Selman Stërmasi

PARTIZANI-FESTA-E-TITULLIT.mpg_snapshot_00.02-1280x720.jpg
ent ela13:26 | 22/05/2019

Do të zhvillohet të dielën festa e titullit e Partizanit. Kryeqytetasit do të kenë mundësi të kremtojnë bashkë me tifozët në “Selman Stërmasi”, pas ndeshjes së Superligës ndaj Kukësit.

Nuk ka pse të presë edhe një javë tjetër. Tifozët e Partizanit janë fatlumë që vendimi për festën e titullit u mor në Federatë, dhe u la për këtë të diel.

Trofeu do të dorëzohet, pra, një javë përpara përfundimit të Superligës, në “Selman Stërmasi”, pas ndeshjes së radhës, asaj ndaj Kukësit.

Për mbështetësit e zjarrtë të të kuqve, nuk do të jetë e nevojshme të bëjnë rrugën e gjatë dhe deri diku të vështirë drejt Gjirokastrës, aty ku disa herë ka ndodhur të kurorëzohen kampionët e Shqipërisë.

Kujtojmë Kukësin e vitit 2017, ndërsa vetë trajneri Skënder Gega aty e bëri festën e titullit në 1987, Dinamo e pati në 1986 dhe Tirana e dikurshme, 17 Nëntori, në 1982.

Do të jetë një përsëritje, më pak dramatike, më pak spontane, por më e qetë, më e organizuar dhe ndoshta më masive sesa festa kur titulli u fitua matematikisht në mbyllje të derbit ndaj Tiranës, po në “Selman Stërmasi”.

Tifozët shpresojnë që skuadra e tyre të kthehet tek fitorja, ndryshe nga sa ndodhi menjëherë pas derbit, kur në një farë mënyre iu fal ndeshja Teutës në Durrës, me rezultatin 2-0 për vendasit.

Për më tepër do të jetë sfida me rivalin e vetëm direkt këtë kampionat, Kukësin, si dhe hera e fundit që tifozët do të kenë pranë lojtarët e tyre në sezonin 2018-2019. /ABC News Albania 24/7

 

tirasnaaaaa-f81889cab8017f1dbd19bd3e5b920c55564f86cc-850x450.jpg
ad min22:45 | 18/05/2019

Finalja e mbijetesës mes Tiranës dhe Kastriotit përfundoi me rrjeta të paprekura. Bardheblutë ruajnë distancën me dy pikë nga krutanët.

Finalja e mbijetesës Tirana Kastrioti përfundoi me rrjeta të paprekura.  Sfida e zhvilluar në Selman Stermasi pa praninë  e tifozëve ishte tepër e luftuar nga të dyja ekipet por që nuk ia dolën të realizonin.  Barazimi i bën më tepër pune Tiranës që ruan diferencën me dy pikë me skuadrës së Kastriotit.

Kastripti rrezikon në minutën e 13 me Henrin i cili godet fort por Lika mban portën e paprekur. Reagon Tirana me imamin por topi ndalet në traverse.

Nq minutën e 27 miqtë pretendojnë për një 11 metërsh  pas rrëzimit të Taulant Markut por gjyqtari maqedonas vijon lojën. Tirana e nis mirë fraksionin e  dyte të lojës pasi i afrohet golit me Hasanin. Ngo pason saktë për shkodranin por topi ndalet në vijën fatale nga Husein i cili i mohon golin e sigurtë skuadrës së Tiranës. Loja zhvendoset në zonën e Tiranës ku fillimisht Kerciku e më pas Lika shpëtojnë Tiranën.  Të dyja ekipet e tentojnë golin me të gjitha mënyrat ndërkohe që në të 69 minutë Ngo edhe pse gjendet i pamarkuar në zonë nuk ia del të dërgojq topin në rrjetë.

Kastrioti kalon në avantazh në minutën e ‘75 por gjyqtari anulon për pozicion të parregullt. Takimi përfundon në barazim 0-0 dhe gjithçka do të vendoset në dy javët e mbetura.

Pas ndeshjes trajneri i Tiranës Ardian Mema nuk e fshehu zhgënjimin për paraqitjen e lojtarëve ndërkohe që deklaroi se në futbollin shqiptar ka aleanca./ABC News 24/7

Tirana-superiore.jpg
nev ila12:50 | 17/05/2019

Pas mbylljes së çështjes për titullin kampion, gara për mbijetesë vijon të jetë e hapur. Tirana dhe Kastrioti do të përballen në stadiumin “Selman Stermasi”, ku do të vendoset rreth qëndrimit në elitën e futbollit shqiptar.

Në vigjilje të javës së 34 të kategorisë superiore spikat finalja e mbijetesës Tirana-Kastrioti. Bardh e blutë vijnë në këtë duel pas humbjes në derbin ndaj Partizanit dhe atmosfera nuk është aspak pozitive tek të besuarit e e trajnerit Ardian Mema.

Kryeqytetasit pozicionohen në vendin e 8 në tabelë në kuotën e 40 pikëve, vetëm dy pikë më shumë se Kastrioti i vendit të 9.  Krutanët fituan javën e kaluar ndaj Flamurtarit duke dhënë sinjale të qarta se janë të gatshëm të luajnë si të barabartë me Tiranën edhe pse në transfertë.

Ky duel do të vendosë shumë sa i përket fateve tek të dyja skuadrat.

Kampionet absolute të sezonit aktual partizani udhëton në transfertën e Teutës. Të kuqtë do të luajnë sa për statistika pasi objektivi parësor i skuadrës u arrit.

Përballë kanë Teutën, një skuadër që e nisi sezonin pretendent për titull por tashmë ka si objektiv primar kualifikimin në kupat e Evropës. Durrsakët kanë dy pikë më tepër se Laçi i vendit të katër./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono