rusi

pic_1581515412.jpg
eri Ida07:37 | 13/02/2020

Presidenti i Rusisë, Vladimir Putin zhvilloi një bisedë telefonike me kryeministrin e Italisë, Giuseppe Conte lidhur me krizën në Libi.

Mediat ndërkombëtare bëjnë me dije se në këtë bisedë telefonike mes Putinit dhe Contes ku u trajtua kriza e Libisë, thuhet se Putin lidhur me zgjidhjen e çështjes së Libisë.

Në këtë bisedë mësohets se është e nevojshme të arrihet marrëveshje me palët në Libi mbi parametrat e zhvilluara nëpërmjet Këshillit të Sigurimit të OKB-së.

Gjithashtu në bisedë është theksuar rëndësia e vazhdimit të përpjekjeve të përbashkëta për të përmirësuar situatën në Libi./abcnews.al

Schurrle.jpg
Igli Nikolli14:42 | 09/02/2020

Andre Schurrle u transferua verën e kaluar te Spartaku i Moskës. Kampioni i botës me Gjermaninë në vitin 2014 ka shënuar vetëm dy gola këtë sezon me ekipin rus. Në një prononcim për Gala.de, 29-vjeçari flet rreth jetës jashtë futbollit.

Sulmuesi po i përkushtohet më shumë familjes dhe vajzës së vogël, kështu që udhëton drejt Berlinit të paktën një herë në javë. Schurrle ka ndryshuar edhe mënyrën e të ushqyerit dhe tani ndihet më mirë fizikisht falë konsumimit më të paktë të… mishit.

Për momentin po udhëtoj shumë, por tentoj të vij në Berlin, të paktën, një apo dy herë në javë. Nuk dua të shoh vajzën time duke u rritur nëpërmjet FaceTime. Ushqimi? Më parë konsumoja shumë mishin, por e kam rralluar falë këshillave të gruas time, Anna. Që prej momentit që kam ndryshuar stilin e të ushqyerit ndihem shumë më mirë fizikisht“, deklaron Andre Schurrle. /abcnews.al

edi-rama-1.jpg
ger ta19:59 | 06/02/2020

Nën cilësinë e Kryetarit të OSBE, kryeministri Edi Rama Rama do të zhvillojë një vizitë në Rusi.

Mësohet se kjo vizitë është parashikuar për në datë 26 Shkurt. Ndërkohë, ende nuk dihet se kë do të takojë Rama në Moskë, ku në fokus të bisedimeve do të jetë kriza Rusi-Ukrainë.

Sakaq, në fjalimin e tij përpara Këshillit të Përhershëm të OSBE, kryeministri tha se situata në Ukraina dhe përreth është një prej prioriteteve të presidencës shqiptare të OSBE./abcnews.al

rusiaaa-siberi.jpg
in a15:46 | 04/02/2020

Një pallat disa katësh në Irkutsk, qytet në Rusinë siberiane qendrore, është i ngrirë si nga brenda ashtu dhe nga jashtë për shkak të prishjes  së tubave të ngrohjes që në dhjetor të vitit të kaluar. Katër familje që jetojnë në këtë pallat të akullt po luftojnë për mbijetesë në pritje për t’u transferuar. Temperaturat në zonë kanë zbritur -14 gradë.

Pas përfundimit të kontratës së lokalizimit social me banorët, ndërtesa nuk është më e lidhur me asnjë strukturë qeveritare dhe pjesa më e madhe banorëve janë larguar nga ndërtesa, përveç katër familjave të cilat janë në kushte të vështira ekonomike.

Pavarësisht braktisjes nga ana e shërbimeve publike, apartamentet ngriheshin dhe furnizoheshin me ujë të ftohtë dhe të ngrohtë. Prishja e tubacioneve ka shkaktuar akullin në mure, në dysheme dhe në bodrumet brenda ndërtesës./abcnews.al

unnamed-1.jpg
in a12:29 | 03/02/2020

Ambasadori i Rusisë në Serbi, Alexander Botsan-Kharchenko nuk beson se ekziston një zgjidhje e shpejtë për çështjen e Kosovës, “përveç nëse bëhet fjalë për diçka që nuk është e pranueshme për Beogradin, si njohja e pavarësisë së Kosovës”.

Ambasadori i Rusisë në Serbi, Alexander Botsan-Kharchenko, ka thënë se  Moska do të përfshihet në bisedimet midis Kosovës dhe Serbisë nëse ftohet nga Beogradi. Ambasadori ka theksuar gjithashtu se një marrëveshje e mundshme nuk do të merrej në konsideratë pa Rusinë dhe aprovimin e Këshillit të Sigurimit.

“Më shqetëson dëshira për zgjidhje të shpejtë. Kjo duket e ngjashme me caktimin e afateve kohore që ishin arsyeja pse bisedimet e kaluara për Kosovën nuk kanë qenë të suksesshme. Mendoj për bisedimet e Ahtisarit dhe treshes së negociatave”, deklaroi ai.

Kharchenko është pyetur për qëndrimin e SHBA-së që në afat të shkurtër kohor të arrihet një zgjidhje për raportet mes Beogradit dhe Prishtinës. Ai ka theksuar se Rusia gjithmonë ka qenë në mbështetje të vazhdimit të bisedimeve por “nëse do të kishim më tepër kohë, do të arrihej të shkohej përpara dhe të arrihej kompromis”.

Kharchenko ka theksuar se është e nevojshme që të përmbushet urgjentisht kërkesa e Beogradit për heqjen e taksës nga Kosova për mallrat nga Serbia. Ndërsa lidhur me kërkesën e SHBA që Serbia të ndalojë fushatën kundër njohjeve të Kosovës së pavarur, ambasadori rus ka thënë se qëndrimi i presidentit serb Aleksandar Vuçiç është “plotësisht në përputhje me të drejtën ndërkombëtare” dhe se nuk ka lidhje midis taksës së vënë nga Prishtina dhe lobimit të Beogradit për tërheqjen e njohjeve. Ai ka shtuar se Moska do të përfshihet në bisedime nëse ftohet nga Beogradi dhe ka theksuar se “marrëveshja nuk merret në konsideratë pa Rusinë dhe aprovimin e Këshillit të Sigurimit”.

“Përderisa nuk ka kompromis, Rezoluta 1244 është aty. Dejtoni mund të themi se solli rezultat në negociata. Të gjata, intensive dhe në heshtje. Për këtë arsye them se është jashtë realitetit të arrihet një zgjidhje e shpejtë dhe e mirë për Kosovën”, ka thënë Kharchenko i cili insiston se bisedimet e plota duhet të kthehen në themelet e Rezolutës 1244.

I pyetur se si e sheh marrëveshjen mes Beogradit dhe Prishtinës për krijimin e një lidhje ajrore dhe hekurudhore, Kharchenko ka thënë se kjo i përshtatet rajonit, por beson se është e vështirë të mendohet se fluturimet do të realizohen brenda natës. Megjithatë, ai beson se çdo hap në atë drejtim është i mirë.

“Ne kemi biseduar shumë herë dhe mundohemi të formojmë lidhje në terren sepse ato janë më të mira për njerëzit, për shkëmbim tregtar. Ato forcojnë besimin e ky është drejtimi i duhur për tek bisedimet dhe kompromisi”, ka thënë ai./abcnews.al

Tu-160-strategic-bomber-of-Russian-Air-Force-8-780x405-1.jpg
in a07:47 | 03/02/2020

Qendra e rajonit Al-Bab e cila ndodhet në rajonin e operacionit “Eufratit Shield” të Sirisë, është goditur nga një avion luftarak rus.

Sipas informacionit të shpërndarë nga Observatori i Opozitës, një avion luftarak rus që kishte zbritur nga baza ajrore “Haimimim” në perëndim të vendit ka synuar tre pika në qendër të rajonit Al-Bab.

Bombat goditën ish-tregun e perimeve, Xhaminë Sheikh Dush si dhe një vend përtej “Xhamisë së Madhe” që u rivendos së fundmi nga Turqia. Gjatë sulmit një civil mbeti i plagosur./abcnews.al

Capture.jpg
in a07:15 | 02/02/2020

188 civilë në Siri kanë humbur jetën si pasojë e sulmeve të kryera muajin e kaluar në Idlib nga forcat e regjimit të Bashar al-Asadit dhe mbështetësit të tij Rusisë.

Sipas raportit të publikuar nga Koordinimi i Ndërhyrjes Siriane, e cila përpilon të dhënat lidhur me civilët e zhvendosur në Idlib, përkatësisht 188 civilë, përfshirë 64 fëmijë e kanë humbur jetën si pasojë e bombardimeve që regjimi i Asadit dhe Rusia kanë kryer muajin e kaluar në Idlib.

Po ashtu bëhet e ditur se në mesin e personave që kanë humbur jetën është një punonjës i Mbrojtjes Civile (Baretat e Bardha) dhe një punonjës i shëndetësisë.

Në sulmet e kryera muajin e kaluar në rajon nga regjimi dhe Rusia, janë vendosur në objektiv 28 shkolla, 7 qytete të tendave, 11 komplekse shëndetësore, 9 tregje, 19 vende të adhurimit, 5 qendra të mbrojtjes civile, 3 centrale uji dhe 2 elektrike si dhe 4 furra.

gruaja-4.jpg
Autor E10:35 | 25/01/2020

Një video dramatike është publikuar në rrjetet sociale, ku një grua në Rusi bie nga pallati, nga një lartësi më shumë se 27 metra dhe më pas ngrihet dhe vijon te ecë në rrugë sikur të mos kishte ndodhur asgjë.

Sipas “Daily Mail”, ngjarja ka ndodhur në Izluchinsk të Rusisë më 22 janar.

27-vjeçarja bie nga kati i nëntë, por për fatin e saj të mirë përfundon në një grumbull bore në fund të pallatit. Më pas, banorët që panë ngjarjen njoftuan menjëherë ambulancën.

Ajo ndodhet e shtruar në spital, jashtë rrezikut për jetën dhe më e çuditshmja, me asnjë frakturë në trup.

mmmmm.jpg
in a13:48 | 22/01/2020

Në një intervistë për Euronews, presidenti i Serbisë Aleksandër Vuçiç u shpreh se ishte i ngopur nga morali që liderët europianë i bëjnë atij për lidhjet që vendi ka me Rusinë dhe Kinën.

Aleksandër Vuçiç, politikan i djathtë në pushtet që nga 2017, tha se Serbia ishte ende në rrugën për anëtarësimin në Bashkimin Europian pavarësisht zhgënjimeve të njëpasnjëshme.

Në qendër të kritikave të tij janë ata që thonë se Serbia është shumë pranë Moskës dhe Pekinit, duke bërë që anëtarësimi i vendit të bllokohet për gjeopolitikat.

“Serbia nuk është shumë entuziaste, por ne jemi ende të përkushtuar ndaj Bashkimit Europian sepse nuk shohim një alternativë reale. Ne kemi 20 vjet që ndodhemi në këtë rrugëtim. Unë mendoj se përveç Turqisë, asnjë vend tjetër nuk ka pritur kaq shumë”, tha ai.

Ai mohosi se procesi i ngadaltë për normalizimin e marrëdhënieve me Kosovën, ishte arsyeja kryesore që vendi i tij nuk po anëtarësohet, por kritikoi vullnetin e BE-së dhe aleatëve perëndimorë.

“Ishte kryesisht për shkak të marërdhënies mes Beogradit dhe Prishtinës. Por në të njëjtën kohë, madje dhe sot, e diskutova këtë çështje jo vetëm me zyrtarë europianë por dhe me sekraterin amerikan të shtetit, Pompeo. E pyeta se nëse rregullohemi me Prishtinën, nëse gjejmë një zgjidhje, a do të ishte e mjaftueshme për të qenë pjesë e Bashkimit Europian?  Dhe askush nga BE apo nga Shtetet e Bashkuara të Amerikës nuk mund të konfirmonte se Serbia atëherë do të ishte anëtare e BE-së. Kjo do të thotë se ne duhet të presim për një vendim dhe përfundim nga BE, nëse duan ta shohin Serbinë si pjesë e Bashkimit Europian apo jo”, u shpreh Vuçiç.

Lideri serb u shpreh se nuk mund të thuhej se marrëdhënia me BE-në ishte nga më të mirat por gjithsesi ai ishte shumë mirënjohës ndaj Brukselit për ndihmën e dhënë gjatë përmbytjeve që goditën vendin në 2014-ën.

Por ai u shpreh i zemëruar ndaj pyetjes nëse do të duhej të zgjidhte mes Moskës dhe BE-së, duke thënë se mediat perëndimore e kanë shumë problem të kuptojnë se lidhjet e Beogradit me Moskën janë për të mirën e popullit serb dhe në interes të vendit.

“Gjithnjë i them Putin, dhe nuk e mohoj këtë, si bëjnë shumë politikanë të tjerë të Bashkimit Europian, sepse kur ata takohen me Putin harrojnë se nga vijnë. I them gjithnjë se vendi im është në rrugën e anëtarësimit në BE dhe se ky është objektivi ynë strategjik. Por kjo nuk do të thotë se kur të bëhemi një vend anëtar ne do të ndërpresim lidhjet me Kinën, Rusinë dhe të tjerët. Për të thënë të vërtetën jam i ngopur nga morali që na bëjnë për bashkëpunimin tonë me Kinën dhe Rusinë, dhe më pas të shoh ata që takohen me XI Jinping dhe Putin më shpesh se unë. Bëni punën tuaj. Ju jeni shtete sovrane. Serbia është shtet sovran. Ne bëjmë çdo gjë që është në të mirë të popullit dhe vendit tonë”, tha Vuçiç.

Vuçiç theksoi se Serbia nuk do të marrë vendime false për të kënaqur BE-në apo Moskën, dhe pse nuk dihet se kur vendi do të mund të jetë anëtar. Ai tha gjithashtu se ekonomia serbe është më e forta në Ballkanin Perëndimor me një rritje prej 4.5% vitin e kaluar, gjë që tregon se po ecim në drejtimin duhur./abcnews.al

moske-1280x794.jpg
in a09:56 | 20/01/2020

Qindra rusë marshuan në Moskë në një tubim që shënoi 11 vjetorin e vrasjes së avokatit për të drejtat e njeriut, Stanislav Markelov dhe gazetares investigative, Anastasia Baburova në vitin 2009.

Avokati 34 vjeçar dhe gazetarja 25 vjeçare u vranë me armë zjarri në mes të ditës. Policia mbajti nën mbikëqyrje tubimin, i cili udhëhiqej nga një grup personash që krahas fotografive të avokatit dhe gazetares së vrarë, mbanin edhe kopje të Kushtetutës ruse.

Stanislav Markelov dhe Anastasia Baburova kishte mbrojtur e raportuar rreth vështirësive që hasnin viktimat e ekstremistëve të krahut të djathtë nacionalist. Kritikët e kanë cilësuar vrasjen e tyre si një nga aktet më të errëta të epokës së Vladimir Putin.

Ndërkohë disa nga protestuesit në marshimin e djeshëm mbanin pankarta që bënin thirrje për liri më të madhe në shoqërinë ruse./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono