rrugetimi

France.png
Veronik Istrefaj18:11 | 16/11/2019

Nesër në mbrëmje, Shqipëria do të presë skuadrën e Francës, në një sfidë që do të inagurojë dhe hapjen e stadiumit të ri kombëtar, “Air Albania Stadium”. Përballja kundër kampionëve të botës po pritet me padurim si nga futbollistët kuqezi, ashtu dhe nga tifozët.

Franca ka udhëtuar sot drejt Shqipërisë dhe rrugëtimi i tyre është pasqyruar në kanalin zyrtar të tyre në YouTube. Yjet francezë udhëtojnë me autobus dhe më pas në avion, aty ku janë dhe momentet më gazmore. Olivier Giroud shikohet të luajë me lojëra fjalësh, ndërsa Mbappe e Madanda janë fansa të muzikës.

Mbrojtësi Lucas Digne është nëj fans i madh i NBA dhe në telefonin e tij, po ndjek me shumë interes Russel Westbrook. Kur yjet e Francës zbarkojnë në tokën shqiptare, priten nga shumë tifozë shqiptarë, të cilët përfitojnë të marrin autografe dhe të bëjnë foto me heronjtë e tyre./abcnews.al

kikia.jpg
ent ela21:05 | 04/11/2019

Rrugëtimi për Shqipërinë i Partisë Demokratike me fokus rininë dhe rikthimin shpresës te shqiptarët është komentuar në studion e Mbrëmje në ABC News të Mirela Milorit me drejtorin e informacionit në Klan Plus Mentor Kikia.

Sipas tij ajo që çedon është se PD kthehet në këtë hulli të të bërit politikë normale, pasi ka qenë në ekstremin e strategjisë dhe pasi Basha ka humbur betejën e forcës me daljen jashtë institucioneve dhe procesin farsë të 30 qershorit.

“PD është në opozitë, detyra është të mendojë për qeverisjen dhe të bindë qytetarët, është duke bërë pikërisht atë që duhet të bëjë një parti opozitare, por këtu ka një keqkuptim apo zhgënjim nga ata që janë mësuar dhe prisnin mënyrën e të bërit protestë agresive.

Të bërit politikë nuk është magji, është të takosh njerëz, të akuzosh, të denoncosh kur ka afera kurruptive dhe vendime që nuk janë në interes të shoqërsië. Ajo që çedon është se PD kthehet në këtë hulli të të bërit politikë normale pasi ka qenë në ekstremin e strategjisë.

Basha ka humbur një betejë shumë të rëndësishme, ka humbur betejën e forcës, se shumë njerëz prisnin që do konkludonte me dorëheqjen e kryeministrit, por shkoi me dy humbje të mëdha me daljen jashtë institucione dhe një proces farsë i 30 qershorit që i ka dhënë kontrollit PS-së”.

Shoqëria shqiptare, shprehet Kikia, ka nevojë realisht për rikthimin e shpresës, por Basha nuk po prezanton asgjë të re. Sipas tij duhet urgjentisht ndryshimi i sistemit dhe heqje e listave të mbyllura.

“Nuk ka asgjë të re në këtë që ndodh nëse do të duhet dhe ajo që ka nevojë shoqëria shqiptare është realisht rikthimi i shpresës, se shumica nuk ikin për bukën e gojës e u duket i pajetueshëm, për shkak të mungesës së rregullit, ligjit, drejtësisë, ku konkuron aftësia dhe puna e ndershme. Duhet parë vajtimi i njerëzve që nuk dua Ramën, por se Shqipëria është një vend i pajetueshëm për një mijë arsye.

Realisht shoqëria shqiptare ka nevojë për rikthimin e shpresës. Duke prezantuar atë që dimë e stërdimë. Ndryshim absolutisht i sistemit dhe heqje e listave të mbyllura se ato kanë prodhuar atë parlament qesharak. Ne kemi kohë që votojmë por nuk zgjedhim, sepse ka një listë që ka bërë kryetari i partisë”. /abcnews.al

basha-rinia-1280x693.jpg
ent ela17:32 | 04/11/2019

Opozita nisi pasditen e sotme nga Elbasani rrugëtimin për Shqipërinë, i cili këtë javë i dedikohet tërësisht rinisë. Në fjalën e tij në nisje të takimit, kreu demokrat Lulzim Basha akuzoi qeverinë dhe kryeministrin Rama se ka dështuar me rininë. Sipas tij rinia është ajo që është neglizhuar më shumë dhe i është vrarë shpresa, saqë ka marrë rrugët e emigracionit.

“Rinia është ajo që ia kanë hequr vështrimin, është më e neglizhuar dhe dështimi me rininë është i kësaj qeverie e këtij kryyeministri, me kushtet e jetesës më të dobëta, me vështirësimin e kushteve për arsimim, me gjendjen jashtëzakonisht të dobët të financave familjare e të rinisë.

Dështimi nr. 1 i qeverisë është dështimi me rininë. Por kjo nuk vjen prej jush e cilësisë së rinisë shqiptare. Sa herë rinsië shqiptare i jepen mundësi ajo shkëlqen më mirë  se masatarja evropiane dhe kjo përbën shtysë për emigracionin se kjo qeveri ka vrarë shpresat dhe ka detyruar rininë t’i drejtohen një shtegu për t’u punësuar e mësuar në emigracion. Nuk ka pse të jëtë kështu”.

Kryedemokrati Basha u zotua se do t’i rikthejë shpresën rinisë përmes klimës së biznesit dhe investimeve të huaja.

“E vetmja gjë që mungon është klima e biznesit, një qeveri që ka vizion të mbështesë investimet e huaja të cilat janë gati të korrin avantazhet e një rinie të talentuar, por e pamunduar në kushtet e sotme.

Sot kam ardhur kryesish t’ju dëgjoj, jo vetëm shpresat, idetë, sugjerimet propozimet, shqetësimet, sfidat e vështirësitëe tuaja. Zotimi im, i PD dhe personal është të rikthejmë shpresën në vendin tonë, t’u japim mundësinë për punësim përmes klimës së biznesit e investimet e huaja duke sjellë punësim me paga dinjitoze dhe duke bërë të mundur ta ndryshojmë këtë vend, që ta bëjmë të tillë që ju të ndërtoni jetën tuaj, të punësoheni e të krijoni familjet tuaja”. /abcnews.al

 

 

EDICIONI-VEROR-09-GUSHT-2018-1280x720.jpg
ent ela11:10 | 10/08/2018

Edicioni Veror i 9 gushtit ka nisur me një propozim të papritur martese, i cili u organizua në fshehtësi për një vajzë me fat. Ndihmuar fillimisht nga Ministri i Turizmit Blendi Klosi me shpëtimin e kamardares në formë unaze, misioni kulmoi me një përgjigje pozitive dhe fund të lumtur.

E gjitha u ndihmua të organizohej nga Edicioni Veror duke marrë në intervistë vajzën për ta pyetur për detaje nga historia e saj e dashurisë. Ajo mbeti e shokuar në momentin kur i fejuari i shfaq gjithçka çfarë kishte organizuar për të, duke i propozuar bashkë më unazën qe ajo kishte ëndërruar. Përgjigja ishte pozitive. Nusja e ardhshme tregoi se nuk kishte dyshuar në asnjë moment se diçka e tillë do të ndodhte, duke e bërë misionin të suksesshëm.

Xhonatan Islami rrëfen risitë dhe aventurat e “Paragliding”

I ftuar në studion verore të ABC News Xhonatan Islami ka rrëfyer objektivat dhe aventurat e “Paragliding”dhe risitë.  Objektivi i radhës, sipas tij është maja e Çikës, 2300 metra mbi nivelin e detit.

“Objektivi i radhës është maja e Çikës, 2300 metra mbi nivelin e detit, që të ndaloj atje, duhen 30 minuta për ta ngjitur”.  

“Risi e radhës do të jenë fluturimet e motorizuara edhe për pasagjerë për dy persona dhe risi tjetër tërheqja e velave me shkëputje me vinç nga toka, duke i dhënë përparësi edhe qytetve fushore”.

Ai ka folur edhe për njeriun më të vogël në moshë të hedhur nga Llogaraja, i cili ka qenë një 5 vjeçar, ndërsa njeriu më i madh në moshë i hedhur nga Llogaraja do të jetë një 75 vjeçar, i cili do të transmetohet në edicionin e së shtunës të 11 gushtit në ABC News.

Rrugëtim nëpër Qeparoin e Sipërm

Edicioni Veror vizitoi edhe fshatin Qeparo, duke e nisur udhëtimin nga rruga e vjetër që të çon në këtë fshat, e cila bëhet çdo ditë në këmbë nga banorët e zonës. Rruga e ndërtuar me kalldrëm është përdorur nga banorët rregullisht që para 300-400 vitesh. Në këtë zonë vihet re sistemi i veçantë i kanalizimit të ujërave, të cilat ata e bënin gati për ta përdorur gjatë dimrit në bujqësi.

Fshati vizitohej nga turistë të ndryshëm që vinin nga: Italia, Gjermania, Çekia, Polonia etj. Qeparoja tashmë është nën mbrojtjen e UNESCO-s. Banorët historikisht kanë përdorur sollot (tunelet) për të lëvizur nëpër vende të ndryshme të zonës. Të gjitha godinat e rrëzuara sot pritet të restaurohen./abcneës.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono