sektori i ndertimit

vlcsnap-error135-1280x720.jpg
ad min16:56 | 02/03/2018

Pas deklaratave të ministrit të Financave dhe Ekonomisë reagoi Partia Demokratike. Sipas selisë blu, Ahmetaj gënjeu shqiptarët, kur tha se ndërtimet po financohen me hua bankare apo edhe se shifrat e punësimit janë rritur. Statitistikat e INSTAT-it, sipas PD-së, dëshmojne kriminalizimin e ekonomisë.

Ministri i Financave gënjeu shqiptarët. Ishte ky lajtmotivi i deklaratës së nënkryetares së komisionit të ekonomisë Jorida Tabaku.

“ Ministri i Financave i gënjeu sot shqiptarët, kur u tha se ndërtimi në Shqipëri është financuar nga burime zyrtare të sektorit bankar dhe se kredia është rritur”.

Vetë Instituti i Statistikave tregon për selinë blu se lejet totale të ndërtimit për vitin e kaluar janë rritur me 88% në gjithë Shqipërinë, ku Bashkia Tiranë zë vendin kryesor me një rritje prej 260% krahasuar me dy vitet më parë. PD shtron pyetjen, kush investon në këto ndërtime?

“ Përsa i përket kredisë për biznese për ndërtim nuk ka rritje. Raporti i Bankës së Shqipërisë thotë se nuk ka rritje të kreditimit për bizneset dhe se ato po përdorin burime alternative”.

Këtu eshtë edhe moment i dytë ku ministri provoi të gënjente shqiptarët, tha Tabaku.

“Arben Ahmetaj gënjeu edhe kur flet për rritjen e punësimit më 1 shifër. Për të mbuluar gjendjen e rëdnë të papunësisë, qeveria ka mashtruar Eurostatin dhe ka deklaruar se në tremujroin e tretë të vitit te kaluar, punësimi është rritur me 8 mijë përsona që janë persona mbi 64 vjeç”.

Ministri Ahmetaj gënjeu edhe kur foli për Borxhin Publik, theksoi Tabaku, duke anashkaluar faktin se është Fondi Monetar Ndërkombëtar ai i cilikëshilloi qeverinë e rilindjes të llogariste edhe projektin 1 miliard./abcnews.al

vlcsnap-error702-1-1280x720.jpg
ad min19:48 | 28/02/2018

Kreu i Partisë Demokratike, Lulzim Basha, në një konferencë për mediat ka përsëritur pretendimin se sektori i ndërtimit, e sidomos ai në Tiranë, në bashkëpunim me koncesionet korruptive të Partneritetit Publik-Privat, janë skema korruptive e pastrimit të parave të pista të vjela në mandatin e kaluar nga kjo qeveri, për t’u investuar sot në ekonomi.

Rritja me 80% e lejeve të ndërtimit për banesa, apo me 200% për ndërtesat mbi 3 kate dhe rritja e vlerës së këtyre të fundit me 260%, ndërkohë që bankat kanë dhënë vetëm 0.6% kredi më shumë, janë tregues të qartë për kreun e opozitës se ekonomia po kriminalizohet. Në konferencë për media, shpalosi shifrat në mbështetje të argumentit të tij.

Lulzim Basha: “Fakti që jemi përpara një katastrofe ekonomike me pasoja për dekada të tëra. Nuk ka sektor ku duket me qartë se në ndërtim. Bashkia e Tiranës është kthyer në lavatriçe të pastrimit të parave të pista, ndërtimet e larta s’kanë kuptim ekonomik as kuptim për strehim. 2016 viti rekord për drogë ndërsa 2017 viti për lejet e ndërtimit”.

Tirana ka mjaftueshëm apartamente boshe, sipas Lulzim Bashës, ndaj nuk ka asnjë logjikë racionale të shpjegojë këtë financim në ndërtim në kryeqytet.

Lulzim Basha: “Aspekti 2 është PPP 1 miliard dollarë, i shpallur nga Edi rama dhe i denoncuar nga ne si pastrimi i parave të pista”.

Këtu situata bëhet edhe më keq sipas Lulzim Bashës sepse në lojë futen edhe paratë e taksapaguesve shqiptarë.

Lulzim Basha: “Privati investon per inceneratore por në fakt do e paguajë qytetari me taksa. Nese ndërtesat bëhen me para droge, inceneratorët po marrin dhe taksa shqiptarësh.”

Borxh të fshehur e quan ai dhe njëkohësisht një nga rreziqet më të mëdha të shkatërrimit të ekonomisë në afatgjatë, kjo, pasi kontratat koncesionare janë të shtrira në kohë 15-30 vjeçare dhe në fund janë para që do paguhen nga buxheti i shtetit, çdo vit.

Ky borxh do të vijojë të rëndojë në xhepat e shqiptarëve, pabarazia mes të cilëve është rritur, sipas selisë blu, ku 90% e shqiptarëve kanë parë një rritje të të ardhurave 14.4% më të ulët se 10% më i pasur i tyre.

Mungesa e rritjes së pagës minimale në vend, e shoqëruar me rritjen e numrit të të punësuarve vetëm për moshat 64 vjeç e sipër, absurd ky sipas selisë blu, i gërshetuar me % drastike të të rinjve që po largohen nga vendi, japin alarmin e plakjes së popullsisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono