rritet

neonazistet.jpg
nev ila14:41 | 19/12/2019

Sipas një reportazhi të Deutsche Welle, numri i neonazistëve në Gjermani është rritur ndjeshëm, ndërsa konsiderohet se më shumë se 12 mijë prej tyre janë të gatshëm për akte dhune.

Numri i ekstremistëve të djathtë në Gjermani po shtohet, dhe për këtë arsye autoritetet kanë vendosur kanë vendosur të ndërmarrin disa masa konkrete. Nis kështu reportazhi i Deutsce Vele-s për sa i përket fenomenit të neonazismit në vend.

Lista e tmerreve nga krahu i djathtë po shtohet nga dita në ditë: Në Hessen një neonazist i dyshuar ka vrarë politikanin komunal, Valter Lübke.

Në Zahsen-Anhalt dy persona u vranë pas një sulmi të dështuar në një sinagogë në qytetin Hall. Çdo ditë diku në Gjermani sulmohen njerëz vetëm për shkak të ngjyrës së lëkurës, fesë apo orientimit seksual.

Zyra Federale për Mbrojtjen Kushtetuese ka regjistruar 12.700 ekstremistë të djathtë të gatshëm për dhunë. Sa për krahasim: në vitin 2011, kur është zbuluar grupi terrorist neonazist Nëntoka Nacionalsocialiste (NSU), ka pasur 9.800 pesona të regjistruar nga ekstremi i djathtë.

“Dështim total i shtetit”, ky është përfundimi i hetimeve për këtë grup i një Komisioni Parlamentar të Bundestagut. Në qendër të vëmendjes së hetimeve ishin policia dhe shërbimet sekrete, të cilat përkundër sinjaleve të qarta për motive raciste, nuk e kanë hetuar në drejtimin e duhur serinë e vrasjeve dhe sulmeve me bomba.

Një prej shpjegimeve për përhapjen e fenomenit të neonazismit në vend është fiksimi tek terrori islamik. Pas sulmeve në tregun e Krishtlindjeve në Berlin në dhjetor 2016, autoritetet e sigurisë janë përballur me kritika të ashpra.

Prej verës deri më tani janë krijuar ekipe të ndryshme për veprim kundër ekstremizmit të djathtë. Janë hapur mbi 300 vende të reja, të cilat në të ardhmen duhet të merren ndër tjerash edhe me ekspertizën shkencore të këtij fenomeni.

Por është pozitiv fakti që nga autoritetet dëgjohen gjithnjë e më shumë tone autokritike. Nëse autoritetet përballen me këto probleme brenda vetvetes, do të jetë shumë më e besueshme edhe lufta e tyre për respektimin e vlerave demokratike.

Kjo për faktin se ekstremistët me siguri që e kanë ndjerë veten të nxitur pasi ka munguar ndjekja rigoroze e rasteve të tilla.

Tani më akush nuk sheh mënjanë, kur shtrohet problemi i ekstremistëve të djathtë – as policia dhe as autoritetet e tjera të sigurisë.

“Ky problem është dashur të merret më seriozisht!”, thonë autoritetet./abcnews.al

termeti-durressss.jpg
nev ila13:56 | 03/12/2019

Zyra e Drejtuesit Qendror i Operacioneve për Menaxhimin e Fatkeqësive Natyrore ka njoftuar në lidhje me dëmtimet e raportuara deri tani për qarqet Durrës, tiranë, Lezhë.

Sipas kësaj Zyre nga raportimet rezultojnë se janë dëmtuar shkolla, kabina elektrike, biznese dhe qendra shëndetësore. Qarqet me dëmet më të mëdha janë Durrësi, Tirana dhe Lezha.

Po ashtu Zyra e Drejtuesit Qendror i Operacioneve për Menaxhimin e Fatkeqësive Natyrore ka njoftuar se i janë bashkuar grupit të ekspertëve edhe 30 inxhinierë kosovarë duke e çuar numrin e tyre 159, të cilët do të evidentojnë të gjithë dëmet e shkaktuara nga tërmeti në këto zona.  

 

“E martë, 3 dhjetor 2019, ora 13:30pm:  

Mirëdita,

Vijojmë me përditësimin e të dhënave dhe bilancin paraprak të punës së institucioneve publike dhe Zyrës Operacionale për Menaxhimin e Fatkeqësive Natyrore që drejtohet nga ministri fuqiplotë në perimetrin e zonave të prekura, z. Bledi Çuçi, për adresimin e pasojave të tërmetit të 26 nëntorit 2019, deri në orën 13:30 të ditës së sotshme në bashkitë Durrës, Krujë, Shijak, Kurbin, Tiranë, Kamëz, Vorë dhe Lezhë.

QENDRA E RE DISPEÇER

Sikurse e njoftuam edhe dje, tashmë, janë në funksion të plotë tre numra të gjelbër në dispozicion të qytetarëve për çdo nevojë, për qarqet Durrës, Lezhë, Tiranë:

  • 0694114100
  • 0694114101
  • 0694114040

Gjithashtu, për çdo shqetësim apo pyetje lidhur me tërmetin e datës 26 nëntor, qytetarët mund t’i drejtohen edhe Platformës së Bashkëqeverisjes:

www.shqiperiaqeduam.al

Deri në orën 12:00 të ditës së sotshme, numri i thirrjeve të përpunuara deri tani nga gjashtë operatorët në dispozicion të qytetarëve është aktualisht: 101 (Tiranë – 32; Durrës – 59; Lezhë – 9; Elbasan – 1).

Shumica dërrmuese prej 79 thirrjesh ka qenë për verifikm dëmesh në banesë. 

QARQET E PREKURA NGA TËRMETI

Qarqet më të dëmtuara: Durrës, Tiranë dhe Lezhë.

Qarqet e tjera ku ka dëmtime: Dibër, Kukës, Fier, Elbasan, Berat.

DËMET NË BANESA

Në qarqet Durrës, Tiranë, Lezhë, Kukës dhe Dibër, bilanci paraprak operativ deri tani (ora 12:00) është si më poshtë:

Shtëpi të shembura:               1183 (Durrës 1050, Tiranë 131, Dibër 2)

Shtëpi të dëmtuara rëndë:     5497 (Durrës 1311, Tiranë  3821, Lezhë 168, Kukës 150, Dibër 13, Elbasan 34)

Shtëpi të dëmtuara lehtë:      3520 (Tirana 3199, Dibër 73, Elbasan 248)

Pallate të dëmtuara rëndë:    558 (Durrës 35, Tiranë 461, Lezhë 56, Kukës 4, Dibër 1, Elbasan 1)

Pallate të dëmtuara lehtë:      335 (Tiranë 328, Elbasan 7)

Shkolla të dëmtuara:             28 (Tirana 11, Lezha 5, Kukës 3, Elbasan 9).

Kabina elektrike të dëmtuara: 15 (Tiranë)

Biznese të dëmtuara:             146 (Tiranë)

Qendra shëndetësore:            2 (Tiranë 1, Kukës 1)

Persona të evakuuar, strehuar në hotele, çadra, qendra sociale e familje:

Të evakuuar:……………………3224

Hotele:……………………………1961

Çadra:…………………………….964

Qendra sociale:………………..867

Familje:………………………….2525

Vijon ndërkohë, me intensitet puna në terren për inspektimin e të gjithë dëmeve në banesa nga ekipet vendase dhe ndërkombëtare në të gjithë qarqet e prekura.

Duke falënderuar partnerët dhe të gjithë miqtë tanë ndërkombëtarë, grupit të 55 ekspertëve nga Greqia, Turqia, SHBA, BE, Zvicra, Maqedonia e Veriut dhe Franca, që i’u janë bashkuar 74 ekspertëve shqiptarë, dëshiroj të njoftoj se sot i janë bashkuar edhe 30 inxhinierë nga Kosova, duke e çuar numrin gjithsej, në 159.

Ndërkohë, kemi një përditësim të bilancit paraprak të inspektimeve, dhe situata për prishjen e objekteve në zonat e prekura nga tërmeti i 26 Nëntorit 2019, është si në vijim:

Në qarkun Durrës për periudhën  29 Nëntor-2 dhjetor janë shembur nga rreth 17 objekte, prej të cilave:

  • Durrës – 9 objekte
  • Thumanë – 8 objekte

Janë në proces prishje në total në shkallë Qarku 6 objekte: 5 në Durrës dhe 1 pallat në Thumanë, si në vijim: 

  • Akualisht po përgatitemi për prishjen e 2 objekteve, njëri 3-katësh dhe tjetri 5-katësh në Shkozet, Durrës
  • Vijon prishja e një objekti 5-katësh tek Lagjja Kënetë, Durrës
  • Vijon puna në prishjen e objektit 4–katësh në zonën e plazhit (pas hotel “Koral”)
  • Vijon puna për prishjen e objektit 5-katësh, hotel “Ljubana”
  • Vijon puna për prishjen e një tjetër objekti 4-katësh në zonën e plazhit (tek Rrota e Kuuqe)

Vijon puna për copëtimet dhe pastrimet e inerteve në këto objekte:

  • Në objektitn afër Kompleksit “Tropikal
  • Në shtëpinë e Familjes Reci, në qytet Durrës
  • Në kompleksin “Miramare”
  • Në hotel “Vila Verde”
  • Në ndërtesën e Familjes Lala, në Kënetë;
  • Në objektin në Rr. “Bashkimi”, Durrës
  • Në objektin në Rr. “Mujo Ulqinaku”, Durrës

Në Thumanë: Aktualisht, po pritet të filloi puna për prishjen  një objekti.

Në rang qarku Durrës janë 541 objekte të inspektuara deri sot në orën 12:00.

VULLNETARËT

Një falënderim i veçantë shkon edhe për ndihmën e pakursyer dhe  përkushtimin e 239 Vullnetarëve dhe 15 OJF-ve të regjistruar në e-albania për përballimin e nevojave të qyetarëve të prekur nga pasojat e tërmetit.

Duke ju falënderuar për bashkëpunimin dhe vëmendjen, ju njoftoj për takimin e rradhës me përditësimin e informacionit nesër në orën 18:30. Faleminderit!”, thuhet në njoftimin e Zyrës sw Drejtuesit Qendror i Operacioneve për Menaxhimin e Fatkeqësive Natyrore./abcnews.al

 

 

universiteti-i-Vlores-1280x703.jpg
nev ila14:40 | 29/08/2019

6 mijë maturantë kanë aplikuar për të filluar studimet në universitetin “Ismail Qemali” në Vlorë. Rektori Roland Zisi thotë se është shënuar një rritje në krahasim me vitin e kaluar dhe kërkesat më të larta janë për infermierinë dhe drejtësinë.

Më 2 shtator nis faza e parë e regjistrimeve për vitin e ri akademik në universitetin Ismail Qemali në Vlorë.

Rektori Roland Zisi thotë se ka më shumë aplikime se vjet në programet e studimit.

Për fakultetin e shëndetit publik janë edhe kërkesat më të mëdha për të cilën parashikohet që kuotat të plotësohen që në raundin e parë.

Për sa i përket  degëve që rrezikonin mbylljen që vitin e kaluar si matematika, fizika, kimia apo italishtja rektori tha se do të shqyrtohen kërkesat dhe vendimi për këto programe studimi do të merret pas raundit të tretë të regjistrimeve./ABC News Albania 24/7

 

aksidentet-1280x706.jpg
ad min15:00 | 04/08/2019

Në gjysmën e parë të këtij viti në rrugët e Shqipërisë pati më shumë aksidente me viktima, se sa në të njëjtën periudhë të vitit të kaluar. Nga 102 jetët e humbura në këtë 6-mujor në aksidente rrugore, 26 janë regjistruar vetëm në muajin Qershor.

Edhe pse pati një angazhim maksimal të efektivëve të policisë rrugore gjatë sezonit turistik veror, përsëri numri i aksidentet me pasojë vdekjen mbetet i lartë.

Vetëm gjatë muajit qershor humbën jetën nga përplasjet e automjeteve 26 persona. Një shifër disa herë më lartë krahasuar me vendet e Bashkimit Evropian në raport popullsie. Në  Qershorin e vitit të kaluar vdekshmëria nga aksidentet, sipas statistikave te policisë, ishte më e ulët, me gjashtë persona më pak se këtë Qershor.

Pjesa më e madhe e aksidenteve u shënua gjatë akseve kombëtare, veçanërisht në zonat bregdetare, por edhe në rrugët e sapo-përfunduara, siç është autostrada Tiranë-Elbasan. Konkretisht  në rreth rrotullimin e Saukut u regjistruan 6 viktima në më pak se 40 ditë. Pothuajse në të njëjtat shifra kanë mbetur edhe aksidentet rrugore me pasojë plagosjen  e rëndë dhe plagosjen e lehtë gjatë muajit Qershor.

Ajo që shqetëson më tepër specialistët e policisë së qarkullimit rrugor është fakti se në Qershor, në mbi 91  % të rasteve, aksidentet kanë ndodhur si pasojë e sjelljes së drejtuesit të mjetit. Në  këtë periudhë rreth një e treta e aksidenteve është kryer nga drejtues mjetesh te grup-moshës 25 – 35 vjeç.

Trend në rritje kanë aksidentet rrugore, sipas policisë së Shtetit, edhe në gjashtëmujorin e parë 2019-s. Numri i viktimave në rrugë në gjysmën e parë të këtij viti është 102 persona, ose 4 më shumë se në të njëjtin 6 mujor të vitit 2018./ABC News Albania 24/7

durres-4-1280x734.jpg
ad min14:50 | 24/07/2019

Në gjysmën e sezonit turistik është rritur ndjeshëm dhe numri i pushuesve që vijnë në Shqipëri përmes Portit të Durrësit. Për këtë arsye, policia po punon me procedura të përshpejtuara.

Ka kaluar thuajse gjysma e sezonit, por në portin e Durrësit fluksi për pushime ka ardhur në rritje. Në orët e fundit mbërritën katër tragete nga porti i Barit, duke sjellë afro 5 mijë pasagjerë si dhe 1900 automjete.

Ky numër i lartë ka nxitur institucionet që operojnë brenda portit të marrin masa. Policia e kufirit ka dyfishuar sportelet me qëllim shmangien e radhëve gjatë kontrollit të dokumentacioneve.

Kurse dogana ka shtuar personelin. Për t’iu përgjigjur kërkesës së qytetarëve, edhe kompanitë e lundrimit kanë dyfishuar udhëtimin e trageteve.

Krahas emigrantëve shqiptarë, në ketë periudhë të vitit nëpërmjet portit hyjnë edhe turistë të huaj të cilët pushimet verore kanë planifikuar ti kalojnë këtu.

Burime nga Autoriteti Portual i Durrësit bëjnë të ditur se që prej fillimit të viti deri tani afro 300 mijë udhëtarë kanë shfrytëzuar tragetet e linjave nga Durrësi drejt porteve të Barit, Ankonës dhe Triestes dhe anasjelltas. Ndryshe nga viti i kaluar transporti detar është rritur me 2 % më shumë dhe shifra  pritet të rritet përgjatë javëve në vijim./ABC News Albania 24/7

rritet-mesatarja-1280x720.jpg
nev ila15:18 | 16/07/2019

Rritet nota mesatare për të aplikuar për në universitet. Aplikimet hapen pas dy javësh. Ndërkohë specialistët e arsimit këshillojnë kandidatët për studentë të përditësojnë të dhënat në portalin U Albania në të kundërt humbasin mundësinë për të aplikuar.

Rritet mesatarja për në universitet. Aplikimet nisin në fund të muajit.

Nëse gjatë gjimnazit nuk keni arritur mesatare të notave të paktën 6.5 këtë vit nuk do të mund të aplikoni për në universitet.

Kjo për programet 3 vjeçare Bachelor pasi për degët e mësuesisë mesataren duhet ta keni minimumi 7.5 ndërsa për mjekësinë 8.5.

Maturantët që nuk kalojnë dot pragun e mesatares kanë një tjetër mundësi.

Aplikimet për në universitet do të nisin më 30 korrik  dhe do të zgjasin deri më 5 gusht.

Specialistet e arsimit këshillojnë kandidatët për studentë që para se të mbyllin aplikimin të bëjnë kujdes.

Aktualisht rreth 22 mijë kandidatë për studentë kanë përditësuar të dhënat e tyre në sistem.  Numri i kuotave të lira në universitet këtë vit pritet të jetë rreth 35 mijë./ABC News Albania 24/7

be-femijet-765x383.jpg
ad min12:30 | 12/07/2019

Popullsia e Bashkimit Evropian shënon rritje pavarësisht se numri i vdekjeve në vendet anëtare është më i larët se ai i lindjeve. Fenomeni, sipas ekspertëve, ndodh për shkak të emigracionit

Një popullsi që rritet pavarësisht se numri I vdekjeve është më i lartë se i lindjeve. Një gjë e tillë ndodh në Europë, dhe kjo falë emigracionit. Lajmi bëhet I ditur nga zyra europiane e statistikave, Eurostat, me rastin e ditës botërore të popullsisë, të vendosur nga në vitin 1989 nga këshilli drejtues i programit të zhvillimit të Kombeve të Bashkuara, me objektivin për të shtuar vetëdijen për problematikat që i përkasin popullsisë botërore.

Në atë kohë popullsia e 28 vendeve anëtare të Bashkimit Evropian ishte 474 milion persona. 30 vjet më pas kjo shifër është rritur me 8 për qind, sipas zyrës evropiane të statistikave

Popullsia aktuale e Bashkimit Evropian është më shumë se 513 milion persona, 1.1 milion më shumë në krahasim me 2017-ën. Një rritje që vjen nga emigracioni, duke marrë në konsideratë se në vitin 2018 janë regjistruar më shumë vdekje se sa lindje, një fenomen që përsëritet për të dytin vit radhazi. Në vitin 2017. 2.4 milion persona kanë emigruar nga vende që nuk janë anëtare në BE.

Vendi ku lindjet kanë qenë më shumë se sa vdekjet është Irlanda, ndërkohë që Bullgaria mban rekordin e kundërt. Italia ka numrin më të vogël të lindjeve.

Është regjistruar një rënie demografike në 10 shtete anëtare, në krye të klasifikimit janë Letonia, Bullgaria dhe Kroacia, ndërkohë që rritje demografike është regjistruar në Maltë, Luksemburg dhe Irlandë.

Gjermania dhe Franca në 1 Janar të 2019-ës rezultonin si vendet më të populluara, të ndjekura nga Mbretëria e Bashkuar, Italia dhe Spanja. Popullsia e Gjermanisë është 83 milion banorë dhe përfaqëson 16.2 për qind të popullsisë totale të Bashkimit Evropian, ndërsa 67 milion të Francës përbëjnë 13.1 përqind të popullsisë së BE-së.

Duke përjashtuar vendet anëtare të BE-së që janë më të populluara, Polonia renditet e gjashta, të tjerët regjistrojnë më pak të 4 për qind të popullsisë së Bashkimit Evropian./ABC News Albania 24/7

281f027e-d01f-4eb4-83d4-fd100ef4184a-1280x853.jpg
ad min13:10 | 10/06/2019

1 në 5 fëmije të moshës tetë dhe nëntë vjeçarë në vend janë obezë. Specialistet e shëndetit publik vërejnë me shqetësim rritjen e numrit të fëmijëve mbi peshë ndërkohe kërkojnë marrjen e masave. Ministrja e Shëndetësisë paralajmëroi ndërmarrjen e një plani kombëtar veprimi për këtë problem.

Ndërsa  numri i fëmijëve nga 0 ne 5 vjeç nën peshë në Shqipëri ka renë ai i atyre mbi pesë vjeç obezë është rritur.  Kjo sipas specialistëve të shëndetit publik është një tjetër kambanë alarmi dhe i atribuohet kequshqyerjes.

 “Sipas studimit të fundit demografik dhe shëndetësor vërehet një rënie me 6% e numrit të fëmijëve mbipeshë të grup-moshës 0-5 vjeç në 10 vjeçarin e fundit, por ka një kambanë alarmi për sa i takon mbipeshës dhe obezitetit tek fëmijët 8-9 vjeç. Sipas të dhënave të ISHP, 22% e tyre janë mbi peshë, prej të cilëve 10% janë obezë”, deklaroi Ministrja Manastirliu në fjalën e saj gjatë Forumit Shkencor mbi Shëndetin dhe Mirëqenien e Fëmijëve”. 

Në Forumin Shkencor mbi Shëndetin dhe Mirëqenien e Fëmijëve ministrja  Ogerta Manastirliu bëri të ditur ndërmarrjen e një plani kombëtar për mirë-ushqyerjen e fëmijëve.

 “Do të ndërmarrim një plan kombëtar veprimi me tre komponentë. Shëndetin e gruas shtatzënë, nxitjen e ushqyerjes me gji dhe mirë-ushqyerjen e fëmijëve. Ndryshimi i menuve në çerdhe dhe kopshte që u zbatua në Tiranë, do të shtrihet në të gjithë vendin, sepse mirë-ushqyerja që në vogëli duhet të jetë prioritet kombëtar”. 

Studimi demografik dhe shëndetësor nxjerr në pah se aktualisht 11% të fëmijëve nga 0 në pesë vjeç janë më të shkurtër për moshën dhe 2 % konsiderohen të dobët për gjatësinë që kanë./ABC News Albania 24/7

personayt-1280x708.jpg
ad min16:30 | 09/06/2019

Zëri i vegjetarianëve nuk është më i heshtur në Shqipëri. Numri i personave që kanë hequr dorë nga konsumi i mishit po rritet, dhe arsyet e tyre nuk lidhen vetëm me dashurinë që kanë për kafshët, por edhe me gjendjen shëndetësore.

Diola Dosti, nutricioniste, ndau me ABC News vështirësitë që hasi kur u bë vegjetarianë.

Me një histori ndryshe vjen, Endri Haxhiraj, aktivisti i parë i të ushqyerit veganë. Ai tregoi eksperiencën jo shumë të këndshme që e çoi të merrte këtë vendim

Pjesë e vegjetarianëve në Shqipëri, është edhe Arbër Çepani. Ai prej 7 vitesh nuk konsumon mish, dhe këtë vendim e cilësoi shumë të rëndësishëm.

Ndërsa një tjetër vegjetarian, vendimi për të mos konsumuar mish, e shpëtoi nga një sëmundje e rrallë.

Të shtunën e 8 Qershorit u zhvillua në Tiranë festivali i parë për vegjetarianët, me mbështetjen e veçantë të bashkisë se Tiranës./ABC News Albania 24/7

meshkujt-1280x713.jpg
ad min17:20 | 03/06/2019

Tumori vijon të mbetet “vrasësi” më i pamëshirshëm. INSTAT ka publikuar të dhënat për vitin 2018, ku shihet një rritje me 5.1% e vdekjeve tek meshkujt, dhe rënie me 4.6% tek femrat. Qarku më i prekur është Gjirokastra, dhe numrin më të ulët të vdekjeve e ka Tirana.

Rritet numri i meshkujve që humbën jetën nga tumori në vitin 2018 dhe shihet një ulje e ndjeshme e vdekjes tek femrat.  Sipas të dhënave të raportuara nga INSTAT, vdekjet tek meshkujt në 2018 janë rritur me 5.1 %, 115 raste më shumë në raport me 2017. Alarmante është grupmosha 20- 24 vjeç, ku janë regjistruar 10 vdekje, 7 më shumë nga viti i shkuar. Mosha mbi 50 vjeç vijon të jetë më e prekura, dhe në grupmoshën 35- 39 vjeç janë regjistruar 23 raste.

Ndërsa vdekja e femrave ka rënë me 4.6%, 65 më pak se viti i mëparshëm. Grupmosha më e prekur mbetet ajo mbi 50 vjeç me 90% të rasteve, ndërsa tek të rejat nuk ka pasur rritje. Referuar INSTAT, niveli i vdekshmërisë nga Tumoret ka një rritje prej 1,4 % krahasuar me vitin 2017.  Më të prekurit janë nga “Tumore të aparatit të tretjes” (34,5%) dhe “Tumore të aparatit të frymëmarrjes” (24,1 %).

Sipas INSTAT numri më i lartë i vdekjeve nga tumoret, është regjistruar në Gjirokastër, me 207 të vdekur për 100 mijë banorë. Më pas Korça, Shkodra, Vlora, Berati dhe Elbasani. Ndërsa, numri më i ulët i vdekjeve për 100 mijë banorë e ka Tirana me 93 të vdekur, më pas Kukësi (98) dhe Durrësi (107)./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono