rreziku
Pogba dhe Kroos

Untitled-1-1.jpg
nev ila16:50 | 14/10/2019

Në rrugën Qafë Thanë – Kapshticë pak kush respekton sinjalistiken dhe për këtë shkak qe kthyer nga rrugët risk të lartë. Në të gjithë gjatësinë e segmentit Qafë Thanë -Kapshticë, policia ka evidentuar mbi 600 ndërprerje të rrugës nacionale,të cilat janë potencialisht burim aksidentesh.

Tabelat paralajmëruese dhe detyruese, nuk respektohen. Sidomos kur bëhet fjalë për kufizimin e shpejtësisë, drejtuesit e mjeteve kanë tendencë ta tejkalojnë.

Aksi nacional që lidh Korçën me Kapshticën dhe Qafë-Thanën, është i rrezikshëm, si për drejtuesit e mjeteve ashtu edhe për këmbësorët.

Mungesa e mbikalimeve dhe nënkalimeve në disa kryqëzime, vlerësohet si shkaku kryesor i aksidenteve me pasoja të rënda për jetën dhe shëndetin.

Më problematik është kryqëzimi i Pojanit, në segmentin Korçë-Kapshticë, ku bilanci i viktimave është në rritje.

Drejtuesit e mjeteve ankohen se dalja nga rrugët e fshatit në rrugën nacionale bëhet burim i vazhdueshëm aksidentesh. Po ashtu kalimi i mjeteve bujqësore, mbart të njëjtin rrezik.

Për këmbësorët, kalimi nga një anë e rrugës në tjetrën, mund të rezultojë fatal. Të lëvizin mes makinave që qarkullojnë me shpejtësi, për banorët e zonës është bërë e zakonshme edhe pse e dinë, se kjo mund t’ju kushtojë jetën.

Ndërtimi i mbikalimeve ose nënkalimeve, kërkohet nga  përdoruesit e rrugës, por edhe policia e qarkullimit, si e vetmja zgjidhje, që garanton sigurinë rrugore.

Në të gjithë gjatësinë e segmentit Qafë -Thanë -Kapshticë, policia ka evidentuar mbi 600 ndërprerje të rrugës nacionale, të cilat janë potencialisht burim aksidentesh.

Muajt e verës shënuan dhjetëra aksidente në rrugët e juglindjes, edhe për shkak të shkeljes së rregullave të qarkullimit, përpos standarteve të munguara të rrugëve.

Ndëshkimi me masa administrative dhe penale, të shkelësve të Kodit Rrugor, nuk ka ndikuar në reduktimin e tyre./abcnews.al

c4a470721d0b489aabe8a6e05a014804_18.jpg
G. P.08:47 | 14/10/2019

Ka marrë një kthesë të tmerrshme lufta në Veri-Lindje të Sirisë. Forcat kurde kanë arritur një marrëveshje me regjimin e Bashar al-Asad, e paimagjinueshëm deri para disa ditësh, për të lejuar trupat nga Damasku “të mbronin” qytetin kryesor të Kobane, i kërcënuar nga ofensiva turke.

Marrëveshja, e ndërmjetësuar nga Rusia e Vladimir Putin dhe e konfirmuar nga palët, gjithashtu ka të bëjë edhe me qytetin tjetër strategjik, Manbij, në perëndim të lumit Eufrat.

Negociatat midis Forcave Demokratike Siriane dhe qeverisë Siriane u zhvilluan në bazën ajrore ruse të Hmeimim në Latakia.  Spiralja e papritur e luftës ndryshoi menjëherë pasi amerikanët njoftuan evakuimin e mijëra ushtarëve të tyre nga e gjithë zona e përfshirë në fushatën ushtarake turke.

Presidenti amerikan Donald Trump urdhëroi tërheqjen e 1000 ushtarëve nga Siria veriore me arsyetimin se është më mirë të mos përfshihen në luftime.

Vendimi i presidentit Donald Trump vjen një javë pas ripozicionimit të dhjetëra ushtarëve amerikanë që punojnë së bashku me milicitë kurde në luftën kundër ISIS.

Sekretari Amerikan i Mbrojtjes i SHBA Mark Esper tha se Turqia ka ndër mend ta shtrijë ofensivën e saj edhe më tej dhe se milicitë kurde po përpiqen të ndërtojnë një marrëveshje me sirianët dhe rusët për një kundërsulm ndaj turqve në veri. Në këto kushte shtoi ai – ne do të mbetemi të bllokuar midis dy forcave sulmuese dhe është më mirë të tërhiqemi.

Bombardimet turke në Siri nuk po kursejnë as median. Sipas agjencisë së lajmeve kurde, një autokolonë me gazetarë të huaj u shënjestrua nga forcat e armatosura të Ankarasë. të cilat vranë një gazetarë kurd dhe katër gazetarë të tjerë të huaj që për momentin nuk dihet asgjë për identitetin e tyre.

Dje, është konfirmuar se mes viktimave të ditës së djeshme në Veri Lindje të Sirisë, është edhe Hevrin Khalaf, sekretare e përgjithshëm e Partisë së Ardhmërisë Siriane dhe një nga aktivistet më të njohura për të drejtat e grave në rajon.

Hevrin luftoi gjithashtu për bashkëjetesën paqësore midis kurdëve, krishterë-sirianëve dhe arabëve dhe u vlerësua nga të gjitha komunitetet.

Toyota me të cilën ajo udhëtonte u gjetë jashtë rrugës bashkë më trupin e Hervin në autostradën M4, në drejtim të Qamishlo, e cila ishte sulmuar nga një grup burrash të armatosur.

Në brendësi të makinës janë gjetur qindra gëzhoja fishekësh. Dëshmitarët thonë se Hevrin u zbrit nga makina dhe u masakruan me armë zjarri. Por nuk është e qartë se kush janë autorët.

Ajo zonë e autostradës, kohën e masakrës ka qënë e kontrolluar nga një grup xhihadist, që në këtë fazë të luftimeve është aleat i Turqisë por edhe përgjegjës për ekzekutime të tjera.

belinda-ballukuuu.jpg
G. P.15:55 | 22/09/2019

Ministrja e Infrastrukturës ka kërkuar gjatë mbledhjes së Shtabit të Emergjencave në Vorë që të verifikohen të gjitha dëmet e shkaktuara në rreth 120 banesa. Balluku urdhëroi OSHE-në që të bëjë të mundur furnizimin 24 orë me energji elektrike.

Ministrja e Infrastrukturës dhe Energjitikës Belinda Balluku mori pjesë në mbledhjen e shtabit të emergjencave civile në Vorë, ku kërkoi që brenda 48 orësh të bëhet bilanci i dëmeve që kanë shkaktuar tërmetet. Balluku u kërkoi të pranishmëve që të nisin  menjëherë punën për rikuperimin e banesave të dëmtuara.

“Ne kemi 12 banesa deri në 14 dhe kemi pasur edhe një shtesë të fundit 15 që konsiderohen të pabanueshme. Ndërkohë që kemi 100 banesa të tjera me dëmtime. Vora është zona më e goditur se flasim për 120 shtëpi të dëmtuara. Nesër në darkë do ishte mirë që çdo akt konstatim të ishte në tryezën tonë për të vazhduar më pas se si do rikuperojmë më pas të gjitha dëmet”, tha Balluku.

Balluku kërkoi nga Operatori i Shpërndarjes së Energjisë që të rikuperohen të gjitha dëmet dhe të sigurohet energji pa ndërprerje për të gjithë qytetaret.

“Synimi kryesor është që të ofrojmë ujë dhe energji, t’i garantojmë në mënyrë të pandërprerë për të gjithë banorët”, tha Balluku.

Në fund të mbledhjes, ministrja kërkoi që të punohet me intensitet dhe të mbahen nën vëzhgim edhe 3 urat kryesore në Vorë për të shmangur çdo lloj rreziku./ABC News Albania 24/7

JUNCKER-BREXIT.mpg_snapshot_00.05-1280x720.jpg
ent ela11:14 | 18/09/2019

Presidenti i Komisionit Europian, Zhan Klod Junker u shpreh se rreziku që Britania e Madhe të dalë nga Bashkimi Europian pa një marrëveshje është gjithnjë e më real. Junker theksoi se nëse të dyja palët e duan vërtet, marrëveshja mund të gjendet.

Po afrohet 31 tetori dhe rreziku i një Brexit pa marrëveshje është real. Deklarata është bërë nga Presidenti i Komisionit Europian Zhan Klod Junker, gjatë fjalës së tij në parlamentin europian kur po raportonte për takimin e itj me kryeministrin britanik Boris Xhonson. Por ai theksoi se marrëvehsja ishte ende e mundshme, dhe nëse nuk do të gjendej atëherë do të ishte për faj të qevrisë britanike dhe jot ë bashkimit europian.

Junker u shpreh se i kishte kërkuar Xhonson që t’i tregonte marrëveshjet alternative dhe propozime konkrete të shkruara. Si dhe kishte porositur Mishel Barnier që të intensifikojë negociatat në planin politik dhe jo vetëm teknik.

Barnier nga ana e tij shpjegoi se pikat e ndalimit, rrjeta e sigurisë, është shumë e rëndësishme pasi në Irlandë, Brexit do të shkaktojë numrin më të madh të problemeve dhe më shumë rreziqe. Sipas tij në Irlandë është një situatë politike delicate e lidhur me një histori tragjike. Kryenegociatori i Bashkimit Europian për BREXIT theksoi se Mbretëria e Bashkuar dhe Irlanda janë garantuesit e marrëveshjes. Ai shtoi se bashkimi europian nuk dëshiron rikthimin e një kufiri fizik por kërkon ruajtjen e marrëveshjeve të së Premtes së Shenjtgë, duke mbrojtur integritetin e tregit të përbashkët dhe ekonominë e të gjithë ishullit. Në fund ai tha se askush nuk duhet të nënvlerësojë pasojat e një dalje pa marrëveshje të Britanisë së Madhe nga Bashkimi Evropian. /ABC News Albania 24/7

tirana-ndeshja-e-jetes.jpg
nev ila19:41 | 14/09/2019

Tirana mund Skënderbeun në minutat e fundit dhe mban kreun e renditjes së Superligës. Skuadra kryeqytetase e meritoi suksesin në stadiumin “Selman Stërmasi”

E ka talentin dhe fanelën, ndërsa mbetet të tregojë vazhdimësinë.

Tirana hodhi një tjetër hap drejt konfirmimit si pretendente e fortë për titullin në Superligë, me fitoren 3-1 ndaj Skënderbeut, një sukses që ishte më i vështirë sesa e tregon rezultati.

Skuadra e trajnerit Ardian Mema e dominoi lojën në “Selman Stërmasi”, por tri pikët u siguruan vetëm në 5 minutat e fundit.

Aksionet e shumta dhe rastet ishte vështirë të ktheheshin në gol, ndërsa Skënderbeu i trajnerit Ilir Daja pati edhe fatin e keq që iu dëmtua një nga lojtarët e paktë me përvojë, kapiteni Gjergji Muzaka, që doli nga fusha që në pjesën e parë.

Tiranasit, 24 herë kampionë të Shqipërisë, e gjetën vonë avantazhin 1-0, me anë të Ngosë në sekondat e fundit të pjesës së parë, dhe po ashtu edhe suksesin final.

Korçarët, që kanë ende një lloj hijeje të rëndë nga e kaluara, barazuan papritur me anë të Pollozhanit, dhe u duk se mund ta merrnin barazimin, për të mos u shkëputur shumë nga kreu i tabelës.

Nuk ia dolën dhe kjo erdhi logjikshëm, pasi Tirana pati më shumë cilësi, po ashtu një stol me më shumë alternativa.

Goli më të rëndësishëm, atë të avantazhit 2-1, e shënoi djali i presidentit, Grent Halili, që minutat në fushë i ka për meritë të tij, dhe jo të babit.

Kaq u desh, dhe bardheblutë mbyllën gjithçka më pas, me golin e tretë të shënuar nga Hoxhallari.

Tirana ka 10 pikë pas 4 ndeshjeve, një seri rezultatesh që nuk ishte parë prej kohësh dhe tifozët mund të mendojnë seriozisht për titullin, që nuk fitohet që nga viti 2009./ABC News Albania 24/7

VENDET-E-ULETA-SHTEPITE-ABC-M5-T1.mpg_snapshot_00.10-1280x720.jpg
ent ela14:40 | 27/07/2019

Rreth një milion shtëpi në vendet e ulëta janë në rrezik shëmbjeje si pasojë e ndryshimeve klimatike. Kjo pasi shtëpitë janë ndërtuar mbi ujë. Thatësira dhe ndryshimet drastike të temperaturës rrezikojnë themelet e banesave.

Një betejë mes tokës dhe ujit ajo në Vendet e Ulëta si pasojë e ndryshimeve klimatike. Situata është më serioze në Holandë ku rreth një milion shtëpi të ndërtuara mbi ujë rrezikojnë të shemben pasi thatësira dhe ndryshimet drastike të temperaturës kanë dëmtuar themelet.

Shtëpitë tipike holandeze  të ndërtuara përgjatë kanaleve janë ato që rrezikojnë të zhduken Brenda një kohe shumë të shkurtër. Themelet e shumë shtëpive të ndërtuara me dru janë gati të shkatërruara dhe brenda pak vitesh kjo pamje mund të mos jetë më.

Në Zandam një qytezë disa kilometra në veri të Amsterdamit në zonat më të vjetra të qytetit, pasojat janë të dukshme. Fasadat janë në rënie dhe mbahen me proteza druri të improvizuara, si dhe të çara nëpër mure. Inxhinierët shpjegojnë se disa nga banorët përdorin tuba plastikë për të hedhur ujë në themele. Ata thonë se këto banesa nuk do të rezistojnë gjatë dhe maksimumi pas dhjetë vitesh, nëse problemet nuk do të zgjidhen, ato do të shemben.

Rikonstruksioni i shtëpive ka kosto shumë të lartë pasi shtyllat e vjetra të drurit zëvendësohen me ato të hekurit dhe më pas mbushen me çimento, në atë që me të drejtë cilësohet si një garë me kohën. /ABC News Albania 24/7

ishp.png
Sej rie16:20 | 08/07/2019

Instituti Kombëtar i Shëndetit Publik përmes një njoftimi për mediat u bën thirrje qytetarëve që të kenë kujdes nga temperaturat e larta që kanë përfshirë vendin tone. ISHP jep disa këshilla se si duhet të veprojnë qytetarët kur temperaturat janë më të larta se 30 gradë celsius.

Temperaturat e larta që kanë përfshirë vendin tonë ditët e fundit, rrisin edhe rrezikun e goditjes nga i nxehti dhe rrezet e diellit.

Për të sensibilizuar popullatën për këtë, Ministria e Shëndetësisë dhe Mbrojtjes Sociale e Instituti i Shëndetit Publik, kanë filluar një fushatë sensibilizimi me këshilla për kategori të ndryshme sociale.

Por cilët janë grupet që janë më të rrezikuara nga i nxehti?! ISHP rendit disa prej tyre duke nisur me të moshuarit, foshnjat dhe fëmijët e vegjël. Po ashtu sipas ISHP individët që vuajnë nga sëmundjet kronike si sëmundjet kardiovaskulare, diabeti, sëmundjet pulmonare dhe gratë shtatzëna duhet të bëjnë kujdes maksimal.

ISHP jep disa këshilla të thjeshta dhe mjaft të rëndësishme se si të mbrojmë shëndetin nga temperaturat e larta.

Duhen evituar daljet nga shtëpia në orët e nxehta të ditës, 11.00 – 17.00.
E rëndësishme është edhe veshja, e cila sipas specialistëve duhen veshje sa më të lehta prej pambuku dhe ngjyra të hapura. Gjithashtu për të shmangur ekspozimin e rrezeve të diellit duhet të vendosim kapele në kokë, të mbajmë çadër, prej momentit që dalim nga shtëpia.

Sipas specialistëve për t’i bërë ballë të nxehtit, ka mjaft rëndësi edhe se çfarë konsumojmë, pasi duhet sa më shumë ujë, lëngje dhe duhen evituar pijet alkoolike. Zarzavatet dhe frutat duhet të jenë pjesë e çdo vakti, për të forcuar imunitetin për shkak të temperaturave të larta.
Një element tjetër I rëndësishëm është edhe mbajtja fresk e ambientit ku qëndrojmë. Temperatura e dhomës duhet të mbahet nën 32°C gjatë ditës dhe 24°C gjatë natës.

Kjo është e rëndësishme veçanërisht për të porsalindurit, për individët mbi 60 vjeç, apo për ata që kanë probleme shëndetësore kronike.
Specialistët shprehen se duhet të freskoni shtëpinë gjatë natës, të hapen dritaret dhe grilat gjatë natës dhe në mëngjes, atëherë kur temperatura e jashtme ulet.
Një këshillë tjetër shumë e vlefshme sipas ISHP-së, është se nëse një person ka probleme shëndetësore, duhet të paraqitet për të marrë ndihmë pranë mjekut, pasi temperaturat e larta i përkeqësojnë më tej problemet shëndetësore./ABC News Albania 24/7

MBULIM-THACI-MARREVESHJA.mpg_snapshot_00.23-1280x720.jpg
ent ela12:50 | 24/06/2019

Presidenti i Kosovës Hashim Thaçi ka kërkuar që brenda vitit të përmbyllet marrëveshja përfundimtare me Serbinë. Në këtë kundërt sipas tij rrezikohen marrëdhëniet mes vendeve në rajon.

Aspak premtuese për arritjen e një marrëveshjeje përfundimtare me Serbinë i konsideron zhvillimet e fundit presidenti i Kosovës Hashim Thaçi. Për Thaçin, edhe përkundër iniciativës për të zhbllokuar dialogun Kosovë-Serbi gjërat nuk po lëvizin fare.

Në konferencën “Zëri i Popullit rreth Finales së Madhe; ndërmjet Kosovës dhe Serbisë”, i organizuar nga RIDEA, Thaçi tha se përmbyllja e dialogut me Serbinë  që rezulton me njohje reciproke është interes nacional i Kosovës. Ka kërkuar nga spektri politik të jenë unik për këtë çështje.

“Nuk kam dyshim që në këtë vit mund të arrihet marrëveshje ligjërisht obligative, por nëse nuk ndodhë hymë në një fazë të rrezikshme të këtyre raporteve, të cilat mund të destabilizojë raportet jo vetëm tonat si dy shtete, por edhe rajonin”, tha Thaçi.

“Projekti i Serbisë për ndarje të Kosovës ka dështuar, ndonëse e ideja nuk ka vdekur”, tha Albin Kurti.

“Inkurajoj Kosovën dhe Serbinë që të arrijnë një dialog normalizimi. Për momentin veprimet uniterale për të Kosovën dhe Serbinë e bëjnë të vështirë progresin në  dialog”.

Sipas anketimit së Institutit Ridea 32 përqind e qytetarëve janë për korrigjimin e kufijve që do të rezultonte me njohjen dhe anëtarësimin e Kosovës në OKB./ABC News Albania 24/7

 

RREZIKU-LUSHNJE-FIER_ABC-M2-T1.mpg_snapshot_00.29-1280x720.jpg
ent ela14:32 | 11/06/2019

Në autostradën Lushnjë-Fier, rreziku ndaj aksidenteve është rritur ndjeshëm. Kjo për shkak se mbikalimet nuk përdoren nga banorët në dy anët e rrugës.

Për të kaluar kryqëzimin këtë fermer e shoqëroi Policia Rrugore. Lëvizja e mjeteve në hyrje të autostradës Lushnje Fier u ndalua derisa kafsha e ngarkuar me bar kaloi në anën tjetër.

Fermeri:Unë kam ecur 3 km rrugë. E bëj këtë rrugë 4 herë këtë unë nisa nga Savra do shkoj në Karbunarë. Ata vetëm për qytetarët bëjnë rrugë, po fshatarët, po nuk punoi fshati nuk ha qyteti”.

Nga Savra në Karbunar përgjatë 4 km kalojnë çdo ditë mjete bujqësore dhe kafshë. Qarkullimi bëhet në anën e kundërt për shkak të mungesës së rrugës dytësore.

Situata bëhet më problematike në kryqëzimin e vendit të quajtur pushimi i shoferit në Lushnjë.

Zona njihet si një ndër njollat e zeza, përsa i përket rrezikut nga aksidentet. Kalimi i këmbësorëve kryhet mes për mes autostradës. 20 metër nga kryqëzimi është ndërtuar mbikalimi, por që nuk përdoret.

Edhe xhepat e rrugës janë kthyer në venqendrim të autobusëve dhe furgonëve. Këtu pasagjerët qëndrojnë për orë të tëra duke pritur mjetet e transportit.

Kapërcimi i rrugës duke kaluar para makinave dhe lëvizja  në krahun e kundërt e kanë kthyer autostradën Lushnje- Fier në zonën më të rrezikshme.

Duket se as shtimi i patrullave të policisë rrugore dhe as përmirësimi i sinjalistikës nuk do e heqin këtë segment nga lista e zezë e aksidenteve.

Gazetare e ABC News, Lushnje: Anila Sefa

 

metaa-1280x723.jpg
Sej rie08:30 | 10/06/2019

Presidenti Ilir Meta ka dalë mëngjesin e kësaj të hëne në një konferencë të jashtëzakonshme për shtyp, për të sqaruar vendimin e tij në lidhje me anulimin e zgjedhjeve të  30 Qershorit. Presidenti u shprehur se “Qeveria synon të shkojë e vetme në zgjedhje pa marrë asnjë hap për zgjidhen e krizës dhe dialog, nga ana tjetër edhe opozita shprehet se do të pamundësoje zgjedhjet, në vlerësim të situatës dhe gjuhës së urrejtje. Eksiton  rreziku që vendi të shkojë drejt përshkallëzimit të pasojave të pakontrollueshme. E konsideroj këtë moment si moment serioz për paqen në vend”.

“Në ushtrim të kompetencave, Presidenti me dekretin ka caktuar datën 30 Qershor 2019 si ditën e zgjedhjeve për organet e qeverisjes vendore. Caktimi i datës është bërë në një klimë normale, por nga ndjekja e këtij procesi rezulton se nga skadimi i afatit, partitë e opozitës nuk janë regjistruar në zgjedhje, pasi sipas tyre nuk garantohet procesi i drejtë. Shqipëria po kalon një krizë të rëndë kushtetuese, ku më shumë se një vit Shqipëria nuk ka Gjykatë kushtetuese, por edhe Gjykata e Lartë nuk funksionon. Ekziston rreziku real që Shqipëria të shkojë në konflikt social. E konsideroj moment serioz për sigurinë e stabilitetin. Detyra primare e Presidentit është të garantojë unitetin e popullit. Vlerësoj se organizimi i zgjedhjeve të lira demokratike është baza themeltare e një shoqërie demokratike. Realizimi i zgjedhjeve pa garë dhe pa pjesëmarrjen e opozitës është jo demokratike. Qytetarëve shqiptarë iu hiqet mundësia e zgjedhjes së alternativës më të mirë. Në 2015 forcat politike që përbëjnë sot opozitën kanë fituar 48.6 % të votave, PS dhe aleatët 43% të votave. Realizimi i zgjedhjeve pa opozitën, do e përfshinte Shqipërinë në listën e vendeve jodemokratike që bëjnë vetëm votime. Nëse në zgjedhje merr pjesë vetëm maxhoranca qytetarëve iu mohet ushtrimi kushtetues i së drejtës për të zgjedhur”-tha Meta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono