rruga e kombit

TRAFIKU-NE-RRUGEN-E-KOMBIT-1280x720.jpg
ent ela13:56 | 06/07/2018

Si rrallëherë në Rrugën e Kombit sot pati një trafik të rënduar. Kjo për shkak se për disa orë u realizua një operacion për transportimin e disa pajisjeve të rëndësishme në drejtim të Kosovës. Mosvënia në funksion e shtatë urave të reja bllokoi në rrugë pushuesit që ishin nisur për fundjavë në Shqipëri.

Pamjet që shikoni janë të kamionëve që po bëjnë një transport të veçantë drejt Kosovës. Atë të pajisjeve për central që prodhojnë energji.

Manovratorëve të mjeteve transportuese u është dashur kohë të kalojnë në shtatë urat.

Kjo për shkak se pesë urat e reja të përfunduara akoma nuk janë lidhur me autostradën, kurse dy tjera janë akoma në ndërtim.

Në këto pika rruga ngushtohet dhe një transport i tille është i vështirë dhe paraqet rrezik.

Për këtë arsye i gjithë karvani u shoqëruar me makina të policisë rrugore, ndërsa vargu i mjeteve në pritje ishte i gjatë.

Qarkullimi normal ka nisur vetëm pasi është përfunduar operacioni.

Ky është rasti i dytë brenda një muaji që kryhet një transport i tillë i shoqëruar me vonesa të shumta nga Kukësi në Morinë.

Lidhja e urave të përfunduara me autotsradën është në kompetencë të ARRSH, por ende nuk dihet kur do të jetë afati i përfundimit të plotë të këtij investimi në Rrugën e Kombit. /abcnews.al

Gazetar i ABC News, Kukës:  Bujar Muçmata

urat.jpg
G. P.15:52 | 25/06/2018

Në këtë sezon Rruga e Kombit është shumë e frekuentueshme kryesisht nga pushuesit kosovarë që e përshkojnë atë çdo ditë. Por nga segmenti Kukës-Morinë mospërfundimi u urave ka krijuar probleme në trafik.

Fluksi në Rugën e Kombit po shkon drejt pikut. Sezoni turistik ka nisur, por segmenti Kukës-Morinë nuk është gati.

“Tabela është vendosur që në vitin 2009, e cila tregon se këtu po punohet në një gjatësi prej 15 kilometrash nga Kukësi në Morinë. Bëhet fjalë për dublimin e urave, mbi dhe nënkalimet. Tabela vijon të jetë e vendosur prej 9 vitesh de nuk dihet se kur do të hiqet”.

Urat ende nuk kanë marrë funksionin e tyre final. Në dy prej shtatë urave po punohet, kurse pesë urat e përfunduara, nuk kanë lidhje me rrugën. Koncesionari ka përfunduar detyrimet e tij, por është Autoriteti Rrugor, ai ka përgjegjësinë për realizuar këtë pjesë, lidhjen e urave me rrugën.

“Është e habitshme se si kanë mbaruar dublimet për 5 urat nga 7 që ka rruga Kukës-Morinë. Duket edhe në pamjet që ura ka përfunduar bashkë me sinjalistikën ndërsa pjesa që lidh urën me rrugën është e papërfunduar”.

Segmenti është më i amortizuar sesa një vit më parë. Gropat janë shtuar tek dy urat më të mëdha. Qarkullimi i mjeteve çdo ditë dhe po bëhet më i vështirë. Kjo për shkak se nuk po finalizohet pikërisht lidhjave e urave me rrugën, dhe pesha e lëvizjes se mjeteve bie pikërisht tek dy urat e papërfunduara, çka ka penguar edhe sistemimin e plotë të rrugës.

“Siç duket edhe nga pamjet, përveçse është shtuar sinjalistika janë shtuar edhe gropat në njërën prej urave më të mëdha të Rrugës së Kombit”./abcnews.al

KUKES-PROTESTUESI-1280x720.jpg
ent ela14:54 | 19/06/2018

Dy kuksianët e arrestuar për protestën për tarifën në Rrugën e Kombit u lanë të lirë. Ata janë Xhevahir Gashi dhe Isa Koloshi. Dy të tjerët, Elton Cengu dhe Vasil Laçi u dënuan me nga 4 muaj, dënim që plotësohet nesër në mesditë. Pas kësaj kohe, Cengu dhe Laçi do të jenë të lirë.

Pak ditë më parë për arsye shëndetësore u la i lirë dhe i arrestuari Florim Onuzi. Ndërkohë për 14 protestuesit e tjerë që ishin me masa sigurie detyrim paraqitje, u dënuan me gjoba 100 mijë lekë të reja dhe tetë muaj periudhë prove./abcnews.al

pagese.jpg
G. P.12:34 | 13/06/2018

Enkelejd Alibeaj dhe Ervin Salianji kanë vizituar familjet e të arrestuarve pas protestës për heqjen e tarifës në rrugën e Kombit nga ku kanë deklaruar se Partia Demokratike do të bëj gjithçka dhe do të përdorë të gjitha mjetet demokratike për ndalimin e rivendosjes së tarifës.

PD do të përdorë të gjitha mjetet për të ndaluar vendosjen e tarifës, qoftë të reduktuar në Rrugën e Kombit. Ka qenë kjo deklarata e deputetëve demokratë Enkelejd Alibeaj dhe Ervin Salianji.

Kryeministri duhet të pranojë fajësinë për kuksianët, 3 prej të cilëve ndodhen ende në burg pasi protestuan kundër tarifës dhe në rast se përsërit gabimin e pranuar tashmë Edi Rama do të largohet, thekson Alibeaj.

“Kanë folur kuksianët dhe kanë folur fort. Kanë folur aq fort pa asnjë lloj emocioni politik, por bazuar vetëm në situatën e tyre ekonomike. Nuk është tekë, nuk është dëshirë. Nuk është thjeshtë forcë për të kundërshtuar një pushtet, të cilin këta njerëz dhe ky vendd nuk e do. Është thjeshtë një konkluzion, të cilën kanë arritur të fakti që nuk munden dhe nuk kanë. Asnjë lloj akti nuk do bëhet dhe nuk duhet bërë për sa kohë disa njerëz për të drejtën e tyre janë ende në burg. Ky do të jetë dhe qëndrimi i opozitës, me të gjitha mjetet, me të gjitha mënyrat”, tha Alibeaj.

Provokim ndaj banorëve të zonës e quan Ervin Salijani lajmin ende jo zyrtar të reduktimit të tarifës për zonën përreth Rrugës së Kombit, kjo për të testuar banorët.

Zërat për vendosjen e një tarife të reduktuar në Rrugën e Kombit kanë shqetësuar sërish qytetarët e Kukësit, të cilët në pritje që qeveria të bëjë zyrtarisht publike tarifat, presin që ndaj tyre të mos vendoset asnjë taksë./abcnews.al

kld.jpg
ent ela21:52 | 12/06/2018

Këshilli i Lartë i Drejtësisë do të hetojë procedurat e ndjekura nga Gjykata e Kukësit, në lidhje me caktimin e masave të sigurisë ndaj protestuesve kundër tarifës në Rrugën e Kombit. Hetimi administrativ do të bëhet nga ana e Inspektoratit të KLD. Vendimi u miratua në mbledhjen e së martës, bazuar në rekomandimet e përcjella zyrtarisht për Këshillin nga ana e Avokatit të Popullit. Në të njëjtën mbledhje, KLD rrëzoi propozimin e bërë nga ana e ministres së Drejtësisë, Etilda Gjonaj për masën disiplinore “shkarkim nga detyra” për gjyqtarin e Gjykatës Administrative të Apelit Shkodër, Ahmet Jangulli. Kjo pikë e rendit të ditës është shoqëruar me debate mes ministres dhe anëtarit Gjin Gjoni. Ai ka pretenduar se KLD nuk mund të marrë masa ndërsa ministrja është shprehur se Këshilli nuk mund të ndryshojë qëndrim. Burime brenda mbledhjes bënë me dije se gjithë anëtarët gjyqtarë votuan kundër shkarkimit, ndërsa ministrja dhe Presidenti i Republikës, njëkohësisht kryetari i KLD votuan pro. /abcnews.al

ahmetaj-dhe-gjiknuri.jpg
G. P.20:49 | 06/06/2018

Ministri i Ekonomisë dhe ai i Infrastrukturës garantojnë biznesin kosovar se përdoruesit e shpeshtë të Rrugës së Kombit do të paguajnë tarifa më të ulëta se të tjerët. Dy ministrat Ahmetaj dhe Gjiknuri zhvilluan një konsultim për këtë çështje me përfaqësues të Odës Ekonomike të Kosovës.

Ministri i Ekonomisë dhe ai i Infrastrukturës pritën të mërkurën një përfaqësi të biznesi të Odës Ekonomike të Kosovës për një diskutim konsultues para rivendosjes së tarifës së Rrugës së Kombit. Ministrat shqiptarë garantuan biznesmenët e Kosovës së për përdoruesit e shpeshtë, tarifa do të ishte më e ulët.

Damian Gjiknuri: Ne synojmë që për ata që janë udhëtarë të shpeshtë të kemi një zbritje dhe zbritja është duke u negocuar. Ne nuk do të bëjmë diskriminim tek bizneset. Nëse është bërë një përjashtim për qytetarët e Kukësit këto njihen dhe janë praktika në raport me komunitetet lokale për shkak të mungesës së rrugës alternative. Nuk do të krijohet një konkurencë e pandershme për shkak të kostove të shtuara të transportit dhe me biznesin do të jetë praktika e njëjtë, si për shqiptarët e Shqipërisë ashtu edhe për shqiptarët e Kosovës

Arben Ahmetaj: “Pra, për t’i dhënë një mundësi atyre qe e përdorin rrugën, pra sa më shumë e përdor rrugën me kalime për kamion le të themi, aq më shumë ke mundësi të ulësh çmimin”,

Sipas Gjiknurit dhe Ahmetajt, uljet e nivelit të tarifës i ngarkohen buxhetit të shtetit shqiptar.

Damian Gjiknuri: “ Rruga do minimalisht 7 milionë euro në vit për mirëmbajtje dhe do dalë kjo shumë, ose do paguajnë gjithë shqiptarët ose përdoruesit e rrugës dhe kjo është e vërteta. Nuk janë kosto të fshehura ato”.

Arben Ahmetaj : “Janë gati 48-50 milion euro që i merr përsipër Buxheti i Shtetit të Shqipërisë për periudhën e koncesionit vetëm nga këto ndryshime që po mendojmë të bëjmë. Imagjinojeni se sa më shumë makina, kamionë e makina biznesi që të jenë, aq më shumë do paguajë Buxheti i Shtetit. Lajmi i mirë është që ju nuk do paguani aq sa mendohej në kontratën e parë”.

Nga ana tyre, veç kërkesës për gjetjen e formave lehtësuese biznesmenët kosovarë i propozuan ministrave që rifillimi i zbatimit të tarifës së kalimit të mund spostohet në kohë pasi të kalojë sezoni i ardhshëm turistik./abcnews.al

PUNIMET-TRAU-NE-RRUGEN-E-KOMBIT-1280x720.jpg
ent ela12:00 | 04/06/2018

Punëtorë dhe inxhinierë janë angazhuar për të ringritur në këmbë, sistemin e pagesës në rrugën e Kombit. ABC News ishte sot në vendin ku po punohet dhe jashtë kamerave konçesionaret thonë, se duhet ende shumë kohë për të vënë në funksion kabinat.

Në vendin ku do të vilet tarifa e rrugës së Kombit po punohet. Pak punonjës dhe inxhinierë po merren me rrjetin elektrik dhe elektronik, i demtuar dhe i djegur tërësisht.

Kohë kërkon edhe instalimi i kabinave. Duket se do kohë për të përfunduar dhe ndoshta nuk mbyllet deri në fund të qershorit.

Jashtë kamerave punonjësit e koncesionarit thanë se ende nuk janë gati për të nisur procesin e pagesës.

Ajo çfare dihet është se tarifa në Rrugën e Kombit do të rikthehet shumë shpejt.

Ende nuk është vendosur përfundimisht vlera, por mendimi i kuksianëve nuk ka ndryshuar. Kurse shtetasit nga Kosova dhe përdorues të tjerë e cilësojnë shumë të lartë çmimin 5 euro.

Gjatë kësaj periudhe që nga 31 marsi kur u dogj nga kuksianët gjithë sistemi  i ngritur për tarifimin e rrugës ende nuk është realizuar asnjë dëgjesë me qytetarët në lidhje me këtë shqetësim.

Gazetar i ABC News: Bujar Muçmata

/abcnews.al

 

RRUGA-E-KOMBIT-AKSIDENTET-1280x720.jpg
ent ela12:46 | 08/05/2018

Në Rrugën e Kombit, segmenti Fushë Dukagjin- Kolsh cilësohet më i rrezikshmi dhe në pesë vjet kanë humbur jetën 14 persona. Aksidentet kryesisht janë bërë me makinat e tonazhit të rëndë. Po cilat janë problemet në këtë rrugë sipas inxhinierëve?

Luleve që kujtojnë pesë viktimat në aksidentet e të njëjtin vend, do ju shtohet edhe një tufë tjetër nga familja e Nikoll Gjonit.

42 vjeçari humbi jetën kur trajleri me të cilin po udhëtonte u përmbys këtu në Rrugën e Kombit, pranë fshatit Kolsh në Kukës.

Inxhinier Feti Gjici ishte projektuesi i njërit prej varianteve të autostradës, por që nuk u përzgjodh  fitues.

Njohës i mirë i terrenit tregon mangësitë dhe problemet teknike të rrugës, të cilat bëhen shkak për aksidente me humbje jete.

“Nga Fushë Dukagjini e deri te tuneli janë 22 kthesa, një kthesë duhet në një km, sepse rrezja është në të dyja anët”

Në një distancë 1.7 kilometër të segmentit janë pesë kthesa të rrezikshme.

Mesatarja e rrezes së tyre nuk i kalon 100 metra nga 400 që është norma e lejuar.

Pjerrësia e rrugës është mbi çdo lloj norme të lejuar në autostradë. Në këtë distancë prej 1.7 km  kuota nga pika fundore e segmentit deri në pikën më të lartë në Fushë Dukagjin është rreth 130 metër.

“Nga pjerrësia e madhe dhe mosrespketimi i kthesave sforcohet makina, motori dhe nuk funksionon”.

Inxhinieri Feti Gjici thotë se ky problem nuk ka zgjidhje.  Nuk mund të bëhet asnjë investim, por nëse ndonje ditë do mendohet për të shmangur rrezikun duhet zgjedhur varianti i segmentit në krahun tjetër të kodrës, ashtu siç ishte kërkuar nga grupi i inxhinierëve që mbrojtën atë variant.

“Duhet rikonstruksion i plotë ose të kalojë në variantin bazë që ka qenë”.

Aksidentet këtu janë bërë me mjetet e tonazhit të rëndë. Për shkak të ngarkesave dhe sforcimit të mjetit në zbritje humb funksionimi i sistemit të frenimit edhe kontrolli i drejtuesit mbi mjetin./abcnews.al

Gazetar i ABC News në Kukës: Bujar Muçmata

 

edi-rama123.jpg
G. P.21:41 | 07/05/2018

Në ndalesën në Lezhë të turit të llogaridhënies publike, kryeministri Rama foli edhe për Vetting-un duke paralajmëruar gjyqtarë dhe prokurorë të korruptuar se do të vijë radha e të gjithëve. Para publikut lezhjan, Rama lajmëroi edhe nisjen e punës për disa segmente rrugore.

Nga Lezha, stacioni i radhës i turit të llogaridhënies publike, kryeministri Edi Rama lëshoi akuza për gjyqtarë dhe prokurorë të përfshirë, sipas tij, në skandalin e tjetërsimit të pronave tek Rana e Hedhun. 

“Sepse këtu në Lezhë ka një çështje të hapur për prona, por në atë çështje të hapur, nuk janë vetëm të cilët ata që akuzohen, por në atë çështje të hapur janë edhe gjykatës edhe prokurorë që kanë marrë pjesë në ato krime, se gjithë ato prona janë bërë në bashkëpunim me gjykatësit, nuk janë bërë vetëm”.

Rama tha se për këtë kategori procesi i Vetting-ut nuk është fundi, por vetëm fillimi.

“Se dëgjoj ca njerëz që thonë, “po pse mo ky ishte Vetting-u që ca ikin vetë, ca të tjerë i largojnë dhe këta marrin lekë edhe jetojnë jetën”? S’është ashtu fare. Procesi i Vetting-ut është për të pastruar sistemin. Atë sistem, i pastruar dhe me gjykatës dhe prokurorë me integritet. Do merret me të gjithë, nga më i gjati e deri te më i shkurtri”.

Kryeministri paralajmëroi nisjen punës për ndërtimin e disa rrugëve, mes të cilave edhe Rruga e Arbrit.

“Ne do të fillojmë këtë vit, brenda Gushtit, Shtatorit, rrugën Milot – Balldren, rruga e standardeve ndërkombëtare. Do fillojmë rrugën Thumanë – Kashar. Për pak javë unë shpresoj brenda Majit do fillojë kantieri i Rrugës së Arbrit”.

Duke folur për rrugët Rama rikujtoi afatin 60-ditor të marrë nga qeveria për të propozuar një tarifë të re për banorët e Kukësit në Rrugën e Kombit. Sqarimin e shoqëroi edhe me një ndjesë.

“E vërteta është që tarifa ashtu siç ishte, ishte e papërballueshme dhe do të lëmë pastaj një periudhë kohe deri në muajin Shtator vetëm për të informuar. Sigurisht në atë rast ne gabuam. Ama, nuk e di nëse kujtesa ju sjell ndonjë qeveri, apo kryeministër tjetër që t’ju ketë thënë gabuam ndjesë. Aty ku e kemi ne problemin, e kemi ne problemin,. Aty e kemi gabimin , e kemi ne gabimin. Askush nuk është i pagabueshëm”.

Kreu i qeverisë mohoi pretendimet për rritje taksash. 

“E vërteta është që taksat për 97% të njerëzve të këtij janë ulur. Dhe qeveria jonë ka rritur vetëm taksën. Ka rritur taksën për kompanitë e mëdha dhe taksën e karburantit. Këto dy taksa kemi rritur ne”.

Aktivitetit vijoi me përballjen e kryeministrit me pyetje të bëra nga të pranishmit./abcnews.al

AKSIDENT-NE-RRUGEN-E-KOMBIT-1280x720.jpg
ent ela08:39 | 07/05/2018

Një aksident i rëndë ndodhi mëngjesin e sotëm në Rrugën e Kombit. Një trajler u përmbys dhe për pasojë drejtuesi humbi jetën.

Drejtuesi i trajlerit  Nikolin Gjoni nuk mundit të mbijetojë. Ai humbi jetën sapo mbërriti ne spitalin e Kukësit. Në dishezën e madhe të Rrugës së Kombit në segmentin Fushë Dukagjion –Kolsh drejtuesi  duket se ka humbur kontrollin.Ka prishur trafikndarëset dhe u përmbys në korsinë e kundërt të lëvizjes. Kabina e trajlerit u dëmtua  keq çka i shkaktoi plagë të rënda  42 vjeçarit Gjoni.Zjarrfikëset dhe policia shkuan në vendngjarje. Procesi i nxjerrjes së drejtuesit nga automjeti  ishte i vështirë.

Mjekët thanë se ai kishte pësuar shembje të brendeshme dhe nuk shpëtoi.

Rruga e Kombit u bllokua për më shumë se një orë e 30 minuta. Siç duket edhe nga pamjet pjerrësia e madhe e trasesë kalon 11%. Këtu shpesh drejtuesit humbasin kontrollin.  Kryesisht ato të transportit të rëndë, të cilat sipas specialistëve riskojnë  gjatë frenimit kur përshkojnë dishezen prej 3 km. Përveç kësaj, thonë njohësit e qarkullimit, edhe kthesat me rreze të ngushtë, nuk lejojnë manovrimet e drejtuesve të mjeteve.

Në këtë segment kanë ndodhur pesë aksidente ku kanë humbur jetën 13 persona në gjashtë vitet e fundit.

Gazetar i ABC News, Kukës: Bujar Muçmata


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono