santiago malko

santiago-malko.jpg
nev ila10:21 | 21/10/2019

Në vrasjen e Santiago Malkos dyshohet se kanë marrë pjesë 8 persona mes tyre edhe Blendi Teta tashmë i arrestuar.

Tetës pritet që së shpejti ti rëndohet akuza, dhe ti bashkohet këtij grupi. Fillimisht Blendi Teta u hetua për “moskallëzim krimi“, por hetimet më të fundit rezultojnë se, Blendi Teta ka qenë në dijeni për atentatin ndaj Santiago Malkos.

Malko pasditen e atentatit, ka lëvizur nga spitali i pediatrisë drejt rrugës Xhanfizë Keko, pasi atje kishte djalin të sëmurë, dhe ka qenë pikërisht Blendi Teta me makinën e tij që ka ndjekur Santiago Malkon nga spitali drejt vendit ku u krye dhe atentati ndaj tij.

Gjithashtu edhe personat e shpallur në kërkim akuzohen për veprën penale “vrasje me dashje në bashkëpunim“, “armëmbajtje pa leje” gjithashtu dhe “krijimin e grupit të strukturuar kriminal“. Ky grup ka planifikuar deri në detaje ekzekutimin e ish-policit.

Aktualisht prokuroria ka vetëm Blendi Tetën të arrestuar, i cili pritet ti shtohet këtij grupi të strukturuar kriminal, edhe pse ai i ka mohuar kategorikisht akuzat.

Sipas prokurorisë gjithçka është zbuluar nga përgjimet telefonike që Teta ka patur me bashkëjetuesen e tij./abcnews.al

ATENTATET-MAFIOZE-NE-VEND.mpg_snapshot_00.01-1280x720.jpg
ent ela14:45 | 04/10/2019

Katër viktima janë shënuar nga atentatet mafioze në më pak se dy muaj në qytete të ndryshme të vendit. Në të gjitha rastet, autorët kanë mundur të shpëtojnë prangosjes së policisë, ndërsa ekzekutimit ka qenë tepër i egër nga grupet kriminale.

Atentatet të tipit mafioz kanë shkaktuar shumë viktima kohet e fundit, duke shqetësuar së tepërmi organet ligjzbatuese në vend.

Nga fundi i gushtit e deri në fillim të tetorit janë ekzekutuar 4 persona për llogari të të tretëve, ndërsa rritje ka shënuar edhe krimi në familje.

Emëruesi i përbashkët është se, autorët kanë mundur të largohen dhe t’i shpëtojnë prangosjes së uniformave blu.

27 gushti do të rikthente edhe njëherë në vëmendje atentatet e tip mafioz në Tiranë. Viktimë mbeti një ish-punonjës policie.

Santiago Malko u ekzekutua me breshëri kallashnikovi në rrugën “Xhafize Keko”. Pamjet e atentati u trasmetuan në mënyrë ekskluzive nga ABC Neës. 26-vjeçari u ndoq hap pas hapi deri sa u qëllua për vdekje në momentin kur po parkonte automjetin e tij.

Plagët e së shkuarës në qytetin e Lushnjes duken se s’po mbyllen kurrë. Pinjollët e familjeve kriminale, dyshohen se po lajnë hesapet e etërve të tyre. Mëngjesi i një tetorit do të edhe i fundit për Besnik Hidën. Ai u vra nga afër në momentin kur po pinte kafe. Autorët ishin informuar mirë dhe e ekzekutuan në katin e dytë të biznesit të tij, duke u larguar qetësisht nga vengjarja.

Më herër Hidës iu ekzekutua nipi dhe shoku shumë pranë komisariatit të qytetit të Lushnjës.

Hakmarrja nuk do te kursente as jetën e 35-vjecarit Eri Zefi në Fan të Mirëditës. Nga hetimet rezultoi se i riu ishte rrëmbyer dhe vrarë në një tjetër vend, ndërsa trupi i pajetë ishte hedhur anash rruges së fshatit Zall-Xhuxh. Për t’i shpëtuar ekzektuimit, i riu kishte ndryshuar edhe emrin e tij por, rezultoi e kotë. Sipas uniformave blu ngjarja dyshohet se ka lidhje me një vrasje që vëllai i viktimës ka kryer në Durrës gjashtë muaj më parë.

Më me shumë fat nga atentet kriminale mund të quhet Marklen Haka. Ai u plagos në dorë mbrëmjen e 21 shtatorit dhe i shpëtoi 100 plumbave. Por fatin e Markelanit nuk e kisha halla e tij, Shpresa Basha. Ajo humbi jetën dhe, dyshohet se zbuloi autorët që i kishin zënë pusi nipit të saj.

Në të gjitha ngjarjet e mësipërme policia ka bërë shumë shoqërime dhe ndalime por nuk ka mundur të arrestojë porositësit e këtyrë vrasjeve.

Numërohen me gishtat e njërës dorë, që policia ka qenë e suksesshëm në arrestimet e vrasësve me pagesë. Më klasikët janë Julian Sinanj, Kristi Pine, si edhe Mikel Shallari. Të gjithë katë kanë mundur të marrin statusin e dëshmitarit të mbrojtur të drejtësisë, duke u dënuar me shumë pak vite burg.

Gazetar: Andi Qosja

 

plagosja-ne-kinostudio.mp4_snapshot_00.06-1280x720.jpg
ent ela13:36 | 02/10/2019

Një vit para vrasjes Santiago Malko është përfshirë në një tjetër konflikt në zonën e ish-Kinostudios, që dyshohet të ketë ndodhur për kontrollin e lëndeve narkotike. ABC Neës ka siguruar një video të kësaj ngjarjeje, ku duket Malko që qëllon me armë.

Santiago Malko ka qenë edhe më herët i skeduar nga policia e Tiranës si përfshirë në ngjarje të rënda kriminale por, që kishte mund t’ia hidhte paq.

10-muaj para se të ekzekutohej në mënyrë mafioze në rrugën Xhanfize Keko, Santiago Malko ishte përfshirë në një konflikt që dyshohet se si motiv kishte kontrollin e lëndëve narkotikë në zonën e Kinostudios.

Siç duket edhe në këtë video, ngjarja ka ndodhur në orën 23:55 minuta të mbrëmjes së 27 qershorit të 2018.

Ata janë fiksuar nga kamerat e sigurisë në ambientet e jashtë të lokalit në pronësi të vëllezërve Mumajsi. Në konflik janë përfshirë një numër i lartë personash, ku i pari që ka qëlluar ka qenë Santiago Malko. Më pas, Ibrahim Durollari ky që duket në video hedh një karrige në drejtin të Malko dhe shokut të tij Miha. Ai qëllohet menjëherë në bark. 28-vjeçari ka qëndruar i shtrirë për disa çaste duke, u përpjekur të largohet. Pak momente më vonë afër Durollarit shfaqet Juxhin Mumajesi i plagosur në këmbë.

Ndërkohë që një plumb mori edhe Rivelino Mumajesi por pa rrezik për jetën.

Malko arriti të largohej nga vendngjarja më një makinë luksoze së bashku me autorin tjetër Rigers Miha. Policia edhe pse arriti të përftonte kamerat e sigurisë, pasi u dëmtua seriveri në mënurë të qëllimtë, nuk dërgoi para drejtësisë, personat e përfshirë në konflikt. Ndërkohë, që emri i Santiago Malkos do të lidhej edhe me një ngjarje të rëndë kriminale të ndodhur mbrëmjen e 4 tetorit në zonën e ish-Bllokut 2018, ku u vra një person dhe u plagosën dy të tjerë. /ABC News Albania 24/7

 

policia-vrasja-1280x719.jpg
nev ila10:16 | 28/09/2019

8 persona janë shpallur në kërkim për vrasjen e Santiago Malkos mbrëmjen e 27 gushtit në Kryeqytet. Gjykata e Tiranës caktoi masën “arrest në burg” në mungesë, dhe më pas e referoi çështjen në Gjykatën e Krimeve të Rënda.

Policia e Tiranës ka shpallur në kërkim 8 persona, të dyshuar si të implikuar në vrasjen e ish-efektivit Santiago Malko, mbrëmjen e 27 gushtit të këtij viti. Burime policore bëjnë të ditur se të dyshuarit janë: vëllezërit Leonard dhe Elis Duka, Fatmir Hyseni, Xhoni Nica, Oltian Loka, Ilir Selmani, Aleksandër Maxhaku dhe Dritan Agaj.

Policia bën të ditur se ka sekuestruar në cilësinë e provës materiale 8 automjetet e përdorura nga autorët për të kryer krimin, si dhe sendet e gjetura në brendësi të tyre.

Ndërkohë Gjykata e Shkallës së Parë Tiranë ka vendosur si masë sigurimi personal “Arrest me burg” në mungesë, ndaj 8 personave të dyshuar si autorë të këtij atentati. Gjykata Penale i ka kalsifikuar këta persona si grup i strukturuar kriminal dhe akuzohen për kryerjen e veprave penale “Vrasja me paramendim”, “Mbajtja pa leje e armëve shpërthyese dhe municionit” dhe “Vjedhja” kështu çështja i ka kaluar për veprime të mëtejshme Krimeve të Rënda.

Burime nga grupi hetimore kanë bërë të ditur se , Leonard Duka dhe Dritan Agaj janë shoqëruar natën e ngjarjes por më pas janë lënë të lirë. Më herët po për këtë ngjarje është ndaluar me urdhër të Prokurorisë së Rrethit Gjyqësor Tiranë dhe shtetasi Blendi Teta, i akuzuar për “moskallëzim krimi” .

Teta i ka mohuar akuzat dhe nuk pranon të këtë pasur dijeni për atentatin pasi është larguar nga vendi i ngjarjes disa minuta para se të kryhej vrasja.

Organi i akuzës është shprehur se përvec pamjeve filmike, disponojnë edhe përgjimet midis tij dhe bashkjetueses, të cilës Blendi Teta i shpreh shqetësimin se mund ta akuzojnë për vrasje. 26-vjeçari Santiago Malko u ekzekutuat më breshëri automatike mbremjen e 27 gushtit, në rrugën Xhanfize Keko.

Autorët u larguan nga vendi i ngjarjes më një maktin tip benc që më pas u gjet e djegur së bashku me dy armët që dyshohet se u përdorën në atentat. /ABC News Albania 24/7

EKSKLUZIBE-VRASJA-E-SANTIAGO-MALKO.mpg_snapshot_00.15-1280x720.jpg
ent ela15:08 | 18/09/2019

ABC News siguron pamjet e ndjekjes së makinës së Santiago Malkos nga atentatorët, pak sekonda para ekzekutimit. 26-vjeçari u qëllua me breshëri nga xhami i pasëm i një Mercedes-Benz, që e ndiqte në rrugën e Porcelanit. Ekzekutori më pas u largua me një mjet tip Volkswagen.

Autorët që ekzekutuan Santiago Malkon e ndiqnin nga një distancë shumë e afërt makinën e tij në momentet para atentatit.

Kjo duket qartë në një video të kamerave të sigurisë, që tregon lëvizjen e të dy automjeteve pak sekonda para vrasjes së ish-policit Molko si edhe momentin e ekzekutimit të tij.  ABC News e ka siguruar ekskluzivisht këtë video.

Siç duket edhe në pamje, ish-efektivi i policisë lëviz në rrugën e Porcelanit me automjetin e tij, BMW X5 ngjyrë e zezë.

Vetëm 4 sekonda më pas, ndodhet makina Volksëagen tip Golf e bashkëpunëtorëve në krim që e ndjek pas.

Automjeti nga ku u qëllua për vdekje është pikëeisht ky, Mercedes-Benz i zi i tip CSL.

Ish-polici Malko ul shpejtesinë pasi ishte duke folur në telefon. Ai ndalon një zonë të ndriçuar pranë  një lavazhi ku ka edhe bar-kafe, duke mos vënë re se ndiqej nga dy automjete njekohësisht.

Njëri nga atentatorët ul xhamin e pasëm të makinës dhe qëllon me breshëri plumbash, duke e lënë të vdekur në vend.

Siç duket në video, ekzekutimi i 26-vjecarit ka krijuar panik te qytetarët e shumtë qe ishin ato momente pranë vendit te krimit.

Ata largohen menjeherë të friksuar sapo dëgjojnë të shtënat e para, duke hyrë në një nga lokalet në zonë. Heteusit dyshojnë se ekzekutimi i Santiago Malkos është bërë më parë se vendi i parashikuar nga atentatorët, një zonë 100 metra më lartë, e pandriçuar dhe pa kamera sigurie. Ndalimi i viktimës në rrugë pranë një lavazhi, i bëri atentatorët të dyshojnë se, ai do të qëndronte aty, duke i prishur planet e ekzekutimit.

Nga këqyrja e pamjeve filmike në rrugën “Xhafize Keko”, rezultoi se, pas krimit një person zbret nga dera e pasme e makinës Mercedes-Benz dhe hipën të automjeti tip Golf. Gjurmët e ndjekjes humbin në drejtim të Tufinës, ndërsa automjeti i zi tip Mecedes u gjet i shkrumbuar në fshatin Ferraj, vetëm 20 minuta larg vendngjarjes.

Për vrasjen e Santiago Malkos është arrestuar vetëm Blendi Teta dhe disa të tjerë janë shpallur në kërkim. /ABC News Albania 24/7

santiago-malko-1280x719.jpg
ent ela14:57 | 17/09/2019

Për vrasjes së Santiago Malkos, Policia e Tiranës ka shpallur në kërkim 4 persona që dyshohen se kanë pasur rol kryesor në ekzekutimin e 26-vjeçarit në zonë e Porcelanit. I vetmi që është arrestuar me urdhër të prokurorisë është Blendi Teta, që akuzohet për “moskallëzim krimi”.

Pas arrestimit të Blendi Tetës, i cili dyshohet se ka përkrahuar autorët e vrasjes së ish-efektivit Santiago Malko, Prokuroria e Tiranës ka lëshuar edhe katër urdhër-ndalime të tjera.

Emrat e tyre dolën nga deklarimi para grupit hetimor të 39-vjeçarit Teta, që akuzohet zyrtarisht për “moskallzim krimi”.

Policia i ka shpallur në kërkim katër personat , ndërsa hetimet po ndiqen nga prokurori i çështjes Naim Tota, ku pritet të sakëtësohet edhe roli i tyre në ngjarje.

Më herët në dëshminë e Tetës u përmenden edhe dy shtetas të tjerë që kanë lidhje familjare më të shpallurit në kërkim. Ata janë në masën e sigurisë “arrest shtëpie” dhe pas vrasjes së Malkos u shoqeruan në Drejtorinë e Policisë së Tiranës por, u lanë sërish të lirë për mungesë provash. Policia bllokoi automjetin tip Audi i blinduar që përdorte njëri nga personat që është nën hetim për armëmbajtje paleje, pasi nuk kishte dokumetacion plotësues. Organi i akuzës shprehet se disponon prova se Teta ka qenë në vendngjarje pak përpara se të kryhej atentati ndaj 26-vjeçarit  dhe kjo gjë konfirmohet nga kamerat e sigurisë.  Gjithashtu perfshirja e Blendi Tetës, sipas prokurorisë, është e faktuar edhe nga pergjimet e bisedave telefonike që ky i fundit ka kryer me bashkëjetuesen e tij pas atentatit të 27-gushtit në zonën e Porcelanit në Tiranë. 39-vjeçari i ka mohuar akuzat para gjykatës dhe është shprehur i gatshëm të bashkëpunojë grupin hetimor. /ABC News Albania 24/7

 

 

 

 

santiago-malko.jpg
nev ila16:30 | 15/09/2019

Një person u ndalua nga policia e Tiranës në lidhje me vrasjen e ish-efektivit të policisë, Santiago Malko. 39-vjeçari nga kryeqytetit dyshohet se ka kryer veprime që pengojnë zbulimin e të vërtetës.

Policia e Tiranës ka ndaluar një person, i cili dyshohet se ka qenë i përfshirë në atentatin e mbrëmjes së 27 gushtit ndaj Santiago Malkos.

39-vjeçari nga kryeqyteti dyshohet se ka kryer veprime që pengojnë zbulimin e të vërtetës.

Ky është ndalimi i parë pas ekzekutimit të ish-efektivit Santiago Malko.

Dëshmia e personit nën hetimit sipas grupit hetimor mund të çojë edhe në identifikimin e autorëve ose porositësve te vrasjes.

Gjatë seancës së marrjes në pyetje, i ndaluari ka mohuar akuzat e ngritura ndaj tij, duke shtuar se, ka qenë thjesht kalimtarë në momentin e atentatit të 26-vjeçarit.

Viktima, Santiago Malko u ekzekutua në mënyrë mafioze në zonën e Porcelanit.

Në momentin kur u qëllua me breshëri automatiku në drejtim të 26-vjeçarit ky i fundit ishte duke folur në telefon dhe kishte ulur shpejtësinë e makinës së tij, duke mos vënë re asgjë nga ndjekja që po i bëhej nga dy automjete.

Nga  këqyrja e pamjeve rezultoi se pas automjetit të viktimës BMW X5 qëndronte një makinë tip Volkswagen Golf 6 dhe pas tyre në një distancë të afërt ishte edhe makina e autorëve të dyshuar të atentatit tip Mercesdes-Benz CLS ngjyrë e zezë.

Mercedesi më pas u gjet i shkrumbuar në fshatin Ferraj. Në makinën e djegur u sekuestrua arma e dyshuar e krimit, doreza, atlete dhe rroba, të cilat dyshohet se u përdorën nga autorët për të ekzekutuar Santiago Malkon.

Pista kryesore e hetimit është ajo e vrasjes për shkak të implikimit të 26-vjeçarit në disa ngjarje kriminale të ndodhura në Tiranë, të cilat vijojnë të jenë pa autorë./ABC News Albania 24/7

angjarja-e-santiago-malkos.jpg
ad min15:21 | 09/09/2019

Ish-efektivi Santiago Malko, i ekzekutuar në Tiranë edhe pse ishte person nën hetim për disa ngjarje kriminale, kishte mundur të emërohej prej 9 muajsh si inspektor pyjesh në Dajt. Prej muajit janar, 26-vjeçari nuk kishte qenë asnjë ditë në punë, por ishte paguar rregullisht.

Prej 9-muajsh ish-efektivi Santiago Malko i ekzekutuar në mënyrë mafioze mbrëmjen e 27 Gushtit ishte emëruar si inspektor pyjesh në Dajt.  26-vjeçari ishte një person nën hetim për disa ngjarje të rënda kriminale në Tiranë dhe Durrës, si edhe i dënuar për armëmbajtje pa leje dhe plagosje me dashje.

Burime nga grupi hetimor bëjnë të ditur për ABC News se prej Janarit të 2019-së, ai nuk ishte paraqitur asnjë ditë të vetme në punë, ndërkohë që pagesat kryheshin normalisht në llogarinë e tij bankare.

Për këto arsye po hetohet edhe praktika e ndjekur në rastin Malko. Për t’u punësuar në administratën shtetërorë dëshmia e penalitetit është kriteri kryesor. Ajo duhet të jetë e pastër për aplikuesit për një vend pune ose personi duhet të jetë i rehabilituar pas dënimit të kryer.

Dyshohet se Malko ka falsifikuar dosjen e tij për dëshminë e penalitetit, duke e deklaruar atë të pastër në drejtorinë e burimeve njerëzore në Inspektoriatin e Mjedisit dhe Pyjeve.

Policia e ka referuar dosjen për ekzekutimin e ish-efektivit pa autor në Prokurorinë e Tiranës. Grupi hetimor ka sekuestruar pamjet e më shumë se 40 kamerave të sigurisë të bizneseve në të gjithë gjatësinë e rrugës “Xhenfize Keko” për të bërë të mundur zbulimin dhe identifikimin e autorëve në vrasjen e 26-vjeçarit.

Po kështu rezultoi se në krim u përdor vetëm një armë zjarri tip automatik Kallashnikov model 54, ndërsa arma e tjetër nuk ka kryer qitje sipas ekspertëve të kriminalistikës.

Ndërkohë u përdorën dy automjete për të kryer ekzekutimin e të riut në zonën e Porcelanit. Hetimet për vrasjen e Malkos janë përqendruar kryesisht në larje hesapesh mes grupeve rivale./ABC News Albania 24/7

santiago-malko123.jpg
ad min17:37 | 03/09/2019

Me dhjetëra efektivë policie po verifikohen nga Drejtoria e Standardeve Profesionale, pasi kanë parë të dhënat në sistemin TIMS, të ish-kolegut të tyre Santiago Malko, që u ekzekutua mbrëmjen e 27 Gushtit në zonën e Porcelanit në Tiranë.

Nga ky verifikim, i cili ka nisur me urdhër të Drejtorit të Policisë së Shtetit Ardi Veliu, priten të preken një numër i lartë efektivësh. Ata dyshohen se kanë publikuar foton e Malkos në media dhe do hetohen për nxjerrje të sekretit hetimor.

Referuar ligjit, asnjë punonjës policie nuk mund të nxjerrë apo të kërkojë të dhëna nga sistemi TIMS, nëse nuk është i ngarkuar drejtpërdrejtë me hetimin e një çështje të caktuar.

Dyshimet janë se përveç fotos, janë publikuar edhe të dhëna sensitive që kanë cënuar figurën e viktimës./ABC News Albania 24/7

santiago-malko.jpg
ad min15:22 | 03/09/2019

ABC News siguron të tjera detaje lidhur me vrasjen e ish-efektivit Santiako Malko, 10 ditë më parë në Tiranë. Sikurse ka dalë nga këqyrja e kamerave të sigurisë, në momentin e ekzekutimit, 26-vjeçari po fliste në telefon dhe nuk ka vërejtur se po ndiqej nga atentatorët. Para vrasjes, sipas burimeve nga grupi hetimor, Malko vëzhgohej nga dy automjete.

Grupi hetimor ka siguruar pamje të rëndësishme nga kamerat e sigurisë të rrugës “Xhanfize Keko”, duke ndërtuar kronologjinë për mënyrën se si u ekzekutua në mënyrë mafioze ish-polici Santiago Malko.

Nga këqyrja e pamjeve ka rezultuar se pas automjetit të viktimës “BMW X5” qëndronte një makinë tip “Volkswagen Golf 6”. Pas tyre në një distancë të afërt ishte edhe makina e autorëve të dyshuar të atentatit tip “Mercedes-Benz CLS” ngjyrë e zezë.

Në momentin kur qëllohet me breshëri automatiku në drejtim të 26-vjeçarit ky i fundit ishte duke folur në telefon dhe kishte ulur shpejtësinë e makinës së tij, duke mos vënë re asgjë nga ndjekja që po i bëhej nga dy automjete.

Ndërkohë, është përjashtuar nga ekspertët se, një furgon i bardhë i ka prerë rrugën makinës së viktimës Malko. Nga kamerat e sigurisë nuk duket se furgoni i bardhë të ketë pasur rol në atë atentat.

Automjeti tip “Volkswagen” dhe targat e tij rezultojnë të vjedhura, ashtu si edhe ato të makinës tjetër “Mecedes-Benz”. Përfshirja e një automjeti të dytë dhe largimi pa lënë gjurmë të autorëve të vrasjes kanë krijuar bindjen se autorët që e kanë kryer atë kanë qenë profesionistë.

Edhe mënyra e largimit të dy makinave nga rruga “Xhenfize Keko” në drejtim të rrugës “Aleksandër Moisiu” është bërë tepër shpejt. Një person që ishte brenda automjetit “Mecedes-Benz” hipën në makin “Volkswagen Golf 6”.

Më tej humbin gjurmët e ndjekjes nëpërmjet kamerave të sigurisë se dy automjeteve. Vetëm pak çaste pas krimit, mjeti “Mercedes Benz CLS” pikaset nga një kamera sigurie në rrugën e Tufinës.

Ai më pas gjendet i shkrumbuar bashkë me armët e krimit në fshatin Ferraj, vetëm 20 minuta larg vendit të ngjarjes. Dy gomat e pasme të mjetit ishin të çara dhe kjo gjë dyshohet të ketë ndodhur për shkak të rrugës jo të asfaltuar dhe shpejtësisë së mjetit.

Gjithashtu në makinë e djegur u gjetën doreza, atlete dhe rroba, të cilat dyshohet se u përdorën nga autorët për të ekzekutuar Santiago Malkon. Për ngjarjen policia nuk ka asnjë person të ndaluar ndërsa u pyetur më shumë se 30 persona që mund të hedhin dritë mbi ngjarjen.

Lidhja me eksponentë të botës së krimit dyshohet të jetë edhe pista kryesore që po hetohet nga policia e Tiranës për ekzekutimin e ish-policit Santiago Malko./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono