sarande

veliera-hollandeze-1280x720.jpg
nev ila11:00 | 31/08/2019

 

Një velierë me emrin AIOLOS me flamur hollandez  pësoi avari kur ndodhej në gadishullin e Karaburunit duke dhënë sinjalin SOS.

Me marrjen e sinjalit rojet bregdetare dhe policia kufitare i dhanë ndihmën e parë.

Veliera me anë të rimorkimit nga rojet bregdetare mbërriti në portin e Sazanit për riparimin e defektit .

Më pas anija me dy persona në bord u largua për në destinacionin e radhës./ABC News Albania 24/7

aksidenti-sarande-1280x716.jpg
nev ila09:30 | 30/08/2019

 

Pesë persona kanë mbetur të plagosur në një aksident rrugor në Sarandë. Ngjarja ka ndodhur mëngjesin e sotëm në vendin e quajtur “Ura e Gajdarit”.

Mësohet se dy mjete janë përplasur me njëra-tjetrën. Për pasojë kanë mbetur të lënduar 2 drejtuesit e makinave dhe 3 pasagjerë.

Të plagosurit po marrin ndihmën mjekësore në Spitalin e Sarandës dhe nuk paraqesin rrezik për jetën.

Ndërkohë, policia po punon për sqarimin e rrethanave të aksidentit./ABC News Albania 24/7

policia-tirane_1_3_14_03.jpg
nev ila15:58 | 25/08/2019

Gjatë një aksioni të zhvilluar gjatë 24 orëve të fundit Drejtoria e Policisë së Qarkut Vlorë  në pranga ka vënë 7 persona të dyshuar për kryerjen e disa veprave penale. Uniformat blu në Sarandë kanë arrestuar në flagrancë dy shtetas rusë pasi ditën e djeshme kanë transportuar me jahtin e tyre në det (jashtë pikës doganore Sarandë) në vendin e quajtur “Berdenesh”, 1477 litra naftë, me qëllim që t’iu shmangeshin detyrimeve ligjore doganore.

Ata akuzohen  për “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në bashkëpunim. Gjithashtu policia e Himarës ka arrestuar në flagrancë 3 persona të cilët në bashkëpunim me njëri-tjetrin, kanë vjedhur në lokalin e shtetases V.C në Dhërmi, një sasi parash prej 50.000 lekë të rinj.

Ata akuzohen për “Vjedhje në bashkëpunim”. Gjithashtu në pranga për vjedhje ka përfunduar edhe një 39-vjeçar nga Tirana pasi dyshohet se në një supermarket në lagjen nr. 4 Sarandë, ka vjedhur një kompresor ajri me vlerë 20.000 lekë të rinj.

Në vijim të aksioneve të ndërmarra nga Policia e Sarandës në pranga ka rënë edhe një 18-vjeçar, pasi dyshohet se së bashku me shokun e tij kanë kanosur me thikë shtetasin D. P., për motive të dobëta, duke i marrë këtij të fundit 2500 lekë të rinj. 18-vjeçari akuzohet për “Vjedhje me dhunë”, “Prodhim dhe shitje të narkotikëve” dhe “Prodhimi, mbajtja, blerja apo shitja pa leje e armëve të ftohta”./abcnews.al

KLOSI-BEN-RAFTING-ABC-M5-T1.mpg_snapshot_00.02-1280x720.jpg
ent ela13:15 | 24/08/2019

Një destinacion i ri për turizëm të aventurës. Tashmë ata që do të vizitojnë Sarandën do të kenë mundësinë e një guide me kajak përgjatë lumit Bistrica.

Pushuesit  që zgjedhin Sarandën do të kenë një mundësi më shumë për turizëm.

Në kanalin e Cukës Federata Shqiptare e Rafting ka krijuar infrastrukturën dhe mjetet e nevojshme për të zhvilluar rafting.

Pas guidës së parë me kajak përgjatë lumit Bistrica ministri i i Turizmit dhe Mjedisit Blendi Klosi apeloi për më tepër oferta turstike ditore.

“Është shumë e rëndësishme që qendra të vërteta të zhvillimit të turizmit në Shqipëri e të qytetit të Sarandës të ketë shumë më tepër oferta ditore si kjo e kanalit të Çukës apo e gjithë zonës për t’u bërë me djemtë e rafting dhe të kemi mundësinë që po ashtu të zhvillojmë edhe oferta të tjera në Sarandë që kanë të bëjnë me bukuritë natyrore, me vizitat e parqeve arkeologjike dhe bukuritë e tjera shqiptare”.

Çdo përpjekje për të krijuar mundësi të reja në turizëm theksoi ministri Klosi është një arsye më shumë për ta kthyer Shqipërinë një destinacion turistik përgjatë të gjithë vitit. /ABC News Albania 24/7

SARANDA-JAHTI-LUKSOZ-MBULIm_ABC-M2-T1.mpg_snapshot_00.05-1280x720.jpg
ent ela15:44 | 23/08/2019

Babai i Emirit te Katarit, Sheikh Hamad Bin Khalifa Al Thani ka bërë një vizitë në qytetin bregdetar të Sarandës, me Yacht Katara. Ai ka mbërritur  me një Jaht Luksoz por për arsye sigurie nuk jepet asnjë detaj sa do të qëndrojë dhe cilat pika do vizitojë. Në jahtin e tij është edhe një helikopter.  Jahti luksoz KATARA, 124 metra i gjatë është një nga jahtet më të mëdha luksoze private në botë dhe është në pronësi të ish-Emirit të Katarit Hamad bin Khalifa Al Thani. /ABC News Albania 24/7

turizmi.jpg
G. P.15:21 | 21/08/2019

Këtë Gusht, Shqipëria ka pritur 16% më shumë turistë se Gushtin e vitit të shkuar. Ministri i Turizmit dhe Mjedisit Blendi Klosi e bëri të ditur, ndërsa foli për një rekord të ri në turizëm në vendin tonë.

Muaji Gusht shënoi rekordin e ri në turizëm, 1 milion turistë të huaj kanë hyrë në Shqipëri, në vetëm 1 muaj. Ministri i Turizmit dhe Mjedisit Blendi Klosi e bëri të ditur nga porti i Sarandës ku priti familjen austriake Forster që shënoi dhe turistin e 1 miliontë.

“Familja Forster u përcaktua si turisti i 1 miliontë në vendin tonë për muajin gusht. Rastisi që turisti i 1 miliontë për këtë muaj të hyjë në Sarandë dhe ne së bashku me kryetarin e bashkisë, drejtoreshën e portit e mirëpritëm me të rinjtë e Smile duke dëshmuar një moment simbolik në këtë ofertë të re turistike që ka Saranda dhe i gjithë bregdeti shqiptar për vitin 2019. Siç e thashë është turisti i 1 miliontë, pra kanë hyrë 1 milionë turistë të huaj vetëm brenda muajit gusht deri në ditën e sotme duke shkuar në rritje me 16% krahasuar me të njëjtën periudhë të gushtit të vitit të kaluar”.

Të surprizuar nga kjo ngjarje turistet vlerësuan mikpritjen shqiptare.

“Është hera e parë që vij në Shqipëri. Miqtë na treguan se Shqipëria është një vend i mrekullueshëm, që duhet ta vizitoni patjetër tani! Na thanë që është një vend i bukur turistik, i qetë, me njerëz të mirë gjithashtu! Ne do të qëndrojmë këtu për 1 javë, me shpresën që do ta shijojmë qëndrimin këtu”.

Për ministrin Klosi kjo është një ngjarje, që flet për sezon të suksesshëm turistik, por që sipas tij, me rritjen e numrit të turistëve, rritet edhe përgjegjësia për të punuar për më shumë standarde./ABC News Albania 24/7

blendi-klosii.jpg
G. P.14:19 | 20/08/2019

Ministria e Turizmit dhe Mjedisit dhe të rinjtë e projektit “Smile Albania” kanë nisur një aksion pastrimi në kanalin e Çukës në Sarandë. I pranishëm ishte dhe ministri Blendi Klosi.

Nga Saranda, një destinacion që sipas ministrit të Turizmit dhe Mjedisit pret mbi 150 mijë turistë çdo ditë, Blendi Klosi i bën thirrje qytetarëve dhe bizneseve të mbajnë pastër mjedisin.

Ministria e Turizmit dhe Mjedisit dhe të rinjtë e projektit “Smile Albania” kanë nisur një aksion pastrimi në kanalin e Çukës.

Jemi në kulmin e sezonit turistik dhe për Sarandën, Butrinti shënon një nga destinacionet më të rëndësishme turistike, prandaj të rinjtë e “Smile-t” në këtë aksion pastrimi kanë marrë gjithë situatën nga Butrinti deri në Sarandë për të bërë një pastrim të thellë dhe për të pasur mundësinë që t’’i vijmë në ndihmë bashkisë së Sarandës që së bashku me punonjësit e bashkisë të kemi një Sarandë më të astar. Kjo nuk mund të zgjidhet vetëm me aksione pastrimi nga të rinjtë apo shoqëria civile, por duhet shumë më shumë të ndërgjegjësohen qytetarët, bizneset dhe ata njerëz që kanë mundësi ta mbajnë Shqipërinë më të pastër”, tha Klosi.

Ministri i Turizmit dhe Mjedisit vlerësoi kryetarin e bashkisë, i cili tha Klosi që në nisje të punës ka organizuar një aksion të gjerë pastrimi në të gjithë territorin e Sarandës./ABC News Albania 24/7

tursitet-1280x720.jpg
G. P.16:02 | 15/08/2019

Pesë turistë spanjolle u përballën me agresivitetin e një pronari në Borsh të Sarandës. Incidenti ndodhi pasi turistët janë ankuar për shërbimin në lokal dhe u larguan me makinën e tyre.

Në këtë moment pronari i lokalit i ka ndjekur nga pas duke i fyer. Gjithashtu thuhet se ai ka qëlluar edhe me gurë, por policia ende nuk e konfirmon një fakt të tillë./ABC News Albania 24/7

zjarre-ne-vend-1280x695.jpg
nev ila15:30 | 14/08/2019

 Disa vatra zjarri janë ndezur në disa rrethe të vendit. Shkaku kryesor kanë qenë temperaturat e larta dhe pakujdesia e banorëve. Në Ersekë, Borsh dhe në Kukës vatrat vazhdojnë të jenë aktive.

Temperaturat e larta nuk mund të kalojnë pa flakët. Vatra të forta zjarri këto ditë janë ndezur në pyje e kullota.

Në Kukës një masiv pylli u përfshi nga flakët mbrëmjen e së martës duke djegur rreth 6 mijë metra katrore. Vatra e zjarrit u shfaq  në Orçikel të njësisë administrative Zapod. Banorët e zonës u angazhuan. Më pas kanë mbërritur edhe punonjës të shërbimit zjarrfikës si dhe ato të Zonave të Mbrojtura.

Pas shumë orësh përpjekje zjarri u vu nën kontroll ndërsa policia lokale e Kukësit ka nisur hetimet për shkaqet.

Paraprakisht mendohet nga një pakujdesi njerëzore e ndihmuar edhe nga temperaturat e larta.

Një zjarr masiv ra edhe në fshatin Boshanj të Ersekës.  Më shumë se 15 hektarë me dushqe dhe pisha janë djegur.

Bëhet e ditur se janë shtatë vatra zjarri dhe zjarrfikëset e kanë patur të vështirë të hyjnë në këtë terren malor.

Vatra zjarri janë shfaqur në të gjithë vendin.  Një ditë më parë një zjarr i madh ra në rrugën Korçë-Kolonjë,  në vendin e quajtur Antenat. Aty banorët po pastronin tokat, duke djegur barishtet.  Zjarre ka patur në Borsh të Sarandës, Gjirokastër, Shkodër, Fier etj./ABC News Albania 24/7

kanal.jpg
Sej rie09:00 | 09/08/2019

Mëngjesin e kësaj të premteje në vendin e quajtur “Kthesa e Valohovës” Bistricë, u gjet një shtetas i pajetë në një kanal me ujë. Viktima është rreth moshës 45 vjeç, banues në Berat, i cili nga këqyrja paraprake nuk ka shenja dhune apo dëmtime të tjera në trup.

Dyshohet se ka rënë aksidentalisht ne kanalin me ujë si pasojë e arrestit kardiak. Po punohet për identifikimin e plotë të tij. Në vendngjarje shkoi grupi hetimor i cili kreu veprimet e mëtejshme për sqarimin e rrethanave./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono