sanremo

foto_782058_908x560.jpg
ent ela14:43 | 10/02/2019

Edicioni i 69-të i festivalit italian të Sanremos u fitua këtë herë nga një 29-vjeçar italo-egjiptian. Prejardhja e tij gjysmë myslimane ka shkaktuar jo pak polemika, por ka patur edhe nga ata që kanë përshëndetur ndërthurjen e kulturave. Vetë fituesi u shpreh se ndihej 100 % italian.

Është Mahmud, djaloshi italo-egjiptian, fitues i edicionit të 69-të të festivalit italian të këngës Sanremo. Ka qenë një fitore suprizë, edhe pse 27-vjeçari me këngën e tij “Para’” ndodhej në treshen e finalistëve bashkë me këngëtarin Ultimo dhe grupin Il Volo, që konsideroheshin favoritë. Kënga e Alessandro Mahmud, me nënë italiane dhe baba egjiptian, flet nën tingujt e muzikës rep për fëmijët e rritur në periferi, për varfërinë dhe rolin e prindërve. Në prononcimin e tij për mediat, djaloshi tha se ndihej 100 për qind italian. “Nëna ime është nga Sardenja, ndërsa babai egjiptian. Por unë kam lindur dhe jam rritur në Itali”, iu përgjigj ai kujt kishte ngritur polemika. Dhe në fakt, kontestimet nuk munguan. Ato filluan menjëherë në plate dhe në sallën e shtypit menjëherë pasi u njoftua klasifikimi final. Nuk mungoi edhe reagimi skeptik i zëvendës kryeministrit Mateo Salvini. “Kjo ishte kënga më e bukur??? Unë do kisha zgjedhur dikë tjetër”, tha ai në Tëitter. Por këtë herë numri dy i qeverisë italiane hasi në kundërshtimin e ish-partneres së tij, prezantueses televizive Eliza Izoardi. “Mahmud sapo fitoi festivalin e Sanremos. Tregues se bashkimi i kulturave të ndryshme gjeneron bukuri”, u shpreh ajo në profilin e saj. Në të njëjtën linjë u shpreh edhe analisti i njohur i shtypit italian, Aldo Kaculo. “Duhen më shumë si Mahmud, që është shembulli i integrimit që pasuron vendin”, shkroi ai në një artikull të “Corriere della Sera”. /abcnews.al

ermal-meta.jpg
ad min22:53 | 16/02/2018

Ermal Meta, pas fitores në Festivalin e Sanremos, ka kapur majat e klasifikimit në hit parade-in italian. Kantautori me origjinë shqiptare është renditur në vendin e parë me albumin e tij “Nuk kemi armë”.
Ndërkohë, miku i tij Fabrizio Moro, me të cilin fitoi dhe festivalin prestigjoz të muzikës italiane, është renditur i treti me këngën “Fjalë, zhurmë dhe vite”.
Ndërsa kënga e përbashkët, “Nuk më keni bërë asgjë”, renditet e dyta mes single-ve. Këngëtari ka filluar turin për promovimin e albumit. Pak ditë më parë ai ishte në Firence, ku bëri foto me fansat e tij./abcnews.al

vlcsnap-error334-1280x720.jpg
ad min12:04 | 11/02/2018

Përtej çdo pengese, shqiptari Ermal Meta dhe Fabrizio Moro fituan edicionin e 68 të festivalit muzikor në Itali, “Sanremo”. Fitorja e tyre erdhi pas akuzave për plagjaturë, nga e cila rrezikuan edhe eleminimin nga gara.

Shqiptari Ermal Meta dhe Fabrizio Moro, me “Nuk më keni bërë asgjë”, janë triumfuesit e edicionit të 68 të Festivalit të Sanremos, e para me drejtor artistik Claudio Baglioni dhe e drejtuar nga dyshja, Michelle Hunziker dhe Pier Francesco Favino.

Në vend të dytë u rendit banda “Lo Stato Sociale” me këngën “Një jetë në pushime”. Kurse vendi i treti i takoi solistes Annalisa me “Bota para teje”.
Ndërsa Ron me këngën “Të paktën më mendo” të Lucio Dalla fitoi çmimin e kritikës “Mia Martini”.

Ndërkohë, suksesi i dyshes Meta-Moro nuk ishte dhe aq i lehtë, pavarësisht se dominimi i tyre ishte i dukshëm pasi zotëruan 44.7% të votave, kurse ndejkësi më i afërt mori vetëm 28.4%. Në fund e drejta triumfon siç shkruajnë dhe mediat italiane për këtë rast. Favoritë për fitimin e festivalit prestigjoz të muzikës, konkurimi i tyre u vendos në dyshim për dy ditë dhe rrezikuan skualifikimin për përdorimin e një pjesë të një këngë që kishte marrë pjesë në Sanremo dy vite më parë.

Megjithatë, “Nuk më keni bërë asgjë” kaloi dhe këtë pengesë dhe shkoi drejt triumfit final. Ajo e Ermal Metës dhe Fabrizio Moros nuk është vetëm një fitore por edhe një hakmarrje për atë që ata e kanë perceptuar si një padrejtësi të fortë ndaj tyre.

Ndërkaq, të ftuar specialë në këtë edicion të Sanremos ishte këngëtarja Laura Pausini dhe humoristi Fiorello./abcnews.al

vlcsnap-error052-1280x720.jpg
ent ela14:14 | 08/02/2018

Ermal Meta dhe Fabrizio Moro do të vijojnë garën e tyre në Sanremo me këngën “Non mi avete fatto niente” – “Nuk më keni bërë asgjë”. Kjo pasi zyra juridike e Rait deklaroi se kënga e tyre ishte Brenda rregullave të festivalit

Rai bëri të ditur se pas vlerësimeve të kryera, nuk ka asnjë arsye që të përjashtohet nga gara kënga e Ermal Metës e Fabrizio Moro, pasi është Brenda rregullave të festivalit të Sanremos. Pas nxjerrjes në dukje të ngjashmërisë mes “Non mi avete fatto niente” dhe një kënge të prezantuar në Sanremo Giovani 2016, dyshja ishte lënë në pritje të një vendimi duke shtyrë dhe performancën e tyre në natën e dutë të festivalit

Zyra juridike e Rait në një deklaratë për shtyp, sqaron se kënga e dyshes Meta – Moro ka pasazhe të këngës Silenzio, në më pak se një të tretën e përbërjes së saj.

Nga vlerësimet e bëra të dyja këngët kanë shtrirje, kohëzgjatje, tekst dhe melodi të ndryshme. Përfundimi zyrtar është se të dyja këngët dhe pse kanë analogji, nuk mund të cilësohen si një krijim i njëjtë. Për këtë arsye kënga do të vazhdojë garën.

Duke pasur parasysh mbështetjen e madhe që dyshja Meta – Moro morën në rrjetet sociale orët e fundit, por dhe përpara nisjes së festivalit pasi cilësohen si pretendentë për të fituar, Rai sqaron se nuk është influencuar aspak nga rrjetet sociale dhe revolta e fansave të shumtë të dyshes.

Mbrëmjen e sotme pritet dhe performaca e të Metës dhe Moro, të cilët kanë një arsye të ndryshme për të kënduar se si ata që i sulmojnë : Nuk i kanë bërë asgjë dhe nuk i kanë marrë asgjë – si thuhet dhe në refrenin e këngës në garë./abcnews.al

 

 

C_2_articolo_3121972_upiImagepp.jpg
ent ela09:47 | 08/02/2018

E përfolur që në fillim si kënga pretendente për të fituar Sanremon, ajo e interpretuar nga Ermal Meta dhe Fabrizio Moro, do i nënshtrohet gjatë ditës verifikimve të tjera. RAI, me anë të një deklarate zyrtare sqaroi se performaca e artistit me origjinë shqiptare dhe atij italian, është shtyrë deri në marrjen e një vendimi.

RAI me anë të një deklarate zyrtare konfirmoi se organizuesit e festvalit të Sanremos kanë rënë dakord me drejtorin artistik, Claudio Baglioni, për të shtyrë performancën e dyshes Ermal Meta – Fabrizio Moro, e cila ishte parashikuar për mbrëmjen e së mërkurës. Vendimi u mor në prutje të verifikimeve për akuzën që i është bërë se kanë shkelur rregulloren e festivalit me këngën “Non mia avete fatto niente” – Nuk më keni bërë asgjë.

Kënga e dyshes Meta – Moro ka ngjashmëri në muzikë dhe në tekst me versionin e një kënge të 2016-ës, që është krijuar po nga i njëjti autor.

Pavarësisht akuzave në rregulloren e Sanremos parashikohet mundësia për të përdorur pjesë të këngëve të realizuara më pas në masën e një të tretës. Dhe në fakt në konferencën e parë për shtyp në 4 shkurt, Rai sqaroi se nuk bëhet fjalë për një plagjiaturë. Autori i këngës është i njëjti dhe rregullorja lejon përdorimin e disa fragmenteve, por jo më shumë se në 30 për qind të këngës. Për këtë arsye kënga e Meta – Moro është një pjesë e re muzikore me të gjitha të dhënat e saj. Zëvendës drejtori i RAI-t Klaudio Fasulo, theksoi dhe njëherë se nuk ka vend për polemika, pasi kënga nuk është një plagjiaturë. Vetë autori, kishte deklaruar se ishte një ripërpunim i krijimit të tij./abcnews.al

vlcsnap-error610-1280x720.jpg
ad min22:43 | 07/02/2018

Këngëtari shqiptar, Ermal Meta, është pezulluar nga festivali i Sanremos. Kënga e tij e kënduar në duet “Nuk më keni bërë asgjë”, rezulton e ngjashme me një këngë të paraqitur në viti 2016, po në këtë festival, në edicionin e të rinjve.

Këngëtari shqiptar, Ermal Meta, duket pa fat në paraqitjen e tij në edicionin e këtij viti të festivalit italian të këngës. Meta performoi në duet me Fabrizio Moron në natën e parë këngën “Nuk më keni bërë asgjë”. Por në orët e vona të mbrëmjes nisën akuzat se ajo këngë nuk ishte e re, pasi refreni kishte ngjashmëri me atë të një kënge tjetër me titull “qetësi” e kënduar tre vite më parë nga dueti Ambra Calvani dhe Gabriele De Pascali në seksionin e të rinjve në Sanremo.

Për pasojë, çifti Meta-Moro janë pezulluar nga gara nga organizatorët, me dakordësinë e drejtorisë artistike në pritje të verifikimeve të mëtejshme. Për pasojë, ata nuk do këndojnë në natën e dytë të festivalit.
Ngjashmëria mes dy këngëve është mbresuese si në muzikë ashtu edhe në tekst. Rregullorja e Sanremos parashikon që këngët në garë të jenë të reja, e asnjë pjesë e tyre të mos jetë publikuar më parë. Nëse provohet se ka ndodhur kështu, Meta dhe Moro do skualifikohen.

Në konferencën e parë për mediat të mërkurën, RAI ka sqaruar pozicionin e tij paraprak sipas të cilit “nuk bëhet fjalë për plagjiaturë, pasi të dy këngët kanë të njëjtin autor dhe rregullorja e parashikon mundësinë e përdorimit të fragmenteve të autorëve të tjerë, deri në 30% të këngës. Për pasojë kënga i ka të gjitha parametrat e një produkti të ri ka deklaruar zv/presidenti i Rai 1, Claudio Fazulo. Febo, autori i këngëve e ka shpallur ripunimin e këngës së tij të vitit 2016. Tani, RAI po bën vlerësimet e nevojshme, shton ai. Edhe drejtori artistik i Sanremos dhe moderator kryesor, artisti i njohur, Cladio Baljoni, ka kërkuar kujdes në vlerësime mbi këtë çështje.

Vetë Ermal Meta në një postim në Facebook refuzon akuzat për plagjiaturë dhe sqaron se ai dhe kolegu i tij, Andrea, kanë përdorur një pjesë të këngës së tre viteve më parë, e cila u skualifikua në seksionin e të rinjve në sanremo e nuk u komercializua kurrë. E përdorëm thotë Meta se nuk donim që të shkonte dëm një këngë aq e bukur dhe këtë e kemi deklaruar në shumë intervista tonat. Bashkë me autorin e asaj kënge, Andrea Febo, kemi shkruar një këngë të re e me një domethënie krejt tjetër. Kënga “Nuk më keni bërë asgjë” trajton ndjeshmëritë shoqërore nga aktet terroriste e sipas këngëtarëve, ka lindur pas atentatit terrorist në Mançester në 22 Maj të vitit të kaluar, në koncertin e Ariana Grandes./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono