rus

Capture-61-600x360-1.jpg
Autor E11:27 | 14/01/2020

Policia e Kosovës ka konfirmuar se ka arrestuar mbrëmë dy shtetas rus, një mashkull dhe një femër, të cilët tentuan të kalojnë ilegalisht kufirin nga Serbia.

Në raportin 24 orësh, policia konfirmon se rasti ka ndodhur dje rreth orës 10:30 të mëngjesit, ndërsa vetura me të cilën po udhëtonin e që ishte me targa të Malit të Zi, u është konfiskuar.

“Janë arrestuar dy shtetas rus, një femër dhe një mashkull, nën dyshimin se të njëjtit me veturën e tyre me targa të Malit të Zi e kanë kaluar ilegalisht kufirin Serbi- Kosovë. Me vendim të prokurorit dy të dyshuarit janë dërguar në mbajtje ndërsa vetura u është konfiskuar”, thuhet në raportin e policisë.

Ndërkaq, dje Burimet e Klan Kosovës, kanë treguar se Igor K. dhe Marina V. janë dy shtetasit rus që po bartnin me vete edhe disa paisje të dyshimta në veturë, të cilat kanë lidhje me fushën e sigurisë.

Siç mund ta vërehet edhe në foto, Igor K, njëri nga të arrestuarit është me veshje ushtarake, çka po dyshohet që ka përgatitje ushtarake.

Ndryshe, strukturat e sigurisë kosovare shumë shpesh po kanë telashe me shtetasit rus në Kosovë.

Vetëm para pak ditëve u raportua për disa të tjerë që po qëndrojnë në vend, e që po planifikojnë trazira në qytetin e Prizrenit.

regjisori-rus.jpg
nev ila20:39 | 09/12/2019

Regjisori rus Juri Arabrov që po xhiron filmin “Gjirokastra” në qytetin e gurtë është vlerësuar nga Bashkia. Kryebashkiaku Flamur Golemi ka zgjedhur shtëpinë e gjeniut të letrave shqipe, Ismail Kadare për t’i dhuruar artistit rus çelsin e qytetit.

Juri Arabov, bashkautor me Kadarenë në shkrimin e skenarit të filmit, zgjodhi Gjirokastrën si shesh xhirimi, për të gjithë filmin.

Ngjarjet e filmit lidhen me fatin e trishtë dhe kalvarin dramatik që kaluan me dhjetëra familje shqiptaro-ruse pas prishjes së marrëdhënieve mes Shqipërisë dhe Bashkimit Sovjetik në vitin 1961.

Arabrov 66 vite më parë ka xhiruar në Shqipëri dhe disa episode të filmit ‘Skënderbeu’./abcnews.al

Roshi.jpg
ad min12:00 | 06/08/2019

Futbollisti i kombëtares shqiptare, Odise Roshi ka gjetur rrugën e rrjetës me skuadrën e Akhmat Grozni pas më shumë se një viti. Sulmuesi fierak realizoi golin e fitores për skuadrën e Akhmat

Pas Bekim Balaj në Austri, edhe Odise Roshi ka gjetur rrugën e rrjetës me skuadrën e Akhmat Grozni. Për futbollistin që aktivizohet në kampionatin rus ishte goli i parë pas më shumë se një viti pasi qëndroi jashtë fushave për shkak të një dëmtimi për një periudhë shumë të gjatë. Sulmuesi Fierak realizoi golin e fitores për skuadrën e Akhmat në minutën e 70.

Roshi realizoi me kokë pas një krosimi nga goditja e dënimit duke përfituar edhe nga dalja e gabuar e portierit kundërshtar. Një gol me mjaft vlera pasi skuadra e Akhmat siguroi tre pikët.  Fitorja e vendosur nga goli i sulmuesit shqiptar ishte e vlefshme për javën e katër në Premier Leaguen ruse.  Në ketë takim u regjistrua edhe një nga golat më të bukur.  Sulmuesi i Orenburg, Despotovicc realizoi me një roveshatë dhe mund të jetë një ndër kandidatet për të fituar çmimin si goli më i bukur i vitit./ABC News Albania 24/7

bb-2-1280x709.jpg
ad min15:50 | 14/06/2019

Prokurorisë së Tiranës nuk i ka mbërritur ende letërporosia me dëshminë e lobistit Nik Muzin, ne lidhje me çështjen e lobimit të PD në SHBA dy vite më parë. Për këtë hetim është marrë i pandehur kreu demokrat Lulzim Basha, që të hënën është thirrur në Prokurori për t’u njohur me akuzën.

Në organin e akuzës nuk ka mbërritur ende nga Shtetet e Bashkuara të Amerikës letërporosia më dëshminë e lobistit Nik Muzin, lidhur me kontratën e realizuar me PD për lobim para zgjedhjeve të 2017.

Sipas burimeve, dyshohet se Muzin nuk ka pranuar që të japë asnjë shpjegim para autoriteteve amerikane për këtë çështje. Prokuroria pretendon se Basha është vetinkriminuar duke qenë se në një nga deklaratat e tij në emisionin  Opinion ka folur për një shumë prej 500 mijë eurosh të dhuruar nga shqiptarë të diasporës që jetojnë kryesisht në SHBA. Kjo  shumë parash sipas organit të akuzës nuk është deklaruar pranë KQZ-së nga Partia Demokratike.

Prokurorisë së Tiranës nuk i është vënë në dispozicion as dispozititvi i Partisë Demokratikë më listën e donatorëve dhe sipas organit të akuzës kjo është e detyrueshme me ligj. Në lëtërporosinë e mbërritur nga SHBA flitet për 3 shuma të ndryshme të dhuruara nga PD-ja në llogari të kompanisë Biniata Trade, e cila është e regjistruar ne Edinburg, por nga hetimet rezulton që të jetë me dy pronare ruse.

Të pandehur janë marrë kreu demokrat Lulzim Basha, ish sekretari i përgjithshëm Arben Ristani dhe Ilir Dervishi, i departamentit të financës.

Të  hënë në orën 9:30 Lulzim Basha do të paraqitet në Prokurorinë e Tiranës për tu njohur me akuzën .

Organi i akuzës në kryeqytet bën të ditur se nëse Lulzim Basha nuk do t’i përgjigjet thirrjes për tu njohur me akuzat dhe aktet e dosjes do të urdhërohet shoqërimi i tij i detyruar, ashtu siç e parashikon edhe Kodi Penal./ABC News Albania 24/7

avioni.jpg
ad min20:12 | 05/05/2019

Të paktën 13 persona kanë gjetur vdekjen dhe 5 të tjerë janë plagosur, pas një zjarri që shpërtheu në bordin e avionit rus Aeroflot Sukhoi Superjet, i cili bëri një ulje emergjente në aeroportin e Moskës, raportojnë agjencitë e lajmeve ruse.

Agjencia shtetërore e lajmeve TASS, duke cituar një burim nga shërbimet emergjente, raportoi se 13 persona gjetën vdekjen. Agjencitë raportojnë shifra të ndryshme për numrin e të lënduarve – nga pesë në më shumë se 10.

Agjencia shtetërore e lajmeve RIA Novosti raporton se në bord ishin 78 persona, të cilët po udhëtonin nga Moska për në qytetin rus të Murmanskut. Interfax njoftoi se bishti u dogj plotësisht dhe se një ekip shpëtimi po përpiqet të gjejë të mbijetuarit në atë pjesë të aeroplanit.

Aeroplani, një Suvoi Superjet, u nis nga Sheremetyevo për në Murmansk, por pak pas ngritjes së tij bëri ulje emergjente për shkak të zjarrit. Dyshohet se avioni u përfshi nga flakët, pasi sipas stafit avioni u godit nga një rrufe. Aeroplani kishte numër e regjistrimit RA-89098./abcnews.al

tregu-rus-1280x714.jpg
ent ela16:15 | 17/03/2019

Prej një viti tregtarët në Shkodër shesin në rrugë pasi tregu në lagjen Rus nuk është vendosur në funksion akoma.

Shitet e blihet në trotuare. Kurse tregu dhe pse i rikonstruktuar plotësisht është i boshatisur. Kjo situate prej një viti ne Rus të Shkodrës.

30 milion janë shpenzuar për rehabilitimin e këtij vendi shit-blerje. Por ai po degradon dhe po shfrytëzohet për parkim të makinave.

Tregtaret thonë se paguajnë taksat  2018-ës por po qëndrojnë në rrugë.  Askush nuk di t’u tregoje se çfarë po ndodh.

Një zonë e cila është më e frekuentuara në Shkodër është zona e Rusit për shkak të tregut.  Por sot pazari i fruta perimeve apo i produkteve ushqimore behet ne rruge jashtë çdo standardi.  Pavarësisht se ai është bosh, taksa për të jepet njësoj sikur të ishte në funksion./abcnews.al

 

47277313_303.jpg
ad min20:04 | 08/02/2019

Të trembura nga vartësia nga gazi rus, vendet e Bashkimit Europian kanë vendosur të ashpërsojnë kushtet për aksesin e tij në tregun europian. Pakti i vendeve anëtare vjen në një kohë kur kanë nisur punimet për gazsjellësin “Rrjedha e Veriut 2”, që do të rrisë influencën e Rusisë në kontinentin e vjetër.

Ambasadorët e vendeve të BE-së kanë rënë dakord që të ashpërsojnë kushtet për funksionimin e gazsjellësit të ri rus në Gjermani, edhe pse pa penguar realizimin e projektit. Bëhet fjalë për gazsjellësin “Rrjedha e Veriut 2”, 1 mijë e 225 kilometra i gjatë, i cili do të kalojë përmes detit Baltik. Punimet për projektin në fjalë kanë nisur dhe pritet të mbyllen në fund të 2019-s.

Vendet anëtare dëshirojnë që gazsjellësit që depërtojnë në bllokun europian të funksionojnë sipas rregullave të tij të energjisë. Por nga ana e saj, Gjermania druhet se një lëvizje e tillë do të dëmtojë përfitimet ekonomike të gazsjellësit.

Por pavarësisht qëndrimeve të kundërta, ambasadorët ranë dakord mbi kompromisin franko-gjerman të arritur vitin e kaluar, që parashikon që Gjermania të mbetet vendi lider në negociatat për projektin “Rrjedha e Veriut 2”. Aktualisht Rusia furnizon rreth 40 për qind të tregut europian të gazit, deri në Norvegji, që nuk është pjesë e BE-së por anëtare e tregut të përbashkët europian.

Për vite me radhë, blloku 28-anëtarësh ka qenë i shqetësuar për vartësinë që kontinenti i vjetër mund të krijojë nga gazi rus. Polonia ka paralajmëruar se Rusia mund ta përdorë gazsjellësin e ri për të dëmtuar sigurinë energjitike të Europës, ndërsa presidenti amerikan Donald Trump ka akuzuar Gjermaninë se është peng i Rusisë për shkak të projektit./abcnews.al

Gazprom_HQ_2_Cropped_3_0.jpg
ent ela13:25 | 31/01/2019

Europa po varet gjithnjë e më shumë nga gazi rus. Kjo pasi kompania Gazprom në pronësi të Kremlinit po shënon rritje të vazhdueshme në sektorin strategjik të energjisë. 

Gazprom, i cili është në kontrollin e plotë të Kremlinit ka konfirmuar një rritje record të eksportit në Europë, në tregun e gazit, me perspektivën për një rritje të pandërprerë në kontinentin e vjetër

Shifrat janë publikuar nga presidenti I Gazprom Viktor Zubkov: sipas të cilit eksportimet në vitin 2017 drejt europës dhe Turqisë janë rritur me 8.1 për qind duke arritur rekordin e 193.3 miliard metra kub, pavarësisht përpjekjeve të Europës për të reduktuar varësinë nga furnizimet energjitike ruse

Gjigandi I gazit, I kontrolluar nga Moska, deklaroi se pizicioni i tij në tregun europian mund të përmirësohet edhe më, falë kërkesave të vazhdueshme për karburant.

Në kongresin europian të gazit në Vienë, Gazprom konfirmoi një përshpejtim të punimeve për realizimin e gazsjellësit ord Stream 2 në Detin Baltik./abcnews.al

makina-ne-flake.jpg
ad min09:48 | 30/11/2018

Tre makina janë shkrumbuar në lagjen Rus të Shkodrës. Ato ishin të parkuara në rrugë poshtë pallateve. Nuk dihen shkaqet e kësaj ngjarjeje, por sipas të dhënave të para, fillimisht ka marrë flakë njëra nga makinat dhe më pas zjarri është përhapur tek dy makinat ngjitur me të. Policia ka shkuar në vendin e ngjarjes dhe po heton për zbardhjen e plotë të ngjarjes.

Paraprakisht dyshohet se tek Benzi ka patur një shkëndijë, por megjithatë kjo mbetet për tu verifikuar. Pronari i makinës i ka thënë policisë që nuk kishte konflikte me ndonjë person, ndaj dyshon se ngjarja mund të jetë aksidentale./abcnews.al

 

britania-2-1280x651.jpg
ad min19:28 | 16/03/2018

Autoritetet në Mbretërinë e Bashkuar kanë nisur hetimet mbi vdekjen e një biznesmeni rus, kritik i presidentit Putin. Rasti në fjalë pritet të thellojë më tej tensionet mes Londrës dhe Moskës, të acaruara pas helmimit të ish-spiunit rus Sergei Skripal.

Policia britanike ka nisur hetimet mbi vdekjen e biznesmenit rus Nikolai Glushkov, në jug-perëndim të Londrës. Glushkov u gjet i vdekur në shtëpinë e tij në lagjen Nju Melden më 12 Mars. Autopsia e kryer mbi trupin e tij ka treguar se vdekja është shkaktuar nga ushtrimi i presionit në qafë.

Sidoqoftë, për momentin hetuesit deklarojnë se nuk ka prova që të sugjerojnë një lidhje të vdekjes së Glushkov me atë të ish-agjentit sekret rus, Sergei Skripal në Salisburi. Hetuesit po shqyrtojnë një sërë pistash dhe kanë apeluar për informacione që mund t’i ndihmojë në procesin hetimor. Glushkov ishte nëndrejtor i kompanisë ajrore ruse “Aeroflot”.

Në vitin 1999, ai u burgos për pastrim parash dhe mashtrim. Pasi përfitoi një pezullim të dënimit në vitin 2006 ai u arratis në Mbretërinë e Bashkuar ku kërkoi azil politik dhe u kthye në një kritik të presidentit rus, Vladimir Putin. Glushkov ishte gjithashtu një mik i ngushtë i biznesmenit rus Boris Berezovski, i cili u transferua në Britani në vitin 1999, pasi prishi marrëdhëniet me Putin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono