sarande

pistlete-897x445.png
ent ela09:53 | 18/06/2018

Një 24 vjeçar ka rënë në prangat e Policisë së Sarandës, pasi është kapur duke qarkulluar me një armë zjarri të llojit pistoletë. Policia njofton se Alvin Musaj, nga Vlora u kap në vendin e quajtur “Rruga e pestë”. Në cilësinë e provës materiale u sekuestrua arma e zjarri pistolet tip “Smith & Wesson”, me 6 fishekë.

Materiale hetimore iu referuan Prokurorisë së Rrethit Gjyqësor Sarandë për veprën penale “Mbajtja pa leje e armëve luftarake dhe municionit”, parashikuar nga neni 278/2 i Kodit Penal. /abcnews.al

sarande-policia.jpg
ent ela10:38 | 02/06/2018

Një 31 vjeçar nga Konispoli është plagosur në shpatull me një plumb rikoshetë. Ngjarja ka ndodhur në orët e para të mëngjesit në lagjen nr.1 jashtë ambjenteve të një lokali në Sarandë.

Autori pasi ka qëlluar me pistoletë është larguar nga vendngjarja. Ndërsa i lënduari është në spitalin e Sarandës jashtë rrezikut për jetën.

Policia ka sekuestruar në cilësinë e provës materiale 1 predhë fisheku pistolete dhe 1 automjet BMW i cili dyshohet se mund të jetë i autorit.

Për arsye hetimore nuk bëhen të ditura të dhëna të tjera. Blutë e Sarandës janë vënë në kërkim të autorit. /abcnews.al

gomonia.jpg
gra moz15:16 | 21/05/2018

Një gomone e dyshimtë është bllokuar nga Policia Kufitare, në ujërat pranë vendit të quajtur “Gjiri i Kasolles”, në Sarandë. Policia e ka pikasur gomonen, kur po i afrohej bregut dhe e ka ndaluar atë.

Brenda në mjet është gjetur vetëm drejtuesi, italiani Antonio Summa, 26-vjeç, banues në Brindisi.

Sipas burimeve konfidenciale mësohet se 26-vjeçari italian, ka hyrë ilegalisht në ujërat shqiptare. Policia e shoqëroi atë në Komisariatin e Sarandës, ku po merret në pyetje, me dyshimin se mund të ketë ardhur për të marrë ndonjë sasi droge, në brigjet shqiptare.

Brenda në gomone është gjetur edhe një telefon celular, që është sekuestruar si pjesë e procesit hetimor./abcnews.al

damian-gjiknuiriiii.jpg
gra moz11:26 | 15/05/2018

Brenda muajit do të përfundojë rruga hyrëse në qytetin e Sarandës. Lajmin e ka dhenë ministri i Infrastrukturës dhe Energjisë, Damian Gjiknuri gjatë inspektimit të punimeve.

Sezoni veror do ta gjejë të përfunduar rrugën në hyrje të qytetit të Sarandës.

Projekti parashikon rikonstruksionin e aksit rrugor Ura e Gajdarit deri në hyrje të qytetit të Sarandës dhe ka vlerën financiare 280 milionë lekë të reja. Aktualisht ka përfunduar edhe asfaltimi dhe është hapur qarkullimi i lirë për mjetet.

I shoqëruar nga Kryebashkiakja Floriana Koka dhe deputeti i zonës Alket Hyseni, Ministri i Infrastrukturës dhe Energjisë, Damian Gjiknuri, inspektoi fazën përfundimtare të punimeve që Autoriteti Rrugor Shqiptar po kryen në hyrjen e qytetit të Sarandës.

“Jemi këtu në rrugën hyrëse të Sarandës, një  vepër kaq e rëndësishme që zgjidhi një problem shumë vjeçar për qytetin. Një vepër e financuar nga qeveria shqiptare e cila tashmë është e hapur për lëvizjen e trafikut me të gjitha parametrat. Besoj brenda një muaji siç edhe nga komunikimet e fundit që kam bashkë me Autoritetin Rrugor dhe me kompaninë zbatuese, kjo rrugë do të jetë plotësisht e përfunduar me sinjalistikën përkatëse dhe me të gjithë veprat që i përkasin”, u shpreh ministri Gjiknuri.

Punimet për këtë investim në infrastrukturën e qytetit bregdetar nisën në muajin Gusht të vitit të kaluar. Brenda një muaji parashikohet që të përfundojnë edhe trotuaret dhe sinjalistika përkatëse e këtij segmenti.  /abcnews.al

neshat-tepelena.jpg
gra moz11:20 | 01/05/2018

Gjykata e Sarandës la në burg pa afat një mësues 60-vjeçar, ndaj të cilit rëndojnë dyshime të forta për pedofili. Neshat Tepelena akuzohet për ngacmime seksuale ndaj 2 nxënëseve të moshës 11 dhe 10 vjeç në shkollën “Ali Hajdini” në fshatin Kalas të Delvinës. Prokuroria e Sarandës nisi  procedimin penal për këtë rast pas denoncimit nga familja e një prej vajzave të dëmtuara dhe pas marrjes së dëshmisë së tyre.

Prokuroria kërkoi masën e arrestit me burg për mësuesin e dyshuar për veprime të turpshme me të mitura, kërkesë që u pranua nga gjykata. Vetë 60-vjecari Neshat Tepelena në sallën e gjyqit ka deklaruar se është i pafajshëm për të gjitha akuzat që i bëhen. Në seancën e sotme, Gjykata e Sarandës, shpalli moskompetencë për të gjykuar çështjen me themel, pasi nuk ka një seksion për të mitur. Procesi ndaj 60 vjeçarit, të akuzuar për marrëdhënie seksuale me të mitura do të vijojë pranë Gjykatës së Gjirokastrës./abcnews.al

 

skafi.jpg
ent ela21:58 | 26/04/2018

Një skaf është bllokuar në grykëderdhjen e lumit Pavllo në Sarandë. Mjeti lundrues, 5 metra i gjatë, dyshohet se do të përdorej për trafik droge drejt Greqisë.

Operacioni u krye nga sektori i luftës kundër krimit të organizuar në komisariatin e Sarandës në bashkëpunim me policinë kufitare. Efektivë të shumtë ndodhen ende në terren për të zbuluar nëse ka sasi droge të fshehur në grykëderdhjen e lumit Pavllo. /abcnews.al

policia_ngjarje.jpg
gra moz10:08 | 15/04/2018

Policia ka arritur të zbardhë një seri vjedhjesh të ndodhur në qytetin e Sarandës. Gjatë operacionit të koduar “Speed”, në prangat e policisë ka rënë 24 vjeçari, Dhimitri Terolli.

Arrestimi i tij u bë pasi të shtunën ka vjedhur banesën e A.H në lagjen ”Nr.1”, duke marrë disa sende , të cilat më pas janë sekuestruar në cilësinë e provës materiale.

“Gjithashtu ky shtetas është autor i disa vjedhjeve të tjera, konkretisht:
Më datë 12.03.2018, në lagjen ”Nr.1.”, ka vjedhur një shumë lekësh në banesën e shtetasit O.D.. Më datë 24.03.2018, ka vjedhur një shumë lekësh në banesën e shtetases S.V.. Më datë 29.03.2018, në lagjen ”Nr.3.”, ka vjedhur një shumë lekësh në banesën e shtetasit A.B.. Më datë 03.04.2018, në lagjen ”Nr.1.”, ka vjedhur disa bizhuteri në banesën e shtetasit A.V.. Më datë 05.04.2018, në lagjen ”Nr.1.”, ka vjedhur një shumë lekësh në banesën e shtetasit N.Gj.”, thuhet në njoftimin e policisë.

24-vjeçari rezulton me precedentë penal të mëparshëm në fushën e vjedhjeve. Në ngarkim të Terollit rëndon akuza e ”Vjedhjes”, parashikuar nga neni 134 i Kodit Penal./abcnews.al

850x636_fd1521369499.jpg
ent ela10:36 | 31/03/2018

Një 30 vjeçare nga Saranda është arrestuar pasi kishte përplasur një të mitur me makinën e saj dhe ishte larguar nga vendi i ngjarjes..

Sipas policisë, 30-vjeçarja E.Veliko, banuese në Sarandë, në vendin e quajtur ”rreth-rrotullimi tregu i fruta perimeve”, ka aksidentuar një fëmijë të mitur me mjetin tip ”Nissan” dhe është larguar nga vendi i ngjarjes.

Ajo do të përballet në gjykatë me akuzat për ”Shkelje të rregullave të qarkullimit rrugor” dhe ”Largim nga vendi i aksidentit”. /abcnews.al

Policia-e-Tiranes-1280x662.jpg
ent ela09:59 | 28/03/2018

Policia ka vënë në pranga një 24- vjeçar, pasi akuzohet për vjedhjen e një automjeti në qytetin e Sarandës. I riu është arrestuar në Tiranë pas informacioneve të siguruara nga Policia e Sarandës, se Mihali Llazari fshihej në kryeqytet.

Policia bën me dije se Llazari, banues në Himarë, më datë 19.03.2018, në fshatin Berdenesh, Sarandë ka vjedhur automjetin tip “Benz”, në pronësi të D.R. Automjeti i vjedhur prej tij u sekuestrua në cilësinë e provës materiale.

Sipas njoftimit të policisë Llazari rezulton me precedent penal në fushën e narkotikëve.

Materialet procedurale iu referuan Prokurorisë së Rrethit Gjyqësor Sarandë, për veprat penale “Vjedhje” dhe “Prodhimi, shitja e narkotike”./abcnews.al

pranga.jpg
gra moz18:09 | 13/03/2018

Policia e Sarandës në bashkëpunim me Interpol Tirana ka arrestuar një shtetas polak për llogari të shërbimeve të drejtësisë polake.

Przemyslaw Pasternak, 38 vjeç, lindur në Poloni u kap këtë të martë dhe pritet të ekstradohet drejt Polonisë.

Gjykata Rajonale Poznan në Poloni e ka dënuar në 2013-n Pasternak me 4 vjet e 6 muaj, (mbetur për të vuajtur 3 vjet, 6 muaj dhe 22 ditë burgim), për veprat penale, “Mashtrim dhe Falsifikim”, parashikuar nga nenet 286/1 dhe 294, 297 të Kodit Penal polak, pasi prej vitit 2004 deri në vitin 2006 nëpërmjet mashtrimit ka paraqitur dokumentacion të falsifikuar lidhur me punësimin e disa personave me aftësi të kufizuar duke i shkaktuar një kompanie një dëm në shumën e parave 2 943 991 ( polake ).

Interpol Tirana, në bashkëpunim me Prokurorinë e Përgjithshme, Ministrinë e Drejtësisë dhe Interpol WarsaW po kryejnë të gjitha veprimet procedurale për ekstradimin e këtij të kërkuari drejt Polonisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono