serbi

serbi-1-1280x720.jpg
in a16:06 | 22/11/2019

Partitë dhe lëvizjet opozitare në Serbi kërkojnë dorëheqjen e presidentit, Aleksandër Vuçiç dhe te kabinetit të tij. Kërkesa u bë pasi Universiteti i Beogradit konfirmoi se ministri i Financave kishte bërë plagjiaturë doktoratën e tij.

Pasi rektorja e  Universitetit në Beograd, Ivanka Popoviç, konfirmoi se Ministri i Financave Sinisa Mali kishte bërë plagjiaturë doktoraturën e tij dhe se hapat e ardhshëm do të çonin në anulimin e disertacionit të doktoraturës së tij, shumë parti dhe lëvizje opozitare kërkuan dorëheqjen e ministrit, si dhe të gjithë qeverisë. Partia e Re po kërkon publikisht që Mali të japë menjëherë dorëheqjen dhe që e gjithë qeveria serbe, si dhe presidenti serb, të bëjnë të njëjtën gjë. Presidenti i lëvizjes “Së bashku për Serbinë”, Nebojsa Zelenovic, i kërkoi kryetares së Parlamentit serb, Maja Gojkovic, të caktojë një seancë të jashtëzakonshme brenda 24 orëve, në mënyrë që Ministri i Financave ,Sinisa Mali të mund të shkarkohej. Presidenti i Aleancës për Serbinë, Janko Veselinovic, deklaroi se “e vetmja mundësi është që Mali dhe e gjithë qeveria të japin dorëheqjen.” Presidenti i Lëvizjes së Qytetarëve të Lirë, Sergej Trifunovic, vlerësoi se vendimi i Komitetit të Etikës së Universitetit të Beogradit ishte përgjigja institucionale “më e fortë dhe më e rëndësishme” ndaj “rënies morale që ka përfshirë të gjitha segmentet e shoqërisë”./abcnews.al

kosova-1.jpg
nev ila15:55 | 22/11/2019

Harta ku Kosova paraqitet si pjesë e Serbisë në librin e Qytetarisë për klasat e teta ka ngjallur irritimin e prindërve, ndërsa pedagogët kërkojnë me tepër filtra për tekstet shkollore. Pas denoncimit të ish-kryeministrit Sali Berisha në facebook ministrja e Arsimit Besa Shahini e quajti  këtë një gabim të paqëllimshëm.

Në qytetarinë e klasës së tetë, ndodhet harta që Kosovën e paraqet pjesë të Serbisë. Teksti shkollor ka  autorë; Izela Tahsini, Elona Dhembo e Veronika Duci, botuar nga shtëpia botuese “Albas” që në vitin 2017 dhe përzgjedhur prej shumë shkollave nëntë vjeçare në vend.

Harta është pjesë dekoruese e faqes ku flitet për Evropën. Por çfarë mësojnë nxënësit e klasës së tetë në mësimin “Ne dhe Europa”?

Nxënësit na tregojnë se për Kosovën nuk mësojnë vetëm në shkollë.

Përfshirja e një harte të tillë ku Kosova është pjesë e Serbisë në tekstet shkollore ka irrituar prindërit  të cilët na tregojnë se shpesh janë të detyruar tu japin shpjegime fëmijëve për gabime në librat e shkollës.

Për pedagogun e gjeografisë në Fakultetin e Historisë dhe Filologjisë në Universitetin e Tiranës, Dhimiter Doko, ky është një gabimi i pafalshëm i autoreve dhe i shtëpisë botuese.

Komisioni përzgjedhës i teksteve shkollore në Ministrinë e Arsimit sipas profesor Dokos nuk mjafton. Ai mendon se në proces duhet të përfshihen dhe universitetet.

Harta e Kosovës si pjesë e Serbisë në qytetarinë e klasës së tetë u denoncua në facebook nga ish kryeministri Sali Berisha.

Po në facebook reagoi për këtë çështje ministrja e Arsimit Besa Shahini.  Shahini e quan këtë një gabim të paqëllimshëm ndërkohë bën të ditur se ka nisur kontrolli i teksteve shkollore.

Ky nuk është një rast i veçuar.  Pak ditë më parë kryeministri Edi Rama tregonte hartën e investimeve për sigurimin e  furnizimit  24 orë me ujë të zonave rurale përmes një video ku territori i Kosovës ishte lënë brenda Serbisë.

Shefi i qeverisë  korrigjoi videon megjithëkëtë ajo ngjalli reagime të ashpra në Kosovë./abcnews.al

partite-opozitare-1280x709.jpg
nev ila12:47 | 22/11/2019

Partitë dhe lëvizjet opozitare në Serbi kërkojnë dorëheqjen e presiudentit Vuçiç dhe te kabinetit të tij. Kërkesa u bë pasi Universiteti i Beogradit konfirmoi se ministri i Financave kishte bërë plagjiaturë doktoratën e tij.

Pasi rektorja e  Universitetit në Beograd, Ivanka Popoviç, konfirmoi se Ministri i Financave Sinisa Mali kishte bërë plagjiaturë doktoraturën e tij dhe se hapat e ardhshëm do të çonin në anulimin e disertacionit të doktoraturës së tij, shumë parti dhe lëvizje opozitare kërkuan dorëheqjen e ministrit, si dhe të gjithë qeverisë.

Partia e Re po kërkon publikisht që Mali të japë menjëherë dorëheqjen dhe që e gjithë qeveria serbe, si dhe presidenti serb, të bëjnë të njëjtën gjë.

Presidenti i lëvizjes “Së bashku për Serbinë”, Nebojsa Zelenovic, i kërkoi kryetares së Parlamentit serb, Maja Gojkovic, të caktojë një seancë të jashtëzakonshme brenda 24 orëve, në mënyrë që Ministri i Financave Sinisa Mali të mund të shkarkohej.

Presidenti i Aleancës për Serbinë, Janko Veselinovic, deklaroi se “e vetmja mundësi është që Mali dhe e gjithë qeveria të japin dorëheqjen”.

Presidenti i Lëvizjes së Qytetarëve të Lirë, Sergej Trifunovic, vlerësoi se vendimi i Komitetit të Etikës së Universitetit të Beogradit ishte përgjigja institucionale “më e fortë dhe më e rëndësishme” ndaj “rënies morale që ka përfshirë të gjitha segmentet e shoqërisë”./abcnews.al

vucic1.jpg
nev ila16:15 | 21/11/2019

Opozita në Serbi tha se presidenti Aleksandar Vuçiç dhe ministri i brendshëm Nebojsa Stefanoviç bëjnë deklarata kontradiktore në lidhje me çështjen e shitjes së armëve, në të cilën, ndërmjetës ka qenë vetë babai i ministrit të brendshëm.

Nënkryetarja e Partisë së Lirisë dhe Drejtësisë në Serbi, Marinika Tepiç reagoi të enjten në lidhje me çështjen e shitjes së armëve nga Serbia në vende të tjera, ku dyshohet të jenë të përfshirë zyrtarë të lartë të shtetit.

Tepic tha se Aleksandar Vuçiç dhe ministri i brendshëm Nebojsa Stefanoviç bëjnë deklarata aq kontradiktore saqë rezulton se ata mohojnë njëri-tjetrin dhe pothuaj akuzojnë njëri-tjetrin për gënjeshtra. Tepiç i tha edicionit të ri të së përjavshmes Vreme se kompania e përfaqësuar nga Branko Stefanovic, babai i ministrit të brendshëm, nuk mund të funksionojë pa firmën e MPB, që drejtohet nga djali i tij, Nebojsha Stefanovic.

Eshtë një shembull shkollor i korrupsionit, tha ajo duke shtuar se Presidenti serb Aleksandar Vucic “tani po përballet me gjithnjë e më shumë prova” dhe se këto nuk janë më pretendime, por fakte konkrete.

Ai nuk mund të mbrojë më atë që nuk mund të mbrohet, tha ajo, duke theksuar se Vucic riktheu sërish Slobodan Tesicin, tregtarin më të madh të armëve në listën e zezë të Kombeve të Bashkuara, të cilin ai personalisht e bën pjesë të delegacionit shtetëror.

Aleksandar Obradović, një ekspert elektronike, u arrestua në shtator të këtij viti i akuzuar për nxjerrje sekretesh tregtare sepse iu dha gazetarëve dokumenta që tregonin se kompania GIM, e lidhur me babanë e ministrit të brendshëm Stefanović, kishte blerë armatime me cmime të favorshme nga kompania Krušik.

Obradovic kishte thënë se ministria e mbrojtjes dhe presidenti Vucic kishin qenë të informuar lidhur me biznesin e dyshimtë të kompanisë Krušik. Mediat kishin raportuar më parë se Branko Stefanović, babai i ministrit Nebojsha Stefanovic, që kishte dalë zyrtarisht në pension, kishte qenë ndërmjetësi midis kompanisë Krušik dhe tregtarëve të armëve nga Arabia Saudite.

Në media janë botuar dokumenta që lidhin babain e ministrit të brendshëm me blerjen e minave nga fabrika Krušik me cmime të leverdishme.

Por në vend që të bëheshin hetime për mungesën e transparencës në eksportet e armëve serbe dhe përfshirjen e mundshme të zyrtarëve të lartë të shtetit, organet e sigurisë arrestuan Obradovićin, i cili po nxirrrte informacione dhe dokumenta për median në lidhje me këto raste./abcnews.al

kosove-serbi-1280x740.jpg
nev ila14:55 | 18/11/2019

Instituti Kërkimor për Çështje Evropiane dhe të Zhvillimit (RIDEA) në Kosovë ka bërë një studim lidhur me dialogun Kosovë-Serbi, në të cilin theksohen dy çështje, reparacioni për krimet e luftës në Kosovë dhe pranimi i realitetit në Kosovë nga Serbia. Dialogu Kosovë Serbi është ndërprerë pas taksës së vënë nga qeveria e Kosovës ndaj produkteve serbe në nëntor të vitit të kaluar.

Janë shumë çështje që Kosova dhe Serbia duhet t’i definojnë në marrëveshjen finale Kosovë Serbi.

Në kuadër të kësaj marrëveshjeje sipas një studimi të Instituti Kërkimor për Çështje Evropiane dhe të Zhvillimit (RIDEA), mbi çështjen e reparacionit për krimet e luftës në Kosovë u tha se Kosova duhet të insistoj në kërkim falje nga Serbia.

Karshi Serbisë, Kosova duhet të kërkojë edhe  kompensim për dëmet materiale dhe njerëzore.

“Jeta njerëzore nuk ka çmim, por pandëshkueshmëria e krimit është e pafalshme”, tha Qerim Qerimi, ekspert në Institutin RIDEA.

Gjithashtu u kërkua që Serbia të marrë përgjegjësi për dëmet që i ka shkaktuar  “Trepcës”  gjatë kohës që menaxhonte me këtë kompani.

 “Është në interesim e të dy shteteve të bëjnë menaxhimin e përbashkët të minierave të Belo Bërdës dhe Cërnasit, pasi është në kufirin mes dy vendeve, sa më parë që Serbia e pranon realitetin e Kosovë aq më mirë por Serbia duhet të merr përgjegjësi për periudhën e Trepçës në vitet 90-ta”, tha Iraj Hashi- Ekspert në institutin RIDEA

Dialogu Kosovë Serbi është ndërprerë pas taksës së vënë nga qeveria e Kosovës ndaj produkteve serbe në nëntor të vitit të kaluar. Bashkësia Ndërkombëtare po insiston që dialogu të vazhdojë menjëherë pas krijimit të qeverisë së re./abcnews.al

aleksander-vucic.jpg
ger ta12:11 | 17/11/2019

Banka qendrore e Serbisë bleu nëntë tonë ar në tetor, duke rritur rezervat e saj prej metali të çmuar me këshillën e Presidentit Aleksandar Vuçiç.

Republika më e madhe e mëparshme jugosllave po ndjek Hungarinë dhe Poloninë, ku zyrtarët rritën rezervat e arit në vitin 2018 për të krijuar një rezervë kundër krizës. Guvernatorja e Bankës Qendrore Jorgovanka Tabakoviç, anëtare e Partisë Progresive të Vuçiç, tha se blerjet e 9-11 tetorit rritën rezervat e arit të bankës në 10% të rezervave totale dhe bënë mirë që ndoqën një sugjerim nga presidenti në muajin maj.

“Ne kemi përfunduar transaksionet e blerjes së arit dhe Serbia është më e sigurt sot me 30.4 ton ar në vlerë rreth 1.3 miliardë euro (1.4 miliardë dollarë),” u tha Tabakoviç gazetarëve në Beograd. “Tani për tani, ne nuk kemi në plan të blejmë më shumë.” Blerja është e fundit në një seri lëvizjesh të Serbisë për të përmirësuar stabilitetin e saj financiar duke ndryshuar strukturën e borxhit të saj të jashtëm dhe duke rritur shifrat e dinarëve dhe eurove, tha Tabakovic.

Banka qendrore pagoi 395 milion euro (434.3 milion dollarë) për arin, 1.503 dollarë për onz, tha guvernatori. Tabakoviç foli pasi banka azhurnoi parashikimin e rritjes ekonomike të vitit 2019 në 3.6% nga 3.5%, duke përmendur kërkesën më të lartë vendase që po  kundërpeshon me një ngadalësim në pjesën më të madhe të Bashkimit Evropian. Indeksi i çmimeve të konsumit ka rënë nën kufirin e tolerancës pesë herë në tre vitet e fundit, me periudhën e fundit të uljes së çmimeve që erdhi si rezultat i perimeve të freskëta më të lira, sipas shefit të hulumtimit ekonomik të bankës qendrore, Savo Jakovljevic./abcnews.al

 

servi-1280x782.jpg
in a19:16 | 16/11/2019

Në Serbi, por edhe në vende tjera të ish-Jugosllavisë janë të përhapura martesat me vajza nga Shqipëria. Ekzistojnë edhe agjenci ndërmjetësimi, të cilët varësisht shumave, ofrojnë udhëtime në vende të Shqipërisë për t’u njohur me bashkëshortet e tyre potenciale.

Martesat përmes marrëveshjeve midis shqiptareve dhe beqarëve nga gjithë Ballkani kanë egzistuar prej kohësh, ndërsa tani ekziston edhe një agjenci ndërmjetësimi përmes internetit. Grupi “Shqiptarët për martesë” në “Facebook”, ka bërë që shumë serbë, maqedonas, boshnjak dhe kroatë të gjejnë bashkëshortet e tyre.

Mediat serbe thonë se motivi i të rejave shqiptare për martesë, është ikja nga varfëria, kurse motivi më i shpeshtë tek meshkujt serb është se nuk mund të gjejnë bashkëshorte. Siç thuhet në njoftimin e mediave serbe, agjencia deri tani ka arritur të lidhë marrëveshje për 82 martesa, prej të cilëve 46 për shtetas serb, kurse të tjerët për meshkujt nga ish-republikat tjera jugosllave. Në shumicën e rasteve, klientët e kësaj Agjencie shkojnë në Shqipëri dhe i zgjedhin vetë vajzat me të cilat agjencia ka lidhur marrëveshje për gjetje të bashkëshortit.

Televizionet serbe po i kushtojnë shumë rëndësi këtij fakti madje edhe me reportazhe të krijuara për martesave të këtilla kryesisht në pjesën jugore të Serbisë. Zoran Jovanoviq një 45 vjeçar nga rrethina e Aleksandrovcit është martuar me shqiptaren Mia.

Ai tregon se i është dashur shumë kohë për të gjetur bashkëshorten.

“Një vit jam munduar… Tek ne kishte vajza por asnjëra nuk dëshironte të martohej në fshat dhe sikurse shumë shokë shkova në Shqipëri për të gjetur grua.

Ndërsa bashkëshortja Mia thotë se me Zoranin ia kalojnë shumë mirë.

“Ishte i bukur. Pajtohemi mirë. Kam dëgjuar se shumë vajza nga Shqipëria vijnë e martohen në Serbi dhe jetojnë mirë”.

Autoritetet e Komunës së Aleksandrovcit në jug të Serbisë thonë se ka shumë martesa të këtilla.

Mediat serbe gjithashtu njoftojnë se shumë vende rurale, kryesisht në jug të Serbisë kanë filluar të gjallërojnë falë martesave të këtilla./abcnews.al

Kane-Anglia.png
Igli Nikolli22:40 | 14/11/2019

Festë, rekorde dhe kualifikim në stadiumin “Wembley”. Anglia shkatërroi 7-0 Malin e Zi dhe konfirmon vendin e parë në grupin A. Harry Kane ishte njeriu i mbrëmjes me tre golat e shënuar brenda 18 minutave. Kapiteni i kombëtares përsëriti veten në stadiumin mitik dhe shënoi trigolëshin e dytë rresht pas atij kundër Bullgarisë (me datë 7 shtator).

Portugalia nuk toleroi aspak Lituaninë dhe fitoi 6-0. CR7 shënoi një trigolësh, teksa kampionëve në fuqi u mjafton fitorja në ndeshjen e fundit kundër Luksemburgut për t’u kualifikuar në Evropian dhe për të lënë jashtë Serbinë.

Këta të fundit fituan 3-2 në shtëpi përballë Luksemburgut, renditen në vend të tretë në grupin B (një më pak se Portugalia). Franca hasi probleme përballë Modavisë në shtëpi. Miqtë kaluan shumë shpejt në avantazh me anë të Rata. Varane dhe Giroud me anë të një penalltie i dhuruan tre pikë “Gjelave”, që kryesojnë grupin H me 22 pikë. /abcnews.al

Angli – Mali i Zi 7-0
(Oxlade-Chamberlain 11′, Kane 19′, 24′, 37′, Rashford 30′, Sofranac (aut) 66′, Abraham 84′)

Francë – Moldavi 2-1
(Varane 35′, Giroud (pen) 79′ / Rata 9′)

Portugali – Lituani 6-0
(Ronaldo 7, 22′, 65′, Pizzi 52′, Paciencia 56′, Silva 63′)

Serbi – Luksemburg 3-2
(Mitrovic 11′, 43′, Radonjic 70′ / Rodrigues 54′, Turpel 75′)

ca.jpg
in a17:06 | 06/11/2019

Me anë të një njoftimi në rrjetin social “Facebook”  Ministri në Detyrë për Evropën dhe Punët e Jashtme, Gent Cakaj ka njoftuar vendimin e Këshillit të Ministrave të Republikës së Shqipërisë mbi mbështetjen shtesë financiare për Këshillin Kombëtar në Serbi.

Cakaj e sheh këtë vendim shumë pozitiv ku sipas tij do t’i shërbejë nxënësve shqiptarë që do të ndjekin procesin mësimor në institucionet e sistemit parauniversitar në këto tre komuna: Preshevë, Bujanovc dhe Medvegjë

Postimi i plotë:

“Edhe një informacion tepër i vyer e shumë domethënës për Shqipërinë dhe shqiptarët
Këshilli i Ministrave të Republikës së Shqipërisë sot ka vendosur dhënien e një mbështetjeje shtesë financiare për Keshillin Kombëtar në Serbi me qëllim blerjen e teksteve shkollore.
Ky vendim i shërben nxënësve shqiptarë që ndjekin procesin mësimor në institucionet e sistemit parauniversitar në tre komuna: Preshevë, Bujanovc dhe Medvegjë.
Ky vendim është në funksion të rritjes së edukimit në përgjithësi dhe ruajtjes së identitetit kombëtar në veçanti. Shqipëria mbetet e përkushtuar për rritjen e kujdesit për të gjithë shqiptarët në rajon dhe diasporë në përgjithësi✌…”, shkruan Cakaj.

 

protetsa-vucic.jpg
ent ela23:15 | 05/11/2019

Radiotelevizioni i Serbisë është përballur me një numër të madh protestuesish mbrëmjen e së martës, në kohën kur atje pritej të mbërrinte presidenti Aleksandër Vuçiç për të marrë pjesë në një emision. Përfaqësues të opozitës i kanë zënë pritë, por pa mundur të përballen drejtpërdrejt me kreun e shtetit serb, i cili ka gjetur një mënyrë alternative për të hyrë në godinë.

Opozita serbe ka rrethuar çdo hyrje të Radio Televizionit të Serbisë. Intervista e paralajmëruar e presidentit, Alleksandar Vucic, ka zgjuar reagime të ashpra. Tri studentë kishin pyetje për të që besonin se nuk do t’ia shtrojë gazetarja. Një publikim në internet u mbështet dhe aty dolën qindra njerëz.
Mbështetja e parë erdhi nga grupi nacionalist “Dveri”, lideri i së cilës udhëhoqi protestat.

Boshko Obradovic, “Dveri”: Vuçiç është një frikacak politik që ka frikë prej tri studenteve dhe shmang kundërshtarin e tij politik prej vitesh për përballje.

Në pjesën e hyrjes kryesore ishin mbledhur dy grupe, njëra që shante opozitën e tjetra presidentin. Kjo përballje zgjati rreth një orë.
Tensionet u ngritën pasi dhe zyrtarët shtetërorë deklaruan gjatë ditës se po përgatitej sulm kundër presidentit. Ora po afrohej 21 kur niste emisioni “Upitnik” ose pikëpyetja. Të gjitha hyrjet të bllokuara me qytetarë. Enigma nga do të futej presidenti ngeli e tillë. Pak më vonë emisioi kishte filluar dhe Vucic theksoi se kishte arritur aty në këmbë.
Protestuesit e quajtën frikacak dhe thanë se nuk është e qartë se ku është intervista dhe si është futur në godinë. Por, një porosi  ia cuan se një gjë është e sigurt.

Boshko Obradovic, “Dveri”: Vuçiç duhet ta dijë se nuk ia kemi frikën dhe fundi i tij politik do të vijë pavarësisht se ai fshihet nëpër vrimat e miut për t’u futur në televizion.

Protestat kundër Vuçiç kanë filluar një vit më parë. Por, nuk kanë patur shumë efekt.

Protestuesit thanë se dëshironin dhe i treguan Vuçiç që nuk ia kanë frikën. Presidenti i quajti ata fashist.

Gazetari: Idro Seferi

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono