samiti i NATO-s

trump11.jpg
ent ela11:22 | 14/07/2018

Kreu i Shtëpisë së Bardhë Donald Tramp kërcënoi se do të nxirrte Shtetet e Bashkuara të Amerikës nga NATO, por më pas u tërhoq nga kjo deklaratë pas vendimit të shteteve anëtare të aleancës atlantike për të rritur shpenzimet ushtarake me 33 miliardë dollarë.

“Mund të dal nga NATO, por nuk do ta bëj”. Në këtë mënyrë Presidenti Amerikan Donald Trump tërhoqi kërcënimin për t’u larguar nga aleanca atlantike në rast se vendet aleate nuk do të kishin shtuar shpenzimet ushtarake. Hapi prapa erdhi pas vendimit të vendeve anëtare, të konfirmuar nga vetë Presidenti Amerikan, për të rritur kontributin për shpenzimet ushtarake me 33 miliardë dollarë. Fjalët e kreut të Shtëpisë së Bardhë kishin shtyrë NATO-n të thërriste një mbledhje të jashtëzakonshme.

“Besoj tek NATO, të gjitha vendet anëtare ranë dakord që të rrisin shpenzimet për mbrojtjen, në një nivel që nuk është arritur më parë”- theksoi Trump. Më tej ai shtoi se i kishte bërë të ditur vendeve që ishte i pakënaqur për shpenzimet që bëheshin për mbrojtjen, sepse Shtetet e Bashkuara të Amerikës paguajnë 90 për qind të tyre, dhe kjo nuk ishte e drejtë. Por Trump tha se sot NATO është më e fortë se disa ditë më parë, sepse të gjithë janë impenjuar që të rrisin kontributin ushtarak.

Ai që ishte kthyer në rastin Trump, u përgënjeshtrua fillimisht nga presidenti francez Emanuel Makron, i cili tha se Presidenti Amerikan nuk kishte kërcënuar asnjëherë në asnjë moment, as në publik dhe as privatisht, për t’u tërhequr nga NATO.

Kreu i Shtëpisë së Bardhë kishte lënë kishte lënë të kuptohej se vendet e Aleancës Atlantike duhet të rrisnin kontributin e tyre deri në katër për qind të buxhetit. Gjatë fjalës së tij në punimet dedikuar marrëdhënieve mes NATO-s dhe Ukrainës, Tramp sulmoi sërish Gjermaninë dhe iu drejtua partnerëve të tjerë me tone dhe më të ashpra.

Pikërisht këtyre të fundit ai u kërkoi një përpjekje të menjëhershme në mënyrë që shpenzimet ushtarake të mbuloheshin nga 2 përqindëshi i buxhetit, në kuadër të realizimit të objektivit të vënë për vitin 2024. Dhe nëse një gjë e tillë nuk do të ishte realizuar, Tramp premtoi se do të vazhdonte në rrugën e tij. Një paralajmërim që ai e tha gjatë takimit me presidentin ukrainas Petro Poroshenko, e që kishte ngjallur polemika të ashpra. Fraza dhe pse nuk u konfirmua zyrtarisht u interpretua nga disa media gjermane dhe belge si një kërcënim për daljen e Shteteve të Bashuara të Amerikës nga NATO.

 “Dua të qartësoj diçka: Kam përjetuar pushtimin sovjetik të një pjese të Gjermanisë. Dhe është një gjë e mirë që vendi tashmë është i pavarur”. Kancelarja gjermane Angela Merkel ka zgjedhur t’i përgigjet në këtë mënyrë presidentit amerikan Donald Trump, duke risjellë në vëmendje fëmijërinë që kishte kaluar në Gjermaninë Lindore, nën sferën e influencës të Bashkimit Sovjetik. Në fakt, në prag të samitit në Bruksel mes liderëve të vendeve anëtare të NATO-s, Tramp kritikoi Gjermaninë se kishte firmosur marrëveshje të rëndësishme për gazin dhe naftën me Rusinë, me Berlinin që paguan me miliarda dollarë çdo vit Moskës. Gjermania sipas Tramp, kontrollohet në mënyrë absolute nga Rusia. Një polemikë kjo që iu shtua atyre për kontributin e vendeve aleate të Aleancës Atlantike. Sa herë që një President Amerikan i kujton aleatëve pragun e famshëm të 2 përqindëshit të buxhetit për t’ia dhënë zhvillimit të mbrojtjes, në Aleancë rikthehen tensionet. Por Merkel nuk ka qëndruar në heshtje, duke thënë se Gjermania kontribuon shumë, dhe se në kuadër të NATO-s kontigjenti gjerman është i dyti pas atij amerikan. Kancelarja gjermane shtoi se vendi i saj do të shtojë buxhetin për mbrojtjen ashtu si dhe u vendos në Uells. Brenda vitit 2028 shpenzimet do të rriten me 28 për qind në krahasim e vitin 2014.

Donald Trump u takua me liderë të ndryshëm të NATO-s në Bruksel para se të udhëtonte në Britaninë e Madhe ku u takua me kryeministren britanike Mej. Në një takim që sigurisht nuk munguan deklaratat e forta dhe pasojat e tyre.

Menjëherë sapo mbërriti në Mbretërinë e Bashkuar, Tramp në një intervistë për britaniken “San” kritikoi kryeministren Mej dhe mbështeti rivalin e sj të brendshëm Boriks Xhonson duke thënë se ai do të kishte qenë një kryeministër i shkëlqyer për vendin.

Deklaratat e tij u bënë menjëherë pas mbrëmjes gala të organizuar në nder të tij nga kryeministrja britanike në ish rezidencën e Uinston Çërçill në Oksford. Kreu i Shtëpisë së Bardhë u përqendrua më shumë në planin e ri për brexit, dhe jo rastësisht intervista e tij u bë në median në pronësi të manjatit Rupert Murdoch, televizioni i të cilit Foks Njus ëshët prej kohësh një mbështetës i madh i Tramp në Shtetet e Bashkuara të Amerikës.

Plani për një Brexit të butë të prezantuar ditët e fundit nga kryeministrja Mej, ndoshta do të vriste një marrëveshje për tregti të lirë mes britanisë së madhe dhe shteteve të bashkuara të amerikës, pohon presidentik amerikan në intervistë. Kjo sepse për amerikanët do të nënkuptonte se po bëjnë ende marrëveshje me bashkimin europian dhe jo me Mbretërinë e Bashkuar. të hënën kryeministrja britanike do të vendosë në votim në parlament propozimin e saj dhe rrezikon të humbasë për shkak të kundërshtimit të rrymës më anti europiane të partisë konservatore, dhe fjalët e Tramp rrezikojnë të ushqejnë dhe më shumë opozitëne  brendshem ndaj propozimit të saj. “I kisha thënë Terezës si të negocionte, por nuk më dëgjoi, vendosi të ndiqte një rrugë tjetër,” shtoi kreu i Shtëpisë së Bardhë. Por kjo nuk është goditja e vetëm e tij: duke folur për Boris Xhonson pak ditë pas dorëheqjes si ministër i brendshëm pasi nuk ishte dakord me planin e kryeministres për Brexit, Tramp thotë se ai do të kishte qenë një kryeministër shumë i mirë pasi ka atë që duhet për të drejtuar vendin e tij.

Gjithnjë duke iu referuar Brexit, presidenti amerikan përsërit atë që ka thënë në Bruksel se plani i ri është shumë i ndryshëm nga ai për të cilin britanikët votuan në referendumin për Bashkimin Europian dy vjet më parë. Ndërsa për Bashkimin Europian ai shprehet se ka shumë probleme. Trump këmbëngul se shtete e bashkuara të amerikës nuk janë trajtuar njësoj për sa i përket tregtisë dhe për këtë arsye ai po regonte. I pyetur për protestat kundër tij në Londër, Tramp u shprehs e Londra dikur i pëlqente por nuk kishte arsye për të qëndruar përderisa nuk e bënin të ndihej i mirë se ardhur.

Por pas intervistës në SAN që u mor nga mediat e të gjithë botës, zëdhënësi i Shtëpisë së Bardhë u shpreh se Presidenti Amerikan e respekton shumë Tereza Mej dhe nuk është shprehur asnjëherë kundër saj. Por BBC shkruan se Tramp sapo kishte kaluar me një bulldozer sipër planit të kryeministres britanike për Brexit.

Të hënën Tramp takohet në Helsinki me liderin e Kremlinit, për të cilin ishte shprehur se do të ishte takimi më i lehtë nga të gjithë. Një shaka shumë serioze, duke marrë parasysh se u ndoq nga sulme në drejtim të bashkimit europian përsa i përket tregtisë dhe mbrojtjes së përbashkët.

Deklarata ndaj të cilave ka reaguar presidenti i Këshillit Europian Donald Tusk, i cili i ka kërkuar Uashingtonit të tregojë më respekt për aleatët e tij, duke shtuar se nuk është se kanë dhe shumë aleatë. Një reagim ndaj Presidentit Amerikan dhe kritikave të tij gati të përditshme për qeverisjen në Europë.

Shumë burime diplomatike të NATO-s ditët e fundit kanë bërë deklarata që tregojnë shqetësim, pasi Tramp ka sjellë të njëjtat tensione sin ë samitin e G7-ës duke u përqendruar në temën e shpenzimeve për aleancën atlantike. Disa prej tyre u shprehën se e ardhmja e aleancës nuk është më aq e sigurtë. Ndërsa kancelarja gjermane Merkel u shpreh se Europa mund të mos jetë më në gjendje të mbështete në aleatin e saj amerikan. Gjithësesi funksionarë amerikanë u shprehën për agjencinë e lajmeve Reuters se Trump nuk do të heqë dorë nga mbështetja e shteteve të bashkuara të amerikës për artikullin 5 të traktattit atlantik, sipas të cilit një sulm kundër një vendi aleat konsiderohet një sulm kundër të gjithë vendeve anëtare.

Sipas kreut të Shtëpisë së Bardhë, vendet e tjera anëtare të Aleancës Atlantike – e krijuar në 1949-ën për t’u përballur me bashkimin sovjetik – po përfiton nga Shtetet e Bashkuara të Amerikës. Europa sipas tij, përveç disa shteteve të caktuara, është shumë larg nivelit të shpenzimeve të vendosura në samitin e Uellsit në vitin 2014 ku u vendos që kontributi për shpenzimet ushtarake të çdo shteti të ishte 2 përqind e buxhetit. Nga 29 vende anëtare të NATO-s vetëm pesë kanë arritur objektivin këtë vit: Shtetet e Bashkuara të Amerikës, Greqia, Estonia, Mbretëria e Bashkuar dhe Letonia. Gjithësesi Franca, Lituani dhe Norvegjia janë shumë pranë pragut të vendosur mbi 1.5 për qind.

Shtetet e bashkuara të amerikës përfaqësojnë sot 51.1 pë qind të prodhimit të brendshëm brujto të aleancës duke mbuluar deri në 71.7 për qind shpenzimet për mbrojtjen. Mbretëria e Bahskuar renditet e dytë. Ndërsa më pas vijnë Franca dhe Gjermania, e më pas Italia. Në kompleks shpenzimet për mbrojtjen të Europës dhe Kanadsë janë rritur me 4.7 për qind  në krahasim me vitin 2016. Por në vend të fundit për këto shpenzime renditet Luksemburgu vetëm me më pak se 0.5 për qind.

Por pavarësisht deklaratave të kreut të Shtëpisë së Bardhë për arritjen e synimit të tij që vendet anëtare të NATO-s të rrisin shpenzimet e tyre, një nga një vendet kryesore të NATO-s, e përgënjeshtrojnë. Gjermania, Franca, Italia dhe Spanja kanë refuzuar kërkesën e Presidentit Amerikan Donald Trump. Pas disa ditësh polemikash dhe diskutimesh – dhe të ashpra – samiti i 29 krerëve të shteteve dhe qeverive të Aleancës Atlantike, asgjë nuk ka ndryshuar. Corriere della Sera shkruan se mbetet ende në fuqi ajo për të cilën u ra dakord në Samitin e Uellsit në 2014, pragu i kontributit qëndorn në 2 përqind deri në vitin 2024.

Presidenti Amerikan Tramp, pa filtrin e zëdhënësit të tij, foli për Korenë e Veriut, për presidentin rus Putin të cilin e sheh si konkurrent dhe jo armik, por dhe për Xhuzepin, pra kryeministrin Italian Xhuzepe Konte të cilin e lavdëroi pasi qeveria e tij kishte fituar zgjedhjet falë linjës së fortë kundër emigracionit. Por Tramp vijon të konsiderojë sukses rezultatet e arritura në samitin e Brukselit duke thënë se besonte në aleancën atlantike. Dhe pse më parë kishte thënë se mund të dilte pa pasur nevojë për aprovimin e Kongresit Amerikan, por nuk do ta bënte nëse nuk do të ishte e nevojshme. Më tej kreu i Shtëpisë së Bardhë shtoi se në vitin e fundit shpenzimet e partnerëve për mbrojtjen janë rritur deri në 40 miliardë dollarë.

Ishte pikërisht teksa udhëtonte në mbretërinë e bashkuar, kur krerë të ndryshëm shtetesh dhe qeverish përgënjeshtruan deklaratat e Tramp. Kryeministri Italian Xhuzepe Konte pranoi se Presidenti Amerikan Tramp kishte të drejtë për sa i përket faktit se Shtetet e Bashkuara të Amerikës kontribuojnë më shumë se cduhet në NATO. Por në t ë njëjtën kohë përjashtoi çdo mundësi që Italia të kontribuojë më shumë.

Edhe presidenti francez Emanuel Makron konfirmoi shpenzimet ushtarake të vendit të tij deri në 2 përqind deri në vitin 2024 dhe se nuk kishte asgjë për të shtuar.

Kryeministri spanjoll Pedro Sancez u shpreh se e kuptonte kërkesën e Tramp, por vendi i tij po bënte një përpjekje shumë të madhe në misionet e NATO-s dhë synon të arrijë pragun e 1.5 përqindëshit deri në vitin 2024.

Kancelarja gjermane Angela Merkel, objektivi kryesor i akuzave dhe kërkesave të Tramp, deklaroi se Gjermania është në rrugën e duhur duke mos komentuar më tej kërkesat e kreut të Shtëpisë së Bardhë.

Vetëm sekretari i përgjithshëm i NATO-s, norvegjezi Jens Stolteberg, u përpoq të mbrojë financuesin më të rëndësishëm  të Aleancës, duke thënë se mesazhi i tij i fortë pati një impakt të qartë tek aleatët. Në të vërtetë, samiti i Brukselit duket se ka konfirmuar faktin që marrëdhëniet mes Shteteve të Bashkuara të Amerikës dhe Bashkimit Europian janë gjithnëj e më të vështira. Madje duke tejkaluar minimumin historik të atyre mes Uashingtonit dhe Berlinit. Angela Merkel nuk i ka mirëpritur akuzat e rënda të Tramp për varësinë energjitike nga Rusia, por dhe kërcënimet për vendosjen e tarifave ndaj miliona automjeteve që eksportohen në Shtetet e Bashkuara të Amerikës. /abcnews.al

BASAHA-PANELI-NATO-1280x720.jpg
ent ela19:45 | 12/07/2018

Kryetari i PD Lulzim Basha ndodhet në Uashington, i ftuar në një event të institutit Hudson, mbi sfidat e NATO-s. Përballë një audience me kongresmenë, senatorë dhe drejtues të administratës, Basha foli për pritshmëritë dhe rënëdësinë e ndikimit të NATO-s edhe në Ballkanin Perëndimor.

“Vij nga një rajon që ka qënë më shumë në luftë se paqe me vetveten. Ndaj nga perspektiva jonë çdo diskutim mbi bashkëpunimin trans-atlantik duhet të ballafaqohet me disa fakte të rëndësishme. Sipas meje, ekzistojnë kërcënime të dukshme që e bëjnë NATO-n sot më të domosdoshme se kurrë.

E para ekzistojnë kërcënime ushtarake në dyërt tona dhe kjo u vërtetua me agresionin rus në gjeorgji, që unë do e konsideroja si pikënisje por edhe aneksimi i Krimesë.

Vendet baltike por edhe ato ballkanike kanë një nevojë kritike ekzistenciale për mbrojtjen e NATO-s.

Vlerat tona po kërcënohen nga ndërhyrje jo-ushtarake dhe une mendoj se NATO mund të luaj një rol tepër të rëndësishëm në mbrojtjen ndaj këtyre kërcënimeve, si terrorizmi dhe ekstremizmi i dhunshëm

Besoj se NATO është kotribuues i rëndësishëm për demokracinë, institutet për mbrojtjen e të drejtave të njeriut dhe tregun e lirë.

Sa i përket kësaj të fundit, ka nevojë të balancohet fuqia në rritje e ndërhyrjeve ekonomike e vendeve jo-perëndimore që luftojnë për dominim politik dhe ekoomik në në vende si shqipëria. Ashtu si ju e thatë ka një rivalitet lindje-perëndim për influencë politico-fetare dhe penetrim ekonomik.

Besoj se NATO mund dhe duhet të bëj balancën në këtë rajon.

Në ballkan besoj se NATO ka një mundësi ta adresojë problemin tek burimi. Ne jemi anëtar, mali i zi është anëtar, maqedonia sapo mori ftesën dhe Kosova do të bashohet nëse i jepet shansi dhe kjo i jep një pozicion unik NATOs dhe sidomos në konfliktet etnike, ekstremizmin fetar, krimin e organizuar dhe kapjen e shtetit.

Mënyra më e mirë e përkushtimit ndaj kësaj është kontributi me fonde që përmirsojnë infrastrukturën e saj dhe jam i lumtur që kemi këtë lajmin nga brukseli për shifrën 2% të Prodhimit të Brendshëm bruto, pavarësisht mënyrës si u morr vendimi.

Çdo hapësirë e lejuar në vendet ballkanike do mbushet nga liderë dhe forca jo aq demokratike që nuk kërkojnë stabilitet dhe paqe dhe forca të tilla mund të jenë shtete aktore , organizata kriminale apo rrjete terroriste.

Çdo para e kursyer nga investimi në NATO, çon në dobësimin e saj, gjë që sjell  destabilizim dhe probleme. Ri-sjellja në stabilitet do të kushtnte shumë më shumë sesa investimi fillestar, ndaj kursimi në investim nuk do ishte diçka e zgjuar.

Gjithashtu lidhjet e forta, qëndrimet e unifikuar me SHBA-të dhe aleatët europian janë të domosdoshme. Mbase për vendet e mëdha jo, por për vende si Shqipëria kjo është një gje shumë e rëndësishme. Ndaj ripërkushtimi ndaj të njëjtit qëndrim të unifikuar është po aq i rëndësishëm sa financimi dhe forcimi i  NATO-s. Ajo që shpresoj është se debati i nisur në samitin e 11 korrikut do çojë në ndryshime të rëndësisihme sepse janë të domosdoshme”.

BUSHATI-PER-SAMITIN-E-NATOS-1280x720.jpg
ent ela18:43 | 12/07/2018

Samiti i NATO-s në Bruksel rikonfirmon rolin e Aleancës si garantuese e sigurisë në hapësirën euroatlantike. Në këtë përfundim është arritur sipas ministrit për evropën dhe punët e jashtme Ditmir Bushati në Samiti e 29-të të Krerëve të Shteteve dhe Qeverive të vendeve të Aleancës së Atlantikut të Veriut.

Samit I NATOS  u karakterizua kryesisht nga diskutimet e hapura dhe të drejtpërdrejta mbi domosdoshmërinë për të përmbushur vendimin e marrë në Samitin e Uellsit të katër viteve më parë, ku aleatët u zotuan që deri në vitin 2024 do të rrisin shpenzimet për mbrojtjen në nivelin 2% të prodhimit të brendshëm bruto. Kështu është shprehur ministri për evropën dhe punët e jashtme Ditmir Bushati.

 

Pavarësisht mendimeve të ndryshme mes aleatëve për çështje të veçanta, u rikonfirmua solidariteti dhe uniteti transatlantik i Aleancës, e cila do të vijojë të prodhojë dhe të jetë garantuese e sigurisë në hapësirën euroatlantike. Për t’iu përgjigjur në mënyrë adeguate kërcënimeve e sfidave serioze e komplekse të sigurisë, si nga Lindja, ashtu dhe nga Jugu, Aleanca mori vendime të rëndësishme për forcimin e mëtejshëm të mbrojtjes kolektive dhe të shkurajimit, si dhe projektimin e stabilitetit dhe luftën kundër terrorizmit në hapësirën euro-atlantike dhe rreth saj.

Në Samit u rikonfirmua rëndësia strategjike e rajonit të Ballkanit Perëndimor për sigurinë e Aleancës, si dhe e peshës në rritje të Shqipërisë, e shprehur si nëpërmjet shumëfishimit të kontributeve për operacionet e NATO-s, ashtu dhe politikisht, në vendimmarrje dhe në politikë-bërjen e Aleancës, sidomos në kontekstin e rajonit dhe Politikës së Dyerve të Hapura.

Rikonfirmimi i Politikës së Dyerve të Hapura të NATO-s ishte një nga elementët kryesorë të Samitit dhe me shumë rëndësi për rajonin tonë. Në emër të Aleancës, Sekretari i Përgjithshëm i NATO-s, Jens Stoltenberg i dorëzoi Kryeministrit Zoran Zaev ftesën zyrtare për fillimin e bisedimeve të anëtarësimit, në vijim të arritjes të pak kohëve më parë së marrëveshjes për emrin mes Shkupit dhe Athinës./abcnews.al

rama-trump.jpg
ent ela17:03 | 12/07/2018

Kryeministri Edi Rama ka shtrënguar duart me presidentin e Sheteve të Bashkuara të Amerikës Donald Trump.

Këtë takim në samitin e NATO-s në Bruksel, kreu i qeverisë shqiptare e ka fotografuar dhe publikuar në rrjetet sociale me dixhiturën “Foto e ditës”.

Gjatë ditës kreu i qeverisë postoi edhe një video, që tregonte një moment nga biseda, që zhvilloi me presidentin e Shteteve të Bashkuara të Amerikës.

Kryeministri Rama gjatë qëndrimit në Bruksel ka zhvilluar takime edhe kancelaren gjermane Angela Merkel dhe homologë të tjerë. /abcnews.al

 

 

 

nato-1-1.jpg
ent ela20:23 | 11/07/2018

Vendet anëtare të NATO-s kanë rënë dakord të rrisin shpenzimet ushtarake deri në 2 për qind të GDP-së. Duke raportuar mbi ecurinë e ditës së parë të punimeve të samitit, sekretari Jens Stoltenberg ka bërë me dije se ftesa për Maqedoninë dhe kontrasti ndaj Rusisë kanë qenë gjithashtu në fokus.

Në ditën e parë të punimeve të samitit të NATO-s në Bruksel, mes liderëve të vendeve anëtare ka patur diskutime, mosmarrëveshje, por edhe dakordësi për ta bërë Aleancën më të fortë. Ka qenë sekretari i përgjithshëm Jens Stoltenberg që ka bërë një pasqyrim të atyre që kanë ndodhur, nga të cilat ka veçuar konsensusin për rritjen e kontributeve ushtarake nga secili anëtar. Sipas Stoltenberg, vendet anëtare kanë pranuar të rrisin deri në 2 për qind të GDP-së shpenzimet ushtarake, që shkojnë në disa miliardë euro.

“Të gjithë aleatët po i rrisin shpenzimet. Po e kthejmë mbrapsht baticën, por duhet të bëjmë më shumë për të ruajtur sigurinë në një botë të paparashikueshme”, ka thënë Stoltenberg.

Politika e dyerve të hapura ka qenë një tjetër pikë ku Stoltenberg është ndalur, duke theksuar se aleatët kanë vendosur njëzëri t’i bëjnë ftesë Maqedonisë për t’u bërë anëtarja e 30-të e organizatës. Duke nënvizuar se NATO mirëpret marrëveshjen mes Athinës dhe Shkupit, Stoltenberg ka shtuar se, tani është gjithçka në duart e qytetarëve maqedonas të vendosin nëse do ta pranojnë apo jo emrin e ri të vendit të tyre, që i mundëson atij anëtarësimin. Në fokus të NATO-s do të mbetet lufta kundër ISIS, motiv për të cilën Aleanca ka nisur një mision trajnimi të forcave të sigurisë në Irak. Gjithashtu, brenda optikës së saj do të jetë edhe situata në Detin e Zi dhe ajo në vendet Baltike.

“Nuk do ta njohim kurrë aneksimin ilegal të Krimesë, që është arsyeja përse kemi rritur praninë në vendet e Detit të Zi, për t’i dhënë një sinjal të pastër Rusisë dhe për t’i dhënë mbështetje Ukrainës”, ka shtuar Stoltenberg. /abcnews.al

RAMA-SAMITI-I-NATOS-1280x720.jpg
ent ela19:05 | 11/07/2018

Në ditën e parë të punimeve të samitit të NATO-s që po mbahet në Bruksel, Shqipëria është vlerësuar shumë pozitivisht për kontributin e saj në programin e Aleancës. Kështu shkruan në një postim në FB, kryeministri Edi Rama. Shefi i qeverisë thotë se vendi ynë është vlerësuar për rritjen e buxhetit të mbrotjes, pjesëmarrjen me 13% të trupave të veta në frontet e përbashkëta, qasjen aktive kundër terrorizmit dhe ekstremizmit të dhunshëm.

Kryeministri shkruan se Shqipëria ka vlerësuar lart marrëveshjen e arritur mes Athinës e Shkupit, dhe mbështet nisjen e procedurave për anëtarësimin sa më parë në NATO të Republikës së Maqedonisë së Veriut. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono