ronaldo

Messi-1-1280x720.jpg
Veronik Istrefaj17:34 | 03/12/2019

Lionel Messi ka pranuar se kur Ronaldo fitoi për herë të pestë “Topin e Artë”, i kishte ardhur inat. Në një intervistë ekskluzive për “FranceFootball”, ylli argjentinas foli hapur, ku më shumë u ndaluar te rivaliteti me Cristiano Ronaldon.

“Isha shumë i lumtur kur kisha pesë “Topa të Artë”, isha i vetmi që e kisha arritur një rekord të tillë. Por kur Ronaldo më barazoi, kisha inat me veten. Nuk mund ta pranoja diçka të tillë dhe e pashë si motivim për të arritur numrin gjashtë.

Sot, kam gjashtë “Topa të Artë” dhe jam shumë i lumtur. A jam unë futbollisti më i mirë i të gjitha kohërave? Vështirë për t’u thënë, pasi çdo njeri ka mendimin e tij”, përfundoi Messi./abcnews.al

Ronaldo-Van-Dijk-Katia-Aveiro-1280x720.jpg
Veronik Istrefaj16:53 | 03/12/2019

Gazetari i njohur italian, Tancredi Palmeri, ka publikuar në Twitterin e tij replikën e motrës së Cristiano Ronaldos ndaj Virgil Van Dijk.

Pasi e ka analizuar me kujdes, Palmeri ka dalë në konkluzionin se ka qenë vetë Cristiano Ronaldo që i është përgjigjur mbrojtësit holandez, me adresën e motrës së tij.

“Pa shikoni, pa shikoni. Të gjithë e dini se motra e Cristiano Ronaldos postoi në Instagram një përgjigje ndaj Vigil Van Dijk, por…

A ishte me të vërtetë motra e Cristianos ajo që e shkroi? Apo vetë Cristiano Ronaldo? Para se të shikoni postimin që është publik, është publikuar më parë një postim që është fshirë menjëherë, kur lexohet që Ronaldo i referohet vetes në veten e parë. E çuditshme…”/abcnews.al

Ronaldo-Sarri-1.png
Veronik Istrefaj18:04 | 25/11/2019

Situata te Juventusi nuk duket aspak e mirë. Edhe pse brenda fushës së lojës rezultatet pozitive nuk kanë munguar, janë problemet jashtë fushave që shqetësojnë në kampin bardhezi, sidomos “krisja” e Cristiano Ronaldos me trajnerin Sarri.

Tekniku italian e pati zëvendësuar disa herë yllin portugez, por në takimin kundër Milanit, shpërtheu gjithçka. Ronaldo nuk e priti mirë atë zëvendësim në minutën e 52-të dhe iu drejtua menjëherë dhomave të zhveshjes. CR7 nuk luajti as në takimin ndaj Atalantës, për shkak se u rikthye vonë nga ndeshjet me kombëtaren.

Megjithatë, kjo nuk duket të jetë arsyeja, pasi Ronaldo ka vazhduar stërvitjen në normalitet. Madje, sot ka pasur dhe një debat me Mauricio Sarrin. Pas disa shkëmbimeve fjalësh, ylli portugez i ka kthyer shpinën trajnerit italian, gjatë kohës që ku i fundit po fliste ende./abcnews.al

2
1
3
Sarri-Ronaldo-1280x720.jpg
Veronik Istrefaj16:56 | 24/11/2019

Mauricio Sarri dhe Cristiano Ronaldo nuk kanë marrëdhënie të mira me njëri-tjetrit, sidomos kohët e fundit, kur ylli portugez është zëvendësuar dy herë nga strategu italian.

Sarri vazhdon të thotë publikisht se nuk ka asnjë problem me Cristiano Ronaldon, por “krisja” mes dy palëve është e dukshme.

Si pasojë, Sarri po tenton të rregullojë raportet me yllin portugez dhe për t’ia arritur qëllimit, është gati të “kopjojë” Zinedine Zidane.

Sipas Gazzetta Dello Sport, ka pasur një takim mes Sarrit dhe Ronaldos, aty ku trajneri italian i ka treguar planin e tij. Sipas Sarrit, Ronaldo duhet të pushojë në disa ndeshje më pak të rëndësishme, në mënyrë që të japë maksimumin në ndeshje të mëdha.

Këtë gjë e ka bërë dhe Zidane me Ronaldon, por që ylli portugez të zëvendësohet kundër Milanit kur ndeshja është 0-0, ngre disa hije dyshimi mbi Sarrin./abcnews.al

Sarri-Ronaldo-1280x720.jpg
Veronik Istrefaj21:23 | 23/11/2019

Pas ndeshjes së fituar 1-3 përballë Atalantës, foli trajneri i Juventusit, Mauricio Sarri, i cili i thuri elozhe të tijve dhe u shpreh shumë i lumtur për rezultatin e arritur.

Atalanta kaloi e para në epërsi, por Juventusi përmbysi gjithçka, falë Gonzalo Higuain që shënoi dy herë dhe Paulo Dybala. Në analizën e tij, Sarri tha: “Ishte një lojë e mirë me shumë intensitet. Pavarësisht se dominuam që në sekondat e para, u ndëshkuam dhe skuadra filloi të humbiste fokusin. U rimblodhëm dhe arritëm të reagonim. Ishte një përmbysje që e prisja dhe kjo fitore ishte mëse e merituar.

Ronaldo? Shpresoj se ai do të kthehet për ndeshjen e Champions League në mesjavë”. Juventus do të përballet të mërkurën ndaj Atletico Madrid në UEFA Champions League. /abcnews.al

Sarri-1280x853.jpg
Veronik Istrefaj10:55 | 22/11/2019

Mauricio Sarri ka qenë i pranishëm në konferencë për shtyp para sfidës së fundjavës kundër Atalantës. Trajneri i Juventusit foli për kundërshtarin, duke iu thurur elozhe. Gjithashtu, strategu italian u ndal edhe te “krisja” e tij me Cristiano Ronaldon.

SQARIMI ME RONALDON – “Nuk ka pasur nevojë për sqarim. Unë kam stërvitur lojtarë që në vitet ’90 dhe kam parë shpeshherë reagimë të tilla. Nuk ka asnjë problem. Problemi është se Ronaldo ka një dëmtim dhe ka kryer stërvitje të veçantë. Nesër, me 99% nuk luan”.

ATALANTA – “Është një skuadër me një nivel të lartë agresiviteti, me kualitet shumë të mira teknike dhe janë ndër ekipet me të forta në Serie A. Një skuadër e fortë, e vështirë për t’u thyer, por ne i kemi mundësitë. Është e rëndësishme që të marrim tre pikët, por nuk do të jetë aspak e lehtë”, tha mes të tjerash Sarri./abcnews.al

Ronaldo.jpeg
Veronik Istrefaj22:00 | 20/11/2019

Pas seancës së sotme stërvitore te skuadra e Juventusit, disa lojtarë janë duke luftuar me kohën që të rikthehen në 100% e tyre para sfidës së fundjavës, përballë Atalantas në transfertë.

Shumica e futbollistëve të “Zonjës” janë në formë optimale për këtë sfidë, por ka pasur edhe disa stërvitje individuale. Pjanic, i cili u largua më herët nga grumbullimi me Bosnjën, u stërvit veçmas grupit. Rabiot nuk u stërvit fare, pasi vazhdon të ketë probleme në këmbën e tij të majtë.

Ndërkohë, Ronaldo bëri disa seanca individuale pas rikthimit nga grumbullimi me Portugalinë. Alex Sandro vazhdon të kryejë stërvitje me dyer të mbyllura në ambientet e “J Medical” dhe me shumë gjasa, nuk do të jetë i gatshëm në fundjavë./abcnews.al

ronaldo-sarri.png
Veronik Istrefaj17:31 | 15/11/2019

Cristiano Ronaldo do të takohet menjëherë me drejtuesit e Juventusit, sapo të rikthehet nga grumbullimi me Portugalinë. Ylli portugez nuk e priti mirë zëvendësimin e tij në ndeshjen kundër Milanit (55’) dhe u largua menjëherë drejt dhomave të zhveshjes, duke e parë dhe në mënyrë të ashpër teknikun Sarri.

Ky nuk është incidenti i parë mes Ronaldos dhe Sarrit kur ylli portugez është zëvendesuar dhe drejtuesit e Juventusit, kanë vendosur të ndërhyjnë. Sapo Ronaldo të rikthehet, do të ketë një takim mes Paratiçit, Nedved dhe vetë Cristiano Ronaldos.

Ronaldo luajti mbrëmë 84 minuta me Portugalinë në sfidën kundër Lituanisë, duke shënuar tre gola, tripleta e tij e 55-të në karrierë./abcnews.al

Casillas.jpg
Vladimir Prenga15:59 | 15/11/2019

Iker Casillas, para pak kohësh bëri një sugjerim në lidhje me VAR-in. Portieri i njohur mendon se te monitori duhet të qëndrojë edhe një ish-lojtar, që të flasë me arbitrin në momentin e vendimit.

Tashmë spanjolli kaq diçka për të thënë në lidhje me çmimet individuale për futbollistët. Casillas vë në dukje absurditetin më të madh që mund të ndodhë me “Topin e Artë”.

“Van Dijk ishte lojtari më i mirë sipas UEFA-s. Messi ishte lojtari më i miri për FIFA-n. Imagjinoni: Cristiano (meritat janë të tijat) të fitojë ‘Topin e Artë’. Më duket se udhëzimet që ndjekim në futboll për të dhënë çmime nuk kanë shumë logjikë, apo jo? Reflektim i së premtes”, shkruan Casillas në llogarinë e tij në Twitter. /abcnews.al

Rodrygo.jpg
Veronik Istrefaj23:35 | 13/11/2019

Rodrygo Goes pranoi se ishte i pafat për faktin që ai kurrë nuk pati mundësinë të luante përkrah Cristiano Ronaldos te Real Madrid. 18-vjeçari ka bërë një start të shkëlqyer në Santiago Bernabeu që kur arriti nga Santos, në një marrëveshje 45 milionë euro. Rodrygo tashmë ka filluar të krahasohet me Ronaldon, i cili shënoi 450 gola për “Los Blancos”.

Për krahasimet me Ronaldon dhe disa tema të tjera, Rodrygo tha: “Të jesh në gjendje të luash përkrah Cristiano Ronaldos në Real Madrid ishte një ëndërr e imja dhe më vjen shumë keq që ai u largua. Unë jam ende një lojtar shumë i ri për të qenë zëvendësuesi i dikujt si Cristiano Ronaldo, i cili është një nga lojtarët më të mëdhenj në historinë e klubit”.

Rodrygo shënoi brenda 93 sekondash në debutimin e tij në Madrid në fitoren 2-0 në La Liga kundër Osasuna, si dhe shënoi një tripletë në fitoren 6-0 të javës së kaluar ndaj Galatasaray në Champions League./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono