rus

britania-2-1280x651.jpg
G. P.19:28 | 16/03/2018

Autoritetet në Mbretërinë e Bashkuar kanë nisur hetimet mbi vdekjen e një biznesmeni rus, kritik i presidentit Putin. Rasti në fjalë pritet të thellojë më tej tensionet mes Londrës dhe Moskës, të acaruara pas helmimit të ish-spiunit rus Sergei Skripal.

Policia britanike ka nisur hetimet mbi vdekjen e biznesmenit rus Nikolai Glushkov, në jug-perëndim të Londrës. Glushkov u gjet i vdekur në shtëpinë e tij në lagjen Nju Melden më 12 Mars. Autopsia e kryer mbi trupin e tij ka treguar se vdekja është shkaktuar nga ushtrimi i presionit në qafë.

Sidoqoftë, për momentin hetuesit deklarojnë se nuk ka prova që të sugjerojnë një lidhje të vdekjes së Glushkov me atë të ish-agjentit sekret rus, Sergei Skripal në Salisburi. Hetuesit po shqyrtojnë një sërë pistash dhe kanë apeluar për informacione që mund t’i ndihmojë në procesin hetimor. Glushkov ishte nëndrejtor i kompanisë ajrore ruse “Aeroflot”.

Në vitin 1999, ai u burgos për pastrim parash dhe mashtrim. Pasi përfitoi një pezullim të dënimit në vitin 2006 ai u arratis në Mbretërinë e Bashkuar ku kërkoi azil politik dhe u kthye në një kritik të presidentit rus, Vladimir Putin. Glushkov ishte gjithashtu një mik i ngushtë i biznesmenit rus Boris Berezovski, i cili u transferua në Britani në vitin 1999, pasi prishi marrëdhëniet me Putin./abcnews.al

biz.jpg
G. P.18:55 | 13/03/2018

Një vdekje me sfond rus është verifikuar në Britani, një javë nga helmimi i ish-agjentit Sergei Skripal. Ndërkohë, Uashingtoni ka bashkuar forcat me Londrën për ndëshkimin e Moskës nëse rezulton përgjegjëse.

Një ish-biznesmen rus që jetonte në mërgim në Londër është gjetur i vdekur, vetëm një javë nga helmimi i ish-agjentit të dyfishtë rus në Salisburi. Nikolai Glushkov u gjet i pajetë nga familja dhe miqtë e tij mbrëmjen e vonë të së hënës, raporton “The Guardian”.

Glushkov kishte qenë biznesmen në Rusi pas rrëzimit të regjimit komunist dhe ishte ortak i Boris Berezovsky, oligarku që u largua nga Moska, pasi u kthye në kritik të presidentit Vladimir Putin. Berezovsky u gjet i vdekur në tualetin e shtëpisë së tij në jug të Anglisë me një shall në qafë. Specialistët që kryen autopsinë arritën në përfundimin se ishte e pamundur të përcaktohej nëse oligarku ishte vrarë apo kishte kryer vetëvrasje.

Ndërkohë, vdekja e Glushkov vjen pak më shumë se një javë nga helmimi i ish-spiunit Sergei Skripal dhe vajzës së tij Julia me një agjent kimik nervor. Sa i takon kësaj ngjarjeje, Britania po siguron mbështetje nga aleatët e saj. Presidenti Donald Trump ka deklaruar këtë të martë se të dhënat e para sugjerojnë se prapa helmimit qëndron Rusia.

“Dhe Shtetet e Bashkuara do ta ndëshkojnë Rusinë apo këdo qoftë përgjegjës”, ka thënë Trump. Ndërsa në Moskë, ministri i Jashtëm Sergei Lavrov ka thirrur në takim ambasadorin britanik, duke i deklaruar se shteti rus nuk ka lidhje me ngjarjen./abcnews.al

vlcsnap-error526-1280x720.jpg
G. P.09:54 | 11/02/2018

Gjykata e Shkodrës la në burg tre personat e arrestuar si autorë e bashkëpunëtorë në atentatin me tritol në 13 Janar të këtij viti, ku tetë persona u plagosën në lagjen “Rus”. Ata jane Endri Çopja, Argel Lulaj dhe Serxho Teta, të cilet u kapën në Elbasan gjatë një operacioni në të cilin morën pjesë Prokurori e polici.

Argel Lulaj tha se ishte hera e parë që ndodhej në Shkodër, perveçse, kur e sollën për në sallën e gjyqit.

Këtu, ai u shpall atentatori i dyshuar i 13 Janarit, që si pasojë e shpërthimit me tritol në lagjen “Rus” u plagosën tetë vetë.

Shoku i tij, Endri Çopja, gjithashtu pretendoi të njëjtën gjë, por akuzohet si bashkëpunëtori i ngushtë i Lulajt. Kurse, Serxho Teta ndodhet nën pranga për moskallëzim krimi.

Per të tre këta te rinj që u arrestuan në Elbasan gjate operacionit “ Together”, Gjykata e Shkodrës vendosi masën e sigurisë arrest me burg.

Prokurori i çështjes, Albert Murçaj, pretendoi se ka filmime dhe prova të tjera, të cilat tregojnë veprimet e atentatorëve ndaj Lulëzim Kullës.

Sipas akuzës, ata nga Elbasani në Shkoder erdhën me një makinë tip furgon.

Prej aty zbritën motorin, të cilin e parkuan pranë makinës së Kullës. Shpërthimi u bë me telekomandë dhe supozohet se u përdorën 900 gramë tritol.

Nuk jemi ne ata që vendosën tritolin, kanë këmbëngulur në sallën e gjyqit. Pas kësaj deklarate, mbrojtja e përfaqësuar nga Genc Gjokutaj kërkoi masë më të lehtë deri ne mbylljen e hetimit.

Por gjykatësi Hasan Selimi nuk mori parasysh asnjë kërkesë, pervecse i besoi Prokurorisë, e cila pretendon se autorët janë identifikuar përmes pamjeve filmike ditën e ngjarjes e po ashtu janë vënë në përgjim./abcnews.al

vrasja.jpg
G. P.17:31 | 05/02/2018

Piloti rus, avioni i të cilit u godit nga një raketë e qëlluar nga rebelët sirianë, u vetëvra duke shpërthyer një granatë për të mos rënë i gjallë në duart e tyre. Në Rusi, ai është shpallur hero për këtë veprim.

Piloti rus që braktisi avionin e tij pasi u qëllua nga rebelët në veri të Sirisë u vetëvra sapo zbriti në tokë, për të mos rënë në duart e militantëve të Shtetit Islamik. Lajmin e bëjnë të ditur mediat ruse, të cilat e kanë cilësuar pilotin një hero dhe kanë saktësuar se ai u vetëvra duke shpërthyer një granatë. Sipas të njëjtave burime, fjalët e fundit të Roman Filipov para shpërthimit ishin: “Kjo është për djemtë”, që mendohet të ketë qenë për shokët e tij ushtarakë.

Avioni luftarak që po drejtonte Filipov, i llojit “Sukhoi-25”, u qëllua nga toka teksa fluturonte mbi provincën e Idlibit, e kontrolluar në masë nga rebelët. Një grup i lidhur me Al Kaedën mori përsipër përgjegjësinë e sulmit. Televizioni Zvezda, që kontrollohet nga Ministria ruse e Mbrojtjes, raportoi se pilotit i është dhënë medalja “Hero i Rusisë” pas vdekjes, e njohur ndryshe si “Ylli i Artë”.
Thuhet se ai njoftoi përmes radios eprorët e tij se ishte goditur nga një raketë, para se të shkëputej nga avioni. Ndryshe e raportoi ngjarjen Observatori Sirian për të Drejtat e Njeriut, sipas të cilit Filipov u kap nga rebelët kur preku tokën dhe më pas u vra. Qeveria siriane, e mbështetur nga forcat ajrore ruse, nisi një ofensivë madhore në dhjetor kundër grupeve rebele në Idlib./abcnews.al

theresa-may-brexit-means-brexit.jpg
us er15:05 | 15/11/2017

Mediat britanike theksojnë se 419 llogari Twitter të kontrolluara nga haker rus, të dyshuar për lidhje me Kremlinin kanë ndikuar në rezulatatet e referendumit per “Brexit”. Dyshime të tilla kishin dalë edhe më herët por Londra gjithmonë i ka mohuar, vetë Ministri i Jashtëm Boris Johnson nuk ka pranuar asnjëherë te ketë pasur ndërhurje të tilla që kanë ndikuar në rezultate. Kryeministrja Britanike Theresa May në një repikë të fundit me Presidentin Vladimir Putin, ku e akuzonte për ndërhyrje në proceset demokratike elektorale të shteteve Perëndimore asnjëherë nuk ju referua rastit konkret të Brexit. Theguardian, i lidhë 419 llogarit Twitter me një Agjenci Kërkimi me qëndër San Pieterburgun, e përmendur edhe nga media të tjera si fabrikë hakerimi. Zhvillimet në fjalë kanë ndikuar në reagimet e konservatorëve dhe laburisteve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono