selia blu

protesta-e-se-shtunes.jpg
Sej rie22:35 | 25/05/2019

Për gati dy orë e gjysmë opozita protestoi mbrëmjen e sotme fillimisht para Kryeministrisë e më pas para Kuvendit. Ndryshe nga protestat e tjera kjo ka qenë më e qeta, ku nuk ka pasur tensione dhe përplasje mes policisë dhe qytetarëve.

Por në këtë protestë simbolikat kanë qenë më të veçanta. Protesta nisi me entuziazëm ku një grup qytetarësh me flakadanë në duar u nisën nga selia blu drejt Kryeministrisë dhe nga pas i ndoqi lideri i PD-së Lulzim Basha.

Ndërsa bulevardi “Dëshmorët e Kombit” ishte i mbushur me protestues, të cilët mbanin në duar tepsi ku në to shkruhej “Rama ik!”. Madje në njërën tepsi ishe e stampuar edhe fotoja e Ramës, e bërë para disa vitesh ku ai shikohet duke ngrënë makarona.

Po ashtu, në protestë ranë në sy edhe flamujt, të cilët nuk ishin të partive politike. Në protestë ishte flamuri kombëtar dhe flamuj të shteteve të Evropës edhe ai i SHBA-së.

Nën këtë atmosferë u prit Basha nga protestuesit e mbledhur para Kryeministrisë, të cilët e përshëndetën mbërritjen e tij në shesh me dy gishtat lart. Kryedemokrati mbajti fjalën e tij para qytetarëve ku u shpreh se mesazhi i popullit ishte: “Rama Ik”.

Teksa fliste Basha, organizatorët e protestë lëshuan një numër të madh balonash në qiell, një simbolikë kjo e re në protestë, ku brenda tyre kishte flakë dhe në to shkruhej “Rama ik”.

Balonat u ngjitën edhe mbi godinën e Kryeministrisë, ndërsa në muret e institucionit me anë të një video-projektori u shfaq simboli i shqiponjës, si dhe mesazhe kundër qeverisë.

Në përfundim të fjalës së tij, Basha u kërkoi qytetarëve të ndiznin dritat e telefonave, duke i cilësuar ata si “dritat e shpresës”. Me drita e telefonave protestuesit shoqëruan Bashën nga Kryeministria drejt Kuvendit.

Situata gjatë gjithë kohës u duk e qetë, deri në momentin kur protestuesit arritën tek Parlamenti. Përpara kuvendit u shënuar një incident i vogël dhe i vetmi në protestën e mbajtur mbrëmjen e sotme.

Forcat e policisë hodhën ujë për të shpërndarë protestuesit, një pjesë e të cilëve ishin futur në hyrjen kryesore të Parlamentit dhe kishin ndezur disa flakadanë.

Me anë të megafonit, një përfaqësues i Policisë së Shtetit u bëri thirrje protestuesve që të ruajnë qetësinë dhe të mos kryejnë akte dhune. Edhe sekretari i përgjithshëm i Partisë Demokratike Gazment Bardhi u kërkoi protestuesve që të mos hedhin flakadanë drejt uniformave blu.

Megjithatë, situata u qetësua brenda pak minutave, ndërsa kryedemokrati Lulzim Basha u tërhoq duke shkuar drejt selisë blu, i ndjekur edhe nga simpatizantët ku u mbyll edhe protesta e 25 Majit./abcnews.al

basha-17.jpg
Sej rie21:30 | 25/05/2019

21:27 – Përfundon protesta e opozitës. Ajo zgjati rreth dy orë e gjysmë. Tubimi nisi përpara Kryeministrisë dhe më pas u zhvendos përpara Parlamentit. Përgjithësisht gjatë gjithë zhvillimit të saj nuk pati incidente, përveç një rasti përpara Kuvendit.

Aty u hodhën mjete piroteknike dhe flakadanë, çka solli dhe reagimin e policisë që hodhi ujë në drejtim të protestuesve. E gjithë situata zgjati pak minuta, pasi Basha u zhvendos shumë shpejt drejt selisë së Partisë Demokratike.

21:20 – Kreu i Partisë Demokratike gjatë fjalimit përmbyllës në selinë blu u bëri ftesë qytetarëve t’u bashkohen protestave të ardhshme. Gjithashtu ai deklaroi se vetëm largimi Ramës mund t’i hapë rrugë zgjidhjes politike.

“Shkaktari do largohet, kjo i jep rrugë zgjidhjes politike. Këtë e dinë të gjithë, e di dhe Europa. Rama ik, hapi rrugë zgjidhjes politike. Beteja jonë po shkon drejt fundit që paracakton historia për kombëtar që nuk pranojnë të keqen. Beteja jonë po shkon drejt çlirimit të Shqipërisë ndaj krimit, kërkesa ime është të qëndrojmë në këmë dhe gati për ta çuar misionin tonë deri në fund”, tha Basha.

21:06 – Lulzim Basha zhvendoset në drejtim të selisë së PD-së. Pavarësisht tërheqjes së tij, një pjesë e protestuesve vijuan të qëndrojnë përpara Kuvendit. Është Sekretari i Përgjithshëm i Partisë Demokratike, Gazment Bardhi, që i bën thirrje pjesës që vijon të qëndrojë që t’i bashkohen masës tjetër që lëvizte drejt selisë.

21:04 – Pak minuta pas arritjes së tyre para Kuvendit, protestuesit kanë hedhur tymuese, kapsolla dhe lëndë piroteknike. Ndërkohë policia është kundërpërgjigjur dhe ka hedhur ujë në drejtim të protestuesve. Siç raporton gazetari i ABC News pranë ambienteve të Parlamentit, në përgjithësi situata ka qenë e qetë, ndryshe nga herë e tjera, ku është përdorur edhe gaz lotsjellës.

20: 30- Pas përfundimi të fjalës së tij para Kryeministrisë, Basha u ka kërkuar protestueseve që të drejtohen drejt Kuvendit. Ai u ka kërkuar që të ndezin dritat e telefonit duke i quajtur ata dritat e shpresës, dhe tubimi u zhvendos nga Kryeministria tek Parlamenti.

20: 00- Kreu i PD-së Lulzim Basha ka mbajtur fjalën e tij para protestuesve të mbledh tek Kryeministria. Ai është shprehu se mesazhi i popullit është i qarët “Rama Ik”, ku sipas tij shumë shpejt do bëhet realitet.

“Në këtë bashkim historik të zemrës dhe mendjes, në këtë garanci kombëtare për fitoren e betejës tonë për Shqipërinë si gjithë Evropa. Këtë shesh e ka pushtuar si asnjëherë tjetër oqeani i sovranit dhe janë bashkuar zemrat dhe mendjet e shqiptarëve. Sonte shikojnë sytë tuaj, dëgjojnë zërin tuaj, unë dhe gjithë Shqipëria, unë dhe gjithë Evropa, shpresën e këtij kombi të ngritur. Është mbushur ky shesh, me kurajo dhe vendosmëni dhe më një mesazh që duhet ta dëgjojë gjithë bota: Rama ik! “E duam Shqipërinë si gjithë Evropa!” Ky është mesazhi, kjo është aspirata, ky është misioni që thonë shqiptarët në këtë bashkim të pashembullt, të këtë tubim të 6-të. Nuk ka në Evropë Kryeministër që të kapet duke vjedhur zgjedhjet. Nuk ka në Evropë politikanë, kriminelë, përdhunues, dhe trafikantë. Atje ata shkojnë para drejtësisë. Sot e derisa të bëhet realit një mesazh ka populli: Rama ik!” Zëri juaj u dëgjua, po dëgjohet, nuk do të ketë asnjë fund tjetër për këtë betejë përveç largimit të qeverisë së krimit. Mjerë ai që nuk ka vesh dhe nuk dëgjon, e dëgjoi gjithë Shqipëria, e dëgjoi gjithë bota. Zgjedhje demokratike pa opozitën nuk do të ketë. Jepjani përgjigjen ta dëgjojë deri në Surrel, ta dëgjojë në çdo bunker që futet: Rama ik”, tha Basha.

19:43 – Kreu i Partisë Demokratike, Lulzim Basha, del nga selia blu dhe niset drejt Kryeministrisë.

19:00 – Nis protesta e 6-të kombëtare e opozitës së bashkuar, kundër qeverisë Rama. Ashtu sikundër ishte paralajmëruar, protestuesit u grumbulluan në orën 19:00 para Kryeministrisë.

Partitë opozitare kërkojnë largimin e Ramës, për krijimin e një qeverie tranzitore, me qëllim garantimin e zgjedhjeve të lira dhe të ndershme.

Ndërsa Drejtoria e Policisë ka dhënë leje për tubimin nga ora 19:00 deri në mesnatë. Uniformat blu kanë kaluar në gatishmëri, por të pranishme do të jenë edhe forcat e Ndërhyrjes së Shpejtë dhe Reparti Special RENEA.

Ashtu si në të gjitha tubimet e opozitës, policia ka rrethuar me gardh metalik institucionet ku pritet të kalojnë protestuesit. Ndërsa thuhet se do të jenë 1500 forca policie, që do angazhohen për mbarëvajtjen e protestës./abcnews.al

MBULIM-BASHA-ME-ALEATET.mpg_snapshot_00.09-1280x720.jpg
ent ela13:05 | 23/05/2019

Kreu i Partisë Demokratike Lulzim Basha ka zhvilluar mëngjesin e së enjtes një takim me krerët e partive opozitare, aleat të tij në aksionin e nisur prej muajit shkurt, për një qeveri teknike që do të zhvillojë zgjedhje të lira e të ndershme. Takimi vjen dy ditë përpara protestës së rradhës kombëtare të thirrur nga opozita e bashkuar, ajo e 25 majit.

Përpos takimeve në bazë të zhvilluara si nga kreu i demokratëve ashtu edhe nga grupimi i qendrës së djathtë apo aleatët e tjerë të koalicionit opozitar, ky është takimi i parë përgjatë kësaj jave përgatitore për protestën e gjashtë kombëtare që do të zhvillohet të shtunën në orën 19:00. Në përfundim të takimit që zgjati rreth një orë, aleatët u larguan me thirrjen për një protestë të qëndrueshme dhe paqësore. /ABC news Albania 24/7

lulzim-basha.jpg
G. P.12:33 | 02/03/2019

“Takimi i vetëm që kam është ai me qindra mijëra shqiptarë më 16 Mars”. Është kjo përgjigja e kreut të demokratëve, Lulzim Basha, ndaj kryeministrit Rama, i cili një ditë më parë e ftoi liderin e opozitës të dialogonin. Në një deklaratë për mediat nga selia blu, Basha tha se nuk ke me kë të bisedosh dhe nuk mund të vazhdohet me një qeveri të lidhur me krimin dhe që është kapur në flagrancë duke vjedhur vota.

Në përfundim të një takimi që zhvilloi me krerët e degëve të forcës politike që drejton si dhe ata të departamenteve të kësaj selie, kreu i Partisë Demokratike Lulzim Basha i dha përgjigjen e parë, ftesës për t’u ulur në diskutime, të artikuluar për herë të parë nga kryeministri Rama nga nisa e krizës politike në vend.

“Takimi i vetëm që unë kam është ai me qindra mijëra shqiptarë më datën 16 mars në protestën e madhe kombëtare dhe, natyrisht, edhe takimet e tjera para asamblesë së krimit, që ka uzurpuar ndërtesën e Kuvendit të Shqipërisë”.

Problemin e sheh tek mungesa e faktorit politik në palën tjetër i zëvendësuar me atë kriminal e korruptiv sipas Bashës, ndaj…

“Më kë të dialogosh, me Rrajën, me Çyrben apo me Vangjush Dakon? “

Deklaratat e tetë delegatëve të Parlamentit Europian të cilët kauzën Lulzim Bashës ja vunë përkundër integrimit europian duke vulosur çertifikimin e legjitimitetit të qeverisë aktuale edhe sikur të gjitha akuzat e demorkatëve të jenë të vërteta, kryedemokrati i quajti produkt i mos-informimit nga njerëz që krijojnë ide mbi shqipërinë nga ballkonet e tyre luksoze.

“Shqiptarët nuk hanë dhe pinë në pritje luksoze në Rogner, nuk hanë e pinë në përfaqësi diplomatike, jetojnë në kushte shumë të vështira. Detyra jonë është që t’i përgjigjemi nevojave dhe kërkesave të tyre dhe për këtë, jam i bindur, që të gjithë përfaqësuesit e faktorit ndërkombëtar që kanë interesat e vendit tonë në mendje dhe në zemër, dhe duan që Shqipëria të jetë si gjithë Europa, nuk mund të kërkojnë asgjë më pak në raport me qytetarët shqiptarë, sesa ç’kanë për qytetarët e tyre”.

Kandidatët në listat shumë-emërore të opozitës, të cilët duke refuzuar vendimin politik të partive që i kanë kandiduar, kanë nisur rrugëtimin e marrjes së mandatit të deputetit, Lulzim Basha i sheh si produkt i kalbjes së sistemit që për të vërteton se kësaj qeverie i ka ardhur fundi.

/abcnews.al

PD-PER-REAGIMET-PER-DAJTIN-1280x720.jpg
G. P.12:05 | 18/02/2019

Në ditë pas propozimit të kreut të PD-së, Lulzim Basha, për djegien e mandateve nga deputetët e kësaj force politike, grupi parlamentar është mbledhur sot paradite në seline blu. Në takim po diskutohet mbi këtë propozim si dhe mbi protestën e pritshme të paralajmëruar për ditën e enjte.

Burime nga mbledhja që po zhvillohet me dyer të mbyllura duke nisur që nga ora 10:00, Basha mësohet të jetë shprehur që ky është një hap nga pozitat e dominimit të forcës popullore.

Na takon ne të udhëheqim shqiptarët, eshte shprehur Lulzim Basha, me të cilët, siç tha ai, PD është në borxh dhe i dhanë opozitës besimin për të qenë me ta. Kreu demokrat është shprehur para deputetëve se vendi është në gjendje emergjence kombëtare.

Ndërsa ish-kryeministri Berisha, që ka mbështetur djegien e mandateve, mësohet të jetë shprehur:

“Prova e këtij vendimi është nëse ne me aksionin qytetar politik do t’i kthejmë shqiptarëve votën e lirë. Kemi marrë një vendim të drejtë historië”.

Më tej ai ka vijuar: “Po nuk arritëm që shqiptarët të votojnë të lirë mbetemi fasadë. Ka ardhur koha të përballemi me këtë regjim me qëllimin e vetëm që shqiptarët të jenë të lirë”./abcnews.al

ina-zhupa.png
G. P.19:55 | 27/09/2018

Zëdhënësja e partisë Demokratike Ina Zhupa ka akuzuar kryebashkiakun Veliaj se mashtroi shqiptarët kur gjatë mbledhjes së Këshillit Bashkiak deklaroi se kur Lulzim Basha ishte ministër Transportesh bëri ligj që fëmijët të paguanin biletë autobusi.

Ligji, thekson Zhupa, respekton autonominë e bashkive për t’u siguruar banorëve transport brenda qyteteve dhe fëmijëve transportin falas dhe se bashkia Tiranë në kohën kur e drejtonte Lulzim Basha, jo vetëm pa një rritje të numrit të linjave urbane, por fëmijët nuk paguanin dhe bileta e autobusit për qytetarët e tjerë nuk u rrit.

Kjo ndryshoi kur kryebashkiak u bë Erjon Veliaj, thekson selia blu, i cili jo vetëm rriti çmimin e biletës së autobusit, por tashmë po mbështet fushatën që kërkon vendosjen e biletave të autobusit për fëmijët.

Erjon Veliaj gënjeu gjithashtu sipas demokratëve, kur deklaroi se Lulzim Basha ka dhënë leje ndërtimi për komplekse pallatesh tek stacioni Multimodal. Projekti i Bashës jo vetëm nuk parashikonte asnjë metër katror ndërtim pallatesh, por ndryshe nga Veliaj, thekson Zhupa, kryedemokrati Basha i merrte koncesionarit 15% taksë për buxhetin e bashkisë, ndryshe nga 5% që sot i merr Erion Veliaj./abcnews.al

lulzim-basah.jpg
G. P.21:14 | 02/07/2018

U mblodhën në bashkëbisedim rreth 2 korrikut 1990.

Lulzim Basha: “2 korriku 1990, datë historike datë lirie. Sot është dita t’ju them faleminderit për atë që ishte çarja e murit komunist që i hapi rrugën përmbysjes së regjimit”.

Një revoltë për t’u marrë shembull edhe sot, sipas tij, kur izolimi edhe pse i një forme tjetër mishërohet me bllokimin e ëndrrës europiane të Shqipërisë.

Lulzim Basha:  “Sot pse jemi të izoluar? Nga tregjet, nga zhvillimi teknologjik. Imazhi ynë është i krimit dhe drogës. Moshapja e negociatave është shprehja më e qartë e kësaj. Moshapja është mesazh që i jepet qeverisë”.

Mesazh të cilin kreu i qeverisë kërkon t’ua servirë të përmbysur shqiptarëve, thekson Basha, duke paracaktuar kështu edhe fatin e Qershorit 2019.

Lulzim Basha: “Rama thotë “jo s’po ndodh gjë”, përkundër thotë na i kanë hapur, sot të përpiqesh t’i gënjesh njerëzsit kështu tregon që s’ke respekt për shqiptarët dhe që s’ke ndërmend të ndryshosh”.

Një mesazh ua drejton ndërkombëtarëve, atyre që problemin kërkojnë ta identifikojë tek mungesa e bashkëpunimit opozitë – mazhorancë, të cilët për kryedemokratin Basha në rastin më të mirë nuk kanë asnjë lidhje me të vërtetën.

Lulzim Basha: “Ka pasur edhe ndonjë tentativë Don Kishoteske nga të huajt që mundohen ta shesin tjetër. Nuk është mungesa e dialogut problem, por lidhja e qeverisë me krimin. Ata që bëjnë leksione puthuni janë out, nuk kanë lidhje fare, ne nuk bashkëpunojmë me krimin. Ata që mendojnë se zgjidhet me valsin e lumturisë ta harrojnë”.

Është vetëm largimi i Edi Ramës ajo çka i hap rrugën zhbërjes së çdo padrejtësie të këtyre 5 viteve qeverisje të rilindjes, thekson Basha, e për këtë opozita do të vijojë përballjen e përditshme me çdo kusht./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono