sander lleshaj

sander-lleshaj.jpg
G. P.12:39 | 19/07/2019

Në takimin e Task Forcës për menaxhimin e turizmit në Himarë, Ministri i Brendshëm, Sandër Lleshaj u ka kërkuar llogari institucioneve vendore për mbarëvajtjen e sezonit turistik.

Ai deklaroi për mediat se subjektet private që administrojnë plazhet nuk janë të pajisur me elementet e sigurisë dhe janë pikërisht këto biznese që marrin lekë nga turizmi dhe nuk paguajnë taksa.

“Çdo subjekt privat që operon në vijën bregdetare të vendit të jetë i përgjegjshëm përballë klientëve të tij në aspektin e sigurisë. Duhet që stacionet e sigurisë, kullat e famshme, të funksionojnë ashtu siç duhet në mënyrë që ata pushues që paguajnë përballë këtyre subjekteve të marrin si kundërvlerë shërbimin e sigurisë dhe e dyta formalizimi. Formalizimi i të gjithë atyre që operojnë në vijën tonë bregdetare. Vija bregdetare është pronë e publikut dhe e qytetarit shqiptarë dhe gjithë publiku duhet të përfitojnë nëpërmjet taksave jë pjesë të vlerës që gjenerohet. Nuk mund të pres vitin tjetër për të rregulluar këtë vit. Ne duam ta rregullojmë sot. Ky është mesazhi. Të gjitha autoritetet, qoftë vendore, qoftë agjenci të tjera duhet të marrin masa. Duhet të bëjnë që qytetarët të gjejnë sigurisë dhe subjektet që punojnë të prodhojnë taksa për qytetarët”, tha Lleshaj./ABC News Albania 24/7

lleshaj-1280x853.jpg
G. P.14:05 | 18/07/2019

Propozimet e mazhorancës për ndryshimet në Kodin Penal i mbështeti në Kuvend edhe ministri i Brendshëm Sandër Lleshaj. Sipas ministrit duke forcuar ligjin i shërbejmë jetës së qytetarëve duke sjellë në vëmendje edhe vitin ’97 kur u vranë njerëz në mënyrë të pavullnetshme.

“Duhet të bllokojmë kufirin për të ruajtur mosfutjen e armëve në Shqipëri. Shqipëria është vend i lirë dhe kufijtë tanë janë shumë porozë për arsye se janë kufij të gjelbër tashmë. Nuk janë kufij me tela me gjemba dhe përmes këtyre kufijve të gjelbër mund të futen. Ashtu siç futen kontrabandë cigare e mallra të tjera, mund të futen edhe armë dhe mjete të rrezikshme. Prandaj duhet forcuar dhe ashpërsuar ligji dhe ndëshkimi penal ndaj posedimit të armëve. Ne do të shkojmë në një hap më të rëndësishëm më vonë duke forcuar kriteret për mbajtjen e armëve edhe në mënyrë të ligjshme. Shqipëria, ashtu si shumica e vendeve europiane ka një politikë penale relativisht liberale sa i përket dënimit penal.

Ne që e kemi hequr dënimin me vdekje, duhet të heqim edhe mundësinë fizike që dikush të vrasë. Kur ja kemi hequr këtë mundësi ligjit dhe shtetit për të vrarë, duhet t’ia ngushtojmë mundësinë çdo qytetari, i cili siç thatë ju nuk mund të pengohet kurrë për t’u çmendur, që një ditë të caktuar duke e patur lehtësisht në dorë armën, edhe mund ta përdorë keq edhe mund të vrasi njeri. Kjo është pak a shumë ideja që është mbrapa këtij propozimi. Të forcojmë dënimin penal  ndaj atyre që posedojnë në mënyrë të paligjshme armë, sepse këto armë nuk janë instrumente muzikore nga ato të ahengut që përmendët, po janë mjete të cilat kanë vetëm një funksion – për të vrarë”, tha Lleshaj./abcnews.al

PArtia-Demokratike.jpg
nev ila21:38 | 27/06/2019

Menjehërë pas statusit në rrjetet sociale të ministrit Sandër Lleshaj i cili akuzonte Partinë Demokratike për sulmin në KZAZ-në nr.6 në Shkodër, ka reaguar Partia Demokratike e cila deklaron se asnjë militant i Partisë Demokratike nuk ka djegur asnjë KZAZ në Bushat-Shkodër.

Asnjë militant i Partisë Demokratike nuk ka djegur asnjë KZAZ në Bushat.

Dënojmë me forcë deklaratën kriminale dhe shpifjen e Ministrit të Brendshëm, si pjesë e një skenari të parapërgatitur nga Qeveria, për të inkriminuar opozitën.

U bëjmë thirrje mbështetësve tanë të mos bien pre të këtij skenari dhune.

Partia Demokratike është në dijeni të planit kriminal që është hartuar me gjakftohtësi nga Edi Rama, dhe që ka disa ditë që po tentohet të vihet në jetë. E siguroj në emër të Partisë Demokratike se do të dështojë, pavarësisht retorikës konfliktuale të vazhdueshme apo përhapjes së panikut tek qytetarët dhe bizneset private”./abcnews.al

polici.jpg
nev ila20:57 | 27/06/2019

Shkolla profesionale në Bushat  ku ndodhet KZAZ nr.6 u sulmua me molotov mbrëmjen e se enjtes nga militantë të opozitës duke djegur një pjesë të konsiderueshme të materialeve zgjedhore. Nga ngjarja mbeten të plagosur 3 policë dhe janë shoqëruar në komisariat disa persona.

Militantët e opozitës zhvilluan një protestë mbrëmjen e se enjtes para KZAZ nr 6 në shkollën profesionale “Ndre Mjeda” në Bushat.

Me pas KZAZ-ja u sulmua me Molotov .

Flakët përfshinë ambientet ku ndodheshin materialet zgjedhore. Një pjesë e konsiderueshme e tyre u shkrumbuan.

Policia e Shkodrës informoi se nga ngjarja mbeten të plagosur tre policë të komisariatit të Vaut të Dejës. Të lënduarit u transportuan në spitalin e Shkodrës për të marrë ndihmën mjekësore.

Në vendngjarje shkoi edhe Drejtori i Policisë së Shkodrës, Niko Brahimaj. Kandidati i PS për bashkinë e Vaut të Dejës dhe deputeti Tom Doshi thonë se materialet do të zëvendësohen dhe autorët do të përgjigjen para ligjit.

Në komisariat janë shoqëruar disa persona. Pak minuta pas ngjarjes reagoi në rrjetet sociale ministri i brendshëm Sandër Lleshaj.

“Përsëri sulmohet me molotov një shkollë në Shkodër, si shenjë skizofrenie politike e PD për të penguar zgjedhjet. Kryetarët pa mandat nuk mund të mbajnë peng bashkitë me molotov. Ligji do të veprojë ,’ –përfundon mesazhin e tij ministri Lleshaj.

Menjëherë është kundërpërgjigjur edhe Partia Demokratike me dy deklarata për mediat. Në njoftimin e parë thuhet se asnjë militant i Partisë Demokratike nuk ka djegur KZAZ në Bushat dhe dënon me forcë shpifjen e ministrit të brendshëm si pjesë e një skenari të parapërgatitur nga qeveria për inkriminuar opozitën. Në deklaratën e dytë Partia Demokratike dënon sërish skenarin kriminal të Edi Ramës

“Emërimi i Tom Doshit si shef i shtabit politik për Shkodrën, nga Edi Rama, është emblema e qeverisë për 30 Qershorin. Një individ, në listën e zezë të Shteteve të Bashkuara, është garancia që Edi Rama i jep krimit për të bashkëqeverisur ”,- thuhet ne njoftimin e PD-së./ABC News Albania 24/7

sander-lleshaj.jpg
nev ila19:10 | 26/06/2019

Kreu i nje grupi kriminal i cili dyshohet se ka trafikuar ne disa vende te europes mbi 1.5 ton kokainë është vënë në pranga.  51 vjecari Astrit Beqiri, banues në Shkodër është arrestuar nga policia vendore, e mbështetur nga forca policore të Tiranës e Korçës, në bashkëpunim me Prokurorinë e Krimeve të Rënda. Aksioni ishte pjesë e një operacioni ndërkombëtar të koordinuar nga EUROPOL, i shtrirë në Danimarkë, vendi iniciues, Suedi, Gjermani, Belgjikë, Holandë, Slloveni e Shqipëri.

Pas ketij operacioni ka reaguar Ministri i Brendshem Sandër Lleshaj. Lleshaj përmes një statusi në rrjetet sociale ka shkruar se pjesë e goditjes së këtij operacioni janë shumë pjestarë të krimit të organizuar.

“Goldfinger”, operacioni i koordinuar nga EUROPOL, ku merr pjesë Policia dhe Prokuroria Shqiptare, godet fort në Europë dhe në Shqipëri. Pjesë e goditjes janë shumë pjestarë të krimit të organizuar dhe sasi të mëdha asetesh kriminale. Kjo goditje e radhës provon pjekurinë, motivimin, besueshmërinë dhe profesionalizmim e lartë të organeve tona ligjzbatuese“, shkruan Lleshaj./abcnews.al

lleshaj-fevzo-933x445.jpg
nev ila22:43 | 24/06/2019

Ministri i Brendshëm, Sandër Lleshaj thotë se policia ka informacione që mund të ketë tentativa për të shkaktuar probleme më 30 Qershor, megjithatë ai mohon që vendi rrezikon të shkojë në një përplasje civile. Ai thotë se problemet që mund ketë janë ato të rendit publik. I ftuar mbrëmjen e kësaj të hëne në emisionin “Opinion”, Lleshaj tha se mazhoranca është e detyruar nga Kushtetuta për të shkuar në zgjedhje.

Zoti Lleshaj ju pra jeni të vendosur për të shkuar në zgjedhje më 30 Qershor?  

“Ne nuk jemi të vendosur, ne jemi të detyruar për të shkuar në zgjedhje, ne jemi të detyruar prej Kushtetutës. Kush mund të ishte alternative…”

Po kush ju detyron ju zoti Lleshaj të shkoni në një përplasje, që rrezikon të jetë edhe një përplasje civile?

“Jo nuk rrezikon të ketë përplasje civile, sepse nuk ka një konflikt civil në Shqipëri”.

A keni ju informacione të klasifikuara si ministri, si polici, nga shërbimet e specializuara që mund të ketë probleme më 30 Qershor?

“Probleme mund të ketë më datë 30 Qershor. Probleme të nivelit të rendit publik, probleme të kriminalitetit, por jo probleme të konfliktit civil.

Keni informacione apo hamendje?

“Kemi dhe informacione që mund të ketë tentativa për të shkaktuar probleme në nivelin kriminal të çështjes, por jo në nivelin civil.

Çdo me thënë në nivelin kriminal të çështjes?

“Po grupe të caktuara kriminale, çdo ditë kemi probleme kriminale në Shqipëri. Grupe kriminale ose individë që zhvillojnë veprimtari kriminale ka shumë. Ata që dalin përballë ligjit janë kriminelë”./tvklan.al

sander-lleshaj.jpg
G. P.14:40 | 19/06/2019

Disa nga Policitë bashkiake që drejtohen nga opozita do të shkrihen. Vendimi u bë i ditur nga ministri i Brendshëm, Sandër Lleshaj, i cili akuzoi uniformat blu të bashkive se kanë dalë kundër misionit të tyre dhe janë kthyer në rrezik publik.

 “Fatkeqësisht, individë të verbuar politikisht, kryesisht punonjës bashkish, por për më keq punonjës të Policive Bashkiake, po gabojnë rëndë duke u përdorur si “mish për top” nga drejtuesit e tyre të bashkive dhe udhëheqësit dritë-shkurtër të këtyre të fundit në Tiranë.

U bëj thirrje punonjësve publikë që të mos marrin mbi vete barrët e rënda ligjore, duke kryer krime elektorale të dënueshme nga Kodi Penal, për llogari të një grushti njerëzish që për interesat e tyre dhe hallet e tyre me drejtësinë, duan të marrin peng zgjedhjet për të dëmtuar rrugën evropiane të Shqipërisë.Qeveria do të marrë masa të menjëhershme që në pajtim me ligjin të shkrijë disa struktura të policisë bashkiake, që janë shndërruar në rrezik publik. Askush nuk do të tolerohet”. 

Lidhur me përplasjet në shumë KZAZ në mbarë vendin, Lleshaj paralajmëroi se protestuesit do të ndëshkohen me të gjithë forcën e ligjit.

“Skenat e djeshme dhe të sotme, të sulmeve barbare mbi shkollat, ku janë vendosur Komisionet Zonale të Administrimit Zgjedhor dhe angazhimi i punonjësve të Bashkive ‘blu’, për të djegur dhe shkatërruar materialet zgjedhore, janë shfaqje domethënëse e përfshirjes së opozitës jashtë-parlamentare në një spirale të rrezikshme jo vetëm të vetë shkatërrimit, por edhe të dëmtimit të interesit publik. Në të njëjtën kohë, kjo është një shfaqje brutale e dëshpërimit politik të kthyer në veprimtari të paligjshme e në akte kriminale, që do të ndëshkohen me të gjithë forcën e ligjit. Policia e Shtetit, garantja ligjore e mbarëvajtjes së procesit zgjedhor, e cila po provokohet dhe po sulmohet në mënyrë të organizuar, po përgjigjet dhe do të përgjigjet proporcionalisht dhe me vendosmëri deri në fund”.

Procesi zgjedhor po sulmohet dhe provokohet në mënyrë të organizuar dhe policia do të përgjigjet proporcionalisht dhe me vendosmëri deri në fund.

 “U bëj apel po ashtu, prokurorëve dhe gjykatësve të këtyre territoreve, ku po shkelet ligji dhe po sulmohet e drejta e popullit për të zgjedhur, që të zbatojnë ligjin, vetëm ligjin dhe asgjë tjetër përveç tij! Policia e Shtetit do të ndalojë dhe do të arrestojë në bazë të ligjit, çdo shkelës dhe do të depozitojë prova të mjaftueshme për ndëshkimin e tyre, sipas parashikimeve të Kodit Penal të Republikës së Shqipërisë. Ky është një moment kritik në betejën e ligjit me anti-ligjin, shtetit me anti-shtetin, shoqërisë me grupet paramilitare të një politike që zhvillohet në shtratin e paligjshmërisë”.

Në fund Lleshaj theksoi se disa Kryetarë bashkish që po u përfundon mandati legjitim nuk mund të qëndrojnë me dhunë më në detyrë./ABC News Albania 24/7

kodi-zgjedhor.jpg
G. P.14:40 | 18/06/2019

KQZ refuzon kërkesat e disa bashkive të djathta për  të liruar ambientet ku janë vendosur KZAZ-të, ndërsa Ministri i brendshëm tha se forcën mund ta ushtrojë vetëm policia, e jo kryetarët e bashkive. Presidenti Meta thotë se po mban shënim shkelësit e ligjit dhe foli për provokues artificialë më qëllime të errëta.

Komisioni Qendror i Zgjedhjeve kërkon nga bashkitë që drejtohen nga opozita, të mos cënohen ambientet që janë vendosur në dispozicion të votimeve. Zëdhënësja e KQZ-se tha se veprimet që pengojnë zgjedhjet, përbëjnë vepër penale.

“Kërkesat e tyre janë në tejkalim të kompetencave. Veprimet që pengojnë zgjedhjet përbëjnë vepra penale dhe ne do t’ju drejtohemi institucioneve”. 

Nga këto deklarime u distancua kryetari i KQZ-së Klement Zguri, i cili tha se përfaqësojnë vetëm qëndrimet e 4 anëtarëve të tjerë të komisionit.

Teksa KZAZ-të në disa bashki po kthehen në një duel mes funksionarëve bashkiake dhe forcave të rendit, ministri i Brendshëm u shpreh se forcën nuk mund ta ushtrojë askush veç policisë.

“Nuk kanë atribute për të ushtruar forcë Kryetarët e bashkive në një vend normal. Atributet e forcës në një shtet ligjor i ka vetëm Policia e Shtetit, që ka monopolin për ta ushtruar forcën në bazë të ligjit Ka një afat 4-vjeçar për të ushtruar funksionet. Nëse ky afat mbaron është absurde, është paradoksale të mendojmë që një kryetar bashkie del dhe lufton me forcë për zgjatur arbitrarisht afatin ose mandatin e tij”.

Për këtë situatë, ka reaguar edhe Presidenti i Republikës përmes zëdhënësit të tij.

“Presidenti Meta vlerëson të gjitha institucionet që zbatojnë ligjin dhe i inkurajon që ta bëjnë këtë me përgjegjshmëri maksimale dhe transparencë të plotë. Presidenti mban shënim të gjithë personat që shkelin ligjin dhe provokojnë tensione artificiale, të cilat u shërbejnë vetëm atyre grupimeve të errëta vendase dhe të huaja, që kërkojnë destabilitet në Shqipëri dhe rajon, me qëllim defaktorizimin e Shqipërisë dhe shqiptarëve”.

Bashkitë e drejtuara nga opozita njohin dekretin e Metës për anulimin e 30 Qershorit, ndryshe nga bashkitë e drejtuara nga mazhoranca, ku KZAZ-të vijojnë punën sikur ky dekret të mos ekzistonte.

/ABC News Albania 24/7

lleshaj-vlore.jpg
nev ila11:04 | 18/06/2019

Një ditë pasi Partia Demokratike e cilësoi shantazh faktin që sipas saj, ministri i Brendshëm Sandër Lleshaj, në një takim me truproja të kreut të opozitës, Basha, ka deklaruar se siguria e tij është në rrezik, reagoi ministri. Nga Vlora, Lleshaj tha se nuk kam asnjë informacion që Basha është kërcënuar.

Ministri i Brendshëm Sandër Lleshaj deklaroi nga Vlora se nuk ka dijeni që kryetari i PD-së të jetë kërcënuar. Kurse  takimet me truprojët e Gardës që ruajnë Bashën i quan pjesë të punës se tij të përditshme.

“Puna ime është të takoj oficerët e Gardës, oficerët e Policisë, me këtë punë merrem gjithë ditën, takoj oficerë të Gardës edhe të Policisë sepse këtë punë kam”, tha ai.

Lleshaj e pranoi se i ka shkuar shkresa e firmosur nga Gazment Bardhi që e informon në lidhje me një kërcënim ndaj kreut të PD, Lulzim Basha.

“Po letra është bërë publike, atë e keni në gazetë. Eshtë e vërtetë që ka patur një letër, të cilën ende nuk e kam lexuar. Siguria e Bashës, nuk kam ndonjë informacion që rrezikohet. Sigurisht jam vënë në dijeni dje të një letre që janë shtruar dhe disa pyetje, por nuk kam informacion që siguria e Bashës të jetë e kërcënuar në mënyrë specifike”, tha Lleshaj.

Deklarata u nga qyteti i Vlorës ku Lleshaj ndodhej në një takim me autoritetet portuale dhe ato të policisë, lidhur me masat e sigurisë për sezonin turistik.

“Ne po bëjmë përpjekje, por megjithatë them që këtu nevoja për përmirësim është shumë e madhe. Dhe këtu gjej rastin për të bërë një thirrje publike për të rinjtë e këtij vendi, të cilët duhet të afrohen për t’u bashkuar me Policinë e Shtetit”, tha ai.

Kurse për kultivimin e kanabisit, ai rikujtoi që pas 15 Qershorit do të ndëshkohen të gjitha autoritetet vendore që nuk kanë njoftuar më parë për bimët e mbjellura./ABC News Albania 24/7

basha-dhe-lleshaj.jpg
G. P.12:06 | 17/06/2019

Ministri i Brendshëm Sandër Lleshaj ka informacione për cenim të sigurisë së kryetarit të PD dhe ka thirrur oficerin e gardës të kreut të Bashës, për t’i ofruar masa sigurie shtesë. Por PD akuzon ministrin Lleshaj për kërcënim politik dhe i kërkon sqarime pse nuk e ka trajtuar këtë rast në mënyrë ligjore. Ndërkohë presidenti Meta ka thirrur kreun e SHISH, Helidon Bendo, ku i ka kërkuar informacion mbi natyrën e kërcënimeve ndaj shefit të opozitës.

Siguria e kryetarit të PD-së, Lulzim Basha, është e kërcënuar. Këtë informacion i ka përcjellë Ministri i brendshëm Sandër Lleshaj oficerit të grupit të shoqërimit të kryedemokratit Lulzim Basha, Feim Dollapaj.

Ministri Lleshaj e ka thirrur oficerin e Bashës në zyrën e tij pasditen e 14 Qershorit në zyrën e tij, duke i komunikuar se ka informacione mbi rrezikun që i kanoset sigurisë së kryetarit të PD.

Ministri Lleshaj i ka kërkuar oficerit të gardës Dollapaj t’i bëjë me dije nëse z.Basha kërkon masa shtesë sigurie. Ka qenë Sekretari i Përgjithshëm i PD-së Gazment Bardhi ai që ka publikuar këtë informacion në një letër zyrtare që i dërgon Ministrit të Brendshëm, duke e akuzuar se po bën shantazh për qëllime politike ndaj kreut të opozitës, në vend që të bëjë detyrën.

“Në bazë të ligjit, ju duhet ta përcillni informacionin që keni tek drejtuesit e Gardës së republikës, që janë autoriteti përgjegjës për të vlerësuar masat e nevojshme të sigurisë ndaj një personaliteti shtetëror që gëzon mbrojtje të posaçme, si dhe tek institucionet ligjzbatuese që kanë përgjegjësinë ligjore për të gjurmuar, vlerësuar dhe neutralizuar çdo rrezik të tillë.”

Sekretari i përgjithshëm i PD e mbyll shkresën e tij duke i kërkuar ministrit të Brendshëm, Sandër Lleshaj që ta informojë menjëherë dhe zyrtarisht PD-në mbi arsyen se përse e ka trajtuar këtë çështje në anashkalim të ligjit.

Ndërkohë Presidenti i Republikës ka kërkuar informacione për kërcënimet ndaj sigurisë së kryetarit të PD-së Lulzim Basha. Kreu i shtetit ka thirrur në zyrë mesditën e sotme kreun e Shërbimit Informativ Kombëtar Helidon Bendo dhe komandantin e Gardës së Republikës Gramoz Sako.

Mësohet se Presidenti ka kërkuar informacion mbi natyrën e kërcënimeve ndaj shefit të opozitës, si dhe për masat që ka marrë Garda e Republikës para një situate të tillë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono