seanca

behar-safet-bajri.jpg
ger ta12:15 | 23/11/2019

Vijon seanca te Krimet e Rënda për përcaktimin e masës së re të sigurisë për grupin “Bajri”, ndaj të cilëve u lëshuan nëntë urdhra arresti dy ditë më parë.

Gazetarja Glidona Daci raportoi për abcnews.al se të pandehuri janë shprehur se po i mbajnë në burg pa të drejtë, sipas tyre gjithçka e kanë nga prokurori Anton Martini.

“Mos na mbani pa të drejtë. Gjithçka e kemi nga Anton Martini. Janë akuza të sajuara. Duan të na mbajnë në burg me çdo kusht”, janë shprehur të pandehurit, Behar dhe Safet Bajri.

Ndërkaq, seanca vijon prej më shumë se dy orësh ndërsa pritet që trupa gjykuese të tërhiqet për të marrë vendimin.

Mes të arrestuarve janë edhe dy të dashurat e Behar Bajrit të përfshira edhe këto në aktivitetin e tij kriminal.

Sipas porganit të akuzës, Jorida Murati shkonte rregullisht për të takuar Behar Bajrin në Holandë dhe porositë e tij ia përcillte pjesës tjetër të grupit.

Ndërkohë një tjetër femër është e përfshirë, e cila kryente punësim te paligjshme në OSHEE-në e Shkodrës për llogari të grupit kriminal Bajri. Bëhet fjalë për F.Gj e dashura tjeter e Behar Bajrit. Edhe kjo punësonte njerëz fiktivisht në OSHEE-në e Shkodrës, për llogari të grupit “Bajri”.

Gjykata e Shkallës së Parë e Krimeve të Rënda Tiranë, pranoi dje kërkesën e mbrojtësit avokatit Arbër Hoxha dhe 4 anëtarëve të grupit “Bajri” për shuarjen e masës së sigurisë të vitit 2018, për shkak të mbarimit të afateve të paraburgimit. Megjithatë, anëtarët e grupit Bajri do të vazhdojnë të qëndrojnë në paraburgim, pasi ndaj tyre, mbetet në fuqi masa e sigurisë “arrest me burg” dhënë të mërkurën.

4 anëtarët e grupit Bajri u arrestuan në kuadër të operacionit “Oaz”. Po sipas hetimeve, anëtarë të grupit Bajri, në bashkëpunimin me njëri-tjetrin kanë përfituar shuma parash nëpërmjet kanosjes dhe shtrëngimit ndaj dy shtetasve./abcnews.al

kuvend.jpg
ent ela08:11 | 15/11/2019

Parlamenti  do të mblidhet st në një seancë të jashtëzakonshme në orën 10:00.  Ky vendim u mor ditën e djeshme, menjëherë pasi presidenti Ilir Meta dekretoi Marsida Xhaferllarin si anëtare të Gjykatës Kushtetuese.

Ringritja e Gjykatës Kushtetuese ndezi debatet mes institucioneve shtetërore KED-Presidencë-Qeveri. Konferenca e Kryetarëve e cila u mbajt dje në mesdite arriti në një rezolutë të posaçme në të cilën do të bazohet sot Kuvendi në seancën e jashtëzakonshme, në të cilën ende nuk dihet konkretisht se çfarë do të vendoset.

Kreu i shtetit dekretoi dje tre anëtarët e rinj të Gjykatës Kushtetuese Elsa Toska, Fiona Papajorgji dhe Marsida Xhaferrllari, ndërsa Arta Vorpsi u betua si anëtare në noteri duke anashkaluar institucionin e Presidencës.

Ky veprim u interpretua në forma të ndryshme edhe pse Vorpsi  dje u paraqit zyrtarisht në Gjykatës Kushtetuese. /abcnews.al

Donald-trump.jpg
nev ila12:56 | 14/11/2019

Ka nisur në Shtetet e Bashkuara të Amerikës seanca publike në kuadër të hetimeve për rrëzimin e presidentit Trump nga posti i tij. Kreu i Shtëpisë së Bardhë akuzohet për abuzim me pushtetin.

Shtetet e Bashkuara të Amerikës tashmë përballë ekranit të televizorit për nisjen në kongres të fazës publike të hetimeve që mund të shkaktojnë largimin e Donald Trump nga Shtëpia e Bardhë.

Presidenti amerikan akuzohet për abuzim me pushtetin dhe se i ka bërë presion Ukrainës që të hetojë për rivalët e tij politikë.

Dëshmitarët e parë që do të dëgjohen, në një transmetim të drejtpërdrejtë, para një numri shumë të madh kamerash, janë Uilliam Tejlor – ambassador amerikan në Kiev, dhe Xhorxh Kent, zv/sekretar në departamentin amerikan të shtetit i deleguar në Europë. Në seancën me dyer të mbyllura ata kanë treguan se Trump u përpoq të kushtëzonte ndihmat ushtarake për Kievin dhe vizitën e presidentit Zelenski në Shtëpinë e Bardhë me hetimet kundër Bajden dhe demokratëve.

Komisioni i inteligjencës në kongres, në kontrollin e demokratëve, refuzoi mocionin e republikanëve për të detyruar të dëshmojë në procedurën për rrëzimin e Trump, të burimit i cili shënoi nisjen e hetimev duke denoncuar telefonatëb e Trump me presidentin ukrainas. Mocioni u hodh në votim pas përfundimit të seancës së parë publike të procedurës.

Kreu i shtëpisë së bardhë reagoi ftohtë duke thënë se nuk kishte parë asnjë minutë të kësaj séance false dhe se presidenti Erdoan ishte më i rëndësishëm. Ai shtoi se do të bëjë publike dhe bisedën e parë telefonike me presidentin ukrainas.

Telefonata është kryer në 21 prill ditën e zgjedhjes së Zelenskit dhe tre muaj para telefonatës së famshme./abcnews.al

MBULIM-SHULLAZI.mpg_snapshot_00.32-1280x720.jpg
ent ela11:55 | 11/11/2019

Shtyhet seanca për Emiljano Shullazin dhe 4 të pandehurit e tjerë. Në e seancën e sotme u zhvilluan debate të ashpra midis të pandehurit Endrit Zela dhe gjyqtares Albana Boksi.

Zela i tha gjyqtares:Ti po i imponohesh këtij procesi dhe do me çdo kusht të zhvillosh gjykimin, kam kërkuar dorëheqjen tënde, ti nuk na garanton një proces të drejtë dhe ligjor”.

Endrit Zela u shpreh se nuk pranon avokat të caktuar kryesisht, por avokatin e zgjedhur prej tij Blerdar Shanja, i cili nuk është paraqitur në seancë për shkak të konfliktit të interesit që ka me gjyqtaren Boksi.

Gjithashtu avoktja e caktuar kryesisht në këtë seancë Eralda Brahimasi u shpreh se nuk merr përsipër mbrojtjen e të pandehurit, pasi është gjobitur më herët nga kjo gjykatë edhe pse kishte dorëzuar raport shëndetësor.

Trupa gjykuese e kryesuar nga Albana Boksi vendosi që kërkesa e avokates është jo ligjore dhe aspak profesionale dhe për këtë arsye do ta referojë si rast në Dhomën kombëtare të Avokatisë në Tiranë për sjellje joprofesionale. /abcnews.al

 

 

maxresdefault-1-1280x720.jpg
nev ila10:18 | 05/11/2019

Nis sot vetingu në Polici, i pari shefi i Sektorit të Ankesave në SHÇBA. Kush janë 47 drejtuesit e policive në listë?

Pas vonesave disamujore, sot starton procesi i vetingut në Policinë e Shtetit. I pari që do të përballet me Komisionin e Jashtëm të Vlerësimit është Oltion Shehu, shefi i Sektorit të Ankesave në Shërbimin për Çështjet e Brendshme dhe Ankesave.

Emri i tij është përzgjedhur përmes procedurës së shortimit mes 45 dosjeve të para të drejtuesve të lartë të Policisë, SHÇBA-së dhe Gardës së Republikës, emrat e të cilëve u publikuan më 8 korrik nga KJV.

Ministria e Brendshme njoftoi dje se Komisioni i Jashtëm i Vlerësimit do të zhvillojë këtë javë seancat e parë të procesit të vlerësimit kalimtar të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme.

Seanca e parë dëgjimore zhvillohet sot në orën 12:00, nga trupa e vlerësimit: Marjeta Gjelaj, Ela Kerka, Ana Kapaj dhe me subjekt rivlerësimi Oltian Shehun. Seancat e vetingut do të zhvillohen në të njëjtin vend, ku përballen me KPK-në prokurorët dhe gjyqtarët.

Nga ana tjetër, Komisioni i Jashtëm i Vlerësimit publikoi dje listën e dytë të drejtuesve të lartë, që do t’i nënshtrohen shortit për fazën tjetër të vetingut.

Në listën e publikuar dje nga Komisioni i Jashtëm i Vlerësimit janë renditur emrat e 47 drejtuesve të tjerë të Policisë, dosjet e të cilëve janë marrë tashmë në shqyrtim. Bëhet fjalë për të gjithë drejtuesit e drejtorive vendore të Policisë, me përjashtim të drejtorit të Policisë së Tiranës, Rebani Jaupajt, emrat e të cilëve janë në 45 dosjet e para që i përkasin shortimit të parë.

Gjithashtu, në këtë listë janë edhe zv.drejtuesit e policive vendore, ata të Krimeve dhe të Rendit, si dhe drejtuesit e drejtorive vendore të kufirit dhe migracionit. Po kështu, në listën e shortit të dytë janë edhe rektori i Akademisë së Sigurisë, Bilbil Memaj, dhe të gjithë drejtuesit e lartë në Akademi e në Kolegjin e Policisë.

Procesi i vetingut për drejtuesit e lartë të Policisë së Shtetit, duke filluar me Ardi Veliun, pritej që të niste në fund të muajit korrik, kur edhe u publikua lista me emrat e 45 drejtuesve të lartë të Policisë së Shtetit, SHÇBA-së dhe Gardës së Republikës, që u shortuan të parët.

Subjektet e vlerësimit janë në detyrat më të larta drejtuese në Policinë e Shtetit, Shërbimin për Çështjet e Brendshme dhe Ankesat dhe në Gardën e Republikës. Dosjet e vetëdeklarimit janë tërhequr në fund të muajit maj nga Komisioni i Jashtëm i Vlerësimit kur edhe nisi puna në fazën e parë, ajo e shqyrtimit të deklaratave, kërkimit të informacioneve dhe verifikimeve përkatëse.

Sipas parashikimeve ligjore, pas procesit të hetimit administrativ, do të mbahet për çdo subjekt seancë e hapur dëgjimore. Konkretisht, bëhet fjalë për 31 drejtues të lartë të Policisë së Shtetit, duke filluar me drejtorin e Përgjithshëm, Ardi Veliu, për 12 oficerë të lartë të SHÇBA-së, duke nisur nga drejtori i përgjithshëm, Muhamet Rrumbullaku, ndërsa dy të tjerë janë drejtuesit e Gardës së Republikës, komandanti Gramos Sako dhe zëvendësi i tij.

Emrat e drejtuesve për shortimin e dytë:

1. Alfred Çepe- drejtor i Policisë Durrës

2. Hasan Ahmetaj- drejtor i Policisë Berat

3. Perlat Vatoci- drejtor i Policisë Gjirokastër

4. Artion Duka- drejtor i Policisë Vlorë

5. Andon Marko- drejtor i Policisë Fier

6. Arjan Muça- drejtor i Policisë Elbasan

7. Lorenc Panganika-drejtor i Policisë Korçë

8. Ylli Doda-drejtor i Policisë Dibër

9. Zef Laska- drejtor i Policisë Kukës

10. Niko Brahimaj-drejtor i Policisë Shkodër

11. Ferdinand Mara-drejtor i Policisë Lezhë

12. Enkeleda Toska-drejtoreshë e Kufirit dhe Migracionit Tiranë

13. Ndue Doçi-drejtor i Kufirit dhe Migracionit Durrës

14. Idajet Hoxha- drejtor i Kufirit dhe Migracionit Gjirokastër

15. Luan Hysenj- drejtor i Kufirit dhe Migracionit Vlorë

16. Arben Joco- drejtor i Kufirit dhe Migracionit Korçë

17. Zija Sulaj- drejtor i Kufirit dhe Migracionit Kukës

18. Krenar Muço- drejtor i Kufirit dhe Migracionit Shkodër

19. Bilbil Memaj- rektori i Akademisë së Sigurisë

20. Gentjan Shehaj- drejtor i Drejtorisë së Planifikimit dhe Kontrollit në Akademinë e Sigurisë

21. Ilirjan Mandro-dekan në Fakultetin e Sigurisë dhe Hetimit në Akademinë e Sigurisë

22. Mehdi Çanga -drejtori/administratori në Drejtorinë e Shërbimeve të Brendshme në Akademinë e Sigurisë

23. Xhavit Shala -drejtor i Qendrës Kërkimore Shkencore në Akademinë e Sigurisë

24. Ylli Vasili-drejtor i Kolegjit Profesional të Lartë “Kolegji i Policisë” në Akademinë e Sigurisë

25. Dhimitraq Ziu- zëvendësdrejtor për Sigurinë Publike në Policinë e Tiranës

26. Arsen Sinamataj- zëvendësdrejtor për Hetimin e Krimit të Organizuar dhe Krimeve të Rënda në Policinë e Tiranës

27. Edvin Ndreu -zëvendësdrejtor për Hetimin e Krimeve në Policinë e Durrësit

28. Gani Zeneli -zëvendësdrejtor për Sigurinë dhe Policimin në Komunitet në Policinë e Durrësit

29. Fatmir Hoxha-zëvendësdrejtor për Hetimin e Krimeve në Policinë e Beratit

30. Arjan Feri -zëvendësdrejtor për Sigurinë dhe Policimin në Komunitet në Policinë e Beratit

31. Bajram Marra-zëvendësdrejtor për Hetimin e Krimeve në Policinë e Gjirokastrës

32. Koço Dafa-zëvendësdrejtor për Sigurinë dhe Policimin në Komunitet në Policinë e Gjirokastrës

33. Gentian Berberi-zëvendësdrejtor për Hetimin e Krimeve në Policinë e Vlorës

34. Artur Selimaj- zëvendësdrejtor për Sigurinë dhe Policimin në Komunitet në Policinë e Vlorës

35. Arjan Kurti-zëvendësdrejtor për Krimet në Policinë e Fierit

36. Luigj Vathi-zëvendësdrejtor për Sigurinë dhe Policimin në Komunitet në Policinë e Fierit

37. Ilirjan Balla-zëvendësdrejtor për Hetimin e Krimeve në Policinë e Elbasanit

38. Albert Nushi-zëvendësdrejtor për Sigurinë dhe Policimin në Komunitet në Policinë e Elbasanit

39. Alfred Nomani-zëvendësdrejtor për Hetimin e Krimeve në Policinë e Korçës

40. Hamdi Fjora -zëvendësdrejtor për Sigurinë dhe Policimin në Komunitet në Policinë e Korçës

41. Erzen Cera-zëvendësdrejtor për Hetimin e Krimeve në Policinë e Dibrës

42. Sadri Ramçaj- zëvendësdrejtor për Sigurinë dhe Policimin në Komunitet në Policinë e Dibrës

43. Shkelzen Rexhepi-zëvendësdrejtor për Hetimin e Krimeve në Policinë e Kukësit

44. Albert Pataj-zëvendësdrejtor për Sigurinë dhe Policimin në Komunitet në Policinë e Kukësit

45. Skender Hita – zëvendësdrejtor për Hetimin e Krimeve në Policinë e Shkodrës

46. Afrim Tafa – zëvendësdrejtor për Sigurinë dhe Policimin në Komunitet në Policinë e Shkodrës

47. Adriatik Tafçiu – zëvendësdrejtor për Hetimin e Krimeve në Policinë e Lezhës

zv.Drejtori i SHÇBA Adriatik Ago, i dyti para KJV ditën e premte.

I dyti që do të përballet me Komisionin e Jashtëm të Vlerësimit, siç është përcaktuar nga shorti, do të jetë zv.drejtori i përgjithshëm i Shërbimit për Çështjet e Brendshme dhe Ankesat. Seanca dëgjimore për subjektin e vlerësimit kalimtar, Adriatik Ago, zv.drejtor i përgjithshëm i SHÇBA-së, do të zhvillohet ditën e premte, në orën 12:00.

Trupa e vlerësimit përbëhet nga Ana Kapaj, Elvira Daberdaku, Elida Liko. “Njoftim për seancë dëgjimore për subjektin e vlerësimit kalimtar, Adriatik Ago. Subjekti Adriatik Ago, zv.drejtor i përgjithshëm, SHÇBA. Vendi: Pallati i Koncerteve (ish-Pallati i Kongreseve), Salla B, Kati 0.Data/Ora: E premte, datë 8 nëntor 2019, ora 12:00.

Trupa e Vlerësimit: Ana Kapaj, Elvira Daberdaku, Elida Liko.

Mediat mund të regjistrojnë pamje ose foto vetëm në momentet e para, ndërsa gazetarët mund të ndjekin seancën. “Mediave u lejohet të filmojnë shpalljen publike të vendimit”, njoftoi dje Komisioni i Jashtëm i Vlerësimit./abcnews.al

toyota-yaris.jpg
nev ila11:02 | 22/10/2019

Shtyhet seanca paraprake për dosjen “Toyota Yaris”, për shkak se nuk kanë marrë dijeni dy kushurinjtë Alfred dhe Elvis Vladi të shpallur në kërkim. Avokatët thanë në seancë se ata nuk gjenden në vendin tonë por janë jashtë Shqipërisë.

Të arrestuar për këtë çështje janë babë e bir Edi Lika dhe Klevi Cani, Alban Mollaymeri të akuzuar për pastrim parash në kuadër të grupit të strukturuar kriminal dhe Agim Çeka i akuzuar vetëm për armbajtje pa leje.

Për ketë dosje po kryhet një hetim edhe nga prokuroria Belge. Po për këtë çështje ka dëshmuar më herët edhe Lideri i opozitës jashtëparlamentare Lulzim Basha./abcnews.al

habilajt.jpg
ad min12:09 | 18/10/2019

Gjykata e Krimeve të Rënda ka pranuar kërkesën për gjykim të shkurtuar nga i pandehuri Armando Koçerri.

Më herët, togat e zeza të Krimeve të Rënda kanë vendosur të ndajnë çështjen e Koçerrit nga pjesa tjetër e grupit të Habilajve. Në seancën e radhës pritet që prokuroria të japë konkluzionet përfundimtare për Armando Koçerrin.

Në qoftë se ai shpallet fajtor nga Gjykata e Krimeve të Rënda automatikisht i ulet një e treta e dënimit. Ndryshe nga të gjithë anëtarët e grupit Habilaj, Armando Koçerri është i vetmi që po gjykohet në Shqipëri./abcnews.al

spiro-drushku-1280x709.jpg
nev ila12:01 | 09/10/2019

Pas vendimit të 17 qershorit ku qeveria vendosi që të kalojë Kopshtin Botanik në pronësi të Bashkisë Tiranës, e cila ishte në pronësi të shtetit, stafi pedagogjik dhe studentë të Universitetit të Tiranës kanë shkuar sot para Gjykatës Administrative ku protestojnë për rikthimin e statusit.

Ndonëse sot ishte përcaktuar që të mbahej seanca në Administrative, ku do të shqyrtohej padia e Universitetit të Tiranës ndaj vendimit, ajo është shtyrë për në datën 20 tetor. Kujtojmë se pas vendimit, reagoi rektori i UT-së Mynyr Koni, i cili theksoi se VKM-ja në fjalë ishte në shkelje të plotë, ndërsa paralajmëroi se do të vazhdonte beteja ligjore.

Dekani i Fakultetit të Shkencave të Natyrës Spiro Drushku deklaroi se beteja për të mos lejuar këtë padrejtësi do të vazhdojë dhe se nuk do  të ndalen. Më tej Drushku tha se nëse gjykata do të zgjasë seancat për Kopshtin Botanik do të shihnin zgjidhje të tjera.

Ndërkohë që seanca “Kopshti Botanik”, është shtyrë pasi pala e akuzuar nuk ka marrë pjesë dhe nuk ka dhënë asnjë arsye dhe kjo sipas Drushkut është arrogancë.

“Bashkia nuk ka punë me Kopshtin Botanik, presim seancën tjetër. Nuk do të ndalemi, Kopshti Botanik duhet t’i mbetet universitetit. Nëse gjykata do të zgjasë seancat për Kopshtin Botanik, ne do të shikojmë zgjidhje të tjera. Seanca e sotme u shty pasi pala e akuzuar nuk u paraqit dhe nuk paraqiti asnjë arsye. Ne kërkojmë të na informojnë arsyet pse kaloi Kopshti Botanik te bashkia dhe pastaj mund të diskutojmë”, tha dekani Drushku./abcnews.al

balili-pretenca.mp4_snapshot_00.09-1280x720.jpg
ad min12:52 | 24/09/2019

Gjykata e Apelit për Krimet e Rënda ka shtyrë me dy javë seancën për Klemend Balili. Shkak, kësaj here, është bërë kërkesa e avokatit Sokol Hazizajt. Seanca në Gjykatën e Apelit për Krimet e Rënda për Klemend Balilin është shtyrë disa herë.

Balili u dënua nga Gjykata e Shkallës së Parë për Krime të Rënda me 12 vjet burg. Në Gjykatën e Apelit për Krime të Rënda, ai kundërshton dënimin që ka marrë nga Gjykata e Shkallës së Parë për Krime të Rënda./abcnews.al

saimir-tahiri123.jpg
ad min22:10 | 19/09/2019

3.4 vjet burg është dënimi i vendosur nga Gjykata e Krimeve të Rënda për ish-ministrin e Brendshëm Saimir Tahiri. Trupi gjykues ka vendosur dënimin e Tahirit me 5 vjet burg, por për shkak të gjykimit të shkurtuar, dënimi i është ulur automatikisht në 3.4 vite, dënim i cili konvertohet në shërbim prove.

Në dalje, ish-ministri Saimir Tahiri tha se vendimi i gjykatës është qesharak pasi u shpall fajtor për shpërdorim detyre vetëm sepse kushërinjtë kanë përdorur emrin e tij.

Ndër të tjera, ish-ministri u shpreh se “do ishte shumë më fisnike, të më dënoni për trafik dhe i binin shkurt”. Ai paralajmëroi apelimin si edhe një konferencë për mediat ditën e nesërme.

“Më sa kuptova gjykata më tha që nuk jam kriminel, trafikant, nuk jam pjesë e një grupi të strukturuar kriminal megjithëse ca kushërinj të mi kanë përdorur emrin tim atëherë kam shpërdoruar detyrën. Nuk qesh dot e as qaj dot, por nesër po ju ftoj të ndajmë bashkë ca mendime, por m’u duk një gjë je i pafajshëm, por s’ke këllqe ta themi.

“Gjykata më tha që nuk jam kriminel, nuk jam trafikant, nuk jam pjesë e një grupi të strukturuar kriminal, por meqenëse disa kushërinj të mi kanë përdorur emrin tim, kam shpërdoruar detyrën. Më lini ta përtyp pakSepse as qesh dot, as qaj dot, por nesër po ju ftoj që të ndajmë bashkë disa mendime. Po ku di unë, mu duk një gjë tipit, je i pafajshëm, por s’kemi këllqe të ta themi. Prisni deri nesër, unë nesër do të komunikoj me mediat”.

“Dy vjet jam hetuar si pjesë e një grupi kriminal që kam bërë trafik droge, sot gjykata thotë jo nuk e ke bërë këtë, nuk je as pjesë e grupit kriminal, nuk je as trafikant, nuk ke ndihmuar në trafik droge, nuk ke bërë trafik droge. Po me aq sa dëgjova dhe arrita të kuptoj, meqë kushërinjtë paskan përdorur emrin tim, unë kam shpërdoruar detyrën. Çfarë t’ju them, Zoti ju ruajt dhe juve, mos iu përdortë njeri emrin se e hëngrët.

Mua më duhet kohë ta kuptoj këtë që ndodhi. Mbeta pa fjalë si gjykata më quajti përgjegjës për shpërdorim detyre pse ca kushërinj të mi përdorën emrin tim.

Të presim, edhe unë jam kureshtar ta rilexoj atë që dëgjova. Gjykata tha që nuk je kriminel, trafikant, nuk paskam bërë trafik drogë, por meqë ca kushërinj kanë përdorur emrin tënd ke shpërdoruar detyrën. Duhet të gjej rrugën që të lexoj një vendim të tillë për mua qesharak. Do ishte shumë më fisnike, të më dënoni për trafik dhe i binin shkurt. Kështu është edhe qesharake. Sigurisht që do e apeloj. Kjo s’do as diskutim.

Për dy vjet keni ndjekur procesin e shekullit dhe u katandis kokoshi një thellë thotë populli. Unë Zotit i lutem për familjen time dhe shëndetin tim, nuk i lutem për gjërat që i kam në dorë vetë”, tha Tahiri.

Gjykata ka rrëzuar akuzën e trafikut të drogës dhe grupit të strukturuar kriminal, duke e dënuar vetëm për shpërdorim detyre. Sipas argumentimit të gjykatës, Saimir Tahiri nuk ka punuar sa duhet për të parandaluar trafikimin e drogës, edhe pse Shqipëria konsiderohet si një vend prodhimi dhe vend tranzit për trafikun e lëndëve narkotike.

Vendimi për 3.4 vjet burg është dhënë pas 5 orësh seancë gjyqësore plot debate dhe pas 8 orësh të tjera tërheqjeje për vendim. Gjithashtu, gjykata ka vendosur t’i ndalojë Tahirit të drejtën për funksione publike në një periudhë 3-vjeçare.

Me këtë vendim, gjykata i rrëzoi akuzat që lidhen me trafikun e drogës. Në seancën e sotme, në sallën e gjyqit gjatë gjithë kohës qëndruan edhe dy përfaqësues të ambasadës amerikane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono