serbi

zgjidhja.jpg
G. P.16:08 | 26/06/2019

Kosova paralajmëron vendosjen e taksës ndaj Shqipërisë dhe Maqedonisë së Veriut.  Ministri i Tregtisë në Kosovë Endrit Shala e arsyetoi këtë vendim me barrierat tregtare të Shqipërisë dhe Maqedonisë ndaj Kosovës.

Ministri i Tregtisë dhe Industrisë, Endrit Shala, ka paralajmëruar se Kosova do t’i vërë taksë Shqipërisë dhe Maqedonisë. Sipas tij, Kosova do të ketë qasje të njëjtë me të gjitha vendet e CEFTA-s. Shala ka thënë se prodhuesit kosovar kanë ankesa ndaj Shqipërisë dhe Maqedonisë për disa taksa të këtyre vendeve ndaj Kosovës.

“Në dy takime me qeverinë e Shqipërisë kemi kërkuar largimin e dy taksave ndaj Kosovës dhe të mos bëhet biznes me Kosovë. Edhe për Maqedoninë kemi shqetësim nga prodhuesit kosovarë sepse së fundi u është ndaluar eksporti i prodhimit të lëndës së parë të peshkut”, tha ai.

Këto komente Shala i bëri në konferencën e Institutit Riinvest ku u prezantuan të gjeturat e hulumtimit të këtij instituti në lidhje me efektet e taksës 100% të vënë nga qeveria e Kosovës ndaj produkteve serbe.

“Taksa ka ndikuar që të rriten çmimet në konsum të ushqimit gjë që përbën të rrezikohet dhe thellohet varfëria. FMN-ja e ka vërtetuar këtë”, tha Berat Thaçi nga Instituti Riinvest.

Ndërsa lidhur me shqetësimet për mungesë të produkteve në veri ministri Shala ka thënë se nuk ka krizë humanitare në atë pjesë por Serbia po e inskenon një gjë të tillë./ABC News Albania 24/7

ivica-dacic-1280x590.jpg
nev ila17:15 | 24/06/2019

 

Ministri i Punëve të Jashtme i Serbisë Ivica Daçic deklaroi se Shtetet e Bashkuara të Amerikës nuk mund të jetë pala e vetme që do të përfshihet në dialogun me Kosovën.

Ai theksoi se Serbia nuk do ta njohë pavarësinë e Kosovës dhe se nuk ka paralajmërime për ndonjë ndryshim të formatit e as përfshirja e vendeve të tjera në dialog. Mediat serbe shkruajnë se Dacic I ka bërë këto deklarata pas takimit me homologen noervegjeze.

Ai ka shtuar se për Serbinë është me rëndësi shumë të madhe që të arrihet një marrëveshje, por kjo marrëveshje nuk mund të përfshijë njohjen e pavarësisë së Kosovës në gjithë territorin e saj./ABC News Albania 24/7

MBULIM-THACI-MARREVESHJA.mpg_snapshot_00.23-1280x720.jpg
ent ela12:50 | 24/06/2019

Presidenti i Kosovës Hashim Thaçi ka kërkuar që brenda vitit të përmbyllet marrëveshja përfundimtare me Serbinë. Në këtë kundërt sipas tij rrezikohen marrëdhëniet mes vendeve në rajon.

Aspak premtuese për arritjen e një marrëveshjeje përfundimtare me Serbinë i konsideron zhvillimet e fundit presidenti i Kosovës Hashim Thaçi. Për Thaçin, edhe përkundër iniciativës për të zhbllokuar dialogun Kosovë-Serbi gjërat nuk po lëvizin fare.

Në konferencën “Zëri i Popullit rreth Finales së Madhe; ndërmjet Kosovës dhe Serbisë”, i organizuar nga RIDEA, Thaçi tha se përmbyllja e dialogut me Serbinë  që rezulton me njohje reciproke është interes nacional i Kosovës. Ka kërkuar nga spektri politik të jenë unik për këtë çështje.

“Nuk kam dyshim që në këtë vit mund të arrihet marrëveshje ligjërisht obligative, por nëse nuk ndodhë hymë në një fazë të rrezikshme të këtyre raporteve, të cilat mund të destabilizojë raportet jo vetëm tonat si dy shtete, por edhe rajonin”, tha Thaçi.

“Projekti i Serbisë për ndarje të Kosovës ka dështuar, ndonëse e ideja nuk ka vdekur”, tha Albin Kurti.

“Inkurajoj Kosovën dhe Serbinë që të arrijnë një dialog normalizimi. Për momentin veprimet uniterale për të Kosovën dhe Serbinë e bëjnë të vështirë progresin në  dialog”.

Sipas anketimit së Institutit Ridea 32 përqind e qytetarëve janë për korrigjimin e kufijve që do të rezultonte me njohjen dhe anëtarësimin e Kosovës në OKB./ABC News Albania 24/7

 

djuric.jpg
G. P.21:39 | 12/06/2019

Përvjetori i hyrjes së trupave të NATO-s, në Serbi është konsideruar një agresion ndaj popullit serb të Kosovës. Duke komentuar vizitat e ish-liderëve amerikanë, shtypi serb ka shkruar se ata u kthyen në vendin e krimit.

Kështu ka qenë në sheshin e Prishtinës. Dita e hyrjes së forcave të NATO-s dhe njëkohësisht tërheqjes së forcave serbe, në Serbi e kanë quajtur krim. Shumica e mediave i kanë dhënë rëndësi ditës së 12 Qershorit duke vlerësuar se ish-udhëheqësit amerikan u kthyen në vendin e krimit si gjithmonë.

Bombardimet e NATO-s konsiderohen agresioni më i madh ndaj Serbisë. Një konferencë krahason shtypin serb kur shkruan për lindjen dhe perëndimin. Kur flitet për BE-në, NATO-në dhe Perëndimin është negative. Rusia favorizohet në shtyp, por qytetarët rrallë shkojnë drejt Moskës.

Millivoje Mihajlloviç, gazetar: Shtypi mban qëndrime tërësisht negative kur bëhet fjalë për Perëndimin dhe tregon qëndrime pozitive vetëm ndaj Rusisë. Por nëse pyesni qytetarët janë shumë të paktë ata që duan të jetojnë, të kërkojnë punë apo të shkollohen në Rusi. Shumica e njerëzve këtu duan të shkojnë në shtetet perëndimore dhe kjo nuk paraqet realitetin.

Në qendrën e medias është mbajtur një debat ku është thënë se për serbët kjo ditë ka qenë fillimi i eksodit. Këtu shefi i zyrës për Kosovën, Marko Gjuriç ka ardhur për tu takuar me anëtarët e organizatës së familjeve të viktimave. Gjuriç u tha se për serbët kjo periudhë ka qenë tragjike.

Marko Djuriç, Zyra për Kosovën, qeveria e Serbisë: Të gjithë këtu së bashku çojmë mesazhin për të gjithë ata që kanë mjaftueshëm zemër dhe shpirt dhe duan të dëgjojnë. Populli serb në Kosovë është popull që ka rënë dhe është viktimë. Serbia si shtet është viktimë e agresionit, të cilës ende po i merret një pjesë e territorit.

Presidenti serb këtë vit e ka quajtur agresion intervenimin e NATO-s. Serbia kultivon thellë idenë kundër anëtarësimit në NATO dhe pro neutralitetit ushtarak pikërisht për shkak të fushatës 78 ditëshe.

Kohëve të fundit i është kushtuar rëndësi forcimit të ushtrisë. Serbia është në partneritet me NATO-në dhe forcat amerikane të Ohajos. Kjo ditë nuk është komentuar shumë përveç ngjarjeve të Kosovës. Presidenti serb, Aleksandër Vuçiç, këtë ditë e ka zgjedhur të hap një fabrikë. Në fjalimin e tij nuk e ka përmendur Kosovën./ABC News Albania 24/7

zeri-i-amerikes.jpg
G. P.18:05 | 11/06/2019

Eksperti për Ballkanin Daniel Server, në një intervistë për “Zërin e Amerikës” u shpreh se një ndarje e mundshme e Kosovës do të kishte pasoja jo vetëm për rajonin. Ai u shpreh pesimist mbi arritjen e një marrëveshjeje mes Prishtinës dhe Beogradit.

Profesori i Universitetit Johns Hopkins të Uashingtonit, ekspert për Ballkanin dhe një ndër ndërmjetësit për arritjen e Marrëveshjes së Dejtonit për Bosnjën, ka deklaruar se  nuk është shumë optimist se në samitin e Parisit, në fillim të korrikut, Kosova e Serbia mund t’ia dalin të arrijnë ndonjë marrëveshje përmasash të gjera.

Në një intervistë dhënë seksionit serb të “Zërit të Amerikës”, ai tha se presidenti i Serbisë Vuçiç ka dëshmuar se në këtë moment nuk po kërkon zgjidhje të sinqertë për kontestin me Kosovën, ndërkohë që rikujtoi se liderët e Kosovës nuk kanë besim tek shefi i diplomacisë Ivica Daçiç dhe kryeministrja Ana Brnabiç.

Liderët e Serbisë dhe Kosovës thotë analisti Daniel Server, nuk kanë manifestuar vullnet që në dialogun e të dyja palëve të shkojnë përpara sikurse kryeministrat Zoran Zaev e Aleksis Tsipras, të cilët i dhanë fund kontestit prej shumë dekadash mes Maqedonisë dhe Greqisë.

“Mendoj se nga Vuçiçi dhe Thaçi nuk mund të pritet diçka e tillë”, ka thënë Server për seksionin serb të “Zërit të Amerikës”, duke shtuar se është iluzion ideja aktuale për një zgjidhje “në paketë” të kontestit Serbi-Kosovë, ndaj  nevojitet më shumë kohë dhe durim.

Duke folur për problemin për çështje e tarifave të vendosura nga qeveria e Kosovës për mallrat serbe, analisti i njohur rikujton  problemet e shumta mes dy palëve dhe përmend fushatën e Serbisë për të bllokuar anëtarësimin e Kosovës në organizatat ndërkombëtare:

“Heqja e taksave në këmbim të stopimit të fushatës së autoriteteve serbe që po e zhvillojnë me qëllim të bllokimit të anëtarësimit të Kosovës në organizatat ndërkombëtare. Po ashtu, është tejet e rëndësishme që Bashkimi Evropian të përmbush premtimin për vendosjen e liberalizimit të vizave me Kosovën. Nuk mund të arsyetohet fakti se kjo ende nuk është bërë. E di se kjo është ofruar si këmbim për heqjen e tarifave, prandaj ndoshta në këtë aspekt mund të përgatitet një paketë e trefishtë”, thotë Daniel Server për “Zërin e Amerikës”.

I pyetur se çfarë mendon për idenë e ndarjes, shkëmbimin e territoreve ose ndryshimin e kufirit, eksperti për çështjet ballkanike gjithë këtë e quan “ide të vdekur dhe të keqe”, sepse, argumenton ai, kjo do të destabilizote rajonin e Ballkanit Perëndimor, por edhe Gjeorgjinë, Moldavinë dhe Ukrainën.

Server nuk është shumë optimist se në samitin e Parisit, në fillim të Korrikut, të dyja palët mund të afrojnë qëndrimet, për shkak se, përfundon ai, aktualisht nuk ka kushte për arritjen ndonjë marrëveshjeje përmasash të gjera./ABC News Albania 24/7

palmer-ne-serbi.jpg
G. P.17:53 | 10/06/2019

Zëvendës sekretari amerikan i Shtetit Matthew Palmer, gjatë qëndrimit të tij në Beograd theksoi mbështetjen e Shteteve të Bashkuara të Amerikës për vazhdimin e dialogut. Ndërsa presidenti i Serbisë Vuçiç ftoi homologun amerikan Trump të vizitojë vendin.

I dërguari amerikan, zëvendës ndihmës sekretari, Mathew Palmer, ka arritur për paqe në kryeqytetin serb. Njëzet vjet më parë Serbia vuri firmë mbi marrëveshjen e Kumanovës për të ndaluar bombardimet e NATO-së.

Palmer dy dekada më vonë i tha Serbisë të vazhdoj dialogun me Kosovën dhe Prishtinën porositi për ta hequr taksën. Me presidentin, Aleksandër Vuçiç, tha bisedimet nuk kanë alternativë.

“SHBA mbështesin dialogun e udhëhequr nga BE për normalizim të plotë në mes të Beogradit dhe Prishtinës. Ne mendojmë se kjo është rëndësishme. E shohim taksën si një pengesë dhe do të donim t’i shohim të hiqen apo të suspendohen që të mundësojnë uljen në bisedime, për të mbështetur dhe siguruar një të ardhme Evropianë për Serbinë dhe Kosovës, por edhe për tërë Ballkanin Perëndimor”, tha Palmer.

Dekadat kanë kaluar që nga lufta, por në paqe qëndrimet për marrëveshje nuk janë përafruar. Vuçiç u shpreh skeptik për dialogun pa hequr tarifën. Falenderoj Amerikën për partneritet pavarësisht se ndan mendime të ndryshme për bombardimet. Presidenti serb shprehi dyshime për takimin e Parisit, duke u përgjigjur me pyetje se kur nuk mund të importohen as biskotat si mund të flitet për paqe?

“Nuk e di nëse takimi në Paris do të ndodh pasi nuk e di se sa do të jenë të gjithë të gatshëm të dëgjojmë të njëjtën histori dhe pa u hequr taksat si të diskutojmë për dicka tjetër. Por, unë dua që të kemi një marrëveshje të kompromisit dhe kërkojmë të kuptohet edhe pozita jonë”, tha Vuçiç.

Palmer premtoi mbështetjen e SHBA për dialogun. Vuçiç ftoi Donald Trump të vizitojë Serbinë në vendin ku siç tha ka mbështetjen më të madhe./ABC News Albania 24/7

palmer1-1280x815.jpg
ent ela10:15 | 10/06/2019

Zëvendësndihmës-sekretari i Shtetit për Çështjet Evropiane dhe Euroaziatike, Metju Palmer, do të zhvillojë një vizitë zyrtare në Beograd.

Ai do të takohet me presidentin e Serbisë, Aleksandër Vuçiç, e sipas mediave serbe një ndër temat kyçe do të jetë përsëri çështja e Kosovës. Ky takim zhvillohet para samitit të Parisit, teksa një zyrtar i Këshillit të Sigurisë Kombëtare të ShBA-së ka deklaruar se Amerika është e gatshme të marrë pjesë në konferencën e ardhshme të Parisit, por që ende nuk është marrë ndonjë vendim.

Gjatë vizitës së fundit në Serbi, Palmer deklaroi se Kosova dhe Serbia duhet të shfrytëzojnë mundësinë historike për të arritur marrëveshjen e cila do të jetë fitimprurëse për të dyja palët, duke theksuar se është koha për kompromis dhe fleksibilitet. /ABC news Albania 24/7

slavic-brotherhood.jpg
G. P.17:15 | 07/06/2019

Rusia, Serbia dhe Bjellorusia do të kryejnë një stërvitje të përbashkët ushtarake në qytetin serb të Pancevës. Stërvitjet e pagëzuar me emrin “Vëllazëria Sllave” do të kryhen nga data 14 deri në 27 Qershor.

“Vëllazëria sllave” është emri me të cilën është pagëzuar stërvitja e përbashkët ushtarake mes Rusisë, Serbisë dhe Bjellorusisë në qytetin serb të Pancevës në datat 14 deri në 27 Qershor. Lajmi është konfirmuar për agjencinë ruse të lajmeve TASS nga ministri rus i Mbrojtjes. Ministria ruse e Mbrojtjes gjithashtu saktësoi se do të jenë forcat ajrore që do të përfaqësojnë Rusinë.

Në këtë stërvitje të përbashkët do të përfshihen 600 trupa ushtarake, nga të cilët 200 i përkasin forcave ajrore ruse, 300 forcave të armatosura të Serbisë, dhe më shumë se 60 ushtarë nga Bjellorusia; si dhe më shumë se 50 automjete të transportit ushtarak dhe avionë të tipit  “Il-76MD”. Stërvitjet kryesisht do të jenë kundër terrorizmit. Ceremonia e hapjes do të kryhet në Brigadën e Forcave Speciale të Serbisë në Pancevë në 14 Qershor./ABC News Albania 24/7

pendarovski-1.jpg
G. P.22:19 | 31/05/2019

Presidenti maqedonas Stavo Pendarovski është shprehur kundër opsionit të shkëmbimit të territoreve, i përfolur në negociatat mes Serbisë dhe Kosovës. Për kreun e shtetit të Maqedonisë së Veriut, një lëvizje e tillë do të ishte e papërgjegjshme dhe me pasoja për rajonin.

Presidenti i Maqedonisë së Veriut Stevo Pendarovski deklaroi se nuk pret që tensionet e fundit në Kosovë do të kenë ndikim në gjendjen e sigurisë në vend. Ai I ka quajtur të papërgjegjshme deklaratat për shkëmbime territoresh në rajon.

Pas përplasjeve të fundit, në distancë, mes krerëve të Serbisë dhe Kosovës, lidhur me arritjen e një marrëveshjeje të qëndrueshme dypalëshe për çështjen e kufirit, përfshirë këtu dhe mundësinë e korrigjimit të tij, shkëmbimin e territoreve, apo edhe bashkimin e Kosovës me Shqipërinë, presidenti i ri i Maqedonisë së Veriut, Stevo Pendarovski, tha se kjo e fundit është një ide anakronike që nuk mund të sjellë asgjë të mirë:

“Është e papërgjegjshme të bisedohet për një ide në esencë të tmerrshme për shkëmbim të njerëzve dhe qytetarëve në shekullin XXI. Për të fundit herë një punë e tillë, me mbështetjen e fuqive të mëdha, ka ndodhur para rreth një shekulli, në vitin 1923. Pyeteni edhe Greqinë, edhe Turqinë – edhe sot e kësaj dite bartin pasojat e këtij shkëmbimi të njerëzve dhe territoreve”, tha presidenti Pendarovski duke nënvizuar se nuk mund të paramendojë të ndodhë diçka më e tmerrshme nëse ngjet që dikush me të vërtetë të mendojë seriozisht të fillojë realizimin e një projekti të këtillë.

I këtij mendimi është edhe profesori Vlado Buçkovski, ish-kryeministër i Maqedonisë. Duke folur për televizionin tonë, në emisionin Klan Debat, zoti Buçkovski tha se marrëveshja më e mirë, pa pasoja për rajonin, do të ishte sikur Prishtina e Beogradi të merren vesh për njohjen e kufirit të tashëm. Ka kaluar koha e shteteve të mëdha, thotë ai.

“Ka kaluar koha e shteteve të mëdha. Tani është koha për Evropën e Madhe, kështu që lehtësimet e tipit ‘një ndalesë’, rrëfimet se do të ketë kufij të hapur ose vetëm një polici kufitare apo një doganë – kjo do të bëhet modë në rajon, sidomos tek shtetet sikurse jemi ne, Serbia, Shqipëria, Kosova, që ende nuk jemi pjesë e Bashkimit Evropian”, thotë për Televizion Klan ish-kryeministri maqedonas Vlado Buçkovski.

Sipas tij, do të ishte mirë që Kosova e Serbia të ndjekin përvojën e Maqedonisë me ‘Marrëveshjen e Ohrit’, për shkak se ajo u tregua si e qëndrueshme në raport me ‘Marrëveshjen e Dejtonit’, për Bosnjën, apo edhe me ‘Marrëveshjen e Kumanovës’ mes Kosovës e Serbisë që sot e kësaj dite janë të debatueshme./ABC News Albania 24/7

IDRO-FESTIVALI-SERBI.mpg_snapshot_00.56-1280x720.jpg
ent ela14:50 | 30/05/2019

Festivali kulturor në Serbi “Mirëdita – Dobardan” është zhvilluar mes tensionesh, pasi grupe radikale serbe kanë protestuar kundër pranisë së artistëve shqiptarë atje.

Qendra për Dekontaminimin Kulturorë në kryeqytetin serb ka mysafirë artistët nga Kosova. Dekontaminimi duket i vështirë pasi përveç artistëve aty si gjithmonë arrijnë ata që e kundërshtojnë dhe e quajnë ofendim. Grupet radikale protestojnë duke thënë se Kosova është Serbi dhe se kultura kosovare nuk ekziston. Gjithçka atje atyre u duket serbe. Kundër shqiptarëve thonë se nuk kanë asgjë, por kanë kundër terroristëve dhe ekstremistëve.

Përfaqësuesja e tyre politike sqaron se cfarë është kontestuese dhe tradhëti në këtë festival.

Millica Gjurgjevix, Lëvizja Politike “Zavetnici”: “Nuk  e lejojmë në Beograd propagandën e Shqipërisë së madhe. Shumica prej nesh në Serbi janë kundër dhe kjo na ofendon. Mund të kemi kulturën e Shqipërisë, por jo atë të Kosovës”.

Policia ka bllokuar lagjen Sllavia dhe nuk i lejon të afrohen, por protestuesit thonë se nuk largohen.

Pak metra tutje në oborrin e qendrës kulturore që prej tri dekadash promovon programe alternative, shqiptarë e serbë janë mbledhur për ta hapur festivalin e gjashtë. Në nderim të aktorit Bekim Fehmiu dhe kësaj radhe edhe të profesorit të arteve nga Beogradi, Petrit Imami, që ndërroi jetë këtë ditë.

Kushtrim Koliqi, është organizatori nga Kosova. Në efektet e festivalit beson, por thotë se marrëdhëniet tani janë vërtetë toksike.

Kushtrim Koliqi, Organizata Integra, Prishtinë: “Festivali do të ketë disa filma, debate dhe prezantime, një pjesë prej të cilave për temë kanë luftën. Pasojat e saj pavarësisht se kanë kaluar dy dekada ngelen në marrëdhëniet Kosovë-Serbi ashtu sic janë edhe pjesë e dy botëve të ndara të festivalit”.

/ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono