moskës për sigurinë ndërkombëtare.

Lavrov shtoi se Rusia kërkon të vërtetën dhe një hetim konkret e të përgjegjshëm, te mbështetur në konventën për ndalimin e armëve kimike. Ai theksoi se Londra nuk mund të injorojë kërkesën e Moskës.

Një ditë më parë, Britania e Madhe refuzoi propozimin rus për një hetim të përbashkët rreth helmimit të ish-spiunit rus Skripal dhe vajzës së tij Julia./abcnews.al

vlcsnap-error332-1280x720.jpg
ad min16:17 | 15/12/2017

Ministri i Jashtëm rus, Sergei Lavrov, gjatë një deklarate për mediat, akuzoi SHBA e në mënyrë të veçantë ambasadën amerikane në Moskë, se ndërhyjnë rregullisht në zgjedhjet ruse.

“Shtetet e Bashkuara të Amerikës ndërhyjnë rregullisht në zgjedhjet ruse dhe ambasada amerikane në Moskë në mënyrë të veçantë”.
Ka qenë kjo deklarata e ministrit të Jashtëm rus Sergei Lavrov për mediat në vend. Lavrov shtoi se presidenti Vladimir Putin në shumë raste ka dhënë shembuj konkretë për sa i përket kësaj çështjeje përfshirë dhe pjesëmarrjen e diplomatëve amerikanë në manifestimet e partive të opozitës. Rusia sipas tij nuk ka ndërmend që të veprojë në këtë mënyrë qoftë për arsye morale ashtu dhe për ato pragmatike. Ministri i Jashtëm rus deklaroi se Moska nuk beson se do të përfitojë diçka duke parë vende të mëdha që zhyten në humnerat e revolucioneve të brendshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono