rrëzon

komisioni-i-venecias-1280x650.jpg
nev ila16:27 | 03/10/2019

Komisioni i Venecia nuk e pranon projektligjin e qeverisë për hipotekimin e tokave bujqësore, duke kërkuar që nenet të rishkruhen.

Sipas Komisionit të Venecias, nuk është e qartë se çfarë ndodh kur  toka bujqësore që përdoret nga familjet, nuk përputhet me atë aktin e marrjes së saj në pronësi me ligjin 7501.

Projektligji i qeverisë për marrjen në pronësi të tokave bujqësore nuk është pranuar nga Komisioni i Venecias.

Pas debatit publik për këtë çështje, Gramoz Ruçi kërkoi një opinion nga Komisioni, i cili, pasi shqyrtoi çështjen, vlerëson se nisma e qeverisë ka defekte.

“Projektligjit në versionin e tij aktual i mungon qartësia dhe saktësia për shkak të mungesës së përkufizimeve dhe fuqisë rregulluese shumë të gjerë për Këshillin e Ministrave, mungesës së hapave themelorë proceduralë dhe afateve të përcaktuara qartë për mbajtësit e titujve”.

Dy nene të ligjit, ato që tregojnë se si veprohet kur toka që përdor familja bujqësore nuk përputhet me atë të dokumentuar sipas ligjit 7501, janë më problematiket sipas Venecias.

“Ekziston një rrezik i lartë që projektligji të mund të krijojë probleme pajtueshmërie me nenin 1 të Protokollit të Parë të Konventës Evropiane për të Drejtat e Njeriut dhe dispozita të tjera, si dhe me Kushtetutën shqiptare. Në veçanti, Nenet 7 dhe 9 të p/ligjit janë në thelb të paqarta dhe të pasakta, prandaj mbajnë një rrezik të lartë që zbatimi i tyre do të çojë në shkelje të Konventës Evropiane për të Drejtat e Njeriut”.

Në opinionin e Venecias, pasqyrohet dhe një shqetësim i opozitës për zbatimin e ligjit për kthimin dhe kompensim e pronave.

“Anëtarët e delegacionit krijuan përshtypjen se edhe pse kthimi në natyrë (i tokës në pronësi të mëparshme) është parashikuar në ligj, edhe kur ka qenë e mundur, institucionet përgjegjëse më kanë zgjidhur kompensimin, duke e mbajtur shpesh tokën në dispozicion si pronë shtetërore që të përdoret për programet shtetërore”.

Ky dokument i Venecias do të miratohet në seancën e 11 tetorit, së bashku me opinionin për “shkarkimin” e Ilir Metës./ABC News Albania 24/7 

padite-1280x711.jpg
ad min15:40 | 22/07/2019

Kolegji Zgjedhor ka rrëzuar sot të gjitha ankesat e bëra nga partitë apo kandidatët për 30 Qershorin, duke lënë në fuqi vendimmarrjet e KQZ-së. Trupa gjyqësore nisi edhe shpërndarjen e mandateve për 7 këshillat e parë bashkiakë, që ju hap rrugë betimit të kryebashkiakëve të rinj.

Kolegji zgjedhor dha këtë të hënë 13 vendime mbi procesin zgjedhor të 30 Qershorit.

Trupa gjyqësore rrëzoi të gjitha ankimet e bëra për procesin zgjedhor, duke lënë në fuqi vendimet e Komisionit Qendror të Zgjedhjeve.

Në fillim, Kolegji rrëzoi 5 ankime të Bindjes Demokratike, e cila kundërshton rezultatin në bashkitë: Selenicë, Shijak, Kubrin, Tiranë dhe Berat. Në këto bashki, partia e Patozit pretendon se kutitë janë mbushur artificialisht dhe votat e saj janë vjedhur gjatë numërimit.

PS,dhe KQZ, i kërkuan gjykatës të rrëzoheshin paditë, pasi Bindja Demokratike nuk kishte sjellë prova.

Më pas, kolegji rrëzoi edhe pretendimin e kryebashkiakut në largim të Finiqit, Leonidha Hristo, i cili nuk e pranon humbjen në kërkesën me shkrim, por që as u paraqit fare në seancë.

Kolegji vijoi punën më tej, duke pranuar 7 paditë e para të Partisë Socialiste, e cila kërkoi që Kolegji zgjedhor, të shpërndajë mandatet për këshillat bashkiakë.

KQZ dështoi të bëjë këtë shpërndarje, pasi ky vendim kërkonte 5 vota në tryezën e KQZ-së, dhe vota kundër e Klement Zgurit pamundësonte miratimin e tabelave.

Kolegji pranoi kërkesat, duke ju dhënë mandatet këshilltarëve bashkiakë, që ju hap rrugë betimit të kryebashkiakëve të rinj në mbledhjen e parë të parlamentit lokal.

13 bashki të tjera janë caktuar të gjykohen ditën e martë, e për të vazhduar me të tjerat po gjatë kësaj jave./ABC News Albania 24/7

kqzz-1280x724.jpg
ad min15:20 | 10/07/2019

Komisioni Qendror i Zgjedhjeve rrëzoi disa kërkesa të Bindjes Demokratike e cila kërkoi hapjen e kutive të votimit me dyshimet se ato ishin mbushur fiktivisht. PS dhe KQZ nuk e pranuan kërkesën, me argumentin se partia e Patozit nuk kishte sjellë asnjë provë konkrete për shkelje. Disa ankimime të tjera të Bindjes, janë ende në proces shqyrtimi nga KQZ.

Me argumentin se kutitë e votimit janë mbushur në mënyrë fiktive nga komisionerët e partisë socialiste, Bindja Demokratike kërkoi nga KQZ të hapë kutitë e votimit në 41 bashki të vendit.

Por partia socialiste e kundërshtoi këtë pretendim, duke thënë se partia e Patozit nuk kishte sjellë asnjë provë konkrete qoftë edhe për një qendër votimi.

Të njëjtat dyshime ngritën dhe anëtarët e KQZ-së. Pas disa orësh debate, KQZ rrëzoi të gjitha kërkesat që mori në shqyrtim./ABC News Albania 24/7

parlamenti-shqiptar-1280x714.jpg
nev ila14:42 | 04/07/2019

 

Kuvendi rrëzoi sot një tjetër dekret të Presidentit Meta. Gjatë diskutimeve PS tha se shkarkimi i Metës është urgjencë, ndërsa opozita parlamentare e kushtëzon votën me ndryshimin e sistemit zgjedhor. Damian Gjiknuri tha se është gati që si presidenti të largohet nga komisioni, nëse kjo i shërben dialogut mes PS dhe PD-së.

Edhe në mungesë të kryeministrit, Ilir Meta ishte kryefjala e debateve parlamentare. Edhe pse të hënën kanë një seancë të posaçme për shkarkimin  e tij, socialistët shfrytëzuan një ligj të rikthyer në Kuvend nga presidenti për të treguar se s’ka tërheqje nga shkarkimi.

Numri dy i socialistëve, e sheh shkarkimin e Presidentit si një çmim që duhet paguar për të mbrojtur reformën në drejtësi.

Por opozita parlamentare e kushtëzon votën për shkarkimin e Presidentit me reformën zgjedhore.

Këto propozime e detyruan Damian Gjiknurin të dalë të podium për herë të parë për përgjimet dhe të bëjë ofertën e tij të ngjashme me presidentin.

Më të rinjtë nuk ngurrojnë për tu bashkuar në aksionin kundër Presidentit.

Pavarësisht bindjeve të partisë së tij, Gramoz Ruci nuk toleron mungesën e etikës.

Në fund, Kuvendi e rrëzoi dekretin e Metës që kërkonte rishqyrtimin e ligjit për përmbarimin gjyqësor privat./ABC News Albania 24/7

META-SHPERFILL-KOLEGJIN-ZGJEDHOR.mpg_snapshot_01.06-1280x720.jpg
ad min12:20 | 26/06/2019

Po ne mbledhjen e sotme Komisioni i Ligjeve ka rrëzuar dekretin e Presidentit Ilir Meta qe kthen për rishqyrtim në Kuvend ligjin për shërbimin përmbarimor gjyqësor privat.

Kreu i  komisionit, Ulsi Manja, deklaroi gjatë shqyrtimit të këtij ligji se ishte njoftuar edhe Presidenca të merrte pjesë, por është konfirmuar mospjesëmarrja.

Në një përmbledhje të arsyeve të kthimit të Ligjit, Presidenca konstaton se disa nene të tij,  nuk janë në harmoni me legjislacionin aktual në fuqi; shkaqe këto të cilat mund të sjellin zbatim të gabuar në praktikë, apo keqinterpretim me pasojë cenimin e parimeve kushtetuese të sigurisë juridike, si dhe nismës dhe veprimtarisë së lirë ekonomike./ABC News Albania 24/7

shkelzen-berisha-1280x720.jpg
nev ila15:56 | 19/06/2019

Pas rrëzimit të padisë për shpifje nga gjykata për kreun ne grupit parlamentar të PS Taulant Balla, Shkëlzen Berisha u shpreh se do ta ankimojë vendimin. Ndërsa deputeti socialist e cilësoi vendimin si një triumf i drejtësisë.

Gjykata e Tiranës ka rrëzuar padinë e djalit të ish-kryeministrit Sali Berisha, Shkëlzen Berisha pasi ky i fundit kishte paditur kreun e grupit parlamentare të Partisë Socialiste Taulant Balla për shpifje. Balla pas përfundimit të seancës deklaroi  se ky është një triumf i drejtësisë.

Ndërsa Shkëlzen Berisha u shpreh se Balla vazhdon që të shpifë dhe mohoi faktin që ka detyrime tatimore të pa shlyera. Berisha tha se gjykatësja ka dashur të lajë duart për shkak të presionit politik të organizatës kriminale në pushtet.

Djali i ish-kryeministrit Berisha paralajmëroi se do të ankimojë vendimin deri sa të marrë drejtësi. Shkëlzen Berisha kishte paditur deputetin e PS Taulant Balla pasi pretendon se ky i fundit ka shpifur për të nga foltorja e drejtuesit të Komisionit Hetimor Parlamentar të çështjes CEZ teksa ka thënë se ai kishte shmangur pagimin e taksave./ABC News Albania 24/7

lleshaj.jpg
nev ila16:40 | 06/05/2019

Me shumicë votash, Komisioni i Sigurisë rrëzoi dekretin e Presidentit Ilir Meta, i cili ktheu për shqyrtim ndryshimet në ligjin për Vetingun në radhët e policisë.

Arsyetimi kryesor i kreut të shtetit ishte se ky proces mund të ndikohej politikisht në kushtet kur shërbimi për ceshtjet e brendshme dhe ankesave, që është në varësi të ministrit të brendshëm merr një peshë të madhe vendimarrjeje.

I pranishëm në komision ishte edhe minsitri e Brendshëm Sandër Lleshaj, i cili pohoi se nuk mund të pranonte argumentet e kreut të shtetit dhe se ndryshimet në ligj janë bërë për reduktuar kohën e vetingut në polici.

Me këto ndryshime në vetingun në polici, Lleshaj shtoi se u bë me argumentin për të kursyer rreth 3 milionë dollarë nga Buxheti i Shtetit. Më herët, në parlament ndryshimet janë kundërshtuar edhe nga ish ministri i brendshëm Fatmir Xhafaj, i cili inicioi këtë proces./ABC News Albania 24/7

ramush-haradinaj1-565x346-1280x811.jpg
ad min19:59 | 18/04/2019

Në prag të samitit të Berlinit, presidenti serb Aleksandar Vuçiç është shprehur skeptik se në këtë event mund të arrihet ndonjë risi në marrëdhëniet Kosovë-Serbi. Vuçiç ka paralajmëruar se Serbia nuk do të pranojë asgjë që vjen në formë të imponuar dhe jo përmes kompromisit.

Presidenti serb Alleksandar Vuçiç, duket se do të niset në takimin e Ballkanit në Berlin me idenë që nuk do të ndodh asgjë e re. Por, para kësaj si për balancë do të takohet në Kinë me krerët e këtij shteti dhe me presidentin rus Vlladimir Putin. Në kryeqytetin serb duke pritur një grup nga Kosova që kanë arritur në këmbë për mitingun e paralajmëruar të tij, ka thënë se edhe shqiptarët edhe ndërkombëtarët duhet ta dinë se pa kompromis mund ta harrojnë zgjidhjen për Kosovën. Serbia nuk firmos më asgjë.

Alleksandar Vuçiç, president i Serbisë:“Serbia shkon në Berlin për të biseduar për gjithçka dhe që të nxjerrim qëndrimet tona të qarta. Ne kemi besim tek presidenti francez dhe kancelarja Merkel dhe besojmë se ata do ta kuptojnë se çfarë po ndodh në rajon dhe do të japin një shtytje të paqes dhe stabilitetit në rajon dhe jo mundësi që njerëzit e papërgjegjshëm të fitojnë hapësirë”.

Ai ka thënë se shpreson që shteti serb nuk do të jetë I detyruar të marrë masa reciproke ndaj Kosovës, por nëse nuk hiqet taksa shqyrtimi do të jetë serioz. Serbia nuk ka nevojë që Kosova ta njeh si shtet.

Alleksandar Vuçiç, president i Serbisë“Ulatimatumeve nga Prishtina dhe veprimet e kundraligjshme nuk mund të tolerohen nga Serbia pafundësisht. Këtë do t’ua them edhe Merkel dhe Makron. Shqiptarët duhet ta dinë se nuk do të kenë asgjë pa marrëveshje me Serbinë. Nuk mund ta detyrojnë Serbinë të gjunjëzohet, përveç nëse Haradinaj arrin të më rrëzojë nga pushteti siç kishte premtuar”.

Vuçiç ka alarmuar megjithatë që presioni për njohjen e pavarësisë do të shtohet. Njohja reciproke si në letrën e presidentit, Donald Trump, është ritheksuar edhe nga ambasadori amerikan në Serbi./abcnews.al

sudan.jpg
nev ila23:45 | 11/04/2019

Është rrëzuar pas 30 vjet në pushtet presidenti i Sudanit, Omar al Bashir, i cili është arrestuar nga ushtria e vendit afrikan. Ministri i Mbrojtjes ka deklaruar se ushtria do të kontrollojë periudhën dyvjeçare të tranzicionit deri në mbajtjen e zgjedhjeve të rregullta.

Ndërkohë, protestuesit janë zotuar se do të vazhdojnë të qëndrojnë në rrugë pavarësisht një shtetrrethimi të vendosur nga forcat e armatosura.

Protestat kundër presidentit Bashir, që ka qeverisur vendin afrikan që prej vitit 1989, zgjasnin prej muajsh. Tani protestuesit kërkojnë një këshill civil për të menaxhuar periudhën e tranzicionit dhe jo ushtrinë.

Pas arrestimit, vendndodhja e tashmë ish-kreut të shtetit nuk dihet, ndërkohë që shërbimet e inteligjencës kanë paralajmëruar lirimin e të gjithë të burgosurve politikë. Prej dekadash, Sudani vuan nga varfëria, korrupsioni i lartë dhe mungesa e drejtësisë./abcnews.al

Erdogan-humb-stambollin-1280x564.jpg
ent ela15:15 | 09/04/2019

Nuk do të ketë rinumërim votash në Stamboll, ndërsa në Ankara zyrtarizohet fitorja e socialdemokratëve. Në këtë mënyrë këshilli i lartë elektoral turk ka refuzuar kërkesën e presidentit të vendit Erdogan i cili pretendonte se krimi I organizuar ishte protagonist në 31 mini-bashkitë e Stambollit ditën e zgjedhjeve.

Këshilli i lartë elektoral në Turqi deklaroi se ka refuzuar kërkesën e presidentit turk Erdogan për rinumërim votash në 31 minibashki në Stamboll. Për liderin islamist, mini-bashkitë e humbura në zgjedhjet e 31 marsit ishin objektiv I krimit të organizuar dhe për këtë arsye kërkoi rinumërim votash. Një përpjekje e dështuar, pasi këshilli i lartë elektoral ra dakord për rinumërimin e vetëm 51 kutive të votimit të 21 nga 39 minibashki. Secila prej tyre ka 350 votues. Një vendim që ka shkaktuar zemërim në radhët e partisë së Erdogan. Zëvendës kryetari I AKP-së deklaroi se do të apelonte vendimin pasi sipas tij ishte I papranueshëm. Presidenti turk nga ana e tij këmbëngul se diferenca e votave mes dy kandidatëve, më pak e 15 mijë në një qytet me 10 milion votues, është shumë e vogël për ti lejuar opozitës të shpallë fitoren

Por lajme të këqija për presidentin turk vijnë dhe nga kryeqyteti Ankara, ku dhe këtu fituan socialdemokratët. Pavarësisht denoncimeve për parregullsi nga partia e Erdogan, këshilli lartë elektoral zyrtarizoi fitoren e Mansur Javash.

Edhe pse ka marrë numrin më të madh të votave falë aleancës me partinë nacionaliste, Erdogan humbi Stambollin, Ankaranë dhe Izmirin – qytetin e tretë në Turqi. Disfata e tij ishte e qartë edhe në juglindje të vendit. Këtu mbështetësit e Partisë Filokurde Hdp rimorën minibashkitë që autoritetet turke ia kishin hequr nga duart për shkak të lidhjeve të supozuara me ata që Ankara i konsideron si terroristë të PKK-së./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono