seanca gjyqesore

komisioni-i-ligjeve.jpg
ad min15:36 | 19/06/2019

Komisioni i ligjeve vijoi procedurat e shkarkimit të presidentit, duke caktuar të hënën si dita kur Ilir Meta mund të japë shpjegimet e tij. Taulant Balla argumentoi se pse Meta kishte shkelur rëndë Kushtetutën, kurse opozita e re parlamentare kërkoi që  shkarkimi të shtyhej për pas zgjedhjeve.

Të hënën, Ilir Meta është i ftuar në Komisionin e Ligjeve të japë shpjegimet e tij kundërshtuese ndaj pretendimeve të socialistëve se ka shkelur rëndë Kushtetutën kur anuloi 30 Qershorin.

“Në rast se Presidenti kërkon që të dëgjohet në Komisionin e Ligjeve, komisioni i krijon mundësinë presidentit të vijë të shprehet pranë këtij komisioni, por gjithsesi kjo është çështje që i përket mbledhjes së radhës”, tha Manja.

Komisioni i Ligjeve miratoi kalendarin për këtë çështje, duke parashikuar që të enjten tjetër të ngrihet nga Kuvendi Komisioni hetimor parlamentar për këtë çështje.

“Do të hartojë një raport për seancën plenare në përfundim të të cilit do t’i kërkojë seancës plenare, ngritjen e një komisioni hetimor parlamentar për të vërtetuar nëse në veprimtarinë e Presidentit të Republikës është shkelur neni 92 i Kushtetutës”, tha Manja.

Në emër të mazhorancës, kreu i grupit socialist Taualnt Balla prezantoi në komision shkeljet e Metës.  Në emër të opozitës së re, ish-këshilltari i Ilir Metës kërkoi shtyrjen e këtyre procedurave.

“Në kontekstin aktual që po kalon shqipëria më duket e nxituar propozimi i një kalendari kaq të shpejtë. Sugjeroj që afatet kohore për shqyrtimin e kërkesës në seancë plenare, për shkak edhe të krizës aktuale që po kalon Shqipëria në interes edhe të axhendës evropiane të Shqipërisë të shtyhet pas zgjedhjeve të 30 Qershorit”, tha Ralf Gjoni.

Kjo kërkesë u refuzua me argumentin se rregullorja e jep vetëm 15 ditë afat Komisionit të Ligjeve për të kërkuar ngritjen e Komisionit Hetimor./ABC News Albania 24/7

zykaj.jpg
ad min15:05 | 16/04/2019

Gjykata e Vlorës shtyu gjyqin ndaj Ritvan Zykajt, i cili akuzohet për masakrën e Selenicës me tetë të vrarë. Siç është paralajmëruar, në sallë u paraqit vetëm një dëshmitar, i cili kërkoi të mos e thërrisnin më. Dëshmitarë të tjerë janë larguar jashtë vendit.

Shërbimi në qelitë e izolimit të Policisë së Vlorës ishte kujdesur që Ritvani i tetë të vrarëve, të kishte pamje normale. Flokë të qethura dhe modeluara, me bluzë të re me motive, Zykaj u shfaq me tjetër portret nga ai i ditës, kur bëri masakrën në Selenicë.

Brenda kafazit në sallën e gjykatës, ai foli për herë të parë. Ishte momenti kur avokati i shtetit Migjen Xhavara hoqi dore nga dosja. Por ai u zëvendësua nga avokati Klajdi Meçe. Seanca ndaj Ritvan Zykajt gjithsesi u shtye. Por për shkak se dëshmitarët munguan. Neë sallë ishte vetëm fqinji i tij i tokave, i cili kërkoi të mos e thërrisnin më në gjykatë.

Siç ishte paralajmëruar, ata që kanë parë masakrën nuk u shkuan në gjykatë. Disa nga ata janë larguar nga Shqipëria vetëm pak ditë pas masakrës.  Trupi gjykues, Ervin Trashi, Skender Haluci dhe Laurent Fuçia në dakordësi me prokurorin e çështjes Saimir Smaka vendosi që seanca tjetër do të zhvillohet në 7 Maj./abcnews.al

balili-1280x713.jpg
ad min11:40 | 25/02/2019

Gjykata e Krimeve të Rënda pranoi kërkesën e Klement Balilit për gjykim të shkurtuar. Vendimi u mor gjatë seancës së parë në ngarkim të të ashtuquajturit “Eskobari i Ballkanit”. Ndërkohë gjykata pranoi dhe kërkesën e prokurorisë, e cila tha se i duheshin dy javë kohë, deri më 12 Mars, për të paraqitur konkluzionet përfundimtare për Klement Balilin.

Kërkesa e Klement Balilit për gjykim të shkurtuar, i ashtuquajturi nga media greke si “Eskobar i Balkanit”, u pranua të hënën nga Gjykata për Krime të Rënda. Automatikisht Balili përfiton ulje me 1/3 e dënimit që do të jepen ndaj tij, i akuzuar për katër vepra penale si; “trafik të narkotikëve”, “krijim i grupit të strukturuar kriminal”, “mosdeklarim i pasurisë” dhe “pastrim parash”. Ndërkohë Prokuroria e Krimeve të Rënda e përfaqësuar nga Ened Nakuçi pritet të japë pretencën në seancën e datës 12 Mars.

Klement Balili u dorëzua tek autoritetet policore shqiptare, më datë 15 Janar të këtij viti. Ai ishte në kërkim ndërkombëtar prej 2 vitesh e gjysmë, ku më herët ndaj tij ishte caktuar masa e sigurisë së “arrest në burg”. Prokuroria e Krimeve të Rënda kishte filluar hetimet për Balilin më 4 Mars të 2016-s, ku pjesa më e madhe përgjimeve u dërguan me letërporositë e ardhura nga Greqia. Organi i akuzës po administron një sërë provash të grupit kriminal në të cilin bën pjesë edhe Klement Balili. “Eskobari i Ballkanit”, kishte rolin kyç në trafikun e narkotikëve, theksoi prokuroria, i cili ka qenë një nga financuesit kryesore të gurpit kriminal shqiptar.

Nga përgjimet telefonike, hetuesit kanë arritur në përfundimin se një person, që sipas tyre është Klement Balili, komunikonte me dy skafistët, duke iu treguar se në ishullin Zakinthos i priste Jorgos Alifantis.

Autoritet greke sekuestruan një sasi prej 700 kilogramësh kanabis sativa të nisur nga Saranda, teksa nga përgjimet doli se Balili ishte poseduesi drogës. Sipas përgjimeve, dyshohet se Klement Balili mbante kontakte me dy skafistë dhe pritësin e sasisë së lëndës narkotike në vendin fqinj dhë për këtë janë administruar si prova edhe bisedat telefonike, pamjet filmike dhe takimit ndërmjet anëtarëve të grupit, shqiptarë me ato grekë./abcnews.al

klemnt.jpg
ad min14:45 | 18/01/2019

Pas seancës së të enjtes, përballja e dytë e Klement Balilit me Gjykatën për Krimet e Rënda do të jetë në 25 Janar. Gjyqtarja Miliana Muça ka planifikuar në orën 12:00 të kësaj date zhvillimin e seancës paraprake për të etiketuarin si “Eksobar i Ballkanit”.

Sipas ligjit, në këtë seancë, gjyqtarja paraprake i bën një verifikim përfundimtar hetimit të kryera nga ana e Prokurorisë, sa i përket zbatimit të procedurave ligjore gjatë hetimit. Në rast se çmon se hetimi paraprak nuk është i plotë, gjykata urdhëron plotësimin e tij, ndërsa kur nuk konstaton asnjë problem vendos dërgimin e dosjes në gjyq.

Në seancën paraprake, palët bëjnë edhe kërkesa që i përkasin llojit të gjykimit, me kohë të zakonshme, apo të shkurtuar.

Klemend Balili u vetëdorëzua të martën pas më shumë se dy vitesh arrati. Ai akuzohet për katër vepra penale mes të cilave “trafik i narkotikëve” dhe “pjesëmarrje në grup të strukturuar kriminal”. Të enjten, Krimet e Rënda lanë të pandryshuar masën e sigurisë “arrest në burg” dhënë në mungesë për të./abcneews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono