serbi

shitesja-policja-1280x735.jpg
nev ila19:12 | 20/01/2020

Një incident që ka ndodhur në tregun e Beogradit ka bërë xhiron e rrjetit. Një shitëse ka goditur një police dhe më pas është larguar nga vendi i ngjarjes.

Mediat në rajon kanë botuar edhe videon e këtij momenti, që tregon se policja nuk ka arritur të ngrihet për një kohë të gjatë pas goditjes që mori.

 

Reporteri.net raportoi se incidenti ndodhi pasi policja e komunës i kërkoi shitëses të largohej nga tregu.

Shitësja përgjigjet se ka fëmijë për të mbajtur dhe nuk mund të largohet.

Situata tensionohet dhe shitësja godet policen.

Shitësja është arrestuar më pas, por videoja ka bërë ndërkohë xhiron e rrjetit./abcnews.al

protesta-ivanovic-serbi.jpg
nev ila15:59 | 19/01/2020

Ky është nipi i Olliver Ivanoviç. Aleksandër bashkë me familjen janë nisur për tu bashkuar me një marsh, në ndërim të xhaxhait të tij të ndjerë.

Këtë marsh-protestë e drejtojnë ata që bëjnë protesta kundër pushtetit. Familja e Ivanoviç nuk komenton qëndrimet e individëve, as në Kosovë, e as në Serbi.

Në emër të tyre Alleksandar flet duke treguar se si ndjehet familja, një pjesë e ndarë në ngjarjet ku merr pjesë pushteti, një në ato qytetare.

“Është një periudhë e vështirë për ne, dy vjet dhe hetimet ende qëndrojnë në një vend. Kemi parë vetëm një betejë në mes të Prishtinës dhe Beogradit. Prishtina tenton të tregoj që vrasja është kryer nga serbët, Beogradi të tregoj që Oliver u vra nga shqiptarët. Kjo është vetëm hedhje e përgjegjësisë. Ajo që familjes nuk i intereson, është se çfarë feje apo ngjyre ka ky person, por të dalë para drejtësisë. Më e rëndësishme se kjo, është se kush ka dhënë urdhër, dhe për interesa të kujt është vrarë”, thotë Aleksandër Ivanoviç.

Në këtë marsh kanë marrë pjesë edhe djemtë e politikanit të ndjerë. Alleksandar thotë se Olliver nuk ka patur armiq në jetë, por është vrarë për shkak të qëndrimeve të tij. Zbardhja e rastit është e rëndësishme edhe për shqiptarët dhe për serbët.

“Oliver nuk ka qenë agresiv. Në paqe dhe mënyrë civilizuese, ka dhënë qëndrimet e tij, dhe për këtë është vrarë. Është me rëndësi që të gjendet kush e ka bërë, dhe ky mund të jetë një hap drejt paqes në Kosovë, pasi prej 20 vjetësh kjo nuk po ndodh”.

Një vrasje që megjithatë nuk mendohej se ishte me motive etnike. Ishte krijuar ideja që ky rast do të zgjidhej shumë më shpejt. Por, tani kanë kaluar dy vite dhe për motivet familja nuk ka dyshim.

 “Kjo është një vrasje absolutisht politike pasi ai është marrë vetëm me politikë. Olliver është vrarë për shkak të fjalëve të tij, qëndrimeve politike të cilat i ka mbrojtur. Ka qenë nën presion pasi ia kanë djegur zyrën, makinën, i janë futur në shtëpi. Por, besoj se me kohë kanë kuptuar që nuk mund të blihet, të frikësohet dhe që nuk e ulë kokën para kërcënimeve, dhe dhunës, dhe dikush ka vendosur ta bëjë të hesht me plumb”, thotë Ivanoviç.

Vëllai i Ivanviç dhe familjarët e tjerë ndjehen emotiv dhe thonë se e kanë të vështirë të flasin për vrasjen dhe për ngjarjet që e pasuan atë. Por, kanë dalë edhe një herë për të kërkuar drejtësi, pasi përgjigjet politike nuk kanë dhënë fakte për ndriçimin e vrasjes.

Qindra njerëz janë bashkuar në rrugën drejt tempullit të krishterë në kryeqytetin serb, dhe thonë se nuk do të ndalen duke kërkuar ata që qëlluan mbi Ivanovic, dhe ata që dhanë idenë për atentat./abcnews.al

pampu-1-1280x730.jpg
in a14:21 | 19/01/2020

Presidenti i nderit i Partisë Demokratike (DS), Dragoljub Micunovic, tha se një bojkot i zgjedhjeve të ardhshme në Serbi do të ishte i suksesshëm nëse 50 përqind e votuesve nuk dalin të votojnë, por shtoi se nuk mendon se kjo do të ndodhë.

“Bojkoti mbetet i pakuptimtë nga fillimi në fund. Është pasiv dhe ka një linjë të rrezikshme”, u shpreh Micunovic.

Presidenti i nderit i Partisë Demokratike (DS), Dragoljub Micunovic, i nënvizoi se një bojkot i zgjedhjeve të ardhshme në Serbi do të ishte i suksesshëm nëse 50 përqind e votuesve nuk dalin të votojnë, por shtoi se nuk mendon se kjo do të ndodhë.

Micunovic shtoi se krijohet tension në një shoqëri kur përpiqesh të kompromentosh pushtetin përmes mjeteve jashtëparlamentare përmes mosbindjes civile, konflikteve, demonstratave. Ai shtoi gjithashtu se kjo hap fushën për qeverinë për shtypje, nuk është e mirë dhe nuk e dimë se ku të çon. Micunovic tha në një intervistë për të përditshmen Blic në numrin e së dielës, se bojkoti ishte “plotësisht i pakuptimtë”.

Duke folur për masën e shpallur të Qeverisë së Serbisë për të ulur pragun zgjedhor nga pesë në tre përqind, Micunovic tha se kjo ishte e rrezikshme për presidentin serb Aleksandar Vucic, por edhe për kundërshtarët e tij politikë sepse votat e një numri të madh të partive më të vogla mund ti shkojnë partisë më të madhe. Ky ndryshim midis pesë dhe tre përqind të pragut zgjedhor mund të përfshijë disa qindra mijë vota./abcnews.al

vrasje-2.jpg
in a16:41 | 16/01/2020

Në Serbi është përkujtuar përvjetori i vrasjes së liderit të serbëve të Kosovës, Oliver Ivanovic. Ende nuk ka një autor për vrasjen e tij, por kryeministrja Brabic tha se Serbia nuk do ndalet deri sa të gjejë vrasësit e vërtetë.

Rreth orës 08:15, në këtë kohë në Mitrovicë ishte ekzekutuar lideri i serbëve të Kosovës, Olliver Ivanovic. Nderimet për të u bënë nga familja dhe zyrtarë të lartë shtetërorë. Serbia është duke bërë hetim të pavarur për vrasjen e tij, por nuk ka dhënë ndonjë rezultat.

Kryeministrja serbe, Ana Brnabic, tha se Serbia nuk do të ndalet derisa të gjej vrasësit e vërtetë. Ky mort ka ndarë shumë në Serbi, pasi vet Ivanovic kishte paralajmëruar rrezik dhe kishte qenë kritik ndaj grupeve kriminale dhe bënte politikë të pavarur. Serbia akuzon Kosovën për ngecjen e hetimeve.

“Vrasja e Oliver Ivanovic ngelet një plagë e hapur për popullin serb në Kosovë dhe Metohi dhe më gjërë. Një tragjedi edhe për familjen. Këtë duhet ta kenë në ndërgjegje ata, që këtë rast tentojnë ta keqpërdorin për arsye politike. E theksoj se Prishtina nuk ka kthyer përgjigje në 3 prej 4 kërkesave të organeve tona dhe atë që kanë kthyer ka qenë pas gjashtë muajsh”, deklaroi Marko Gjuric.

Kosova ka shpallur në kërkim personin që u shënjua si kryesori në vrasjen e Ivanovic, Millan Radojcic, i cili pasi Policia e Kosovës nuk e arrestoj dot, është parë në Serbi. Shteti serb e kishte future ish-zëvendës kryetarin e Listës Serbe dhe biznismenin në një test poligrafi. Në pafajsinë e tij besojnë.
Vrasja e Ivanovic ka shkaktuar akuza në mesin e serbëve pasi një pjesë dëshmuan tek organet e Kosovës për vrasjen e tij. Opozita do ta shënoj atentatin me protesta dy ditë më vonë. Zyrtarët serb thanë se kanë indicie për autorin, por nuk është koha.

“Shumë premtime janë bërë për zbardhjen e vrasjes, por dy hetime të ndara një në Kosovë e një në Serbi ende nuk kanë sjellë autorët para drejtësisë. Në një moment Serbia kishte përfshirë edhe Tiranën”, raporton për “ABC News” gazetari, Idro Seferi./abcnews.al

ndotjeee-alarm-1280x747.png
R D00:10 | 16/01/2020

Ky është Kuvendi i Serbisë. Mjegulla dhe ndotja kanë bërë që gjithçka të duket si e mbuluar nga tymi. Këtë vit është dhënë më shumë alarm dhe qytetet ballkanike si Begradi dhe Sarajeva janë futur në listat e vendeve më të ndotura. Autoritetet thonë se mungesa e reshjeve, frymës, por edhe ngrohjes me dru e thëngjill ka bërë që të ketë një ndotje më të madhe. Institutet e ndryshme dhe ministritë kanë dhënë vlerësimet e tyre që nuk përbën një rrezik.

Kryeministrja serbe, Ana Brnabic, ka ftuar një mbledhje të jashtëzakonshme të qeverisë. Ajo thotë se ndotja kryesisht vjen nga shtëpitë. Qeveria do të formoj një grup punues për tu marrë me këtë cështje.

Ekziston një ndotje më e madhe se zakonisht, por nuk ka rrezik për jetën dhe këtë e ka thënë edhe ministria e shëndetësisë. Gjithësesi, nuk jam e kënaqur me punën e ministrisë së mjedisit.

Por, ndotja ka shqetësuar qytetarët për shkak se ajo është e dukshme. Javë më parë u tha se mund të ishte rrezik, por pas disa ditësh kaloi dhe kësaj radhe gjithcka është kthyer. Në Bosnje është bërë edhe një protest e qytetarëve kundër ndotjes. Ndërsa probleme janë shkaktuar në qytete të ndryshme të rajonit, e sidomos në lëvizjen e qytetarëve./abcnews.al

8C5460D4-3D0E-47AA-A21E-3E9AE8014185_w1200_r1_s.jpg
So Nila17:18 | 15/01/2020

Përfaqësuesin e Lartë për Politikë të Jashtme dhe Siguri të BE-së, Josep Borrel këtë të mërkurë ka zhvilluar një bisedë telefonike me presidentin e Kosovës Hashim Thaçi dhe me atë të Serbisë Akleksander Vuçiç.

Informacionet bëjnë me dije se në këtë bisedë është folur për rëndësinë e vazhdimit të dialogut mes Kosovës dhe Serbisë.

Në këtë kontekst është kërkuar që të gjendet një zgjidhje për këtë temë, e cila ka mbetur e bllokuar pas vendosjes së taksës së qeverisë së Kosovës ndaj mallrave serbe.

Presidenti Thaçi përmes një postimi në Facebook ka bërë me dije se ka kërkuar nga Borrell që BE-ja të përmbush premtimin dhe obligimin e saj për liberalizimin e vizave për Kosovën.

“Në këtë bisedë theksova se Kosova është e përkushtuar t’i përfundojë reformat që ka nisur dhe që janë përcaktuese për anëtarësimin e Kosovës në BE, si dhe kërkova që të përmbushet obligimi i BE-së për heqjen e vizave për qytetarët tanë, sepse Kosova ka përmbushur të gjitha kriteret e nevojshme. Ne u pajtuam rreth nevojës që të vazhdojë dialogu i pakushtëzuar në mes të Kosovës dhe Serbisë, si dhe për domosdoshmërinë e arritjes së marrëveshjes përfundimtare, e cila nënkupton njohjen reciproke ndërmjet dy shteteve”, shkruan Thaçi në postimin e tij. /abcnews.al

Djokovic.jpg
Veronik Istrefaj16:12 | 13/01/2020

Tenisti më i mirë serb, Novak Djokovic, këndon me fjalët “Kosova është Serbi” fitoren e Kupës ATP ndaj Spanjës. I mbiquajturi Nole vazhdimisht ka pasur këtë qendrim, ndërsa thotë se është me origjinë nga Kosova. Ishte një moment vërtet I shkëlqyer.

Serbia sapo kishte fituar Kupën ATP, një lloj kupe bote për kombëtaret në tenis, dhe heroi i saj kryesor kishte qenë, siç pritej, Novak Djokovic.

Menjëherë pas këtij triumfi, tenisi më i mirë serb, dhe një nga tre më të mirët e historisë, postoi një video me skuadrën, ku festimi për titullin e lartë u bë duke kënduar me refrenin e njohur në vendin e tij, “Kosova është Serbi”.

Videoja natyrshëm që tërhoqi vëmendjen dhe bëri jehonë, edhe pse Djokovici nuk e ka për herë të parë që mbështet këtë koncept.

Dymbëdhjetë vjet më parë, ndërsa Kosova shpalli pavarësinë, tenisti i shquar I dërgoi një mesazh me video patriotëve të tij që kishin dalë në protesta në Beograd, kundër deklaratës nga Prishtina.

I mbiquajturi Nole deklaroi se historia e Serbisë u shkrua në Kosovë, ndaj Kosova duhej të ishte Serbi.

Në intervistat për mediet amerikane, Djokovic ka theksuar se është serb me origjinë nga Kosova, saktësisht nga Zveçani, por kjo nga babai, sepse nëna e tij është me origjinë kroate.

Ndoshta kjo ishte arsyeja që tenisti serb mbështeti hapur kombëtaren e Kroacisë në Kupën e Botës në Rusi, duke marrë edhe kritika në vendlindje.

Natyrisht, reagimi nga kroatët ishte pozitiv, dhe mesfushori Ivan Rakitic e cilësoi Nolen si sportist të madh e njeri të madh, duke i uruar që të fitonte Ëimbledon.

Për sa i përket origjinës së tij, ka pretendime nga Mali I Zi, se ai është me origjinë malazeze nga Jasenovo Polje, ndërsa familja u largua për shkak të luftërave me turqit.

Në nivel sportiv, duhet thënë se Djokovic është kthyer në nivelin e tij më të lartë, siç e tregoi në duelin ndaj Rafael Nadalit, në finalen e Kupës ATP, duke e mundur 2-0 me sete, e duke qenë favorit për Grand Slam Australian Open./abcnews.al

serbi.jpg
in a15:19 | 13/01/2020

Kisha Ortodokse Serbe është ftuar nga pushteti malazez që të negociojë për të gjetur një zgjidhje pas tensioneve të krijuara për shkak të ligjit për liritë fetare. Kisha serbe kërkon mbrojtje nga Gjykata Kushtetuese e Malit të Zi. Konflikti mes të dyja vendeve është thelluar dhe përvec incidenteve, është ngritur në nivel politik.

Kisha thotë se nuk janë respektuar rekomandimet e Komisionit të Venecias. Drejtësinë do ta kërkojë në Gjykatën Kushtetuese të Malit të Zi dhe rrugët e drejtësisë. Ligjin e konsideron të padrejtë.

“Këtu qëndron që vetëm një kohë të caktuar mund të shfrytëzohen objektet përderisa organi përkatës i administratës shtetërore të mos vendosë kujt do t’ia japë në shfrytëzim apo edhe do ti shesë, edhe kjo është e mundshme”,  u shpreh avokati i Kishës Ortodoske Serbe, Mirosllav Nikollic.

Tensionet kanë vazhduar edhe pas futjes në fuqi të ligjit. Në dhjetëra vende u bë lutje për ndihmë hyjnore. Por, si u bë që dy popuj që quhen vëllezër u futën në konflikt. Mali i Zi shpalli pavarësinë në vitin 2006. Ky është Mirash Dedeic, patriarku i dytë i kishës ortodokse malazeze, e pa pranuar. Shpesh ka thënë se nuk ka shtet pa kishë të pavarur. Serbët mendojnë se arsyet janë politike. Por, në Mal të Zi vepron dhe një kishë e dytë malazeze- sërish e panjohur. Ky grup thonë se kisha ka qenë e pavarur dhe si në këngë, nënë, e quajnë Malin e Zi.

Politikisht nuk kanë qenë në paqe që nga pavarësia. Kur Podgorica njohu Kosovën u dëbua ambasadori malazez.

Në këtë ceremoni, Ministri i Mbrotjes ndëroi liderin e opozitës malazeze, Andrija Mandic,  si ish ushtarak për mbrojtjen e shtetit, në vitin 1999, gjatë bombardimeve të NATO-së.

Jaksha Shcekic, është analist. Familjen i ka me origjinë nga Mali i Zi, vet është një beogradas. Problemi thotë është i thellë.

“Thelbi është që shumica në Serbi nuk e pranon kombin malazez dhe konsiderojnë që ata janë serb dhe shpresojnë që një ditë do të jetë një shtet. Mendoj se të dyja palet do të bëjnë kompromis për të gjetur një zgjidhje”, tha më tej analisti Jaksha Shcekic.

Konflikti mes të dyja vendeve shumë shpejt kaloi në nivelin politik. Dëbimi i mundshëm i Kishës Ortodokse Serbe vlerësohet si veprim që konfliktin mund ta bëjë edhe më të thellë./abcnews.al

Kolinda-Grabar-Kitarović.jpeg
ger ta07:29 | 04/01/2020

Presidentja e Kroacisë Kolinda Grabar-Kitarović ka bërë së fundmi një gafë në lidhje me Kosovën. Ajo ka shkruar një postim në rrjetet sociale, ku në hartën e bashkëngjitur shihet se Kosova është pjesë e Serbisë.

Në postimin e saj, ajo kishte shkruar: ‘Kroacia ime nuk ka frikë, Kroacia ime tani po lufton për interesat e saj!’

Presidentja nuk ka vonuar dhe e ka fshirë fotografinë, por një avokat i cili e ka bërë ‘screenshot’, ka reaguar në Tëitter duke thënë se presidentja e ka shpërndarë hartën e Europës, ku Kosova shihej si pjesë e Serbisë./abcnews.al

mali.jpg
in a14:13 | 29/12/2019

Një gjykatë malazeze liroi nga paraburgimi tre ligjvënës pro-serbë të opozitës, të cilët u burgosën pas trazirave në parlament për votimin e një ligji të kontestuar të pasurisë së kishës. Duke u përpjekur për të parandaluar miratimin e projekt-ligjit, të tre nxorrën atë që duket të jetë një bombolë gazi lotsjellës ose fishekzjarr dhe u përpoqën të shkatërrojnë mikrofonat në sallën e Parlamentit të premten. Ligji megjithatë u miratua. Kisha Ortodokse Serbe në Mal të Zi thotë se ligji i ri e lejon shtetin të marrë pronat e saj.

Qeveria e ka mohuar këtë. Ligji i ri kërkon që kisha të provojë të drejtën e saj mbi ato prona që nga viti 1918 kur kisha malazeze u bë pjesë e kishës serbe me formimin e mbretërisë serbo-kroato-sllovene dhe humbi pavarësinë e saj. Kundërshtarët e ligjit organizuan protesta të enjten dhe bllokuan rrugët, duke nxitur tensione në Mal të Zi.

Policia arrestoi 22 persona, përfshirë 17 ligjvënës, të dyshuar se morën pjesë në trazirat parlamentare.  Mali i Zi u nda nga Serbia në 2006 por popullsia e saj prej 620,000 njerëzish mbetet e ndarë nëse vendi duhet të ndjekë lidhje më të ngushta me fqinjin e saj. Rreth 30% e popullsisë së Malit të Zi identifikohen si serbë dhe kundërshtojnë ndarjen nga Serbia./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono