serbet

9be002da-5e32-48af-8a4d-8e97d53bae90.jpg
ger ta18:50 | 16/02/2020

Sikur politika të ishte aq e vëmendshme ndaj qytetarëve të vet, ndaj atyre që shkon u kërkon dhe u merr votën sa herë që ka zgjedhje, sigurisht që jeta e njerëzve do të ishte më e mirë. Kur jeta e qytetarëve që përbëjnë komunitetin shumicë është e vështirë, jeta e atyre që përbëjnë komunitetet pakicë, bëhet edhe më e vështirë. Dhe ky rregull vlen në gjithë rajonin, ku shtetet janë ndërtuar mbi bazën e komuniteteve shumicë. Ndalesa e parë e udhëtimit tonë në vatrat e atyre që bëjnë pjesë në familjet me më shumë halle e probleme, është në Gracanicë, një fshat/komunë në periferi të Prishtinës, në pjesën lindore të Kosovës.

Komuna e Graçanicës është një prej tri komunave me shumicë serbe dhe kufizohet me komunat e Prishtinës dhe Lipjanit. Mijëra banorë jetojnë këtu, një pjesë të ikur nga Prishtina dhe Lipjani. Është diçka mes fshatit dhe qytezës, me manastirin e famshëm të Gracanicës, i ndërtuar nga mbreti serb Stefan Milutini në 1321 në themelet e një bazilike të shekullit të gjashtë. Manastiri u deklarua monument culture I rëndësisë së vecantë në vitin 1990 dhe në korrik të vitit 2006, u vu nën mbrojtjen e UNESKO-s. Por vetëm pak më tej, nga Manastiri hijerëndë, aq i rëndësishëm për trashëgiminë kulturore, gjendet një bllok me kontejnerë, i vendosur në një fushë anë rrugës, që përbën një simbol të mjerimit dhe neglizhencës. Fëmijë, gra, burra, pleq, jetojnë prej vitesh këtu, ku mëngjesi dhe mbrëmja duken njësoj, ditë dhe netë pa shpresë, të harruar në vetminë dhe vuajtjen e tyre. Këtu, familje serbe, rome, malazeze, jetojnë në kontejnerë prej vitesh, në kushte të mjerueshme.

Ku keni jetuar më parë?

Gruaja: Unë nuk jam kryesorja, shkoni pyetni këta që janë përgjegjës unë jam refugjate.

Nga?

Nuk ka rëndësi, që nga 17 marsi i vitit 2004, nën presion kam ardhur këtu. Faleminderit shumë që keni ardhur për të na vizituar, shkoni tek  institucionet përgjegjëse që do të ju flasin.

Ku keni jetuar më parë?

Nuk ka rëndësi?

Ka rëndësi.

Nga Lipjani jam, kam jetuar edhe në Prishtinë.

Mashkulli: Unë jam nga Staro Gradsko (komuna e Lipajnit) jetoj me gruan shtatzënë në muajin e 8  dhe djemtë Mihajlo dhe Ilija, jetoj në këta kontejner këtu. Është shumë vështirë të jetohet, dhe jetojmë në 10 metra katrorë, tani jemi në pritje edhe të fëmijës tjetër, në mars do jemi 5. Verës bën shumë vapë dhe në dimër bën shumë ftohtë. Kushtet janë katastrofale, kjo komuna jonë serbe asgjë nuk na ndihmon pothuajse. Vijnë dhe premtojnë se do na i rregullojnë kontejnerat, ti pastrojnë. Është një Sergjan Popoviç nga komuna e Kosovës, na solli dhurata për Krishtlindje edhe një derrkuc dhe ca paketa me dhurata. Ishte i sinqertë dhe na tha se mund të na sigurojë banim në shtëpi private por vetëm për tre muaj, dhe nëse nuk gjenden para për muajin e katërt, ne do jemi në rrugë. Po përpiqet të na gjejë një zgjidhje afatgjatë për të gjithë ne këtu. Jemi diku rreth 30 veta dhe këtu ka një padrejtësi që na bëhet nga Serbia, nga Komisariati. Ata 10 marrin edhe ushqimin dhe ne 20 nuk marrim ushqime, dhe 6 kalamaj shikojnë, ja kjo është gruaja ime shtatzënë, dhe ajo duhet të lahet këtu dhe sa herë bën ftohtë, ajo sëmuret, të gjithë ne sëmuremi. Sa herë që bën ftohtë ne të gjithë sëmuremi dhe kemi viruse, edhe gruaja dhe fëmijët kishin virus.

Ku keni jetuar më parë?

Në fshatin Staro Gratsko komuna e Lipjanit. Dhe po ju them se këtu jetohet shumë vështirë, premtojnë por shpresojmë se do na dalin në ndihmë. Vijnë njerëz të ndryshëm dhe ofrojnë, ja shikoni se si jetohet, ja sa vështirë jetojnë fëmijët.

Plaka: Unë jetoj këtu që nga marsi i 2004, jam përndjekur, asnjëherë nuk kam shkuar në Serbi dhe të kthehem, këtu jetoj vetëm.

Mashkulli: Ja t’iu tregoj se si jetohet. Kjo është banjo ku ne lahemi, por ka njerëz që nuk kanë fare banjo.

Gruaja shtatzanë:

Në cilin muaj je?

Në të 8-in, muajin tjetër duhet të lind, është e vështirë, një fëmijë na ka lindur këtu, tani edhe tjetrin, dhe kemi edhe një. Lusim zotin që fëmijët tanë të mos jetojnë këtu. Ja kjo është banjë me lavatricen dhe kabinen e dushit dhe kur na prishet mezi gjejmë para për ta rregulluar, kur na ndihmon komuna. Sa i përket komunës serbe, asgjë nuk na dihmon, vetëm thonë nuk kemi para, nuk kemi para. Komuna e Kosovës të paktën na ndihmon me gjëra, kështu që është e vështirë. Ne jemi këtu 30 veta, 19 familje, fëmijë, gjyshër, gjyshe, ka nga të gjithë.

Burri: Cila është jotja?

Ja kjo është imja, vetë e kam bërë që mos të më hyjnë shiu dhe dëbora brenda, shiu dhe bora hynin deri tek gjysma e kontejnerit brënda, këtu kam bërë një kopsht, kishte lloj lloj gjërash, minj të mëdhenj, infeksione. Gjatë verës këtu ka edhe gjarpërinj, kaos i vërtetë.

Çfarë bën Serbia për ju?

.. Serbia premton çdo gjë por…. 90% ndoshta edhe nuk e dinë se si jetojmë ne këtu,  pra 90% në Serbi nuk dinë sesi jetojmë ne këtu. Ne jemi fundi i fundit, kjo lagja e kontejnerëve. As Vucic nuk e di se kjo ekziston. Po ta dinte, kjo do të zgjidhej brenda 24 orësh sepse kjo nuk është për njerëz. Ky është një donacion i Rusisë, Serbisë dhe Malit të Zi, këta kontejnerë janë të vjetër, 25 vjet të vjetër.

Burri:

Mund të hyj?

Vijnë cdo ditë?

Cdo ditë e sjellin këtu përveç të shtunave kur sjellin ushqim të konservuar. Unë duhet të blej bukë për çdo ditë, dhe mua më duhen 60 bukë në muaj, nëse nuk blej bukë nuk kam cfarë të ha. Dhe ata ushqehen, kjo është e padrejtë, ajo është serbe, edhe unë jam serb, çfarë lidhje ka, edhe ai është rom por edhe ai duhet të marrë ushqimin. Unë kam dy fëmijë, njëri 1 vjeç, tjetri 4, asnjëri nuk e merr këtë ushqim, edhe gruan e kam shtatzënë. I i kemi shkruar komisariatit por nuk na e kanë miratuar kërkesën.

Këto familje marrin ndihma nga kryqi I kuq I Serbisë, që përfshin edhe ushqimin e ngrohtë të përditshëm. Kushtet sanitare janë të paimagjinueshme dhe ndërkohë këtu, vazhdojnë të lindin dhe rriten fëmijë. Banorët e këtyre kontejnerëve janë të ndryshëm, ka pleq dhe plaka të vetmuara, me fëmijët që kanë ikur dhe jetojnë në Serbi, ka familje ku gruaja ka fëmjë dhe është shtatzanë, në pritje të një fëmije tjetër, ka burra që sillen vërdallë në hapësirën e ngushtë mes kontejnerëve pa ditur se cfarë të bëjnë. Një pjesë e tyre kanë ikur nga fshatrat e Lipjanit dhe vazhdojnë të qëndrojnë këtu edhe pse të afërmit e tyre, vëllezërit, kanë ikur tashmë dhe jetojnë në Serbi.

Hyjmë në kufirin verior të Morinës dhe duhet të ecim deri në gjysmën e rrugës për tu kthyer për në Shkodër. Në dalje të Shkodrës, është Vraka, një fshat që dikur njihej për një numër familjesh malazeze që jetonin aty prej disa qindra vjetësh. Një tabelë e vogël dhe një kthese rruge që të con në fshat ku duken vetëm shtëpi në të dy anët e rrugës, por shumë pak njerëz.

Shumica e tyre janë shpërngulur për në Malin e Zi dhe tani në Vrakë, me zor mund të gjesh tre ose katër prej tyre. Familja e Velika Sekulic është një prej tyre. Jeton në një shtëpi që e kishte ndërtuar me bashkëshortin e ndjerë që në vitet e diktaturës, kur punonte në kooperativë. Jeta e saj dhe e familjes së saj ka marrë tatëpjetën në kohën e tranzicionit. I kanë vrarë djalin dhe vazhdon të jetë në gjyq për tokën. Dy nipat kanë ikur në Malin e Zi dhe jetojnë atje, ka mbetur me një djalë këtu, me nusen e tij dhe fëmijët. Djali është I vetmi që punon dhe sjell aq të ardhura sa mund të sjellë duke punuar me një karrocë me kalë.

I flasin të dyja gjuhët dhe gjuhët shqipe dhe malazeze përzihen gjithë kohën në bisedë. Gjuhën malazeze e quajnë Nashki. Nusja e djalit është gjithashtu malazeze. Jeta e saj është gjithashtu pjesë e vuajtjes. Pa punë, me të ardhura minimale dhe me fëmijë për të rritur.

Largohemi nga Vraka, duke lënë pas Velika Selakovicin, e cila capitet ngadalë drejt portës. Duket sikur është plotësuar rrethi i vuajtjes nga Gracanica në Vrakë. Shqiptarë, malazezë, serbë, me gjithë dashurinë për vendet e tyre amë, pavarësisht nga gjuhët që flasin, pavarësisht nga etniteti apo feja që i përkasin, i bashkon vuajtja e një jete me shumë halle dhe shpresa, se ndoshta, një ditë do të bëhet mirë.

/abcnews.al

mal-i-zi-serbet.jpg
ger ta22:27 | 26/12/2019

E tensionuar paraqitet këtë mbrëmje situata në Mal të Zi. Shkak i trazirave janë bërë debatet në Kuvend për projektligjin për Lirinë e Fesë.

Komiteti Legjislativ të martën vlerësoi se projektligji ishte në përputhje me Kushtetutën dhe sistemin ligjor të Malit të Zi.

Klerikët serbë dhe një pjesë e opozitës serbe e konsideruan ligjin e propozuar antikushtetues dhe diskriminues dhe kërkuan të tërhiqet nga procedura e asamblesë.

Ndërkohë, autostrada Berane-Bijelo Polje është bllokuar. Po ashtu është bllokuar edhe një rrethrrotullim në Budva, dhe një grup qytetarësh nga Herceg Novi bllokuan edhe rrugën në Zelenica.

Gjithashtu siç raportojnë mediat vendase serbët kanë bllokuar edhe hyrjen e aeroportit të Podgoricës./abcnews.al

linda-e-dhunuara.jpeg
nev ila09:36 | 26/12/2019

Gazetarja e “Abc News” Linda Karadaku, ka siguruar dëshminë tronditëse të një gruaje të dhunuar seksualisht, nga forcat serbe gjatë pushtimit të Kosovës në vitin 1999.

Dëshmia është pjesë e emisionit “Ballkan”, në të cilën gruaja dëshmon se janë përdhunuar për pesë ditë me radhë, pasi janë kapur robër nga forcat serbe në Kosovë.

Më tronditës është fakti se, gruaja tregon se janë dhunuar seksualisht nga serbët, në sy të burrave dhe fëmijëve, që ishin të pranishëm aty, ndërkohë që thekson se disa prej kriminelëve që i dhunuan, ishin persona që jetonin në të njëjtin fshat me ta.

“Jemi dhunuar për pesë ditë.  Aty kishte gra, fëmijë pleq dhe na dhunonine edhe në sy të fëmijëve. Ata që ishin nga zona jonë mbanin maska në fytyrë“, tregon gruaja në intervistën për emisionin “Ballkan”.

Intervista e plotë:

Viktima e dhunimit:Ka qenë 27 mars 1999, kur na mori policia serbe. Na kanë mbajtur si rob për 5 ditë. Aty ka qenë një numër i madh grash, burrash pleq e fëmijë. Aty serbët nuk kanë kursyer asgjë. Kanë kryer cdo lloj dhune mbi ne. Na kanë dhunuar në sy të fëmijëve, në sy të prindërve. Nuk kursyen asnjë, as vajzat e reja, as gratë dhe as të moshuarat. Na dhunuan e na plackitën, na morën gjithçka.

Linda Karadaku: A ju kanë dhunuar seksualisht?

Viktima e dhunimit: Po…

Linda Karadaku: Policët serbë?

Viktima e dhunimit:Po policët serbë dhe ata që kanë qenë më të njohur kanë patur maska në fytyrë. Ne i kemi njohur se kanë qenë të rrethit tonë aty, të rritur në Kosovë, ata kanë qenë me maska.

Linda Karadaku: Kjo ka ndodhur vazhdimisht gjatë gjithë atyre 5 ditëve?

Viktima e dhunimit:Po, ka ndodhur vazhdimisht.

Linda Karadaku:Ka ndodhur edhe në sy të fëmijëve?

Viktima e dhunimit:Po ka ndodhur edhe në sy të fëmijëve, në sy të prindërve por edhe në sy të burrave të grave.

Linda Karadaku:Pastaj ju kanë liruar?

Viktima e dhunimit:Pastaj na kanë liruar, por sepse tha dikush që të liroheshim. Ne në fakt na kishin marrë për të na ekzekutuar të gjithëve. I ndanë burrat prej grave. Aty u zhdukën 60 burra dhe nuk dihet asgjë për fatin e tyre, ndërsa ne na dëbuan në Shqipëri. Në fakt ishim duke menduar se po na conin në varreza masive sepse nuk i kemi njohur ato rrugë, por kur kemi parë flamurin shqiptar, aty kemi kuptuar se po shkonim në Shqipëri.

Linda Karadaku: Pastaj kaluat kufirin?

Viktima e dhunimit:Po pastaj kaluam kufirin ndërsa gjatë gjithë rrugës u keqtrajtuam.

Linda Karadaku: A ke folur me dikë nga familja për këtë që ju ka ndodhur?

Viktima e dhunimit: PO , kam folur me burrin.

Linda Karadaku: Të ka mbështetur?

Viktima e dhunimit: Po më mbështeti.

Linda Karadaku: Burri nuk ka qenë me ty kur ju morën serbët?

Viktima e dhunimit: JO nuk ishte me mua. Ai ishte ushtar, e dinte se cfarë kishte ndodhur aty pasi kishte 3 vëllezërit dhe babain e tij aty.

Linda Karadaku: Besoj se ju shihni lajme, e shihni cfarë thotë Vucic edhe në Beograd? Po e mohojnë që kanë ndodhur krime lufte në Kosovë. Po  mohojnë Recakun dhe të tjerat.

Viktima e dhunimit: Vucic e ka të lehtë ta thotë i ulur në karrige. Ato gjëra nuk i mohon dot askush. Masakrat i kanë parë të gjithë, OSBE, e të tjerë, si duan ti mohojnë?

Linda Karadaku: Nëse ju që e keni vuajtur vetë dhunën seksuale gjatë luftës, nëse do e kishit Vucicin përballë cfarë do ti thonit?

Viktima e dhunimit: Nëse do e kisha përballë… nuk e di …për të folur dicka jo por mbase do i prisja kokën me brisk..Edhe pse ska qenë personalisht ai vetë por duke e parë që bën gjithë këto manipulime, duke i mohuar të drejtat tona….Ne kemi qenë në vendin tonë, nuk kemi shkuar në Serbi, të shkelim të drejtat e tyre. Ajo që është bërë në Kosovë në asnjë luftë nuk bëhet.

Linda Karadaku: Si ka vazhduar jeta juaj pas kësaj?

Viktima e dhunimit: Shumë keq, pas dhunës seksuale mbeta shtatzënë dhe abortova, e abortova në mënyrë private jo te mjekët. Rrezikova jetën me këtë por falë zotit burri më ka mbështetur. Pastaj gjeta një organizatë dhe prej 2002 falë tyre, jam krejt tjetër njeri. Megjithë rrethanat, thashetheme të njerëzve, të rrethit të afërt.. sdi cfarë të them, shumë e vështirë ka qenë. Po tani jam shumë mirë megjithëse më ka mbetur një lloj traume, sa herë përmendet, sa herë shohim lajmet, që nuk po bëhet asgjë, që kriminelët akoma janë të lirë…ndihemi keq.

Linda Karadaku: Ju i keni njohur një pjesë të atyre që ju dhunuan?

Viktima e dhunimit: Po, po i kemi njohur. Shumë njerëz i kanë njohur. Burrat kanë dhënë edhe dëshmi në Hagë, s’kanë marrë parasysh asgjë. Aty kanë qenë edhe burra të zhdukur…

Linda Karadaku: Nuk janë gjetur?

Viktima e dhunimit: JO, asnjë nuk është gjetur. Aty flitet edhe për një vajzë që është zhdukur. Ka patur edhe vende të tjera, është gjetur varri masiv afër shkollës aty me vajza. Asgjë nuk është bërë. Kemi bërë denoncime në eulex dhe prapë se prapë Eulex dëshmitë tona i ka cuar në Serbi. Ne kemi pritur që Eulex të na mbështesë ndërsa ata mbështesin Serbët. Këta kanë ardhur tek ne, me rrogat majme dhe përkrahin Serbinë.

Krimet e luftës dhe dhunimet në veçanti, bëhen që ta mposhtin njeriun, megjithatë ju e keni vazhduar jetën, e keni gjetur forcën që ta vazhdosh jetën. Keni një familje shumë të bukur që të do dhe të respekton, pavarësisht nga cfarë ka ndodhur, të kanë mbështetur me të gjitha.

Viktima e dhunimit: Po më kanë mbështetur me të gjitha por kam vuajtur me shëndetin. Jam me diabet, me tension por të gjitha i tejkaloj për familjen, kam nipër e mbesa tani që ma mbushin plotë shtëpinë.

Linda Karadaku: Dmth ata nuk fituan mbi ty…

Viktima e dhunimit: JO, mua jo por shumica e grave shqiptare nuk kanë mundur të fitojnë. Ato akte u bënë për të mposhtur moralin e shqiptarëve e përballë kësaj më përpara do vdekjen. Tani jemi gjallë, mundemi të dëshmojmë. Urojmë të vijë koha që të kapën ata kriminelë, ata janë të lirë, fshihen në Malin e Zi, kanë bërë biznese.

Linda Karadaku: A keni një mesazh për gra dhe vajza që kanë përjetuar përvojën tuaj të dhimbshme ?

Viktima e dhunimit: Po kam shumë mesazhe, të mos ngurojnë të flasin. Ne jemi shqiptare, jemi nëna, jemi motra bija të dikujt. Edhe familjarët duhet ti përkrahin, nëse nuk kanë mundur ti mbrojnë, atëherë duhet të thonë shyqyr që kanë shpëtuar gjallë. Ka qenë një dobësi shumë e madhe atë kohë, ka patur burra që i kanë lënë gratë dhe u kanë marrë fëmijët, ky ka qenë krim edhe më i madh. Si mund tja marrësh fëmijët një nëne dhe e hedh në rrugë?! Këta burra i kam dënuar. Ata nuk e dinë se në atë vend nuk mundesh të mbrohesh. Si ja merr fëmijët dhe e hedh në rrugë, ata e dinë se këto gra për ata fëmijë mbijetuan për ti mbrojtur. Këta lloj nuk janë burra, janë të dobët. Ka patur edhe vajza që kanë qenë të fejuara dhe kur janë dhunuar nga serbët, janë braktisur nga të fejuarit e tyre, këta lloj janë burreca dhe jo burra!

Linda Karadaku: Ju falenderoj shumë…/abcnews.al

komisioni-europian-per-serbine.jpg
nev ila23:19 | 10/12/2019

Komisioneri për zgjerimin dhe politikën e fqinjësisë, Oliver Varhelyi tha në Bruksel se BE duhet të adresojë mohimin e krimeve të luftës nga Serbia.

Deklarata u bë gjatë konferencës së shtypit pas Këshillit të Anëtarësimit me Serbinë dhe u mbështet edhe nga presidenca Finlandeze e Unionit.

Komisioni Europian dhe presidenca finlandeze e Bashkimit Europian reagojnë ndaj mohimit të masakrës së Reçakut nga zyrtarë të lartê serbë dhe kryeministri serb, Aleksandër Vuçiç.

Oliver Varhelyi, komisioner për zgjerimin:

“Ne duhet t’i luftojmë krimet e luftës. të gjejmë autorët e tyre, të adresojmë  çdo lloj mohimi të krimeve të luftës. Autoritetet serbe po bashkëpunojnë tërësisht për këtë dhe ne do vazhdojmë punën tonë tê përbashkët për këtë”.

Tutty Tppurainen, ministre e jashtme e finlandëz:

“Ne duhet të sigurohemi që fantazmat e të shkuarës të mos cenojnë të ardhmen tonë për pajtimin . Duhet të bëjmë të mundur që përgjegjësit e krimeve të shkojnë para drejtësisë”

Por autoritet serbe konsiderojnë, se Serbia nuk mund të jetë ndoshta kurrë dakort mbi disa ngjarje historike :

Jadranka Joksimovic, ministre serbe për integrimin europian:

“Ne kemi bashkëpunuar plotësish me Gjykatën e Hagës. Mos të harrojmë, që zyrtarë të lartë të vendit tonë janë përballur me Gjykatën e Hagës. Nuk është  e lehtë për asnjë që të tregojmë si vend që ne po pranojmë disa probleme, edhe pse kjo nuk ka qenë e ndershme kundrejt Serbisë. Ne nuk do jemi dakord për disa elemente historike. Ndoshta kurrë. Ka plot shtete europiane që edhe sot kanë pikëpamje të ndryshme lidhur me ngjarje historike për të shkuarën e tyre. Nëse ne do fillojmë të shohim vetëm të shkuarën, ne nuk do kemi asnjë shans për një të ardhme më të mirë për qytetarët tanë. Presidenti ynë, Aleksandër Vuçiç ka treguar një qasje të sinqertë dhe të ndershme, ndonëse jo popullore”.

Këto deklarata u bënë pas takimit të këshillit të asocimit BE-Serbi në Bruksel./abcnews.al

xhaka-me-shqiponj.jpg
Vladimir Prenga10:02 | 09/11/2019

Nacionalizmi është i shtrirë në çdo hallkë të shoqërisë serbe. Nuk bën përjashtim as media, që shpesh e tepron me shkrimet pa kripë që ushqejnë mendjet e sëmura të ekstremistëve serbë. Shënjestra këtë herë është Granit Xhaka, i cili po kalon një moment jo të mirë tek Arsenali.

Informer.rs ka publikuar deklaratën e Unai Emery, i cili thotë që Xhaka i ka thënë atij se nuk ndihet ende gati për të luajtur dhe kjo ka “frymëzuar” serbët për të vënë një titull absurd, që sigurish kënaq nacionalistët serbë.

” SHQIPTARI QYQAR! Xhaka merr vendimin që nuk i përshtatet një futbollisti para ndeshjes me Leicester”, është titulli i përzgjedhur nga gazeta “Informer”. Mesfushori i Arsenal edhe herë tjetër është sulmuar nga mediat serbe, sidomos pas festës me shqiponjë kur festoi golin që i shënoi Serbisë me fanellën e Zvicrës./abcnews.al

Artikulli i botuar nga Informer
SERBET-BEOGRAD-1280x720.jpg
ent ela20:11 | 07/11/2019

Serbia ka reaguar me tone të ashpra ndaj qëndrimit të kandidatit të vetëm për kryeministër të Kosovës Albin Kurti në lidhje me Listën Serbe duke thënë se përfaqësuesit serbë janë të gatshëm të braktisin të gjitha institucionet e Prishtinës në vendbanimet serbe dhe në mënyrë solidare të zbatojnë masat e një rezistence paqëore në tërë territorin e Kosovës. Shefi i zyrës për Kosovën në Serbi, Marko Gjuric tha se serbët e Kosovës duan një dialog të barabartë dhe të mos jenë qytetarë të dorës së dytë.`

Serbia dhe përfaqësuesit politikë të serbëve të Kosovës që janë pjesë e Listës serbe janë irrituar nga qëndrimi i kandidatit të vetëm për kryeministër në Kosovë, Albin Kurti. Shefi i zyrës për Kosovën, Marko Gjuriç, ka thënë se Kurti dëshiron ta kthejë situatën në vitin 1999. Serbët do të detyrohen të braktisin çdo institucion e vend pune nëse bëhet presion ndaj institucioneve dhe të drejtave të tyre. Nuk do të hyjnë në qeveri nëse nuk trajtohen si të barabartë.

Marko Gjuriç, Zyra për Kosovën, Serbi: “Përfaqësuesit serb janë të gatshëm që të braktisin të gjitha institucionet e Prishtinës në vendbanimet serbe dhe në mënyrë solidare do të zbatojnë masat e një rezistence paqëore në tërë territorin e Kosovës nëse dikush tenton që serbët ti trajtoj si qytetar të rendit të dytë dhe do të zbatoj metoda institucionale të terrorit”.

Një intervistë e Kurtit në serbisht ka acaruar edhe më shumë Beogradin, shoqëruar me disa incidente kur gjatë transmetimit në oborrin e televizionit N1 u hodhen disa parulla me figurën e gazetarit që intervistoi Kurtin dhe kryeministrit, Edi Rama. Gjuric, e dënoi incidentin, por tha se Kurti po paraqitet si ujk nën lëkurën e qengjit. Reciprocitetin, e ka quajtur edhe më të rrezikshëm se sa tarifën 100 për qind. Serbët respektojne vullnetin e votës se shqiptarëve, por pa Listën Serbe nuk ka bashkëpunim.

Marko Gjuriç, Zyra për Kosovën, Serbi: “Serbët nuk janë faktor të krizave, por kanë qenë viktima të krizave të inskenuara që ka patur për qëllim paraqitjen e tyre si monstra politike që për qëllim kanë patur ndikimin e tyre në institucione. Serbët e Kosovës duan një dialog të barabartë dhe jot ë jenë qyetarë të rëndit të dytë”.

Shefi i zyrës për Kosovën tha se serbët duan dialog, por kjo ndikon në mos vazhdimin e tij. Serbët e Kosovës, sic tha Gjuric, mund të llogarisin në Serbinë edhe financiarisht.

GJAKOVE-KRIME-LUFTE-ABC-M4-T1.mpg_snapshot_00.09-1280x720.jpg
ent ela14:35 | 28/10/2019

102 kallëzime penale të qytetarëve të Gjakovës janë dorëzuar sot në policinë e Kosovës dhe kanë të bëjnë me krime të kryera nga serbët gjatë luftës. Ato përfshijnë vrasje, keqtrajtime dhe shkatërrim të pronës.

Shoqata për krime lufte “Gjakova ’98-99“ dorëzoi në policinë e Kosovës grupin e trembëdhjetë të padive me 102 kallëzime penale të bëra nga qytetarët e Gjakovës ndaj serbëve të dyshuar për krime lufte, bënë të ditur mediat në Kosovë.

Shkëndije Hoda: “Ky është bashkëpunimi i parë me policinë, direkt po i sjellim këtu. Qëllimi i këtyre dëshmive është një ndihmesë që ne i ofrojmë më tepër dëshmi rreth një krimi, japim më tepër fakte. Policia ka vullnet dhe shpresojmë për rezultate pozitive. Veprimi i policisë në Komunën e Gjakovës është shumë i madh dhe merren çdo ditë në pyetje dëshmitarë. Ky proces ndoshta do të zgjasë me vite, por jemi të bindur që rezultatet do të jenë pozitive”.

Zonja Hoda tha se kallëzimet penale kanë të bëjnë me vrasje, keqtrajtime e deri të shkatërrimi i pasurisë në Komunën e Gjakovës. /ABC News Albania 24/7

aleksander-vucic-2-1280x712.jpg
nev ila15:14 | 21/10/2019

Presidenti i Serbisë, Aleksandar Vuçiç, tha në një intervistë për mediat serbe se vende të rajonit dhe të Evropës Lindore po armatosen, mes tyre edhe Kosova dhe Mali i Zi. Për konfliktin me Kovovën, Vuçiç deklaroi se serbët nuk mund t’i kërcënojë askush, madje as Albin Kurti.

Presidenti serb Aleksandar Vuçiç tha në një intervistë për mediat serbe se është i shqetësuar lidhur me destabilizimin dhe përshkallëzimin e mundshëm të konflikteve në rajon.

“Unë jam gjithmonë i shqetësuar dhe ne po bëjmë çdo gjë që mundemi për të parandaluar destabilizimin në rajon. Kjo nisma e Novi Sadit me Shqipërinë dhe Maqedoninë e Veriut është shumë e rëndësishme për ne sepse është edhe një nismë për paqe dhe nismë politike, but edhe ekonomikisht e rëndësishme për ne,” tha Vuçiç për televizionin Prva.

Presidenti serb tha gjithashtu se Bullgaria, Rumania, Hungaria, Kroatia dhe vende të tjera më të vogla po armatosen në përputhje me kapacitetet e tyre.

“Ne e shohim kush po i armatos shqiptarët në Kosovë dhe çfarë helikopterësh po blihen nga Mali I Zi dhe po e vëzhgojmë nga afër të gjithë këtë,” tha ai.

Vuçiç foli për radarë dhe ndërhyrje duke thënë se arsyeja pse gjithkush po armatoset tani në glob, është se tashmë nuk është më një polic në botë, por ka shumë lojtarë. Presidenti serb tha se gjithkush kujdeset për veten dhe se Serbia nuk duhet të jetë e dobët, sipas tij, për të mos u paraqitur si një pre e lehtë.

Duke komentuar deklaratën e Albin Kurtit se ai do të zgjidhë problemin e pranisë së Serbisë në veri të Kosovës, Vuçiç tha se askush dhe madje as Kurti, nuk mund t’I kërcënojë serbët.

Sipas tij, dy “infeksione” kanë goditur shqiptarët.

“Ishte një infeksion i shkaktuar nga votat e marra nga Lista Serbe, e cila dukej kaq infektuese saqë iu desh ta bënim atë, dhe tjetra që ata bënë kalkulime nëse dhe si ta përfshinin partinë e Pacollit në qeveri. Prandaj ata bënë skandal,” tha Vuçiç.

Sipas tij, nuk ka as helmim dhe as reaksion infektiv, dhe se gjithçka sipas tij është gjepurë që “tregon nivelin e nervozitetit dhe atë për të cilën gjithkush është i përgatitur të bëjë”./abcnews.al

 

vucic.jpg
Autor E08:55 | 11/10/2019

Albin Kurti e ka bërë të qartë se nuk e do Listën Serbe në qeverinë e tij. Kreu i Vetëvendosjes ka thënë se pjesë e qeverisë, duke respektuar dhe Kushtetutën do të jetë dhe një ministër serb, por jo nga Lista Serbe. Këtë deklaratë e komenton duke “kërcënuar” presidenti serb, Aleksandër Vuçiç në intervistën ekskluzive dhënë gazetarit të ABC Neës, Idro Seferi.

“Nuk e respektoni dikë që ka marrë 95 për qind në kuadër të popullit të vet, por do të punoni me dikë që është serbi juaj privat apo juve ju pëlqen? Unë mendoj atëherë se kjo nuk është mjaftueshëm e përgjegjshme.

Nuk mendoj se kjo është mjaftueshëm serioze. Nëse nuk dëshironi të punoni me Listën Serbe atëherë mendoj se nuk dëshironi që as me Serbinë të gjeni një zgjidhje të kompromisit. Nuk mendoj se kjo është porosia më e mirë. Por, nuk kam asgjë kundër asaj që tua them këtë, kjo është zgjidhja juaj.

Ju njerëz, na e thoni këtë pasi mua do të ma lehtësoni punën. Është çështje tjetër që ne atëherë nuk do të mund të kryejmë punën për të cilën jemi zgjedhur e që është të sigurojmë një të ardhme ndryshe dhe më të mirë për popujt tanë”.

INTERVISTË EKSKLUZIVE | Vuçiç: Ne jetojmë më mirë dhe kemi më shumë reputacion se shqiptarët, të merremi vesh

Vuçiç kishte edhe një mesazh për shqiptarët:

Aleksandër Vuçiç: Shqiptarët i kanë veshët e ndjeshme si serbët dhe kryesisht nuk duan të dëgjojnë atë që nuk u pëlqen pasi kanë të vërtetat e tyre dhe kryesisht të mbuluara disa herë me emocione të rënda. Por, për njerëzit racional duhet ta kuptojnë që kompromisi është e vetmja mënyrë për zgjidhje dhe nëse kjo nuk ndodh frikësohem për të ardhmen edhe të popullit tim, por edhe popullit tuaj.

Po ashtu ai ka treguar edhe dy qytetet e Shqipërisë të cilat donte ti vizitonte.

Idro Seferi-ABC News: Do të shkoni në Shqipëri, por nëse do të shkonit jashtë Tiranës, ku do të shkonit së pari?

Aleksandër Vuçiç: Do të doja të njihem, pasi nuk kam qenë kurrë në Shkodër, as në Vlorë. Ajo që kam dëgjuar nga njerëzit që e dinë këtë, thonë se ka një bregdet jashtëzakonisht të bukur. Kur kam qenë në Tiranë jam ndjerë mirë. Kanë qenë disa protesta. Por, edhe këtu ka protesta ja siç dëgjoni dikush po bërtet tani këtu jashtë, nuk e di se për çfarë por jam mësuar në protesta për çdo ditë.

“Nëse serbët e shqiptarët bien dakord, çfarë i intereson dikujt tjetër”. Kështu insiston presidenti serb, Aleksandër Vuçiç në lidhje me një marrëveshje me Kosovën.

Sipas tij, nëse serbët dhe shqiptarët i rregullojnë marrëdhëniet, një herë e përgjithmonë si dy popujt më të mëdhenj në Ballkan, në 150 vitet e ardhshme nuk do të ketë asnjë lloj problemi.

“Ju thoni ne jemi një shtet i konsoliduar, por duhet të silleni nëpër holle e korridore me leje të veçanta dhe ftesa që të gjeni dikë nëpër Kombet e Bashkuara. Nuk mund të hyni në Interpol edhe tre mijë vjet. Çfarë shteti është ai që nuk ka ambasadë në Pekin, Moskë, Nju Delhi, Athinë, si?”, deklaroi Vuçiç për Opinion.

Idro Seferi ABC News: Dmth që do të kishte pas bisedimeve? Kosova ka marrë ftesë…

Aleksandër Vuçiç: Unë po ju flas nga këndi juaj, nuk po flas nga këndi im. Këndi im është i vështirë, gjithsesi, por mundohem të kem një qasje racionale dhe flas vetëm se problem është që nuk sqarohet. Njerëzit në Kosovë thonë ne kemi Amerikën dhe Amerika do ta zgjidh për ne. Përse nuk e ka zgjidhur?

Idro Seferi-ABC News: Këtu thonë e kemi Rusinë…

Aleksandër Vuçiç: Nuk thonë, nga unë nuk e keni dëgjuar, unë them kemi Serbinë.

Idro Seferi-ABC News:: Jo nga ju, por..

Aleksandër Vuçiç: Unë them se ashtu është, por ne duhet të provojmë të biem dakord dhe njerëzit duhet ta kuptojnë realitetin dhe nuk është vështirë vetëm të mos bëhemi të verbër apo shurdhmemec. Të verbrit shohin mirë, ata që janë vërtetë të verbër dhe shumë mirë kuptojnë dhe ndjejnë.

Ata që janë shurdhmemec, po flas në mënyrë metaforike, por kur bëheni që jeni të verbër dhe shurdhmemec, ajo është gjeja më e rrezikshme dhe më e keqe. Kjo dmth që ju e dini se çfarë është realiteti shumë mirë, por nuk dëshironi ta respektoni pasi nuk i leverdis interesave tuaja personale ose politike

Por çfarë mendon presidenti serb për Albin Kurtin?

“Së pari njerëzit e pjekur dhe serioz nuk ofendojnë gocat minorene, kjo nuk bëhet në një botë të sjellshme. Për këtë është dashur të thotë më falni, por nuk ka thënë. Kjo nuk bëhet. Këtë duhet ta mësoni. Të tjerat do ti vlerësoj në bazë të veprimeve.

Unë e di që ai mendon se sa më i mprehtë të jetë ndaj serbëve do të marrë më shumë vota, pasi njerëzit kanë qejf të thonë bravo, bravo, bravo, por jo jo edhe shqiptarët pas tre vitesh do të pyesin udhëheqësit e tyre përse nuk kanë bërë kompromis me serbët. Ashtu sic do më pyesin serbët përse nuk ke arritur marrëveshje me shqiptarët, edhe pse sot duket sikur askush nuk e dëshiron këtë në asnjërën anë”, thotë Vuçiç.

I pyetur për idenë e Albin Kurtit, për masa të reciprocitetit pas heqjes së takës, Aleksandër Vuçiç ka thënë: Nuk e di për çfarë masash reciprocieteti flet.

Flisni ju për dëmet e luftës, përralla të zbrazëta për përdorim të brendshëm dhe për popullin, nuk mund ti dëgjoj dhe nuk mund ti komentoj. Nuk kam problem të komentoj çdo lloj pyetje, por nuk është Albin Kurti, Hegeli që ta komentojmë kaq shumë”./abcnews.al/

MBULIM-AUTOBUSI-SULMI.mpg_snapshot_00.05-1280x720.jpg
ent ela10:00 | 13/06/2019

 Një autobus i linjës Kosovë-Slloveni është sulmuar mbrëmjen e së mërkurës gjatë tranzitit nëpër territorin e shtetit fqinj, Serbisë. Autobusi me udhëtarë kosovarë dhe linjë e rregullt është sulmuar nga disa serbë afër Batajnicës, të cilët kanë gjuajtur me gurë.

Siç shihet në këto fotografi të siguruara nga Indeksonline, xhami i përparmë i autobusit është dëmtuar për shkak të sulmit. Nga sulmi është thyer xhami i përparmë.

Pas sulmit, në vend ngjarje kanë dalë Policia e Serbisë dhe janë marrë me rastin. Udhëtarët kanë pritur një orë deri sa Policia e Serbisë ka bërë procesin e rastit dhe me pas kanë vazhduar rrugën drejt Sllovenisë.

Nuk është hera e parë që autobusët nga Kosova më udhëtarë që kalojnë nëpër Serbi, sulmohen. /ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono