sellakovic

selakovic.jpg
ent ela17:12 | 12/06/2019

“Mali i zi është shtet tipik serb”

Sekretari i përgjithshëm ipresidencës së Serbisë, Nikola Selakoviç, ka fajësuar perëndimin dhe ish politikanët serbë për pavarësinë e Malit të Zi. Ky i fundit sipas tij është një shtet tipik serb.

Nikola Sellakoviç, Sekretar i Përgjithshëm i Presidencës së Serbisë ka deklaruar se Perëndimi dhe ish-polikanët serbë janë fajtorë që u pavarësua Mali i Zi të cilit ai iu referua si një shtet tipik serb. Ndërkohë, sa i përket Kosovës, në përvjetorin e ndërhyrjes së NATO-s, bashkëpunëtori i ngushtë i Presidentit Vuçiç, ka lënë të kuptohet se ideja për korrigjim të kufirit më nuk është aktuale, por Beogradi do të vazhdojë pengimin e njohjeve dhe të aderimit në organizatat ndërkombëtare.

Zyrtari i lartë i kabinetit të Presidentit Aleksandër Vuçiç ka pranuar se Serbia do t’ju ekspozohet presioneve të shumta e të ndryshme, por mbetet e përkushtuar për zgjidhjen e çështjes së Kosovës dhe për mbrojtjen e interesave serbe. Mirëpo, ai nuk ka përmendur ndonjë propozim konkret, përveç se pranoi se ideja për korrigjim të vijës kufitare – më nuk është aktuale.

“Mendoj se më nuk është fare mbi tavolinë. Mendoj se për këtë nuk duan të flasin as shqiptarët, nuk dëshiron të bisedojë as Perëndimi që i ka sponsorizuar. Zgjidhja jonë është që të luftojmë, që të negociojmë sa më shumë që të mundemi dhe që ta ruajmë paqen,’- tha Sellakoviq duke rikujtuar se falë angazhimeve të pushtetit aktual serb për herë të parë tërhiqen njohjet e pavarësisë dhe po pengohet hyrja e Kosovës në organizata ndërkombëtare.

Në një debat të zhvilluar në televizionin shtetëror të Serbisë, Sekretari i Përgjithshëm i Presidentit Aleksandar Vuçiç ka kritikuar politikën serbe të këtij fillim shekulli edhe për shpërbërjen e federatës së mbetur nga ish-Jugosllavia mes Serbisë e Malit të Zi:

“Në vitin 2002, më 14 mars, në praninë e Ish-Sekretarit të Përgjithshëm të NATO-s, Havier Solana, presidenti i atëhershëm i Republikës Federale të Jugosllavisë, Vojislav Koshtunica, Presidenti i Malit të Zi, Milo Gjukanoviq dhe kryeministri i Serbisë, Zoran Gjingjiq firmosën Marrëveshjen e Beogradit, shfuqizuan Kushtetutën e shtetit. Suprimuan Republikën Federale të Jugosllavisë. Njëmbëdhjetë muaj pas kësaj u miratua Karta Kushtetuese e cila i mundësoi pavarësinë Malit të Zi,’ – tha Sellakoviq duke e cilësuar atë si një ‘shtet klasik serb ku edhe sot e kësaj dite jetojnë 30 për qind serbë’. Tv Klan Macedonia transmeton edhe argumentin tjetër të tij, po për këtë:

‘Kjo domethënë se që nga ekzistimi i vet si shtet, Mali i Zi është mburrur me identitetin serb,’- tha zyrtari i lartë i Presidencës serbe duke lënë të kuptohet se flet edhe si ‘historian juridik’./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono