Santiago Solari

Pochetino-1280x826.jpg
Vladimir Prenga14:38 | 13/10/2019

Mauricio Pochettino mund të largohet nga drejtimi i Tottenham. Nisja jo e mirë e këtij sezoni ka bërë që pozicioni i tij të lëkundet. Gjithsesi ka një kontratë në mes dhe drejtuesit e klubit londinez nuk e kanë të lehtë ta shkarkojnë, pasi duhet të paguajnë më shumë se 30 milionë euro më pas.

Së fundmi në Angli aludojnë mbi një tjetër emër që mund pasojë dhe e gjithë zhurma është krijuar pas një interviste që Santiago Solari ka dhënë për BBC.  “Do të doja të drejtoja në Europë, të bëhesha pjesë e një projekti serioz në një nga ligat e mëdha.

E ndoqa kampionatin anglez vjet dhe e pashë se sa shumë është rritur. Ka kaq shumë kultura të ndryshme aty, keni trajnerë spanjollë, gjermanë, anglezë, trajnerë nga e gjithë bota që e kanë bërë Premier League-n të rritet”, thotë Solari, i cili ka drejtuar Realin e Madridit dhe në Angli besojnë se me cilësitë që ka mund të drejtojë klube si Tottenhami dhe Evertoni.

Santiago Solari

Në artikull vihet në dukje fakti që Solari është i “fiksuar” pas kampionatit anglez, të cilin e ndjek me vëmendjes. “Statistikat në Premier League janë mahnitëse dhe konfirmojnë së gjërat po ndryshojnë. 15 vite më parë kishte vetëm tre ndeshje kur një ekip mesatarisht mbante në 70% të kohës topin. Para tre vitesh kjo shifër shkoi në 30 ndeshje. Dy vite më parë ishin 60 ndeshje dhe sezonin e shkuar 67.”, është shprehur argjentinasi.

Në fund flet edhe për bashkatdhetarin e tij te Tottenham: ” Nuk e kam mik Pochettinon, por e njoh dhe e admiroj për atë që bëri një vit më parë dhe në vitin paraardhës. Nuk ka të bëjë me faktin që thjesht shkoi në finalen e Champions League. Ishte diçka që ishte rritur në 4-5 vite. Do të doja ta shihja atë në një klub të madh shumë shpejt, pasi e meriton. /abcnews.al

jonuz-me-eto.jpg
Vladimir Prenga14:33 | 10/10/2019

Mirsad Jonuz ka lënë Katarin dhe është rikthyer në qytetin e Shkodrës. Tekniku nga Maqedonia e Veriut ka dalë sot në stërvitje me ekipin dhe po përqendrohet te puna me futbollistët, që të jenë gati për ndeshjen e radhës me Partizanin.

Klubi shkodran zbulon se Jonuz ka ftuar personalitete si Samuel Eto’o dhe Santiago Solari të vizitojnë Shkodrën dhe Vllazninë. “Tekniku ka qenë i autorizuar nga Klubi i Futbollit Vllaznia për të biseduar dhe gjetur ura bashkëpunimi me klube të ndryshme. Nga sa ka bërë të ditur vetë ai pas kthimit në Shkodër, ka patur biseda edhe me personalitete të tilla të futbollit si Samuel Eto dhe Santiago Solari, të cilët madje i ka ftuar që në një të ardhme të afërt të jenë në Shkodër.

Ftesa është mirëpritur nga ana e tyre dhe është lënë që bisedohet sërish në të ardhmen për detaje të tjera. Po ashtu, një ftesë i është bërë edhe zëvendëspresidentit të Akademisë ‘Aspire’ të Dohas, Tarik Aziz, një prej më të mëdhave në Botë, për të bashkëpunuar me Vllazninë. Edhe ai po ashtu e ka mirëpritur një ftesë të tillë”, thuhet në njoftimin e klubit shkodran. /abcnews.al

Jonuz dhe Tarik Aziz, zëvendëspresidenti i Akademisë ‘Aspire’ në Doha


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono