sarande

termettaa.jpg
ger ta08:39 | 21/11/2019

Një tërmet me magnitudë 3.1 ballë është regjistruar në jug të vendit.

Sipas IGJEUM tërmeti ishte me epiqendër në fshatin Aliko, 6 km në Jug-Lindje të Sarandës, ndërsa  është ndjerë edhe në Delvinë, Finiq dhe Konispol.

Lëkundja është regjistruar në orën 03:07. Sakaq, deri tani nuk raportohet për dëme.

Kujtojmë se pak ditë më parë një tërmet me magnitudë 3.7 lëkundi Tiranën, duke shkaktuar edhe njëherë panik tek qytetarët.

Muajt e fundit vendit duket se nuk po gjen qetësi naga tërmetet. Lëkundje të forta janë regjistruar në Korçë, ndërsa tërmeti më i fuqishëm i dekadave të fundit goditi Tiranën dhe Durrësin më 21 shtator, duke shkaktuar dëme të shumta në banesa por edhe të lënduar në njerëz./abcnews.al

makina-ne-dyqan-.jpg
nev ila09:30 | 18/11/2019

Një aksident ka ndodhur mëngjesin e sotëm në Sarandë, ku një automjet ka humbur kontrollin dhe është futur brenda një dyqani rrobash. Aksidenti ka ndodhur pranë shkollës 9 Tetori në Sarandë, ku automjet ka përfunduar brenda mjedisit të Butikut.

Fatmirësisht nga aksidenti nuk ka të lënduar, por vetëm dëme materiale.

Si pasojë e humbjes së kontrollit shoferi ka devijuar nga rruga edhe është përplasur me xhamin e butikut, duke shkaktuar thyerjen e tij. Policia e mbërritur në vendin e ngjarjes ka nisur hetimet./abcnews.al

BASHA-SARANDE-1280x720.jpg
ent ela18:24 | 14/11/2019

Kryetari i Partisë Demokratike premtoi një klimë të re biznesi gjatë qeverisjes së demokratëve për të gjithë operatorët turistikë. Në një bashkëbisedim me përfaqësues të biznesit në Sarandë, Basha premtoi heqjen e trarëve të korrupsionit dhe mbështetje për arsimin profesional në funksion të rritjes së punonjësve të kualifikuar.

Operatorëve turistikë të Sarandës, Lulzim Basha premtoi se në qeverisje do t’i ndihmojë me vepra. Në vijim të turit të tij rrugëtim për Shqipërinë, Basha foli për një ndihmë të fortë ndaj biznesit.

Dhe lehtësinë për biznesin e sheh nga universiteti i Sarandës që sipas tij duhet mbështetur për të pasur punonjës të kualifikuar.

Një paralajmërim Basha e kishte edhe për deputetin socialist Hyseni dhe ish-ministrin Gjiknuri për pronat në bregdet.

Prej dy javësh kryedemokrati Basha është duke zhvilluar takime intensive me të rinjtë dhe përfaqsues të biznesit duke prezantuar edhe platformën e tij qeverisëse. /abcnews.al

 

 

te-1.jpg
in a11:41 | 14/11/2019

Kryetari i Partisë Demokratike Lulzim Basha gjatë takimi me qytetarët e sarandës u shpreh se mazhorancës nuk i intereson që Reforma në Drejtësi të ecë përpara, por i intereson ta kapë atë.

“Këta nuk duan Gjykatë Kushtetuese, o ta bllokojnë o ta kapin. Kjo është alternativa e Edi Ramës për Gjykatën Kushtetuese, sepse një Gjykatë Kushtetuese që nuk falet natën në Surrel, një gjykatë Kushtetuese që bëhet tenderim me përcaktim nga Ardian Dvorani do të vendosë në mënyrë të pavarur dhe do tregojë atë që ka treguar se 30 qershori është një proces fals”, deklaroi Basha.

“Të gjitha i kanë kapur, por duan ti çimentojnë këta. Kjo që po ndodh me Gjykatën Kushtetuese është një grusht i pastër Kushtetues, i cili ka për qëllim të ndaloje qytetarët që të kenë Gjykatën Kushtetuese që  presin prej 3 vitesh, do kemi një kukull të regjimit. Këta nuk duan reformë në drejtësi, këta nuk duan SPAK, sepse SPAK i pavarur nga politika me prokurorë të pavarur, që nuk falen natën në Surrel, është kërcënimi më i madh për aferat korruptive të kësaj qeverie”, tha Basha./abcnews.al

bregdeti-sarande-1280x708.jpg
nev ila12:16 | 07/11/2019

Mbeturina të shumta, leshterikë deri edhe trungje pemësh janë sjellë nga moti i keq në bregdetin e Sarandës.

Mbetjet mësohet se kanë ardhur kryesisht nga lumi i Bistricës në derdhjen e tij në det ndërsa nga dallgët e mëdha kanë përfunduar në afërsi të plazheve.

Situata problematike është krijuar pas reshjeve me intensitet të orëve të fundit. Ende në qytet nuk ka nisur një aksion për largimin e mbetjeve të shumta në plazhet e qytetit të Sarandës./abcnews.al

5db453450a7aakeivin.jpg
ad min12:58 | 26/10/2019

Është ekstraduar nga Italia 28 vjeçari nga Kurbini Keivi Hysa, i cili akuzohet për vrasjen e një biznesmeni në Sarandë, më 10 Korrik të 2015-ës.

I riu u arrestua një vit më parë në Itali, ku fshihej me një pasaportë me identitet të ndryshuar, ndërsa krimi 4 vite më parë ndodhi për motive të dobëta, pas një sherri në lokal.

Keivi Hysa ishte shpallur në kërkim ndërkombëtar për një vrasje të ndodhur 4 vite më parë në Sarandë.

Hysa u arrestua një vit më parë në Itali, ndërsa fshihet në shtetin fqinj me një tjetër identitet. Në vitin 2015, Gjykata e Sarandës ka caktuar për të masën e arrestit me burg në mungesë, duke e akuzuar për veprën penale “Vrasje me paramendim e kryer në bashkëpunim”.

Në Korrik të 2015-ës, Hysa së bashku me disa miq të tij kishte shkuar në qytetin e Sarandës për pushime, por në një lokal u përfshi në sherr me Edmond Mehmetin, i njohur edhe me emrin Edmond Theodhor. Por, një ditë pas sherrit, ky i fundit mbeti vrarë brenda makinës së tij.

Për këtë ngjarje është prangosur edhe xhaxhai i të riut, 48-vjeçari Gani Hysa pasi akuzohet se ka kryer vrasjen në bashkëpunim me nipin e tij.

Arrestimi i Hysës është bërë një vit më parë falë bashkëpunimit të Interpolit të Tiranës dhe Interpolit të Romës. /abcnews.al

 

rodon-1280x720.jpg
Autor E14:18 | 21/10/2019

Pas koncesioneve në radhë të rrugëve, duket se portet janë pjesa tjetër ku qeveria është aktivizuar.

Këtë të hënë në buletinin e Agjencisë së Prokurimit Publik u njoftua shpallja e fituesve për koncesionet e dy porteve ku i pari është porti i Limionit në Sarandë dhe i dyti një port jahtesh që do të zhvillohet në zonën e Kepit të Rodonit.

Porti i parë është një port ekzistues që më herët është dhënë me koncesion por për shkak të ankimimeve që u ngritën dhe pretendimeve të palëve të treta koncesioni u anulua për t’u hapur rrugë procedurës së dytë tashmë të finalizuar.

Porti i Limionit në Sarande

Porti i Limionit në Sarandë ka tashmë një fitues dhe është bashkimi i përkohshëm i shoqërive Kastrati dhe Edil Al të cilët do të kenë të drejtën e shfrytëzimit të tij për 35 vite. Një vit më parë qeveria kaloi këtë port me qira me të drejtë 20 vjet tek kompania Concord Investment , një procedurë që u kundërshtua fort nga operatorët e tregut të karburanteve ndaj të cilëve nisi të aplikohej një tarifë për të aksesuar portin ku bëhet furnizimi me karburante i jahteve. Kompanitë që janë shpallur fituese për koncesionin e ri kanë nënvizuar se do të investojnë në këtë port turistik dhe shërbimi 1.3 miliardë lekë apo 10.5 milionë euro.

Porti i jahteve në Rodon

Listës së porteve të mëparshme të jahteve të dhëna me koncesion do ti shtohet së fundmi edhe ai i Rodonit. Në procedurën projektim, financim, ndërtim, vënien në operim, administrim dhe mirëmbajtjen e portit të jahteve “Marina Rodon” me vendndodhje në vijën bregdetare jugore të Gjirit të Drinit, rreth 7 km larg Kepit të Rodonit.

Kohëzgjatja e kontratës së koncesionit/PPP: 35 vjet është shpallur fitues bashkimi i operatorëve “Praslin Investment” sh.p.k. dhe “R&T” sh.p.k. këto dy operatorë janë angazhuar sipas dokumenteve që të investojnë 883 milionë lekë për këtë port. Aktualisht janë aktive disa koncesione për porte Jahtesh ku një prej tyre në Shëngjin, një në kalanë e Turrës në zonën e Kavajës dhe një tjetër në zonën e Durrësit por asnjë prej tyre nuk është përfunduar. /monitor

policia-4-933x445.jpg
ent ela10:39 | 29/09/2019

Një 36-vjeçar ka rënë në prangat e Policisë së Sarandës pasi është kapur me kokainë. Mësohet se është arrestuar shtetasi me inicialet Sh. K., lindur në Dibër dhe banues në Tiranë.

36-vjeçari me iniciale Sh. K., lindur në Dibër dhe banues në Tiranë u arrestua në vendin e quajtur “Rrethrrotulli”, teksa vinte me mjetin e tij nga Tirana për në Sarandë.

Për t’i shpëtuar kontrollit policor, ai e kishte fshehur drogën në trup.

Pas kontrollit të Policisë  iu gjetën në trupin e tij 50.64  gr kokainë. /abcnews/al

veliera-hollandeze-1280x720.jpg
nev ila11:00 | 31/08/2019

 

Një velierë me emrin AIOLOS me flamur hollandez  pësoi avari kur ndodhej në gadishullin e Karaburunit duke dhënë sinjalin SOS.

Me marrjen e sinjalit rojet bregdetare dhe policia kufitare i dhanë ndihmën e parë.

Veliera me anë të rimorkimit nga rojet bregdetare mbërriti në portin e Sazanit për riparimin e defektit .

Më pas anija me dy persona në bord u largua për në destinacionin e radhës./ABC News Albania 24/7

aksidenti-sarande-1280x716.jpg
nev ila09:30 | 30/08/2019

 

Pesë persona kanë mbetur të plagosur në një aksident rrugor në Sarandë. Ngjarja ka ndodhur mëngjesin e sotëm në vendin e quajtur “Ura e Gajdarit”.

Mësohet se dy mjete janë përplasur me njëra-tjetrën. Për pasojë kanë mbetur të lënduar 2 drejtuesit e makinave dhe 3 pasagjerë.

Të plagosurit po marrin ndihmën mjekësore në Spitalin e Sarandës dhe nuk paraqesin rrezik për jetën.

Ndërkohë, policia po punon për sqarimin e rrethanave të aksidentit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono