russiagate

donald-trump.jpg
G. P.11:11 | 25/03/2019

Sipas raportit përfundimtar të prokurorit special Robert Mueller, nuk ka asnjë provë që të vërtetojë ndonjë lidhje të mundshme të presidentit amerikan apo stafit të tij elektoral me Moskën. Një lajm ky që konsiderohet si një fitore e padiskutueshme e kreut të Shtëpisë së Bardhë.

Nuk ka asnjë provë të një marrëveshjeje apo koordinimi mes stafit elektoral të Donald Trump dhe Moskës në zgjedhjet presidenciale të 2016-s. Kështu pas dy vjet hetimesh, është mbyllur çështja e prokurorit special Robert Mueller për Russiagate.

Një dosje që është një fitore e padiskutueshme për presidentin amerikan, i cili prej muajsh përsërit se është i pafajshëm. Raporti nuk përfundon me faktin se Trump ka kryer një krim, por as nuk e shfajëson

“Asnjë përplasje, asnjë pengesë, një lirim i plotë dhe total nga akuzat. Të bëjmë Amerikën të madhe sërish”.

Është ky reagimi i parë i kreut të Shtëpisë së Bardhë me anë të një mesazhi të publikuar në profilin e tij në Tëitter. Në dokumentin që i është dorëzuar Kongresit amerikan nga ministri i Drejtësisë William Bar shkruhet se Mueller nuk ka gjetur prova të mjaftueshme për të pretenduar se Tump ka penguar drejtësinë, por nuk e shfajëson atë.

Zëdhënësja e Shtëpisë së Bardhë Sarah Sanders, theksoi se administrate Trump është informuar për përmbajtjen e raportit sipas të cilit presidenti lirohet nga akuzat. Sipas Trump, hetimi ishte një grusht shteti i paligjshëm, i cili dështoi.

“Raporti i Mueller konfirmon atë që njerëz të shëndetshëm mendërisht e dinin prej kohësh, pra që nuk ka pasur asnjë lidhje me Rusinë”, ka reaguar në këtë mënyrë djali i Trump, Donald Junior.

Ky i fundit parashikon se mediat të cilat prej vitesh sulmojnë babain e tij, në vend që të kërkojnë falje, vijojnë të shpikin çdo lloj teorie. Edhe avokati i presidentit amerikan Rudolf Xhuliani është shprehur i lumtur duke thënë se çdo gjë përfundoi më mirë se ç’pritej./abcnews.al

trump-2-1280x854.jpg
G. P.14:56 | 24/03/2019

Në Shtetet e Bashkuara po pritet me mjaft interes publikimi i raportit të hetuesit të posaçëm Robert Mueller mbi ndërhyrjen e përfolur ruse në zgjedhjet e 2016-s. Mes tyre është edhe presidenti Donald Trump, i cili ndryshe nga herët e tjera ka zgjedhur të heshtë, duke mos bërë asnjë postim në Tëitter në 24 orë.

Liderët e Kongresit në Shtetet e Bashkuara janë në pritje të publikimit të raportit të hetuesit të posaçëm Robert Mueller mbi përfshirjen e përfolur të stafit elektoral të presidentit Donald Trump me Rusinë. Raporti i shumëpritur u pranua të premten nga prokurori i përgjithshëm William Barr, i cili e kaloi ditën e shtunë i mbyllur në zyrën e tij për t’u konsultuar me dokumentin.

Raporti është kulmi i dy vjet hetime të kryera nga zoti Mueller dhe ekipi i tij, por sipas një burimi të Departamentit të Drejtësisë, ai nuk bën thirrje për ngritjen e akuzave të reja ndaj personave të përfshirë. Gjatë hetimit, Mueller dhe bashkëpunëtorët e tij kanë paditur 34 persona, përfshirë 6 ish-bashkëpunëtorë të presidentit Trump, një numër të konsiderueshëm shtetasish rusë, si dhe 3 kompani private.

Sidoqoftë, asnjë nga akuzat nuk lidhej drejtpërdrejtë me dyshimet për mpleksje të stafit të Trump me Moskën, dyshime që janë hedhur gjithmonë poshtë nga kreu i shtetit. Vetë miliarderi i pasurive të patundshme po e pret në heshtje momentin e publikimit të të dhënave.

Në 24 orët e fundit ai nuk ka bërë asnjë postim në Tëitter, një rekord ky duke qenë se mesatarisht presidenti bën deri në 12 postime në ditë. Aktualisht, kreu i shtetit ndodhet në kompleksin e tij në Florida, Mar a Lago, bashkë me përfaqësuesit e tij ligjorë./abcnews.al

MUELLER-PYETJET-1280x720.jpg
G. P.23:15 | 22/03/2019

Pas 22 muaj hetime, akuza ndaj 37 të pandehurve, 7 pranime faji dhe një dënim, zyra e hetuesit të posaçëm Robert Mueller ka mbyllur hetimet mbi ndërhyrjen e përfolur ruse në zgjedhjet presidenciale të vitit 2016. Përfundimet e hetimit nuk janë publikuar, por pritet që një pjesë e tyre të raportohen në Dhomën e Përfaqësuesve të Kongresit amerikan.

Hetimi i prokurorit të posaçëm Robert Mueller mbi lidhjet e përfolura mes Rusisë dhe stafit elektoral të presidentit Donald Trump kanë prekur vijën e finishit. Raporti i zotit Mueller është dorëzuar të premten në Departamentin e Drejtësisë, ku prokurori i përgjithshëm Uilliam Berr do të vendosë se sa material do të ndajë me Kongresin.

Në një letër dërguar Dhomës së Përfaqësuesve, Berr tha se mund t’i raportojë përfundimet kryesore të hetimit brenda javës. Detaje të raportit të Myler nuk janë publikuar, por një burim nga Departamenti i Drejtësisë ka deklaruar për CNN se bëhet fjalë për një dosje gjithëpërfshirëse. Dokumenti synon të sqarojë vendimet proceduriale që hetuesi i posaçëm ka marrë në 22 muaj që nga caktimi i tij në krye të task forcës.

Vetë Trump dhe republikanët e kanë kritikuar vazhdimisht hetimin, duke e cilësuar një “gjueti shtrigash” dhe duke përsëritur se nuk ka pasur asnjë mpleksje me palën ruse. Duke reaguar, zëdhënësja e presidentit Trump, Sarah Sanders ka deklaruar se Shtëpia e Bardhë nuk i ka parë përfundimet e Mueller.

“Hapat e ardhshëm i takojnë prokurorit të përgjithshëm dhe ne presim që ai të bëjë lëvizjen e tij”, ka thënë Sanders.

Përfundimi i hetimit të koduar “Russiagate” shënon fundin e një prej kapitujve më dramatikë të presidencës së Donald Trump, që ka çuar mes të tjerash në një seri padish dhe disa pranime faji nga disa prej bashkëpunëtorët më të ngushtë të tij. Por nga ana tjetër, mbyllja e hetimeve hap një kapitull të ri mbi pasojat që do të kenë përfundimet sapo ato të bëhen publike./abcnews.al

TRUMP-FJALIMI-ABC-1280x781.jpg
ent ela10:38 | 03/03/2019

Presidenti Donald Trump ka shpërthyer në mënyrë të paprecedentë ndaj hetuesve të ndërhyrjes së përfolur ruse në zgjedhjet e 2016-s. Në një fjalim të gjatë, Trump ka nënvizuar se, përveç se nuk janë të zgjedhur nga populli, këta njerëz i japin popullit dokra.

Presidenti Donald Trump ka ndërmarrë një sulm agresiv ndaj hetuesit të posaçëm të “Russiagate”, Robert Myler dhe kritikëve të tij. Në fjalimin më të gjatë të presidencës së tij, Trump ka shpërthyer ndaj hetimit mbi ndërhyrjen e përfolur ruse në fushatën elektorale të tij.

“Jemi në pritje të një raporti nga njerëz që nuk janë zgjedhur nga populli”, tha Trump përpara turmës së mbështetësve. Myler pritet t’ia dorëzojë raportin e tij prokurorit të përgjithshëm së shpejti.

“Për fat të keq janë vendosur njerëzit e gabuar në pozicionet e gabuara. Ata i lënë njerëzit të presin për një kohë të gjatë dhe pastaj përpiqen t’ua mbushin mendjen me dokra”, tha Trump.

Presidenti i Shteteve të Bashkuara disa herë e ka cilësuar hetimin mbi ndërhyrjen ruse një “gjueti shtrigash” dhe në fjalimin e tij kritikoi ashpër edhe ish-prokurorin e përgjithshëm Xhef Sesshëns, ish-shefin e FBI-së Xhejms Komej dhe Partinë Demokratike, pa lënë mënjanë edhe kritikët e qasjes së tij ndaj Koresë së Veriut. Samiti i dytë mes Trump dhe Kim Jong Un, i mbajtur në Vietnam, përfundoi pa një marrëveshje. Duke folur në Konferencën e Konservatorëve në Merilend, Trump shpërtheu ndaj skeptikëve.

“Unë u zgjodha si një president jashtë linjave dhe nëse nuk dalim jashtë linjave, atëherë vendi ynë do të ketë telashe të mëdha, miqtë e mi”, deklaroi Trump. Gjatë fjalimit, presidenti amerikan nënvizoi disa herë se hetuesi i posacëm Robert Myler nuk ka marrë një votë të vetme në jetën e tij e po ashtu as zëvendës prokurori i përgjithshëm Rod Rozenshtejn, që caktoi Myler në krye të “Russiagate”. /abcnews.al

MANAFORT-AKUZA.mpg_snapshot_00.01-1280x600.jpg
ent ela11:31 | 14/02/2019

Gjykata amerikane akuzon Paul Manafort ishopërgjegjësin e fushatës elektorale të Donald Tramp, se ka gënjyer qëllimisht dhe ka bërë deklarata të rreme para agjentëve të FBI-së, për sa i përket çështjes Russiagate.

Paul Manafort, ish përgjegjësi i fushatës elektorale të Donald Trump, pasi pranoi të bashkëpunojë në hetimet për çështjen Russiagate, ka gënjyer qëllimisht dhe ka bërë deklarata të rreme përballë agjentëve të FBI-së, prokurorit special Robert Muller dhe jurisë së madhe. Deklarata është bërë nga një gjykatës federal. Pasi Manafort ka shkelur marrëveshjen për bashkëpunim në këtë mënyrë, prokurori Mueller nuk ëhstë më i detyruar të kërkojë një reduktim të dënimit. Manafort ka gënjyer sidomos për sa i përket marrëdhënieve të tij me spiunin rus Konstantin Kilimnik, ish partnerin në biznes në një studio ligjore, tashmë objekt hetimi.

Gjithashtu sipas gjykatësit, ai ka gënjyer dhe në 5 tetor  të një viti më parë për cështje që lidhen me një hetim tjetër të departamentit amerikan të drejtësisë. Sipas gjyktësit federal të Uashington DC, ekipi i Muller nuk ka arritur gjithësesi të japë prova të mjaftueshme për të vërtetuar se Manafort ka gënjyer dhe në 16 tetor për pengesat në hetime nga ana e Kilimnik dhe kontateve të tij me administratën amerikane. Shtetasi rus është hedhur në gjyq për korruptim të dëshmitarëve së bashku me Manafort para procesit ndaj ish përgjegjësit të fushatës elektorale të Tramp. Manafort kishte pranuar të bashkëpunonte me Mueller në shkëmbim të një dënimi më të lehtë. /abcnews.al

Donald-Trump-e1526640469549.jpg
G. P.13:08 | 18/01/2019

Mediat amerikane raportojnë se presidenti amerikan Donald Trump ka urdhëruar ish avokatin e tij Michael Cohen që të gënjente në dëshminë e tij para kongresit.  Ndërkohë delegacioni amerikan nuk do të jetë I pranishëm në forumin botëror të ekonomisë në Davos.

Presidenti amerikan Donald Trump urdhëroi ish avokatin e tij Michael Cohen që të gënjente në Kongres përsa i përket negociatave për ndërtimin e një Trump Tower në Moskë. Detajet janë në dokumentet që janë në dorën e prokurorit special që po heton për Russiagate, Robert Mueller.

Lajmi raportohet nga BazzFeed që citon burime hetimore. Trump ndër të tjera ka mbështetur dhe planin e Cohen për të vizituar Rusinë gjatë fushatës elektorale për zgjedhjet presidenciale me objektivin për t’u takuar me presidentin rus Vladimir Putin.

“Bëje të mundur “, i ka thënë kreu i shtëpisë së bardhë avokatit të tij

Ndërkohë bëhet e ditur se i gjithë delegacioni amerikan nuk do të marrë pjesë në forumin ekonomik botëror në Davos. Pjesëmarrja u anullua edhe për sekretarin amerikan të shtetit Mike Pompeo dhe për sekretarin e thesarit Steven Mnuchin.

Lajmi u konfirmua nga zëdhënësja e Shtëpisë së Bardhë, Sarah Sanders, e cila shpjegoi se arsyeja është shatdaun. Edhe Presidenti amerikan Donald Trump nuk do të shkojë./abcnews.al

rosi.jpg
G. P.22:32 | 09/01/2019

Numri dy i Departamentit amerikan të Drejtësisë, që mbikëqyri hetimet mbi ndërhyrjen ruse, ka zgjedhur të japë dorëheqjen. Lajmi për Rod Rosenstein vjen pak muaj pas zërave se ai zotëronte një përgjim që mund të kompromentonte figurën e presidentit Donald Trump.

Zëvendësprokurori i Përgjithshëm i Shteteve të Bashkuara, që ka mbikëqyrur hetimet mbi ndërhyrjen e përfolur ruse në zgjedhjet e 2016-s, po planifikon dorëheqjen nga detyra. Lajmin e bëjnë të ditur mediat amerikane, sipas të cilave Rod Rosenstein po e shqyrton planin e tij i pandikuar nga Shtëpia e Bardhë, e njohur për kritikat sistematike të bëra në adresë të tij.

Gjithashtu, burimet mediatike kujtojnë se zërat për një dorëheqje të numrit dy të Departamentit të Drejtësisë nisën të qarkullonin muaj më parë, kur ai la të kuptohej se kishte përgjuar fshehurazi një bisedë që mund të kompromentonte presidentin Trump. Sidoqoftë, Rosenstein do të qëndrojë në detyrë deri në konfirmimin e të zgjedhurit të Trump për postin e prokurorit të përgjithshëm, William Barr, që pritet të ndodhë në javët e ardhshme. Duke komentuar lajmin, zëdhënësja e Shtëpisë së Bardhë, Sarah Sanders deklaroi se kishte qenë në dijeni të planit të nënsekretarit të Drejtësisë.

“Mesa duket, ai po i hap rrugë ardhjes së kryeprokurorit të ri dhe ekipit të ri që ai dëshiron të krijojë”, u shpreh Sanders.

Rod Rosenstein nisi mbikëqyrjen e “Russiagate” pas distancimit nga hetimi të prokurorit të përgjithshëm Jef Sessions. Por pas shkarkimit të Sessions në Nëntor, mbikëqyrja i kaloi zëvendësuesit të përkohshëm Matthew Whitetaker, i cili shpërfilli thirrjet për distancim nga procesi për shkak të rezervave që kishte shprehur më herët ndaj tij./abcnews.al

TRUMP-GJYKATA-ABC-M-4-T-2-HD.mpg_snapshot_00.04-1280x720.jpg
G. P.13:10 | 29/11/2018

Presidenti amerikan Donald Tramp deklaroi se nuk përjashtohet mundësia që Paul Manafort të falet. Kreu i Shtëpisë së Bardhë këmbënguli se nëse demokratët do të nisin hetimet për administratën e tij, atëherë ai do të publikojë dokumente shkatërruese për ta.

Në një intervistë për Nju Jork Post, presidenti amerikan Donald Trump u shpreh se nuk e ka përjashtuar asnjëherë mundësinë për të falur Paul Manafort, ish kreun e fushatës së tij elektorale të përfshirë në skandalin Russiagate, dhe se kjo ide mund të vihet në diskutim. Hipoteza, e cila shkaktoi reagimin e ashpër të demokratëve, vjen pasi prokurori special i Russiagate Robert Muller akuzpi Manafort se ka gënjyer duke shkelur marrëveshjen për bashkëpunim.

Kreu i Shtëpisë së Bardhë është i vendosur të përballet me akuzuesit e tij për sa i përket Russiagate. Në dy nga përgjigjet që i ka dërguar prokurorit special të Russiagate, Robert Muller, Donald Trump këmbengul se nuk ishte në dijeni të takimit në Tramp Tauer me emisarët rusë që premtonin material kompromentues për Hilari Klinton, dhe që ish këshilltari i tij elektoral Roger Stone nuk i kishte thënë asgjë për planin e Uikiliks për të shpërndasë e-,ail që dëmtonin rivalen. Lajmi është publikuar nga CNN, që citon burime brenda ekipit të hetuesve.

Në një situatë tjetër presidenti amerikan akuzon kundërshtarët e tij. Në intervistën për Nju Jork Post, ai paralajëmroi se do të publikonte dokumente shkatërruese për demokratët nëse do të nisnin hetimet kundër administratës të tij, kur të marrin kontrollin e dhomës së deputetëve në janar. “Nëse duan të luajnë fort, do ta bëj dhe unë. Do të shohin se sa shkatërruese janë ato faqe,” përfundoi presidenti amerikan Tramp duke iu referuar dokumentave që u bënë shkak për nisjen e hetimeve për Russiagate./abcnews.al

mannafaort.jpeg
G. P.23:03 | 27/11/2018

Hetuesit amerikanë akuzojnë ish-kreun e fushatës elektorale të Donald Trump, Paul Manafort se ka gënjyer FBI-në. Sipas tyre, ai fsheh informacione të rëndësishme për ndërhyrjen ruse në fushatën presidenciale të Trump.

Ish kreu i fushatës elektorale të Donald Trump, Paul Manafort, akuzohet nga ekipi i prokurorit special Muller, i cili po heton për ndërhyrjet e Rusisë në zgjedhjet amerikane të 2016-s, se ka shkelur marrëveshjen me hetuesit duke i gënjyer agjentët e FBI-së mbi disa çështje. Në muajin shtator Manafort prano të bashkëpunonte me hetimet

Sipas FBI-së Manafort, ka gënjyer për tema të ndryshme por pa specifikuar mbi cilat argumente ish presidenti i fushatës së Tramp ka gënjyer. Avokatët e Manafort kanë hedhur poshtë akuzat duke këmbëngulur se klienti i tyre ka thënë vetëm të vërtetën. Mungesa e një marrëveshjeje mes dy palëve ka bërë që gjykata të caktojë një datë tjetër për vendimin.

Akuza ndaj Manafort tregon se sa shumë po këmbëngul prokurori Muller në hetimet për këtë çështje si dhe sa të forta janë dyshimet se Manafort po fsheh detaje që mund të lidhen me ndërhyrjet ruse në zgjedhjet presisenciale amerikane./abcnews.al

TRUMP-FLORIDA.mpg_snapshot_00.00.jpg
G. P.23:21 | 15/11/2018

Presidenti Donald Trump ka ashpërsuar tonet ndaj grupit hetimor për ndërhyrjen ruse, duke i cilësuar një bandë rrugeçërish të ndikuar nga demokratët. Për analistët, shpërthimi i radhës i Trump është tregues i frikës nga një stuhi skandali që mund të përplaset ndaj administratës së tij.

Presidenti Donald Trump ka sulmuar sërish Robert Myler dhe ekipin e tij që po hetojnë mbi ndërhyrjen e përfolur ruse në zgjedhjet e 2016-s, duke e quajtur procesin hetimor “një rrëmujë totale”. Të enjten, në profilin e tij në Twitter, Trump akuzoi hetuesit se po kërcënojnë dhe shantazhojnë njerëzit në mënyrë që ata të japin përgjigjet e dëshiruara prej tyre. “Ata po u klithin dhe po u bërtasin njerëzve. Kjo është çmenduri”, u shpreh Trump. Presidenti përsëriti se nuk ka patur kurrë lidhje me rusët dhe i rivendosi hetimit etiketimin e tij të preferuar, “gjueti shtrigash”. Më parë shefi i Shtëpisë së Bardhë kishte deklaruar se hetimi i udhëhequr nga Robert Myler, ish-drejtues i vlerësuar i FBI-së dhe republikan, ishte i padrejtë dhe i ndikuar nga ata që i quante “demokratë të thekur”.

Ndërsa në postimet e fundit, ai e përshkoi zotin Myler si një njeri konfliktual, ndërsa ekipin e tij një turp për kombin amerikan. “Myler dhe banda e tij e përbërë nga disa rrugeçër demokratë po i shkatërrojnë njerëzit”, tha Trump. Gjithashtu ai fajësoi rrjetet sociale dhe gjigandët e teknologjisë se kanë mbuluar në mënyrë të njëanshme rastin “Russiagate” për të dëmtuar atë dhe administratën e tij. “Shikoni pak se si publikisht Facebook, Google dhe Twitter janë shprehur në favor të demokratëve”, shkroi presidenti. Ndërsa mbetet e paqartë se çfarë fshihet pas mesazheve të Trump, për analistin e BBC, Enthoni Zurker, postimet janë tregues i frikës së presidentit nga një stuhi skandali që mund të përplaset ndaj administatës së tij./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono