sander llehsi

rama-me-policen-e-plagosur-1280x627.jpg
ent ela10:57 | 23/12/2018

Policja e dëmtuar gjatë protestës së banorëve të unazës së re përpara parlamentit është kthyer nga Turqia ku udhëtoi për tiu nënshtruar një ndërhyrje kirurgjikale në duar, ku edhe u dëmtua si pasojë e shpërthimit të një kapsolle.

Oficerja e policisë e dëmtuar gjatë protestës së banorëve të unazës së re përpara parlamentit më 22 Nëntor, e dërguar në Turqi për t’iu nënshtruar një operacioni të vështirë në duart e dëmtuara nga shpërthimi i një kapsolle, është kthyer në Tiranë. Suksesin e ndërhyrjes kirurgjikale Ina Nuka ia tregoi vetë shefit të qeverisë i cili e priti në zyrë, i shoqëruar nga Ministri i Brendshëm Sandër Lleshaj.

“Brenda 6 muajve me thanë do kesh ndjeshmërinë e gishtave dhe këtë javë do heq penjtë dhe pastaj do merrem me fizioterapi”.

Vendim qeverie për të dhënë një mbështetje financiare dhe morale për policen i premtoi kreu i qeverisë Rama Inës e cila pritet të rikthehet në detyrë në përfundimt të rikuperimit.

“Fola dhe me ministrin për mbështetje financiare dhe morale që të kesh ndjesinë e plotë të solidaritetit tonë dhe mundësinë që të rekuperohesh plotësisht dhe rintegrohesh. Besoj që do fillosh pak nga pak e punën në një detyrë më të lehtë si fillim pastaj si të shohim”.

/abcnews.al

RAMA-KUNDER-METES-1280x720.jpg
ent ela22:11 | 08/11/2018

Kryeministri Rama do të çojë nesër në Presidencë sërish dekretin për emërimin e Sandër LLeshit në detyrën e ministrit të Brendshëm. Teksa bëri këtë deklaratë në studion e emisionit “Real Story”, të gazetarit Sokol Balla, kreu i qeverisë tha se dekretin do ta shoqërojë dhe me një relacion shterues për emrin e propozuar prej tij për ministër të brendshëm. Në këtë mënyrë kreu i shtetit, sipas Ramës, do të mund të krijojë bindjen për ministrin e ri të Brendshëm në 7 ditët e ardhshme, sipas afatit kushtetues. Rama u shpreh i sigurt se në përfundim të këtij afati, presidenti Meta do të dekretojë Sandër Lleshin për ministër të Brendshëm.

Rama deklaroi gjithashtu se të hënën do të çojë në Gjykatën Kushtetuese një kërkesë për të interpetuar të drejtën e Presidentit për të rrëzuar emrat e ministrave. Rama tha se kjo kërkesë do të arkivohet dhe do të merret në shqyrtim nga Gjykata Kushtetuese, që sipas tij do të jetë funksionale brenda pranverës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono