Saimir Tahiri

tahirir.jpg
gra moz13:33 | 19/04/2018

Pasi ka folur para mediave nga oborri i parlamentit, Tahiri shpërndau një mesazh dhe në rrjetet sociale, kur prej disa kohësh nuk ishte shumë aktiv.

“Kur gjyqin moral ta bën djalli… kështu quhet ajo që dëgjoj çdo ditë nga goja e kujt ka qeverisur 25 vjet duke vrarë e duke vjedhur për pushtet”, shkruan Tahiri.

Ai bën të qartë se nuk është dorëzuar, ndërsa heshtja e tij duhet të konsiderohet si respekt për drejtësinë.

“Këtë rrugë do ndjek me durim”, thekson ish ministri i Brendshëm, i cili gjithashtu përgënjështron të ketë çuar mesazhe të koduara siç është folur së fundi.

Postimi i plotë
Kur gjyqin moral ta bën djalli…kështu quhet ajo që dëgjoj çdo ditë nga goja e kujt ka qeverisur 25 vjet duke vrarë e duke vjedhur për pushtet.
Pas thuajse 6 muajsh, shkova në Parlament.
Kush e ka marrë heshtjen time për dorëzim, është gabuar. Është vetëm respekt për drejtësinë.
Këtë rruge do ndjek me durim.
Ndërsa me këtë historinë e mesazheve të koduara që lëshokam unë, bjerini shkurt. As më duhet t’i çoj mesazh njeriu. Dhe po të këm, jam nga ata qe i bën drejtëpërdrejtë.
Më intereson vetëm e vërteta dhe drejtësia, askush e asgjë tjetër.
E nuk do ndalem!

/abcnews.al

tahiriii.jpg
gra moz12:30 | 19/04/2018

Për herë të parë pas disa muajsh që ka munguar në parlament dhe në jetën politike, ish-ministri i Brendshëm, Saimir Tahiri, foli sot për mediat jashtë Kuvendit. Duke thënë një batutë të përdorur nga Rama vite më parë përballe akuzave ndaj tij, edhe Tahiri garantoi se askush nuk mund ta pengojë për të bërë drejtësi.

“As më mbron njeri dhe as nuk dua të më mbrojë njeri. Për mua ka vlerë e vërteta dhe nuk ka vlerë për mua dikush që mund të më pengojë në rrugën time për të bërë drejtësi. Nuk e besoj që do të ketë bir nënë dhe bir k**ve që mund të më pengojë”, tha Saimir Tahiri./abcnews.al

saimirtahiriokik-850x445.jpg
gra moz16:46 | 13/04/2018

Prokuroria për Krimet e Rënda dërgon dy letërporosi të reja për llogari të hetimit të nisur ndaj ish-ministrit të Brendshëm, Saimir Tahiri. Burime pranë Prokurorisë, pohuan se një prej tyre i është dërguar autoriteteve italiane të drejtësisë dhe tjetra për ato greke.

Përmes tyre pritet të marrin përgjigje pikëpyetje të prokurorisë në lidhje me dyshimet e ngritura nda ish-ministrit. Këto letëroporosi duket se janë edhe arsyeja që ditët e fundit Prokuroria për Krimet e Rënda kërkoi në gjykatë shtyrjen me tre muaj të afatit të hetimeve.

Kërkesa u pranua, duke e çuar limitin fundor të hetimit në 18 Qershor. Hetimi ndaj ish-ministrit Tahiri për akuzën e “trafikut të narkotikëve” në kuadër të grupit të strukturuar kriminal dhe “korrupsionit të zyrtarëve të lartë” nisi në Tetor të vitit 2017.

Ndërkohë Gjykata e Lartë është në pritje të shqyrtimit të ankimit të prokurorisë, mbi vendimin e Apelit të Krimeve të Rënda, e cila shfuqizoi masën e sigurisë “ndalim i daljes jashtë shtetit” për ish-ministrin./abcnews.al

alibeaj-1280x661.jpg
gra moz15:15 | 11/03/2018

Akuza qesharake për konspiracion rus janë deklaratat e përditshme të deputetëve socialistë në sytë e demokratëve, të cilët i thonë Kryeministrit Edi Rama se nuk mund ta ndihmojnë të fshehë dy të vërteta të mëdha.

Enkelejd Alibeaj: “Se ai po bën gjithçka për të shpëtuar Saimir Tahirin nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane”.

Sipas deputetit Alibeaj, që kur 613 kilogramët e kokainës u kapën me ndihmën e partnerëve të huaj, Kryeministri i vendit është zhdukur nga qarkullimi dhe nuk jep përgjigje se çfarë lidhje ka Olsi Rama me një nga kartelet më të rrezikshme të drogës kolumbiane dhe cili ishte roli i Olsi Ramës në ngarkesën e 613 kilogramëve kokainë të pastër. Por kryeministri nuk ka heshtur vetëm për këtë thonë demokratët nga selia blu.

Enkelejd Alibeaj: “Edi Rama hesht dhe nuk u thotë shqiptarëve përse është takuar fshehurazi me Saimir Tahirin të premten paradite në një nga spitalet private të Tiranës. Është detyrim i kryeministrit të vendit të flasë për marrëdhënien e tij me Saimir Tahirin, duke mos mbajtur më peng integrimin europian të vendit. Edi Rama e di shumë mirë se pa i hequr mbrotjen politike ish-ministrit të tij të brendshëm, Shqipërisë nuk do t’i hapen negociatat e anëtarësimit në Bashkimin Europian”.

Kërcënimi më i madh për Shqipërinë është bashkëqeverisja me krimin paralajmërojnë demokratët jo historitë me me rusë, spiunazh dhe destabilitet./abcnews.al

parlamenti-1280x644.jpg
gra moz13:51 | 04/03/2018

Nesër parlamenti do të vendosë nëse do të ngrejë apo jo një komision hetimor për çështjen Tahiri. Partia Demokratike e ka depozituar në Kuvend kërkesën për ngritjen e një komisioni hetimor për të kontrolluar ligjshmërinë e veprimeve administrative të organeve të pushtetit legjislativ apo ekzekutiv në çështjen për të cilën akuzohet ish-ministri i Brendshëm, Saimir Tahiri.
Objekt i komisionit të kërkuar nga PD, do të jenë edhe ndërhyrjet që janë bërë për të mos lejuar organin e Prokurorisë të hetojë penalisht këto raste. Në kërkesën e dorëzuar në Kuvend nga PD sqarohen edhe çështjet që do të hetohen nga Komisioni Hetimor që do të drejtohet nga opozita./abcnews.al

vlcsnap-error389-1-1280x720.jpg
gra moz15:42 | 26/02/2018

Prokurori i antimafias italiane, Frederico Cafiero De Raho, tha se grupet kriminale shqiptare po forcojnë aleancat me grupet mafioze në Itali. Pas një takimi me Prokuroren e Përgjithshme, Arta Marku, De Raho shprehu rëndësinë e goditjes së lidhjeve të krimit dhe njerëzve të shtetit.

“Kriminaliteti shqiptar është shumë prezent në Itali dhe po forcon aleancat me grupet mafioze italiane si Ndrageta dhe Sacra Corona Unita”.

Prokurori Kombëtar italian Antimafia dhe Antiterrorizëm, Frederico Cafiero De Raho, përshkroi në këtë formë kriminalitetin shqiptar në vendin fqinj, pas takimit me Prokuroren e Përgjithshme të Përkohshme, Arta Marku. De Raho shprehu shqetësim për përfshirjen e grupimeve kriminale shqiptare në trafikun e drogave të rënda.

“Krimi shqiptar ndërhyn me trafikimin e drogave të lehta dhe të armëve. Por kohët e fundit edhe me trafikimin e kokainës.
Në hetimet që po zhvillohen në Itali janë të shumta. Grupet kriminale shqiptarë janë të pranishme jo vetëm në bregdetin Jon dhe Zonën e Kalabrisë, por edhe në bregdetin Adriatik në bregun puliez dhe së fundmi edhe në Italinë veriore”.

De Raho theksoi rëndësinë e një Vettingu në Polici dhe faktin se trafiku i kanabisit vijon të jetës shqetësim për Italinë.

“Në takimin që pata më ministrin e Brendshëm, u shpjegua sa angazhime të rëndësishme kanë ecur para, si ajo e shktërrimit të plantacioneve të kabanisit. Largimi i punonjësve të policisë që dyshohet të kenë bashkëpunuar me grupet kriminale është shumë e rëndësishme”.

Sipas prokurorit italian të antimafias, grupet kriminale shqiptare kanë ndjekur praktikën e mafias italiane për t’u përfshirë në ekonominë e ligjshme, si edhe për të pasur raporte me një pjesë të politikës.
I pyetur në lidhje me gatishmërinë për t’iu pëgjigjur letërporosive të dërguara për hetimin e dosjes “IMSI Catcher” dhe atë për ish-ministrin e Brendshëm, Saimir Tahiri, De Raho u përgjigj:

“Ne bashkëpunojmë me ata që kanë në objekt të punës luftën kundër krimin e organizuar. Ne kemi një rregull, zbatojmë ligjin në mënyrë të barabartë për çdo qytetar të çdo niveli, pavarësisht nga statusi ekonomik, politik apo shoqëror”./abcnews.al

vlcsnap-error204-1280x720.jpg
gra moz15:12 | 11/02/2018

Prokuroria për Krimet e Rënda i kërkon Gjykatës së Lartë të bllokojë pasaportën e ish-ministrit të brendshëm, Saimir Tahiri. Organi i akuzës i ka bërë rekurs vendimit të Apelit të Krimeve që i ktheu pasaportën Tahirit pasi shfuqizoi masën e sigurisë “ndalim i daljes jashtë shtetit” të dhënë nga Shkalla e Parë.

Prokuroria për Krimet e Rënda nuk heq dorë nga kërkesa për bllokimin e pasaportës të ish-ministrit të Brendshëm, Saimir Tahiri. Pasi e humbi këtë betejë në Apel, ajo kërkon ricaktimin e të njëjtës mase shtërnguese ndaj ish-ministrit në Gjykatën e Lartë.

Organi i akuzës i ka bërë rekurs vendimit të Gjykatës së Apelit të Krimeve të Rënda të 26 Dhjetorit 2017, i cili liroi nga sekuestroja pasaportën e Tahirit.
Sipas të dhënave zyrtare nga Gjykata e Lartë rekursi në fjalë është depozituar në 7 Shkurt 2018. Ai mban si objekt “Caktimin e masës së sigurimit personal “Ndalimi i daljes jashtë shtetit”.
Shorti i hedhur për këtë çështje ka përzgjedhur gjyqtarin Tom Ndreca si relatorin e saj, ndërkohë që ende nuk është përcaktuar një datë për seancën e parë të këtij gjykimi.

Ish-ministri Tahiri po hetohet nga Krimet e Rënda për akuzën e “trafikut të narkotikëve në kuadrin e grupit të strukturuar kriminal” dhe për “korrupsion i zyrtarëve të lartë”. Duke u bazuar në akte hetimore të drejtësisë italiane, prokuroria pretendon se Tahiri ka favorizuar anëtarët e dyshuar të grupit kriminal të Habilajve në trafikun e kanabisit. Në Janar, Prokuroria shtyu me tre muaj afatin e hetimit të kësaj çështjeje. Ditët e fundit Prokuroria e Krimeve i është drejtuar me një letërporosi autoriteteve greke, ku kërkon të dhëna që mund të kenë interes për hetimin./abcnews.al

vlcsnap-error797-1-1280x720.jpg
gra moz18:27 | 12/01/2018

Prokurorë federalë amerikanë do asistojnë organin e akuzës për hetimin e çështjeve që i konsiderojnë sensitive, si atë të ish-ministrit të Brendshëm, por edhe të disa gjyqtarëve e emrave të njohur të krimit në vend. Synimi është një hetim i plotë, që të zbardhë të vërtetën. Këtë ka konfirmuar ambasada amerikane në Tiranë për ABC News pas takimit që ambasadori Lu dhe ambasadorja Vlahutin patën sot me ministrin e brendshëm.

SHBA-ja i ka ofruar Prokurorisë mbështetje me prokurorë federalë amerikanë dhe agjenci të zbatimit të ligjit të Shteteve të Bashkuara për të kryer një hetim të plotë për ish-ministrin e Brendshëm Saimir Tahirin dhe çështje të tjera sensitive për SHBA-në, si ato të Emiljano Shullazit, Lul Berishës dhe tre gjykatësve të Apelit në Durrës. Këtë lëvizje e ka konfirmuar për ABC News ambasada amrikane në Tiranë sipas të cilës, synimi është një hetim i plotë me synim zbulimin e të vërtetës për të gjitha rastet.

“Ashtu si vetë Z. Tahiri dhe shumë udhëheqës të tjerë shqiptarë e kanë thënë, kjo çështje duhet zgjidhur në gjykatë, duke shqyrtuar të gjitha faktet.Bota, përfshirë edhe Shtetet e Bashkuara, po e ndjek nga shumë afër këtë çështje dhe çështje të tjera sensitive, si ato të Emiljano Shullazit, Lul Berishës dhe tre gjykatësve të apelit në Durrës. Ne kemi ofruar mbështetjen e prokurorëve federalë amerikanë dhe agjenci të zbatimit të ligjit të Shteteve të Bashkuara për t’i ofruar ndihmë teknike Prokurorisë në kryerjen e një hetimi të plotë, i cili ka për qëllim zbulimin e të vërtetës.”

Ky qëndrim i ambasadës amerikane erdhi për ABC News pas takimit që ambasadorët Donald Lu e Romana Vlahutin zhvilluan sot ne mesditë një takim me ministrin e Brendshëm, Fatmir Xhafaj, në zyrën e këtij të fundit. Ambasada zbardh për ABC news edhe mesazhet që ka përcjellë në institucionet shqiptare.

“Ne do donim të shihnim një hetim më aktiv nga prokurorët dhe policia gjyqësore, dhe e kemi përcjellë këtë mesazh. Në një demokraci të vërtetë, askush nuk është mbi ligjin.”

Edhe ministria e Brendshme ka konfirmuar se ‘Forca e Ligjit’ dhe Vetingu në Policinë e Shtetit, kanë qenë dy temat e nxehta që janë diskutuar mes diplomateve te huaj dhe ministrit Xhafaj. Ne operacionin ‘Forca e Ligjit’ për goditjen e grupeve kriminale dhe aseteve të tyre janë angazhuar ekspertët më të mirë në vend, por edhe europiane dhe të FBI-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono