serbi

mogherini-dhe-haradinaj.jpg
ent ela14:19 | 01/04/2019

Kryeministri i Kosovës Ramush Haradinaj u shpreh se përfaqësuesja e lartë e Bashkimit Europian Federika Mogerini, i ka shkaktuar vendit trauma politike, për shkak të mënyrës se si ka ndërmjetësuar dialogun me Serbinë.

Gjatë pjesëmarrjes në debatin e organizuar në Prishtinë nga “Instituti Epik” në 3 vjetorin e “Marrëveshjes së Stabilizim Asocimit”, ka pasur përplasje verbale mes kryeministrit Ramush Haradinaj dhe Shefes së Zyrës së BE-së në Kosovë, Natalia Apostolova.

Mediat kosovare raportojnë se kreu i ekzekutivit Haradinaj është shprehur qartë se përfaqësuesja e lartë e BE-së, Frederica Mogherini ka dëmtuar dialogun Kosovë-Serbi dhe ka shkaktuar traumë politike duke devijuar dialogun.

Kjo deklaratë erdhi pasi Apostolova tha se taksa 100 %  ndaj produkteve serbe, ka shkaktuar vështirësi në zbatimin e Marrëveshjes së Stabilizim Asocimit. Sipas saj taksa është shkelje e MSA-së dhe e bën Kosovën një vend më pak tërheqës për tregti.

Në fund të fjalës ajo i ka kërkuar Kryeministrit Haradinaj që të rishqyrtojë vendimin për taksën./abcnews.al

 

IDRO-HAHN-NE-SERBI-ABC-M4-T2.mpg_snapshot_00.01-1280x720.jpg
ent ela17:32 | 29/03/2019

Gjatë vizitës së tij në Serbi, komisioneri për zgjerim në Bashkimin Europian Johanes Hahn deklaroi se bllokimi i dialogut me Kosovën nuk duhet të pengojë procesin e integrimit të vendit në BE.

Komisari i BE-së, Johanes Hahn, ka arritur në Serbi një një vizitë për të inkurajuar Serbinë në rrugën e saj Drejt Bashkimit Evropian. Ka ftuar në dialog me opozitën, por edhe me Kosovën duke sugjeruar që kjo nuk është gjëja e vetme që duhet bërë. Komisari ka takuar fillimisht presidentin Vuçiç të cilit i ka sugjeruar të vazhdojë punë nme reforma.

Ai është shpallur ambasador i lojërave rinore sportive, një nismë rajonale.

“Shumë punë ka përë të bërë. Nuk ka arsye dhe do të ishte gabim që të ndalohet me gjithçka vetëm për shkak se ka një ngecje në dialog. Unë jam falëndërues që Serbia e kupton këtë”.

Hahn pas takimit me kryeministre, Ana Brnabic, Hahn tha se bashkëpunimi rajonal është gjëja më e rëndësishme për integrim në Bashkimin Evropian. Kiritikoi taksën e Kosovës ndaj mallrave serbe.

“Serbia deri më tani është vendi më i lidhur në rajon dhe bizneset e saj përfitojnë nga ky bashkëpunim. E kuptoj irritimin tuaj me imponimin e tarifave nga Prishtina dhe ne mundohemi që të hiqet pasi qartë pengon idenë e një tregu të përbashkët dhe pengon zhvillimin e tregtisë dhe bashkëpunimit ndërkufitarë. Por, ka edhe fusha të tjera që janë duke konbtribuar në bashkëpunimin rajonal”.

Hahn ka arritur në Serbi pas Bosnjës ku ka patur kërkesa të ngjashme. Në fund të vizitës dy ditore bashkë me presidentin serb hapën një kala antike të renovuar me ndihmën e BE-së. /abcnews.al

protesta-serbi.jpg
G. P.12:46 | 24/03/2019

E shtuna në Serbi ka qenë sërish një natë protestash kundër presidentit Aleksandër Vuçiç. Ndonëse më të qetë krahasuar me javën e kaluar, manifestuesit kanë akuzuar presidentin se nga njëra anë mban leksione për BE-në dhe nga ana tjetër rrënon shtetin.

Pak policë dhe qetë ka nisur protesta kundër presidentit serb, Aleksandër Vuçiç dhe qeverisjes së tij. Në fillim më fuqishëm dhe duket se ka ndryshuar koreografia e protestave ashtu siç edhe muzika.

Pas incidenteve të javës së shkuar dhe hyrjes në televizionin publik protestuesit kanë dalë sërish në shesh. Kësaj radhe, para tyre nuk kanë dalë politikanët, por një aktor që ka udhëhequr edhe dikur protestat në vitet ‘90 dhe ish-shefi i aviacionit serb në kohën e bombardimeve, që janë kundër presidentit.

Branislav Llekiç, aktor dhe aktivist: “E shikoni se 28 vjet luftë jemi duke bërë me të njëjtat fjalë dhe me të njëjtat kërkesa dhe dua që të rinjtë dhe Serbia e shpresës të thonë fjalën e tyre”.

Sreto Maillinoviç, gjeneral në pension: “Shikoni se kush e udhëheq shtetin, një grup pa ideale anëtarët e të cilit flasin për Bashkimin Evropian dhe njëkohësisht rrënojnë çdo shtyllë të këtij shteti”.

Ata u nisën edhe një herë në rrugët e kryeqytetit për tre orë dhe drejt institucioneve të rëndësishme në Beograd. Protestat thonë se nuk i ndalojnë, por dhuna nuk është autorësi e tyre.

Lule për viktimat e rëna në luftë nga aktivistët e rinj për shumicën e protestuesve. Më pas edhe qirinj për ta ndriçuar televizionin që thonë se i mban në errësirë informative. Vuçiç është i mbaruar, i kanë sugjeruar me brohoritje.

Një pjesë e të burgosurve janë liruar, por një pjesë janë në burg. Vuçiç ka afat dy javë dhe me 13 Prill kanë ftuar protestat e tërë Serbisë në kryeqytet për të kërkuar dorëheqjen e tërë krerëve të shtetit./abcnews.al

dilema-nato.jpg
G. P.21:56 | 22/03/2019

Kur mungojnë pak ditë nga 20-vjetori i bombardimeve, dilema për qëndrimin që duhet të mbajë ndaj NATO-s vazhdon të stërmundojë Serbinë. Për kryeministren Brnabiç, Serbia duhet të falë. Ndërsa për analistët, vendi duhet të pranojë përgjegjësinë dhe të anëtarësohet në Aleancë.

Serbia nuk ka qenë në faj për bombardimet e NATO-s. Disa ditë para 20 vjetorit të sulmeve mbi Jugosllavinë, në Serbi është rritur intenstiteti i temës së përkujtimit. Kryeministrja e Serbisë, Ana Brnabiç, duke folur në një forum të tillë ka thënë se të gjithë në Serbi kanë qenë cak të sulmit. Serbia këtë nuk duhet ta harroj.

Ana Brnabiç, kryeministre e Serbisë: “Serbia duhet të tentojë të falë dhe këto pesë vitet e fundit kemi arritur të tregojmë se Serbia i është kthyer se ardhmes. Kemi arritur të ndërtojmë urat e rrënuara fizike dhe ato me partnerët që dikur na kanë sulmuar”.

Analisti politiko-ushtarak, Aleksandër Radiç, thotë se ka qenë një moment i keq i historisë për Serbinë. Asnjë ushtar i NATO-së nuk ka humbur jetën në 78 ditë. Është afër Perëndimit, por kujtimet në NATO-n janë të hidhura.

Aleksandër Radiç, analist: “Fatkeqësisht 20 vjet më vonë më shumë flitet me fjalorin e Sllobodan Millosheviçit se para një dekade. Janë kthyer disa njerëz që kanë patur rol në konfliktin me NATO-n gjatë vitit 1999 dhe ata kërkojnë shpërblim. Kjo do ta thellojë edhe më shumë ndarjen në këtë kohë mes serbëve dhe Perëndimit”.

Serbia është më afër Perëndimit se dikur, thotë Radiç, ndërsa NATO megjithatë është partner i rëndësishëm për Serbinë dhe komunikimi është mjaft normal pavarësisht se shpesh përmendet fjala luftë në kontekstin e Kosovës. Radiç thotë se Serbia do të duhej të bëhet pjesë e aleancës.

Aleksandër Radiç: “Serbia është e rrethuar nga vendet e NATO-s dhe është absurde të mbajë këtë pozitë që ka. Serbia është vend partner i NATO-s, por publiku e dikton pasi nuk ka shumë opsione në këtë moment përveç partneritetit më të plotë të mundshëm”.

Serbia do ta shënoj me një manifestim ditën që e konsideron fillimin e agresionit, për dallim prej Kosovës që e shënon si fillimin e intervenimit ndërkombëtare për të drejtat e shqiptarëve dhe ndalimin e luftës./abcnews.al

karaxhici.jpg
G. P.22:32 | 20/03/2019

Aktivistët serbë për të drejtat e njeriut e konsiderojnë të merituar dhe lehtësim për familjarët e viktimave dënimin me burgim të përjetshëm të Radovan Karaxhiç. Por ata nënvizojnë se ky dënim duhet t’i shërbejë si leksion politikës serbe që vazhdon të ushqehet nga nacionalizmi.

Radovan Karaxhiç, dikur ka vendosur për jetët e mijëra njerëzve, tani do të jetë i burgosur i përjetshëm. Gjykata e Hagës ka shpallur fajtor ish-presidentin e serbëve të Bosnjës dhe autorin e masakrës së Srebrenicës në një verdikt të pakthyeshëm.

Këtu nuk është përmendur fajësia e shtetit serb, por ata që kanë luftuar për zbardhjen e krimeve në Beograd, e kanë ndjekur me vëmendje gjykimin. Gruaja që ka grumbulluar çdo faktet në grimca, Natasha Kandiç, thotë se është lehtësuese dhe dënimi i merituar.

Natasha Kandiç, Fondi për të Drejtën Humanitare: “Këto vendime do të duhet të ndikojnë tek politikanët e sotëm që ta kuptojnë se sjelljet si të Karaxhiç dhe Mlladiç nuk janë të kushtueshme vetëm për viktimat, por që të mos përsëritet një gjë e tillë dhe të harrohet nacionalizmi”.

Radovan Karaxhiç kishte kryer shtetërrethimin e Sarajevës dhe është konsideruar fajtor për Srebrenicën, ku u ekzekutuan mbi tetë mijë viktima myslimane. I kishte ikur drejtësisë për gati çerek shekulli pavarësisht se për lirinë e tij ishin ofruar miliona euro shpërblim. Në kërkim të tij pak gjurmë kishin ngelur.

Dr. Dragan Dabiç, ishte i respektuar tek besimtarët e mjekësisë alternative. Nën mjekrën e bardhë të mjekut të dashur, fshihej autori i terrorit, i cili u arrestua në një autobus.

Karaxhiç, përmes avokatit të tij serb, ka thënë se ky vendim nuk ka lidhje me drejtësi. Nga republika serbe e Bosnjes reagimet kanë qenë se nuk i besojnë këtij gjyqi. Por, kështu nuk mendojnë nënat e Srebrenicës, të cilat ndjehen të lumtura për një copë drejtësi mbi dhimbjet e tyre. Në Serbi, Kandiç, thotë se ka ngelur edhe shumë punë për tu bërë për mos mohimin e gjenocidit në Bosnje. Por, verdikti është i rëndësishëm si dëshmi për të ardhmen.

Natasha Kandiç, Fondi për të Drejtën Humanitare: “Kjo natyrisht do të jetë pjesë e historisë. Ky njeri është i ndarë nga realiteti pasi kur sheh veprat e tij mendohesh se si ka mundësi që ky njeri ka shëruar njerëz dhe ka qenë psikiatër. Një person i rëndë dhe që ka menduar se kjo kurrë nuk do ti ndodhë. Kjo është drejtësia e pritur”.

Karaxhiç, ishte dënuar me 40 vjet në shkallën e parë, kurse tani në bazë të rregullave të Gjykatës së Hagës do të ketë vetëm mundësi të zgjedh shtetin se ku do të vuaj dënimin e përjetshëm, por kjo nuk do të jetë vendlindja./abcnews.al

IDRO-TE-BURGOSURIT-_ABC-M4-T2.mpg_snapshot_00.32-1280x720.jpg
ent ela23:15 | 19/03/2019

Të arrestuarit për protestat anti-qeveritare në Serbi duket se janë në mëshirën e presidentit Aleksander Vuçiç. Ky i fundit ka akuzuar sërish opozitën se kërkon destabilizimin e Serbisë dhe se ka keqpërdorur protestuesit për qëllimet e saj.

Presidenti serb, Aleksandër Vuciç ka patur një ditë  të  qetë. Ka ndarë medalje dhe ka bërë takime. Protestat duan destabilizimin e Serbisë dhe sërish ka akuzuar opozitën për dhunë. Tani është  bërë  çështje nëse të arrestuarit do të rrinë në burg. Pesë prej tyre janë dënuar dhe ndodhen në burg. 30 apo 60 ditë dhe rreth 300 orë punë me dobi shoqërore. Por, shtypi ka shkruar se presidenti Vucic mund të ketë mëshirë për ta. Si president ndoshta mund tua falë burgun.

Aleksandër Vuçiç, president i Serbisë: “Nuk mund të ndikoj në ketë, por si njeri i thjeshtë mund të them që do të doja të liroheshin në shkallën e dytë, pasi besoj se nuk janë ata përgjegjës, por ata që dje u thanë ‘ejani fëmijë të luftoni me ne’ dhe i keqpërdorën që në pushtet të vijnë dy miliarderë dhe një fashist”.

Vuçiç i qeshur ka dalë edhe me anëtarin e Presidencës boshnjake nga radhët e serbëve, Millorad Dodik.

Opozita ka paralajmëruar protesta, por pa saktësime. Është përmendur edhe televizioni privat Pink si mundësi protestash pasi shihet si mbështetës i Vuçiç. Presidenti ka rrëfyer ditën e tij brenda presidencës.

Aleksandër Vuçiç, president i Serbisë: “Unë i kam pritur këtu dhe konferencën e kam bërë që t’u them ‘ejani futuni, pasi këtu nuk jemi më shumë se 20 veta, pasi e keni parë që nuk ka patur policë’. Ata ikën pas një ore pasi shkuan të hanin bukë dhe lanë fëmijët dhe nënat e tyre”.

Tetë nga 18 të arrestuarit janë të akuzuar për vepra penale dhe jo për shkelje të lehta. Opozita i ka dhënë  afat Vuçiç pas kalimit të ankesave se nëse nuk lirohen do të organizojnë protesta vazhdimisht. /abcnews.al

serbi-2-1280x690.jpg
ent ela14:11 | 19/03/2019

Një nga arsyet e shpërthimit të protestave në Serbi, është dhe akuza ndaj presidentit serb Vuçiç, i cili sipas protestuesve nuk po mban një qëndrim të qartë rreth të ardhmes së vendit. Kjo sepse kreu i shtetit synon anëtarësimin në BE pa u shkëputur nga ndikimi i Moskës.

Dimri është drejt fundit, por protestat në shesh, në Serbi, që e kanë shoqëruar që nga fundi i muajit Nëntor, nuk kanë ndërmend të ndalen. Me dhjetëra mijëra persona vazhdojnë të manifestojnë, jo vetëm në rrugët e kryeqytetit serb, kundër censurës, shkeljes së të drejtave, korrupsionit dhe nepotizimit. Objektivi kryesor i protestave është presidenti Aleksandër Vuçiç, fajtor, sipas manifestuesve se shtyp duke përdorur madje dhe dhunën, pakënaqësinë në popull, duke mbajtur një qëndrim jo të qartë për sa i përket të ardhmes së vendit. Edhe pse deklaron se mbështet anëtarësimin e Serbisë në Bashkimin Evropian ai nuk ka prerë asnjëherë lidhjen e fortë që lidh Beogradin dhe Moskën.

Protestuesit kundërshtojnë dhe dhunën e përdorur ndaj përfaqësuesve e të opozitës si në rastin e Borko Stefanoviç i cili u rrah brutalisht nga katër persona të maskuar në protestën e 23 nëntorit të një viti më parë. Por gjithashtu kërkohet dhe zbardhja e vrasjes së Oliver Ivanoviç, i ekzekutuar teksa shkonte në selinë e partisë së tij në veri të Mitrovicës. Nga manifestime kundër dhunës së përdorur ndaj opozitës, portestat nga Beogradi u shtrinë në qytete të tjera duke u profilizuar si anti-qeveritare, dhe duke mos kursyer as ministrin e brendshëm, Nebojša Stefanovic, apo kryeministren Ana Brnabić. Por cdo kritikë e zemërim përqendrohet ndaj Vuçiç i cili akuzohet si përgjegjësi kryesor i shkeljeve të të drejtave të opozitës; ai akuzohet dhe se nuk lufton korrupsionin dhe nepotizmin, se ka dobësuar shtetin e mbështetur partitokracinë.

Protestat arritën kulmin në 16 mars, kur një grup manifestuesish u mblodhën përreth ndërtesës së televizionit publik serb, duke hyrë dhe në studio e tij, me qëllimin për tiu drejtuar me një fjalim popullit serb. Një grup tjetër manifestuesish rrethuan presidencën për të ndaluar kreun e shtetit Vuçiç që të largohej.

Në drejtim të protestave janë emra të njohur të politikës si për shembull, lideri i partisë së ekstremit të djathtë nacionalist, Dveri, Boško Obradoviç, ish-kryebashkiaku i Beogradit, Dragan Djilash, dhe ish presidenti I asamblesë së përgjithshme të kombeve të bashkuara Vuk Jeremiç. Por Vuçiç vijon të refuzojë çdo lloj mundësie për të dialoguar me manifestuesit apo përfaqësuesit e tyre. Ai u shpreh se fashisti Obradović dhe miliarderët Jeremić e Djilash janë nervozë dhe kërkojnë të kthehen në pushtet për të grabitur sërish vendin.

Në shesh ku kanë zbritur sidomos student universiteti dhe përfaqësues të shtresës së mesme, është e vështirë të gjendet një unitet politik. Ajo që bën bashkë manifestuesit është sidomos kundërshtimi ndaj qeverisë aktuale dhe presidentit Vuçiç, lider i partisë progresiste serbe i cili drejton shtetin që nga viti 2012.

Në shesh protestojnë përfaqësues të krahut liberal, socialdemokratë, e djathta nacionaliste filoruse e cila kundërshton planet për afrimin ndaj Bashkimit Ruropian, popullorë dhe përfaqësues të shumë realiteteve të ndryshme

Mes kushteve të panegociueshme të vendosura Beogradit ndaj Brukselit, është normalizimi i marrëdhënieve me Kosovën. Nga njëra anë Vuçiç duhet të përpiqet të mbështesë dialogun me qeverinë e Prishtinës, nga ana tjetër duhet të ruajë mbështetjen e bashkëkombësve të tij që jetojnë në Kosovë. Në Veri të lumit Ibër që ndan Mitrovicën, qytet simbol i përplasjes etnike në vend, dhe në enklavat e vogla serbe të shpërndara nëpër Kosovë, vendi konsiderohet ende pronë e Beogradit, duke përdorur ende emrin Kosova e Metohi.

Pranimi I institucioneve të Prishtinës nga ana e presidentit të Serbisë Vuçiç dhe lëshimi gradual ndaj kërkesave të Bashkimit Evropian do të nënkuptonte humbjen e mbështetjes së popullit dhe përplasje me vullnetin e Moskës dhe krahut nacionalist të popullsisë serbe./abcnews.al

serbi-1-1280x686.jpg
ent ela12:00 | 17/03/2019

Protestat kundër presidentit Aleksandar Vuçiç në Serbi janë zhvendosur përpara televizioni publik të vendit, ku manifestuesit kanë arritur të hyjnë. Ata kanë kërkuar kohën e tyre të transmetimit,  por janë nxjerrë me forcë jashtë nga policia.

Kështu ka përfunduar protesta e opozitës në Serbi. Ata ishin futur pa paralajmërim në një nga hyrjet e Radio televizionit Publik, për të cilin thonë se nuk raporton për protesta kundër qeverisjes së presidentit Alleksandar Vuçiç. Policia ka zbrazur lehtë katet e tjera, përveç asaj ku ishin deputetët dhe liderët e opozitës. Në fund, të gjithë u nxorën me forcë dhe pati përplasje. Protesta kishte nisur si zakonisht, një herë në javë dhe qetë. I dhanë ultimatum presidentit Vuçiç disa ditë fillimisht, por duket se nuk kishin durim dhe pas qëndrimit para televizionit, një pjesë gjetën një hyrje. Ata dëshironin pesë minuta transmetim, por kjo nuk ndodhi.

Liderët e opozitës deklaruan se ky është fundi i Vuçiç dhe ftuan të gjithë qytetarët të mblidhen rreth televizionit.

Boshko Obradoviç, deputet i “Dveri”“Radio Televizioni i Serbisë ka moto të sajën fjalinë “E drejta juaj për të ditur të gjitha”. Ne si qytetarë kemi ardhur këtu vetëm për të marrë atë që na takon dhe për t’i thënë Vuçiç se ky është fundi i regjimit dhe gënjeshtrave të tij dhe se ne duam vetëm liri për të thënë ato që mendojmë”.

Policët megjithatë zbatuan urdhrat megjithëse rekuizimi ishte i madh. Protestuesit kënduan himnin dhe këngë për Kosovën. Njësitë special, xhandërmaria, njësitet e ndërhyrjes së shpejt rrethuan ndërtesën dhe protestuesit qëndruan për disa orë duke rezistuar. Ata paralajmëruan vazhdimin e protestave në kohën kur të dielën presidenti do të mbajë konferencë të jashtëzakonshme./abcnews.al

IDRO-SERBIA-PER-ZELANDEN.mpg_snapshot_00.30-1280x720.jpg
ent ela23:16 | 15/03/2019

Beogradi zyrtar ka reaguar ndaj lajmeve se atentatori në Zelandën e Re dëgjonte këngë serbe dhe motivohej nga historitë e Ballkanit. Në reagimin e tij, ministri i Jashtëm Ivica Daçiç ka deklaruar se Serbia e dënon ngjarjen, ndërsa  akuzoi liderët kosovarë për hipokrizi.

Kjo është kënga nacionaliste serbe që autori i masakrës në Zelandën e Re po e dëgjonte. Dy emra të gdhendur në armën e tij po ashtu ishin serb pasi duket se është motivuar nga historitë e Ballkanit, Kjo ka bërë që i tërë spektri politik nga Bosnja dhe Serbia të reagojnë. Përfaqësuesi i serbëve të Bosnjës në Predisencën e këtij shteti, Millorad Dodik ka mohuar të ketë lidhje me serbët duke e gjykuar këtë akt. Kurse ministri i jashtëm serb, Ivica Daçiç, ka thënë se askush nuk kërkon gjak për serbët dhe se e dënon një akt të tillë.

Ivica Daçiç, ministër i Jashtëm i Serbisë: “Muxhahedinët vrisnin serbët në Bosnjë dhe nuk kam parë reagime të bashkësisë ndërkombëtare. Është normale që në situata të tilla të paraqiten ekstremistë të ndryshëm dhe dua të them se Serbia nuk ka asnjë lidhje me këtë dhe nuk kërkojmë nga askush të marrë hak për viktimat serbe. E dënojmë këtë akt, kjo është dëmshme për Serbinë dhe brenda shtetit tonë do të arrestojmë të gjithë ata që kanë ide të tilla”.

Ai ka thënë se liderët shqiptarë kanë nxituar pasi terroristët nuk mund të reagojnë për terroristët.

Ivica Daçiç, ministër i Jashtëm i Serbisë: “Kur Thaçi dhe Haradinaj bëjnë njoftimë që prekin zemrën për raste të tilla, ata këtë e bëjnë pasi mendojnë t’i bëjnë dëm Serbisë, pasi po të ishin të prekur bënin reagime edhe për shqiptarët që janë numri më i madh i luftëtarëve në Siri”.

Vrasësi nga Zelanda e Re dukej se ishte frymëzuar kryesisht nga figurat me radikale të Ballkanit dhe atentatori norvegjez Brejvik që kishte arritur të vriste 77 persona. Lidhja me serbët ka ndikuar që shumica e mediave t’i kushtojnë edhe më shumë rëndësi. /abcnews.al

ivica-dacic-1280x717.jpg
ent ela20:48 | 14/03/2019

Prishtina zyrtare i është përgjigjur deklaratave të Beogradit se është gati të ndërhyjë ushtarakisht në veri të Kosovës, nëse rrezikohen serbët. Për zëvendësministrin kosovar të Mbrojtjes, Burim Ramadani, paralajmërimet janë një luftë dezinformimi e nisur nga Serbia.

Ministri i Jashtëm i Serbisë, Ivica Daçiç ka deklaruar se Beogradi i ka gati për veprim trupat ushtarake në rast se Kosova tenton të ndërhyjë në veri.

“Serbia do të ndërhyjë ushtarakisht në veri të Mitrovicës në rast të ndonjë përpjekje të Kosovës për të sulmuar serbët, apo për të zaptuar Trepçën”, ka deklaruar Daçiç.

Në të njëjtën linjë, ministri i Brendshëm Nebojsha Stefanoviç ka bërë me dije se edhe trupat policore serbe janë në gjendje gatishmërie. Teksa ka publikuar një raport të dikasterit të tij, Stefanoviç ka nënvizuar se përveç disa incidenteve sporadike të lidhura sipas tij me pakicat, situata e sigurisë në Kosovë është relativisht e qetë.

Ndaj deklaratave të ministrave serbë ka reaguar numri dy i Ministrisë kosovare të Mbrojtjes, Burim Ramadani, i cili i ka etiketuar si “luftë speciale” paralajmërimet e tyre. Në një prononcim për gazetën “Ekspres”, Ramadani nuk ka përjashtuar ndërhyrjen në veri, por ka nënvizuar se çdo aktivitet i trupave të Kosovës do të jetë i koordinuar me KFOR-in. “Kjo është një luftë speciale dhe dezinformuese e Serbisë dhe është shumë agresive. Pretendimet se Kosova do të sulmojë qytetarët e vetë janë një absurditet dhe një tufë broçkullash si ato të viteve ‘90”, ka deklaruar Ramadani. Ai ka shtuar se një fushatë e tillë e Beogradit është e kuptueshme përsa kohë në pushtet janë të njëjtët njerëz që kanë qenë edhe gjatë viteve ’90, ndonëse në poste të ndryshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono