Rruga

PROVOKACIA-8-NENTOR-MONOLOG-YLLI-RAKIPI.mpg_snapshot_08.31-1280x720.jpg
ent ela21:48 | 08/11/2019

Ylli Rapiki e akuzon kryeministrin Edi Rama se kërkon të sundojë Shqipërinë me njerëz anonimë, që i merr nga rruga dhe i bën ministra. Gjatë bisedës në Provokacija me Mustafa Nanon, ai shprehet se Ramës nuk i dhimbset asgjë.

“Ai s’ka rrugë tjetër, se këta që hoqi ai i quan edhe fajtorë. I ngarkoi ata të gjithë me faj dhe gjasme mori të pafajshëm ose fëmijë pa një identitet. Merr 20 njerëz anonimë që kalojnë në rrugë dhe i bën ministra. Nuk i dhimbset asgjë.Vjen Papa në Shqipëri vendos martirët dhe mbush bulevardin, i sheh Papa ata dhe ikën.

Tani nxjerr heronjtë, dëshmorët. Pastaj nëse ka probleme me dëshmorët nxjerr 4 veta që kanë vrarë diversantet.

Pastaj del Paskal Milo dhe thotë ja nxorrëm edhe katër që u vranë nga diversantët”.

KÇK-në, Rakipi e quan një shpikje të kryeministrit Rama, njësoj si Enver Hoxha shpik grupe armiqësore.

“ I rrëmbeu…jo frika e amerikanëve, etj. I mori ata të gjithë. Ore ke parë ti kryeministër që të dalë të thotë: Organizata më e rrezikshme është. Ai shpiku KÇK-në si Enver Hoxha që shpikte grupe armiqësore”, – shprehet Rakipi, ndërsa pohon se e ka votuar Ramën në vitin 2013. /abcnews.al

 

kukes-lumas-1280x716.jpg
nev ila17:22 | 03/11/2019

Mungesa e një rruge automobilistike mban peng zhvillimin e bujqësisë dhe blegtorisë në Fshat të Kukësit.  Përmirësimi i infrastrukturës është e vetmja kërkesë e banorëve të kësaj zone me një potencial të madh për zhvillimin e turizmit malor.

Hasan Karanxha, është më i moshuari në këtë zonë. Mban mbi supe 85 vite e për asnjë çast nuk ka hequr veshjen tradicionale të krahinës së Lumës. 85 vjeçari ka lindur dhe jeton në Fshat të Kukësit. 1100 metra mbi nivelin e detit. Një ndër zonat më të vështira për të jetuar në Kukës .

Shtëpitë vitet e fundit thuajse janë boshatisur. Nga 170 familje vetëm 50 kanë zgjedhur ta vijojnë jetesën në Fshat. Hatixhe Desa na tregon se pse nuk është larguar.

Banorët  nuk heqin dorë nga blegtoria. Kryesisht merren me mbarështimin e deles. Ndonëse në  fshat përllogariten më shumë se 1 mijë krerë nuk ka baxho. Banorët qumështin e deleve e dërgojnë për ta përpunuar në Kala të Dodës në Dibër.

Zhvillimin e blegtorisë dhe bujqësisë në këtë zonë po e pengon mungesa e infrastrukturës. Më shumë se 8 kilometra rrugë ndan fshatin Fshat nga rruga Kukës- Peshkopi.

Në fshat kurrë më parë nuk janë mbledhur kështu.  Shkolla është rikonstruktuar dhe ka zgjidhur njërin prej problemeve. Ndërsa kryebashkiaku Safet Gjici thotë se projektet infrastrukturore do ti shohë me prioritet.

Natyra, blegtoria, bujqësia, bimët mjekësore favorizojnë zhvillimin e turizmit malor në zonë ndërsa banorët që kanë zgjedhur të jetojnë këtu kanë vetëm një kërkesë, ndërtimin e rrugës automobilistike./abcnews.al

Untitled-1-1.jpg
nev ila16:50 | 14/10/2019

Në rrugën Qafë Thanë – Kapshticë pak kush respekton sinjalistiken dhe për këtë shkak qe kthyer nga rrugët risk të lartë. Në të gjithë gjatësinë e segmentit Qafë Thanë -Kapshticë, policia ka evidentuar mbi 600 ndërprerje të rrugës nacionale,të cilat janë potencialisht burim aksidentesh.

Tabelat paralajmëruese dhe detyruese, nuk respektohen. Sidomos kur bëhet fjalë për kufizimin e shpejtësisë, drejtuesit e mjeteve kanë tendencë ta tejkalojnë.

Aksi nacional që lidh Korçën me Kapshticën dhe Qafë-Thanën, është i rrezikshëm, si për drejtuesit e mjeteve ashtu edhe për këmbësorët.

Mungesa e mbikalimeve dhe nënkalimeve në disa kryqëzime, vlerësohet si shkaku kryesor i aksidenteve me pasoja të rënda për jetën dhe shëndetin.

Më problematik është kryqëzimi i Pojanit, në segmentin Korçë-Kapshticë, ku bilanci i viktimave është në rritje.

Drejtuesit e mjeteve ankohen se dalja nga rrugët e fshatit në rrugën nacionale bëhet burim i vazhdueshëm aksidentesh. Po ashtu kalimi i mjeteve bujqësore, mbart të njëjtin rrezik.

Për këmbësorët, kalimi nga një anë e rrugës në tjetrën, mund të rezultojë fatal. Të lëvizin mes makinave që qarkullojnë me shpejtësi, për banorët e zonës është bërë e zakonshme edhe pse e dinë, se kjo mund t’ju kushtojë jetën.

Ndërtimi i mbikalimeve ose nënkalimeve, kërkohet nga  përdoruesit e rrugës, por edhe policia e qarkullimit, si e vetmja zgjidhje, që garanton sigurinë rrugore.

Në të gjithë gjatësinë e segmentit Qafë -Thanë -Kapshticë, policia ka evidentuar mbi 600 ndërprerje të rrugës nacionale, të cilat janë potencialisht burim aksidentesh.

Muajt e verës shënuan dhjetëra aksidente në rrugët e juglindjes, edhe për shkak të shkeljes së rregullave të qarkullimit, përpos standarteve të munguara të rrugëve.

Ndëshkimi me masa administrative dhe penale, të shkelësve të Kodit Rrugor, nuk ka ndikuar në reduktimin e tyre./abcnews.al

gjykata.jpg
ad min15:40 | 14/10/2019

“Detyrim paraqitje” vendosi Gjykata e Tiranës për tre banorët e Unazës së Re pas protestave të zhvilluara mbrëmjen e së premtes. Prokuroria i akuzoi ata për “Organizimi të paligjshme” si dhe bllokimi i rrugës “Teodor Keko”.

Pas tre orësh, Gjykata Penale e Tiranës ka caktuar masën e sigurisë “detyrim paraqitje” për tre banorë të Unazës së Re, të cilët u arrestuan mbrëmjes së të premtes. Vendimi i Gjykatëses Rexhina Merlika ishte pa praninë e medias. Po kështu askush nga të afërmit e Tomor Gjatës, Eduard Ferhatit dhe Ruzhdi Dacit nuk u lejuan në sallën e gjyqit.

Gjatë seancës ka pasur debate ndërmjet prokurorit të cështjes dhe avokatit të të ndaluarve, ku akuza kërkoi “arrest me burg” por që u hodhën poshtë nga gjykata.

Jordan Daci në përfundim të seancës theksoi se të mbrojturit e tij nuk kanë shkeluar asnjë ligj për protestën e përditshme të organizuar në Unazëne  Re.

Banorët e Unazës së Re bënë edhe një peticion kundër ambasadorit të OSBE-së, Bernd Borchardt, ku për ABC Neës ata shprehen se do t’ia dërgojnë përfaqësive diplomatike në Tiranë.

Me interes pritet masat sigurisë për 10 të arrestuarit e protestët së të dielës. Mes tyre është edhe ish-Deputeti Klevis Balliu, i cili prangos bashkë me 9 banorë te tjerë të Unazës së Re.

/abcnews.al

bashaaa.jpg
ad min18:00 | 13/10/2019

Kryetari i Partisë Demokratike, Lulzim Basha u është bashkuar protestuesve të Unazës së Re. Abcnews.al ka siguruar videon në momentin kur kreu i selisë blu bashkohet me banorët, të cilët prej kohësh kundërshtojnë projektin e Unazës së Re.

Pas arritjes së kryetarit të PD-së është bllokuar edhe rruga, ndërsa policia ka lejuar qarkullimin vetëm në një korsi.

Ndërkohë policia ka marrë masat e saj për mbarëvajtjen e këtij tubimi. Forca të shumta të policisë së rendit dhe FNSH-së janë dislokuar në afërsi të rrugës “Teodor Keko”, aty ku po zhvillohet protesta.

Ditën e sotme gjykata ka dhënë masën e sigurisë arrest me burg për tre nga gjashtë banorët e Unazës së Re, të cilët janë arrestuar pas protestave. Ditën e nesërme pritet të jepet masa e sigurisë për tre personat e tjerë.

/abcnews.al

rruga.jpg
Autor E13:30 | 12/10/2019

Shoferët e makinave duhet të shmangin aksin Orikum-Palasë përgjatë një javë në orarin 21:00 e mbrëmjes deri në 05:00 të mëngjesit duke filuar nga dita e sotme.

Policia e Vlorës ka publikuar njoftimin gjatë ditës së sotme duke informuar se aksi do të jetë i bllokuar për të gjitha kategoritë e automjeteve.

“Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).

Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative”, njofton policia.

Njoftimi

Njoftohen të gjithë drejtuesit e mjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segmet rrugor do të jetë i kufizuar në të dyja krahët, për të gjitha kategorite e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.

Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër (19.10.2019).

Kërkojmë mirkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative.

aksidentet-ne-elbasan.jpg
ad min15:19 | 27/09/2019

Në Qarkun e Elbasanit ka disa segmente rrugore dhe kthesa që cilësohen si pikat e vdekjes për shkak të numrit të lartë të aksidenteve rrugore. Gazetari i ABC News Fatos Salliu na sjell një përshkrim më të plotë.

Këto janë pamjet e aksidentit më të fundit në rrugën Elbasan- Peqin. Katër gra humbën jetën në përplasjen e tre makinave dhe drejtuesit e tyre u plagosën. U arrestua njeri nga shoferët që besohet se bëri parakalim të gabuar me pasoja tragjike.

Por cilat janë pikat me fatkeqe ose të njohura ndryshe pikat e vdekjes në Qarkun e Elbasan. Nw rrogozhinë-Peqin, vendi ku kanë ndodhur më shumë aksidente është “Kthesa e Gjoccajve”. Një kryqëzim ku drejtuesit dalin menjëherë në rrugë dhe përplasen me njëri-tjetrin. Së fundmi u vendos sinjalistika paralajmëruese.

Peqin-Elbasan. Pikat më problematike janë “Kryqëzimi i Cërrikut” tek Ura e Zezë mbi Shkumbin në fshatin Papër, segmenti Papër-Vidhas, Elbasan-Metalurgji dhe Unaza Jugore e Elbasanit, Elbasan-Librazhd, Labinot Fusha, Ura e Trenit në Xibrakë, kthesa e Murrashit.

Në aksin Librazhd-Qafë Thanë numërohen disa kthesa ato afër Pishkashit, ngjitja për në Qafë Thanë. Nga ekspertizat e deritanishme të ngjarjeve të rënda, ka rezultuar se shkaqet kryesore të aksidenteve janë shpejtësia dhe abuzimi me alkoolin, por edhe mungesa e sinjalistikës./ABC News Albania 24/7

RRUGA-TIRANE-ELBASAN.mpg_snapshot_00.04-1280x720.jpg
ent ela19:01 | 11/09/2019

Teksa punimet në rrugën e re Tiranë-Elbasan kanë prekur finishin me rehabilitimin e shembjes në Ibë, kompania greke Copri-Aktor që udhëhoqi punimet, po lë një mal me borxhe në furnitorë. Më së shumti, bëhet fjalë për biznese shqiptare që kanë furnizuar me mallra dhe shërbime kompaninë.

Paratë janë diskutuar më së shumti gjatë ndërtimit të rrugëse Tiranë Elbasan e vazhdojnë të jenë kryefjalë pasi bizneset e furnitorët kërkojnë borxhet tek ndërtuesi,kompania greke Copri-Aktor.

Sipas të dhënave nga bilanci i kompanisë për vitin 2018, detyrimet e kompanisë ndaj të tretëve arritën në 5,1 miliardë lekë në fund të vitit të kaluar ose 42 milionë euro. Detyrimet janë të fokusuara në dy zëra të “pagueshme ndaj furnitorëve” mbi 2 miliardë lekë dhe 3.1 miliardë lekë për “debitorë dhe kreditorë të tjerë”.

Borxhet e kompanisë janë të pasqyruara edhe në ekstraktin në Qendrën Kombëtare të Biznesit ku shihet që nga maji i vitit 2018 deri në shtator të këtij viti ka 19 urdhra nga përmbarimi që kërkon bllokimin e llogarive dhe aksioneve të kompanisë deri në shlyerjen e detyrimeve.

Duke vëzhguar listën e sekuestrove ajo që bie në sy janë fatura të pashlyera nga Copri-Aktor ndaj kompanive që janë furnizuar me mallra dhe shërbime, apo dhe mospagim kredie. Në listën e kompanive që kërkojnë pagimin e faturave dhe huave me ndihmën e përmbarimit janë AL-Gem, Jubica dhe Banka Amerikane e Investimeve.

Grekët e AKTOR ndërtuan të vetëm tunelin që përfshihet në projekt, ndërkohë që për Lotin 1 që nis nga rreth- rrotullimi i TEG deri në hyrje të tunelit dhe për Lotin 3, që nis nga dalja e tunelit deri në Elbasan, u bashkua me kompaninë Copri.

Në fakt, qysh nga nisja e punimeve situata me ndërtimin e autostradës ka qenë problematike. Copri-AKTOR kanë pasur përplasje disa herë me nënkontraktorët, të cilët kanë braktisur punën për shkak të vonesave në pagesa, por edhe vetë qeveria në disa raste ka krijuar vonesa. Sikur të mos mjaftonte vetëm zinxhiri i borxheve, projekti ka pësuar edhe ndryshime dhe vonesa për shkak të rrëshqitjeve të dheut në zonën e Ibës.

Ajo që u duk se do të ishte një autostradë që do të mbyllej shpejt dhe me lehtësi në fakt përfundoi në një epope më vete. Kompania AKTOR përfundoi në kohë rekord tunelin e Kërrabës i cili kushtoi 8.3 miliardë lekë por për dy lotet e tjera u fut në garë së bashku me kompaninë COPRI, por akoma dhe sot s’ka një bilanc përfundimtar sesa ka shkuar kostoja e këtyre dy loteve.

Rruga e re Tiranë -Elbasan me gjatësi 27 kilometra nisi të ndërtohej në vitin 2011 m një kosto 33 miliardë lekësh (260 milionë euro). Afati për përfundimin total të punimeve ishte viti 2015, por një shembje që ndodhi në Ibë, kërkoi rishikim të projektit dhe kosto të reja. Për dy vite ekzaminime dhe negociata qeveria shqiptare u detyrua të marrë edhe dy kredi të tjera shtesë për përfundimin e rrugës me vlerë 51 milionë euro, duke e çuar koston në total në mbi 300 milionë euro.

Kompania ka publikuar një bilanc katastrofik në aktivitetin e saj në Shqipëri. Humbjet e akumuluara në kapital ishin gati 5 miliardë lekë në fund të vitit 2018, ose rreth 40 milionë euro.

Me mbarimin e aktivitetit, të ardhurat në 2018-n ishin 623 milionë lekë, nga 6 miliardë lekë vitin e mëparshëm. /ABC News Albania 24/7

69619826_366207640995986_8509455069605789696_n.jpg
ent ela10:30 | 03/09/2019

Qytetarët të cilët vijnë nga jugu ose nga veriu i vendit përmes autostradës Tiranë Durrës nuk do të duhet të shqetësohen më për hyrjen në kryeqytet. Bashkia e Tiranës ka finalizuar një tjetër investim të rëndësishëm duke bërë të mundur mirëmbajtjen e shtresave të asfaltit në rrugën “Dritan Hoxha” në Tiranë.  Rruga “Dritan Hoxha” është një aks kryesor në kryeqytet, ku qarkullojnë shumë makina dhe për të mos bllokuar qarkullimin, ekipi ka punuar gjatë natës për mirëmbajtjen e shtresave asfaltike.

Krahas ndërtimit të rrugëve të reja, Bashkia e Tiranës i kushton një vëmendje të posaçme edhe mirëmbajtjes së shtresave asfaltime në rrugët ekzistuese,  vijëzimit, sinjalistikës dhe kangjellave, për ta bërë sa më të lehtë përditshmërinë e banorëve e duke rritur sigurinë e tyre. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono