Rruga

Untitled-1-1.jpg
nev ila16:50 | 14/10/2019

Në rrugën Qafë Thanë – Kapshticë pak kush respekton sinjalistiken dhe për këtë shkak qe kthyer nga rrugët risk të lartë. Në të gjithë gjatësinë e segmentit Qafë Thanë -Kapshticë, policia ka evidentuar mbi 600 ndërprerje të rrugës nacionale,të cilat janë potencialisht burim aksidentesh.

Tabelat paralajmëruese dhe detyruese, nuk respektohen. Sidomos kur bëhet fjalë për kufizimin e shpejtësisë, drejtuesit e mjeteve kanë tendencë ta tejkalojnë.

Aksi nacional që lidh Korçën me Kapshticën dhe Qafë-Thanën, është i rrezikshëm, si për drejtuesit e mjeteve ashtu edhe për këmbësorët.

Mungesa e mbikalimeve dhe nënkalimeve në disa kryqëzime, vlerësohet si shkaku kryesor i aksidenteve me pasoja të rënda për jetën dhe shëndetin.

Më problematik është kryqëzimi i Pojanit, në segmentin Korçë-Kapshticë, ku bilanci i viktimave është në rritje.

Drejtuesit e mjeteve ankohen se dalja nga rrugët e fshatit në rrugën nacionale bëhet burim i vazhdueshëm aksidentesh. Po ashtu kalimi i mjeteve bujqësore, mbart të njëjtin rrezik.

Për këmbësorët, kalimi nga një anë e rrugës në tjetrën, mund të rezultojë fatal. Të lëvizin mes makinave që qarkullojnë me shpejtësi, për banorët e zonës është bërë e zakonshme edhe pse e dinë, se kjo mund t’ju kushtojë jetën.

Ndërtimi i mbikalimeve ose nënkalimeve, kërkohet nga  përdoruesit e rrugës, por edhe policia e qarkullimit, si e vetmja zgjidhje, që garanton sigurinë rrugore.

Në të gjithë gjatësinë e segmentit Qafë -Thanë -Kapshticë, policia ka evidentuar mbi 600 ndërprerje të rrugës nacionale, të cilat janë potencialisht burim aksidentesh.

Muajt e verës shënuan dhjetëra aksidente në rrugët e juglindjes, edhe për shkak të shkeljes së rregullave të qarkullimit, përpos standarteve të munguara të rrugëve.

Ndëshkimi me masa administrative dhe penale, të shkelësve të Kodit Rrugor, nuk ka ndikuar në reduktimin e tyre./abcnews.al

gjykata.jpg
G. P.15:40 | 14/10/2019

“Detyrim paraqitje” vendosi Gjykata e Tiranës për tre banorët e Unazës së Re pas protestave të zhvilluara mbrëmjen e së premtes. Prokuroria i akuzoi ata për “Organizimi të paligjshme” si dhe bllokimi i rrugës “Teodor Keko”.

Pas tre orësh, Gjykata Penale e Tiranës ka caktuar masën e sigurisë “detyrim paraqitje” për tre banorë të Unazës së Re, të cilët u arrestuan mbrëmjes së të premtes. Vendimi i Gjykatëses Rexhina Merlika ishte pa praninë e medias. Po kështu askush nga të afërmit e Tomor Gjatës, Eduard Ferhatit dhe Ruzhdi Dacit nuk u lejuan në sallën e gjyqit.

Gjatë seancës ka pasur debate ndërmjet prokurorit të cështjes dhe avokatit të të ndaluarve, ku akuza kërkoi “arrest me burg” por që u hodhën poshtë nga gjykata.

Jordan Daci në përfundim të seancës theksoi se të mbrojturit e tij nuk kanë shkeluar asnjë ligj për protestën e përditshme të organizuar në Unazëne  Re.

Banorët e Unazës së Re bënë edhe një peticion kundër ambasadorit të OSBE-së, Bernd Borchardt, ku për ABC Neës ata shprehen se do t’ia dërgojnë përfaqësive diplomatike në Tiranë.

Me interes pritet masat sigurisë për 10 të arrestuarit e protestët së të dielës. Mes tyre është edhe ish-Deputeti Klevis Balliu, i cili prangos bashkë me 9 banorë te tjerë të Unazës së Re.

/abcnews.al

bashaaa.jpg
G. P.18:00 | 13/10/2019

Kryetari i Partisë Demokratike, Lulzim Basha u është bashkuar protestuesve të Unazës së Re. Abcnews.al ka siguruar videon në momentin kur kreu i selisë blu bashkohet me banorët, të cilët prej kohësh kundërshtojnë projektin e Unazës së Re.

Pas arritjes së kryetarit të PD-së është bllokuar edhe rruga, ndërsa policia ka lejuar qarkullimin vetëm në një korsi.

Ndërkohë policia ka marrë masat e saj për mbarëvajtjen e këtij tubimi. Forca të shumta të policisë së rendit dhe FNSH-së janë dislokuar në afërsi të rrugës “Teodor Keko”, aty ku po zhvillohet protesta.

Ditën e sotme gjykata ka dhënë masën e sigurisë arrest me burg për tre nga gjashtë banorët e Unazës së Re, të cilët janë arrestuar pas protestave. Ditën e nesërme pritet të jepet masa e sigurisë për tre personat e tjerë.

/abcnews.al

rruga.jpg
Autor E13:30 | 12/10/2019

Shoferët e makinave duhet të shmangin aksin Orikum-Palasë përgjatë një javë në orarin 21:00 e mbrëmjes deri në 05:00 të mëngjesit duke filuar nga dita e sotme.

Policia e Vlorës ka publikuar njoftimin gjatë ditës së sotme duke informuar se aksi do të jetë i bllokuar për të gjitha kategoritë e automjeteve.

“Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).

Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative”, njofton policia.

Njoftimi

Njoftohen të gjithë drejtuesit e mjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segmet rrugor do të jetë i kufizuar në të dyja krahët, për të gjitha kategorite e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.

Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).

Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative.

aksidentet-ne-elbasan.jpg
G. P.15:19 | 27/09/2019

Në Qarkun e Elbasanit ka disa segmente rrugore dhe kthesa që cilësohen si pikat e vdekjes për shkak të numrit të lartë të aksidenteve rrugore. Gazetari i ABC News Fatos Salliu na sjell një përshkrim më të plotë.

Këto janë pamjet e aksidentit më të fundit në rrugën Elbasan- Peqin. Katër gra humbën jetën në përplasjen e tre makinave dhe drejtuesit e tyre u plagosën. U arrestua njeri nga shoferët që besohet se bëri parakalim të gabuar me pasoja tragjike.

Por cilat janë pikat me fatkeqe ose të njohura ndryshe pikat e vdekjes në Qarkun e Elbasan. Nw rrogozhinë-Peqin, vendi ku kanë ndodhur më shumë aksidente është “Kthesa e Gjoccajve”. Një kryqëzim ku drejtuesit dalin menjëherë në rrugë dhe përplasen me njëri-tjetrin. Së fundmi u vendos sinjalistika paralajmëruese.

Peqin-Elbasan. Pikat më problematike janë “Kryqëzimi i Cërrikut” tek Ura e Zezë mbi Shkumbin në fshatin Papër, segmenti Papër-Vidhas, Elbasan-Metalurgji dhe Unaza Jugore e Elbasanit, Elbasan-Librazhd, Labinot Fusha, Ura e Trenit në Xibrakë, kthesa e Murrashit.

Në aksin Librazhd-Qafë Thanë numërohen disa kthesa ato afër Pishkashit, ngjitja për në Qafë Thanë. Nga ekspertizat e deritanishme të ngjarjeve të rënda, ka rezultuar se shkaqet kryesore të aksidenteve janë shpejtësia dhe abuzimi me alkoolin, por edhe mungesa e sinjalistikës./ABC News Albania 24/7

RRUGA-TIRANE-ELBASAN.mpg_snapshot_00.04-1280x720.jpg
ent ela19:01 | 11/09/2019

Teksa punimet në rrugën e re Tiranë-Elbasan kanë prekur finishin me rehabilitimin e shembjes në Ibë, kompania greke Copri-Aktor që udhëhoqi punimet, po lë një mal me borxhe në furnitorë. Më së shumti, bëhet fjalë për biznese shqiptare që kanë furnizuar me mallra dhe shërbime kompaninë.

Paratë janë diskutuar më së shumti gjatë ndërtimit të rrugëse Tiranë Elbasan e vazhdojnë të jenë kryefjalë pasi bizneset e furnitorët kërkojnë borxhet tek ndërtuesi,kompania greke Copri-Aktor.

Sipas të dhënave nga bilanci i kompanisë për vitin 2018, detyrimet e kompanisë ndaj të tretëve arritën në 5,1 miliardë lekë në fund të vitit të kaluar ose 42 milionë euro. Detyrimet janë të fokusuara në dy zëra të “pagueshme ndaj furnitorëve” mbi 2 miliardë lekë dhe 3.1 miliardë lekë për “debitorë dhe kreditorë të tjerë”.

Borxhet e kompanisë janë të pasqyruara edhe në ekstraktin në Qendrën Kombëtare të Biznesit ku shihet që nga maji i vitit 2018 deri në shtator të këtij viti ka 19 urdhra nga përmbarimi që kërkon bllokimin e llogarive dhe aksioneve të kompanisë deri në shlyerjen e detyrimeve.

Duke vëzhguar listën e sekuestrove ajo që bie në sy janë fatura të pashlyera nga Copri-Aktor ndaj kompanive që janë furnizuar me mallra dhe shërbime, apo dhe mospagim kredie. Në listën e kompanive që kërkojnë pagimin e faturave dhe huave me ndihmën e përmbarimit janë AL-Gem, Jubica dhe Banka Amerikane e Investimeve.

Grekët e AKTOR ndërtuan të vetëm tunelin që përfshihet në projekt, ndërkohë që për Lotin 1 që nis nga rreth- rrotullimi i TEG deri në hyrje të tunelit dhe për Lotin 3, që nis nga dalja e tunelit deri në Elbasan, u bashkua me kompaninë Copri.

Në fakt, qysh nga nisja e punimeve situata me ndërtimin e autostradës ka qenë problematike. Copri-AKTOR kanë pasur përplasje disa herë me nënkontraktorët, të cilët kanë braktisur punën për shkak të vonesave në pagesa, por edhe vetë qeveria në disa raste ka krijuar vonesa. Sikur të mos mjaftonte vetëm zinxhiri i borxheve, projekti ka pësuar edhe ndryshime dhe vonesa për shkak të rrëshqitjeve të dheut në zonën e Ibës.

Ajo që u duk se do të ishte një autostradë që do të mbyllej shpejt dhe me lehtësi në fakt përfundoi në një epope më vete. Kompania AKTOR përfundoi në kohë rekord tunelin e Kërrabës i cili kushtoi 8.3 miliardë lekë por për dy lotet e tjera u fut në garë së bashku me kompaninë COPRI, por akoma dhe sot s’ka një bilanc përfundimtar sesa ka shkuar kostoja e këtyre dy loteve.

Rruga e re Tiranë -Elbasan me gjatësi 27 kilometra nisi të ndërtohej në vitin 2011 m një kosto 33 miliardë lekësh (260 milionë euro). Afati për përfundimin total të punimeve ishte viti 2015, por një shembje që ndodhi në Ibë, kërkoi rishikim të projektit dhe kosto të reja. Për dy vite ekzaminime dhe negociata qeveria shqiptare u detyrua të marrë edhe dy kredi të tjera shtesë për përfundimin e rrugës me vlerë 51 milionë euro, duke e çuar koston në total në mbi 300 milionë euro.

Kompania ka publikuar një bilanc katastrofik në aktivitetin e saj në Shqipëri. Humbjet e akumuluara në kapital ishin gati 5 miliardë lekë në fund të vitit 2018, ose rreth 40 milionë euro.

Me mbarimin e aktivitetit, të ardhurat në 2018-n ishin 623 milionë lekë, nga 6 miliardë lekë vitin e mëparshëm. /ABC News Albania 24/7

69619826_366207640995986_8509455069605789696_n.jpg
ent ela10:30 | 03/09/2019

Qytetarët të cilët vijnë nga jugu ose nga veriu i vendit përmes autostradës Tiranë Durrës nuk do të duhet të shqetësohen më për hyrjen në kryeqytet. Bashkia e Tiranës ka finalizuar një tjetër investim të rëndësishëm duke bërë të mundur mirëmbajtjen e shtresave të asfaltit në rrugën “Dritan Hoxha” në Tiranë.  Rruga “Dritan Hoxha” është një aks kryesor në kryeqytet, ku qarkullojnë shumë makina dhe për të mos bllokuar qarkullimin, ekipi ka punuar gjatë natës për mirëmbajtjen e shtresave asfaltike.

Krahas ndërtimit të rrugëve të reja, Bashkia e Tiranës i kushton një vëmendje të posaçme edhe mirëmbajtjes së shtresave asfaltime në rrugët ekzistuese,  vijëzimit, sinjalistikës dhe kangjellave, për ta bërë sa më të lehtë përditshmërinë e banorëve e duke rritur sigurinë e tyre. /ABC News Albania 24/7

edi-rama123.jpg
G. P.19:16 | 01/09/2019

Në Korçë kreu i ekzekutivit inspektoi edhe punimet për rikonstruksionin e rrugës Maliq-Libonik.

Kjo rrugë nga Maliqi në fshatin Libonik ka qenë një tmerr i vërtetë për ata që kalonin aty, por tanimë gjithçka po ndryshon. Këtë e vuri në dukje edhe kryeministri Rama teksa këqyri punimet që po kryhen.

Kryebashkiaku i Maliqit Gëzim Topçiu u shpreh se kjo rrugë ishte kthyer në ferr për të gjithë drejtuesit e automjeteve. Ndërsa pas rregullimit që po i bëhet ajo do të jetë një rrugë me të gjitha standardet, do të ketë vende të caktuar për autobusë dhe korsi biçikletash, trotuare, ndriçim LED në të gjithë gjatësinë e saj. Kryeministri Rama pyeti edhe për cilësinë e punimeve.

Rikonstruksioni i rrugës me gjatësi 2.3 kilometër është drejt përfundimit dhe pritet të lehtësojë lëvizjen e mjeteve dhe daljen e fermerëve në tregje. Gjithashtu kjo rrugë sipas kryebashkiakut Topçiu, do ta kthejë fshatin Libonik në një lagje të Maliqit, dhe me disa ndërhyrje, do të lidhet edhe me Pyllin e fazanëve me anë të korsive të biçikletave.

Sipas Gëzim Topçiut, rikualifikimit do t’i nënshtrohet edhe zona përreth, me rikonstruksionin e plotë të rrjetit inxhinierik nëntokësor, si dhe rehabilitimin e fasadave të 13 pallateve./ABC News Albania 24/7

TRAFIK-I-CMENDUR-NE-VLORE.mpg_snapshot_00.01-1280x709.jpg
nev ila19:39 | 11/08/2019

Trafiku i rënduar në zonën e plazhit të Semanit, në rrethin e Fierit ka bllokuar totalisht këtë aksin rrugor Fier-Seman.

Që prej fillimit të gushtit situata e trafikut është mjaft e rënduar në qytetin e  Fierit,  pasi dyndjet për të shkuar drejt jugut, janë të mëdha.

Edhe këtë të dielë fluksi i makinave që shkojnë drejt zonave bregdetare, konkretisht ajo e Semanit, kanë shkaktuar kaos deri në bllokmin e kësaj rruge./abcnews.al

TRAFIK-NE-FUSHE-KRUJE-MBULIM-ABCM2T1.mpg_snapshot_00.03-1280x720.jpg
ent ela13:10 | 02/08/2019

Prej disa orësh në aksin Fushë Krujë-Thumanë ka trafik të rënduar. Radhët e automjeteve janë kilometrike.

Gazetari i “ABC News” Ahmet Zani raporton se shkaku kryesor është ngarkesa në qarkullim.

Policia ka dale në terren në disa pika, por e ka të pamundur të menaxhojë situatën.

Trafiku është krijuar nga fluksi i pushuesve dhe emigranteve që kanë ardhur në Shqipëri për sezonin e verës.

Shumë drejtues të nervozuar nga pritja thyejnë rregullat e qarkullimit, duke dalë nga vargu e duke sjellë përkeqësim të situatës. Ata thonë për ABC News se kanë disa orë që presin në radhë. /ABC News Albania 24/7 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono