rovena voda

rovena-voda.jpg
G. P.15:04 | 14/07/2019

Sezoni turistik veror ka nisur dhe për rritjen e sigurisë së tij janë angazhuar mbi 1500 forca policie, jo vetëm në zonat bregdetare, por edhe në ato malore. Zv/ministrja e Brendshme Rovena Voda rendit edhe disa nga problemet që janë vërejtur deri më tani nga disa bashki bregdetare që fokusin nuk e kanë pasur te pushuesit, por te zgjedhjet lokale të 30 Qershorit.

Rreth 1500 forca policie janë angazhuar në total për mbarëvajten e sezonit turistik veror nga 1 Korriku deri më 31 Gusht. Gjatë një interviste për ABC News, zv/ministrja e Bredshme Rovena Voda, shtoi se, për t’i ardhur në ndihmë pushuesve janë stacionuar edhe mjetet ujore në zonat e mëdha bregdetare.

“324 punonjës policie i kemi të sektorit të rendit publik, kemi 63 punonjës policie të sektorit për krimet, 89 punonjës policie të sigurisë rrugore, kemi 128 punonjës policie të forcave lëvizëse operacionale dhe 907 punonjës të kufirit dhe emigracionit”, tha ajo.

Sipas Vodës, fokusi i disa bashkive bregdetare nuk ka qenë te qytetarët, por te zgjedhjet lokale që u mbyllën më 30 Qershor.

“Ka bashki që ndoshta të çoroditura nga procesi zgjedhor, apo të angazhuara më shumë në luftën politike se sa në përmbushjen e detyrave funksionale të qeverisjes vendore, nuk po kushtojnë rëndësinë dhe fokusin e duhur në përmbushjen e detyrimeve që kanë për sa i përket masave për sezonin turistik”, tha Voda.

Në mesin e sezonit veror, numri dy i Ministrisë së Brendshme veçoi plazhin e Velipojës si destinacionin që paraqet më shumë probleme për turistët e huaj dhe vendas.

“Një nga zonat problematike që kemi ne në mospërmbushjen e këtyre standardeve kemi Bashkinë Shkodër. Vërehen disa mangësi nga inspektimet që kemi bërë ne. Ne do të vazhdojmë të jemi në terren. Policia e Shtetit do të vazhdojë të ketë vëmendjen maksimale në përmbushjen e sigurisë, por të mos harrojmë që janë detyra funksionale që i kanë organet e qeverisjes vendore”, tha ajo.

Në lidhje me mbytjet e kohëve të fundit të disa turistëve, Voda theksoi se, pjesa më e madhe tyre kanë që kanë humbur jetën, ishte jo për shkak të mungesës së kullave të vrojtimit.

Kemi mundur që deri tani të mundësojmë një sezon turistik deri disi të qetë. Edhe humbjet e jetëve fatkeqësisht të disa pushuesve që ne kemi pasur kanë qenë pjesa më e madhe me probleme shëndetësore. Mbetet edhe shumë për t’u bërë. Forcat e policisë janë në gatishmëri dhe çka bëj thirrje sërish është angazhim maksimal i strukturave të qeverisjes vendore”, tha ajo./ABC News Albania 24/7

SINKRON-VODA.mpg_snapshot_01.02-1280x720.jpg
ent ela15:40 | 12/06/2019

60 shtetas shqiptarë që kishin kërkuar azil në Francë, janë riatdhesuar në aeroportin e Rinasit. Zv/ministrja e Brendshme Rovena Voda u bëri thirrje qytetarëve të mos kërkojnë azil pasi kjo mund t’i penalizojë në të ardhmen.

60 shqiptarë që kishin kërkuar azil në Francë janë riatdhesuar në vendin tonë. Të kthyerit u shoqërua me polici në aeroportin e Rinasit. Sipas zv/ministres së Brendshme Rovena Voda shanset për azil në vendet e Bashkimit Evropian janë zero.

Është një rrugë jo e drejtë dhe nuk i çon asgjëkundi, penalizohen dhe nuk lejohen të udhëtojnë në shtetet e zonës Shengen. Operacioni i Francës do të vazhdojë. Ndaj ju lutem qytetarëve shqiptarë, është e drejta e tyre të migrojnë, por të zgjedhin rrugën e migrimit të sigurtë”, tha zv/ministrja e Brendshme Rovena Voda.

Në Drejtorinë e Përgjithshme të Policisë së Shtetit është krijuar një strukturë e veçantë për identifikimin e Shqiptarëve që kanë kërkuar azil në vendet e BE./ABC News Albania 24/7

ROVENA-1280x717.jpg
Sej rie18:00 | 03/06/2019

Zëvendësministrja e Brendshme Rovena Voda e ftuar në “Mbrëmje Ide”, ka komentuar protestën e mbajtur mbrëmje e djeshme nga opozita. Ajo ka folur për hetimet që ka ndërmarrë policia ndaj protestuesve që nxitën dhunë në protestë, si dhe ka treguar se sa persona janë arrestuar dhe proceduar.

“Në fakt nga të dhënat e fundit zyrtare që kemi janë 66 të ndaluar nga të cilët 42 janë të arrestuar dhe 24 po procedohen në gjendje të lirë.  Kemi 10 policë të plagosur dhe tre protestues të plagosur, njëri prej të cilët i plagosur më lënë piroteknike”.

Më tej Voda ka thekuar se në protestë janë përdorur lëndë piroteknike, të cilat janë absolutisht të ndaluar në bazë të një urdhri.

“Çështja është në hetim dhe kjo do të thotë se organet janë duke investiguar. Ajo që panë  është fakti se aty u përdorën lëndë piroteknike në masë, si kapsolla dhe fishekzjarrë. Një protestë më parë pati edhe bomba molotov. Nga ana jonë pretendohet të ketë ndodhur edhe mbrëmjen e djeshme. Lëndët plasëse dhe mjetet piroteknike, janë të ndaluar ame një udhëzim i lëshuar nga tre ministri. Përdorimi i tyre është tërësisht i paligjshëm”.

Nga ana tjetër Voda, është shprehur se dy “armët” ka pasur policia në dorë gjatë protestave të opozitës kanë qenë gazi lotsjellës dhe uji.

“Policia ka treguar një durim të jashtëzakonshëm dhe nuk po flas nga pozicioni i zv. ministres. Sepse të sulmosh një efektiv policie në krye të detyrës përbën një vepër penale. Për të shmangur çdo lloj mundësie që të mos ketë viktima në protestë, ka pasur një udhëzim për forcat e policisë nga drejtoi i Përgjithshëm i Policisë së Shtetit, ku efektivëve u është ndaluar përdorimi i armëve të zjarrit, qoftë edhe plumbat manovër. Çdo aludim që policia ka përdorur armë zjarri bie. Ata që i qajnë hallin e policisë që i çojmë të pambrojtur do bëjnë mirë që të menaxhojnë protestuesit dhe protestat. Kjo është një tallje me Policinë e Shtetit. Ka një plan operacional, gazi lotsjellës dhe ujë janë  dy “armët” në duart e Policisë së Shtetit për të menaxhuar turmat. Policët e brezit të parë kanë pistoletë. Çdo punonjës policie ka një armë. Por në bazë të plani operacional që ka hartuar Policia e Shtetit, një nga urdhrat ka qenë mospërdorimi i armëve të zjarrit”./abcnews.al

ROVENA-VODAAAAA.mpg_snapshot_08.08-1280x720.jpg
ent ela18:30 | 13/05/2019

Protesta e sotme e opozitës është e paligjshme në kuptimin e ligjit për tubimet, ndërsa pasojat do të bien mbi organizatorët dhe protestuesit. Është kjo deklarata e Zëvendësministres së Brendshme Rovena Voda në studion e ABC News me Bruna Çifligun.

“Do ketë angazhim të forcave të policisë, ka plan operacional nga policia, por fatkeqësisht opozita do veprojë në shkelje të ligjit për tubimet, se ka bërë një kërkesë për organizmin e protestës. Është kthyer mbrapsht kërkesa për t’u plotësuar me disa elementë nuk ka asnjë reagim nga PD dhe aleatët dhe për momentin policia nuk ka një vendim për të protestuar. Pra sot në kuptimin e ligjit për tubimet është e paligjshme. Protesta do zhvillohet, policia do jetë në krye të detyrës do respektojë ligjin por pasojat do bien mbi organizatorët dhe protestuesit që në mënyrë të paligjshme do marrin pjësë në protestë”.

Ajo u bëri thirrje qytetarëve që të resektojnë ligjin dhe të mos përdorin akte dhune. Sipas saj mungon akuza e protestës dhe është një atentat ndaj institucioneve kushtetuese.

“U bëj thirrje qytetarëve të respektojnë ligjin për tubimet të protestojnë, por mos përdorin akte dhune. Dhuna nuk i përket Shqipërisë së vitit 2019, mungon kauza e kësaj proteste, një atentat ndaj institucioneve kushtetuese të Republikës së Shqipërisë. Unë besoj se prokuroria do të reagojë. Në krah të policsë së shtetit kanë qenë të gjithë partnerët ndërkombëtarë”.

E gjithë kjo sipas zv/ministres ndodh për shkak të finalizimit të reformës në drejtësi, ku ka shumë dosje të nxehta që presim të dalin përgjegjësit para drejtësisë.

“Kemi të bëjmë me turmë të çoroditur, të dëshpëruar që për shkak të reformës në drejtësi që po troket finalizimi. Ajo që ne presim është krijimi SPAK dhe BKH për korrupsionin dhe krimet e rënda dhe ka dosje të nxehta që ne presim të dalin përgjegjësit para drejtësisë. Nëse opozita do mendonte për të mirën në Shqipërisë nuk do duhet të bëhej pengesë për finalizimin e reformës në drejtësi dhe krijimin e këtyre dy institucioneve ku dalja e opozitës e vonoi”. /abcnews.al

voda-dhe-harbers-1280x853.jpg
G. P.19:54 | 08/04/2019

Nuk ka asnjë shans për të përfituar azil në Holandë. Deklarata vjen nga ministri për Emigracionin në Holandë, Mark Harbers, i cili po zhvillon një vizitë në Tiranë. Pas një takimi me zëvendësministren e Brendshme, Rovena Voda, ministri holandez tha gjithashtu se numri i shqiptarëve që tentojnë të kalojnë ilegalisht drejt Mbretërisë së Bashkuar mbetet i lartë.

Holanda mbyll dyert për emigrantët shqiptarë që shkojnë për të kërkuar azil. Ministri për Emigracionin, Marks Harbers, në një deklaratë për mediat me zëvendësministren e Brendshme, Rovena Voda, u tregua i prerë.

“Nuk ka asnjë shans për këta emigrantë për të fituar azil në Holandë. Edhe nëse dikush nuk kthehet në mënyrë vullnetare në Shqipëri, atëherë do të bëhet objekt i një rikthimi të detyruar, që përfshin edhe ndalimin administrativ”, tha ai.

Sanksione të ashpra paralajmëroi ministri holandez për ata që synojnë të përdorin këtë shtet për të kaluar në mënyrë të paligjshme në Mbretërinë e Bashkuar.

“Për ata të cilët iu shkon në mendje që të kalojnë në mënyrë të paligjshme Kanalin nga Holanda për në Mbretërinë e Bashkuar, çdo përpjekje për të kaluar në mënyrë të paligjshme Kanalin ka vetëm një rezultat: në një biletë vetëm kthimi për në Shqipëri dhe një ndalim udhëtimi për dy vjet në gjithë zonën “Schengen””, u shpreh ministri.

Numri i shqiptarëve të paligjshëm në portet detare holandeze, të cilët përpiqen të kalojnë ilegalisht për në Mbretërinë e Bashkuar tha Harbers mbetet i lartë. Ata sipas ministrit holandez përbëjnë më shumë se gjysmën e emigrantëve, të cilët bëjnë përpjekje të tilla. Ndërkohë zëvendësministrja e Brendshme Voda mendon ndryshe.

“Vërejmë me kënaqësi që masat e marra kanë dhënë deri tani një efekt të dukshëm pozitiv, në përgjithësi. Për vitin 2018, sipas të dhënave të Eurostat kemi një ulje në krahasim me vitin paraardhës, rreth 20 % të kërkesave për azil”, tha ajo.

Ministria e Brendshme, sipas zëvendësministres, ka hartuar dhe po zbaton një Plan Veprimi të gjerë për parandalimin e fenomenit të azilit në vendet e BE-së dhe zonën “Schengen”. /abcnews.al

Veliaj-ne-zyrat-e-reja-te-ALEAT-per-Njesine-6-7-1-1280x854.jpg
G. P.13:33 | 18/02/2019

Përveç zyrave të aplikimit pranë njësive bashkiake, në Tiranë po hapen zyra të reja për aplikimin për karta identiteti dhe pasaporta biometrike. Kryebashkiaku Veliaj tha se të gjithë qytetarët që kanë nevojë për këtë shërbim, do të gjejnë ambientet e duhura.

Një hapësirë në afërsi të Pallatit me Shigjeta, që deri para disa javësh shërbente si lloto, është transformuar totalisht, për t’u kthyer në një nga zyrat e aplikimit për karta identiteti dhe pasaporta biometrike për banorët e Njësive Administrative 6 dhe 7.

Erion Veliaj: Unë besoj se identiteti real i këtij qyteti është ai që jemi, ai që përfaqësojmë, familja jonë, dhe nuk janë pikat e basteve, llotot dhe bingot. Më pëlqen që me transformimin e një hapësire, që më përpara ishte e pamundur ta aksesoje, pra me lirimin e pikave të basteve, edhe bashkia mund të përballojë qira në ish-epiqendrat e vesit. Është një lajm shumë i mirë për qytetin.

Kryebashkiaku shtoi se krahas zyrave të posaçme të ALEAT-it, që po hapen në zona të ndryshme të Tiranës, funksionojnë paralelisht edhe zyrat pranë njësive administrative, ku gjithashtu qytetarët mund të aplikojnë për karta dhe pasaporta identiteti.

Erion Veliaj: Në punë 4-5 minuta mbaron i gjithë procesi për marrjen e kartës së identitetit. Dua t’i ftoj të gjithë qytetarët, t’i japim prioritet atyre që janë të moshuar, atyre që udhëtojnë, emigrantëve, ngaqë dokumenti iu duhet jo vetëm në Shqipëri, por edhe në vendet e tjera, ku shtyrja e afatit nuk vlen. Ndaj, ftesa për të gjithë banorët është të mos humbasim kohë.

Zëvendësministrja e Brendshme, Rovena Voda, vlerësoi bashkëpunimin mes pushtetit vendor, Ministrisë së Brendshme dhe kompanisë ALEAT, për të krijuar kushte sa më të mira për aplikimet për dokumentet biometrike të identifikimit./abcnews.al

Veliaj-ne-zyrat-e-ALEAT-qe-sherbejne-per-banroet-e-Njesie-1-dhe-2-1-1280x854.jpg
G. P.13:53 | 06/02/2019

Një zyre e re hapi dyert për qytetarët e Tiranës, të cilëve iu ka përfunduar afati i përdorimit të kartave të identitetit dhe pasaportave. Kryebashkiaku Erion Veliaj i inspektoi bashkë me zëvëndësministren e Brendshme, Rovena Voda.

Banorët e Njësisë Administrative 1 dhe 2 në Tiranë nga e mërkura mund të aplikojnë për kartat e identitetit dhe pasaportat biometrike, në mjediset e reja, çelur pranë shkolles “1 Maji”. Kryebashkiaku Erion Veliaj ftoi qytetarët të aplikojnë pa ardhur vera, kur në sportele parashikohet një fluks i shtuar për shkak të ardhjes së emigrantëve pavarësisht zgjatjes së afatit të vlefshmërisë së këtyre dokumenteve.

“Vërtet mund ta shtyjmë afatin e kartës deri në 2019, por jashtë Shqipërisë gjërat duhet të jenë të vlefshme, ndaj për të gjitha këto arsye, tani që është relaksuar situata në pjesën më të madhe të Tiranës, dua të ftoj qytetarët që ta përdorin këtë mundësi. Ka shumë pak radhë, gocat e çunat që punojnë këtu janë jashtëzakonisht miqësorë e efiçentë, në punë 4-5 minutash mbaron një detyrim që mbi të gjitha të vlen ty si qytetar. Pra, s’ka panik për t’u shtyrë, por ka mjaftueshëm hapësirë që punën e sotme të mos e lëmë për nesër dhe të marrim kartën e identitetit”.

Krahas aplikimit për karta identiteti Veliaj i bëri thirrje qyetarëve të verifikojnë emrin në listat e zgjedhësve pranë njësive administrative.

“Duke qenë se është një proces tjetër që për herë të parë kjo administratë e Bashkisë së Tiranës do të sigurohet për mbarëvajtjen e zgjedhjeve, nuk duam që të ketë votime nëpër lokale apo në ambiente private”.

Sipas zëvëndësministres së Brendshme, kartat e reja të identitetit kanë cilësi shumë më të lartë dhe elemente sigurie shtesë krahasuar me dokumentet e lëshuara më herët./abcnews.al

rovena-voda-1.jpg
G. P.21:58 | 29/01/2019

Zv/ministrja e Brendshme, Rovena Voda, u shpreh në emisionin “Provokacija” nga Msutafa Nano se Shqipëria është një vend tranzit i trafiqeve. Kjo sipas saj vjen për shkak të pozitës gjeografike. Të njëjtën problem e kanë edhe Spanja apo vendet tona fqinje. Në këtë mënyrë ajo i ktheu përgjigje një shkrimi të publikuar në mediat britanike ku Shqipëria konsiderohet si një nga qendrat e drogërave të forta.

“Shqipëria në fakt është një vend tranzit i emigracionit. Ka refugjatë që vijnë në Shqipëri, por nuk e shohin Shqipërinë si destinacionin final. Të gjitha vendet e Ballkanit Perëndimor që janë prekur nga emigracioni vitet e fundit. Çdo vend që ka një pozitë gjeografike si Shqipëria, pra një vend i Mesdheut që laget nga dy dete, që për shkak të pozicionit gjeografik gjithmonë është një vend i lakmuar, sepse e thashë që krimi është gjithmonë një hap para, Shqipëria mund të jetë vend tranzit për të gjitha llojet e trafiqeve. Të thuash vend kryesor për mua është dashakeqëse. Për të gjitha shkrimet që kam lexuar apo raportet e organizatave ndërkombëtare pranohet botërisht që Turqia njihet si një vend që është tranzit i drogërave të forta. Nuk është thënë kurrë për Shqipërinë në raporte serioze që është vend kryesor, se të thuash është vend kryesor realisht vihet në pikëpyetje çfarë bën qeveria, çfarë bën Ministria e brendshme. Por që është vend tranzit nuk i shmanget as Greqia që është vendi ynë fqinj në BE, por nuk i shmanget as Italia as edhe Spanja se e dimë që është një vend tranzit i kokainës apo drogërave të forta që shkojnë më pas në Britaninë e Madhe. Të thuash që është vend kryesor kjo është një fjali e padrejtë dhe shumë e rëndë për t’iu faturuar qeverisë shqiptare”, tha zv/ministrja.

Më tej, zv/ministrja u shpreh se Shqipëria ka pasur rritje të bashkëpunimit ndërkombëtar policor mes vendeve fqinje dhe atyre që janë larg nesh gjografikisht.

“Jam shumë kritike sepse po mundohem të flas me objektivitet çfarë ne po bëjmë në kuadër të rritjes së kontrollit kufitar dhe goditjes së grupeve kriminale dhe do dal te një gjë tjetër pse. Shqipëria ka pasur vitet e fundit një rritje të shkëlqyer të bashkëpunimit ndërkombëtar policor edhe me vendet fqinje, me Italinë historikisht. Por një marrëdhënie shumë të mirë edhe me shtetin grek. Ka pasur protokolle dhe marrëveshje edhe me vendet tona fqinje që nuk janë pjesë e BE-së, por që nuk është çudi që krimi lëviz edhe në ato vende. Rritje të bashkëpunimit ndërkombëtar me vende që janë larg nesh, siç është Franca, Belgjika, Holanda, pse jo dhe Britania e Madhe. Në një kohë që krimi vepron ndërkombëtarisht lind detyrë edhe e autoriteteve britanike, por edhe mediave britanike të reflektojnë se duhet më shumë proaktivitet nga të gjitha agjencitë ligjzbatuese të këtyre vendeve që të bashkëpunojnë me Shqipërinë për dosje dhe informacione që kanë për të luftuar krimin”, u shpreh ajo./abcnew.sal

rovena-voda.jpg
G. P.21:43 | 29/01/2019

Disa ditë më parë një nga mediat më të rëndësishme në Britaninë e Madhe, The Independent, publikoi një artikull në të cilën Shqipëria konsiderohej si një nga qendrat e trafikut të drogërave të forta dhe të lehta. Zv/ministrja e Brendshme, Rovena Voda, ishte e ftuar në emisionin “Provokacija” dhe u tregua kritike ndaj këtij shkrimi.

Ajo theksoi se gjatë një takimi që kishte pasur në Britani, vetë agjencitë ligjzbatuese ia kishin pohuar se ishin vetë britanikët përsa i përket statistikave që janë të parët në aktivitete kriminale.

“Unë kam pasur në fund Shtatori në fillimi Tetori një vizitë në Home Office në Britani. Në fakt unë jam koordinatore kombëtar në luftën kundër qënieve njerëzore, por atje pata një takim dhe me përfaqësues të agjencive të tjera. Dhe një nga agjencitë tepër të njohura është dhe NCA, Agjencia Kombëtare e Krimit dhe në fakt nga bisedat që patëm aty, sigurisht që ishin të mbyllura, ata pranuan që ata flasin për trafikim të qenieve njerëzore, flasin për shqiptarë trafikantë, por jemi ne britanikët. Pra ne britanikët jemi të parët edhe përsa i përket përqindjeve në trafikimin e qenieve njerëzore, po edhe përsa i përket në aktivitete të tjera kriminale. Kjo gjë në fakt nuk thuhet me zë të lartë dhe shpeshherë vihet gishti në të ardhurit apo po themi migrantët siç janë shqiptarët dhe bëhet shumë e dëgjuar. Ndërkohë që ata e pranon vetë që shiko se jemi ne, jemi britanikët”, tha Voda.

Shpeshherë mediat angleze kanë shkruar gjithashtu se grupet kriminale shqiptare kontrollojnë aktivitetet e paligjshme në Londër dhe në qytete të tjera. Por për Vodën, shtypi britanik nuk merr parasysh se bandat nuk veprojnë si entitete të izoluara dhe se shpesh i referohen vetëm si grupe kriminale shqipfolëse, ç’ka do të thotë që nuk mund të mos jenë nga Republika e Shqipërisë.

“Duhet edhe një gjë që patjetër shtypi britanik duhet ta ketë në konsideratë. Bandat asnjëherë nuk veprojnë si entitete të izoluara dhe sa herë ka pasur goditje të grupeve kriminale me shtrirje ndërkombëtare nuk ka pasur shqiptarë, por po të dëgjosh statistikat thuhet 3 shqiptarë, dy grekë, pesë italianë, dy shqiptarë. Krimi në fakt merret vesh mirë me njëri-tjetrin. Shtypi britanik bën mirë që të bëjë një analizë më të hollësishme dhe mos të kalojë në këto deklarata që hedhin baltë vetëm në një etni të caktuar. Po them etni sepse shpeshherë flitet për shqiptarë sepse ndoshta ndonjëherë nuk janë shtetas të Republikës së Shqipërisë. Kemi edhe profile të grupeve kriminale që ata i quajnë shqipfolëse. Ato mund të jenë nga vende të tjera, por që flasin shqip siç është Kosova, Maqedonia apo Mali i Zi. Unë mendoj që është një ndërmarrje dhe pak e guximshme e një gazete, sigurisht gazetarët kanë të drejtë të shkruajnë, të shprehin mendimet e tyre bazuar edhe në disa statistika, por që të dalësh në një lloj panorame dhe të thuash kjo është gjendja është e vështirë sepse kërkon një analizë të thellë dhe unë e them edhe njëherë që krimi nuk është i izoluar por kriminelët merren vesh shumë mirë dhe bashkëpunojnë bashkë”, tha Voda./abcnews.al

roverna-voda.png
G. P.13:01 | 10/10/2018

Zëvendësministrja e Brendshme, Rovena Voda, ka dhënë shpjegime për vendimin më të fundit të qeverisë mbi ndryshimin e ligjit për lojrat e fatit. Në studion e ABC Neës zëvendësministrja ka deklaruar se një pjesë e këtij biznesi është lidhur me krimin e organizuar dhe se nuk do t’i shpëtojnë operacionit Forca e Ligjit.

“Pavarësisht arsyeve ekonomike dhe këtu mund të përmend për shembull 54 milionë dollarë taksa nga bastet që janë përfituar vetëm nga viti i kaluar, apo punësimi në fakt që ky aktivitet gjeneron është e provuar  nga ana jonë se shumë nga fitimet e këtij aktiviteti sponsorizojnë krimin e organizuar dhe lehtësojnë aktivitetin kriminal të pastrimit të parave, kështu që duke pasur të dhëna të tilla na është dashur që ne të kundërpërgjigjemi. Ne e dimë, jemi dëshmitarë të faktit që qendrat urbane shpesh janë të mbipopulluara nga prezenca e kazinove apo dhe pikave të basteve dhe këto do zhvendosen në periferi të qytetit. Sigurisht do ketë edhe mbyllje të pikave të basteve nëse nuk do të mund të plotësojmë kriteret për vendosje, por kjo është një procedurë që i takon edhe Ministrisë së Ekonomisë dhe Financave. 31 Dhjetor nuk do të lejohet të punojë më asnjë sallon apo pikë basti si dhe asnjë kazino pranë qendrave të banuara. Ky është rregulli i vendosur, pranë qendrave të banuar. Pra do të zhvendosen në periferi”, u shpreh Voda./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono