serb

vucic-1-1280x719.jpg
nev ila15:55 | 20/07/2019

Presidenti i Serbisë Aleksandër Vuçiç në reagimin e tij pas dorëheqjes së Haradinaj, u shpreh se nuk ka vend për eufori. Sipas tij ky është një rreng politik i Haradinaj dhe se ai do të jetë i lirë për 48 orë.

Presidenti serb, Aleksandar Vucic, ka thënë se nuk ka vend për tu lumturuar dhe eufori me dorëheqjen e kryeministrit, Ramush Haradinaj. Në një konferencë për shtyp të Vucic për rastin Haradinaj, ka thënë se është i sigurt se ai do shkoj në Hagë javën e ardhshme, por do të kthehet shumë shpejt dhe marrëdhëniet politike nuk do të ndryshojnë ndërsa tarifat doganore për mallrat serbe ngelin. Ky është truk politikë, ka vlerësuar Vucic.

“Me këtë ai dëshiron të siguroj fitore të fuqishme të rrymës më të fortë shqiptare në zgjedhje, të cilat pritet të mbahen në fund të shtatorit ose në tetor. Qëllimi kryesor do të jetë shumica pa Listën Serbe dhe do të përdorin edhe serbët për përballje shtesë me Listën Serbe pasi ky do të jetë një bashkim i brendshëm i shqiptarëve dhe një bashkim me Tiranën“, tha Vucic.

Kreu i shtetit serb ka thënë se vazhdimi i dialogut me Kosovën është i rëndësishëm për serbët pasi shqiptarët nuk e fshehin urrejtjen ndaj Serbisë dhe popullit serb. Serbia, sic tha Vucic, do të jetë afër popullit serb. Shqiptarët duan qeverisje pa Listën Serbe dhe duan Shqipërinë e madhe.

“Mos harroni që nga mbrëmë keni mundur të shikoni nje plejadë të politikanëve nga Shqipëria që nga Sali Berisha, Lulzim Basha, Ilir Meta dhe të gjithë ata që janë rreshtuar duke folur për Haradinajn si një hero duke akuzuar të gjithë për atë që ka ndodhur. Situata politike në Prishtinë dhe Tiranë do të shkoj drejt bashkimit dhe vazhdimin e rrëfimit tragjik për të gjithë ne, krijimin e Shqipërisë së madhe për të cilën tashmë flasin pa u fshehur dhe punojnë pa u fshehur, tha Vuçiç.

Serbët, dorëheqjen e Haradinajt e kanë parë me lumturi në shtypin e tyre, por kjo ka bërë që bashkë të mblidhen edhe serbët e Bosnjës dhe të gjithë ata që merren me Kosovën që në darkë, pas dorëheqjes së Haradinajt./ABC News Albania 24/7

VESELI-GJYKATA-_ABC-M1-T1.mpg_snapshot_00.26-1280x720.jpg
ent ela15:24 | 20/05/2019

Kosova ka mjaftueshëm prova dhe dëshmitarë për thelemimin e gjykatës ndërkombëtare për genocibin serb në vend. Me këte deklaratë kryetari i parlamentit të Kosovës Kadri Veseli u ka kërkuar deputetëve ngritjen e një komisioni parlamentar për mbledhjen e provave.

Kryeparlamentari Kadri Veseli ka kërkuar para deputetëve krijimin e një komisionin për mbledhjen e fakteve që do t’i hapte rrugë themelimit të një Tribunali Ndërkombëtar për gjenocidin serb në Kosovë.

Ai tha se Kosova ka fakte, dëshmi dhe dëshmitarë të bollshëm. Kosova ka aq shumë dëshmitarë të gatshëm për të dëshmuar, përfshirë edhe ata që kanë marrë pjesë në mënyrë të drejtpërdrejtë në këto krime.

Por partitë opozitare  LDK-ja dhe Vetëvendosje kundërshtuan këtë iniciativë të cilën e quajën të pasinqertë dhe më pas braktisën seancën.

Ndërsa kryetari i Lëvizjes Vetëvendosje Albin Kurti ka thënë se Kadri Veseli nuk e ka hallin e Tribunalit por me këtë sipas tij po mundohet t’i kundërvihet Gjykatës Speciale.

Të pamundshme dhe lojë më familjarët e të vrarëve iniciativën e Veselit e sheh edhe deputetja tjetër e Lëvizjes Vetëvendosje Saranda Bogujevci e cila gjatë luftës ishte e plagosur rëndë ndërsa kishte humbur edhe një pjesë të madhe të familjes.

Për analistin Milazim Krasniqi iniciativa është e vonuar por edhe vështirë se mund të realizohet.

Kryeparlamentari javë më parë e ka marrë iniciativën për themelimin e një trivunali ndërkombëtar për  gjenocidin serb që ka ndodhur gjatë luftës në Kosovë. /ABC News Albania 24/7

ministri-1280x704.jpg
ent ela13:24 | 09/04/2019

Pas deklaratave të bëra kundër shqiptarëve nga ministri i Administrimit të Pushtetit Lokal në Kosovë, Ivan Teodosijeviç, Kryeministri Haradinaj ka varrë vendimin për shkarkimin e tij.

Me anë të një postimi në “Facebook” shefi i qeverisë së Kosovës shkruan se është e patolerueshme gjuha e urrejtje e përdorur nga ministri në fjalë.

“Sot kam marrë vendim për shkarkimin e Ministrit të Administratës së Pushtetit Lokal, Ivan Teodosijeviq. Është e patolerueshme një gjuhë e tillë e urrejtjes nga ministri në fjalë. Është e pakuptimtë se si një deri sot kolegë i yni shprehet me aq injorancë, urrejtje dhe fyerje për viktimat e Reçakut, viktimat e tjera të regjimit të Millosheviçit dhe akceptimin dhe miratimin që ai i bëri terrorit të këtij regjimi. Kjo nuk arsyetohet. Në Qeverinë që unë e drejtoj nuk do të ketë vend për askë që në çfarëdo mënyre fyen të tjerët në bazë etnike, racore, fetare apo tjetër, e as ata që synojnë të akceptojnë politikat e tilla. Vendimi hyn në fuqi menjëherë”, shkruan Haradinaj.

Ministri Ivan Teodosijeviç, në ditën e 20 vjetorit të bombardimeve të NATO-s, deklaroi se ai ishte një agresion ndaj Serbisë dhe se shqiptarët janë terroristë. Sipas tij masakra e Reçakut ishte trillim, dhe ishin terroristët shqiptarë ata që trilluan gjithë këtë dhe bënë krimet më të mëdha në Kosovë e Metohi. Ai thekson se shqiptarët kanë bërë krime para agresionit të NATO-s; dhe gjakpirjen e tyre e kanë vazhduar edhe gjatë agresionit dhe pas ardhjes së misionit të ashtuquajtur paqësor në Kosovë e Metohi. Këto deklarata ai raportohet t’i ketë bërë në Zveçan./abcnews.al

tod-1.jpg
ent ela12:10 | 09/04/2019

Mediat kosovare raportojnë se ministri i Administrimit të pushtetit Lokal në Kosovë, Ivan Teodosijeviç, në ditën e 20 vjetorit të bombardimeve të NATO-s, deklaroi se ai ishte një agresion ndaj Serbisë dhe se shqiptarët janë terroristë. Sipas tij masakra e Reçakut ishte trillim, dhe ishin terroristët shqiptarë ata që trilluan gjithë këtë dhe bënë krimet më të mëdha në Kosovë e Metohi. Ai thekson se shqiptarët kanë bërë krime para agresionit të NATO-s; dhe gjakpirjen e tyre e kanë vazhduar edhe gjatë agresionit dhe pas ardhjes së misionit të ashtuquajtur paqësor në Kosovë e Metohi. Këto deklarata ai raportohet t’i ketë bërë në Zveçan./abcnews.al

vrasja-gazetari-serb-1280x706.jpg
ent ela20:15 | 05/04/2019

Gjykata e lartë në Beograd dënoi me 100 vjet burg në total katër ish-pjesëtarë të Sigurimit të Shtetit serb. Ata u shpallën fajtorë për vrasjen e gazetarit të njohur Slavko Çuruvija gjatë regjimit të Millosheviçit.

Gjykata e Posaçme në Beograd ka dënuar me nga 30 vjet burgim ish- shefin e Sigurimit Shtetëror Radomir Markoviq, dhe ish-kreun e policisë së Beogradit Milan Radonjiq. Me nga 20 vjet heqje lirie janë dënuar edhe dy pjesëtarë të sigurimit shtetëror serb.

Ata u gjetën fajtorë, se më 11 prill të vitit 1999 kishin vrarë gazetarin e njohur Slavko Çuruvija. Vrasja është bërë me urdhër nga maja e pushtetit, në kohën e regjimit të presidentit Slobodan Milosheviq.

Qururvija ishte i njohur si një kritik i ashpër i politikës së tij. Agjencitë e lajmeve rikujtojnë se gjatë 24 viteve të fundit në Serbi janë vrarë tre gazetarë, kurse rasti Çuruvija është i pari që merr epilog gjyqësor./abcnews.al

tadic-1280x701.jpg
ent ela22:21 | 12/03/2019

Boris Tadiç, ish-presidenti i Serbisë dhe lideri aktual i Partisë Socialdemokrate, deklaroi se nuk e mbështetur asnjëherë idenë për ndarjen e Kosovës, por ka folur për një ndarje mbi baza etnike. Sipas tij Kina dhe Rusia mbështesin Beogradin për interesat e tyre

Ish-presidenti serb, Boris Tadiç, ka vlerësuar se Marrëveshja për normalizimin e marrëdhënieve mes Kosovës e Serbisë, e firmosur më 2013 mes ish-kryeministrave, Hashim Thaçi dhe Ivica Daçiç, nuk po zbatohet, ndaj ka rekomanduar revidimin e saj. Mirëpo, kjo vështirë se mund të bëhet për shkak se, sipas tij, është skajshmërish e rrezikshme:

“Unë mendoj se duhet të hyhet në revidimin e Marrëveshjes së Brukselit dhe kujtoj se ky është një moment shumë, shumë i rëndësishëm, por kjo tani është një situatë skajshmërish e rrezikshme. Për shkak se çdo marrëveshje ndërkombëtare që firmoset, pa pasoja të caktuara për atë që e kërkon, është shumë vështirë të revidohet”, – ka deklaruar Boris Tadiç për Televizionin e Vojvodinës për të cilin thuhet se është nën kontrollin e regjimit të presidentit serb Aleksandër Vuçiç.

Ai ka thënë se edhe në Platformën më të re të Kosovës shikon, dorën e faktorit ndërkombëtar, gjë që nuk mund të thuhet për pozitën ndërkombëtare të palës serbe.

“Pozicioni serb në aspektin ndërkombëtar nuk është më mirë se çka qenë, sepse mbështetësit tanë në temën e Kosovës – Kina dhe Rusia – kanë pozicione të ndryshme: Kina ka qëndrimin e ‘Një Kine’ dhe ajo është mbështetëse e përjetshme e këtyre interesave të Serbisë që Lufton për mbrojtjen e integritetit të saj, ndërsa Rusia ka një qëndrim të dytësuar. Rusia në disa pozicione, sikurse është Krimeja, ka qëndrim që më shumë u konvenon shqiptarëve të cilët dëshiruan shkëputjen e Kosovës nga Serbia, kurse për çështjen e Çeçenisë e të republikave të Kaukazit, ka pozicionin e Serbisë”.

Boris Tadiç që nga viti 2004 në dy mandate ishte President i Serbisë, kurse sot është lider i një partie të vogël socialdemokrate, ka deklaruar se nuk ka qenë kurrë për konflikt të ngrirë, por për një zgjidhje kompromise e të drejtë, duke përfillur edhe interesat e palës shqiptare. Kjo, sipas tij, nënkupton jo pavarësinë e Kosovës, por që Serbia të ruaj sovranitetin mbi të dhe që Kosova të mos zë vend në Kombet e Bashkuara./abcnews.al

uuu-1280x662.jpg
ent ela11:45 | 28/02/2019

Ambasadori serb në Tiranë deklaroi se marrëdhëniet mes Shqipërisë dhe Serbisë kanë hyrë në një atmosferë të re bashkëpunimi  dhe kjo falë klimës pozitive . Sipas Miroljub Zariç një nga fushat ku ky bashkëpunim është shtrirë është edhe rinia ku ka shumë mundësi bashkëpunimi në arsim, kulturë dhe sport.

 Marrëdhëniet mes Shqipërisë dhe Serbisë kanë hyrë në një atmosferë të re bashkëpunimi dhe kjo falë klimës pozitive që është krijuar nga drejtuesit e dy qeverive, tha nga Kukësi Ambasadori Serb në Tiranë Miroljub Zariç.

“Është shumë e rëndësishme që të rinjtë nga Serbia dhe Shqipëria  janë takuar se pari në Serbi dhe tani në Shqipëri dhe kanë  vendosur miqësi të reja.  Jam i sigurt se  ata janë një përfaqësues të një ure të re bashkëpunimi në mes Serbisë dhe Shqipërisë. Një takim i tillë nuk mund të realizohej pesë vite më parë. Ky takim është vazhdimësi e një shpirti të ri,e një atmosferë të re të marrëdhënieve në mes dy vendeve tona. Kjo klimë është krijuar falë dy kryeministrave Vuçiç dhe Rama”.

Ambasadori Zariç foli pozitivisht edhe për marrëdhëniet ekonomike midis dy vendeve

“Në mes dy vendeve tona është vendosur një bashkëpunim të ri ku më rëndësishmja është ekonomia. Vitin e kaluar marrëdhëniet tregtare në mes Serbisë dhe Shqipërisë kapën shifrën e 191 milionë euro në një kohë kur në 2005 ishin   vetëm 41 milionë euro. Ka shumë mundësi bashkëpunimi për të rinjtë në arsim,sport e kulturë.”

Prej nëntë muajsh  organizata “Partnerë për Fëmijët” në Shqipëri në bashkëpunim me  organizatën serbe “Pomoc Deci” ka realizuar disa projekte sociale në Kukës dhe disa qytete të Serbisë në shërbim të komunitetit. Te rinjtë nga Kukësi dhe Serbia kanë ndarë përvojat e punës së tyre në partneritet. Miroljub Zariç i bëri këto deklarata gjatë konferencës rajonale përmbyllëse të projektit “Të rinjtë Shqiptarë dhe Serbë, së bashku për përfshirjen sociale” që u mbajt në qytetin e Kukësit./abcnews.al

haradinaj.jpg
ent ela14:38 | 02/02/2019

Ministri i Bujqësisë së Kosovës Nenad Rikallo është shkarkuar nga posti i tij. Lajmin e ka konfirmuar kryeministri Ramush Haradinaj i cili e falenderoi ish ministrin serb për bashkëpunimin

Kryeministri i Kosovës, Ramush Haradinaj, konfirmoi se ka shkarkuar nga posti i tij ministrin e Bujqësisë, Nenad Rikallo, përfaqësues i komunitetit serb.

Haradinaj i shpreh falënderimet për bashkëpunim gjatë kohës sa ishte aktiv si ministër në Qeverinë e Kosovës. Ai shtoi se Rikalo ishte ministër i respektuar në Qeverinë e Republikës së Kosovës. Bashkëpunimi me përfaqësuesit e të gjitha komuniteteve dhe përfaqësuesit e komunitetit serb, do të vazhdojë palëkundur, përfundoi ai

Ndërkohë ka qenë i menjëhershëm reagimi i Listës Serbe pas shkarkimit të Rikalos

Lista Serbe theksoi se Nenad Rikalo u shkarkua sepse kjo listë dhe anëtarët e saj nuk pajtohen me politikën e shkeljes së të drejtave të serbëve dhe interesave të tyre.

Më tej në reagimin e tyre thuhet se kjo është dhe arsyeja pse ata kanë hequr dorë që nga marsi i vitit 2018 dhe me asnjë çmim nuk do të pajtohen për të qenë folklori dhe dekorimi i dikujt

Vendimi i kryeministrit erdhi pas kushtit të vendosur nga partia social demokrate për shkarkimin e ministrit serb, në këmbim të votive për miratimin e buxhetit të këtij viti./abcnews.al

vlcsnap-error146-1280x720.jpg
ent ela16:14 | 22/02/2018

Policia malazeze konfirmoi se autori i sulmit ndaj ambasadës amerikane në Podgoricë është një shtetas serb 43 vjeçar ish anëtar i ushtrisë jugosllave. Ai kundërshtonte anëtarësimin e Malit të Zi në NATO.

Policia malazeze ka konfirmuar se sulmuesi i ambasadës amerikane në Podgoricë është Dalibor Jaukovic, një 43 vjecar i lindur në Serbinë qëndrore, në qytetin e Kralevës. Jaukovic ka qenë aktiv gjatë luftës së Kosovës dhe bombardimeve të NATO-s dhe ka qenë dekoruar me medaljen e mirënjohjes nga vet presidenti I atëhershëm, Sllobodan Millosheviç për trimëri.

Sic duket nga profilet e tij në rrjetet sociale ai ka qenë kundër anëtarësimit të Malit të Zi në NATO dhe postimet e tij duken si paralajmërim. Mediat serbe shkruajnë se Jaukoviç nuk ka qenë i martuar dhe nuk ka familje. Ata që e kanë njohur thonë se autori jetonte në kushte të vështira ekonomike dhe kishte humbur vendin e punës.

Ministri i punëve të brendshme i Malit të Zi, tha se qeveria e Podgoricës është e shqetësuar për ngjarjen.

Mevludin Nuhoxhiç , Minister i brendshëm, Mal i Zi: Ne e dënojmë ashpër këtë akt si qeveri dhe ndjejmë keqardhje për këtë sulm. Të gjitha institucionet tona janë të angazhuara për zbardhjen e këtij rasti dhe sigurimin e të gjithë stafit e ambasadës amerikane.

Motivet e këtij sulmi ende nuk dihen. Ndërkohë ambasada amerikane ka ftuar qytetarët e saj të qëndrojnë larg ambasadës deri në një njoftim të ri./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono