rritje

drazhi-k..png
G. P.10:38 | 17/04/2019

Një gjykatë apeli në Britani i rriti dënimin një korrieri droge shqiptar, i cili u kap pasi kishte fshehur kokainën në vesh.

Klevis Drazhi, 20 vjeç, u ndalua në Moorgate më 19 Janar. Kur u pyet për lejen e drejtimit dhe sigurimet, mediat shkruajnë se Drazhi dorëzoi një leje drejtimi shqiptare false dhe një celular.

Në këtë moment, agjentët në shërbim vunë re një letër të bardhë të mbështjellë brenda veshit të tij. Pasi kontrolluan edhe makinën, policia zbuloi 11 doza me kokainë dhe 1.305 Paund cash.

Klevis Drazhi

Në dëshminë e tij, 20-vjeçari tha se ishte detyruar të shpërndante drogë nga një anëtar i mafias shqiptare. Ai pranoi gjithashtu se kishte hyrë në Mbretërinë e Bashkuar në mënyrë ilegale.

Drazhi, i cili banonte në Edmonton, u dënua fillimisht me 11 muaj burg nga Gjykata e Kurorës së Londrës. Por mediat britanike shkruajnë se pas ankimimit në Gjykatën e Apelit, dënimi i tij u rrit dhe shkoi në 30 muaj.

Ky dënim i Drazhit ka kënaqur të gjitha autoritetet, sipas të cilëve, Londra duhet të ketë zero tolerancë mbi personat që merren me lëndë narkotike./abcnews.al

anila-denaj.jpg
G. P.18:01 | 04/04/2019

Nuk ka vonuar reagimi i ministres së Financave e cila përmes një postimi në “Facebook”, bën të ditur se rritja e Pagave në vitin 2019, një tjetër premtim i mbajtur i Qeverisë Shqiptare.

Ministrja shkruan se rritja do aplikohet prej 1 Prillit 2019. Po përmes “|Facebook”, ministrja e Financave sqaron se nga rritja prej 7% përfitojnë 36 mijë mësues të Arsimit Parashkollor, Arsimit Bazë, Arsimit të Mesëm të Përgjithshëm dhe atij Profesional,  4,650 mjekë dhe 13,765 infermierë dhe staf shëndetësor;  6,800 ushtarakë ; 3,560 punonjës të sistemit të burgjeve, ndërsa për 308 punonjës të përfaqësive diplomatike jashtë vendit, rritja do jetë e diferencuar nga  7 ne 20%.

Ministrja shkruan se rritja është për mbi 65 mijë punonjës buxhetore, me një kosto vjetore në buxhetin e shtetit prej 3 miliardë lekë./abcnews.al

instat.jpg
G. P.15:09 | 29/03/2019

Sipas të dhënave të publikuara gjatë së premtes nga INSTAT, Produkti i Brendshëm Bruto në tremujorin e katërt të vitit 2018 vlerësohet me rritje prej 3.1% në krahasim me të njëjtën periudhë të një viti më parë.

Në raport me tremujorët e mëparshëm, rritja është shumë më e ulët. Për gjithë vitin 2018, rritja ekonomike është rritur me 4.06%, duke u përshpejtuar në raport me vitin e mëparshëm, kur zgjerimi ishte 3.84%.

Delina Ibrahimaj: Në tremujorin e katërt të vitit 2018, PBB shfaqet me rritje me 3.1 për qind në krahasim me tremujorin e katërt me vitin 2017. Kontributin kryesor e dhanë degët industria, energjia dhe uji me 1.1 për qind; tregti transport akomodim dhe shërbim ushqimor, dhe taksat neto mbi produktet që njëkohësisht kontribuuan me 0.58 për qind./abcnews.al

antisemitizmi.jpg
G. P.08:15 | 22/02/2019

Europa u indinjua për sulmin antisemitist ndaj filofozit Alain Finkielkraut në Paris. Por kush fërkon sytë nga habia sot për sulmin ndaj Alain Finkielkraut, tregon se ka fjetur për një kohë të gjatë, mendon Martin Gak.

Imazhet e sulmit ndaj Alain Finkielkraut të shtunën e kaluar  (16.02.) në rrugët e Parisit tregojnë të gjitha simptomat tipike të dhunës së një turme kundër hebrejve në rrugët e Europës, ashtu siç e njohim nga vitet 1930 dhe 1940. Imazhi i një burri të moshuar me gjyslykë, që rrethohet nga një grup manifestuesish të uniformuar, është një ndër çastet më shokuese, që ka nxjerrë në pah valën aktualisht në rritje të antisemitizmit në të dyja anët e Atlantikut. Megjithatë, ky imazh i nacionalizmit në rritje, që pas fushatës së vet kundër migrantëve tani sërish i drejtohet një objekti të vetin të urrejtjes tradicionale, nuk të habit.

Ngjarja në Paris radhitet në një serial të madh horrori, duke nisur që nga deklarimi i kreut të grupit parlamentar të AfD në Bundestag, se Holokausti është vetëm një “glasë mize” në historinë gjermane, për të vazhduar me marshimin e kreut të shtetit në Poloni me rastin e 100 vjetorit të pavarësië që u karakterizua prej grupimeve neonaziste, sulmet e qeverisë hungareze kundër hebrenjve dhe institucioneve të tyre, rrethimit të bashkësisë hebraike prej neonazistëve në Umea të Suedisë, e deri tek justifikimi i Donald Trumpit për demonstratat antisemitiste të radikalëve të djathtë në Charlottesville e natyrisht edhe masakra në Pittsburgh.

Ringjallja e komplotit botëror herbre

Ai që tani befasohet, me sa duket nuk ka qenë i vëmendshëm për një kohë të gjatë. Ndërsa shpërthimet sporadike të antisemitizmit islamik kanë çuar në një numër të pafund studimesh dhe anketimesh për qëndrimin e myslimanëve ndaj hebrenjve, populistët amerikanë dhe europianë në propagandën e tyre i referohen teoristë së vjetër të komplotit botëror hebre: Se për emigracionin e myslimanëve fajin e kanë hebrenjtë!.

Nga Uashingtoni e deri në Budapest është nxjerrë nga sëndukët e pluhurosur dhe është rizbuluar Opus Magnusi i antisemitizmit: E gjithë përndjekja e hebrejve në gjysmën e parë të shekullit të 20-të bazohej në gjoja “protokollet e të urtit Sion” – që nga progromat në Rusi e deri tek vrasjet masive në kampet nacionalsocialiste të shfarosjes. Tani legjenda e një komploti ndërkombëtar të hebrejve është rikthyer, e cila gjoja duhet të ketë të njëjtat objektiva të vjetra: nxitjen e luftërave ekonomike, skllavërimin e njeriut të thjeshtë, shkatërrimin e vlerave kristiane dhe asgjësimin e identitetit të kombeve! Viktor Orban, Nigel Farage, aleatët e Marine Le Pen, Donald Trump dhe senatorë të ndryshëm republikanë, anëtarë të partisë gjermane AfD dhe të demokratëve suedezë i kanë veshur një petkt të ri gjoja kërcënimit hebraik. E janë pikërisht të njëjtat akuza, me të cilat u përball në Paris Alain Finkielkraut: “Franca na përket neve – dhe jo ty, ti çifut tradhëtar!”

Por nuk është fjala vetëm për turmën në rrugë. Kur foli për George Soros, eurodeputeti britanik dhe ish-kryetari i UKIP Nigel Farage përdori pothuajse të njëjtat fjalë si Henry Ford. Fabrikanti i sukseshëm i automobilëve në vitet 1920 dhe 1922 botoi një libër me disa volume, në shumë gjuhë: “Hebreu ndërkombëtar – problemi më emergjent i botës”. Sot sipas Farage, investitori hebre nga SHBA-ja, Soros “paraqet rrezikun më të madh për të gjithë botën perëndimore”. Paralajmërimi për kërcënimin nga hebreu ndërkombëtar u dëgjua qartazi.

Protokollet e të urtëve nga Brukseli 

Qysh në vitet e kaluara asnjë fushatë tjetër antisemitiste nuk ka qenë me objektiva kaq evidente sa ajo e Viktor Orbanit kundër hebreut me origjinë hungareze George Soros. Por tani në fushatën për zgjedhjet europiane partia e Orbanit “Fidesz” shkon edhe më tej: Orban jo vetëm u bën thirrje zgjedhësve, që t’i japin një mandat partisë së tij dhe që ata ta mbrojnë Hungarinë prej kërcënimit hebre. Por madje tani partia e tij sulmon edhe atë që e paraqet si instrumentin e sundimit global në Hungari: Komisionin e Jean-Claude Junckerit. Në një pllakatë që të kujton karikaturat famëkeqe ndaj hebrejve nga kohët e shkuara, ngërdheshen Sorosi dhe Junckeri krah njeri-tjetrit. “Ti ke të drejtë të marrësh vesh, se çfarë planifikon Brukseli” është diçitura e kësaj fotografie. Orbani pra ndjek fare hapur një fushatë antisemitiste kundër BE-së, që e akuzon si një instrument të komplotit botëror hebre.

Prej javësh diskutohet nëse “Fidesz” ende duhet pranuar si pjesë e familjes së partive konservatore europiane, ku bën pjesë edhe Jean-Claude Juncker. Por çështja më emergjente është, nëse Hungaria në formën që ka sot vërtetë bën ende pjesë në BE?/DW

vrasje-1280x669.jpg
ent ela16:27 | 11/02/2019

Vjedhje me thyerje dhe vrasjet me dashje ishin dy veprat penale me nurmrin më të lartë të regjistruar gjatë vitin 2018. Shqetësim për policinë e shtetit mbeten zbulueshmëria e tyre, ndërsa ekzekutimet mafioze në disa qytete të vendit vijojnë të mbeten pa autor.

Përveç rritjes së grabitjeve të bizneseve në 2018 u rritën edhe numri vrasjes me dashje, sidomos ekzekutimet e tipit mafioz.  Prej më shumë se 5 vitesh në statistikat e policisë së shtetit, raportoheshin ulje të nurmit të vrasjesve, si edhe zbulimin e autorëve të veprave të rënda penale gjë, që nuk rezultoi kështu për vitin e kaluar. Në 2018 u ekzekutuan sipas shifrave zyrtare të policisë, 51 persona, 1 më shumë se 2017, ku më shumë se gjysma e autorëve nuk janë zbuluar ende. Tipologjia e vrasjeve mafioze është shqetësimi kryesorë për struktuarat kriminalistike të uniformave blu.

Në disa ngjarje kriminale të 2018 janë ekzektutuar më shumë se një person gjatë antentateve, ndërsa në regjistat e policisë procesverbali është shënuar jo në bazë të nurmit të viktimave por, në bazë vepres penale. Në qytetet e Shkodrës, Durrësit, Tiranës, Elbasnit dhe Vlorës vrasjet e bujshme janë kryer në qendrat urbane duke shkaktuar frikë dhe panik te popullsia lokale.

Grabitjet e bizneseve kanë shënuar gjithashtu rritje për 2018. Në total 596 të tilla, ndërsa për të njëjtën periudhë të 2017 shifra ka qenë me rreth 100 vjedhje më pak. Rënien më të madhe në përqindje të krimeve të evidentuara e mbartin “vjedhjet e kryera duke shpërdoruar detyrën” ku rezulton se gjatë 2018 ka pasur një rënie me – 40 % krahasuar me 2017. Gjithashtu dhe krimet e pasionit dhe ato me natyrë seksuale, si dhe të drogës kanë njohur rënie krahasuar me vitin 2017./abcnews.al

RRITEN-EKSPORTET.mpg_snapshot_00.05-1280x704.jpg
G. P.17:41 | 19/11/2018

Rritja e eksporteve në vendin tonë gjatë 10 muajve të fundit duket se ka pësuar një rritje të kënaqshme dhe të paparashikuar. Sipas shifrave të publikuara nga INSTAT vetëm muaji Tetor ka shënuar një rritje prej 21% të eksporteve krahasuar me të njëjtën periudhë të një viti më parë.

Eksportet shqiptare kanë pësuar një rritje gjatë muajit Tetor, duke ndihmuar në uljen e mëtejshme të defiçitit tregtar të vendit. Sipas INSTAT, eksportet e mallrave arritën vlerën 30 miliardë lekë, duke u rritur me 21%, në krahasim me të njëjtën periudhë të vitit 2017.

Gjatë 10-mujorit të fundit, vendi ynë ka  eksportuar mallra në vlerën afro 262 miliardë lekë, në rritje vjetore me 16%. Eksporti i grupit të mineraleve, lëndëve djegëse dhe energjisë u rritën me 37% krahasuar me 10-mujorin e vitit të kaluar.

Megjithatë sipas INSTAT grupi që dominon gjithnjë e më shumë eksportet shqiptare është ai i tekstileve dhe këpucëve, duke arritur në vlerën 104 miliardë lekë ose rreth 825 milionë euro. Fasonet janë ato që sjellin mbi 40% të eksporteve totale të vendit tonë.

Ndryshe nga ritmi i eksporteve, importet kanë një ritëm më të dobët. Krahasuar me 10-mujorin e vitit të kaluar, importet janë rritur me më pak se 3%. Rënia e importeve ka ardhur edhe për shkak të forcimit të lekut kundrejt monedhave të tjera, veçanërisht kundrejt euros./abcnews.al

KRONIKE-AHMETAJ-BUXHETI-FAKTIK-2017.mpg_snapshot_01.15-1280x720.jpg
G. P.13:55 | 16/10/2018

Ministri i Ekonomisë dhe Financave në përmbledhjen e buxhetit faktik për vitin 2017 deklaroi se qeveria është brenda objektivit për borxhin si dhe në përputhshmëri të plotë me ligjin dhe detyrimet që parlamenti i ka vendosur qeverisë.

I ftuar në Komisionin e Ekonomisë për të raportuar mbi buxhetin faktik të vitit 2017, Ministri i Ekonomisë dhe Financave Arben Ahmetaj bëri një pasqyrë të ekonomisë së vendit në përqindje. Në rritje, krahasuar me vitin 2016, i paraqiti shifrat për çdo sektor ministri Ahmetaj duke nisur nga eksportet, importet, tregëtia, punësimi, investimet publike, efiçencën në mbledhjen e taksave dhe tatimeve si dhe qëndrueshmërinë në financat publike.

Arben Ahmetaj: “Eksportet e mallrave dhe shërbimeve u rriten me 8.9%, Importet me 8.2%, shkalla e papunësisë ra në 14.1% nga 15.6% në 2016. Punësimi u rrit me 2.7% Ivestime publike faktike arrijne 5% te PPB. Përmirësim në administrimin e taksave dhe ulja e informalitetit, shpenzimet për investime në qeverisjen endore janë 15% më të larta . Përshpejtim i investimeve publike me impakt rritjen ekonomike”.

Në rritjen ekonomike, thekson ministri, impakt kanë pasur kryesisht sektorët e ndërtimit, indrustria përpunuese dhe tregëtia.

“Borxhi publik targetoi ulje 2.3%, faktikisht borxhi u reduktua me 2.2 pikë % nga 72.3 në 70.1%, sidomos në vit elektoral, kjo nuk ka ndodhur ndonjëherë”.

Miratimi i eurobondit është certifikim i qëndrueshmërisë së financave publike në vend, nënvizon Ahmetaj, ku rol të rëndësishëm kanë luajtur edhe incentivat e mundësuara nga politikat fiskale në mbështetje të investimeve./abcnews.al

istock-520704188-1280x853.jpg
G. P.08:57 | 16/10/2018

Sipas studiuesve, ngrohja globale rrezikon të shkaktojë një krizë botërore në furnizimin me birrë. Ky faktor pritet të ndikojë në një rënie drastike të rendimentit të të korrave të elbit, përbërësi kryesor në prodhimin e birrës. Shkencëtarët thonë se thatësira dhe dallgët e të nxehtit mund të shkaktojnë një rënie të prodhmitarisë së elbit në 17% në disa pjesë të Europës, Australisë, Azisë dhe Shteteve të Bashkuar kur kjo bimë njeh kulmin e saj. Si pasojë, çmimet e birrës mund të kenë një rritje stratosferike.
Kjo çështje mund të shkaktojë probleme të shumta në komunitete ku birra është produkt thelbësor në konsumim si: Gjermani; Poloni; Çeki; Rusi etj./abcnews.al

SINKRON-RAMA-PER-BEBET.mpg_snapshot_01.12-1280x724.jpg
G. P.11:05 | 26/09/2018

Fëmijët që vijnë në jetë nga një Janari i vitit 2019 nuk do të marrin më 50 mijë lekë të vjetra, por 8-fishin e tyre. Lajmin zgjodhi ta japë vetë kryeministri Edi Rama.

400 mijë lekë për fëmijën e parë, 800 mijë lekë për fëmijën e dytë dhe 1 milion e 200 mijë lekë  për fëmijën e tretë”, tha Rama.

Është përcaktuar bonusi edhe për ata që kanë planifikuar familje të madhe me mbi tre fëmijë.

“Fëmija i tretë, i katërt, i pestë dhe me radhë janë të gjithë subjekt i bonusit 1 milon e 200 mijë lekë”, theksoi Rama.

Ky çek do të jepet brenda vitit garantoi kryeministri Rama edhe pse pranon bonusi i deritanishëm nuk është marrë nga familjarët ndonëse kanë kaluar disa vjet.

“Bonusi do të jepet qysh në vitin e parë të lindjes, i gjithi. Se  si do të shtrihet kjo është diçka që ne po e diskutojmë sepse praktikat e mira e kanë gjithmonë të shtrirë, nuk e kanë një pagesë gjë që është një opsion që ne po e studiojmë”, u shpreh rama.

Ministria e Shëndetësisë ka marrë përsipër që të modernizojë shërbimet në qendrat shëndetësore për nënat e fëmijët, por nga ana tjetër sfidë konsideron dixhitalizimin e të porsalindurve.

“Për të patur mundësinë më shumë që në momentin që një fëmijë lind te ketë një regjistrim elektronik, pra aty ku lind në maternitet dhe të marrë të gjitha përfitimet në mënyrë elektronike”, tha ministrja e Shëndetësisë.

Për kryeministrin janë të rëndësihme reformat e ndërmarra që kërkojnë durim dhe sakrificë nga ana e qytetarëve që drejton.

“Jemi këtu sepse reformat po funksionojnë, jemi këtu sepse gjërat po ecin mirë pak nga pak për të vazhduar të rrisim pagat. Do të rrisim pagat në arsinm, shëndetësi dhe ushtri pas shumë vitesh”, tha Rama.

Këta që sakrifikojnënuk kanë ngurruar ta pyesin apo ta kritikojnë kreun e qeverisë, një prej shqetësimeve të shprehura drejtpërdrejtë në rrjetet sociale ishte ajo rritja e kërkesave për azil pasi për shqiptarët nuk duan vetëm të shtohen por edhe të bëjnë jetë cilësore në vendin e tyre.

Nuk jemi më bunkeri i Enver Hoxhës. Jemi një vend i lirë dhe njerëzit kanë të drejtën e lëvizjes. Nëse shqiptarët kërkojnë azil, ndodh se nuk jemi anëtarë të BE dhe nuk kemi akses në tregun e punës.Sa për ikjet nga vendi po ju them se nga Kroacia kanë ikur në një vit më shumë se nga Shqipëria”, theksoi kryeministri.

E duke e mbyllur me rrjetet sociale kryeministri Rama i përshëndeti të gjithë ndjekësit, duke i kujtuar se vetë ai ishte ndër promotorët për përdorimin e tyre./abcnews.al

libra.jpg
G. P.15:35 | 05/09/2018

Ndërkohë që rreth 190 mijë nxënës nga klasa e parë në të nëntë këtë vit tekstet shkollore falas po i marrin nëpër shkolla, të tjerët i drejtohen kancelarive për t’i blerë. Paketat e librave nga klasa e pestë deri në të nëntën, prindërit thonë se kanë pësuar një rritje të lehtë të çmimeve.  

Ariola për t’i dërguar të dy fëmijët në shkollë djalin në klasë të tetë dhe vajzën në klasë të nëntë na tregon se vetëm për librat duhet të shpenzoje rreth 13 mijë lekë të reja. Paketat e teksteve shkollore kanë pësuar rritje të çmimeve.

“Më kushtojnë rreth 120-130 mijë lekë. Çdo vit e më shtrenjtë më duket. Sivjet janë 15 mijë lekë më shtrenjtë. Më duket mua të paktën sepse akoma nuk i kam bërë llogaritë fiks. Besoj që për të gjithë njerëzit është e papërballueshme nëse kanë më shumë se një fëmijë, por edhe nëse kanë një fëmijë goxha e shtrenjtë. Përveç librave, mjete, fletore, gjëra plot, veshje”, thotë ajo.

Çmimet e librave për çdo klasë kancelaritë i kanë afishuar në hyrje të tyre. Kosto më e ulet vërehet tek paketa e klasës së pestë, rreth 2 mijë e 800 lekë të reja ndërsa më e lartë tek tekstet për klasën e gjashtë, rreth 6 mijë e 800 lekë të reja.

“46 edhe 100 për klasën e shtatë. Nuk kanë ndonjë rritje kushedi se çfarë. Mund të ketë maksimumi një mijë lekë”.

“Të gjitha librat i mora dhe pashë se s’kishte mungesa në krahasim me vitet e kaluara”.

“Kam ardhur për djalin klasa e shtatë, vajza i mori të shkolla ishin falas”.

Kancelarive këtë vit i drejtohen vetëm prindërit e nxënësve nga klasa e pestë deri në klasë të nëntë pasi për fëmijët e ciklit më të ulët që i përfitojnë tekstet falas shpërndarja bëhet në shkolla. Ky riorganizim këtë vit duket se ka reduktuar radhët e gjata që shoqëruan procesin një vit më parë.

“Fluks ka pasur ditën e parë dhe ndërkohë ditët e tjera ka vazhduar normalisht. Mungesa librash nuk ka”.

Shpërndarja e teksteve shkollore ka nisur që me tre Shtator, ndërkohë që referuar urdhërit të ministres së Arsimit deri më datë dhjetë Shtator të gjithë nxënësit duhet të jenë pajisur me libra./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono