Rusia

Rusia.jpg
Igli Nikolli11:40 | 09/12/2019

WADA, Agjencia Botërore e Anti-Dopingut ka marrë një vendim gjatë një mbledhje në Lozanë të Zvicrës. Rusia është përjashtuar për katër vite nga të gjitha kompeticionet sportive, konkretisht nga Lojërat Olimpike Tokio 2020 dhe Botërori i Katarit 2022.

BBC raporton se çdo sportist që provon pastërtinë e tij nga skandali i Dopingut, mund të garojnë për një flamur asnjanës. Një vendim i tillë u mor pasi Rusada (Agjencia Ruse e Anti-Dopingut) i dorëzoi të dhëna të manipuluara të kontrollit Anti-Doping hetuesve në janar të këtij viti. Ky ishte kushti i vendosur nga WADA për t’i dhënë një shans të dytë Rusisë.

Rusia u dënua me tre vite pezullim në vitin 2015 dhe 168 atletë të këtij vendi garuan për një flamur asnjanës në Lojërat Olimpike Dimërore Pyeongchang 2018. 21 ditë kohë ka Rusia për të apeluar këtë dënim dhe Gjykata Ndërkombëtare e Sporteve do të marrë vendimin përfundimtar. /abcnews.al

C726CB77-E63D-44BC-9B15-9FAD5BD00D81_w1023_r1_s.jpg
nev ila21:53 | 07/12/2019

Presidenti i Serbisë, Aleksandër Vuçiç, inspektoi të premten pranimin e helikopterëve të rinj të forcave serbe, përfshirë edhe katër helikopterë rusë Mi-35.

Në një ceremoni në bazën ajrore në Beograd, ai falënderoi Rusinë për mbështetjen ndërsa lavdëroi helikopterët Mi-35 që sipas tij “nuk kanë asnjë rival në botë”.

Armatosja e Serbisë nga Rusia ka nxitur shqetësime në perëndim dhe në vendet fqinje të rajonit që ende po ripërtërihet nga luftërat e përgjakshme të viteve të 90-ta.

Serbia, ushtria e së cilës bazohet në teknologjinë e armëve ish-sovjetike, ka siguruar nga Rusia vitet e fundit avionë luftarakë MiG-29 si dhe helikopterë, tanke dhe transportues të blinduar.

Ajo aspiron anëtarësimin në Bashkimin Evropian, por ruan lidhjet e ngushta me Rusinë dhe ka refuzuar t’u bashkohet sanksioneve ndërkombëtare kundër saj për shkak të konfliktit në Ukrainë.

Ajo është zotuar se do të qëndrojë jashtë NATO-s, një synim ky i Rusisë e cila nuk e sheh me sy të mirë zgjerimin e aleancës ushtarake perëndimore në Ballkan.

Serbia është mbështetur tek Rusia në refuzimin e saj të vazhdueshëm për të njohur pavarësinë e Kosovës, e cila shpalli shtetësinë më 2008, nëntë vjet pas përfundimit të luftës me ndërhyrjen e NATO-s që u dha fund mizorive të forcave serbe kundër shqiptarëve.

Serbia gjithashtu varet tek Rusia për furnizimet me gaz natyror dhe kompania më e madhe lokale e naftës, është në pjesën më të madhe në pronësi të Gazpromit rus./VOA

rudinaa.jpg
ger ta13:32 | 22/11/2019

Parlamenti rus miratoi amendamentet kontroverse të ligjit për median, duke lejuar autoritetet ruse të cilësojnë si agjentë të huaj dhe individë të caktuar si gazetarë dhe blogerë.

“Amnesty International” dhe “Reporterët pa kufij” e cilësuan projektin si një hap më shumë drejt kufizimit të mediave të lira dhe të pavarura.

Pro amendamenteve votuan 311 deputetë, ndërsa 4 abstenuan. Ligji i ri duhet të miratohet nga senati dhe më pas të firmoset nga presidenti rus Putin./abcnews.al

rusiaa.jpg
ger ta07:56 | 22/11/2019

Rusia ka miratuar një ligj që ndalon shitjen e disa pajisjeve që nuk kanë të instaluar softwar rus.

Ligji do të hyjë në fuqi në korrik të vitit 2020 dhe përfshin telefonat inteligjentë, kompjuterët dhe televizorët “e mençur”.

Përkrahësit e legjislacionit thonë se ka për qëllim promovimin e teknologjisë ruse dhe lehtësimin e njerëzve në vend për të përdorur pajisjet e tyre.

Por ka shqetësime për mbikëqyrjen dhe frikën se firmat mund të tërhiqen nga tregu rus.

Ligji nuk do të thotë që pajisjet nga vendet e tjera nuk mund të shiten me programin e tyre normal, por “alternativat” ruse gjithashtu do të duhet të instalohen.

Legjislacioni u miratua nga dhoma e ulët e parlamentit e Rusisë të enjten. Një listë e plotë e pajisjeve të prekura dhe softwar i bërë nga Rusia që duhet të instalohet paraprakisht do të përcaktohet nga qeveria./abcnews.al

jihadists-repatriation-1106.jpg
nev ila10:50 | 20/11/2019

Pavarësisht paralajmërimeve të shërbimit sekret rus për rreziqet që vijnë nga riatdhetësimi i familjarëve të xhihadistëve rusë, vetëm mbrëmjen e të martës janë rikthyer në Moskë 30 fëmijë nga Iraku.

Për shumë prej tyre ndoshta ka qenë fluturimi i parë në jetë: nga Bagdadi në Moskë me një biletë vetëm vajtje. Në kryqytetin rus ata mbërritën të mbështjellë në palltot e tyre, dhe në krahët e dikujt që nuk ishte nëna që i ka sjellë në jetë.

Janë fëmijët e luftëtarëv rus të Isis: rreth 30 fëmijë që u riatdhetësuan ndërsa nënat e tyre xhihadiste janë në gjendje arresti në Irak.

Rusia në ndryshim nga vendet e tjera dhe pavarësisht rrezikut të paralajmëruar nga shërbimet secrete kohët e fundit, gjithnjë ka aplikuar doktrinën e riatdhetësimit të familjarëve të xhihadistëve.

Deri tani 122 minorenë janë rikthyer në shtëpi, shumë prej tyre gjenden në republikat ish sovjetike me mazhorancë muslimane në Kaukaz, si për shembull në Çeçeni: vend nga ku janë nisur nënat e tyre për t’iu bashkuar të ashtuquajturit shtet islamik.

Në fillim të muajit nëntor kreu i shërbimeve sekrete ruse, Aleksander Bortnikov këmbënguli për rreziqet që sjell rikthimi i mundshëm në Rusi i 2 mijë grave dhe fëmijëve të xhihadistëve rusë./abcnews.al

Hazard-Eden-Thorgan.png
Igli Nikolli18:57 | 16/11/2019

Uellsi është një hap larg sigurimit të fitores në ndeshjen jashtë fushe kundër Azerbajxhanit. Kieffer Moore kaloi miqtë në avantazh me anë të një goli me kokë në minutën e dhjetë, teksa Harry Wilson dyfishoi për ekipin e Giggs në minutën e 34-t.

Goditja fantastike e talentit James të Manchester United u përplas në shtyllë dhe Wilson, mesfushori i Bouremouth (kartonin e zotëron Liverpool), përfitoi nga topi i rikthyer dhe e dërgoi në rrjetë.

Belgjika nuk njeh rezultat tjetër përveç fitores. “Djajtë e Kuq” të Martinez kanë shënuar tre gola brenda 21 minutave dhe kryesojnë 0-3 në Rusi. Thorgan dhe Eden Hazard janë autorët e golave.

Lojtari i Dortmundit zhbllokoi ndeshjen me një goditje të bukur, teksa në skenë u ngjit edhe fantazisti i Real Madrid. Eden shënoi dy gola pas pasimeve të Lukakut dhe De Bruyne. Belgjika numëron pikë të plota pas tetë ndeshjeve të para dhe është 45 minuta larg arritjes së fitores së radhës. /abcnews.al

Hazard.png
Igli Nikolli18:22 | 16/11/2019

Uellsi e ka finale ndeshjen e sotme kundër Azerbajxhanit në transfertë dhe ka arritur të gjejë golin e avantazhit shumë shpejt. Kieffer Moore ka zhbllokuar sfidën në minutën e dhjetë. Sulmuesi i Wigan përfitoi nga një goditje këndi dhe shënoi me kokë.

Gol edhe në Rusi. Belgjika nuk njeh kundërshtarë dhe ka kaluar në avantazh me anë të Thorgan Hazard. Lojtari i Dortmund shënoi në minutën e 19-të. 26-vjeçari mori një pasim nga Eden, vëllai i tij, dhe lëshoi një goditje fantastike që përfundoi në rrjetë. Belgjika njeh vetëm fitore dhe është pranë arritjes së suksesit të nëntë në po kaq ndeshje në fazën eliminatore të Euro 2020. /abcnews.al

gorbacov-1-1280x781.jpg
nev ila15:15 | 05/11/2019

Në një intervistë për BBC, lideri i fundit i Bashkimit sovjetik, Mikail Gorbacov kritikoi ashpër tensionet mes Rusisë dhe Perëndimit. Ai theksoi se armët bërthamore janë një rrezik për botën.

Tensionet ekzistuese mes Rusisë dhe Perëndimit përfaqësojnë një rrezik kolosal për botën për shkak të kërcënimit që vjen nga armët bërthamore. Është kjo deklarata e ish liderit të bashkimit sovjetik Mikail Gorbacov gajtë një interviste për BBC.

Gorbacov, i cili në vitin 1987 firmosi marrëveshjen për foprcat bërthamore me presidentin e atëhershëm amerikan Ronald Regan, duke i dhënë fund luftës së ftohtë, i bëri apel të gjitha vendeve që të deklarojnë se armët bërthamore duhet të shkatërrohen.

Sipas tij deri në momentin që do të ekzistojnë armët e shkatërrimit në masë, sidomos armët bërthamore, rreziku është shumë i madh. Ai këtë deklaratë e bëri pas pyetjes së korespondentit të BBC nga Moska se sa e rrezikshme ishte përplasja aktuale mes Rusisë dhe Perëndimit.

“Të gjitha vendet, të gjitha, duhet të deklarojnë se armët bërthamore duhet të shkatërrohen. Kjo për të shpëtuar veten tonë dhe planetin tonë,” përfundoi ai./abcnews.al

BLERTA-HARADINAJ-TAKIMI_ABC-M4-T2.mpg_snapshot_00.40-1280x720.jpg
nev ila11:05 | 04/11/2019

Kryeministri i Kosovës Ramiush haradinaj me anë të një statusi në rrjetet sociale është shprehur se armatosja e Serbisë me pajisje ushatarke nga Rusia dhge Kina është kërcënim i drejtëpërdrejtë për kosovën dhe paqen e brishtë sic e quan ai, në rajon.

“Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike.

Serbia duhet ta ndalë këtë çmenduri para se të bëhet vonë!

RH“, shkruan Haradinaj./abcnews.al

stoltenberg-zelensky-1280x710.jpg
nev ila19:36 | 31/10/2019

Sekretari i Përgjithshëm i NATO-s, Jens Stoltenberg dënoi veprimet agresive të Rusisë në rajonin e Detit të Zi, duke i bërë thirrje të tërheq trupat dhe pajisjet nga territori i Ukrainës në mbështetje të militantëve.

Sekretari i përgjithshëm i NATO-s, Jens Stoltenberg, tha të enjten në Kiev se Ukraina është një nga partnerët më të afërt të Aleancës.

Sekretari i Përgjithshëm i NATO-s, Jens Stoltenberg, i cili u takua në Kiev me presidentin ukrainas Volodymyr Zelenskyy, theksoi se gjatë kësaj vizite, është së bashku me të gjithë Këshillin very-atlantik.

Ai theksoi se kjo tregon mbështetjen e palëkundur të NATO-s dhe të gjithë aleatëve të NATO-s për Ukrainën”. Stoltenberg tha se kishte pasur një takim të shkëlqyer të NATO-s me Komisionin e Ukrainës dhe theksoi se Ukraina mbetet një nga partnerët më të afërt të Aleancës. Stoltenberg vuri ne dukje se trupat ukrainase shërbejnë në Afganistan dhe Kosovë.

Sekretari i Përgjithshëm i NATO-s konfirmoi se kishte diskutuar me presidentin ukrainas gjendjen e sigurisë në Ukrainën lindore. Stoltenberg konfirmoi se aleatët janë të inkurajuar nga përparimi në Stanytsia Luhanska dhe zona të tjera ku trupat janë duke u tërhequr.

Por në zona të tjera, konflikti në Dobas vazhdon të marrë jetë njerëzish. Stoltenberg tha se NATO është e shqetësuar nga kërcënimet dhe kufizimet ndaj vëzhguesve të OSBE-së.

“Rusia duhet t’i japë fund mbështetjes për militantët në Ukrainën lindore. Dhe të tërheqë trupat dhe paisjet e saj nga territori i Ukrainës”.

Stoltenberg theksoi se NATO mbështet plotësisht sovranitetin dhe integritetin territorial të Ukrainës dhe nënvizoi se nuk do ta njohë kurrë aneksimin e paligjshëm të Krimesë nga Rusia.

Sekretari i Përgjithshëm i NATO-s dënoi veprimet agresive të Rusisë në rajonin e Detit të Zi dhe i bëri thirrje Rusisë që të kthejnë anijet ukrainase që kishte kapur vitin e kaluar, dhe të sigurojnë hyrje të lirë në portet ukrainase në detin Azov.

NATO vazhdon të mbështesë Ukrainën dhe ka premtuar mbi 40 milion euro për ushtrinë e saj, dhe ka rritur bashkëpunimin në rajonin e Detit të Zi me stërvitje, vizita portuale dhe shkëmbim informacioni./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono