rreziku

city-1280x800.jpeg
ent ela21:19 | 14/05/2019

Skuadra kampione e Anglisë, Manchester City rrezikon përjashtimin nga Champions League për shkak të shkeljes së rregullave të fair play financiar. Hetuesit e UEFA-s pritet të depozitojnë në organet përkatëse kërkesën për dënimin e shkuadrës ishullore.

Manchester Siti përfundon sërish në telashe. Kampionet në fuqi të Premier League rrezikojnë përjashtimin nga Champions League për shkak të shkeljes së rregullave të Fair Play, financiar në vitin 2014.

Parashikohet që deri në fundin e kësaj jave hetuesit e UEFA-s do të depozitojnë në organet përkatëse kërkesën për përjashtimin e Manchesterit në kompeticionet europiane.

Kërkesa për përjashtimin e gjigandit anglez të futbollit pritet të vijë pas një hetimi dy mujor ku është konstatuar një bashkëpunim i klubit me shoqëri të ndryshme financiare, llogaritë e të cilave përfundojnë në parajsat fiskale.

Aludohet se rreth 68 milionë paund janë depozituar në financat e klubit ishullor nga pronaret arabë dhe janë deklaruar si të ardhura nga sponsorët. Minimalisht institucionet përkatëse në UEFA mund ta dënojnë klubin anglez me pezullimin e merkatos me një sezon.

Në rast se Manchester City pezullohet në një kohë të shkurtër, kjo do t’i shërbente pozitivisht skuadrës së Arsenalit dhe Manchester United për të luajtur sezonin e ardhshëm në Champions dhe Europa League.

Akuzat e UEFA-s janë edhur poshtë nga Manchester City që mohon kategorikisht përjashtimin duke theksuar se ka qenë gjithmonë korrekt me zbatimin e fair play financiar. /ABC News Albania 24/7

Drejtues-motorri-1280x718.jpg
ent ela14:50 | 10/04/2019

Edhe pse janë ndërmarrë masa ligjore disa herë, fenomeni i mospërdorimit të kaskës mbrojtëse vijon të jetë prezent tek drejtuesit e motorëve. Të pyetur nga ABC News qytetarët shprehen se mospërdorimi i kaskës përbën një rrezik të madh për jetën e drejtuesve të motorëve apo dhe biçikletave.

Një kaskë mbrojtëse mund të të shpëtojë jetën, edhe pse jo të gjithë e përdorin. Motorët janë mjeti lëvizës me të cilët mund të kursesh kohë në trafikun e rënduar të një metropoli si Tirana, por drejtues të tyre anashkalojnë përdorimin e kaskës, çka i bën ata më të ekspozuar ndaj rrezikut.

Në teori të gjithë duken dakord se kaska mbrojtëse është një domosdoshmëri për përdoruesit e motorëve, njëlloj edhe për të biçikletave, përveçse detyrim ligjor.

Megjithatë sensibilizimi për këtë masë mbrojtëse shtesë, është i dukshëm edhe tek përdorues të biçikletave, të cilët kanë korsi të dedikuara në zona të caktuara në Tiranë.

Për shkak të aksidenteve, disa herë edhe fatale, policia ka forcuar masat ligjore ndaj mospërdorimit të kaskave mbrojtëse për drejtuesit e motorëve, por pavarësisht kësaj neglizhenca vijon të jetë prezente tek këta drejtues./abcnews.al

KLIMA-RAPORTI.mpg_snapshot_00.01-1280x720.jpg
ent ela12:23 | 22/01/2019

Në raportin e fundit të publikuar rreth ndryshimeve klimaterike, Instituti i Burimeve Botërore jep alarmin se objektivat kryesorë të vendosur për vitin 2020, nuk mund të arrihen.

Bota po humbet rastin më të mirë për të shmangur efektet e ndryshimeve klimaterike dhe për të arritur objektivat kryesorë për vitin 2010. Edhe pse planeti tokë aktualisht është goditur nga shumë stuhi të mëdha, thatësi, përmbytje të provokuara a e nivelit të detit, emetimet e gazit serë vazhdojnë të rriten dhe një studim i institutit të burimeve botërore tregon se përpjekjet për të kufizuar rritjen e temperaturave po dështojnë.

Në vitin 2017 ekspertët vendosën si objektiv për vitin 2020 që të  mos kishte më një rritje temperature prej më shumë se 1.5 centigradë. Disa progrese janë bërë në energjitë e rinovueshme pro në shumë sektorë të tjerë, sipas raportit, masat e marra janë të pamjaftueshme.

Në këtë kuadër duket gjithnjë e më e vështirë që të arrihet një reduktim drastik i emetimeve në vitin 2020. Dhe rreziku për të arritur në një pikë të pakthyeshme është dramatikisht gjihnjë e më konkret. /abcnews.al

gomone18.jpg
ent ela16:04 | 19/01/2019

Një skaf me flamur holandez që rrezikonte të mbytej në brigjet e Sarandës është shpëtuar nga rojet bregdetare.

Mjeti lundrues që drejtohej nga një shtetas italian ishte nisur në mëngjes nga Korfuzi dhe në orën 11:30 dha alarmin SOS.

Menjëherë i kanë ardhur në ndihmë rojet bregdetare të Sarandës, duke shpëtuar shtetasin italian dhe skafin. /abcnews.al

GJERMANI-SIGURIA.mpg_snapshot_00.15-1280x880.jpg
ent ela22:29 | 20/12/2018

Autoritetet në Gjermani kanë rritur masat e sigurisë në aeroportet kryesore të vendit, pas sinjalizimeve për sulme të mundshme terroriste. Strukturat ligjzbatuese kanë vepruar të ndikuara edhe nga sulmi i një jave më parë në Strasburg, që ndodhet 150 kilometra larg qytetit të Shtutgartit.

Aeroportet më të mëdha të Gjermanisë janë vënë në gjendje alarmi pasi 4 persona të dyshuar për terrorizëm u vunë re teksa monitoronin aeroportin e Shtutgartit. Policia lokale është vënë në kërkim të dy personave, atë e bir, nga rajoni i Rehnit Verior Vestfalia, si dhe për dy persona të tjerë që po fotografonin terminalin e aeroportit. Autoritetet ligjzbatuese gjermane u vunë në lëvizje pas sinjalizimeve të dhëna nga shërbimet sekrete marokene, një javë pas sulmit terrorist të ndodhur në kufirin me Francën. Tre persona mbetën të vrarë nga Sherif Çekat në tregun e Krishtlindjes së Strasburgut, që ndodhet rreth 150 km nga Shtutgarti. Policia gjermane ka deklaruar për transmetuesin publik ARD se forcat e sigurisë janë në gjendje gatishmërie në të gjitha aeroportet e vendit, ndërsa revista “Bild” në edicionin online ka saktësuar se masat janë përforcuar në 14 strukturat më të mëdha të Gjermanisë. Që prej sulmit të Strazburgut, aktivitete të dyshimta janë konstatuar edhe në aeroportin “Sharl dë Gol” të Parisit. Në rastin gjerman, atë e bir u kapën përmes kamerave të sigurisë teksa bënin foto përreth aeroportit, por u larguan para se të mbërrinte policia. Gjermania ra pre e një sulmi terrorist pak përpara Krishtlindjes së vitit 2016, kur xhihadisti tunizian Anis Amri vërshtoi me një kamion në tregun festiv të Berlinit, duke vrarë 12 persona dhe plagosur shumë të tjerë. /abcnews.al

RREZIKOHET-URA-E-SPLAPIT-1280x720.jpg
ent ela15:31 | 04/12/2018

Një nga urat më të vjetra e ndërtuar mbi Shushicë për t’u dhënë mundësi banorëve të atyre kohëve të lëviznin, rrezikon të dëmtohet. Ura mban statusin e Monumentit të Kulturës dhe ka vetëm pak vite që është restauruar.

E ndërtuar në shekullin XVIII, Ura e Slapit në Mavrove po rrezikohet. Inertet që grumbullohen nga punimet në lumin e Vlorës janë depozituar pranë saj.

Ura është e tipit me një hark me dopio qemer dhe në të dy anët e harkut ruhet nga një kamare. Objekti mban statusin e monumentit të Kultures.

Në Drejtorinë Rajonale të Kulturës rasti i depozitimit të mbetjeve inerte njihet. Por drejtuesit thonë se problemi po ndiqet, se ura po ruhet.

Drejtor i Kulturës në Vlorë, Orges Feimi: “Problematika ka qenë në pjesën e shtrirjes së pjesës së vjetër, por gjatë punimeve në lidhje me aksin e ri të lumit të Vlorës ka pasur inerte që janë depozituar përgjatë urës”.

Në kohët e shkuara përgjatë rrjedhës së Shushicës për të siguruar kalimin e njerëzve dhe mallrave në të dy brigjet e lumit janë ngritur disa ura.

Drejtor i Kulturës në Vlorë, Orges Feimi: Janë marrë disa masa që këto dy monumente të behën pjesë integrale e projektit të lumit të Vlorës që të vizitohen nga të gjithë”.

Përveç funksionit praktik, mjeshtëria e ndërtimit të tyre dëshmon dhe për një shije të lartë estetike të banorëve të krahinës së Labërisë.

Drejt urës së Slapit mund të shkohet me çdo mjet transporti, duke ndjekur rrugën nga qyteti i Vlorës drejt fshatit Mavrovë. /abcnews.al

LEZHE-ZJARRI-MBULIM_ABC-M2-T1.mpg_snapshot_00.02-1280x720.jpg
ent ela12:29 | 15/11/2018

Një zjarr i madh përfshiu në mesnatë masivin pyjor në dalje të qytetit të Lezhës. Flakët janë konstatuar nga banorët e zonës fare pranë rrugës, që lidh Lezhën me Milotin. Ata lajmëruan menjëherë zjarrfikësit.

Fillimisht u dogj një sipërfaqe me shkurre dhe flakët u përhapën me shpejtësi duke rrezikuar edhe biznese. Nga zjarri raportohet se është dëmtuar rrjeti elektrik i Zejmenit.

Vënia nën kontroll e zjarrit dhe fikja e tij është bërë e mundur pas dy orësh punë nga ana e forcave zjarrfikëse.

Dyshohet që zjarri të jetë shkaktuar nga një pakujdesi e kalimtarëve, por nuk përjashtohet edhe ndonjë zjarrvënie e qëllimshme. /abcnews.al

SEMAFORET-RREZIK-AKSIDENTESH-1280x720.jpg
ent ela16:54 | 08/11/2018

Në Tiranë shumë semaforë në vend që të parandalojnë aksidentet rrugore bëhen shkak për to. Ato janë programuar në mënyrë të tillë që ndërpresin trajektoren e lëvizjes mes këmbësorëve dhe automjeteve. ABC News vëzhgoi situatën në disa prej kryqëzimeve kryesore.

Të kesh të drejtë nuk shpëton nga rreziku! Semaforët në shumë prej kryqëzimeve të Tiranës nuk koordinohen mes njëri-tjetrit duke u bërë burim aksidentesh.

Pershembull;  Automjetet që zbresin nga rruga “Luigj Gurakuqi” kanë të drejtë të kthehen në të djathtë, ndërsa këmbësorët të ngjiten nga sheshi “Skënderbej“ drejt Pazarit të Ri.

Në kryqëzimin e rrugës së “Barrikadave” kalimtarët lejohen të kalojnë në anën tjetër të rrugës njëkohësisht makinave u jepet e drejta të ngjiten drejt rrugës së “Dibrës”.

Në këtë kryqëzim të bulevardit “Dëshmoret e Kombit” automjetet kanë të drejtën e kalimit në të majtë, ndërsa këmbësoret nga trotuari pranë Kryesisë së Kuvendit tek ai pranë Kryeministrisë.

Ndërprerje të trajektores së kalimtareve me mjetet vihet re edhe në kryqëzimin mes shkollës nënte vjeçare “Kosova” dhe Liceut Artistik.

ABC News monitoroi situatën në katër prej kryqëzimeve në kryeqytet, por specialisti i sigurisë rrugore Artur Sulçe na tregon të tjera rrugë problematike në Tiranë.

“Unaza e vogël e cila pas muzeut ka problematikën e vet, ka problematikë kryqëzimi te gjykata e lartë, unaza e mesme, rruga e Elbasanit, ura  emadh e lanës ku ka trafik, ura Vasil Shanto dhe rrethrrotullimi i Zogut të Zi, kurse 21 dhjetori i ka më të zgjidhur këtë element dhe te Farmacia 10 mund të rikualifikohet dhe të ketë zgjidhje më të mirë”.

Semaforët në kryeqytet sipas Sulçes duhet të riprogramohen. Por  kjo nuk është e vetmja zgjidhje që jep eksperti i sigurisë rrugore.

“Do ishte mirë që pjesa më e madhe e kryqzimeve të kihsin semaforë intekigjentë dhe jion naalogë, që duke u kontrolluar nga qendra në fundksion të trafikit të rregullohej dhe ngjyra e semaforëve. Qendra nëse do ishte në efikasitet të plotë nëse do kapnit semaforin me jehsile e gjithë lëvizja do ishte e hapur”.

Derisa kjo të ndodhë, për të shmangur aksidentet këmbësorë e drejtues automjetesh duhet të bëjnë sytë katër pavarësisht asaj që tregon semafori. /abcnews.al

 

 

 

 

 

 

OKB-FOKUSHIMA-1280x720.jpg
ent ela13:55 | 26/10/2018

Sipas një raporti të fundit të kombeve të bashkuara, pas tërmetit të vitit 20122 në Fukushima, niveli i rrezatimeve është ende shumë i lartë. Për këtë arsye OKB po përpiqet të ndalojë rikthimin e banorëve në zonë.

Qeveria japoneze duhet të ndërpresë programin e rikthimit të grave dhe fëmijëve të evakuar, në zonat e shkatërruar të Fukushimës. Kërkesa bëhet nga organizata e kombeve të bashkuara, të cilat paralajmërojnë se pas tërmetit të marsit të vitit 2011, niveli Iirrezatimeve është ende shumë I lartë. Në një raport për ndotjen e ajrit, kombet e bashkuara kritikojnë vendimin e Tokios për të anuluar urdhërimin e avakuimit në masë nga pjesa më e madhe e vedneve të goditura nga fatkeqësia natyrore.

Autori i raportit, Baskut Tuncak, këmbëngul se anulimi gradual i urdhrit për evakuim ka krijuar shumë presoon tek personat, jeta e të cilëve është preur nga kjo tragjedi. Shumë prej tyre e interpetojnë vendimin e qeverisë si një detyrim. Shqetësimi më i madh është për vendet ku niveli i rrezatimit tejkalon çdo normë mesatare, një nivel të cilin më parë autoritetet japoneze e konsideronin si të papranueshëm për fëmijët dhe gratë në moshë riprodhimi.

Një i deleguar i misionit japonez në Kombet e Bashkuara të Gjenevës e cilësoi raportin si pak objektiv dhe duke e akuzuar se po përhap informacione jo të vërteta. Një ditë pas incidentit bërthamor të Fukushimës, qeveria japoneze ishte e para që reagoi për rrezikshëmrinë me të cilën përballeshin banorët atje për shkak të rrezatimeve. Në muajin gusht të këtij viti, Tuncak dhe dy aktivistë të Kombeve të Bashkuara kritikuan hapur Tokion se po rrezikonte jetën e dhjetëra mijëra të punësuarëve në impiantin bërthamor në Fukushima. /abcnews.al

ks.jpg
ent ela09:25 | 24/10/2018

Nënsekretari i shtetit në SHBA Matthew Palmer dhe deputeti i parlamentit gjerman Peter Beyer vizituan Prishtinën. Dialogu Kosovë-Serbi ishte tema kryesore e bisedimeve, që zhvilluan ata me poltikanë drejtues në Kosovë.

Drejtuesit kryesorë të institucioneve të Kosovës pritën të martën në Prishtinë në dy takime të veçanta dy zyrtarë të lartë, një nga SHBA dhe një nga Gjermania: Nënsekretatin amerikan të shtetit, Matthew Palmer dhe deputetin kristiandemorat të parlamentit, Peter Beyer. Dialogu ndërmjet Kosovës dhe Serbisë dhe formimi i ushtrisë së Kosovës, mësohet se kanë qenë dy temat kryesore, për të cilat është folur në këto takime, ndonëse nuk jepen shumë detaje.

Deputeti gjerman Peter Beyer i ka përcjellë Presidentit të Kosovës, Hashim Thaçi, qëndrimin e Gjermanisë kundër korrigjimit të kufijve Kosovë-Serbi. “Kam dëgjuar disa shprehje si korrigjim i kufijve, shkëmbim i territoreve. Kjo është ndarje. Nuk është e shëndetshme, është shumë e rrezikshme. Të zgjedhurit duhet të kujdesen për qytetarët e tyre. Deputetët janë ata që përfaqësojnë vullnetin e qytetarëve”, tha deputeti gjerman Peter Beyer, në një deklaratë para gazetarëve pas takimit, duke e bërë të qartë qëndrimin e Gjermanisë, “kundër shkëmbimit të territoreve apo korrigjimit të kufijve” dhe se sipas tij, “normalizimi i marrëdhënieve kërkon zgjidhje të qëndrueshme”.

Deputeti gjerman tha, se ka folur qartë me presidentin Thaçi, por në një moment ky i fundit i kishte thënë se “unë jam president dhe unë vendos”.

“E takova Thaçin para jush dhe isha shumë i qartë. Fola saktësisht të njëjtat gjëra që po flas me ju, që të mos përsëriten. Nuk mendoj që u surprizua, ai e di qëndrimin gjerman”, tha deputeti Peter Beyer, i cili bëri të ditur se nga Prishtina do të udhëtojë për në kryeqytetin e Serbisë, Beograd për ta takuar presidentin Aleksandër Vuciq.

“Kam për ta takuar presidentin serb nesër dhe jam kureshtar ta dëgjoj opinionin e tij”, tha Peter Bayer.

E presidenti Thaçi, nga ana e tij, shumë shkurt shkroi në rrjetin social facebook, për takimin me deputetin gjerman, pa përmendur nëse deputeti gjerman i ka përcjellur qëndrimin e Gjermanisë lidhur me dialogun Kosovë-Serbi.  “Sapo përfundova një takim me deputetin gjerman nga radhët e CDU-së, Peter Beyer, me të cilin biseduam për marrëdhëniet ndërmjet dy shteteve, situatën politike në rajon si dhe për dialogun Kosovë – Serbi, i cili duhet të përfundojë me njohje reciproke. Jemi mirënjohjes për mbështetjen gjermane në procesin e shtetndërtimit në Kosovë. Shteti gjerman vazhdon ta mbështesë procesin e anëtarësimit të Kosovës në organizata ndërkombëtare”, shkruan presidenti Thaçi.

Ndërkohë në Kosovë qëndroi për një vizitë edhe nënsekretari amerikan i shtetit, Matthew Palmer. Ai u takua me presidentin Thaci dhe kryeministrin Haradinaj. Në një njoftim të Presidencës thuhet se “SHBA-ja e mbështet procesin e dialogut ndërmjet Kosovës dhe Serbisë”, pa elaboruar detaje tjera të takimit. Presidenti Thaçi, vazhdon të këmbëngulë për një marrëveshje finale me Serbinë, që -siç thotë- do të siguronte njohje reciproke.

“Pas marrëveshjes ndërmjet Maqedonisë dhe Greqisë është radha e një marrëveshjeje historike ndërmjet Kosovës dhe Serbisë. Është moment i mirë për të arritur një marrëveshje historike, që siguron njohje reciproke ndërmjet Kosovës dhe Serbisë”, thotë Thaçi.

Kryeministri i Kosovës, Ramush Haradinaj, thotë se është e domosdoshme që skena politike kosovare të  jetë e unifikuar për fazën finale të dialogut. “Qeveria e Kosovës është e angazhuar për krijimin e një koncepti për unitet të forcave politike dhe ka hartuar rezolutën përkatëse. Sa i përket arritjes së marrëveshjes ligjërisht obligative me Serbinë, në kuadër të takimit, theksova qëndrimin e gjithanshëm, se jemi të paluhatshëm në ruajtjen e realitetit dhe qenësisë kushtetuese të Kosovës, që është arritur falë sakrificës së popullit tonë dhe investimit afatgjatë amerikan dhe të aleatëve tanë strategjikë”, shprehet kryeministri Haradinaj.

Por skena politike kosovare vazhdon të jetë e ndarë sa i përket qasjes për fazën finale të dialogut Kosovë-Serbi. Përplasja më e madhe në qëndrime është ndërmjet presidentit dhe kryeministrit. Presidenti vazhdon të këmbëngulë në idenë e tij për korrigjim kufiri me Serbinë, (që lugina e Preshevës t’i bashkohet Kosovës), ndërsa, kryeministri thotë, se “çdo korrigjim apo ndryshim kufiri”, është shumë i rrezikshëm për Kosovën./DW


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono