rregullat

vlore-1.jpg
Sej rie20:15 | 21/07/2019

Shefi i Sektorit të Policisë Rrugore në Drejtorinë Vendore të Policisë Vlorë, Kryekomisar Naum Doko, gjatë një prononcimi për mediat në lidhje me masat e Policisë Rrugore për sezonin turistik e veror.

Në Qarkun e Vlorës e gjithë rruga sa del nga autostrada që vjen nga Fieri duke filluar nga rrethrrotullimi i Nartës, rruga transballkanike, skelë, lungomare, Radhimë, Orikumë, Llogara, Dhërmi, Himarë, Sarandë, Ksamil e Butrint është një aks përgjatë gjithë bregdetit Jon dhe është bërë e gjithë qëndër e banuar nga plazhistët.

Ky aks në të dyja anët është i populluar me njërëz, rruga është me një korsi vajtje, me një korsi ardhje me distancë të afërt të këmbimit të mjeteve.

Në një anë të saj ka pjesë të fortë mbrojtëse betoni dhe gjithë ky aks ka rrisk për aksidente, prandaj kërkohet nga të gjithë përdoruesit e rrugës, si drejtuesit e mjeteve dhe plazhistët në rolin e këmbësorëve të zbatojnë rregullat e kodit rrugor.

Mjetet të mos qarkullojnë me shpejtësi, të respektojnë kufizimet e shpejtësisë, shpejtësia e tyre duhet të jetë deri në 40 km/h, të mos bëjnë nervozin e të mos ushtrojnë presion në drejtimin e mjetit për shkak edhe të alternativave për të shkuar në destinacion.

Të vendosin rripin e sigurimit.

Këmbësorët duhet të bëjnë shumë kujdes, të kalojnë në trotuar dhe në anë të rrugës, dhe kur të përshkojnë rrugën nga njëra anë në anën tjetër të kalojnë në vendkalimet e këmbësorëve duke parë nga të dyja krahët, majtas dhe djathtas, e pastaj të kalojnē

5-1280x853.jpg
Sej rie19:00 | 05/06/2019

Komisioni Europian ka akuzuar Italinë se ka shkelur rregullat fiskale të BE-së, pasi nuk ka përmbushur zotimet për reduktimin e deficitit buxhetor. Një deklaratë e tillë i hap rrugë nisjes së procedurës për vendosjen e sanksioneve ndaj Italisë.

Komisioni Europian deklaroi të mërkurën se Italia me rritjen e borxhit të saj ka shkelur rregullat e BE-së, duke i hapur rrugë kështu nisjes së procedurave disiplinore që mund të çojnë në një debat të gjatë me Romën zyrtare. Brukseli insiston se procesi mund të ndalej nëse Roma do të kishte ndryshuar kurs, por reagimi i parë nga qeveria italiane tregon se ka fare pak vullnet për ta rishikuar nivelin e buxhetit. Italia shmangu të njëjtën procedurë në dhjetor të vitit të kaluar, duke u zotuar se në 2019-n do të reduktonte deficitin. Por, pasi shifrat e reja nuk përputhen me ato të angazhimeve të saj, Komisioni u rikthye të mërkurën në kundërsulm, duke deklaruar se vendi nuk ka bërë sa duhet për të ulur nivelet e borxhit.

Megjithatë, komisioneri i BE për Euron, Valdis Dombrovskis deklaroi se të paktën sot nuk do të nisë një procedurë kundër Italisë, duke nënvizuar se hapa të mëtejshëm duhen ndërmarrë në mënyrë që të nisë procesi. Konkretisht, shtetet e Bashkimit Europian në dy javët e ardhshme duhet të mbështesin argumentet e parashtruara nga Komisioni, se procedura është e justifikuar.

Pas kësaj, Brukseli mund të rekomandojë nisjen e procedurës, që mund të ndodhë përpara takimit të ministrave të Financave që mbahet në fillim të korrikut. Komisioneri i BE për Ekonominë, Pierr Moskovici deklaroi se dyert janë të hapura për të ndryshuar perspektivën, nëse Italia merr përsipër përgjegjësitë. Procedura ndaj Italisë mund të çojë në sanksione financiare dhe një mbikëqyrje më të rreptë të financave publike të vendit./ABC News Albania 24/7

16852328_403.jpg
ent ela09:24 | 23/08/2018

Të tërhiqen më shumë punonjës të kualifikuar në Gjermani – ky është qëllimi i ligjit në planifikim të migracionit, që është duke e përgatitur aktualisht qeveria federale.

Një gjë e kanë të qartë autorët e projektligjit të ri për migracionin e punës: papunësia e ulët dhe popullsia në plakje në Gjermani ua bëjnë të vështirë sipërmarrjeve, që t’i zenë me punonjës të kualifikuar vendet vakante të punës. Po ashtu autorët e projektligjit e pranojnë, që edhe punësimi i shtetasve të BE-së nuk do të jetë i mjaftueshëm, për të kompensuar mungesën e punonjësve të kualifikuar në tregun gjerman.

Gjermania për këtë arsye duhet të jetë shumë më efektive në tërheqjen e punonjësve të kualifikuar nga vendet e treta, thuhet në dokumentin përkatës – me vende të treta nënkutpohen vendet jashtë BE-së.

Dokumenti i formuluar nën drejtimin e Ministrisë së Brendshme dhe i pasuar për plotësim në Ministrinë e Punës dhe të Ekonomisë në fund të gushtit do t’i dorëzohet kabinetit të kancelares Angela Merkel. Me këmbënguljen e ministrit të Brendshëm kristiansocial (CSU)Horst Seehofer synohet që të evitohet një “migrim në sistemet e sigurimit social”.

Gjermania nuk preferon sistemin e pikëve

Ndryshe nga vendet si Britania e Madhe, Kanadaja dhe Australia, qeveria gjermane nuk do të aplikojë sistemin e pikëve. Në një sistem të tillë migrantët i nënshtrohen një verifikimi prej disa etapash, në të cilin vlerësohen kryesisht arsimimi, gjendja financiare, njohuritë e gjuhës dhe aftësitë për në tregun e punës. Sipas kushteve që plotësojnë migrantët klasifikohen me një numër të caktuar pikësh. Nëse numri i pikëve është i lartë atyre u jepet një vizë. Nëse numri i pikëve është i ulët, ata nuk pranohen.

Një sistem i tillë me pikë u propozua në vitin 2016 nga partia socialdemokrate. Asokohe propozimi u mirëprit edhe nga partitë e tjera të qendrës së majtë. Në draftin aktual rekomandohet, që njerëzit të përzgjidhen mbi bazën e kritereve të sipërpërmendura, por jo me sistem pikësh.

Se si mund të bëhet vlerësimi në rrethana të tilla, për këtë ekspertët aktualisht nuk janë të qartë. “Shtroj pyetjen, se si mund të zbatohet kjo”, thotë Thomas Liebig, studiues i migracionit pranë OECD-së (Organiazat për Bashkëpunimin Ekonomik dhe Zhvillimin). “Unë nuk e di, se si mund të vlerësohen kritere të tilla. Në këtë rast është i nevojshëm një sistem pikësh.”

Rregullore e thjeshtë për kandidatët e kualifikuar

Për njerëzit me nivel të lartë arsimimi Gjermania ka ndërkohë një ndër ligjet më të thjeshta të migracionit në mbarë botën. “Në kushtet aktuale është më e thjeshtë të vish në Gjermani se sa p.sh. të shkosh në Kanada”, thotë Liebig. “Sistemi gjerman përqendrohet ndërkohë tek kualifikime mjaft formale. Nëse keni kualifikimin dhe një punë, mund të vini në Gjermani. Madje nuk është e detyrueshme të flisni gjermanisht.”

Njerëzve me kualifikim të nivelit të lartë Gjermania u jep një vizë. Ju mund të vini edhe pa një vend konkret pune në Gjermani dhe të kërkoni punë.

Por ajo që mungon në Gjermani, janë njerëzit me kualifikim të ashtuquajtur të nivelit të mesëm: infermiere, kujdestarë, ndihmës në kopështet e fëmijëve dhe profesionistë si elektriçistë apo marangozë. Për të gjitha këto zanate duhet të ketë një kualifikim të zyrtarizuar. Sipas Liebig punë të tilla mbulojnë 60 përqind të tregut gjerman të punës.

Deri tani ka pasur pengesa për njohjen e kualifikimeve të tilla. Shmangia e kësaj pengese, parashikohet në draft si “kyçi për një integrim të sukseshëm në tregun e punës” .

Shembull Danimarka

Eshtë e paqartë në draft, se çfarë kërkesash të mëtejshme janë të nevojshme: çfarë niveli të njohurive të gjuhës gjermane duhet të vërtetojë migranti i mundshëm? Duhet që aplikantët të kenë një ofertë konkrete pune nga një ndërmarrje gjermane?

Ndërkohë duket, sikur qeveria gjermane po tenton të japë viza për ata që kërkojnë punë dhe kanë një nivel mesatar kualifikimi. Një model i tillë është provuar si mjaft i preferuar në Danimarkë. Por në Gjermani me këtë nuk ka asnjë përvojë.

Shumë gjëra varen nëse punëdhënësit gjerman janë të gatshëm ta marrin parasysh një risk të tillë, pra të punësojnë njerëz me vizën përkatëse. “Kjo është një pikëpyetje e madhe”, thotë Liebig. Ai tërheq vëmendjen, se shumë sipërmarrje gjermane nuk preferojnë të punësojnë njerëz nga jashtë. “Ne i kemi pyetur punëdhënësit gjerman, nëse kanë interes të marrin punonjës nga tregje të huaja pune. Përgjigja dominuese ka qenë: jo, në asnjë mënyrë.”

“Për momentin duket sikur po aplikohet një sistem prej dy etapash: vijnë njerëz që kërkojnë punë. Nëse gjejnë një vend pune, atëherë ata marrin një vizë”, shpjegon Liebig.

Thjeshtimi i burokracisë

Për t’u bërë më atraktive për njerëzit me aftësi të veçanta apo arsimim të caktuar, Franca para pak kohësh ka precizuar një ligj migracioni. Ashtu si në Gjermani synohet që të thjeshtohet burokracia. Në rastin e Francës kjo prek kryesisht punonjës me funksione drejtuese për sipërmarrje ndërkombëtare, të cilët fitojnë mbi 5.000 Euro në muaj – normalisht këta janë shkencëtarë, punonjës në industrinë e argëtimit, punonjës sezonalë dhe profesione të regjistruara.

Ndërsa Suedia ndjek një politikë shumë më liberale – “parimisht atje mund të shkosh për çdo lloj pune”, thotë Liebig. Franca në të kundërt është e mbyllur. Gjermania do të pozicionohet diku në mes.” /DW

gettyimages-643359410.jpg
us er12:52 | 31/10/2017

Reforma e arsimit të lartë në Francë pritet të ndryshojë rregullat e pranimit në universitete në këtë vend si dhe të reduktojë numrin e pranimeve në auditore.

Emmanuel Macron dëshiron të thyejë një tabu tjetër franceze: hyrjen e lirë në universitete. Qeveria franceze prezantoi reformën që do të vendosë rregulla të reja për regjistrimin në auditore. Franca është një nga vendet e fundit perëndimorë që nuk parashikon një numër të kufizuar testesh pranimi për pjesën më të madhe të auditoreve.

Realisht nxënësit më të mirë shpesh shkojnë në universitetet më në zë ku ka kritere super seleksionuese për një numër shumë të vogël studentësh, pjesa më e madhe e të cilëve i përkasin elitës së vendit. Shembulli më konkret është ai i kreut aktual të shtetit

Pjesa tjetër e studentëve përfundon në një sistem universitar të pataksuar. Nga ana tjetës sistemi i hapur bën që fakultete si psikologjia, mjekësia dhe juridiku të jenë të mbipopulluar. Vitete e fundit është përdorur dhe një lloj llotarie për të përcaktuar se kush mund të hynte dhe kush jo.

Një absurditet sipas Makron i cili kishte premtuar gjatë fushatës elektorale q ëtë ndryshonte situatën duke thënë se më shumë se 70 për qind e studentëve të regjistruar më pas e braktisin universitetin. Duke theksuar se universiteti nuk mund të jetë një zgjidhje për të gjithë ai propozoi si alternativë institutet teknike.

Por pedagogët nga ana tyre mendojnë se mbyllja e auditoreve nuk është një zgjidhje por duhet më shumë investim duke shtuar postet dhe duke i garantusa hyrjen e lirë në studimet e larta për të gjithë. Qeveria franceze ka ndarë një miliard euro për pesë vitet e ardhshme ndërsa rektorët kishin kërkuar pesëfishin e kësaj shume për të përmirësuar mësimdhënien.

Pjesa më e madhe e shoqatave studentore kritikon reformën e re duke thënë se është një mënyrë seleksionimi pa e pranuar si të tillë

Për Macron i cili akuzohet si president i të pasurve si pasojë e takasave të reja, sapo është hapur një front i ri përballjeje me të rinjtë që kanë paralajmëruar një protestë kundër qeverisë në 16 nëntor

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono