ruse

policia-tirane_1_3_14_03.jpg
nev ila15:58 | 25/08/2019

Gjatë një aksioni të zhvilluar gjatë 24 orëve të fundit Drejtoria e Policisë së Qarkut Vlorë  në pranga ka vënë 7 persona të dyshuar për kryerjen e disa veprave penale. Uniformat blu në Sarandë kanë arrestuar në flagrancë dy shtetas rusë pasi ditën e djeshme kanë transportuar me jahtin e tyre në det (jashtë pikës doganore Sarandë) në vendin e quajtur “Berdenesh”, 1477 litra naftë, me qëllim që t’iu shmangeshin detyrimeve ligjore doganore.

Ata akuzohen  për “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në bashkëpunim. Gjithashtu policia e Himarës ka arrestuar në flagrancë 3 persona të cilët në bashkëpunim me njëri-tjetrin, kanë vjedhur në lokalin e shtetases V.C në Dhërmi, një sasi parash prej 50.000 lekë të rinj.

Ata akuzohen për “Vjedhje në bashkëpunim”. Gjithashtu në pranga për vjedhje ka përfunduar edhe një 39-vjeçar nga Tirana pasi dyshohet se në një supermarket në lagjen nr. 4 Sarandë, ka vjedhur një kompresor ajri me vlerë 20.000 lekë të rinj.

Në vijim të aksioneve të ndërmarra nga Policia e Sarandës në pranga ka rënë edhe një 18-vjeçar, pasi dyshohet se së bashku me shokun e tij kanë kanosur me thikë shtetasin D. P., për motive të dobëta, duke i marrë këtij të fundit 2500 lekë të rinj. 18-vjeçari akuzohet për “Vjedhje me dhunë”, “Prodhim dhe shitje të narkotikëve” dhe “Prodhimi, mbajtja, blerja apo shitja pa leje e armëve të ftohta”./abcnews.al

Aleksei-Navalni-1280x720.jpg
nev ila12:33 | 29/07/2019

Një reaksion i rëndë alergjik është bërë shkak, që lideri i opozitës ruse Aleksei Navalni të transferohet nga qelia në spital. Duke konfirmuar lajmin, zëdhënësi i tij u shpreh se Navalnit nuk i kishte ndodhur asnjëherë në jetë, një gjë e tillë.

Lideri kryesor i opozitës ruse Aleksei Navalni, pësoi një reaksion alergjie akut në burg dhe u transferua në spital. Lajmi u konfirmua nga mediat nga zëdhënësi i tij nëpërmjet një postimi në Twitter.

Ai shpjegoi se Navalni pati një fryrje në fytyrë dhe skuqje në lëkurë. Ende nuk dihet burimi i këtij reaksioni alergjie ndërsa zëdhënësi i tij këmbëngul se Navani nuk ka pasur asnjëherë një reaksion të tillë gjatë jetës së tij.

Avokat dhe një bloger i njohur anti-korrupsion, Navalni mbahet nën masa të rrepta sigurie në burg, dhe sipas bashkëpunëtorëve të tij po merr mjekimin e duhur.

Të enjten e kaluar Navalni u dënua me 30 ditë burg për shkak të apeleve të tij për të manifestuar dhe për të marrë pjesë në protesta të paautorizuara. Avokatët mbrojtës të Navalni bën të ditur se do të apelojnë vendimin pasi dënimi i tij është i paligjshëm dhe i pabazë./ABC News Albania 24/7

 

PARASHUTISTE-1280x649.jpg
Sej rie20:55 | 27/04/2019

Katër kadetë parashutistë rusë, janë përjashtuar nga radhët e ushtrisë pasi protestuan kundër ndryshimit të ngjyrës së uniformës nga bojë-qielli në jeshile. Ngjarja ndodhi në shkollën prestigjioze të luftës në Riazan.

Rreth 40 kadetë parashutistë të shkollës prestigjioze të luftës në Riazan, e cila përgatit zyrtarë të trupave të parashutistëve, protestuan kundër ndryshimeve që i janë bërë uniformave të tyre. Ata sfiduan para monumentit të themeluesit të ushtrisë së parashutistëve, gjenerali Margelov, duke hequr gradat nga supet dhe duke i hedhur në këmbët e monumentit. Në disa nga gradat shkruheshin kritika ndaj komandos së ushtrisë, por kërkohej dhe falje pasi nuk arritën të mbronin ngjyrën bojë-qielli të uniformës.

Protesta u nis pas vendimit për të zëvendësuar ngjyrën bojë-qielli me jeshilen e errët. Gjenerali Margelov është miti i të gjithë para ushtarakëve rusë, themelues i ushtrisë së parashutistëve dhe krijues i uniformës klasike në ngjyrë bojë-qielli. Shkolla e luftës Riazan është më antikja në Rusinë modern. U krijua në vitin 1918 si shkollë për komandantët e Rojeve të Kuqe, më pas e transformuar në shkollë lufte për parashutistët. Një vit më parë ajo festoi 100 vjetorin e krijimit. Komandanti aktual i ushtrisë së parashutistëve, gjenerali Shamanov, deklaroi se kishte përjashtuar katër kadetë për mosbindje dhe shkelje të disiplinës./abcnews.al

190411181644-trump-mueller-split-0411-exlarge-169.jpg
Sej rie19:30 | 19/04/2019

Demokratët në Shtetet e Bashkuara nuk janë mjaftuar me versionin e redaktuar të raportit mbi ndërhyrjen ruse që u publikua ditën e enjte. Përmes një thirrjeje zyrtare, ata i kanë kërkuar Prokurorit të Përgjithshëm që të ofrojë versionin real të dokumentit të hartuar nga Robert Myler.

Një thirrje që kërkon publikimin e versionit të plotë të raportit mbi ndërhyrjen ruse gjatë zgjedhjeve të 2016-s është kërkuar nga demokratët në Shtetet e Bashkuara, me argumentin se versioni i redaktuar e lë Kongresin në errësirë.

Kongresmeni Xherri Nedller, kryetar i komisionit parlamentar për gjyqësorin, ka deklaruar se demokratët kanë të drejtë të pajisen me një raport të paredaktuar. Zoti Nedller e shpalli thirrjen për publikimin e raportit të plotë ditën e premte, duke i dhënë prokurorit të përgjithshëm Uilliam Berr kohë deri më 1 Maj për t’u përgjigjur.

“Komisioni parlamentar i çështjeve gjyqësore gëzon të drejtën dhe tagrin për t’u pajisur me versionin e plotë”, ka sqaruar Nedller.

Sipas tij, redaktimi të cilit i është nënshtruar raporti është i thellë dhe nuk paraqet asnjë nga provat e mbledhura nga hetuesi i posaçëm Robert Myler. Demokratët i kanë bërë gjithashtu thirrje vetë zotit Myler që të dëshmojë përpara Kongresit për punën që ka bërë.

Ata kanë kritikuar edhe prokurorin e përgjithshëm Uilliam Berr, duke e akuzuar për keqinformim me publikimin e përmbledhjes së mëhershme të raportit. Ditën e enjte, Berr mbajti një konferencë shtypi përpara se raporti i redaktuar të publikohej, gjatë të cilës mbështeti presidentin./abcnews.al

S-400-missile-defense-system-russia-artic-1280x757.jpg
nev ila21:21 | 11/04/2019

Turqia ka paralajmëruar Shtetet e Bashkuara se do të mbështetet tek armatimet ruse nëse ato refuzojnë t’i shesin raketat “Patriot” dhe avionët luftarakë “F-35”. Ankaraja zyrtare ka deklaruar se, pajisja me armatime ruse nuk bie ndesh me parimet e NATO-s.

Turqia ka kaluar në kundërsulm duke paralajmëruar Shtetet e Bashkuara se, nëse nuk i shesin raketat “Patriot”, në të ardhmen do të blejë një tjetër sistem mbrojtës “S-400” nga Rusia.

Ministri i Jashtëm, Mevlut Çavushoglu’ ka deklaruar se e njëjta gjë vlen edhe për avionët “F-35”, derisa Turqia të jetë në gjendje t’i prodhojë ata në mënyrë autonome. Shefi i diplomacisë turke ka theksuar se, janë disa vende të NATO-s që zotërojnë raketa ruse të brezit të vjetër “S-300”, duke iu referuar këtu Greqisë.

Duke folur pak ditë pas takimit të zhvilluar të hënën në Moskë mes presidentëve Erdogan dhe Putin, Çavushoglu’ ka thënë se të zotërosh një sistem raketor mbrojtës ndryshe, nuk bie ndesh me parimet e anëtarësisë në NATO.

Ai ka akuzuar Shtetet e Bashkuara për refuzim të bashkëpunimit kur ka thënë se, deri tani ato i janë përgjigjur negativisht propozimit të Turqisë për të ngritur një komision të përbashkët teknik për të mbikëqyrur instalimin e sistemit “S-400” dhe për të monitoruar interferencën e mundshme të tij në sistemet e NATO-s.

Vetë Aleanca deklaroi disa ditë më parë lidhur me blerjet e armatimeve ruse nga Ankaraja se nuk ka ndërmend ta përjashtojë Turqinë për shkak të këtij veprimi./abcnews.al

28153537.460272.2687.jpg
ent ela12:00 | 10/04/2019

Praktikimi i “jogës” në dy nga burgjet e Moskës në kuadër të një projekti pilot, ka shkaktuar reagime në radhët e deputetëve konservatorë. Një deputete ruse i ka kërkuar prokurorit të përgjithshëm të ndalojë këtë projekt, pasi sipas saj provokon homoseksualitetin.

Deputetja ruse Elena Mizulina i ka kërkuar Prokurorit të Përgjithshëm Juri Çaika, që të ndalojë praktikimin e “jogës” në burg. Leksionet e jogës janë bërë pjesë e jetës së përditshme të të dënuarve, aktualisht në formë eksperimenti në kuadër të një projekt piloti, në dy prej burgjeve të Moskës. Deputetja ultra konservatore, e cila ka firmosur dhe ligjin kundër propagandës homoseksuale para të miturve, këmbëngul se “joga” provokon seksualisht dhe në mënyrë të pakontrollueshme. Dhe një gjë e tillë sipas saj mund të çojë drejt homoseksualitetit. Për zëvendës drejtori i njërit prej burgjeve në kryeqyteti rus reagoi duke thënë se leksionet e jogës po japin efekte shumë pozitive. Sipas tij në të gjithë botën ekziston kjo praktikë dhe askush nuk është bërë homoseksual prej saj./abcnews.al

shba-1280x687.jpg
ent ela23:30 | 03/04/2019

Turqia ka mbyllur kontratën për blerjen e sistemeve raketore ruse, duke shpërfillur thirrjet e vazhdueshme të Shteteve të Bashkuara për të hequr dorë. Megjithatë, Ankaraja është përpjekur të qetësojë Perëndimin duke thënë se pajisjet ruse nuk do të integrohen në sistemet e NATO-s.

Turqia ka kompletuar pjesën e saj të kontratës për blerjen e sistemit raketor të mbrojtjes “S-400” nga Rusia. Lajmi është konfirmuar nga ministri i Jashtëm turk Mevlut Çavushoglu’, pavarësisht thirrjeve të vazhdueshme të Shteteve të Bashkuara që Ankaraja të hiqte dorë nga blerja. Për të qetësuar Uashingtonin, Turqia ka propozuar ngritjen e një grupi pune që do të verifikojë se sistemet ruse “S-400” nuk përbëjnë kërcënim as për pajisjet ushtarake të Shteteve të Bashkuara e as për ato të NATO-s. “Armatimet ruse nuk do të integrohen në sistemet e NATO-s, ndaj ato nuk përbëjnë kërcënim për askënd”, ka thënë Çavushoglu, duke shtuar se sistemet “S-400” nevojiten për përdorim personal.

Ankaraja zyrtare ka deklaruar se armatimet ruse i nevojiten për t’u mbrojtur nga kërcënimet që i kanosen sigurisë së saj dhe vazhdimisht presidenti Recep Taip Erdoan ka hedhur poshtë thirrjet e administratës amerikane për t’u tërhequr nga kontrata me Moskën. Çavushoglu, i cili ndodhet në Uashington për samitin e NATO-s, ka nënvizuar se është gati të sqarojë zyrtarët amerikanë për blerjen gjatë vizitës së tij. Për të rritur presionin ndaj Turqisë, Shtetet e Bashkuara ndaluan në ditët e fundit shitjen e pajisjeve për avionët luftarakë “F-35”, por mesa duket as kjo lëvizje nuk mjaftoi./abcnews.al

amb1-933x445.jpg
ent ela09:00 | 22/03/2019

Konsullata ruse në Athinë është sulmuar nga persona të panjohur mëngjesin e kësaj të premteje. Sipas mediave greke, në derën hyrëse të konsullatës shpërtheu një granatë.

Kamerat e sigurisë kanë filmuar një motor të dyshimtë me të cilin udhëtonin dy persona rreth orës 03:50. Dy të dyshuarit hodhën granatën përpara konsullatës dhe u larguan me shpejtësi me motor. Nga shpërthimi nuk pati persona të lënduar. Pesë minuta më vonë, policia gjeti një motor duke u djegur në një rrugë në lagjen “Exarchia”. Autoritetet greke janë duke verifikuar nëse motori i djegur është përdorur në sulmin ndaj konsullatës së Rusisë.

Policia do të analizojë edhe pamjet e kamerave të sigurisë në rrugët e tjera për të parë drejtimin nga u arratisën dy personat e dyshuar për sulmin me granatë. Në hetimet për këtë ngjarje janë përfshirë edhe agjentë të antiterrorit. Sulmi ndaj konsullatës ruse ka ngjashmëri me sulmin që iu bë ambasadës fraceze në Nëntor të vitit 2016, raportojnë mediat greke. /tvklan.al

f5987a1d-dd8a-47b6-b1e5-667e83d03d57-EPA_RUSSIA_PUTIN_STATE_OF_THE_NATION-1280x720.jpg
ent ela23:15 | 20/02/2019

Presidenti Vladimir Putin paralajmëroi Uashingtonin se nëse amerikanët vendosin sisteme raketore në Europë, do përballen me raketat ruse. Kërcënimi u bë gjatë mesazhit të përvitshëm parlamentar, ku nënvizoi edhe rëndësinë e bashkëpunimit me Bashkimin Europian.

Presidenti Rus Vladimir Putin kërcënoi hapur Shtetet e Bashkuara të Amerikës, se do përballen me raketat ruse, nëse amerikanet vendosin sisteme raketore në Europë.

Në fjalimin e përvitshëm para parlamentit, Putin tha se qeveria e tij nuk do të tolerojë asnjë veprim që cënon sigurinë e Rusisë, “Nëse Shtetet e Bashkuara vijojnë të zhvendosin raketat e tyre me rreze të mesme në Europë, ne do të marrim masa duke kërcënuar vendin ku do të vendosen raketat dhe do të shënjestrojmë vendin ku është vendosur përdorimi i këtyre armëve, tha Putin.

Presidenti rus kritikoi Uashingtonin që u tërhoq nga traktati për armët bërthamore e Luftës së Ftohtë, i nënshkruar nga Gorbacov e Regan në vitin 1987, duke thënë se akuzat se Rusia shkeli traktatin, u bënë për të mbuluar faktin që amerikanët gjithmonë donin të tërhiqeshin prej tij. Shefi i kremlinit tha se SHBA i inoruan interesat legjitime të Rusisë dhe vazhduan të organizonin aktivitete anti ruse, sic ishin sanksionet ekonomike.

Duke nënvizuar se Rusia nuk po kërkon një konfrontim direct me SHBA, Putin tha sidoqoftë se Uashingtoni duhet të llogarisë armët ruse, para se të bëjë cdo lloj lëvizje, pasi ai vetë do garantonë sigurinë e vendit të tij.

Duke folur për marrëdhëniet me botën, Putin nënvizoi bashkëpunimin me Kinën, Indinë e Japoninë e tha se shpreson të vendosë marrëdhënie me Bashkimin Europian. “Ne gjithashtu shpresojmë se BE, vendet që udhëheqin Europën do ndërmarrin hapa të vertëte për të patur marrëdhënie normale politike e ekonomike me Rusinë”tha Putin duke theksuar se qytetarë të këtyre vendeve janë të interesuar për këtë lloj bashkëpunimi me Rusinë./abcnews.al

rusi-1280x679.jpg
ent ela23:20 | 14/02/2019

Shqetësimi për sanksione të reja nga Uashingtoni ka shkundur tregjet financiare ruse. Rubla ka humbur ndjeshëm terren kundrejt dollarit, ndërsa janë dëmtuar edhe bankat, pavarësisht pretendimeve të Kremlinit se masat ndëshkuese të Shteteve të Bashkuara nuk kanë efekt mbi Rusinë.

Kërcënimi për sanksione të reja amerikane tronditi tregjet financiare ruse ditën e enjte. Vlerat e aksioneve dhe bondeve qeveritare ranë ndjeshëm dhe  kostoja e borxhit publik të vendit u rrit sërish, pak pasi ligjvënësit në Shtetet e Bashkuara prezantuan një legjislacion të ri që parashikon masa për të ndëshkuar ndërhyrjen në zgjedhjet amerikane dhe në Ukrainë. Sanksionet e propozuara vënë në shënjestër borxhin publik të Rusisë, si dhe disa banka dhe kompani energjitike ruse.

Konkretisht, drafti ishte një version më i ashpër i propozimit që dështoi të miratohej në Uashington vitin e kaluar. Për pasojë, rubla ruse preku kuotën 67 kundrejt dollarit, niveli më i dobët i regjistruar që nga fillimi i vitit dhe humbi 1 pikë përqindje ndaj euros, duke u këmbyer me 75 rubla për euro. Rënia e re vjen edhe pse çmimet e naftës dhe derivateve të saj arritën nivelin më të lartë në tre muajt e fundit. Nafta është lënda kryesore e eksportuar nga Rusia dhe rritja e çmimit të saj zakonisht ndikon pozitivisht tek rubla, por këtë herë duket se impakti i sanksioneve ka qenë më i fortë.

Edhe treguesit në bursa pësuan gjithashtu rënie, ndërsa goditjen më të fortë e morën bankat. Aksionet për institucionin më të madh huadhënës të Rusisë, “Sberbank” ranë me thuajse 5 për qind. Ndërsa VTB, banka e dytë më e madhe ruse humbi 2.92 për qind. Duke reaguar, zëdhënësi i Kremlinit, Dimitri Peskov ka deklaruar se Rusia është në gjendje të përballet me sanksionet perëndimore, por krerët e dy bankave kanë paralajmëruar se institucionet financiare duhet të përgatiten për situata edhe më të dizfavorshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono