santiago malko

santiago-malko-1280x719.jpg
ent ela15:12 | 02/09/2019

Më shumë se 30 të shoqëruar janë marrë në pyetje në polici për atentatin mafioz ndaj ish-policit Santiago Malko, por ende uniformat blu nuk kanë asnjë të ndaluar. Ndërkohë dosja penale u regjistrua në prokurorine e Tiranës pa autor.

Ende policia e Tiranës nuk ka asnjë të ndaluar për vrasjen mafioze të ish- efektivit Santiago Malko, ngjarje kjo e ndodhur mbrëmjen e 27 gushtit në rrugën e Porcelanit.

Matarialet u referuan në prokurorinë e kryeqytetit nga Oficere të Policisë Gjyqësore për nenin 78 të Kodit Penal me akuzën, “Vrasje me paramendim”, duke u regjistruar dosja pa autor.

Grupi hetimor ka sekuestuar pamjet e më shumë se 40 kamerave të sigurisë të bizneseve në të gjithë gjatësinë e rrugës “Xhanfise Keko” për të bërë të mundur zbulimin e itinerarit që kanë ndjekur autorët në vrasjen e 26-vjeçarit.

Ndërkohë janë administruar edhe disa pamje nga kamera të sigurisë në rrugën nga ku u larguan pas krimit autorët e vrasjes.

Laboratori i Policisë Shkencore zbuloi se vetëm një nga dy armët e gjetura të shkruambuara ne makinen qe u dogj ne fshatin Ferraj, ishte përdorur në këtë krim. Sipas specialistëve kundër jetës, arma tjetër po atuomatik Kallashnikov model 54 ishte marrë prej tyre për ta pasur më tepër për siguri, në rast të ndonjë bllokimi të armës së parë. Për mënyrën se si u vra ish-polici, ekspertët e krimeve të rënda në policinë e Tiranës, pohojnë se atentatorët kanë qenë profesionistë. Ata kanë ndjekur në detaje lëvizjet e viktimës, duke mos i dhënë asnjë mundësi kundërpërgjigjeje.

Menjëherë, pas krimit në Drejtorinë e Policisë së Tiranës u morën në pyetje edhe anëtarët e familjes Malko, të cilët pohuan ish-efektivi nuk kishte shprehur më parë se ndjehej i kërcënuar apo në rrezik për jetën.

Burime të rezervuara nga policia e Tiranës , thanë se ekzekutimi i të riut mund të lidhet me të paktën dy pista ku më kryesoret janë ajo e borxheve dhe përfshirje në grupe kriminale në Tiranë e Durrës. /ABC News Albania 24/7

 

 

santiago-malko123.jpg
nev ila16:01 | 30/08/2019

Zbulohet targa e vjedhur që u përdor në automjetin, nga i cili u qellua për vdekje ish -polici Santiago Malko. Targa ishte vjedhur në muajin mars në qytetin e Krujës, ndërsa automjeti tip Mercedes-Benz ishte grabitur një vit më parë në Lezhë.

Grupi hetimor ka mundur të identifikojë targën e automjetit mercedez- benz që u përdor nga autorët e atentatit ndaj Santiago Malkos dhe që u gjet më pas i djegur në fshatin Ferraj.

Sipas policisë, automjeti ishte denoncuar i vjedhur rreth 1 vit më parë në qarkun e Lezhës, ndërsa targat AA 434 LX ishin vjedhur në muajin mars në qytetin e Krujës.

Uniformat blu nuk kanë mundur të bien më herët në gjurmët e automjetit edhe të targës së vjedhur, pasi ai nuk ka qarkulluar në rrugët e vendit. Gjithashtu po verifikohet edhe një pikë e varrezash për automjete në zonën e Laçit ku dyshohet se ka qëndruar për disa kohë automjeti i grabitur.

Nga këqyrja e shasisë së makinës së përdorur në krim, ekspertët nuk kanë vërejtur ndonjë ndërhyrje për të fshire numrat rendore.

Në Laboratorin e Policisë Shkencore janë dërguar armët e zjarrit për të mësuar nëse janë përdorur më herët në ngjarje të rënda kriminale. Po kështu në vendin ku u gjet makina e djegur u sekuestruan nga grupi hetimor edhe shumë sende të tjera, si bidona plastike, atlete apo edhe rroba gjysmë të djegura që dyshohen se u përdorën në ekzekutimin e Santiago Malkos.

Deri më tani pista ku janë përqendruar ekspertët e krimeve kundër jetës është ajo e larjes së hesapeve ndërmjet grupeve kriminale që operojnë në kryeqytet si edhe në zonën e Durrësit.

Por nuk përjashtohet mundësia për konfliktet që viktima Malko të ketë pasur edhe në prishjen e pazareve të drogës. Aktualisht policia ka identifikuar dy persona si të dyshuar për vrasjen e ish-policit 26 vjeçar, të cilët janë shpallur në kërkim./ABC News Albania 24/7

santiago-malko-1280x719.jpg
nev ila15:06 | 29/08/2019

Policia ka identifikuar dy persona si të dyshuar për vrasjen e ish- policit mbrëmjen e 27 Gushtit në kryeqytet. Sipas uniforme blu për këta persona po kryhen të gjitha verifikimet.

Grupi hetimor që po merret me këtë ngjarje ka ngritur 3 pista hetimi, si ajo e hakmarrjes, zhvillim i paligjshëm i aktivitetit të lojwrave të fatit dhe prishje e pazareve të drogës.

Grupi hetimor që po merret me zbardhjen e ekzekutimit mafioz të ish-policit Santiago Malko më 27 gusht në rrugën “Xhanfize Keko”, në kryeqytet, kanë identifikuar dy persona të dyshuar.

Deri më tani të dyshuar për këtë ngjarje janë shtetasit D.A dhe L.D, për të cilët po kryhen të gjitha verifikimet.

Sipas burimeve policore këta dy persona ishin me precedent të mëparshëm penal dhe akuzohen për një sërë veprash penale, por më kryesore është ajo e trafikut të lëndëve narkotike.

Po i njëjti burim thekson se makina “mercedes benz” që u gjet e djegur në fshatin Ferraj, dyshohet të jetë në pronësi të njërit prej këtyre personave, por nuk kanë akoma prova konkrete që ti dërgojnë tek autorët.

Uniformat blu deri në këto momente kanë ngritur disa pista hetimi, siç është ajo e hakmarrjes pasi, 26 vjeçari dyshohet të këtë marrë pjesë në vrasjen e një personi në Durrës disa kohë më parë.

Pista tjetër është ajo e zhvillimit të aktivitetet të paligjshëm të lojërave të fatit, dhe dyshohet për gjobvënie, nisur nga e shkuara që kishte Santiago Malko.

Ndërsa pista e tretë është ajo e prishjes së pazareve të drogës, nëpërmjet grupeve kriminale.

Referuar burimeve konfidenciale nga grupi i hetimit, thuhet se autorët e ekzekutimit të ish-policit janë vrasës me pagesë, nisur dhe nga mënyra se si është bërë atentati.

Gjithashtu thuhet se ka pasur disa persona që kanë marrë pjesë në vrasjen e 26 vjeçarit për shkak të mënyrës që është kryer atentati.

Santiago Malko hoqi dorë nga uniforma e policisë më 14 prill 2016, pasi u përfshi në një konflikt me dy vëllezrit Edmond dhe Gentian Lashi, disa metra larg Drejtorisë së Policisë së Tiranës.

Ata u konfliktuan në një lokal bastesh, dhe në atë kohë u deklarua se gjithë sherri ndodhi për një borxh të pashlyer nga ana e dy vëllezërve.

Ish-efektivi i policisë në vitin 2018 u përfshi në ngjarjen e 4 tetorit në ish-bllok ku viktimë mbeti Fabjan Gaxhaj, dhe u plagosën Ervis Martinaj dhe Eljon Hato, gjatë një sherri me Ervin Matën.

Për këtë ngjarje ai u shpall në kërkim policor dhe pas marrjes në pyetje u la i lirë, por mbahej nën vëzhgim nga policia.

26 vjeçari ishte edhe mik i ngushtë i biznesmenit të lojerave të fatit, Ervis Martinaj./ABC News Albania 24/7

santjago-malko.jpg
ad min15:03 | 28/08/2019

Zbardhet skema e ekzekutimit të ish-policit Santiago Malko në Tiranë. Policia ka shoqëruar mbi 20 persona për ngjarjen, por ende nuk ka asnjë të dyshuar. Pistat kryesore që po hetohen për vrasjen e 26-vjeçarit janë konfliktet e tij të kaluara dhe përfshirja në aktivitetin e paligjshëm të lojërave të fatit.

Zbardhen detaje të reja nga ekzekutimi  i ish-policit Santiago Malko në Tiranë. Pista kryesore që po heton policia është ajo e zhvillimit të aktivitetit të paligjshëm të lojërave të fatit, nisur edhe nga e kaluara e ish-policit.

Nga burimet policore mësohet se 26-vjeçari është qëlluar me armë zjarri kallashnikov sapo ka dalë nga një lavazh në rrugën “Xhanfize Keko” në zonën e Porcelanit, ku ishte futur për të larë automjetin e tij tip “BMW”.

Por, për shkak se lavazhi ka qenë i mbyllur, Malko nuk ka mundur të qëndrojë gjatë aty, ndërsa policia dyshon se viktima e ka kuptuar që ishte në ndjekje dhe për këtë arsye është futur në lavazh për të humbur gjurmët.

Dëshmitarë në vendin e ngjarjes kanë treguar para grupit hetimor se atentatorët kanë përdorur dy mjete për ekzekutimin e 26-vjeçarit. Një mjet “Mercedez-Benz” i ka prerë rrugën të riut, ndërsa nga makina tjetër, një furgon i bardhë, autorët kanë qëlluar me breshëri armësh.

Mësohet se viktima ka rritur shpejtësinë e lëvizjes në përpjekje për t’u larguar, por makina i ka dalë nga kontrolli dhe është përplasur me një shtyllë elektrike dhe kazanët e mbetjeve urbane, duke përfunduar pranë murit të një biznesi, aty ku Santiago Malko u gjet më pas i pa jetë nga uniformat blu.

Autorët kanë qenë të maskuar me kapuç të zinj dhe nuk janë kapur nga asnjë kamer sigurie në zonë që ka filmuar atentatin. Policia ka gjetur në vendin e ngjarjes 10 gëzhoja, ndërsa mbi makinën e viktimës ka pasur më shumë shenja plumbash. Ndërsa në trupin e viktimës, i cili është dërguar në morg për ekspertizë mjeko-ligjore janë gjetur një plumb në kokë dhe një në kraharor.

Pas ngjarjes, autorët e atentatit janë larguar në drejtim të fshatit Ferraj, ku dhe kanë djegur mjetin tip “Mercedes Benz”. Në makinë është gjetur edhe  arma tip kallashnikov, që dyshohet se është përdorur për ekzekutimin e Santiago Malkos.

Policia ka shoqëruar mbi 20 persona dëshmitarë të ngjarjes dhe të afërm të viktimës që mund të ndihmojnë grupin hetimor për të zbuluar autorët e vrasjes së 26-vjeçarit.

Santiago Malko ishte shoqëruar në polici më parë për atentatin e 4 Tetorit të vitit 2018 në ish-Bllok, ku mbeti i vrarë Fabiol Gaxha dhe u plagosën Ervis Martinaj dhe Eljon Hato.

Por, ai më pas u la lirë si person që nuk kishte lidhje me këtë ngjarje, por që mbahej nën vëzhgim nga policia. 26-vjeçari ishte edhe mik i ngushtë i biznesmenit të lojërave të fatit, Ervis Martinaj.

Një tjetër pistë që mund të ketë lidhje me vrasjen e tij është edhe një konflikt që ai ka pasur me dy vëllezërit Edmond dhe Gentian Lashi në vitin 2016 për një borxh të pa shlyer që ata kishin vendosur në një nga pikat e basteve që kontrollohej nga Santiago Malko. Në këtë kohë, ish-efektivi është larguar edhe nga policia./ABC News Albania 24/7

santiago-malko123.jpg
ad min10:09 | 28/08/2019

Një ngjarje e rëndë tronditi kryeqytetin mbrëmjen e së martës. Santjago Malko, 26 vjeç, mbeti i vrarë pas një atentati në rrugën “Xhenfize Keko” në zonën e ish-Kinostudios. Malko, ish-oficer policie u qëllua me armë zjarri teksa lëvizte me një automjet tip “BMW”.

Mësohet se atentati është bërë nga dy makina të ndryshme në momentin që Malko ka marrë mjetin e tij, të cilën e ka pasur në lavash. Një mjet “Mercedes-Benz” dhe një furgon i bardhë kanë qenë në ndjekje të Malkos dhe e kanë qëlluar me plumba kallashnikovi. Policia gjeti në skenën e krimit 10 gëzhoja. Dy prej tyre kanë rezultuar fatale për 26-vjeçarin, pasi njëri e ka goditur në kokë dhe tjetri në trup.

Një nga pistat e hetimit për këtë ngjarje është ajo e zhvillimit të paligjshëm të lojërave të fatit. Mbi 10 persona janë shoqëruar në polici, por deri më tani nuk është arrestuar asnjë njeri.

Ndërkohë në fshatin Ferraj u gjet e djegur makina “Mercedes Benz” e përdorur në këtë ngjarje. Brenda mjetit është gjetur edhe një armë kallashnikov e cila dyshohet se është përdorur për vrasjen e 26-vjeçarit.

Malko nuk është emër i panjohur për drejtësinë shqiptare. Ai ka qenë më parë i arrestuar dhe i shpallur në kërkim për shkak të përfshirjes së tij në ngjarjen e 4 Tetorit në ish-bllok sëbashku me mikun e tij Ervis Martinaj ku mbeti i vrarë një person dhe dy të tjerë të plagosur.

Më 2016, Malko gjithashtu është përfshirë në një konflikt me vëllezërit Edmond dhe Gentian Lashi, 34 e 26 vjeç, ku konflikti dyshohet të ketë ndodhur për shkak të një borxhi të pakthyer.

Të dyja palët, edhe vëllezërit, edhe ish polici, kanë patur në pronësi, lokale bastesh sportive në të njëjtën zonë, por sipas Policisë konflikti kishte ndodhur në lokalin e Edmond Lashit. Mësohet se dy vëllezërit i kanë pasur borxh një shumë prej 1 mijë eurosh Santiago Malkos. Ky është viti kur Malko u largua nga policia.

/abcnews.al

vrasja-santiago-malko-1280x679.jpg
ent ela00:00 | 28/08/2019

Santiago Malko, 26 vjeç, mësohet se është viktima e mbrëmjes së sotme, i cili është qëlluar në makinën e tij tip BMW x5. Nga të dhënat e fundit mësohet se Malko ka qenë punonjës i patrullës së përgjithshme të policisë.

Santiago Malko, ish-punonjës policie ka qenë më parë i arrestuar dhe i shpallur në kërkim për shkak të përfshirjes së tij në ngjarjen e 4 Tetorit në ish-bllok sëbashku me mikun e tij Ervis Martinaj ku mbeti i vrarë një person dhe dy të tjerë të plagosur.

Më 2016, Malko gjithashtu është përfshirë në një konflikt me vëllezërit Edmond dhe Gentian Lashi, 34 e 26 vjeç, ku konflikti dyshohet të ketë ndodhur për shkak të një borxhi të pakthyer.

Të dyja palët, edhe vëllezërit, edhe ish polici, kanë patur në pronësi, lokale bastesh sportive në të njëjtën zonë, por sipas Policisë konflikti kishte ndodhur në lokalin e Edmond Lashit. Mësohet se dy vëllezërit i kanë pasur borxh një shumë prej 1 mijë eurosh Santiago Malkos. /abcnews.al

69185834_312774029523868_4553305073433706496_n.jpg
ent ela23:13 | 27/08/2019

Një 26 vjeçar mbeti i vrarë në mbrëmje në rrugën e Porcelanit, në afërsi të ish Kinostudios në Tiranë. Viktima Santiago Malko, ish efektiv policie, u qëllua me armë zjarri teksa lëvizte me një automjet tip “BMW”. Policia bëri të ditur se autorët e atentatit dyshohet se janë larguar në drejtim të fshatit Ferraj, ku dhe kanë djegur mjetin e tyre, tip “Mercedes Benz”. Një nga autorët e ngjarjes dyshohet se është shtetasi me iniciale D.A.

Shërbime të shumta policore kanë ngritur disa pika kontrolli në kryeqytet dhe janë vënë në ndjekje të autorëve. Janë ende të panjohura motivet e këtij atentati.

Nga burime policore mësohet se viktima Santiago Malko ishte në kërkim për atentatin e 4 tetorit të vitit të shkuar në ish Bllok, ku mbeti i vrarë Fabiol Gaxha. 26 vjeçari Malko ishte edhe mik i ngushtë i Ervis Martinajt që mbeti i plagosur në atë atentat dhe që është një emër i njohur për policinë.

Njoftim paraprak i Policisë së Shtetit

Sonte rreth orës 22:20 minuta, në rrugën “Xhanfize Keko”, persona ende të paidentifikuar kanë qëlluar me armë zjarri drejt një automjeti në lëvizje tip “BMË”. Për pasoje ka humbur jetën një i ri, 26-vjeçari S.M.

Autoret dyshohet se janë larguar në drejtim të fshatit Ferraj, ku dhe kanë djegur mjetin e tyre, tip “Mercedes Benz”.

Shërbime të shumta policore kanë ngritur disa pika kontrolli në kryeqytet dhe janë vënë në ndjekje të autorëve.

Ndërkohë ekspertët e kriminalistikës po mbledhin prova në vendngjarje, që do të ndihmojnë hetimin.

Policia ka nisur të shoqërojë persona që mund të kenë dijeni për rrethanat e krimit.

Specialistë nga Sektori për Krimet e Rënda në Drejtorinë Vendore të Policisë Tiranë janë angazhuar si pjesë e grupit të posaçëm hetimor për zbardhjen e ngjarjes dhe vënien para përgjegjësisë ligjore të autorëve.

Policia e Shtetit fton këdo që ka dijeni për rrethanat e krimit të telefonoje falas në numrin 112!

Më herët gazetarja e ABC News në vendngjarje Glidona Daci raporton se personi që u qëllua në makinën  tip Land Rover ka humbur jetën për shkak të plagëve të marra. Është qëlluar nga persona të paidentifikuar. Ka një makinë të dyshuar. Dyshime ngrihen se personi në fjalë është një ish polic, por kjo ende nuk është konfirmuar. Është bërë rrethimi i zonës. Makina e viktimës është në këqyrjen e ekspertëve kriminalistikë. Deri në këto momete policia nuk jep të dhëna mbi viktimën as për shkaqet dhe pistat e hetimit. Dyshohet dhe për një atentat të mundshëm për shak të detyrës.

Kur ka mbërritur policia viktima kishte ende shenja jete. Dyshohet që autorët janë drejtuar drejt Porcelanit, por të gjitha pikat janë të bllokuara nga policia.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono